བསྟན་འཛིན་དབྱངས་གསལ།
(སྲིད་སྐྱོང་བློ་སེང་ཁྲིམས་ལ་མཁས་ན། ཁྲིམས་ཞིབ་ཁང་གིས་ཁྱེད་རང་བསྒུགས་འདུག)
༢༠༡༦ ལོར་སྐབས་བཅོ་ལྔའི་སྲིད་སྐྱོང་གི་གོ་གནས་དེ། ཚོགས་ཟུར་སྤེན་པ་ཚེ་རིང་དང་སྲིད་ཟུར་བློ་བཟང་སེང་གེ་གཉིས་ཀྱིས་རྣོ་ངར་ཆེན་པོས་འགྲན་རྩོད་བྱས་སོང་། སྐབས་དེར་སྤེན་པ་ཚེ་རིང་གིས་བློ་བཟང་སེང་གི་གནས་ཚུལ་རྫབ་ཆེན་མང་པོ་ཞིག ཁུངས་སྣེ་ཡོད་པའི་སྒོ་ནས་མང་ཚོགས་ནང་འགྲེམ་སྟོན་བྱས་པ་མ་ཟད། བློ་སེང་གི་རྒྱབ་ལྗོངས་དེའང་དཀར་འདོན་བྱེད་དཀའ་བའི་བོད་ཀྱི་ལོ་རྒྱུས་དེབ་ཐེར་ནང་དུ་ཟིན་བྲིས་སུ་བཏབས་པ་དང་གཅིག ཡང་སྲིད་སྐྱོང་བློ་སེང་ལ་འདོད་མོས་ཡོད་མེད་གང་ལྟར་ཡང་ཚོགས་ཟུར་སྤེན་པ་ཚེ་རིང་ཨ་རིའི་དོན་གཅོད་དུ་སླེབས་ཤིང་། ལོ་གཅིག་ལྷག་གི་དོན་གཅོད་ཀྱི་གྲུབ་འབྲས། འཆར་འགོད། མང་ཚོགས་ཀྱི་ཉེ་སར་བཅར་སྟངས། མ་གཞི་ནས་ཚོགས་ཟུར་སྤེན་པ་ཚེ་རིང་གི་ལྟ་གྲུབ་དང་ལངས་ཕྱོགས། བབ་བརླིང་བརྟན་གསུམ་གྱི་རང་ཚུགས་སོགས་ལ་སྲིད་སྐྱོང་བློ་སེང་དངངས་འཚབ་ཆེན་པོ་སྐྱེ་བའི་རྒྱུ་གྱུར་བ་དང་གཉིས། མདོར་ན་འཁོན་སེམས་དང་ཞེད་སྣང་ནང་ཐིམ་པའི་སྲིད་སྐྱོང་བློ་སེང་གིས་མ་འོངས་པའི་ཁ་ཕྱོགས་གང་འདྲ་ཆགས་མིན་ལ་སྔོན་དཔག་རྩ་ནས་མ་ཐུབ་པར། དབང་ཆའི་དར་ཆ་ཁོ་ན་རླུང་ལ་བསྐུར་ཏེ་ཚོགས་ཟུར་སྤེན་པ་ཚེ་རིང་ཨ་རིའི་དོན་གཅོད་ལས་འཕོ་འགྱུར་བཙན་གྱིས་བཏང་ཞིང་། ལོ་ངོ་ཉི་ཤུའི་ལྷག་རིང་བོད་ཀྱི་བདེན་མཐའ་གསལ་ཐབས་ལ་ཞབས་འདེགས་ཞུ་མྱོང་བའི་ཚོགས་ཟུར་སྤེན་པ་ཚེ་རིང་གི་མཛད་རྗེས་དེ་ནག་ཁུང་དུ་གཡུག་རྩིས་བྱས།
དེ་ལྟར་ནའང་། ཨ་རི། ཁཱ་ནཱ་ཊྲཱ། ཡོ་རོབ། རྒྱ་གར་སོགས་ནས་བདེན་པའི་རྒྱབ་ལངས་ཀྱི་སྙིང་སྟོབས་ཡོད་པའི་བོད་མི་ཆེས་མང་པོ་ཞིག་གིས་<རང་གཞུང་ལ་བརྩི་འཇོག་ཡོད་མོད། འོན་ཀྱང་བློ་སེང་གི་སྒེར་གཅོད་ལ་ངོ་རྒོལ་ཡོད་>ཅེས་སྲིད་སྐྱོང་བློ་སེང་གང་དུ་སོང་ན་དེར་ཞི་རྒོལ་རབ་དང་རིམ་པ་བྱུང་བས། དང་པོ། ཤེས་རིག་བཀའ་བློན་གྱི་མིང་འཛིན་པ་བླ་རྒན་དེའི་ངོ་མདངས་ཡོངས་སུ་ཤོར་ནས་གསར་འགོད་པ་ཚོར་ཚོགས་ཟུར་ཁོང་ལ་ཡིད་ཆེས་བློ་འགེལ་དཀའ་རབས་ཟེར། གཉིས་པ། གཞུང་གི་དྲ་ངོས་སུ་བཀའ་ཤག་ཐུན་མོང་གིས་ཐག་ཆོད་ཡིན་པར་བསྙད་ནས་དོན་ཚན་བཅུ་ཡོད་པའི་གསལ་བཤད་ཁུངས་མི་འཁྱོལ་བ་ཞིག་བསྒྲགས། གསུམ་པ། ཡོ་རོབ་ནོར་ཝེའི་རྒྱལ་ཁབ་ནས་སྲིད་སྐྱོང་བློ་སེང་གིས་དོན་གཅོད་འཕོ་འགྱུར་བཏང་བའི་རྒྱུ་མཚན་དགོས་ན་ནི། ཡག་པོ་གང་ཡང་བཤད་རྒྱུ་མེད་རབས་ཟེར། བཞི་བ། ཁཱ་ནཱ་ཊྲ་ནས་སྲིད་སྐྱོང་བློ་སེང་གིས་མང་ཚོགས་ལ་གསལ་བཤད་དོན་ཚན་བཅུ་ཟེར་བ་དེ་དུས་ཚོད་གཅིག་ལྷག་ལ་འགྲེལ་བཤད་དང་ཡང་འགྲེལ་ནང་འགལ་རྐྱང་རྐྱང་བྱས། ལྔ་པ། བོད་རྒྱལ་ཁབ་ཤོར་བའི་ཉིན་མོ་དེ་གཞུང་འབྲེལ་སུམ་བཅུའི་དུས་དྲན་སྐབས་སུ། སྲིད་སྐྱོང་བློ་སེང་ལ་དོན་དངོས་ཐོག་གདེང་ཚོད་མེད་ཡོད་གང་ལྟར་ཡང་། ངར་སྐད་མཐོན་པོ་གནམ་ལ་བསྒྲགས་ཏེ་དོན་གཅོད་འཕོ་འགྱུར་སྐོར་དེ་ཁྲིམས་ལ་གཏུགས་ཤོགས་ཟེར། དྲུག་པ། གནད་དོན་འདིའི་སྐོར་ལ་སྤྱི་འཐུས་ལྷན་ཚོགས་ཀྱི་ངོས་ནས། ཞིབ་འཇུག་ཚོགས་ཆུང་ཞིག་བཙུགས་ཏེ་གནད་དོན་འདི་གཙང་མ་བཟོ་ཐབས་སུ་གྲོས་བསྡུར་བྱེད་དུས། སྲིད་སྐྱོང་བློ་སེང་གིས་གཙོས་བཀའ་བློན་ཚང་མས་དགག་རྒྱག་བྱས་ཏེ་འགོག་རྐྱེན་བཟོས་པ།
དེར་བརྟེན། ཚོགས་ཟུར་སྤེན་པ་ཚེ་རིང་གིས་རྡ་ས་ནས་ཕྱི་ནང་བརྒྱུད་ལམ་ཁག་གི་གསར་འགོད་པ་ཚོར། བཀའ་ཤག་གི་གསལ་བཤད་དོན་ཚན་བཅུ་ཟེར་བ་དེ་ཁྲིམས་སྒྲིག་དང་འགལ་བ། ཁུངས་ལུང་མེད་པ། མ་ཉེས་ཁག་གཡོག་ཡིན་པའི་ཁུངས་སྐྱེལ་ར་སྤྲོད་ཀྱི་ཡིག་ཆ་ཤོག་གྲངས་དགུ་བཅུ་གོ་བདུན་ཅན་དེ་འགྲེམས་སྤེལ་བྱས་པ་དང་ཆབས་ཅིག དངོས་ཡོད་གནས་ཚུལ་དང་མཐུན་པའི་གསལ་བཤད་གནད་ལ་འཁེལ་བ་ཞིག་གནང་བ་དེས་རང་ཉིད་གསལ་འདོན་བྱས་སོང་ལ། སྲིད་སྐྱོང་བློ་སེང་གི་གསལ་བཤད་དོན་ཚན་བཅུ་ཟེར་བ་ནི་མི་བདེན་བཙན་སྒྲིག་ཡིན་པའི་རྫུན་རྐུབ་དེ་དམར་ཧྲེང་སེའང་བཏོན་སོང་། ད་དུང་བོད་མི་ལྷག་བསམ་ཅན་ཆེས་མང་པོ་ཞིག་ནས་མ་བསྐུལ་དང་བླངས་ཀྱི་སྒོ་ནས། ངོ་ལོ་ཉི་ཤུའི་རིང་གི་བྱས་རྗེས་ཀྱི་རིན་ཐང་ལ་ངོས་འཛིན་དང་གདེང་འཇོག་ཆེན་པོ་བྱས་པའི་མཛད་སྒོ་སྣ་མང་སྤེལ་བ་མ་ཟད། ཤེས་ལྡན་རྩོམ་པ་པོ་མང་པོ་ཞིག་གིས་ཀྱང་སྲིད་སྐྱོང་བློ་སེང་གི་ཐག་གཅོད་དེ། དྲང་བདེན་གྱི་གཞི་རྩ་གང་ཡང་མེད་པའི་ཐེར་འདོན་བྱས་ཏེ་བདེན་དོན་གསལ་བའི་མེ་ལོང་ཞེས་པའི་དེབ་ཕྲེང་ཞིག་བྱུང་རབས་ལོ་རྒྱུས་ནང་དུ་ཤུལ་འཇོག་གནང་སོང་། དེ་མཚུངས་སྲིད་སྐྱོང་བློ་སེང་བརྒྱུད་པའི་བཀའ་ཤག་གིས་ཐུགས་རེ་བཏོན་པ་ནང་བཞིན་ཚོགས་ཟུར་སྤེན་པ་ཚེ་རིང་གིས་ཁྲིམས་སྒྲིག་དང་མཐུན་པ། བརྩི་བཀུར་དང་གོ་རིམ་ཡོད་པ། དཔང་རྟགས་དང་གདེང་ཚོད་ཡོད་པ་བཅས་ཀྱི་ཐོག་ནས་ཆེས་མཐོའི་ཁྲིམས་ཞིབ་ཁང་ལ་མ་ཉེས་ཁག་གཡོག་གི་གནད་དོན་འདི་ཁྲིམས་ཐོག་ནས་གཙང་སེལ་ཡོང་བར་ཞུ་རྩ་ཕུལ་ཞིང་། ཆེས་མཐོའི་ཁྲིམས་ཞིབ་ཁང་གི་ངོས་ནས་ཀྱང་ངོས་བཞེས་ཆ་ཚང་གནང་སྟེ། ཁྲིམས་ལུགས་ལ་མཁས་མིང་འཛིན་པའི་སྲིད་སྐྱོང་བློ་སེང་ལ་ཁྲིམས་ཐོག་ཏུ་ཡོང་དགོས་པའི་བརྡ་ཐོ་བཏང་ངོ་།།
སྐབས་འདིར། ཁྲིམས་ལུགས་ལ་མཁས་མིང་འཛིན་པའི་སྲིད་སྐྱོང་བློ་སེང་གི་མ་ཉེས་ཁག་གཡོག་གི་ཁྲིམས་དོན་གྱོད་གཞི་འདི་ལ་གདེང་སྤོབས་ཡོངས་སུ་ཤོར་ནས། ༡༽ ཁྲིམས་དོན་གྱོད་དོན་འདི་རྩིས་མེད་གཏོང་ཐབས་སུ་ཁྲིམས་ཞིབ་ཁང་ལ་དབང་ཤུགས་ཀྱིས་འཇིགས་སྣང་བསླངས་རུང་གྲུབ་འབྲས་གང་ཡང་མ་ཐོན། ༢༽ ༧གོང་ས་མཆོག་གི་རང་ཆས་སུ་ཡོད་པའི་སྐུ་དབང་རྣམས་བེད་སྤྱོད་བཏང་ནས་རྩོད་གཞི་འདིའི་རྒྱལ་ཁ་ཐོབ་ཐབས་སུ་ཁ་ཕྱོགས་བསྒྱུར་ཀྱང་ཁྲིམས་ཞིབ་ཁང་གི་སྟངས་འཛིན་ལས་ཐར་ཐབས་མ་བྱུང་། ༣༽ ཁྲིམས་ཞིབ་ཁང་ལ་སྲིད་སྐྱོང་བློ་སེང་གིས་དུས་ཚོད་འཕར་འགྱངས་སྔ་ཕྱི་ཐེངས་གཉིས་ལ་ཞུས་ཏེ་ཁྲིམས་གཏུགས་གྲ་སྒྲིག་བྱེད་པར་ལོ་ངོ་གཅིག་ལྷག་འགོར་བ་མ་ཟད། བོད་མིའི་ཁྲིམས་དང་ཁྲིམས་ཞིབ་ཁང་། ནང་ཁུལ་མཐུན་ལམ་ཡོང་བར་འགན་ལེན་དང་བརྩི་བཀུར་མ་བྱས་པའི་རྣམ་འགྱུར་གསལ་བོ་བསྟན་པ། ༤༽ དེ་བཞིན་ཉན་ཞིབ་ཞིབ་གཅོད་ཐེངས་དང་པོའི་སྐབས་སུ། སྲིད་སྐྱོང་བློ་བཟང་བརྒྱུད་པའི་བཀའ་ཤག་གི་རྩོད་ལེན་པ་ཨུ་ཐུག་ནས། ཡང་བསྐྱུར་དུས་ཚོད་འཕར་འགྱངས་ཟླ་བ་གསུམ་ཞུ་དགོས་བྱུང་ཡང་ཁྲིམས་ཞིབ་ཁང་གི་ངོས་ནས་དགོངས་ཁྲོལ་རྩ་བ་ནས་མ་ཐོབ། ༥༽ ཁྲིམས་ཞིབ་ཁང་གི་ཁྲིམས་དཔོན་རྣམ་པས་སྲིད་སྐྱོང་བློ་སེང་བརྒྱུད་པའི་བཀའ་ཤག་དང་རྩོད་ལེན་པར་བཅད་ཁྲ་བཅད་པ་ནི། ཐེངས་འདིའི་མ་ཉེས་ཁག་གཡོག་གི་གྱོང་དོན་ཐད་ལ། ༧གོང་ས་མཆོག་གི་མཚན་གནས་ལ་འབྲེལ་བ་གང་ཡང་མེད་པས་གླེང་གཞིར་ཙམ་ཡང་འཛིན་མི་ཆོག་པ་དང་། བཀའ་ཤག་ལ་དོན་གཅོད་འཕོ་འགྱུར་གཏོང་བའི་དབང་ཚད་ཡོད་པ་ནི་རྩོད་རྙོག་གི་གཞི་རྩ་མིན་པ། དེས་ན་ཐེངས་འདིའི་ཁྲིམས་གཏུགས་ཀྱི་རྩོད་གཞི་ངོ་མ་ནི་ཚོགས་ཟུར་སྤེན་པ་ཚེ་རིང་དོན་གཅོད་ལས་འཕོ་འགྱུར་གཏོང་སྐབས་སུ། བཀའ་ཤག་གི་གསལ་བཤད་དོན་ཚན་བཅུ་ཟེར་བ་དེ་མ་ཉེས་ཁག་གཡོག་གི་དངོས་དོན་བརྒྱད་དང་། ཁྲིམས་སྒྲིག་དང་འགལ་བའི་ཁྲིམས་དོན་གཉིས་ཆགས་ཡོད་པ་ནི། ཆེས་མཐོའི་ཁྲིམས་ཞིབ་ཁང་གིས་བསྐྱར་ནས་ཡང་དུ་གསལ་སྟོན་དང་ལམ་སྟོན་གནང་འདུག
ད་ཡིན་ན། སྲིད་སྐྱོང་བློ་སེང་ལགས། ཁྱེད་རང་ཁྲིམས་ལུགས་མཁས་དབང་ཡིན་ན་མཁས་ཉམས་སྟོན་པའི་དུས་ལ་བབས་འདུག ཆེས་མཐོའི་ཁྲིམས་ཞིབ་ཁང་ནས་མ་ཉེས་ཁག་གཡོག་གི་ཁྲིམས་དོན་འདི་ལ། སྔོན་འགྲོའི་ཚོགས་འདུ་དང་ཞིབ་གཅོད་ཉན་ཞིབ་ཐེངས་གཉིས་པ་དེ་ཚར་བ་མ་ཟད། ཞིབ་གཅོད་ཉན་ཞིབ་ཐེངས་གསུམ་པ་དེའང་འཚོགས་ལ་ཉེ་བས། ཁྲིམས་ལུགས་མཁས་དབང་ཁྱེད་རང་དངོས་གནས་ག་པ་ན་ཡོད་དམ། ག་རེ་གནང་གིན་ཡོད་དམ། ད་ལྟའི་བར་ཁྲིམས་ཞིབ་ཁང་དང་གངས་སྐྱིད་གཞུང་གཤོངས་ཀྱི་གཡས་གཡོན་དུ་ཁྱེད་ཀྱི་གྲིབ་མ་ཙམ་ཡང་མ་མཐོང་ཡུན་རིང་འགོར་སོང་། དངོས་གནས་བྱས་ན། ལག་ཁྱེར་ཚད་ལྡན་བསྟན་རྒྱུ་མེད་རུང་ཁྲིམས་ཀྱི་རིག་གནས་འདི། ཁྱེད་རང་གི་མི་ཚེའི་ཆེད་སྦྱོང་དང་ཆེད་ལས་ཡིན་པ་ནི། ཁྱེད་ཀྱིས་སྤྱི་ཚོགས་ནང་གནའ་ནས་ད་ལྟའི་བར་ཁྱབ་བསྒྲགས་བྱས་པ་གོ་མྱོང་། དེ་འདྲ་ཡིན་ན། ཆེད་ལས་རིག་གནས་འདི་བེད་སྤྱོད་གཏོང་དགོས་པའི་དུས་ཚོད་ལ་དངོས་གནས་འཁེལ་འདུག ཁྲིམས་ལ་སྦྱངས་པའི་ཆེད་དེབ་ཅིག་ཡོངས་གྲགས་སུ་དཔར་འགྲེམས་བྱ་རྒྱུ་མེད་ཀྱང་ཁྲིམས་ཁང་ལ་ཤོགས་ཟེར་བའི་སྤོབས་པ་ཁྱེད་ལ་ཡོད་ན། ཁྱེད་རང་ཡང་ཁྲིམས་ཞིབ་ཁང་ལ་བཅར་ནས་ལག་ལེན་གྱི་ཐོག་ནས་འགན་འཁུར་དགོས་པ་ནི། མཁས་དབང་མ་དགོས་མང་ཚོགས་དཀྱུས་མ་ཚུན་ཆད་ཀྱིས་ལག་བསྟར་ཐུབ་པ་ཞིག་རེད། ལྷག་པར་ཁྱེད་རང་གིས་བོད་མིའི་མཐུན་ལམ། ཁྱེད་རང་དང་ཁྱེད་རང་གི་མ་འོངས་པའི་ལོ་རྒྱུས་བཅས་ལ་འགན་ངེས་པར་དུ་འཁུར་ཐུབ་དགོས། མ་གཏོགས་གལ་ཏེ་ཁྱེད་རང་ཁྲིམས་ལ་ཡོལ་བ། རྒྱང་ལྟ། ཟུར་འདུག སྣང་མེད་སོགས་བྱས་ན་ནི། ཁྱེད་རང་བོད་ཀྱི་ལོ་རྒྱུས་ཀྱིས་ཐར་བ་གཏན་ནས་གཏོང་གི་མ་རེད་ལ། ད་ལྟའི་ཆར་ཐད་ཀར་ཁྱེད་རང་ལ་ཁྲིམས་ཆད་ཕོག་སའི་ཁོར་ཡུག་ཅིག་བོད་ལ་མེད་རུང་། མ་འོངས་བོད་ཀྱི་ལོ་རྒྱུས་ཀྱིས་ཁྱེད་རང་གི་ནག་ཉེས་དེ་ཚེ་བཙོན་ལ་འཇུག་ངེས། ད་དུང་ཁྲིམས་ལ་ཧམ་བཤད་བྱེད་ཀྱིན་པའི་ཁྱེད་རང་གི་ཁྲིམས་རྩོད་པ་འདིས། ཁྱེད་རང་དང་ཁྱེང་རང་གི་རྒྱབ་དཔུང་ལ་རང་དབང་གི་སྒོ་ནས་ལངས་ཡོད་མེད་གང་ལྟར་ཡང་། སྐབས་འདིའི་བཀའ་ཤག་ལྷན་རྒྱས་ཁྲིམས་ཐོག་ལས་ཐར་ཐབས་སུ་ཤེས་ཡོན། འཇོན་ཐང་། བཟང་སྤྱོད། འགན་ལེན་སོགས་ཅི་ཡང་མི་འདུག་པས་ན། སྲིད་སྐྱོང་ལགས། ཁྱེད་རང་ངེས་པར་ཁྲིམས་ཞིབ་ཁང་དུ་ཕེབས་ནས། མ་ཉེས་ཁག་གཡོག་གི་དངོས་དོན་བརྒྱད་དང་ཁྲིམས་དོན་གཉིས་ལ་ཁུངས་སྐྱེལ་ཚད་ལྡན་ཞིག་གནང་རན་དུས་ཚོད་གནད་འགག་ཅན་ཞིག་རེད། ཡང་མིན་ན་བཙན་གྱིས་བསྒྲིགས་པའི་གསལ་བཤད་དོན་ཚན་བཅུ་ཟེར་བ་དེ་ཕྱིར་བསྡུ་བྱས་ཏེ། བོད་མི་མང་དང་ཚོགས་ཟུར་སྤེན་པ་ཚེ་རིང་ལ་སྔ་ས་ནས་དགོངས་སེལ་ཞུ་དགོས། ད་དུང་འདི་ལྟར་མུ་མཐུད་དུ་སོང་ན། བོད་མིའི་ནང་ཁུལ་གྱི་མཐུན་ལམ་སོགས་ཇེ་སྡུག་ཏུ་འགྲོ་སྲིད་པ་ལ་དགོངས་བཞེས་གནང་ཡོད་ཤག
༢༠༡༩།༧༠།༢༠ཉིན།
སྲིད་སྐྱོང་དང་བཀའ་ཤག་གི་སྤེན་ཚེའི་སྐོར་གྱི་སྔོན་རྗེས་ཀྱི་ལས་ཀ་ཚང་མ་རྒྱལ་བའི་མཚན་མཐོང་སྲུང་སྐྱོབ་ཀྱི་ཆེད་རེད། དེ་ཤེས་བཞིན་མི་ཤེས་མདོག་བྱེད་པ་ནི། ཚིག་པ་ཐང་ལ་ཟ། རྟ་ལྕག་རྟ་ལ་བཞུས། ཟེར་བ་ལྟར་དོན་དུ་༧ གོང་ས་མཆོག་ལ་འཁོན་སེམས་ཀྱིས་མི་གཞན་ལ་ཁ་ངན་ལབ་ཀྱི་ཡོད་རེད་བ། དམ་ཚིག་ཉམས་པའི་རྒྱུ་ལས་སུ་ལའང་ཕན་ཐོགས་དཀའ། ཁ་སང་ཁྲིམས་ཁང་དུ་དཔང་རྟགས་དང་བཅས་པ་བསྟན་ནས་སྤེན་ཚེ་ཕམ་ཚར་སོང་ཡང་ད་རུང་ཧམ་པ་བཤད་ཀི་འདུག ད་ཞབས་འདྲེན་ཞུ་རྒྱུ་མང་འགྲོ་གིན་འདུག། ཁྱོད་རང་ཚོས་སྤེན་ཚེ་ནག་པོ་ནག་རྐྱང་བཟོས་ཚར་སོང་། འཇོན་པོ་འདུག ད་རུང་ཤུགས་རྒྱོབས།།
བསྟན་འཛིན་དབྱངས་གསལ།
བོད་པ་ལས་ངན་པ་ཚོས། ཁ་ལ་ཟ་རྒྱུ་མེད། རྒྱབ་ལ་གྱོན་རྒྱུ་མེད། ལག་ལ་རྒྱལ་ཁབ་ཀྱི་པ་སི་མེད། ༧སྐྱབས་མགོན་རིན་པོ་ཆེས་གསུང་ལ་མི་ཉན། ཁྲག་དོག འགྲན་སེམས་བསམ་ནག ཁོག་ལ་བཅང་ནས་དེང་སང་བོད་ནུབ་ཕྱོགས་ལུང་པ་རུ། བོད་པ་ནང་བསྟན་ཆོས་ཚོགས་སུས་གཅིག་གི་ཁོངཀ་་ཚོགས་མི་གྲས་བསྡམད་ཀྱིས་མི་འདུག་ཟེར། ཉེ་བའི་ཝིན་ཀུ་ཝར་ནང་བསྟན་ཆོས་ཚོགས་སུ་བོད་པ་ཁ་ཤས་མཆོད་མཇལ་དུ་འགྲོ་འདུག་ དེ་གའི་བོད་རྒྱུད་་བསྟན་དགོན་པ་ཆེན་པོ་ཡོད་ཀྱང་། ཚོགས་མི་ནི་མགོ་སེར་བ་དང་། མ་ལེ་ཤ་དང་ཧོང་ཀོང་གི་རྒྱ་རིགས་ཀྱང་ཡིན།་མཆོད་མཇལ་བ་བོད་པ་སུས་གཅིག་ལ་ངོས་ལེན་དམིགས་བསལ་བྱས་མིན་ལབ་སོང་། གང་ཡིན་ཟེར་ན། བོད་པ་མང་ཆེ་བས་སོ་སོས་༧ རྒྱལ་བ་རིན་པོ་ཆེ་ཁ་ལ་འཁྱེར་ནས་་དོན་ངོ་བོ་ཐོག་ལ་རྒྱལ་རིན་པོ་ཆེ་གསུངས་ཚིག་གཅིག་ཉན་མཁན་མི་འངུག མ་ཟད་ཁོང་ཚོས་སུས་གཅིག་ཀྱང་ནང་ཆོས་ལ་ཉམས་ལེན་བྱེད་ཀྱིས་མི་འདུག་ཕྱི་གོས་ལོག་གཅིག་པུ་བོད་མི་ཡིན་རབ་བཤད་དེ་ང་རྒྱལ་དང་། ཤ་ཟ་བ་དང་། ཕྲག་དོག་དང་ཅང་མ་གཏོགས་མི་འདུག བྱས་ཙང་ང་སུས་ཁོང་ཚོ་ལ་ངོས་ལེན་མ་བྱས་ཡིན་བཤད་སོང་། དེ་ལས་བལ་པོ་མི་དང་འབྲུག་པ་སོགས་ཅུང་ཙམ་ཡ་རབ་སྤྱོད་བཟང་ཆེ་བ་འདུག་ཟེར། ད་འདི་འངྲ་ཅང་བྱས་ནས་དོན་དུ་སོ་སོས་སྣ་ཁུག་སྐྱགས་པ་དྲུད་པ་རེད་དོ།
མི་ང་ལ་མཚོན་ན་སྤེན་པ་ཚེ་རིང་ལགས་དང་། བློ་བཟང་སེང་གེ་ལགས། ཨ་ཚོགས་ཀླུ་བྱམས་ལགས་གསུམ་པོ་གཅིག་པ་གཅིག་རྐྱང་ཡིན། ཁྱད་པར་གང་ཡང་མེད་མོད། ཡིན་ནའང་བོད་པའི་ནང་ཆོས་ཟུར་དུ་བཞག་ནས་ཆབ་སྲིད་ཁོ་ནའི་སྟེང་བགྲོ་གླེང་ཞིག་བྱེད་ན་སྐུ་ངོ་ཀླུ་བྱམས་ལགས་ལས་ལྷག་པ་གཅིག་རྐྱང་མི་འདུག། ཞེན་ཁོག་གང་ཡང་མིན་ཀླུ་བྱམས་དང་ངའི་དབར་ཇ་ཕོར་པ་གང་གི་འབྲེལ་ལམ་མེད། གཞན་ཐམས་ཅད་གོང་མར་སྤྲེལ་ལས་ཁོ་ན་བཤད་རྒྱུ་ལས་མ་འོངས་བོད་ཡུལ་ལ་ཕན་པའི་དམིགས་འབན་གང་ཡང་མི་འདུག ང་ཚོ་བོད་པ།
བདེན་པ་རྫུན་པ་ཁྲིམས་ཀྱི་ དབྱེ།
ཆུ་དང་འོ་མ་རུས་སྦལ་དབྱེ།
ཁྲིམས་ཀྱི་བསྡམས་ན་གཅིག་རེད།
རྐུད་པས་བསྡམས་ན་བརྒྱ་རེད།
ཁ་མཆུ་ཨང་ཉི་ཤུ་འདི་སུ་ལ་ནག་
ཡོད་པ་དེ་ལ་མ་འོངས་བཙན་བྱོལ་བོད་
མིའི་སྤྱི་ཚོགས་ནང་མི་གསུམ་ཡན་གྱི་འགོ་ལ་
བསྡོད་མི་ཆོག་པའི་བཅད་ཁྲ་གཏོང་དགོས།
ཨ་ཁོ་རེ་ཤ་ཚ། ལས་ངན་བོད་པ་ཁྱོད།
ཁ་ལྟོ་མ་གཏོགས་ལས་གནས་ཅི་ཡང་མེད། །
ཆགས་སྡང་མ་གཏོགས་བསམ་རྒྱུ་ཅིི་ཡང་མེད། །
ཅི་ཡང་མེད་པའི་ས་མཐར་ཉུལ་འཁྱམ་ཁྱུ། །
རང་སྲོག་རང་གིས་གཅོད་པ་མི་ཤེས་སམ།
རྩོམ་ཡག་པོ་འདུག།བརྗོད་བྱ་གནད་འགག་ཅན་རེད། བློ་སེང་ལ་བྱེ་མ་བཙུར་ན་སྣུམ་ཡོང་རྒྱུ་མེད། ཧ་ཧ་
གནམ་ལྕགས་རྡོ་རྗེ་ལགས་མཆན་དེརམོས་མཐུན་ཡོད།
ལས་ངན་བོད་པ་ཚོ།
༸ ཡིད་བཞིན་ནོར་བུ་དགུང་ལོ་ཆེ།།
མི་རབས་གསར་བར་ཉེ་རིང་ཆེ།།
བླུན་པོ་མང་པོར་གཡམ་རྒྱུག་ཆེ།།
ཁ་བའི་རྨི་ལམ་ཁ་ཐག་རིང་།།
དགྱ་ནག་གུང་ཁྲན་སྟོབས་ཤུགས་ཆེ།།
གངས་ཅན་བོད་ལ་ནང་འཁྲུག་ཆེ།།
བོད་རྒྱའི་གནད་དོན་འགལ་འདུ་ཆེ།།
ཁ་བའི་རྨི་ལམ་ཁ་ཐག་རིང་།།
བཀའ་བློན་ཕལ་ཆེར་སྤྲེལ་ལད་ཆེ།།
སྤྱི་འཐུས་མང་པོར་ཕྱོགས་རིས་ཆེ།།
གྲྭ་འཐུས་མང་པོར་ཆོས་དྲེད་ཆེ།།
ཁ་བའི་རྨི་ལམ་ཁ་ཐག་རིང་།།
བླ་གྲྭ་ཕལ་ཆེར་ཆགས་སྡང་ཆེ།།
མང་ཚོགས་ཕལ་ཆེར་རྨོངས་དད་ཆེ།།
ཆོས་སྲིད་བར་ན་ཉོག་འཛིང་ཆེ།།
ཁ་བའི་རྨི་ལམ་ཁ་ཐག་རིང་།།
བཙན་བྱོལ་སྤྱི་ཚོགས་རྙོག་གླེང་ཆེ།།
དཔོན་ལ་འུད་ཤོབ་ཧམ་པ་ཆེ།།
འབངས་ལ་ཕྱི་འཇམ་ནང་གདུག་ཆེ།།
ཁ་བའི་རྨི་ལམ་ཁ་ཐག་རིང་།།
མྱི་ནག་སྙན་ངག་དོན་དང་ལྡན་པ་འདུག
ངས་སྔོན་མ་སྐུ་ངོ་སྤེན་ཚེ་ལགས། ཡིད་ཆེས་ཆེན་པོ་བྱས། ད་ཏོག་ཙམ་སྐུ་ངོ་མཆོག་མི་ཁ་ཤས་ཁ་ལ་རྒྱུགས་ནས་ལས་ཀ་གྱོས་ཉེས་ཤོར་འདུག མ་གཞི་སྐུ་ངོ་ངས་ནམ་རྒྱུན་འཚམས་འདྲིས་ཞུ་ས་ཞིག་ལས་གཅིག་ཡིན། ད་ཏོག་ཙམ་བྱུང་མ་སོང་། ༧ གོང་ས་མཆོག་ནས་སྔོན་ལོ་རྒྱ་གར་གོ་བ་ལ་བཀའ་སློབ་ལན་འདེབས་གནང་བའི་ལེ་ཚན་གཅིག་སྟེ། མི་ཆེན་པོ་ཡིན་ནའང་སྐབས་རེ་ནོར་ཁྲུལ་བྱུང་མི་སྲིད་པ་རེད། དཔེར་ན། པཎ་ཌིཏ་ནེཧ་རུ་མཆོག་ཀྱང་། པཀིསྟན་དག་རྒྱ་གར་ཁ་ཁ་ཕྱེ་བར་དེ་ནི་ཁོང་ཉིད་ང་རང་བསམ་ནས་བྱཡང་བ་ཞིག་རེད། ད་བར་དཀའ་རྙོག་སེལ་ཐུབ་མེད། ཅེས་གསུངས་པ་ལྟར། སྐུ་ངོ་སྤེན་ཚེ་ཡང་ད་ལན་ཏོག་ཙམ
དེ་འངྲ་བྱུང་། བློ་ཕམ་པ་ཞིག་པ་་ད་ཁོ་རང་ལ་མ་འོངས་སྲིད་སྐྱོང་ཞབས་འདེག་་ཐོབ་ཁག་པོ་རེད།
དེང་སང་གི་དམངས་གཞས།
༡ བློ་སེང་ཤ་ཁྱི་ཡིན་ཟེར།། ཤར་རྒྱུགས་ནུབ་རྒྱུགས་བྱེད་ཀྱི།།
སྤེན་ཚེ་འདོགས་ཁྱི་ཡིན་ཟེར།། རྫིགས་ཉམས་རྒྱང་ནས་སྟོན་བྱུང་།།
བློ་གྲགས་རྒྱ་ཁྱི་ཡིན་ཟེར།། འབ་ཙམ་འམ་ཙམ་བྱེད་ཀྱི།།
ཁྲིམས་དཔོན་རྔོན་པའི་སྐུ་ཞབས།། ཤ་ཁྱིར་སྟངས་འཛིན་གནང་རོགས།།
༢ བློ་སེང་རྒྱ་མ་བོད་ལ།། བོད་དོན་རེ་བ་རྦད་ཟད།།
དེ་ལས་ཨ་ཅག་ཤར་གླིང་།། ཐུགས་ཕམ་བཟོ་བ་ག་གནང་།།
ཐུགས་ཕམ་བཟོ་བ་ག་གནང་།། ཐུགས་ཕམ་བཟོ་བ་མ་གནང་།། ལ་བཅོས།
ངེད་རྣམས་ཀྱི་སྲིད་སྐྱོང་མཆོག་འདི་ལྟ་བུ་དོན་མེད་དོན་ལོག་གི་གྱོད་གཞི་འཛུགས་མཁན་གྱི་ཁྲོད་དུ་ཕེབས་དོན་མ་མཆིས། ཁོང་གི་ཕྱག་ལས་ནུས་འཇོན་ཁྱད་དུ་འཕགས་པ་བྱུང་ནས་མི་མང་ནས་འོས་འདེམས་ཐེང་གཉིས་ཐོབ་པ་ལ་ཁྱེད་ཅག་ཕྲག་དོག་གི་ར་གཟི་བ་ཁ་ཤས་མི་འོས་པའི་གཏམ་ཤ་སྟག་སྤེལ་ནས་བསྡོད་ཨ། གཤིན་རྗེའི་ཁ་ལ་རང་ཉིད་རང་གིས་བསྐྱེལ་འདོད་ན་དེ་ལྟར་མཛོད། གོང་ས་མཆོག་གིས་སྲིད་སྐྱོང་བློ་སེང་མཆོག་ལ་ཆེ་བསྟོད་ཡང་ནས་ཡང་དུ་གནང་བ་ཁྱད་བསོད་དང་སྣང་མ་བྱས་པར་བག་ཡོད་པར་གྱིས་ཤིག
རྡོ་རྒོད།
གོང་གི་དམངས་གཞས་དེ་དམངས་གཞས་རེད་མ་གཏོགས་ང་ལྷག་པས་གསར་དུ་བརྩམས་པ་ཞིག་མ་རེད། སྲིད་སྐྱོང་ལ་འོས་ཐོབ་པ་དེ་དངོས་ཡོད་གནས་ཚུལ་རེད། དེ་ངས་ཀྱང་གསལ་པོ་ཤེས། འོན་ཀྱང་ཤེལ་ལ་ནོར་བུས་ཁ་བསྒྱུར་བ་དང་། ལུག་ལྤགས་གྱོན་པའི་སྤྱང་ཀི་ཡིན་ཙང་ད་ལྟ་རང་མདོག་གང་འདྲ་ཡིན་མི་དམངས་ཀྱིས་མཐོང་བ་རེད། རྒྱལ་ཁམས་པའི་མིག་ལ་ཡེ་ཤེས་ཀྱི་སྤྱན་ཡོད།། ཅེས་པའི་དཔེ་ལྟར། ད་ལྟ་གནས་ལུགས་དངོས་དེ་མཚོན་པའི་དམངས་གཞས་དེ་ལྟ་བུ་དར་བ་རེད།
གཡག་ཞ་ར་དང་མཚུངས་པའི་ཁྱོད་ལྟ་བུ་བློ་སེང་མ་གཏོགས་ཁས་མི་ལེན་པའི་མི་སྣ་མི་ཉུང་བ་ཞིག་ང་ཚོའི་སྤྱི་ཚོགས་ནང་ཡོད་ཙང་། ད་བར་སྤྱི་ཚོགས་འདིར་དཀའ་ངལ་རིམ་པས་འཕྲད་ཡོད། ཁྱོད་ཀྱིས་ཤོད་དང་། ང་ཚོའི་ཁྲིམས་ཞིབ་ཁང་དོན་མེད་དོན་ལོག་གི་གྱོད་གཞི་ཁས་ལེན་མཁན་གྱི་ཁྲིམས་ཁང་ཞིག་རེད་དམ།
ད་དུང་། བློ་སེང་གིས་ཆིག་སྒྲིལ་དང་། གསར་གཏོད། རང་ཁ་རང་གསོ་བཅས་བསྒྲགས་པ་རེད། ནུབ་ཕྱོགས་ཨ་རི་དང་ཁ་ན་ཊ། ཨོ་གླིང་། ཡོ་རོབ་བཅས་ནས་རྒྱ་བལ་བར་གྱི་གནས་ཚུལ་ལ་མིག་གིས་ཆེར་ལྟོས། རྣ་བ་ལྷོགས་པོར་ཉོན། ལོ་རྒྱུས་ཐོག་མ་གྲགས་པའི་བོད་པའི་ནང་འཁྲུགས་བསླངས་འདུག ཨོ་གླིང་སི་ནི་སོགས་ས་གནས་འགའ་ཞིག་ཏུ་བློ་སེང་གོམ་པ་སྤོ་ས་མི་འདུག དེ་མིག་ན་བ་ལག་པས་བཟོས་པ་རེད་ལ་རང་གི་ངོ་ཚ་རང་གིས་ཉོས་པ་རེད། ད་དུང་གསར་གཏོད་གང་དུ་ཡོད། ཁོ་པ་དུས་རྟག་ཏུ་སྤྲོ་འཆམ་བསྐྱོད། མིག་ལ་མིག་ཤེལ་ནག་པོ་གཅིག་གྱོན། ཟུར་ཟའི་སྙིང་སྡུག་འདྲ་བསྟེན། ལི་ཐང་པ་ཡིན་ཕྱིན་གོ་སྐབས་གང་ཡོད་སྤྲད། དེ་གསར་གཏོད་ཡིན་ཤས་ཆེ། ད་དུང་རང་ཁ་རང་གསོ་གང་དུ་ཡོད། གཞིས་ཆགས་ལ་ཡོད་དམ། གངས་སྐྱིད་ལ་ཡོད། སློ་གྲྭ་ཁག་ལ་ཡོད། ཧ། ཧ། ཧ………
ད་དུང་༧གོང་ས་མཆོག་བོད་ལ་གདན་དྲང་གི་ཡིན་ཟེར། རྒྱ་བོད་འབྲེལ་མཐུད་ཙམ་གང་དུ་ཡོད། ངས་དཔྱད་ན། བློ་སེང་ལ་ཚང་དགོས་པའི་ཁྲམ་པའི་རྟགས་ཚང་མ་ཚང་འདུག་མ་གཏོགས་རང་གིས་བཤད་པའི་ཕྱག་ལས་ནུས་འཇོན་ཁྱད་དུ་འཕགས་པ་ཅི་ཡང་མི་འདུག
ད་དུང་བཤད་རྒྱུ་གཅིག་ལྷག་འདུག རང་གིས་ཤོད་སྟངས་བྱ་ན་ཉིན་གཅིག་མི་ཁྱོད་ཚོས་བློ་སེང་རྒྱལ་བ་རིན་པོ་ཆེ་ལས་ལྷག་པ་རེད་ཅེས་བརྗོད་པའི་མཚམས་ལ་སླེབས་འདུག ༧གོང་ས་མཆོག་གིས་སྐུ་དབང་ཡོངས་རྫོགས་མི་དམངས་ལ་སྩལ་བ་དང་། དམངས་གཙོའི་ལམ་ནས་བློ་སེང་སྲིད་སྐྱོང་ལ་འོས་འདེམས་བྱུང་པ་རེད། ད་དེ་ལ་སྤྱིར་བཏང་གིས་འགྲོ་སྟངས་ཐོག་ནས་༧༧གོང་ས་མཆོག་གིས་རྒྱབ་སྐྱོར་གནང་དགོས་ངེས་རེད། རྡོ་རྒོད། དེ་ཡང་ཤེས་ཀྱི་མི་འདུག་གམ། ༧གོང་ས་མཆོག་གིས་ཡོངས་གྲགས་སྐྱོན་བརྗོད་མ་གནང་བར་སྒུག་དགོས་ཚེ་སྐབས་དེ་དུས་ཚར་པ་རེད་དོ།། འབ་འུབ་བསྡུས་མི་ཡོང་། རྡོ་རྒོད་ཁྱོད་དང་འདྲ་བ་རྣམས་ལ་རྣམ་དཔྱོད་ཀྱི་མིག་རྒྱང་རིང་ཙམ་ཡོད་ན། ང་ཚོ་བོད་སྤྱི་ལ་ཕན་གྱི་རེད། བློ་སེང་འདི་ནམ་ཡང་དཀར་པོ་མ་ཡིན་ལ། རེ་ལྟོས་འཆའ་བའི་མི་ཞིག་ཀྱང་ནམ་ཡང་མིན། དེ་བས་སྲིད་སྐྱོང་ཁྱུར་བའི་ཉིན་ནས་ང་ཚོ་སྤྱི་པའི་རྡོག་ཁྲེས་ཤིག་ཏུ་འགྱུར་ཉེན་ཧ་ཅང་ཆེ། ཡིད་མ་ཆེས་ན་ཁྱོད་ཀྱིས་མིག་རྒྱང་རིང་ཙམ་གྱིས་དང་རིམ་པས་ཤེས་ཡོང་། ངས་ཀྱང་དགོས་སར་ར་སྤྲོད་རིམ་པས་བྱས་ཆོག
ད་ལོ་ཡང་བསྐྱར་བོད་ཀྱི་བུ་མོ་གསེར་བསྟན་སྨན་འཚོ་རྒྱ་ནག་སྐད་སྙན་གླུ་དབྱངས་འགྲན་བསྡུར་དུ་ཞུགས།
ལོ་ན་ ༡༩ ཡིན་པའི་བོད་ཀྱི་བུ་མོ་གསེར་བསྟན་སྨན་འཚོ་ད་ལོ་ཀྲུང་གོའི་སྐད་སྙན་གླུ་དབྱངས་འགྲན་བསྡུར་དུ་ཞུགས་ཡོད་པས། དཔྱད་འདེམས་པ་དང་ལྟ་མཁན་ཚང་མས་མོས་བླངས་པའི་གླུ་གཞས་ལ་ཤིན་ཏུ་དགའ་མོས་བྱེད་ཀྱིན་འདུག
ན་ནིང་དང་གཞེས་ནིང་ལོར་བསྟན་འཛིན་ཉི་མ་དང་། བཀྲ་ཤིས་ཕུན་ཚོགས་གཉིས་ཀྱིས་ཀྲུང་གོའི་སྐད་སྙན་གླུ་དབྱངས་འགྲན་བསྡུར་ལ་ཞུགས་ཤིང་རྒྱ་ནག་རྒྱལ་ཡོངས་ནས་ཨང་དང་པོ་བླངས་ཡོད་པར་བརྟེན། རྒྱ་མི་མང་པོས་ཀྲུང་གོའི་སྐད་སྙན་གླུ་དབྱངས་འགྲན་བསྡུར་ནི་བོད་ཀྱི་སྐད་སྙན་གླུ་དབྱངས་འགྲན་བསྡུར་རེད་ཅེས་ཝི་པོ་དང་སྐད་འཕྲིན་སོགས་སུ་བྲིས་ཡོད་པ་རེད།
https://www.youtube.com/watch?v=n77dJXLuKgE
༄༅། བློ་བཟང་སེང་ངེར་མ་སྨད། བོད་མིའི་དབུ་འཁྲིད་ཡིན་སོང།
མང་པོས་བཀུར་བའི་མི་ལ། མ་བསྟོད་སྨད་པར་བྱེད་ན།
མི་དེ་ཤེས་ཡོན་མེད་པ་དང། མཐོ་དམའ་ཀུན་ནས་སྨད་ལ།
ཕྱི་དགྲ་ལ་ཐུག་ན་རི་བོང་ལས་ཉམ་ཆུང།
ནང་མི་ལ་ཐུག་ན་ཝ་སྟག་ལས་ངར་ཆེ།
མི་དེ་ཡང་ན་གདོན་ཞུགས་འདྲ།
ཡང་ན་ཤེས་མེད་བོང་རྒན་འདྲ།
༄༅། རྗེ་གུང་ཐང་བསྟན་པའི་སྒྲོན་མེ་རིན་པོ་ཆེ་མཆོག་ནས།།
སྐྱིད་ཀྱང་མི་རློམ་དཀོན་མཆོག་དྲིན་དུ་ལྟ། སྡུག་ཀྱང་མི་འཁང་རང་གི་ལས་སུ་བསམ།
བསྟོད་ལ་མི་དགའ་བསོད་ནམས་ཉམས་བྱེད་དང། སྨད་ལ་མི་ཁྲོ་སྡིག་པའི་ཕྱགས་མར་བསྒོམ།
དེ་རིང་ནས་འཆན་འདེབས་ཡ་ཡིན།
མཁས་དབང་མཆོག་ག་ལེར་ཐོན་ཡོང་གི་རེད།
༄༅། ད་ནི་སྤེན་ཚེའི་གདོང་པ་ནག་ཏུ་ནག་ཏུ། ལུས་པོའི་ཤ་ཡང་སྐམ་དུ་སྐམ་དུ་འགྲོ་ལ།
སྐད་ཀྱི་མདངས་ཡང་ཉམ་ཞིང་ཉམ། བརྗོད་པའི་སྐད་ཤུགས་ཆུང་ཡང་ཆུང་།
ལུས་ཀྱི་གོམ་པ་གཡས་གཡོན་ནོར། ཡར་ལ་འགྲོ་རྒྱུ་མར་ལ་ལྷུང།
ཨ་ཅོ་སྤེན་པ་ཚེ་རིང་ལགས། འདི་འདྲ་གནང་དགོས་རྒྱུ་མཚན་ཅི།
Abher Jigwang གིས་བཏབ་པའི་མཆན་ 17 དང་ 20 ལ་བལྟས་པས་ཁོ་པ་རིག་འཚོ་མ་ཟིན་པ་ཞིག་ཡིན་པ་ཐག་ཆོད། ཁ་བརྡའི་དྲ་བདག་གིས་སྨྱོན་པ་མཆན་འདེབས་སུ་མ་ཆུགས། གལ་ཏེ་དྲ་བདག་གིས་མ་ཕུད་ན། ཁོ་པས་དེ་རིང་ནས་བཟུང་ག་རེ་བཤད་ཀྱང་ལན་མེད་དོ། རྒྱུ་མཚན་དྲ་གྲོགས་ཚོས་མཁྱེན་པ་གནང་རོགས།
བསྟོད་ལ་མི་དགའ་བསོད་ནམས་ཟད་བྱེད་དང་། །
སྨད་ལ་མི་ཁྲོ་སྡིག་པའི་ཕྱགས་མར་བསྒོམ། །
གསུངས་པའི་དོན་ནི། སློབ་བཟང་སངས་རྒྱས་ལ་བསྟོད་མཁན་རྣམས་ཀྱིས། མ་བསྟོད་གྲོགས་གྱིས། ཅིའི་ཕྱིར་ཞེས་ན། ཁོང་གི་བསོད་ནམས་ཉམས་ཀྱི་རེད། ཁོང་ལ་སྨད་མཁན་ཚོས་ད་དུང་མང་ཙམ་སྨད་གྲོགས་གྱིས། ཅིའི་ཕྱིར་ཞེ་ན། ཁོང་སྡིག་ཅན་ཡིན་སྟབས། ཁོང་གི་སྡིག་པ་ཕྱགས་མས་འཕྱགས་དགོས་འདུག་ཅེས། སྐུ་ངོ་འཇིགས་མེད་དབང་འདུད་ཀྱི་རེ་བ་ངོ་མ་དེ་ཡིན་འདུག། དྲྭ་གྲོགས་ཚོ།
ཞུ་སྦྱོར་བ་དང་རྩོད་ལེན་པ་གཉིས་ནས་ཁ་མཆུ་རྒྱག་གི་རེད་ལ་
ཁྲིམས་ཁང་ནས་ཐག་གཅོད་ཀྱི་རེད་ང་ཚོ་མི་མང་བལྟས་མོ་
བལྟས་ནས་སྡོད་རྒྱུ་རེད་ལ་སུ་ཤོར་ཡང་བཙན་བྱོལ་བོད་མིའི་
སྤྱི་ཚོགས་ནང་ལས་ཀ་བྱ་རྒྱུའི་སྒོ་སྐབས་ཤོར་བ་རེད་ཧཧཧཧཧ