ཁ་བརྡས་ཁྱབ་བསྒྲགས་འགོད་ཀྱི་ཡིན།

Comments (24) on “ཁ་བརྡས་ཁྱབ་བསྒྲགས་འགོད་ཀྱི་ཡིན།”

1. བཀྲ་ཤིས་བདེ་ལེགས་ཡོད། འདི་ཡག་པོ་རེད། རང་ཁ་རང་གསོ་ཐུབ་པ་ནི་སྤྱི་ཚོགས་དང་ཚོགས་སྡེ་གང་ལ་མཚོན་ན་མེད་དུ་མི་རུང་བ་ཞིག་རེད། འདི་ཐབས་ལ་ཤེས་རབ་ལྡན་པའི་རྟགས་རེད། ཁ་བརྡ་ཡི་སྐུ་ཚེ་རྟེན་ན། ངས་ཡང་འདི་ནས་ཤི་མ་གསོན་གྱི་མཆན་ཆག་འགའ་མཐུན་ཕྱོགས་སར་ཁ་གཡང་དང་མི་མཐུན་སར་ཁ་ངན་རེ་བཀོད་ཆོག་པའི་ཡིད་ཆེ་ཡོད།

2. ཤིན་ཏུ་ནས་དགའ་བསུ་ཡོད། དབྱིན་ཡིག་དྲ་བ། craigslist ལྟ་བུ་ཞིག་ཏུ་འགྱུར་ཐུབ་པའི་སྨོན་འདུན་ཞུ། craigslist ལ་མཚོན་ན་ལས་ཀའི་ཁྱབ་བསྒྲགས། ལས་མིའི་ཁྱབ་བསྒྲགས། ཁང་པ་གཡོར་ས་དང་གཡོར་མཁན། ཁང་པ་ཉོ་མཁན། ཚོང་རིགས་འདྲ་མི་འདྲའི་ཁྱབ་བསྒྲགས། ད་དུང་རང་ཉིད་ལ་ཚོང་ཁང་དུ་བཙོངས་རིན་མེད་པའི་ཁ་པར་ལྷག་མ་ལྟ་བུ་ཡོད་ན་ཡང་དེ་གར་ཁྱབ་བསྒྲགས་བྱས་ནས་བཙོངས་ཆོག་པ་སོགས། སྟབས་བདེའི་ཁྱབ་བསྒྲགས་འདྲ་མིན་ཡོད་པ་དེ་བཞིན་དུ་འགྱུར་བར་སྨོན།།

3. བཀྲ་ཤིས་བདེ་ལེགས་ཞུ། དེ་སྔོན་ཁ་བརྡ་ཡར་རྒྱས་གཏོང་ཕྱོགས་སྐོར་ལ་བསམ་འཆར་ཡང་ཕུལ་ཡོད།

4. ཁ་བརྡ་དགུང་གྲངས་བཞིར་སོན་པར་དགའ་བསུ་དང་རྟེན་འབྲེལ་ཞུ།
   བློ་རིག་དང་ལྡན་པའི་ཁ་བརྡ་དྲ་དེབ་སྔར་ལས་ཡར་རྒྱས་དང་སྤུས་ཚད་གོང་དུ་སྤེལ་རྒྱུའི་འཆར་གཞི་ནི་།
   ལེགས་སོ། ལེགས་སོ། དེ་དེ་བཞིན་ཏུ་བགྱིས་ཤིག
   དགེ་ལེགས་འཕེལ།

5. བྱ་བ་འདི་ཧ་ཅང་གི་ཡག་པོ་རེད། རྟེན་འབྲེལ་ཞུ།
   དེང་སང་སྐད་གྲགས་ཆེ་བའི་ཚགས་པར་དང་བརྙན་འཕྲིན་སོགས་ཚང་མའི་ཡོང་སྒོ་ཆེ་ཤོས་ནི་གླ་ཡོད་གསར་བསྒྲགས་རེད། དེར་བརྟེན་ལམ་ཁ་འདི་དེང་རབས་ཀྱི་འགྲོ་དང་མཐུན་པའི་བྱ་བཟང་ཞིག་ཡིན་པས། དགའ་སྤྲོ་བྱུང་། བྱ་བ་ལམ་འགྲོ་དང་ཁ་བརྡའི་སྐུ་ཚེ་ཁྲི་ལོར་བརྟན་པར་སྨོན།།

6. ཁ་བརྡ་དྲ་བ་དེ་མེད་པ་ནས་ཡོད་པ། ཡོད་པ་ནས་ཡར་རྒྱས་ཚགས་ཚུད་ཀྱི་ཕྱོགས་སུ་གོམ་པ་སྤོ་བཞིན་པ་ནི་དགའ་དགོས་པ་ཞིག་རེད། གོ་སྐབས་དེ་བཟུང་ནས་འབྲེལ་ཡོད་ལས་ཞོར་གྱི་ལས་བྱེད་ཡོངས་ལ་སྙིང་ནས་གུས་འདུད་དང་། ཐུགས་རྗེ་ཆེ་ཞུ་རྒྱུ་ཡིན།

7. གླ་ཡོད་གསལ་བསྒྲགས་དེ་འདྲ་ཞིག་ལ་རིན་གོང་ག་ཚོད་ཡིན་ནམ། དུས་ཡུན་ཇི་ཙམ་རིང་འཇོག་རྒྱུ་རེད་དམ།

8. གསལ་བསྒྲགས་རེ་རེ་ཟླ་བ་རེ་རེར་འཇོག་པ་དང་། འཇོག་ཐེངས་རེར་ཨ་སྒོར་ལྔ་བཅུ་རེ་བླངས་ན་ཆོག་གི གལ་སྲིད་གསལ་བསྒྲགས་གཅིག་ཟླ་བ་གཉིས་བསྟུད་མར་འཇོག་ན་ཨ་སྒོར་བརྒྱད་ཅུ་གྱ་ལྔ་རེ་ལེན་ཆོག

9. ད་ཁ་བརྡའི་དྲ་བ་འདི་ཡང་འགོང་ཆེ་རུ་ཆེ་རུ་འགྲོ་གི་འདུག

10. ཡང་གཅིག་ཆད་འདུག
    ཐོག་མར་ངས་ཁ་བརྡའི་དྲ་རྒྱ་འདི་བཞིན་སྐུ་བལྟམས་ནས་མི་ལོ་ཧྲིལ་པོར་བཞི་འཁོར་བའི་འཁྲུངས་སྐར་ལ་འཚམས་འདྲི་དང་བཀྲ་ཤིས་བདེ་ལེགས་ཞུ་གི་ཡོད།
    ཁྱེད་རྣམས་ཀྱི་དགོངས་གཞི་དེར་རྒྱབ་སྐྱོར་ཡོད།
    བཀའ་ཁྲི་མཆོག་གིས་རང་ཁ་རང་གསོ་བྱེད་དགོས་རེད་ཅེས་པ་དེ་ཏག་ཏག་རེད།
    ངས་ཀྱང་བོད་ཀྱི་གསར་འགྱུར་སོགས་གོ་འདོད་ཡོད་ཚེ་ལམ་སེང་ཁ་བརྡའི་དྲ་བར་ཡོང་གི་ཡོད།
    དེ་ནས་གནས་ཚུལ་མང་པོ་ཞིག་རྙེད་ཀྱི་འདུག
    བྱུང་ན་ཁ་བརྡའི་དྲ་རྒྱར་གསར་འགྱུར་གྱི་སྡེ་ཚན་ཞིག་ཀྱང་ཡོད་ན་ཤིན་ཏུ་ནས་ལེགས།
    ཁྱེད་སྐུ་ཚེ་བརྟན་ཞིང་ཁ་བརྡ་རྒྒྱའི་སྙན་པ་འབྲུག་ལྟར་སྒྲོགས་པར་ཤོག

11. ཁ་བརྡ་དྲ་ཚིག་འདི་མི་ལོ་བཞི་ལ་གསོན་པར་དགའ་བསུ་ཡོད། ལེགས་ཉེན་གྱི་སྐད་ཆ་མང་པོ་ཞིག་དྲ་ཐོག་འདི་ནས་ཡོང་གི་འདུག་པས་བོད་ཕྱི་ནང་སོགས་ཀྱི་འགྲིན་ཚབ་པ་ཡག་གྲས་ཤིག་ཡིན། མུ་མཐུད་ནས་ཡར་རྒྱས་ཀྱི་རྣམ་པ་ཡར་ནས་ཡ་ལ་སྐྱེད།

12. ཁ་བརྡ་དྲ་བ་འདི་ཡང་མཁས་མང་འདུ་ས་ཞིག་དང་ལེགས་བཤད་ཀྱི་མཆོད་སྤྲིན་སྤྲོ་ས། རིགས་པའི་སྒྱུ་རྩལ་འགྲན་ས་ཞིག་ཏུ་སྣང་བས་ཡི་རང་དང་རྒྱབ་སྐྱོར་ཡོད།

13. ལོ་བཞིར་སོན་པའི་ཁ་བརྡ་འདི།
    མཁས་བླུན་གཉིས་ཀ་འཛོམས་ས་རེད།
    བཟང་ངན་གཉིས་ཀ་བཤད་ས་རེད།
    ཡག་བཙོག་གཉིས་ཀ་རིག་ས་རེེད།

14. ཁ་བརྡ་མ་བྱས་ཁ་བརྡ་བྱས།།
    ཁ་བརྡ་བྱས་ནས་ལོ་བཞི་འགོར།།
    ཁ་བརྡ་ཡག་བཙོག་གཉིས་ཀ་བྱས།།
    ཁ་བརྡ་མཐོ་དམན་གཉིས་ཀ་བྱས།།

    ཁ་ནས་ཅི་བཤད་ཅི་བདག་མེད།།
    ཁ་སྣ་ཐུག་དུས་མང་ནི་རེད།།
    ཁ་ལ་ཅི་ཡོང་བཤད་པ་འདི།།
    ཁ་བརྡ་ཡིག་ནོར་འབྱུང་ས་རེད།།

    ད་དུང་ཁ་བརྡ་བྱེད་དགོས།།།།

15. བཀྲ་ཤིས་བདེ་ལེགས་ཞུ།

16. ཁ་བརྡ་དྲ་བ་ལོ་བཞི་ལོན་པར་བཀྲ་ཤིས་བདེ་ལེགས་ཞུ།

17. ཁ་བརྡའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ། ཁ་བརྡ་མི་ངན་ཁ་བརྡ་བཟང་། ཁ་བའི་ལ་རྒྱ་ཁ་བརྡས་འཛིན། །ཁ་གཡང་ཁ་ངན་ཁ་བརྡས་བསྒྲགས། །ཁ་ཁོག་ཚང་མར་ཁ་བརྡར་གསལ། ། མུ་འཐུད་དུ་ཁ་དགེ་བཀྲ་ཤིས་ཤོག

18. ཁ་བརྡ་དྲ་བ་འཁྲུངས་ནས་ལོ་འཁོར་བཞི་སོན་པར་བཀྲ་ཤིས་བདེ་ལེགས་ཞུ།

    ཁ་བརྡ་དྲ་བ་ཁ་ཡི་མཆོག།
    ཁ་ལ་རིག་པ་རྒྱུ་མཚན་མཆིས།།
    ཁ་བརྡ་དྲ་བ་ཁ་ཡི་མགོན།
    ཁ་བརྡ་བཟང་ངན་གཉིས་ཀ་སྐྱོང་།།
    ཁ་བརྡ་ཡུན་གནས་རྟག་བརྟན་ཤོག།

19. ཁ་བརྡ་མགོ་བཙུགས་ནས་ལོ་ངོ་བཞིའི་རིང་ལ་ན་གསོན་པ་དེར་གུས་པའི་ངོས་ནས་བཀྲ་ཤིས་བདེ་ལེགས་ཞུ་བ་དང་འབྲེལ་ད་དུང་མུ་མཐུད་དེ་སྐུ་ཚེ་ཡུན་རིང་བརྟན་པའི་སྨོན་འདུན་ཞུ་རྒྱུ་ཡིན།

20. ཁ་བརྡ་བཟང་ངན་གཏམ་དུ་བྱེད་པའི་དུས་རབས་ཉེར་གཅིག་དུས་མགོ་ན།།
    བཙན་བྱོལ་བོད་ཀྱི་སྤྱི་ཚོགས་ཁྲོད་དུ་དུང་ཞེན་ཅན་པའི་ཁྱུ་སྐོར་གྱིས།།
    ལྷག་བསམ་དཀར་པོའི་ཁུ་བ་གར་པོ་དྲྭ་རྒྱ་མཛེས་མའི་མངལ་དུ་སྦྱིན།།
    རིང་པོར་མི་ཐོགས་ཟླ་དགུ་ངོ་བཅུར་ཁ་བརྡའི་རྒྱལ་སྲས་བདེ་ལེགས་ལྟམས།།
    ཀྱག་ཀྱོག་ལམ་བུའི་ཐེམ་སྐས་འཛེགས་ནས་ལ་ལུང་དུ་མ་རབ་བརྒལ་ཏེ།
    ཕྱི་ནང་འགལ་རྐྱེན་ཁྱད་དུ་བསད་ནས་ཡུལ་སྐད་སྣ་ཚོགས་ཐང་འགྲིམས་མཐར།
    བགྲང་བྱ་འཕགས་པའི་བདེན་བཞི་ལགས་ཀྱང་ཐོད་རྒལ་རྟོགས་པ་བླར་རྩེན་པས།
    ད་ཆ་རྒྱལ་སྲས་ཁ་བརྡ་བྱང་ཞིང་ཆོས་དཔལ་ཆབ་རིག་གཞུང་ཀུན་ལ་བྱང་།།

21. ཡག་པོ་འདུག། དངུལ་ཏོག་ཙམ་བཟོ་ཐུབ་ན་ཤིན་དུ་ལེགས། ད་དུང་། ཁ་བརྡར་ཕེབས་མཁན་ཚོར་ཐོ་འགོད་བྱེད་དུ་བཅུག་ནས། ལོ་གཅིག་ལ་ཐོ་འགོད་རིན་པ་ཨ་རིའི་སྒོར་ལྔ་བཅུ་རེ་ལེན་ཐུབ་ན་ཤིན་དུ་ལེགས། ང་ཚོ་ཚང་མ་ཁ་ནས་བོད་ཀྱི་རིག་གཞུང་སྲུང་སྐྱོབ་བྱེད་ཀྱི་ཡིན། བྱེད་ཀྱི་ཡོད། བྱེད་འདོད་ཡོད། རང་སྲོག་ཚུན་ཆད་བློས་གཏོང་གི་ཡིན་ཟེར་གྱི་ཡོད། ད་འདིར་སྲོག་བློས་གཏོང་མི་དགོས་པར་བོད་ཀྱི་རིག་གཞུང་སྲུང་སྐྱོབ་དང་དར་སྤེལ་གཏོང་བའི་གོ་སྐབས་ཆེན་པོ་ཞིག་ཡོད་ཚེ་ཅིའི་ཕྱིར་ལག་ལེན་དུ་མི་བསྟར་རམ། ངེས་པར་དུ་ཁ་བརྡའི་ནང་ལ་རྩོམ་ཡིག་སྤེལ་ཆོག་མཆན་དེ་ཚོར་ཐོ་འགོད་རིན་པ་ལེན་ཐུབ་ན། དམིགས་བསལ་གྱིས་ཁ་ཤས་ལ་རྩོམ་འགེལ་ཆོག་པའི་ཐོབ་ཐང་ཡོད་པ་ཁ་ཤས་ལ་མེད་པ་ལྟ་བུ་མིན་པར། སུས་ཐོ་འགོད་རིན་པོ་སྤྲད་ཐུབ་ནའང་། དེར་ཐད་ཀར་རྩོམ་ཤར་གཏོང་བྱེད་པའི་ཐོབ་ཐང་སྤྲད་ན་ཤིན་དུ་འཚམས།

    ད་དུང་། ཁ་བརྡའི་ནང་ལ་ཕོ་མོ་བཟའ་ཚང་ངོ་སྤྲོད་བྱེད་པའི་སྡེ་ཚན་གཅིག་བཟོས་ནས། ཕྱོགས་ཁག་ནས་ཕེབས་པའི་བཟའ་ཟླ་འཚོལ་མཁན་ཚོར་གནས་ཚུལ་མཁོ་སྤྲོད་དང་འབྲེལ་བ་འཛུགས་པར་མཐུན་རྐྱེན་སྤྲོད་ཐུབ་ན་ཤིན་དུ་ལེགས། དེ་དག་ལ་རིན་པ་བཟོས་ནས་དམིགས་གསལ་ཐོ་འགོད་ཐོག་ནང་ལ་འཛུལ་ནས་གནས་ཚུལ་གཏོང་ལེན་ཐུབ་པ་བཟོས་ནས། ད་གཟོད་འདིར་མི་ཕེབས་མཁན་མང་དུ་འགྲོ་བ་དང་དངུལ་མང་པོ་བཟོ་ཐུབ།

    དེ་བཞིན་བོད་ཡིག་ཟབ་སྦྱོང་གི་བརྙན་པར་ལ་སོགས་བཟོ་ཐུབ་ན་ཤིན་དུ་ལེགས།

22. བྱ་བ་འདི་ཧ་ཅང་གི་ཡག་པོ་རེད། རྟེན་འབྲེལ་ཞུ།

23. ཧ་ཅང་ལེགས། རྒྱ་བལ་འབྲུག་གསུམ་གྱི་གླ་ཡོད་གསལ་བསྒྲགས་ཟླ་བ་གཅིག་གི་རིང་ཅི་ཙམ་རེད།

24. ཁ་བརྡ་སྐུ་ཚེ་རིང་བར་ཤོག།