མཁོ་གཏོང་བ། སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས།
ཕྱི་ལོ་༢༠༡༥ཟླ་༣ ཚེས་༡༡ ཉིན་སླར་ཡང་ཇི་ནེ་ཝ་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་ཁྱིམ་ཚང་ལྔས་ཞུ་གཏུག་གི་ལས་འགུལ་ཐེངས་༣༩ སྤེལ་འདུག།
ཁྱིམ་ཚང་བཞི་ཡིས་རྒྱལ་ཚོགས་མདུན་དུ་སྤེལ་བཞིན་པའི་བོད་དོན་ཞུ་གཏུག་གི་ལས་འགུལ་ནང་། ཨོ་སི་ཊི་རེ་ཡར་གནས་སྡོད་ཡེ་ཤེས་ལྷ་མོ་མཉམ་ཞུགས་ཀྱིས་སུད་སི་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་མདུན་སྤེལ་བཞིན་པའི་ལས་འགུལ་ནང་དངོས་སུ་མཉམ་ཞུགས་བྱེད་ཐུབ་ཀྱི་མེད་ཀྱང་། ཉིན་གཅིག་དུས་གཅིག་གིས་ས་གནས་སུ་གསར་འགོད་གསལ་བསྒྲགས་སོགས་འགྲེམས་སྤེལ་གྱིས་གདུང་སེམས་མཉམ་སྐྱེད་བྱེད་ཀྱི་ཡོད་འདུག རྒྱལ་ཚོགས་མདུན་བོད་དོན་ཞུ་གཏུག་གི་ལས་འགུལ་འདི་ནི་ཕྱི་ལོ་༢༠༡༢ ལོའི་ཟླ་༡༢ ཚེས་༡༠ ནས་ཁྱིམ་ཚང་གཉིས་ཀྱིས་དབུ་བཙུགས་ཤིང་། རིམ་གྱིས་བཀྲ་བསྟན་ཚང་པ་སངས་ལགས་དང་། ངག་དབང་ཚང་ངག་དབང་དཔལ་ལྡན། རྒྱལ་བསྟན་ཚང་བཀྲ་ཤིས་ལྷ་མོ། ཨོ་སི་ཊི་རེ་ཡར་གནས་སྡོད་ཡེ་ཤེས་ལྷ་མོ་བཅས་མཉམ་ཞུགས་ཀྱིས་ད་ཆར་ཁྱིམ་ཚང་ལྔ་ཡི་ལས་འགུལ་དུ་གྱུར་ཡོད་འདུག
ལས་འགུལ་འདི་བཞིན་སུད་སིད་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་མདུན་དང་། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་མདུན་ཐང་བཅས་སུ་བོད་ཕྱི་ནང་གཉིས་སུ་རང་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་དཔའ་མོ་ཚོའི་གྲངས་དང་མཉམ་པའི་བོད་ཀྱི་རྒྱལ་དར་སྒྲེང་འཛུགས་དང་། བོད་ནང་གི་དཀའ་སྡུག་གི་གནས་བབ་འཁོད་པའི་ཡིག་ཆ་ཁག་འགྲེམས་སྤེལ་དང་། སྐུ་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་དཔའ་མོ་ཚོའི་སྐུ་པར་འགྲེམས་འཇོག རང་ལུས་མེར་བསྲེགས་གནང་དགོས་པའི་རྒྱབ་ལྗོངས་འགྲེལ་བརྗོད་དང་། འབོད་སྒྲའམ་དགོས་
འདུན་འཁོད་པའི་ཡིག་ཆ་ཁག་དང་འཕྲེད་དར། སྐུ་ལུས་མེར་བསྲེགས་གནང་བའི་ཐད་༧གོང་ས་མཆོག་དང་དབུས་བོད་མིའི་སྒྲིག་འཛུགས་ཀྱི་ལངས་ཕྱོགས་དང་དགོངས་ཚུལ་ག་རེ་ཡིན་པའི་སྐོར་དང་།
བོད་ནང་གི་འགྲོ་བ་མིའི་ཐོབ་ཐང་གི་སྙན་ཐོ་དང་ཆོས་ལུགས་དད་མོས་རང་དབང་གི་སྙན་ཐོ། གསར་འགོད་གསལ་བསྒྲགས། དེ་བཞིན་༧གོང་ས་མཆོག་གིས་དམིགས་བསལ་རྒྱ་རིགས་ཚོར་བསྩལ་བའི་བཀའ་སློབ་ཡིག་ཆ་སོགས་རྒྱ་ཡིག ཨིན་ཡིག་དང་ཧྥ་རན་ཆི་(FRENCH)བཅས་ཀྱི་ནང་། ཕྱི་རྒྱལ་མི་རིགས་དང་རྒྱལ་ཚོགས་ཀྱི་ལས་བྱེད། ལྷག་དོན་རྒྱ་རིགས་ཡུལ་སྐོར་བ་མང་པོར་འགྲེམ་སྤེལ་བྱེད་ཀྱི་ཡོད་པ་དང་། ཐེངས་རེ་རེ་བཞིན་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆེས་མཐོའི་ལས་ཁུངས་གཉིས་ལ་སླར་ཡང་དོན་ཚན་བརྒྱད་ཅན་གྱི་དགོས་འདུན་སྙན་ཞུ་དང་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་བཏོན་པའི་བོད་ནང་གི་འགྲོ་བ་མིའི་ཐོབ་ཐང་གི་ཟླ་རེའི་སྙན་ཐོ་སོགས་ཕུལ་ཡོད་འདུག
ཐེངས་འདིར་གནམ་གཤིས་ཀྱང་ལེགས་ཡུལ་སྐོར་མང་བ་ཚོར་གསར་འགོད་གསལ་བསྒྲགས་ཀྱི་ཡིག་ཆ་ཤོག་བུ་དྲུག་བརྒྱ་མ་ཟིན་ཙམ་དང་། བོད་ཀྱི་སྲིད་བྱུས་ཉམས་ཞིབ་ཁང་གིས་བཏོན་པའི་བོད་མེ་ལ་འབར་དོན་ཅི་ཞེས་པའི་དེབ་བཅུ་ཡས་མས་ཤིག་དང་བོད་ནང་གི་འགྲོ་བ་མིའི་ཐོབ་ཐང་གི་སྙན་ཐོ་སོགས་གང་འཚམས་འགྲེམས་སྤེལ་བྱས་པར་ཡིག་ཆ་འདི་གཉིས་ལ་དོ་སྣང་བྱེད་མཁན་མང་པོ་ཡོད་འདུག གཞན་ཡང་ཉེ་ཆར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་སུད་སིད་ཆིབས་སྒྱུར་སྐབས། སྔོན་འཆར་ལྟར་བོད་ཀྱི་རྒྱལ་དར་ཆེ་ཆུང་༡༥༠ དང་མེ་ཏོག་གི་ཆུན་པོ་༢༨། འཕྲེད་དར་ལྔ་ཡི་ངོས་སུ་༧གོང་ས་མཆོག་ལ་བརྟན་བཞུགས་དང་ཚེ་རབས་རྗེས་འཛིན་གྱི་སྨོན་ཚིག་བྲིས་འཕྱར་གྱིས་ཕེབས་བསུའི་རྣམ་པ་མ་འདྲ་བའི་ལས་འགུལ་སྤེལ་ཡོད་འདུག
ད་དུང་ཕྱི་ལོ་༢༠༡༥ ལོའི་ཟླ་༣ ཚེས་༩ ཉིན་གསུམ་བཅུའི་དུས་དྲན་ཐེངས་༥༦ དང་སྟབས་བསྟུན། སུད་སིའི་ནང་གི་ཡུ་རོབ་རྒྱལ་ཁབ་སོ་སོའི་གཞུང་ཚབ་ཁག་༤༡ ལ་བོད་ནང་གི་ཛ་དྲག་གི་གནས་བབ་དང་གཞིས་ལུས་རྒྱ་ཆེའི་མི་མང་གི་སེམས་ཀྱི་སྡུག་བསྔལ་དང་མངོན་འདོད་སོགས་དྲིལ་བསྒྲགས་ཀྱི་ལམ་ནས་ཞུ་གཏུག་གི་ལས་འགུལ་ཀྱང་སྤེལ་ཡོད་པ་རེད།
འབྲེལ་གཏུག་བྱ་ཡུལ།
༡ ལས་འགུལ་བའི་ཁྱིམ་མིང་དང་མིང་། ཞལ་པར་ཨང་།
༢ བཀྲ་བསྟན་ཚང་པ་སངས། ༠༧༦༦༢༠༡༠༥༡
༣ ངག་དབང་ཚང་ངག་དབང་དཔལ་ལྡན། ༠༧༦༥༣༤༨༠༩༡
༤ རྒྱལ་ཚང་བཀྲ་ཤིས་ལྷ་མོ། ༠༧༦༤༥༤༥༤༠༩
༥ སྟག་ཚང་ཆོས་སྒྲོན། ༠༧༦༣༠༢༨༠༡༢
༦ སྟག་ཚང་དཀོན་ཅོག ༠༧༦༤༧༧༤༡༦༢
༧ ཡེ་ཤེས་ལྷ་མོ། ༠༤༡༠༢༢༣༥༥༨