དཀོན་མཆོག་དབང་འདུས་ཨབ་ཕྱི།
དང་པོ།
བཙན་བྱོལ་བོད་མིའི་མང་གཙོ་ནི་གྲོས་ཚོགས་ལམ་ལུགས་ཅན་གྱི་མང་གཙོ་ཡིན་པ་གང་ཞིག་ལ་གཞུང་འཛིན་ཚོགས་པ་དང་ཁ་གཏད་ཚོགས་པ་ཡོད་པའི་མང་གཙོ་མིན།
གྲོས་ཚོགས་གཅིག་གིས་གཞུང་འཛིན་དང་ཁ་གཏད་ཀྱི་གོ་གཉིས་ཆོད་བྱེད་དགོས་ཀྱི་ཡོད། གཞུང་འཛིན་ཚོགས་པ་དེ་ཁ་གཏད་ཚོགས་པ་ཡང་ཡིན། རྒྱུ་མཚན་འདི་འདྲར་བརྟེན།
བཀའ་བློན་ཁྲི་བའི་འོས་མི་གཞུང་འཛིན་དང་ཁ་གཏད་ཀྱི་ཚོགས་ཁོངས་ནས་འདེམས་ས་མེད་ལ་སོ་སོའི་འོས་མི་ཡིན་ཞེས་ཕྱིར་བསྒྲགས་ཀྱང་བྱེད་རྒྱུ་མེད། བཀའ་ཁྲིའི་འོས་མི་ཁྱབ་བསྒྲགས་ཚུད་པའི་འོས་བསྡུའི་ལས་ཀ་ཚང་མ་འོས་བསྡུ་ལས་ཁུངས་ནས་བྱེད་ཀྱི་ཡོད། འོན་ཀྱང་། ད་ལོར་ཆབ་སྲིད་ཚོགས་པ་ཁ་ཤས་ཀྱིས་འོས་མི་ཁྱབ་བསྒྲགས་མཉམ་དུ་མི་མང་གི་ཁྲོད་ནས་འོས་བསྡུའི་ཤུགས་རྐྱེན་འཚོལ་བཞིན་པ་ནི་གཡོན་ཐལ་ཆེ་བའི་བྱ་སྤྱོད་རེད། དཔེར་ན། བོད་རྒྱལ་ཡོངས་མང་གཙོ་ཚོགས་པ་ལྟ་བུ།
གཉིས་པ།
བཙན་བྱོལ་བོད་མིའི་སྒྲིག་འཛུགས་ལ་མཚོན་ན། གཞུང་འབྲེལ་མ་ཡིན་པའི་ཚོགས་པ་ཁག་གི་ལས་འགན་ནི་། མི་མང་ལ་མང་གཙོའི་གོ་རྟོགས་བསྐྲུན་པ་དང་འོས་བསྡུའི་ཆ་ཤས་ལེན་རྒྱུའི་འབོད་སྐུལ་ཞུ་རྒྱུ་དེ་ཡིན། མི་མང་ལ་འོས་མི་ངོ་སྤྲོད་དང་འོས་མི་དེར་འོས་བླུགས་དགོས་བའི་ལས་འགུལ་སྤེལ་བ་ནི་གཞུང་འབྲེལ་མ་ཡིན་པའི་ཚོགས་པ་ཁག་གི་ལས་འགན་མིན། མི་མང་ལ་འོས་མི་ངོ་སྤྲོད་བྱས་ཏེ་འོས་མི་དེར་འོས་འཐོབ་ཐབས་ཀྱི་ལས་འགུལ་སྤེལ་བ་ནི་གཡོན་ཐལ་ཆེ་བའི་བྱ་སྤྱོདཡིན། མི་མང་ལ་མང་གཙོའི་གོ་རྟོགས་སྤྲོད་རྒྱུའི་ཚབ་ལ་འོས་མི་ངོ་སྤྲོད་བྱེད་པ་དང་འོས་མི་དེར་འོས་འཐོབ་ཐུབ་ཀྱི་ལས་འགུལ་སྤེལ་བ་འདིས་བཀའ་ཁྲིའི་འོས་བསྡུ་ཆེན་མོར་བརྡག་གསུག་གཏོང་གི་ཡོད། དཔེར་ན།་ བོད་རྒྱལ་ཡོངས་མང་གཙོ་ཚོགས་པས་མི་མང་ལ་བཀའ་ཁྲིའི་འོས་མི་བློ་བཟང་སེང་གེ་དང་བཀྲས་མཐོང་བསྟན་འཛིན་རྣམ་རྒྱལ་གཉིས་ངོ་སྤྲོད་དང་ཁོང་གཉིས་གང་རུང་གཅིག་ལ་འོས་འཐོབ་ཐབས་ཀྱི་ལས་འགུལ་སྤེལ་བ་ནི་ཧ་ཅང་གཡོན་ཐལ་ཆེ་བའི་བྱ་སྤྱོད་ཡིན།
གསུམ།
བོད་རྒྱལ་ཡོངས་མང་གཙོ་ཚོགས་པས་སྤྱི་ལོ་༢༠༡༠ལོའི་ཟླ་༥བའི་ཚེས་༡༥ཉིན། བཀའ་བློན་ཁྲི་བའི་འོས་མི་༢དང་བོད་མི་མང་སྤྱི་འཐུས་འོས་མི་མདོ་སྟོད་ནས་མི་༦དང་མདོ་སྨད་ནས་མི་༥། དབུས་གཙང་ནས་མི་༡༠བཅས་ཀྱི་མཚན་གཞུང་ཕྱིར་བསྒྲགས་བྱས་ཡོད། ཕྱིར་བསྒྲགས་བྱས་ཙམ་མ་ཟད་ས་གནས་སོ་སོར་སྐོར་བསྐྱོད་ཀྱིས་བཀའ་ཁྲིའི་འོས་མི་གཉིས་ངོ་སྤྲོད་དང་འོས་ཤོག་འཚོལ་གྱི་ཡོད། གཡོན་ཐལ་ཆེ་བའི་ལས་འགུལ་སྤེལ་སྟངས་འདིས་ཡོང་རྒྱུར་བསྡད་པའི་བཀའ་ཁྲིའི་འོས་མི་གཞན་དག་ལ་འོས་ཤོག་གི་ལམ་ཁ་དེ་འགོག་བཞིན་ཡོད། བོད་རྒྱལ་ཡོངས་མང་གཙོ་ཚོགས་པས་”མང་གཙོ་དང་རང་དབང་གི་ཆེད། གལ་ཆེའི་འོས་ཤོག་གི་ཐོབ་ཐང་ལེན་དགོས་”ཞེས་ཁ་གཡང་རྫུན་མ་ཞིག་བསྒྲགས་བཞིན། དོན་དངོས་སུ་མི་མང་ལ་བཀའ་ཁྲིའི་འོས་ཤོག་གི་ཐོབ་ཐང་ལེན་དགོས་བའི་གོ་རྟོགས་མ་བསྐྲུན་པར་དེའི་ལྡོག་ཕྱོགས་ནས་བློ་བཟང་སེང་གེ་དང་བཀྲས་མཐོང་བསྟན་འཛིན་རྣམ་རྒྱལ་གང་རུང་ལ་འོས་ཤོག་བླུགས་དགོས་བའི་འབོད་སྐུལ་ཞུ་བཞིན་ཡོད། གཞིས་ཆགས་ཁག་དང་དགོན་སྡེ་ཁག སློབ་གྲ་ཁག་བཅས་སུ་བསྐྱོད་ནས་འོས་མི་འདི་གཉིས་ཀྱི་གང་རུང་ལ་འོས་ཤོག་བླུགས་དགོས་བའི་གཡོན་ཐལ་ཆེ་བའི་ཆབ་སྲིད་ཀྱི་ལས་འགུལ་སྤེལ་གྱི་ཡོད།
བཞི།
མང་གཙོ་ཚོགས་པའི་གཡོན་ཐལ་ཆེ་བའི་ལས་འགུལ་སྤེལ་སྟངས་འདིས་ཡོང་རྒྱུར་བསྡད་པའི་བཀའ་ཁྲིའི་འོས་མི་ཚང་མ་ལ་འགོག་རྐྱེན་ཆེན་པོ་ཞིག་བཟོ་བཞིན་པ་མ་ཟད་འོས་བསྡུའི་ལས་ཀ་རྙོག་ཟིང་ཅན་ཏུ་བསྒྱུར་བཞིན་ཡོད། མི་མང་ལ་མང་གཙོའི་གོ་རྟོགས་བསྐྲུན་རྒྱུའི་ཚབ་ལ་སོ་སོའི་འོས་མི་དེར་འོས་བླུགས་དགོས་བའི་ལས་འགུལ་སྤེལ་བ་ནི་འོས་མི་གཞན་པ་ཚོའི་འོས་སྒམ་སྒོ་བརྒྱབ་པ་དང་གཅིག་མཚུངས་ལྟ་བུ་ཆགས་བཞིན་ཡོད། གཞུང་འབྲེལ་མ་ཡིན་པའི་ཚོགས་པ་ཞིག་གི་ངོས་ནས་འོས་མི་ངོ་སྤྲོད་ཀྱི་ཚབ་ལ་འོས་མིར་འོས་ཤོག་འཚོལ་བ་ནི་ཧ་ཅང་གཡོན་ཐལ་ཆེ་བའི་བྱ་སྤྱོད་ཡིན། གཡོན་ཐལ་ཆེ་བའི་ལས་འགུལ་སྤེལ་སྟངས་འདིའི་རིགས་ལ་མི་མང་གིས་དོ་སྣང་དང་གཟབ་ནན་བྱེད་དགོས།
བསམ་ཚུལ་ཡག་པོ་གསུངས་འདུག དམངས་གཙོ་ཚོགས་པས་དམངས་གཙོའི་གོ་རྟོགས་སྤེལ་རྒྱུའི་ལས་ཀ་མི་བྱེད་པར། འདི་ལྟར་བྱས་ན། དམངས་ཁྲོད་ཀྱི་བཀའ་ཁྲིའི་འོས་ཤོག་ནི་མི་འདི་གཉིས་ལས་འབྱུང་དཀའ་བའམ། བཀའ་ཁྲིའི་འོས་ཁ་ཐོར་ཅན་ཆགས་རྒྱུར་ཡང་ཉེན་ཁ་ཆེ།
ང་ཚོའི་མི་དམངས་གཉིད་ལས་མ་སད་བར་དུ་གཡོ་སྒྱུ་ཅན་གྱི་ཆབ་སྲིད་པའི་རྩེད་ཆས་ཡིན་ནི་རེད།
ད་ལྟོས་ར་་་་་འོས་ཤོག་འདི་དང་འདི་ལ་བླུག་དགོས་པའི་བསྐུལ་མར་བྱས་པ་འདི་ལ་ལྟོས་དང་། མང་གཙོ་ཟེར་བ་འདི་འདྲ་ཞིག་རེད་དམ།
བཀའ་ཁྲི་འོས་འདེབས་དང་འབྲེལ་བའི་ཆབ་སྲིད་ཀྱི་ལས་འགུལ་འདིའི་སྐོར་ལ་ཞིབ་འཇུག་ནན་པོར་བྱེད་དགོས།
ད་ལྟ་བོད་འབངས་ཚང་མས་ལས་འགུལ་འདིའི་་རིགས་ལ་ཟབ་ནན་གྱིས་དོ་སྣང་བྱེད་དགོས་པ་ལས་རྨོངས་དད་བྱེད་མི་རུང་།
དྲ་ངོས་སུ་ཐོ་འགོད་ཡོང་བར་ཞུ།
ངས་བསམ་ན་རྒྱལ་ཡོངས་མང་གཙོ་ཚོགས་པའི་ལས་འགུལ་ལ་ཡི་རང་དང་། རྒྱབ་སྐྱོར་ཡོད།
ཚོགས་པ་ཁག་དང་མི་སྒེར་སུ་ཡིན་ཀྱང་ལས་ཀ་གང་ཡང་མ་བྱས་ཚེ་སྐྱོན་བསྐྱོད་གང་ཡང་མེད་པར་འཇམ་ཐིང་ཐིང་ཡིན།
སུ་ཞིག་གིས་ལས་ཀ་ཞིག་མགོ་བརྩམས་པ་དང་རྙོག་གླེང་བཤད་མཁན་མང་པོ་འདུག
བོད་པའི་ལས་ཀ་བོད་པས་མ་བྱྲས་པར་རྒྱ་མིས་བྱེད་དགོས་པ་རེད་དམ།
གང་ལྟར་ཀྱང་ནུས་པས་འདང་ཚོད་ཀྱིས་ཅིག་བྱེད་བསྡད་ན་འགྲིག་པ་རེད་བསམ་གྱིན་ཡོད།
གལ་སྲིད་འགྲིག་མེད་ན་ཁྱེད་ཚོས་དེའི་ཕར་ཕྱོགས་ནས་འགྲིག་པ་ག་རེ་བྱས་ཡོད།
སྐུ་མཁྱེན་རང་ངོས་ལས་འགུལ་སྤེལ་རོགས་གནང་།
སྐུ་མཁྱེེན་བོད་ཀྱི་ཆེད་དུ་འཕག་རོགས་གནང་།
སྐུ་མཁྱེན།་གཞན་ལ་ལྟ་བའི་མིག་ཡོད་ན།།
རང་ཉིད་ལ་ལྟ་བའི་མེ་ལོང་གྲ་སྒྲིག་གནང་རོགས།
དྲ་གྲོགས་ཚོ་དགོངས་པ་མ་ཚོམས། ངས་འདི་ནས་སྐར་སྐུར་ཞིག་བྱ་དགོས་བྱུང་སོང་།
ཨ་རོགས་རྩམ་དགའ། ཁྱོད་དེང་སྐབས་གང་དུ་ཡོད། ཁ་པར་ཡང་འགྲོ་ཡི་མི་འདུག ཕྱིར་བདེ་བ་ཅན་གྱི་ཞིང་དུ་འབྱོར་ཚར་བ་མིན་ནམ།
གྲོགས་བཟོད་རྒྱམ་ལགས་སྐུ་ཁམས་བཟང་།
ང་རང་ད་སྐབས་ན་ཆུང་མཛེས་མ་ཞིག་དང་མཉམ་དུ་དྷི་ལི་ན་ཡོད་ལགས།
འགྱོགས་པོར་ཕྱིར་རྡ་སར་ཡོང་གིན་ཡིན་པས་དེ་དུས་མཇལ་ཡོང་གོ
ཚ་བ་ཆེ་ས་ནས་འདོད་སྲེད་མང་པོ་བརྟེན་མོ་ཉན་ཡ། ཡ་ཡ། རྡ་ས་ནས་མཇལ་ཡོང་།
dear kunche la
thank your opinio.but . i never agree your opinio. the all people are not ignorance.
we have free what we say. ok
ཨོ་ད་ཡིན་ན་གང་ཡིན་རེད།
We need to ask him what kind of plan you have if you accept to be a Kalong Tepa in 2011.
i think election campaign conducted by democratic party of tibet is quite relevant to give an impetus for people to participate to chose Kalon Tripa. its not a leftist propaganda as some writers mentioned above. if you know the profile of DPT, its members would have chosen two great personalities among tibetans for Karlon Tripa`s post. Lobsang Sengye is the best candidate and i am sure he will be the new face of new tibetan generation who are born to fight for freedom. Lets vote for Dr. Lobsang Sengye…..