ཁ་སང་ཚེས་ ༢༥ ཉིན་རྒྱབ་བོད་ནང་གི་ཆུ་ཚོད་བདུན་པ་ཙམ་ལ། མདོ་སྨད་རེབ་གོང་མགོན་ཤུལ་བར་སྐོར་ ནས་ཡིན་པ་བཙུན་མ་སངས་རྒྱས་སྒྲོལ་མ་ ༼རང་ལོ་ ༡༩༽ཞུ་བ་ཞིག་གིས། རྩེ་ཁོག་རྫོང་རྡོ་དཀར་མོ་ཞང་སྲིད་གཞུང་ཡོད་ས་ནས་རང་ལུས་མེར་བསྲེགས་བཏང་སྟེ། དེ་གར་འདས་གྲོངས་ཕྱིན་ཡོད་འདུག
བཙུན་མ་སངས་རྒྱས་སྒྲོལ་མའི་ཕ་མིང་ལ་བསོད་ནམས་རྒྱལ་དང་། ཨ་མའི་མིང་ལ་དོ་བྷ་༼དོན་འགྲུབ་མཚོ༽ཟེར་གྱི་ཡོད་འདུག
དེ་རིང་གནས་ཚུལ་འབྱོར་དོན་ལྟར་ན། མདང་ནུབ་ཕུང་པོ་ཞུགས་འབུལ་ཞུས་ཏེ། དེ་རིང་མགོན་ཤུལ་བཙུན་མའི་དགོན་པའི་ནང་རྗེས་འབྲེལ་སྨོན་ལམ་ཞུ་སྒོ་གཉེར་བཞིན་ཡོད་པ་དང་། བཙུན་དགོན་འདིར་ད་ཆ་བཙུན་མ་བརྒྱ་ཕྲག་གཅིག་བརྒལ་བ་ཡོད་འདུག
ཁ་སང་དེ་རིང་རེབ་གོང་རོང་འབྲོག་གང་སར་དྲ་རྒྱའི་བརྒྱུད་ལམ་བཅད་འདུག་ལ། དེ་བཞིན་ཁ་པར་དང་དྲ་ལམ་ནས་འབྲེལ་བ་བྱེད་མཁན་ཚོ་འབྲེལ་ཡོད་ཉེན་རྟོག་པ་དང་བདེ་འཇགས་མི་སྣ་ཟེར་བ་ཚོས་རྩད་གཅོད་བྱེད་ཀྱིན་ཡོད་པ་དང་། གཞན་ཡང་། ཁུལ་སྲིད་གཞུང་དང་རྫོང་གི་སྲིད་གཞུང་། ཞང་སྲིད་གཞུང་བཅས་ཀྱིས་ལས་དོན་བྱེད་མཁན་མང་པོ་གཞི་རིམ་མང་ཚོགས་ཁྲོད་མངགས་ནས། མེར་བསྲེགས་ལས་འགུལ་མུ་མཐུད་སྤེལ་མི་ཆོག་པ་དང་། སྤེལ་མཁན་དང་དེའི་ནང་མིར་མྱ་ངན་དང་གདུང་སེམས་མཉམ་སྐྱེད་ཀྱི་འདུ་འཛོམས་གཉེར་མི་ཆོག་པ་སོགས་ཀྱིས་བཙན་བཀའ་མུ་མཐུད་གཏོང་བཞིན་ཡོད་འདུག
གནས་ཚུལ་ཕྱོགས་སྒྲིག་པཿ བོན་རྒྱ་བསྟན་འཛིན་རབ་རྒྱས་དང་རྡོ་རྗེ།
གནས་ཚུལ་འདི་རིགས་མཐོང་ཐེངས་རེ་རེར་སྤྱད་ཐབས་མེད་པར་་་ངུ་ལུག་རྒྱུ་ཙམ་རེད་་་་་་་
རང་ལུས་མེར་སྲེག་གི་གནད་དོན་གྱི་འབྱུང་རྩ་ནི་རྒྱ་ནག་གཞུང་ལ་ཐུག་ཡོད་པས། བོད་མིའི་རེ་འདོད་ག་དུས་བསྒྲུབ་ན། དེ་དུས་རང་ལུས་མེར་སྲེག་མཚམས་ཆད་ནི་རེད། ཅེས་ཟེར་མཁན་གྱི་ཆབ་སྲིད་པ་ཚོ་ལ་ལྟོས་དང་།
རྒྱ་ནག་དམར་ཤོག་ལ་ཡ་ང་སྙིང་རྗེ་མེད་པ་བདེན་ལ། བོད་མི་ནང་ཁུལ་ལ་ཆབ་སྲིད་ཀྱི་མིག་འཁྲུལ་སྟོན་པ་དང་ཚེ་སྲོག་ལ་ཕངས་སེམས་མེད་པའི་སྐད་ཆ་བཤད་མི་འདི་ཚོ་ལའང་ཡ་ང་སྙིང་རྗེ་ཞིག་མི་འདུག
དྲང་བདེན་དང་རང་དབང་གི་ཆེད་དུ་གཤེཊ་པ་ཚང་མར་སྙིང་ནས་གུས་འདུད་དང་མྱ་ངན་ཡང་ཡང་ཞུ།
གངས་ཅན་འགྲོ་བའི་རང་དབང་བདེ་སྐྱིད་སླད། །
རང་གི་ལུས་དང་སྲོག་ཀྱང་ཡོངས་བཏང་བའི། །
རྒྱལ་གཅེས་དཔའ་མོ་སངས་རྒྱས་སྒྲོལ་མ་མཆོག །
ཞིང་མཆོག་བདེ་བ་ཅན་དུ་སྐྱེ་བར་ཤོག །
གང་ཤེས་གནས་ཚུལ་སྤེལ་མཁན་ཚང་མས་ཁ་གཅིག་བསྒྲགས་ཀྱིས་དོན་རྐྱེན་བྱུང་སར་ཁ་པར་དང་དྲ་རྒྱ་ཡོངས་རྫོགས་བཀག་འདུག་ཟེར། འོན་ཀྱང་གནས་ཕལ་ཆེར་དུས་ཐོག་ཏུ་རླངས་པ་ཕལ་ལེར་བཏང་ཡོང་གི་འདུག་དེ་ངོ་མ་ཅི་ལྟར་བྱས་ཏེ་གནས་ཚུལ་འབྱོར་གྱི་ཡོད་དམ?
འདས་པོ་དེ་དག་མྱུར་བར་ཐར་པའི་བདེ་གནས་ཀྱི་གོ་འཕང་འཐོབ་པའི་སྨོན་ལམ་ཞུ་གི་ཡོད།
རྒྱལ་གཅེས་དཔའ་བོ་དཔའ་མོ་ཚོས་རང་ལུས་མེ་སྦྱིན་གྱི་སྒྲོན་མ་བདེན་མཐའ་སེལ་སླད་ཡིན་ནའང་གཅིག་རྗེས་གཉིས་མཐུད་ཀྱི་འདི་ལྟར་འདས་ཚེ་ངོ་ནས་སེམས་གཏིང་ནས་ན་ཟུག་མི་བཟོད་ཀི
ཀྱེ་མ་བསླུ་མེད་དཀོན་མཆོག་གསུམ་དང་མཐུ་སྟོབས་ཅན།། དད་པའི་མཐུ་ཡིས་བདེན་ཚིག་འགྲུབ་གྱུར་ཅིང།། རྒྱལ་གཅེས་དཔའ་བོ་དཔའ་མོ་འདི་དག་ཀུན།། གནས་སྐབས་ཅི་བསམ་མཐའ་དག་ལྷུན་འགྲུབ་ནས།། མཐར་ཐུག་སྐྱེ་བ་དག་ནི་ཐམས་ཅད་དུ།། རིག་གསལ་བློ་གསལ་ང་རྒྱལ་མེད་པ་དང།། སྙིང་རྗེ་ཆེ་ཞིང་བླ་མ་ལ་གུས་པས།། དཔལ་ལྡན་བླ་མའི་དམ་ཚིག་ལ་གནས་ཤོག །
བཀྲ་ཤིས་དང་ང་གཉིས་བསམ་ཚུལ་མཐུན་པར་སྣང་ད་ལྟ་ཁྱེད་ཀྱིས་གསུངས་པ་དེ་ངས་ཡང་
ལན་མང་ལབ་དགོས་ཐུག་སོང་ཡིན་ཡང་བོད་ནང་གི་བོད་མི་རྣམས་ལ་ང་ཚོས་ག་རེ་བཤད་ན་
ཉན་ནེ་ཟིག་མི་འདུག་སྔོན་མ་ངས་ཕན་པ་འདྲ་ཡོད་ན་བསམ་སྟེ་དངོས་དོན་ལ་དྲང་བཤད་ལེན་
མང་བྱས་པ་ཡིན། ད་བལྟས་དུས་ཁོ་ཚོའི་བསམ་བློའི་ནང་འགོག་ཏུ་མེད་པའི་ཡིད་ཆེས་ཤིག་
གིས་དེད་བསྡད་པའི་སྣང་བ་ཞིག་གིས་རང་བཞིན་དུ་འགྲོ་འགྲོ་བ་ལྟ་བུ་རེད།
བོད་མིའི་རང་དབང་དང་བདེ་སྐྱིད་ཀྱི་ཆེད་དུ་ལུས་སྲོག་གཏོང་མཁན་་ཚོའི་སྙིང་སྟོབས་དང་ལྷག་བསམ་ཧ་ལས་པ་རེད། འོན་ཀྱང་ཆོས་ལུགས་ལ་རྨོངས་དད་པ་ཚོས་བླ་མའི་ཆེད་དུ་སྲོག་བཏང་བ་ཡིན་ཚུལ་མ་བསྒྲགས་ན་མི་ལེགས་སམ། བསྟོད་མི་ཤེས་མཁན་གྱིས་བསྟོད་པ་ལས། །སྨད་མི་ཤེས་མཁན་གྱིས་སྨད་ན་དགའ།།
རང་ལུག་མེ་མཆོད་ཕུལ་མཁན་རྣམ་པར་བསྔོ་སྨོན་རྒྱག་རྒྱུ་ཙམ་མིན་པར་ཁོང་རྣམ་པའི་ཐུགས་ཀྱི་བཞེད་དོན་གང་ཡིན་ལྟར་ང་ཚོས་རང་ནུས་གང་ལྕོག་གིས་བོད་བསྟན་པ་ཆབ་སྲིད་ཀྱི་ཆེད་དུ་ལས་འགུལ་འདྲ་མིན་སྣ་ཚོགས་སྤེལ་དགོས་པ་ལགས་ན། ཚང་མ་ཐུགས་སྣང་ཆེན་པོས་དེ་ལྟར་གནང་བ་ཞུ།
ཁ་ནས་སྨོན་ལམ་རེ་བརྒྱབ།།
ལག་ནས་རྩོད་རྙོག་རེ་བྲིས།།
ལག་ལེན་མེད་པའི་དྲ་གྲོགས་ཚོ།།
ངོ་ནས་ཉི་མ་འདི་ལྟར་བསྐྱལ་བ་ཡིན་ནམ།
ཨོམ་མ་ནེ་པད་མེ་ཧུང་ཧྲི་
བཙན་བྱོལ་ནང་གི་བོད་པ་ཚོ། རང་་ཉིད་གཅིག་པུའི་ཚོང་ཁེ་དང་དངུལ་ལོ་ཁོ་ནར་བསམ་བློ་མ་བཏང་བར།
བོད་དོན་ཆེད་དུ་ཡང་ལང་རྒྱོབས་ཤོག
ཞི་ཚུལ་གྱི་སྤྱོད་པ་དང་གཞན་གཅེས་ཀྱི་ལྷག་བསམ་འདིར་དམན་པ་བདག་གི་བློ་མིག་ཆུང་རྐྱེན་སེམས་གཏིང་གི་ན་ཟུག་ལས་ཐ་ན་མྱ་ངན་ཞུ་ཚིག་དོན་མཐུན་ཞིག་ཀྱང་འབྲིི་ནུས་ཀྱི་མི་འདུག ཨོཾ་མ་ཎི་པདྨ་ཧཱུྃཿ
བཙན་བྱོལ་ནང་གི་བོད་པ་ཚོ། རང་་ཉིད་གཅིག་པུའི་ཚོང་ཁེ་དང་དངུལ་ལོ་ཁོ་ནར་བསམ་བློ་མ་བཏང་བར།
བོད་དོན་ཆེད་དུ་ཡང་ལང་རྒྱོབས་ཤོག ཟེར་ན།
གཞིས་ཀྱི་བྱམས་པ་འཕྲིན་ལས་སོགས་ཀྱང་བཙན་བྱོལ་བ་ཨ་ཡིན་ནམ། བཙན་བྱོལ་ནང་ལ། ༸གོང་ས་མཆོག་ཀྱང་བཞུགས་རེད་དོ།