ཁ་བརྡ་དྲ་ཁང་ནང་ལ་དགུ་རྡུལ་ལེན།

Comments (9) on “ཁ་བརྡ་དྲ་ཁང་ནང་ལ་དགུ་རྡུལ་ལེན།”

1. འབྲོག་པའི་གཞུ་མོ་མདའ་ལ་ཁ་ཚོད་མེད༎
   བོའུ་སྟོང་མདའ་སྟོང་གང་ས་གང་འཕེན་རེད།
   བཙོག་ནོ་སྡུག་ནོ་ཐམས་ཅད་བཤད་དང་ཐ༎
   ཡག་ནོ་དགའ་ནོ་ཚང་མ་བསྐྱུར་དང་ཐ༎

   འབྲོག་ག་འབྲོག་ནག་ཁ་ལ་ལྟ་རྒྱུ་མེད༎
   རོང་ང་རོང་དཀར་ཁ་ན་རྩམ་དཀར་ཡོད༎
   རྩམ་དཀར་འབྲུ་མར་སེར་བོས་བརྫི་ནི་ཡིན༎
   དགུ་ཐུག་ཞིམ་པོ་ཉིན་སྐོལ་མཚན་སྐོལ་ཡིན༎

2. དེ་རིང་དགུ་རྡུལ་ལེན་པའི་ཉི་མ་རེད།།
   མི་གཙང་ཐལ་རྡུལ་ཚང་མ་ཕྱགས་དགོས་རེད།།
   ཕྱགས་ནས་གད་རྙིགས་ནུབ་ལ་འཕོ་དགོས་རེད།།
   ཁ་བརྡ་དྲ་ཁང་ནང་ལ་དགུ་རྡུལ་ལེན།།

   བཙོག་ནོ་སྡུག་ནོ་ཚང་མ་འདེད་དགོས་རེད།།
   ཡག་ནོ་མཛེས་ནོ་ཚང་མ་འཇོག་དགོས་རེད།།
   གཙང་བཙོག་ཕྱེ་ནས་གཙང་སྦྲ་བྱེད་དགོས་རེད།
   ཁ་བརྡ་དྲ་ཁང་ལ་དགུ་རྡུལ་ལེན།།

   འབྲོག་པར་ཕྱེ་མེད་རོང་བར་མར་མེད་ཟེར།།
   ཁྱོད་ཀྱི་ཁ་དང་ང་ཡི་སྣ་བཤད་ནས།།
   རོང་འབྲོག་ལ་རྒྱ་རྩོད་པའི་ཉི་མ་མིན།།
   ཁ་བརྡ་དྲ་ཁང་ནང་ལ་དགུ་རྡུལ་ལེན།།

   ཨ་མའི་ཤིག་རྩག་རྡབ་རྡབ་གཏོང་དགོས་རེད།།
   ཨ་ཕའི་ཝ་ཞྭ་རྡུལ་སེལ་བྱེད་དགོས་རེད།།
   ཨ་ཇོའི་གློག་ཀླད་ཕྱིས་ཕྱིས་གཏོང་དགོས་རེད།།
   ཁ་བརྡ་དྲ་ཁང་ནང་ལ་དགུ་རྡུལ་ལེན།།

3. ནང་ན་དགུ་རྡུལ་ལེན་ཞོར་ལེན་ཞོར་དུ།།
   ཁ་བརྡ་དྲ་ཁང་ནང་ལ་དགུ་རྡུལ་ལེན།།
   ནང་ན་དགུ་ཐུག་ཞིམ་པོ་སྐོལ་ཞོར་དུ།།
   ཁ་བརྡ་དྲ་ཁང་ནང་དུ་དགུ་ཐུག་སྐོལ།།

   དགུ་རྡུལ་ཨ་ཁུ་འབྲོག་པའི་ལེན་སྲོལ་ཡིན།།
   དགུ་ཐུག་ཨ་ཁུ་འབྲོག་པའི་སྐོལ་སྲོལ་ཡིན།།
   དགུ་ཐུག་འཐུང་འདོད་ཡོད་ན་འདི་ལ་ཤོག།
   ཟས་རིགས་སྣ་ཁ་དགུ་འཛོམས་དགུ་ཐུག་ཡིན།།

4. ཨ་ཁུས་གསུང་ན་དགུ་གཏོར་འཕེན་དགོས་ཟེར། །
   ཨ་ཕས་བཤད་ན་དགུ་ཐུག་འཐུང་དགོས་ཟེར། །
   ཨ་མས་བཤད་ན་གྲོད་ཁོག་འགྲངས་དགོས་ཟེར། །
   ཨམ་ཕྲུག་ཁོ་བོས་གང་ཡང་མི་དགོས་བཤད། །

   ལོ་གསར་མེད་པས་འདི་དག་དགོས་དོན་མེད། །
   ལོ་གསར་མེད་པས་གྲལ་སྒྲིག་དགོས་དོན་མེད། །
   ལོ་གསར་ཚེས་གཅིག་ཉིན་མོར་ཨམ་ཕྲུག་ངས། །
   ལོ་གསར་སྡུག་གཏམ་གླེང་ནས་འདུག་གི་ཡིན། །

5. Nyengak nyinjepo shidra duk:

   http://www.tibetwrites.org/?A-Song-from-a-Distance#forum127

6. དགུ་ཐུག

   ཉི་ཤུ་དགུ་ཡི་དགུ་ཐུག་ནང་། །
   ཟས་ན་དགུ་བླུག་བག་ཐུག་དེ། །
   འཐུང་ཐེངས་དགུ་ཡིས་གདོན་འདྲེ་དང་། །
   ངན་དགུ་ཐམས་ཅད་བྲོས་ཐལ་ཤོར། །

   ཕྱིར། བཟློག་པར་གྱུར་ཅིག མེད་པར་གྱུར་ཅིག ཞི་བར་གྱུར་ཅིག

7. ཨ་ཁུ་རོང་བས་དགུ་ཐུག་དྲོན་མོ་སྐོལ།།
   ཨ་འབྲོག་མགོན་པོས་དགུ་རྡུལ་གཙང་ན་བཟོས།།
   ད་ནི་དྲ་ཁང་གྲུ་བཞིའི་གོ་ཁ་འདིར།།
   མཉམ་དུ་འཛོམས་དང་དགུ་ཐུག་འཐུང་རྐྱང་རེད།།

   ངན་པ་དགུ་འཛོམས་ཉིས་སྟོང་དགུ་ལ་ཚང་།།
   གྲོས་མོལ་དགུ་བར་གྲུབ་འབྲས་མ་བྱུང་ད།།
   བཟང་བོ་བཅུ་འཛོམས་ཉིས་སྟོང་བཅུ་ཡི་ལོ།།
   རེ་བའི་ཁ་བཏགས་བཟུང་ནས་བསུ་བ་བྱེད།།

8. མདའ་ཚན་པ་ཡིས་དགུ་རྡུལ་བླངས་དང་ཟིག།
   རབ་གསལ་རྗེས་ཀྱང་དགུ་རྡུལ་བླངས་ང་ཟེར།།
   འོན་ཀྱང་དགྲ་སྟ་ད་དུང་ཉལ་བསྡད་ཡོད།།
   དགུ་རྡུལ་ལེན་པའི་སྙིང་དོན་མ་རྟོགས་ཐལ།།

   ཡབ་མྱེས་རིང་ནས་དགུ་རྡུལ་བླངས་བླངས་ཡིན།།
   བླངས་ཀྱང་རེ་བའི་རི་མོ་འགྲུབ་པ་མེད།།
   དེ་བས་ད་ལོ་ནང་དུ་གསོག་རྒྱུ་ཡིན།།
   ཕན་བལྟས་བྱུང་ན་སང་ཀྱང་ལེན་རྩིས་མེད།།

   ལུགས་དང་སྲོལ་གྱི་སྲོག་ཐག་བཙན་ན་ཡང༌།།
   དགྲ་སྟ་ངེད་ཀྱི་རྣམ་ཤེས་གསར་བ་ཡིན།།
   དེ་བས་རྒན་རབས་གོང་མ་ཁྱེད་རྣམ་ཀྱང༌།།
   ལུགས་དང་ལམ་སྲོལ་ཙམ་ལ་མ་རྔམས་འང༌།།

   མདའ་ཚན་པ་ཡིས་དགུ་རྡུལ་ལེན་སྲོལ་འདི།།
   རིག་པ་ཅན་གྱི་ལམ་ཀ་རེད་མི་འདུག།
   ཁྱོད་རང་ཆེ་ཡང་འཇིག་རྟེན་ཁྱོད་ལས་ཆེ།།
   ཧཧཧཧཧཧཧཧཧཧཧཧཧཧཧཧཧཧཧཧཧ།།

9. དགྲ་སྟ།
   དགུ་རྡུལ་མ་བླངས་ནའང་འགྲིགས་གི་རེད།།
   རྡུལ་དང་གད་རྙིགས་ནང་དུ་གཉིད་ལ་སྡོད།།
   རྙིང་པའི་ནང་ན་རྣམ་ཤེས་གསར་པ་ཞིག།
   ཡོད་དོ་ཟེར་ཡང་ཕལ་ཆེར་རྫུན་དུ་ཤེས།།

   ང་རང་རྙིང་པ་ཐམས་ཅད་དེད་པ་ཡིན།།
   ཕྱི་ནང་གང་ལ་བལྟས་ཀྱང་གསར་པ་ཡིན།།
   ད་ལྟ་ང་ཡི་རྣམ་ཤེས་གསར་པ་ཡིན།།
   ཁ་སང་དེ་རིང་སྣང་བ་སྐྱིད་པོ་ཡིན།།