ཆང་སྐྱེས།
མགོ་བོ་དགྱེ་ན་ལྷ་ཡི་བཀའ་ཆད་འཕོག།
རྐང་པ་བསྲིངས་ན་ཀླུ་ཡི་འཛེ་ནད་འབྱུང་།།
མགོ་ནག་མི་ཡི་ལས་དབང་ཟད་པོ་འདི།།
ཆར་ཆུའི་ཁྲོད་ཀྱི་བྱེའུ་ཆུང་རྨས་མ་ཞིག།
སྙིང་གཏམ་བཤད་ན་དགའ་མའི་རྣ་ལ་གཟན།།
བདེན་དོན་བསྒྲུབས་ན་སྡེ་བའི་མྱི་ཁ་འཁོར།།
ཁེར་རྐྱང་མི་ཡི་ཡིད་སེམས་རློན་པ་འདི།།
སུ་ཡི་བྲང་ལ་གླན་ཏེ་གང་ནས་བསྲོ།།
འཛུམ་གྱིས་བསུས་ན་སྨིན་མ་འཁྱོག་སྟེ་ལྟ།།
ཆང་གི་དྲིན་ལན་ཆུ་ཡིས་འཇལ་རྐྱང་བྱེད།།
མི་སེམས་བདུད་ཀྱིས་བསྒྱུར་བའི་དུས་ཚིགས་ལ།།
གློ་བ་ཉེ་བའི་གྲོགས་ཤིག་གང་ནས་འཚལ།།
སྨྲ་བ་ཉུང་ན་ཕྱུགས་ཀྱི་གྲལ་ལ་རྩི།།
ཅུང་ཙམ་བཤད་ན་ཁྲོ་གཉེར་བསྡུས་ཏེ་རྒྱུགས།།
ཐོབ་ཐང་ཅི་ཡང་མེད་པའི་འཁོར་ཡུག་ན།།
བདག་གིས་གོམ་པ་ཕྲ་མོ་གང་ལ་སྤོ།།
མཛའ་མོ་དྲན་གླུ་བླངས་ན་ཆུང་མ་ཁྲོ།།
སྙན་ངག་ཐན་ཐུན་བྲིས་ན་གྲོགས་པོ་སྡང་།།
ཕྲག་དོག་མེ་ལྕེ་འབར་བའི་འོབས་ཁུགས་ན།།
བདག་གི་ཚ་ཁོའུ་ན་ཁོའུ་སུ་ལ་བཤད།།
བདེན་པ་གཞི་ལ་བཅོལ་བའི་ཁ་མཚར་འདི།།
སྙིང་ནས་བླངས་ཏེ་སེམས་ནས་བཏོན་པ་ཡིན།།
སུ་དང་གང་ལ་འཛུབ་མོ་མ་བཙུགས་རུང་།།
དོ་ནུབ་བདག་གིས་འདི་ལྟར་བཤད་འདོད་བྱུང་།།
གནས་ལུགས་དང་རྒྱུ་ཚན་གོ་རྒྱུ་སོགས་ཧ་ཅང་ཟབ་པའི་སྙན་ངག་ལ་གུས་བརྩི་ཞུ་། དེང་དུས་སྤྱི་ཚོགས་ཀྱིས་བྱེད་ལས་གསལ་སྟོན་རང་རེད་འདུག་།
གནས་ལུགས་དང་རྒྱུ་ཚན་གོ་རྒྱུ་སོགས་ཧ་ཅང་ཟབ་པའི་སྙན་ངག་ལ་གུས་བརྩི་ཞུ་། དེང་དུས་སྤྱི་ཚོགས་ཀྱིས་བྱེད་ལས་གསལ་སྟོན་ཇཅཇརང་རེད་འདུག་།
བོད་ཡིན་ཉ་རྙོག་ཤེས་པའི་མི་རྣམས་ལ་ག་དུས་ཡིན་ཡང་སྐྱོ་གླུ་རྫོགས་མཐའ་བྲེལ་་་ཧ་ཧa་ཧa་
བོད་ཡིག་ཉ་རྙོག་ཤེས་པའི་མི་རྣམས་ལ་ག་དུས་ཡིན་ཡང་སྐྱོ་གླུ་རྫོགས་མཐའ་བྲེལ་་་ཧ་ཧa་ཧa་
ལགས་རེད།
་
ཡར་ལ་ལངས་ན་མགོ་བོར་ཕོག །
མར་ལ་བསྡད་ན་རྐུབ་རུས་ན། །
མར་ལ་བཞུས་ན་རྡོ་རིལ་རྒྱལ། །
རྡོ་ལ་བཞུས་ན་མར་ཉིད་ཕམ། །
་
རྡོ་མར་ལ་བཞུས་ན་མར་ཕམ།
མར་རྡོ་ལ་བཞུས་ན་མར་ཕམ།
་
ཟེར་སྲོལ་ཡོད་རེད།
ལས་ངན་གནམ་ལས་ལྷུང་བའི་ཐོ་བ་དང་།
རྣག་སེམས་སྙིང་ལ་ཟན་པའི་ཟོར་བ་གཉིས།
ཀྲུང་གོས་བོད་མིའི་སྟེང་དུ་བསྣུན་ན་ཡང་།
སེམས་ཤུགས་མ་ཆག་དེ་ལས་ཐར་ཐབས་གྱིས།