གཞིས་སྒར་ཁག་ལྔ་མཉམ་འབྲེལ་གྱིས་རྔམ་སྟོན།

གསར་འགྱུར་གཏོང་མཁན་། ཨ་མདོ་གཡང་འཛོམས།

བཙན་བྱོལ་བོད་མིའི་སྒྲིག་འཛུགས་བཀའ་སྤྱི་གཉིས་ཀྱིས་གསལ་བསྒྲགས་བསྐྱངས་པ་བཞིན། ཁ་སང་ཕྱི་ཚེས་ ༨ རེས་གཟའ་ལྷག་པའི་ཉིན་རྒྱ་ གར་བྱང་ཤར་ཁུལ་གྱི་ར་ཝང་ལ་བོད་མིའི་གཞིས་སྒར་དང་། སྒང་ཏོག་བོད་མིའི་གཞིས་ སྒར། ཀ་སྦུག་བོད་མིའི་གཞིས་སྒར། རྡོར་གླིང་བོད་མི་གཞིས་སྒར། བསོད་ནམས་དར་ བོད་མི་གཞིས་སྒར་ཁག་ལྔའི་ས་གནས་གཞིས་མགོ་བདེ་དོན་རྣམས་ཀྱིས་སྣེ་ཁྲིད་འོག་ བོད་མི་ཉིས་སྟོང་ལྷག་ནུབ་བྷང་གྷལ་ཁོངས་ཀྱི་ཤི་རི་ཀོ་རིའི་རྡོར་གླིང་དཀྱོག་ནས་ གྲོང་ཁྱེར་ཁྲིམས་ཁང་བར་རྔམ་སྟོན་གྱི་ལས་འགུལ་ཞིག་སྤེལ་ཡོད་པ་དང་། ལས་འགུལ་ ཁྲོད་བོད་ནང་རང་ལུས་མེར་སྲེག་ཟིན་པའི་དཔའ་བོ་དཔའ་མོ་རྣམས་ཀྱི་གཤིན་པོའི་ དུར་སྒམ་ལ་རྒྱལ་དར་གཡོག་ཅིང་ཁ་རས་ནག་པོ་བརྒྱབ་སྟེ་ཁྲོམ་སྐོར་དང་ཆབས་ ཅིག  བོད་ནང་གི་ཛ་དྲག་གནས་བབ་དབྱིན་བལ་ཧིན་གསུམ་གྱི་སྐད་རིགས་གསུམ་ཐོག་ བསྒྱུར་ནས་ཡུལ་མིར་འགྲེམས་སྤེལ། བདེན་ཚིག་སྨོན་ལམ་དང་བྱང་ཆུབ་སེམས་མཆོག་ སྐྱོར་བཞིན་རྡོར་གླིང་དཀྱོག་ནས་ཤི་རི་ཀོ་རིའི་ཁྲིམས་ཁང་དང་དེ་ནས་བྷག་ཀར་འཇན་ དཱའི་གླིང་གའི་ནང་སྐྱོད་དེ་རང་ལུས་མེར་སྲེག་ཕུལ་བའི་དཔའ་བོ་དཔའ་མོ་ཚོར་མར་ མེའི་མཆོད་འབུལ་དང་བསྔོ་སྨོན་བྱས་པ་མ་ཟད།ལས་འགུལ་དེ་ནང་མཉམ་ཞུགས་མ་ཐུབ་པའི་ རྒན་འཁོགས་རྣམས་ཀྱིས་ས་གནས་སོ་སོའི་མི་དམངས་ཚོགས་ཁང་ནས་བསྔོ་སྨོན་མཆོད་ འབུལ་དང་དགོང་མོ་མར་མེ་ཁྲོམ་སྐོར་སོགས་བྱས་ཡོད་པ་རེད། ཉིན་དེའི་ལས་འགུལ་ནང་ བོད་མི་དམངས་སྤྱི་འཐུས་ཀིརྟིའི་སྒྲོལ་དཀར་ལྷ་མོ་ལགས་དང་། སྤྱི་འཐུས་ཤར་གླིང་བསྟན་ འཛིན་ཟླ་སྒྲོན་ལགས་རྣམ་གཉིས་ཀྱང་མཉམ་ཞུགས་ཀྱིས་མི་དམངས་ལ་གཏམ་བཤད་དང་གསར་ འགོད་གསལ་བསྒྲགས་གནང་། 

གཞན་ཡང་ལས་འགུལ་འདིའི་ནང་ཀ་སྦུག་ཧིན་བོད་མཛའ་འབྲེལ་ ཚོགས་པའི་ཚོགས་གཙོ་དང་ཧི་མཱ་ལ་ཡ་ནང་བའི་སློབ་གྲྭའི་དགེ་ལས་སློབ་ ཕྲུག   རྡོར་གླིང་ཤར་པའི་ལྷན་ཚོགས་སོགས་ཀྱང་མཉམ་ཞུགས་ཀྱིས་གཏམ་སོགས་གནང་ ཡོད། དེ་རིང་ནུབ་བྷང་གྷལ་ཁོངས་ཀྱི་སྐད་གྲགས་ཆེ་བའི་གསར་ལམ་ཁག་ཕལ་ཆེ་བར་ལས་ འགུལ་འདིའི་སྐོར་གྱི་གསར་གནས་ཐོན་ཡོད་པ་རེད།