མཚོ་སྒོ་ཕོ་ཉ།
ངའི་མིང་ལ་(Greta Thunberg)གྷིར་ཏྰ་ཐན་ལྦག་ཟེར་བ་དང་ད་ལོ་ལོ་བཅོ་ལྔ་ཡིན། ངའི་སྐྱེས་ཡུལ་(Sweden)སིའུ་ཀྲན་ཡིན། ད་ལྟ་ངས་དྲང་བདེན་གྱིས་ཐོག་ནས་གནམ་གཤིས་ཆེད་དུ་སྐད་ཆ་ཤོད་ཀྱི་ཡིན། མི་མང་ཆེ་བས་(Sweden)སིའུ་ཀྲན་ནི་རྒྱལ་ཁབ་ཆུང་ཆུང་ཞིག་ཡིན་ལབ་ཀྱི་ཡོད་རེད། དེ་ནི་ང་ཚོས་གང་བྱས་པའི་གནད་དོན་ཞིག་མ་རེད། ཡིན་ནའང་ཁྱེད་ཚོས་གནད་དོན་ཆུང་ཆུང་ཞིག་གི་འགྱུར་ལྡོག་རྩ་བ་ནས་གཏོང་འདོད་མེད་པ་ངས་ཤེས་རྟོགས་བྱུང། གལ་སྲིད་སློབ་ཕྲུག་ཁ་ཤས་ཀྱིས་སློབ་གྲྭར་མི་འགྲོ་བར་འཛམ་གླིང་གང་སར་གསར་འགྱུར་བཟོ་ཐུབ་ན་ང་ཚོ་ཚང་མས་མཉམ་དུ་ཅི་ཞིག་དགོས་པ་དེ་བསྒྲུབ་ཐུབ།
ཡིན་ནའང་དེ་འདྲ་བྱེད་པ་ལ། གནས་ཚུལ་བཟང་ངན་ཅི་ཞིག་ཏུ་འགྱུར་ཡང་ང་ཚོས་སྐད་ཆ་གསལ་པོ་ཤོད་དགོས། ཁྱེད་ཀྱིས་རང་བྱུང་ཁོར་ཡུག་དེ་དཔལ་འབྱོར་ཁོ་ན་མཐའ་མེད་དུ་སྐྱེད་འཕེལ་ཡོང་འགྱུར་སྐད་ཆ་ཤོད་ཀྱིན་ཡོད། གང་ཡིན་ཟེར་ན་སོ་སོའི་སྙན་གྲགས་མེད་པར་འགྱུར་བའི་འཇིགས་སྣང་ཡོད་པས་རེད། ཁྱེད་ཀྱི་བསམ་ཚུལ་ངན་པ་ཁ་ཤས་དང་། ལྷན་དུ་མདུན་སྐྱོད་བྱེད་དགོས་པའི་སྐད་ཆ་ཁོ་ན་བཤད་པས་ང་ཚོས་མདུན་དུ་ཟང་ཟིང་འདི་འདྲ་བྱུང་བ་རེད། རྣམ་དཔྱོད་ལྡན་པའི་བྱ་བ་ཅི་ཞིག་བྱས་ཀྱང་དེ་ལ་ག་དུས་ཡིན་རུང་ཛ་དྲག་གིས་བཀག་འགོག་བྱེད་ཀྱི་ཡོད། ཁྱེད་རང་ལ་དེ་ལྟ་བུ་བརྗོད་རྒྱུ་ནར་སོན་ཡོད་མ་རེད། ད་དུང་ཁྱེད་རང་ཚོའི་འགན་ཁུར་དེ་ཡིས་ང་ཚོ་ཕྲུ་གུ་ཞིག་ཡིན་པ་སྣང་མེད་དུ་འཇོག་གི་ཡོད་རེད།
ཡིན་ནའང་ངས་རང་ཉིད་སྙན་གྲགས་ཡོང་རྒྱུར་གཅེས་སྤྲས་བྱེད་ཀྱི་མེད། ངས་དྲང་བདེན་གྱིས་ཐོག་ནས་གོ་ལ་ཡོངས་ཀྱི་གནམ་གཤིས་ལ་སེམས་ཁུར་བྱེད་བཞིན་ཡོད། ང་ཚོའི་སྲིད་པའི་དཔལ་ཡོན་དེ་མི་ཉུང་ཤས་ཤིག་གིས་མ་དངུལ་ཧ་ཅང་འབོར་ཆེན་བཟོ་རྒྱུའི་ཆེད་དུ་མུ་མཐུད་ནས་གོ་སྐབས་སྤྲད་དེ་ཁོང་ཚོའི་འདོད་བློ་སྐོང་དུ་འཇུག་གིན་འདུག ང་ཚོའི་སྐྱེ་ལྡན་འཚོ་གནས་དེ་དམར་མཆོད་བྱས་པ་ལས་ངའི་ཕ་ཡུལ་ལྟ་བུའི་ཕྱུག་བདག་རྣམས་རྒྱས་སྤྲོས་ངང་འཚོ་གནས་ཐུབ་ཀྱིན་ཡོད། དཀའ་ངལ་མང་ཆེ་བ་རེ་ཟུང་གི་རྒྱས་སྤྲོས་ལ་བརྟེན་ནས་བྱུང་བ་རེད།
གལ་སྲིད་ང་ལ་ཕྲུ་གུ་བྱུང་ན།༢༠༧༨ལོར་ང་ལོ་༧༨ཟིན་པའི་སྐྱེས་སྐར་དེ་ཁོང་ཚོས་ང་དང་ལྷན་དུ་གཏོང་སྲིད་པ་ཞིག་རེད། གཅིག་བྱས་ན་ཁོང་ཚོས་ཁྱེད་ཚོའི་སྐོར་ལ་བཀའ་འདྲི་གནང་སྲིད་པ་ཞིག་རེད། གཅིག་བྱས་ན་ཁོང་ཚོས་ང་ཚོའི་ལས་ཀ་ཞིག་བྱེད་རྒྱུའི་དུས་ཚོད་འདང་ངེས་ཤེས་པ་ཡོད་བཞིན་དུ་ད་དུང་མ་གནང་བ་ཅི་ཡིན་ནམ་ཞེས་སྐད་ཆ་འདྲི་སྲིད་པ་ཞིག་རེད། ཁྱེད་ཚོས་སོ་སོའི་ཕྲུ་གུ་ལ་ཡོད་ཚད་བརྩེ་བ་ཡོད་རབས་ཤོད་བཞིན་ཡོད། འོན་ཀྱང་ཁྱེད་ཚོས་ཁོང་ཚོའི་མིག་མདུན་གྱི་མ་འོང་པ་འཕྲོག་པ་རེད། ཁྱེད་ཀྱིས་ཅི་ཞིག་བྱེད་དགོས་མིན་དོ་སྣང་བྱེད་འགོ་མ་ཚུགས་པའི་བར་དེ་བས་ཆབ་སྲིད་ཀྱི་གནས་སྟངས་གང་འདྲ་ཞིག་སྲིད་ཀྱང་དེར་རེ་བ་མེད། ང་ཚོས་ལྟ་ཚུལ་མ་འཛིན་པར་གཉན་འཕྲང་གི་དུས་ཚོད་དེ་ལས་རྣམ་པར་རྒྱལ་མི་ཐུབ། དུས་ཚོད་དེ་གཉན་འཕྲང་རང་དུ་གནས། ང་ཚོས་ས་འོག་ནས་ཐོན་པའི་གནའ་དངོས་རྣམས་བདག་ཉར་བྱེད་དགོས་པ་མ་ཟད་གཅིག་མཚུངས་ཀྱིས་དོ་སྣང་སྤྲོད་དགོས། གལ་སྲིད་ལམ་ལུགས་ནང་དུ་ཚུད་པའི་དཀའ་ངལ་དེ་དག་བསེལ་བའི་ཐབས་ལམ་ཞིག་རྙེད་སྲིད་ན། གཅིག་བྱས་ན་ལམ་ལུགས་དེ་ཉིད་ང་ཚོས་ངེས་པར་དུ་འགྱུར་ལྡོག་གཏོང་དགོས། ང་ཚོ་འདིར་འཛམ་གླིང་གི་དབུ་འཁྲིད་རྣམས་ཀྱི་དོ་སྣང་ཡོང་བའི་རེ་འབོད་བྱེད་པར་ཡོང་བ་མིན། འདས་པའི་ལོ་ཟླའི་ནང་ཁྱེད་ཚོས་ང་ཚོ་སྣང་མེད་དུ་བསྐྱུར་བྱུང་ལ། སླར་ཡང་སྣང་མེད་དུ་གཞོག་གི་རེད། ང་ཚོས་དུས་ཚོད་ལ་ཆ་ཡང་གཏོང་བའི་དུས་ཚོད་དེ་འདས་ཟིན་པ་རེད། ཁྱེད་ཚོར་འདོད་པ་ཡོད་རུང་མེད་རུང་ང་ཚོ་འདིར་འགྱུར་ལྡོག་ཞིག་ཡོང་བར་། བརྡ་ལན་སྤྲོད་དུ་བཅར་བ་ཡིན། དོན་དངོས་ཀྱི་དབང་ཆ་ནི་མི་དམངས་ལ་དབང་ཡོད། ཐུགས་རྗེ་གནང། །
སྒྱུར་རྩོམ་འདི་ནི་སུའི་ཀྲན་ནས་ཡིན་པའི་ལོ་བཅོ་ལྔ་ཅན་གྱི་གནམ་གཤིས་ལས་འགུལ་བ་(Greta Thunberg)གྷིར་ཏྰ་ཐན་ལྦག་ལགས་ཀྱིས་ཕྱི་ལོ་༢༠༡༨ ཟླ་བ་༡༢་པའི་ཚེས་༡༣་ཉིན་འཛམ་གླིང་གཉམ་འབྲེལ་རྒྱལ་ཚོགས་སུ་གནམ་གཤིས་འགྱུར་ལྡོག་ཚོགས་ཆེན་སྐབས་གནང་བའི་གཏམ་བཤད་དེ་རང་སྐད་དུ་བསྒྱུར་བ་འོ།
https://www.democracynow.org/2018/12/13/you_are_stealing_our_future_greta
.