ན་མོ་གུ་རུ་བྷེེ་ཥ་ཛྱེ། འདི་ནས་ཤར་གྱི་ཕྱོགས་རོལ་ན། །བེེཌུརྱ་ཡི་ཞིང་ཁམས་ན། །བཞུགས་པའི་བཅོམ་ལྡན་སྨན་གྱི་བླ། །གསོལ་བ་འདེབས་སོ་ཐུགས་རྗེས་གཟིགས། །ལྟ་ན་སྡུག་པའི་ཕོ་བྲང་ན། །ཤྰཀ་ཐུབ་བཅོམ་ལྡན་སྨན་གྱི་བླ། །རིག་པའི་ཡེ་ཤེས་ཡིད་ལས་སྐྱེས། །གསོལ་བ་འདེབས་སོ་ཐུགས་རྗེས་གཟིགས། །གངས་ཅན་བོད་ཀྱི་ཞིང་ཁམས་ན། །སྤྱན་རས་གཟིགས་དང་དབྱེར་མེད་པའི། །གཡུ་ཐོག་མགོན་པོ་སྨན་གྱི་བླ། །གསོལ་བ་འདེབས་སོ་ཐུགས་རྗེས་གཟིགས། །བདུད་རྩི་སྨན་གྱི་རིག་འཛིན་མཆོག །གསོ་རིག་བསྟན་པ་རྒྱས་མཛད་པ། །ཟུར་མཁར་ཆོས་རྗེ་གོང་འོག་ལ། །གསོལ་བ་འདེབས་སོ་ཐུགས་རྗེས་གཟིགས། །བླ་མ་སྨན་རྒྱལ་རིགས་ལྔ་དང་། །ཡི་དམ་རྟ་ཕག་གཙོ་དང་འཁོར། །ཆོས་སྐྱོང་དམ་ཅན་སྡེ་དགུ་ལ། །གསོལ་བ་འདེབས་སོ་ཐུགས་རྗེས་གཟིགས། །བདག་དང་བདག་ལ་འབྲེལ་ཐོགས་རྣམས། །ནད་རིགས་ཐམས་ཅད་ཞི་བ་དང་། །བྱང་ཆུབ་སེམས་ཀྱི་འབྱོངས་པ་ཡིས། །བྱང་ཆུབ་ཐོབ་པར་མཛད་དུ་གསོལ། །ཅེས་པ་འདི་གཡུ་ཐོག་གི་བླ་སྒྲུབ་ཞག་བདུན་བྱས་དུས་རྨི་ལམ་དུ་རྒྱལ་ཚབ་གྲགས་པ་མཆོག་དབྱངས་ཐུགས་ཤིན་ཏུ་དགྱེས་ཤིང་དབང་སྒྲུབ་མཛད་པའི་དབང་གྲལ་དུ་ཁོ་བོ་བཙུད་པ་དང་། བཀའ་བཀོད་མང་དུ་གནང་། ནམ་མཁར་བར་སྣང་ཐམས་ཅད་བཅུ་གཅིག་ཞལ་ཕྱག་སྟོང་སྤྱན་སྟོང་གིས་གང་བ་ཡིན་སྙམ་ཡང་། སྐུ་བཞིན་གསལ་བར་མ་མཐོང་སྟེ། ཞི་བའི་ཞལ་གསུམ་དཀར་པོ་ཞི་ཞིང་འཛུམ་པ་ཁོ་ནས་བར་སྣང་ཐམས་ཅད་གང་སྟེ་འཛུམ་ཞིང་བདག་ལ་སྤྱན་གྱིས་གཟིགས་པ་གཅིག་རྨིས། གཉིད་མ་ཡིན་ཉམས་ཀྱི་སྣང་བར་ཨ་རུ་ར་རློན་པ་ལོ་མ་དང་བཅས་པ་མི་མགོ་ཙམ་ཞིག་སྟེར་བྱུང་བ་དང་། གཞན་བཀའ་སྲུང་དམ་ཅན་སྡེ་དགུའི་རྨིས་ལྟས་མང་དུ་བྱུང་བས་ཀརྨ་ར་གྰ་ཨསྱས་བྲིས་པའོ།། །།
___________སྤྲུལ་འཁོར་སྐལ་བཟང་དོན་ལྡན།
་ཀརྨ་ར་གྰ་ཨསྱས་ཟེར་པ་དེ་བདེ་སྨོན་རྩོམ་པ་པོ་དེ་ཡིན་ནམ་གསུངས་བར་ཞུ།
པདྨ་རཱ་གའི་ཡི་གེ་དག་པ་དང་། སྡེབ་སྦྱོར་ལེགས་པ་ལ་བལྟ་ན། གཡུ་ཐོག་ཡོན་ཏན་མགོན་པོ་དེ་དང་ལྷན་ཅིག་ཏུ་བཞུགས་དགོས་པ་འདུག་གོ །
རེད་ཁོང་བདེ་སྨོན་རྩོམ་པ་པོ་མ་ཟད་བཀའ་རྙིང་གཉིས་ཀྱི་བསྟན་པ་ལ་བྱ་བ་རླབས་ཆེན་གནང་མཁན་མཚན་གཞན་ཀརྨ་ཆགས་མེད་སོགས་ཞུ་བ་རེད།
ན་མོ་གུ་རུ་བྷེེ་ཥ་ཛྱེ།
འདི་ནས་ཤར་གྱི་ཕྱོགས་རོལ་ན། །
བེེཌུརྱ་ཡི་ཞིང་ཁམས་ན། །
བཞུགས་པའི་བཅོམ་ལྡན་སྨན་གྱི་བླ། །
གསོལ་བ་འདེབས་སོ་ཐུགས་རྗེས་གཟིགས། །
ངེས་བསམ་ན་ སྐུ་མདོག་བྷེ་ཌུར་ཡ་ཡི་གཞིང་ཁམས་ན།
འགྲོ་བ་སེམས་ཅན་ནད་ཀྱི་སྡུག་བསྔལ་བསེལ།
བྱང་ཆུབ་སེམས་དཔའ་རྒྱད་ཀྱི་འཁོར་གྱི་བསྐོར།
རིན་ཆེན་སྨན་འཛིན་ལྷ་ལ་ཕྱག་འཚལ་ལོ།
དགེ་སློང་ཀརྨ་ཆགས་མེད་ཀྱི་རི་ཆོས་འཚམས་ཀྱི་གཞལ་གདམ་དེ་དག་ཀློག་དང་
སྦྱིན་རླབས་ཆེན་པོ་ཡོད་རེད་་་་ ཁོང་གི་གསུང་འབུམ་ཕལ་ཆེར་པོད་བཞི་བཅུ་གང་ལ་བཞུགས་ཡོད་
དེ་དག་ནང་རྩ་གསུམ་གྱི་སྒྲུབ་ཐབས་སོགས་མང་དུ་ཡོད་་་
བྷེ་ཌུར་ཡ་ཡི་གཞིང་ཁམས་དེ་ཕལ་ཆེར་་་་་ ལྷོ་ཕྱོགས་ལ་ངོས་འཛིན་གནང་གི་མེད་དམ་་་་་་
གོང་གི་མ་དཔེའི་་་་ནམ་མཁར་བར་སྣང་་་་ཞེས་པ་ལ་ནམ་མཁའ་བར་སྣང་མིན་ནམ་སྙམ།
བཻཌཱུརྱའམ་སྨན་གྱི་གྲོང་ཁྱེར་ལྟ་ན་སྡུག་གི་འདོད་ཚུལ་ལ་མཁས་པ་རྣམས་ཀྱིས་བཞེད་པ་མི་མཐུན་པ་མང་དུ་སྣང་མོད།
འོན་ཀྱང་གཡུ་ཐོག་རྙིང་མའི་རྣམ་ཐར་གཟི་བརྗིད་རིན་པོ་ཆེའི་གཏེར་མཛོད་ལས། ཕྱི་ནང་གསང་གསུམ་དུ་ཕྱེས་ནས་གསུངས་པ་ནི་དོན་ལ་གནས་པར་སེམས་སོ།།