གསུང་དང་ལད་མོ་སོ།

Comments (14) on “གསུང་དང་ལད་མོ་སོ།”

1. ཨ་མདོའི་ཁོག་དཔུང་བཟུང་ནས།
   ཟ་ལེ་གྲོང་ནས་ཐོན་བྱུང་།
   སྤེན་པས་གསར་སྤྱི་རྡུང་པ།
   ཐོས་པས་གླུ་ཁ་བསྒྱུར་སོང་།

2. གསལ་ལེ་རྒྱལ་གྱིས་གླུ་དབྱངས་ཡག་པོ་ཅིག་འབུལ་སོང་། གསུང་དང་ལད་མོ་སོ།

3. གསུང་དང་ལད་མོ་སོ་འོ།
   གསུང་དང་ལད་མོ་སོ།

   བཙན་བྱོལ་བོད་པའི་ཡུལ་ལ།
   མི་རྫུན་བློ་བཟང་སེང་གེ
   ཁ་ནས་ཁེས་ལེན་བྱེད་བཞིན།
   ལྐོག་ཟ་རུལ་སུངས་བྱས་འདུག

   གསུང་དང་ལད་མོ་སོ་འོ།
   གསུང་དང་ལད་མོ་སོ།

   ང་ཚོ་བོད་མིའི་རྣམས་ལ།
   ཚང་མའི་སྙིང་རེ་རྗེ་རོགས།
   སྲིད་སྐྱོང་གཅིག་ལས་མི་དགོས།
   བློ་སེང་བརྟན་ནས་མི་འདུག

   གསུང་དང་ལད་མོ་སོ་འོ།
   གསུང་དང་ལད་མོ་སོ།

4. ༼བློ་བཟང་སེང་གེའི་ཞབས་བྲོ་དང་། དེར་མང་ཚོགས་ཀྱི་བློ་ཕམ་བསམ་ཚུལ་དྲ་ཐག་གཤམ་གྱི་འདི་ལ་གཟིགས་རོགས།༽

   https://www.facebook.com/geshe.choephel/posts/798146473622962

   https://www.facebook.com/jigme.dhakpa.3/posts/199428210413618

5. གོང་དུ་ཁུ་བྱུག་མིང་ཅན་གཞན་དེ་ནི་གུས་པ་མིན་ནོ། །དྲྭ་བདག་ཏུ་གསོལ་རྒྱུར། མིང་འདྲ་ཡོང་དོན་གང་ཡིན་ནམ། གལ་ཏེ་བཅོས་སུ་ཡོད་ན་ཆོས་གནང་མཛོད།

6. གསུང་དང་ལད་མོ་སོ་འོ།
   བོད་ལ་སྲིད་སྐྱོང་དགོས་ལ།
   བློ་བཟང་སེང་གེ་མི་དགོས།
   སོ་ཡ་ལ།

7. མིང་ཅི་བཏགས་རང་དབང་ཡིན།
   མིང་འདྲ་ན་ལས་དབང་རེད།

8. སྲིད་སྐྱོང་ལོ་རྒྱུས་དེབ་རྒན།
   ད་དུང་བྲིས་གྲུབ་མ་བྱུང་།།
   དེ་འདྲའི་བར་ཆད་ཐོན་ན།
   ང་རང་སེམས་པ་སྐྱོ་ཨང་།།

   བྱས་རྗེས་བྱིའུ་ཏིའི་རྟུག་པ།།
   བྲིས་ན་རིན་ཐང་མི་འདུག།
   ཁ་དགེ་གཞན་ལས་རྐུས་ན།།
   མི་ཡིས་ཆ་འཇོག་ཨེ་གནང་།།

   ལོ་ལྔ་ལག་ལ་ཡོང་རུང་།།
   འཆར་གཞི་སྟོང་པ་དེ་ཚོས།།
   ང་དང་ཧྭཝར་ལག་འཁྱེར།།
   བརྡ་སའི་རྡུལ་ལ་བཅུག་སོང་།།

   མཐོང་ལ་ཆ་འཇོག་མེད་པའི།།
   བོད་མི་སྤྲང་མགོ་འདི་ཚོར།།
   ག་རེ་བཅས་ན་དགའ་བྱུང་།།
   ག་བཤད་ན་དགའ་བྱུང་།།

   ཆོལ་ཞེན་དམགས་ལ་བཀུག་ན།
   རེ་ཡོད་འགྲོ་བསམ་རུང་།།
   མོང་ངན་གླང་ལ་ཤོར་ན།།
   ཨ་ཕོ་བསམ་པ་སྐྱོ་ཨང་།།

9. སྤེན་ཚེ་ལག་དམར་རེད་ཟེར།།
   བློ་སེང་མཁས་དབང་ཡིན་ཟེར།།
   སྐྱོན་དང་ཡོན་ཏན་གླེང་མཁན།།
   བློ་སེང་ཕྱོགས་ནས་ཕེབས་སོང་།།

   དང་པོ་འཇུ་ཆེན་གླེན་པ།།
   གཉིས་པ་བསོད་ནམས་སྟོབས་རྒྱལ།།
   གསུམ་པ་གྲ་གཟུགས་ཐ་མ།།
   བསྟན་པ་ཡ་འཕེན་ཁོ་རེད།།

   གསུང་དང་ལེ་མོ་འཁྲབ་སོང་།།
   དྲ་རྒྱའི་ནང་ལ་ཁྱབ་སོང་།།
   སྐུ་ངོའི་གདོང་རིས་འགྱུར་སོང་།།
   སེམས་ཁྲལ་སྣོན་མ་སླེབ་སོང་།།

   ཐབས་ཅིག་མེད་ན་མི་འགྲིག།།
   ཐབས་ཤེས་གང་ཡོད་གསུངས་པས།།
   མ་བྱན་ངར་ནས་སླེབ་སོང་།།
   རྫུན་ཐོག་རྫུན་སྒྲིག་བྱས་སོང་།།

   ཨ་ཧོ་མ་བྱན་སྙིང་རྗེ།།
   འགྲོ་ས་དམྱལ་བའི་མཐིལ་རེད།།
   སྐྱག་རྫུན་གཅིག་བཤད་གཉིས་བཤད།།
   གཞན་གྱི་བཙན་བཀའ་ཡིན་འགྲོ།།

   ཁ་སང་བཤད་པའི་གཏམ་དེ།།
   དེ་རིང་སེམས་ཁྲལ་ལོས་ཡིན།།
   ཕན་ཐོགས་མེད་པའི་སྐྱག་རྫུན།།
   ཁས་ལེན་བྱེད་མཁན་སུ་ཡོད།།

   ཤི་དེ་དམྱལ་བའི་ཡུལ་ལ།།
   བློ་སེང་ཕེབས་ཀྱང་མི་ཕན།།
   རྒྱལ་བ་ཡིད་བཞིན་ནོར་བུ།།
   གཙུག་གི་ནོར་དུ་སྒོམ་རོགས།།

   ཁམས་པས་ཁམས་ཞེན་བྱས་ཀྱང་།།
   ལས་ངན་རང་གིས་བསགས་ཡོད།།
   སྤེན་ཚེ་གར་འགྲོ་གར་སྡོད།།
   ཁྲམ་བཤད་བྱས་ཀྱང་མི་ཐུབ།།

   དབུས་གཙང་ཉི་མ་ལྷ་ས།།
   དམ་ཆོས་དར་བའི་གནས་རེད།།
   འགྲོ་བ་བརྒྱ་ཕྲག་སྟོང་ཕྲག།།
   ཆོས་དད་ཅན་གྱི་མི་རེད།།

   མཐའ་འཁོབ་མུན་པའི་གླིང་ལ།།
   ཀླ་ཀློ་གླེན་པ་རྐྱང་རྐྱང་།།
   རྫུན་གྱི་ཁུག་མ་མིན་པ།།
   རྒྱབ་ལ་འཁྱེར་རྒྱུ་མི་འདུག།།

   བཙན་བྱོལ་ལོ་རྒྱུས་དཀར་པོ།།
   རྫུན་གྱིས་ནག་པོ་བཟོ་མཁན།།
   མིག་དང་རྣ་བ་ཅན་གྱི།།
   བོད་མིས་སྔར་ནས་ཤེས་ཡོད།།

   འཇུ་ཆེན་གྲོངས་ནས་ལོ་འགའ།།
   བསྟན་ཡར་གྲ་གཟུགས་ངོ་ཚ།།
   འབའ་སྐལ་ངོ་ཚ་མེད་པ།།
   ཁྱི་རྒན་རྗེས་ལ་སྙེག་སོང་།།

   ཡ་རབས་ཟེར་ཡང་ཅི་ཕན།།
   མ་རབས་རང་གིས་བྱས་སོང་།།
   ཡིན་མདོག་བྱས་ནས་ཅི་ཕན།།
   རྫུན་རྐུབ་ཞར་ལ་བརྡོལ་སོང་།།

   རྒྱ་དངུལ་བཟས་ནས་མ་རྒྱག།།
   དཀྲོག་གཏམ་བཤད་ནས་མ་ངོམ།།
   དུས་འཁོར་དབང་ཆེན་ཞུས་པ།།
   ཆུ་སྒང་རྙིང་པས་གཏོར་སོང་།།

   རེ་བ་ཆུ་ལ་བསྐུར་བ།།
   སྐུ་ངོ་སྤེན་ཚེ་མ་རེད།།
   ཆུ་སྒང་གསར་རྙིང་བར་ལ།།
   རྙོག་དྲ་བཟོ་མཁན་སུ་རེད།།

   མཚན་ཉིད་རྒན་ལགས་བཀྲོངས་སོང་།།
   བོད་མིའི་སེམས་ལ་གནོད་ཡོད།།
   རྫུན་གྱིས་རྒྱལ་ཁམས་དཀྲུག་མཁན།།
   ཁྱོད་རང་མིན་ན་སུ་ཡིན།།

   ཧ་ཧཧཧཧཧཧཧཧཧ། ཀུ་རེ་ཡིན།

10. མི་མཐོང་དགུ་མཐོང་མཐོང་སོང། མི་སྐྱའི་སྲིད་སྐྱོང་མཐོང་སོང་། མི་ཆོས་ཡ་རབས་མ་གོས། ལྷ་ཆོས་དྲི་མས་མ་གོས། གསུངས་སང་ལེགས་མོ་གསུངས་དང་། མི་བྱེད་དགུ་བྱེད་བྱས་སོང་། གྲོགས་པོ་དོན་གཅོད་བསྐོས་སོང་། འཕྲོད་བཀའི་ནག་ཉེས་བཀབས་སོང། བོད་ཡིག་མཐོང་ཆུང་བྱས་སོང། ཁང་རིན་སྔོན་ལ་སྤྲད་སོང་། ཁུངས་བསྐྱེལ་ཡིག་ཆ་མི་འདུག ཁམས་པ་དཔུང་སྒྲིག་བཟོས་སོང་། ཚོགས་གཙོ་ནག་པོ་བཟོས་སོང་། རྒྱལ་བའི་དབུ་སྐོར་ཞུས་སོང་། མི་མང་མགོ་སྐོར་བཏང་སོང། རོ་ཐོག་ཞབས་བྲོ་འཁྲབ་སོང། ཆོལ་གསུམ་དུམ་བུར་བཏང་སོང་། བཀའ་བློན་བུམ་དུར་བཏང་སོང་། གསུང་དང་ལ་མོ་དེ་ཚོ། གསུང་དང་མ་གསུང་མི་འདུག། ལན་ཅིག་ཞལ་རོག་བཞུགས་དང་། ང་ཚོར་དགོས་པའི་སྲིད་སྐྱོང་། ཆོས་སྲིད་གཉིས་ལྡན་དགོས་ཡོད། ཡ་རབས་ཚུལ་མཐུན་དགོས་ཡོད། ཁ་ཡོད་ལག་ཡོད་དགོས་ཡོད།

11. http://www.tibetanconnect.com/rfa-tibetan
    སྤེན་ཚེ་རྒྱལ་གྱུར་ཅིག

12. སྤེན་ཚེའི་གསེར་གྱི་ཁུ་ཚུར།
    གནམ་ལྕགས་ཐོག་དང་འདྲ་བ།
    རྒྱ་ཐའི་ཟངས་ཀྱི་འགྲམ་རུས།
    ཐོ་བའི་རྡུང་རྡུང་རེད་ཟེར།

    དཔའ་རྒོད་སྤེན་ཚེའི་ཁུ་ཚུར།
    གནམ་ལ་ཕྱར་ཕྱར་བྱས་དུས།
    ཉམ་ཆུང་རྒྱ་ཐའི་ཁ་ནས།
    ཁྱི་སྐྱག་ཟེར་ནས་ཤོར་འདུག

13. གསུངས་དང་ལེགས་མོ་སོ།་་་་་་་་་་་

    སྤུན་ཟླའི་ནང་འཁྲུག་ནང་ལ།།
    ཞུགས་མཁན་མི་འདུག་མ་གསུངས།།
    ཕན་ཚུན་ཕ་རོ་མ་རོ།།
    ནང་འཁྲུག་མིན་ན་གང་རེད།

    གསུངས་དང་ལེགས་མོ་སོ་་་་་་་

    མཐུན་ལམ་གཏོར་བཤིག་གཏོང་མཁན།།
    ང་ཚོར་མི་འདུག་མ་གསུངས།།
    ཆོལ་ཁའི་རྩོད་རྙོག་སློང་མཁན།།
    གཏོར་བཤིག་མིན་ན་གང་རེད།།

    གསུངས་དང་ལེགས་མོ་སོ།་་་་་་

    དགྲ་ལ་མཐུན་འགྱུར་གནང་མཁན།།
    ང་ཚོར་མི་འདུག་མ་གསུངས།།
    སྤུན་ཟླའི་དམ་ཚིག་བཤིག་པ།།
    མཐུན་འགྱུར་མིན་ན་གང་རེད།།

    གསུངས་དང་ལེགས་མོ་སོ་་་་་་
    གསུངས་དང་ལེགས་མོ་་་་
    གསུངས་དང་་་་་་་་
    གསུངས་་་་་་་

14. འཇུ་ཆེན་ལྐོག་མདའ་འཕངས་ནས།།
    ཕྱི་མའི་འཕྲང་ལ་བྲོས་སོང་།།
    འབྲོ་སའི་ལམ་ཁ་ནོར་སོང་།།
    འཇིགས་རུང་གཤིན་རྗེའི་འགག་རེད།།
    གསུངས་དང་ལེ་མོ་སོ་འོ།།

    དེབ་འཕྲེང་ཉི་ཤུ་རྩ་གཉིས།།
    རྫུན་གྱི་འཁོར་ལོར་གྱུར་སོང་།།
    མི་ཚེའི་ཕྱེད་ལ་བྲིས་པའི།།
    ངལ་བ་ཆུད་ཟོས་ཕྱིན་སོང་།།
    གསུངས་དང་ལེ་མོ་སོ་འོ།།

    སྟོབས་རྒྱལ་བསྟན་ཡར་འབའ་སྐལ།།
    གཅིག་རྗེས་གཉིས་དཔུང་བསྒྲིགས་སོང་།།
    རྫུན་ནི་རྫུན་རང་ཡིན་པས།།
    མཐའ་མ་ཕམ་ཁ་ཉོས་སོང་།།
    གསུངས་དང་ལེ་མོ་སོ་འོ།།

    བློ་སེང་གསུངས་དང་ལེ་མོའི།།
    གླུ་གཞས་ལེན་ས་ནོར་སོང་།།
    རྒྱལ་གཅེས་དཔའ་བོའི་གཅེས་སྲོག།
    མེ་ལ་འཚིག་ཉིན་ཡིན་སོང་།།
    གསུངས་དང་ལེ་མོ་སོ་འོ།།

    སྲིད་སྐྱོང་བྱས་རྗེས་ཡིན་ཞེས།།
    གནམ་བསྒྲགས་ས་བསྒྲགས་བྱས་ཚད།།
    ཉི་མ་གཅིག་གཉིས་རེ་ནས།།
    རྫུན་རྔ་གཅིག་འབུད་གཉིས་འབུད།།
    གསུངས་དང་ལེ་མོ་སོ་འོ།།