ཆུ་རླངས་འབྲུག་བྱམས།
མི་མང་གིས་མང་གཙོའི་ཐོབ་ཐང་ལོངས་སུ་སྤྱད་ཅིང་མང་གཙོའི་ལམ་ནས་འོས་འཕངས་སྟེ་སྲིད་སྐྱོང་ལ་བདམ་ཐོན་བྱུང་པའི་སྐུ་ཞབས་སྤེན་པ་ཚེ་རིང་ལགས་ཀྱིས་གཏམ་བཤད་ཅིག་གི་ཁྲོད་ནས་རང་ཉིད་ལ་འོས་ཤོག་ཐོབ་ཆེད་མི་མང་གི་ཚེ་སྲོག་ལ་རྩེད་མོ་མི་རྩེད་རྒྱུ་དམ་བཅའ་བཞག་སོང། རྒྱ་ནད་ COVID 19 ནི་དུས་རབས་ཉེར་གཅིག་ནང་འཛམ་གླིང་མི་དམངས་ཀྱི་ཚེ་སྲོག་འཕྲོག་མཁན་ཞིག་ཏུ་གྱུར་ཡོད། ཉིས་སྟོང་ཉི་ཤུ་དང།
ཉིས་སྟོང་ཉེར་གཅིག་ལོར་མི་མང་འདུ་འཛོམས་ཅི་ཙམ་བྱས་བ་དེ་ཙམ་གྱིས་ནད་ཡམས་དེ་ཁྱབ་གདལ་དུ་འགྲོ་བཞིན་ཡོད་པས་ན། སྲིད་སྐྱོང་གི་འོས་ཐོབ་ཆེད་ཕྱོགས་སྐྱོད་དུ་མི་འགྲོ་རྒྱུ་ཐག་གཅོད་གནང། ད་དུང་སྤེན་པ་ཚེ་རིང་ལགས་ཀྱིས་བཤད་རྒྱུར། ད་ཐེངས་ཀྱི་སྲིད་སྐྱོང་འོས་བསྡུའི་ཁྲོད་མིག་དཔེ་ཡར་བལྟ་བྱེད་ས་ཞིག་འཇོག་གི་ཡིན་ཅེས་ཁས་ལེན་དམ་བཅའ་བཞག་ཡོད། ཁ་དོན་ཚིག་ལ་གནས་པའི་ཕོ་རབ་ཅིག་ནི་སྐུ་ཞབས་སྤེན་པ་ཚེ་རིང་ལགས་རེད། ཁོང་ནི་ང་ཚོས་འོས་བླུགས་ནས་བདམ་པའི་འགོ་ཁྲིད་ཐེངས་གསུམ་པ་དེ་ཡིན།
ཁྱེད་གྱིས་ལོ་རྒྱུས་ཀྱི་ནང་དུ་ཟིན་ཐོ་གསར་བ་ཞིག་བྲིས་སོང། ང་ཚོ་བོད་མི་ཙམ་མ་ཡིན་པར་འཛམ་གླིང་ནང་གི་མང་གཙོའི་ལམ་དུ་འགྲོ་མཁན་རྒྱལ་ཁབ་དེ་དག་ལ་ཡང་མིག་དཔེ་ཡར་ལྟ་བྱེད་ས་ཞིག་བཞག་སོང། ད་ལྟའི་བར་དུ་མང་གཙོའི་ལམ་ལུགས་ནང་བདམ་ཟིན་པའི་སྲིད་འཛིན་དང་སྲིད་བློན་གང་འདྲ་ཞིག་ཡིན་རུང། རང་ཉིད་ལ་འོས་ཐོབ་ཆེད་སྒོར་མོ་ས་ཡ་མང་པོ་བཏང་ནས་ཆབ་སྲིད་ཀྱི་དྲིལ་བསྒྲགས་མ་སྤེལ་མཁན་སུ་གཅིག་ཀྱང་བྱུང་མེད། མི་མང་ལ་དངུལ་གྱིས་བསླུ་བྲིད་གཏོང་བ་དང། ཆབ་སྲིད་གྱི་དྲིལ་བསྒྲགས་སྤེལ་ནས་ཁེ་ཕན་མི་ལེན་མཁན་གྱི་སྲིད་དོན་པ་སུ་གཅིག་ཀྱང་བྱུང་མེད། འདི་ནི་འདས་པའི་མང་གཙོའི་ལམ་ལུགས་ཁྲོད་སྲིད་འཛིན་དང་སྲིན་བློན་གང་རུང་ཞིག་བདམ་པའི་སྐབས་སུ་དངུལ་གྱི་འགྲོ་སོང་གཏོང་བ་དང་ཆབ་སྲིད་དྲིལ་བསྒྲགས་བྱེད་པའི་ལམ་ལུགས་སྲོལ་ཞིག་ཏུ་གྱུར་ཡོད། ཡིན་ནའང། ཉིས་སྟོང་ཉེར་གཅིག་ལོར། བོད་ཀྱི་སྲིད་སྐྱོང་འོས་མིའི་ཁྲོད་ནས་སྒོར་གཅིག་ཀྱང་འགྲོ་སོང་མ་བཏང་བར་རྒྱལ་ཁ་ཐོབ་མཁན་ནི་སྐུ་ཞབས་སྤེན་པ་ཚེ་རིང་ལགས་རེད།
ཁོང་ནི་རྒྱ་གར་ལྷོ་ཕྱོགས་སྦེལ་ཀོབ་གྲོང་ཚོ་གསུམ་པ་ནས་ཕྱི་ལ་ཐོན་མེད་ལ། འོས་ཐོབ་ཆེད་མཐོ་རིམ་མི་སྣ་སུ་ཞིག་ལ་འབྲེལ་བ་ཡང་བྱས་མེད། འོན་ཀྱང། མི་མང་ལ་ཐད་ཀར་འབྲེལ་བ་བྱེད་སའི་བརྒྱུད་ལམ་གཅིག་ལས་མེད། དེ་ནི་ངོ་དེབ་རེད། བརྒྱུད་ལམ་གཅིག་དང་རྐུབ་སྟེགས་གཅིག་གི་སྟེང་ནས་གཏམ་བཤད་བྱས་ནས་སྲིད་སྐྱོང་གི་འོས་ཐོབ་མཁན་ད་ལྟའི་བར་དུ་ལོ་རྒྱུས་ནང་བྱུང་མེད། གཅིག་ཡོད་པ་ནི་སྐུ་ཞབས་སྤེན་པ་ཚེ་རིང་ལགས་རེད། ཁྱེད་རང་ཉིན་མཚན་གྱི་གོ་ལྡོག་ནས་སློང་མོ་བ་ནང་བཞིན་འོས་ཐོབ་ཆེད་རྒྱལ་ཁབ་འདྲ་མི་འདྲ་ལ་སོང་མེད་ལ། འོས་ཐོབ་ཆེད་མི་མང་བསླུ་བྲིད་འོག་ཏུ་འཇུག་ཐབས་ཀྱི་གཏམ་བཤད་ཚིག་གཅིག་ཀྱང་བཤད་མེད། ད་དུང། མི་མང་གི་ཚེ་སྲོག་ལ་འགན་འཁྱེར་པ་དང། COVID-19 ལ་རྐྱེན་བྱས་ནས་མི་མང་འདུ་འཛོམས་བྱེད་མི་ཆོག་པའི་བཀའ་རྒྱ་ལ་བརྩི་སྲུང་བྱས་ཡོད།
ནམ་རྒྱུན་ང་ཚོས་བཤད་རྒྱུན་ལ། མིག་དཔེ་ཡར་བལྟ་ཞེས་པའི་བཤད་སྲོལ་ཞིག་ཡོད་མོད། ད་ལོར་སྲིད་སྐྱོང་འོས་མིའི་འགྲན་རྩོད་ཁྲོད་མིག་དཔེ་ཡར་བལྟ་བྱེད་ས་ཞིག་ཡོད་པ་ནི་སྐུ་ཞབས་སྤེན་པ་ཚེ་རིང་ལགས་རེད། ཁོང་ནི་རྒྱུ་དང་དབང་ཤུགས་གང་གི་འོག་ལ་ཡང་མགོ་མི་སྒུར་མཁན་ཞིག་དང། དངོས་ཡོད་དང་དྲང་བདེན་གཞི་ལ་བཞག་ནས་མི་མང་གི་མགོ་ཁྲིད་མཁན་ཞིག་རེད། ཁོང་ལ་སྤོ་ཉམས་མེད་ལ་ང་རྒྱལ་ནི་དེ་བས་ཀྱང་མེད། ཁོང་ལ་ཡོད་པ་ནི་དངོས་ཡོད་གནས་ཚུལ་གཞི་ལ་བཞག་ནས་དྲང་བདེན་གྱི་ལམ་ནས་རང་ཉིད་ཀྱི་རྣམ་དཔྱོད་རྩལ་དུ་བཏོན་ནས་བརྡར་ཤ་གཅོད་མཁན་ཞིག་རེད། ཕྱི་གསལ་ནང་གསལ་བྱེད་མཁན་ཞིག་རེད། མང་གཙོའི་ལམ་ལུགས་ནང་དྲང་བདེན་དང་ཕྱི་གསལ་ནང་གསལ་ཟེར་བ་འདི་ནི་ཧ་ཅང་གལ་ཆེན་པོ་རེད། དཔེར་ན། ང་ཚོའི་གྲོས་ཚོགས་འཚོགས་པའི་སྐབས་སུ་མི་མང་གིས་བརྙན་ལམ་ནས་ཐད་ཀར་གྲོས་ཚོགས་ཀྱི་ལས་རིམ་ཆ་ཚང་ལ་བལྟ་ཐུབ། འདི་ནི་ཕྱི་གསལ་ནང་གསལ་ཟེར་བ་དེ་རེད། མང་གཙོའི་འགྲོ་ལུགས་རེད། ཧ་ཅང་གལ་ཆེན་པོ་རེད།
དྲང་བདེན་མེད་ན་དངོས་ཡོད་གནས་ཚུལ་ཟེར་བ་ཞིག་ནམ་ཡང་ཡོད་མི་སྲིད། བྱས་ཙང། འགོ་ཁྲིད་ཀྱིས་དངོས་ཡོད་གནས་ཚུལ་གཞི་ལ་བཞག་ནས་ལས་ཀ་བྱེད་པ་དང་གཏམ་བཤད་བྱས་པ་ཡིན་ན། མི་མང་ལ་སློབ་སྦྱོང་སྤྲོད་ཐུབ་པའི་ལམ་ཁ་ཡག་པོ་ཞིག་ཡོད་པ་རེད། སློབ་སྦྱོང་ཟེར་བ་དེ་དེབ་ཀློག་པ་དང་སློབ་གྲྭར་སྐྱོད་པ་ཙམ་ལ་གོ་མི་ཐུབ། འགོ་ཁྲིད་ཀྱིས་མི་མང་ལ་སློབ་སྦྱོང་ངེས་ཅན་ཞིག་སྤྲོད་ཐུབ། དེ་ནི་འགོ་ཁྲིད་གྱི་ལས་ཀ་དྲང་པོ་དང། ཕྱི་གསལ་ནང་གསལ། དངོས་ཡོད་གནས་ཚུལ་གཞི་ལ་བཞག་ནས་ལས་ཀ་བྱེད་པ་དང། གཏམ་བཤད་བྱེད་པ་ཡིན་ན་མི་མང་དང་སྤྱི་ཚོགས་ཀྱི་ཁ་ཕྱོགས་ཡག་པོ་ཞིག་ཏུ་ཁྲིད་ཐུབ་པ་དང། མི་མང་ལམ་ཁ་ཡག་པོ་ཞིག་གི་ཐོག་ཏུ་འཁྲིད་རྒྱུ་ནི་གཞི་རྩའི་སྲིད་སྐྱོང་ངམ་འགོ་ཁྲིད་ཅིག་གི་འགན་འཁྲི་ཨང་དང་པོ་རེད།
མང་གཙོའི་ལམ་ལུགས་ནང་སྲིད་འཛིན་ནམ་སྲིད་བློན་གྱི་དུས་ཡུན་ཚད་བཀག་བཟོས་ཡོད་པ་རེད། དེའི་རྒྱུ་མཚན་ནི་དབང་ཆ་ལོག་སྤྱོད་དང་ལྐོག་ཟ་རུལ་སུངས་མི་ཡོང་བའི་ཆེད་དུ་རེད། མི་གཅིག་གམ་དེའི་རྒྱུད་འཛིན་པ་ཞིག་གིས་མུ་མཐུད་ནས་རྒྱལ་ཁབ་གྱི་དབང་ཆ་བཟུང་བ་ཡིན་ན། དབང་ཆ་ལོག་སྤྱོད་དང་ལྐོག་ཟ་རུལ་སུངས་ཡང་འདི་ནས་མགོ་འཛུགས་ཀྱི་ཡོད། བྱས་ཙང། ད་ལོར་སྲིད་སྐྱོང་འོས་བསྡུའི་ཁྲོད་མི་མང་གིས་འགན་འཁྱེར་བའི་ཐོག་ནས་བཀའ་ཤག་གསར་བ་བདམ་པ་དེ་ནི་ཧ་ཅང་རན་པ་ཞིག་རེད་དོ།
4/22/2021
ཁོང་གི་འཛམ་གླིང་ཐོག་མིག་དཔེ་ཡག་པོ་ཞིག་གསར་ཏུ་བཞག་སོང་སྐྱབས་སུ་ཆེ་་་་་ཐུགས་ཇེ་ཆེ་ཞུ་
ད་ནི་ཁོང་གིས་༸རྒྱལ་བ་རིན་པོ་ཆེའི་མཛུབ་སྟོན་གནང་བའི་ལམ་ཁར་ཤར་སྐྱོད་གནང་རྒྱུའི་རེ་བ་ཞུ་རྒྱུ་ཡིན། ད་ལོའི་འོས་ཤོག་སྐབས་སུ་ཡ་རབས་ཚུལ་ལྡན་དང་སོ་སོའི་དབང་ཆའི་འཐབ་རྩོད་ནང་མི་མང་མགོ་སྐོར་བསླུ་བྲིད་མ་གནང་བར་རྗེས་སུ་ཡི་རང་། མ་འོངས་གནང་དགོས་རྒྱུའི་ཚན་པ་འགའ་ནི།
༡། མ་འོངས་ལོ་ངོ་ལྔའི་རིང་བོད་མིའི་བཙན་བྱོལ་གཞུང་གི་ཁྲིམས་ཀྱི་དབང་སྒྱུར་ལ་ལོ་ངོ་བཅུ་ཙམ་ནས་ཧ་ཅང་གནོད་སྐྱོན་གཏོང་ཡོད་པས། དེར་བཟོ་བཅོས་ལག་བསྟར་ཚད་ལྡན་ཡོང་རྒྱུའི་འབད་རྩོལ་གནང་རྒྱུ།
༢། ལོ་ངོ་བཅུའི་ནང་དུ་བོད་མིའི་སྤྱི་ཚོགས་ནང་ཆོལ་ཁའི་འཐེན་འཁྱེར་ཧ་ཅང་ཤུགས་ཆེན་བཟོས་ཡོད་པས། དེ་ནུས་མེད་གཏོང་རྒྱུ།
༣། ལོ་ངོ་བཅུའི་ནང་བཙན་བྱོལ་བོད་མིའི་ཤེས་ཡོན་སློབ་ཡོན་གྱི་ཉིང་ཁུ་སྟེ་ཕྱི་རྒྱལ་སློབ་ཡོན་ལ་ཉེ་དགའ་ཕྱོགས་ལྷུང་དང་རང་གི་གཉེན་ཉེ་དུའམ་ཕྱོགས་གཏོགས་སུ་འཐོབ་རྒྱུའི་ཆེད་ཁྲིམས་འདྲ་མིན་ཡུད་ཙམ་ནང་བཟོས་ཏེ་གཡོ་ཁྲམ་སྣ་ཚོགས་ཀྱི་སྟེང་ནས་བོད་མི་དངོས་འབྲེལ་གྱི་ཤེས་ཡོན་ཅན་རྣམས་ལ་རག་རྒྱུ་དཀོན་པ་དང་། འབྲེལ་ཡོད་ཕྱོགས་གཏོགས་པ་དང་ལས་བྱེད་པའི་ནང་མིར་འཐོབ་ཀྱི་ཡོད་པ་རྣམས་འཐེར་འདོན་དང་། བོད་འདིའི་འཛུགས་སྐྲུན་ཆེད་ཤེས་ཡོན་ཅན་གྱི་བོད་མི་རྐྱང་མཁོ་བས་དེར་ཤུགས་གནོན་རྒྱག་གནང་རྒྱུ།
༤། གོང་གི་འབྲི་རྩོམ་ལས་འཕྲོས་ཏེ། ད་ནི་ཁྱེད་ཀྱི་སྲིད་སྐྱོང་གི་དུས་ཡུན་རིང་། མ་འོངས་སྲིད་སྤྱི་གཉིས་ཀྱི་འོས་ཤོག་སྐབས་སུ་མི་མང་མགོ་སྐོར་སླུ་བྲིད་ནང་མི་འགྲོ་བའི་ཆེད་དུ་སྒྲིག་ཁྲིམས་ཚད་ལྡན་ཞིག་དང་། རང་རང་གི་ཕྱོགས་གཏོགས་པ་རྣམས་ནས་ཁ་གཏད་པ་རྣམས་ལ་བརྒྱུད་ལམ་གང་ནས་ཀྱང་འཆལ་གཏམ་རིགས་སྤེལ་མི་ཐུབ་པའི་ཁྲིམས་བུ་ཆུང་བསྡམ་རྒྱུ་གལ་འགངས་ཆེ།
༥། འཛམ་གླིང་གི་འགྲོས་འདིར་མི་གཅིག་ལ་འོས་གཅིག་གི་ཐོབ་ཐང་ལས་གཞན་མེད། ངོས་བོད་མི་རྣམས་ལའང་མི་གཅིག་ལ་འོས་གཅིག་གི་སྒྲིག་ཁྲིམས་བཟོ་རྒྱུ། དེ་བཟོས་པ་ཡིན་ན། ང་ཚོའི་སྤྱི་ཚོགས་ཀྱི་རྙོག་ཁྲ་ཕལ་ཆེར་ཞི་རྒྱུ་ཡིན་པ་ངེས་གཏན་ཡིན་པས་དགོངས་པ་གནང་རོགས་ཞུ།།
སྲིད་སྐྱོང་སྤེན་པ་ཚེ་རིང་མཆོག་ནི་དོན་དངོས་ཐོག་མི་མང་རིང་གིས་འདེབས་འཐོན་བྱུང་བའི་རླབས་ཆེན་གྱི་འགོ་འཁྲིད་གཅིག་ཡིན་ལ་ད་ལྟའི་འཛམས་གླིང་འདིའི་ནང་ཆེས་རླབས་ཆེན་གྱི་མིག་དཔེ་ཡག་ཤས་དང་ཁོང་གིས་བོད་རིགས་གཅིག་པུ་ལ་བདེ་སྐྱིད་ཀྱི་ཉི་མ་ཤར་འཅུགས་ཐུབ་པའི་འོག་མཛམ་གླིང་ཡོངས་ལ་ཞི་བདེ་སྐྲུན་ཐུབ་པའི་སྔོན་བརྡ་ཤར་ཡོང་ཀྱིས་འདུག་ སྲིད་སྐྱོང་མི་རྗེ་སྤེན་པ་ཚེ་རིང་ལགས་ཀྱི་མཛད་འཕྲིན་འཛམ་གླིང་ས་ཕྱོགས་གང་སར་ཁྱབ་ནས་སྐྱེ་འགྲོ་ཡོངས་རྫོགས་བདེ་བར་ཡོང་བ་ཤོགྲྲྲྲྲྲྲྲྲྲྲྲྲྲྲྲྲྲྲྲ