ཀླུ་སྨྱོན།
ང་ཚོས་ཡུན་རིང་ཞིག་ལ་འདང་མ་བརྒྱབ་པའི་གནད་དོན་ཞིག་སྟེ།
གལ་སྲིད་ཁྱེད་རང་ད་ལྟ་ཁ་སྣ་སྐམ་ཞིང་དབུགས་ཐུང་ལེན་བྱེད་བཞིན
འཇིག་རྟེན་ཕྱི་མའི་ལྟད་མོར་ཆས་ལ་ཉེ་བ་དང་།
ཁྱེད་ཀྱི་གྲོགས་པོ་དང་གཉེན་ཉེ་དག་གིས་ཁྱེད་ཀྱི་མལ་ཁྲིའི་མཐའ་བསྐོར་ནས།
སེམས་སྐྱོ་བས་གཟིར་ཞིང་མིག་མཆི་མས་ཁེངས་བཞིན།
ཁྱེད་ཀྱི་ཆེས་མཐའ་མཇུག་གི་སྐད་ཆ་ཚིག་གསུམ་སྟེ།
ཁྱེད་ཀྱི་འཆི་ཁའི་ཁ་ཆེམས་དྲོན་མོ་དེར་ཉན་འདོད་ཡོད་ཚེ།
ཁྱེད་ཀྱིས་ཁྱེད་ཀྱི་མི་ཚེའི་ལོ་རྒྱུས་ཀྱི་མཇུག་བྱང་སྟེ།
བརྗོད་འདོད་པའི་ཁ་ཆེམས་ཚིག་གསུམ་དེ་ཅི་ཞིག་ཡིན་ནམ།
རང་ཉིད་ཀྱི་ཆེད་དམ། གཉེན་ཉེའི་ཆེད་དམ། མི་རིགས་ཀྱི་ཆེད་དམ། རྒྱལ་ཁབ་ཀྱི་ཆེད་དུ།
ཁྱེད་ཀྱི་ཁ་ཆེམས་ངོ་མ་དེ་ཅི་ཞིག་ཡིན་ནམ།
ངས་ཁ་ཆེམས་ཅི་ཡང་མི་འཇོག ཡང་ཡིན་ཟེར་ན་ཁ་ཆེམས་ཟེར་བ་དེ་ལ་ཉན་མཁན་མི་འདུག དཔེར་ན་ངའི་ཕ་ཡུལ་དུ་བླ་མ་ཡག་པོ་ཞིག་ཡོད། ཁོང་གྲོངས་ཁར་ཁོང་གི་སྐུ་ཚེ་གང་པོའི་སློབ་མ་རྒན་པ་ཁོང་ལ་སངས་རྒྱས་དངོས་མཐོང་གི་དད་པ་ཡོད་མཁན་ཚོ་བོས་ནས་ཁྱེད་ཚོ་ང་ལ་འདང་འདུན་པ་ཞིག་ཡོད་ན། ང་ཤི་རྗེས་སྤྲུལ་སྐུ་མ་བཙལ་གསུངས་ནས་སྐུ་གཤེགས་པ་རེད། འོན་ཀྱང་ཁོང་སྐུ་གཤེགས་ནས་ལོ་གཉིས་འགོར་རྗེས་སློབ་མ་ཚོས་སྤྲུལ་སྐུ་བཙལ་ནས་ཁྲི་སྟོན་རྒྱས་ཐག་ཆོག་བྱས་སོང་། ཡོད་ཚད་དེ་འདྲ་རེད། དེར་བརྟེན་ཁ་ཆེམས་ཅི་ཡང་མི་འཇོག ད་དུང་བོད་ཀྱི་དཔའ་བོ་དཔའ་མོ་ཚོའི་ཁ་ཆེམས་ཡོད་ཆད་རླུང་ལ་སྐུར་གྱི་འདུག ཁ་ཆེམས་ཟེར་བ་དེ་ལ་ཡིད་ཆེས་མི་འདུག
ཨོ་ང་ལ་སྲིང་མོ་ཡག་པོ་ཞིག་ཡོད་ན། ངས་ཁྱོད་སོང་ལ་ཨ་ལགས་ཀླུ་སང་ལ་ཞབས་ཕྱི་ཡག་པོ་ཞུས་ཟེར་ས་རེད། ད་དུང་རྒྱུན་དུ་གཟུགས་པོ་གཙང་མར་བཀྲུས་ནས་ཞབས་ཕྱི་ཞུས་ཟེར་ས་རེད། དེ་ནི་ཁྱེད་དང་ཡུན་རིང་མ་མཇལ་བས་ཁྱེད་དྲན་པའི་གཏམ་རེད་ཟེར་ན་ཡང་ཆོག ཧ་ཧ་ཧ་ཧ།
ངའི་ཁ་ཆེམས་ནི། རང་ཉིད་དམ་ངའི་ཆེད་དུ་སྨོན་ལམ་གང་བཟང་ཐོབས། གཉེན་ཉེའི་ཆེད་དུ་ངའི་རྒྱུ་ནོར་ལྷག་མའི་ཆེ་དུ་མ་རྩོད་ཅིག མི་རིགས་ཀྱི་ཆེད་དུ་ཕོ་མོ། སྐྱ་སེར། ཡུལ་ལུང་དང་། ཆོས་བརྒྱུད་ཕྱིར་དུ་མ་རྩོད་ཅིག རྒྱལ་ཁབ་ཀྱི་ཆེད་དུ་སྐད་དང་རིག་གཞུང་། ཆོས་དང་འཁོར་ཡུག་གང་ཐུབ་སྲུང་སྐྱོབ་གྱིས་ཤིག །
ཨོ། ངའི་ཆེད་དུ་སྨོན་ལམ་གང་བཟང་ཐོབས་ཟེར་བ་དེ་རབ་འབྱམས་པ་ཞིག་གི་གསུངས་སྟངས་མ་རེད་ཡ། ཕལ་ཆེར་ཚིག་གི་རབ་འབྱམས་པ་ཞིག་ཡིན་ས་རེད། ཨ་ལ་རྩེད་མོ་ཡིན། དེས་ན་ཁྱེད་ཀྱི་ཀརྡོ་ཟེར་བ་དེ་ཅི་ཡིན་ཞིག་གསུངས་ན་ཆོག་གམ།
དབུགས་ཆད་པ་ནས་ང་ཚོའི་འབྲེལ་བ་རྫོགས་སོང་བ་རེད། རྗེས་མ་ང་ཚོ་གཅིག་བྱས་ན་གླིང་གཅིག་གི་སྲོག་ཆགས་ཡང་མིན་སྲིད། ཕན་ཚུན་ངོ་མི་ཤེས་ཅིང་སྐད་བརྡ་ཡང་འཕྲོད་ཀི་མ་རེད།
རྣམ་ཤེས་ཡོད་ན་ང་ཚོ་འཇིག་རྟེན་གཅིག་གི་སྲོག་ཆགས་མིན་སྲིད་པས་སེམས་ཁྲལ་མ་བྱེད། རྣམ་ཤེས་མེད་ན་ང་ས་རྡོ་ཆགས་འགྲོ་གི་རེད། དེའི་ཕྱིར་ས་རྡོའི་ཆེད་དུའང་སེམས་ཁྲལ་མ་བྱེད་ཟེར་གི་ཡིན།
ཁོ་མོར་ཁ་ཆེམས་གཞན་ཞིག་ཡོད། གལ་ཏེ་བཙུན་མ་རྣམ་དག་རེ་བྱེད་འདོད་ན་ང་བཞིན་འཇིག་རྟེན་གྱི་བདེ་བ་ཡིད་ཚིམས་པ་ཞིག་ལོངས་སུ་སྤྱོད་རྗེས་བཙུན་མའི་གྲལ་དུ་སྡོད་ཅེས་ལབ་ས་རེད། དེ་བཞིན་གྲྭ་བ་ལའང་དཔེ་དེ་བཞིན་ནོ། བཅོམས་ལྡན་འདས་ཀྱིས་ཀྱང་དེ་ལྟར་མཛད་འདུག རྒྱུ་མཚན་ངེས་ཅན་དུ་འདུག་སྟེ། མང་པོ་ཞིག་གིས་འཇིག་རྟེན་གྱི་བདེ་བའི་དྲོད་ཁུག་ན་ག་འདྲ་ཞིག་ཡོད་དམ་སྙམ་ནས་གྱེར་བཞིན་པ་དེའོ། ཨ་ཁུ་ཀླུ་སྨྱོན་ལ་འདོད་སྲེད་དངོས་ཀྱི་ཉམས་མྱོང་གང་ཡང་མེད་པས་ཁོང་གི་ཐུགས་ལ་དེ་ལྟར་ཡོད་པ་ཉག་གཅིག་རེད། འཆི་ཁར་ཞལ་ཆེམས་དགོས་ན་ངས་ནི་འདྲ་ཞིག་འཇོག་ས་རེད། ཧཧཧཧཧ སྐུ་རྩེད་ཡིན་ཨ་ལགས་ལོ་ལོ།
མི་རིགས་དང་རྒྱལ་ཁབ་ཀྱི་ཆེད་དུ་བཤད་རྒྱུ་གང་ཡང་མེད།
ཆུ་ཤོག་ནག་པོ་ཞིག་ནང་སྒྲིལ་བའི་བསགས་དངུལ་ཕྲན་ཚེགས་ཁྱིམ་གྱི་ཟུར་གང་ཞིག་ན་སྦས་སྐུང་བྱས་ཡོད་པ་དེ་བཟའ་ཟླ་ལ་བཤད་འདོད་ཡོད།།
འཆི་ཁར་གཏམ་མ་མང་། ཉལ་ཁར་ཇ་མ་མང་གི་དཔེ་རེད། ང་ཡིན་ན། འཆི་ཁ་ལ་མོར་ཅིག་ཅིག་ཉིག་ཉིག་བཤད་ས་མ་རེད། ཁ་རོག་གེར་དབུགས་རྔ་དེ་བསྡུས་འགྲོ་ས་རེད།
ཁ་ཆེམས་ཟེར་བ་འདི་ནུས་པ་གཏན་གཏན་ཡོད། དེར་བརྟེན་རྗེས་མ་བླ་ཆེན་དེ་ཚོ་གཤེགས་ཁར་ངེས་པར་དུ་ཁ་ཆེམས་ཡག་པོ་དེ་འདྲ་བཞག་ཐུབ་ན་ལེགས་མོད།
ཁྱེད་ཀྱིས་ལྟར་ན་བོད་ཀྱི་བླ་ཆེན་ཚོས་ཁ་ཆེམས་ཇི་འདྲ་འཇོག་ན་ལེགས་སམ། ང་ལ་འདོད་པ་གསུམ་ཡོད།
༡༽ སློབ་མ་ཚོ། ང་ཤི་རྗེས། དགོན་པ་འདི་སློབ་གྲྭ་ཆེན་མོ་ཞིག་ལ་སྒྱུརད་ཤིག དེ་ལ་ཕོ་མོ་རིགས་རུས་ལ་དབྱེ་བ་མི་འཛིན་པར་གཙོ་བོ་དེང་དུས་ཀྱི་ཤེས་ཡོན་རྣམས་མཐར་ཕྱིན་པ་སློབ་ཤིག་ལྟ་བུ།
༢༽སློབ་མ་ཚོ། ཁོ་བོ་འདས་རྗེས། དགོན་པ་འདིའི་ཁྲི། ཡོན་ཏན་དང་ཀུན་སྤྱོད། བསམ་པ་ལེགས་པ་རྣམས་ལ་སྤྲོད་ཤིག
༣༽ སློབ་མ་ཚོ། ཁོ་བོ་གཤེགས་རྗེས། དགོན་པ་འདིའི་བདག་པོར། སྲང་ལམ་ནས་ཁྱི་ཞིག་སྒྲུག་ནས། ཁྱི་དེའི་བཀའ་ལ་མཉན་རོགས།
ད་དུང་་་་་་་་
ཨ་མ་མ། གངས་དཀར་ལྷ་མོ། བསམ་བློ་ཡར་ཐོན་རེད་འདུག
ཁ་བརྡའི་ལས་བྱེད་ཡོངས་དང་རྩོམ་པ་པོ་མཐུན་མོང་ལ་གུས་མོས་ཐོག་མར་མཚམས་འདྲིའི་བཀྲ་ཤིས་བདེ་ལེགས་ཞུ།
ངས་ནི་ཁ་ཆེམས་འདི་ལྟར་འཇོག་འདོད་ རང་བཙན་སླར་གསོའི་ཆེད་ མི་ཐོག་ནས་མི་ཐོག་བར་ འཐབ་བརྩོད་འདི་མུ་འཐུད་གནས་དགོས་། རང་སྐྱོང་ཡང་མི་དགོས་ལ་རྒྱ་ཡི་རྩ་ཁྲིམས་འོག་གི་མིང་དོན་ཚུངས་པའི་རང་སྐྱོང་དེ་བས་བརྩོད་དགོས་དོན་མེད་དེ་ནི་བོད་ཕུང་ལ་སྦྱོར་བའི་ལམ་སྣེ་རེད་ཅེས་བཤད་འདོད།།།།།
ངས་འདི་ལྟར་བཤད་ན་འདོད།
ཆོལ་གསུམ་ཡོངས་སུ་རྫོགས་པའི་རང་བཙན་ཐོབ་ན་ཤིན་ཏུ་ལེགས་པས་དེར་ཟད། གཞན་བོད་ཡུལ་རྒྱ་ཡིས་གང་བའི་རང་བཙན་ལས་བོད་ཡུལ་བོད་མིས་སྐྱོང་བའི་རང་སྐྱོང་ལེགས་པས་དེ་གང་མྱུར་ལོན་ཐབས་ལ་བརྩོན་ཅིག །བོད་མིའི་སྐྱིད་སྡུག་མཉམ་མྱོང་མ་བརྗེད།
ང་ལ་ནི་ཁ་ཆེམས་གང་ཡང་མེད་ ཡིན་ན་ཡང་སྨོན་ལམ་ཚིག་གསུམ་འདི་ལྟར་འཇོག ཡིད་འཕྲོག་ལྷ་མོ་ཡོངས་དང་ལྷག་པར་དུ་སོར་མོ་ལྔ་པོ་སོགས་ལ་བཀའ་དྲིན་རྗེས་དྲན་དང་སྐྱེ་བ་བདུན་གྱི་བར་དུ་སླར་ཡང་མཇལ་འཕྲད་ཡོངས་བའི་སྨོན་འདུན་ཞུ་རྒྱུ་ཡིན།
གངས་དཀར་ལྷ་མོའི་བསམ་ཚུལ་དང་པོ་དེ་ཡག་པོ་རེད་ཨ་
ཁ་ཆེམས་ཉན་ཨ་ཡོང་
གངས་དཀར་ལྷམོའི་ཁ་ཆེམས་ལ་དེ་ཙམ་ངོས་ལེན་མེད་ ཧ་ལམ་ཞོགས་དུང་གི་བསམ་བློ་དང་འདྲ་བོ་འདུག
གསར་བ་ཐམས་ཅད་བླང་བྱ་དང་རྙིང་པ་ཐམས་ཅད་དོར་བྱར་འདོད་པ་ཨེ་ཡིན་
མེ་ཏོག་དཀར་པོས་ཀྱང་ཅལ་འདྲོགས་བྱས་འདུག
བཀྲ་ཤིས་བདེ་ལེགས་ཞུ།
ངས་རང་ཉིད་འཆི་བའི་དུས་ལ་བབས་པ་ཤེས་ན་ཧ་ཅང་སྐྲག་ས་རེད། གལ་སྲིད་ཁ་ཆེམས་འཇོག་ཐུབ་ན་འཇོག་དང་འཇོག དེ་ཡང་མི་རིགས་ལ་ལ་རྒྱ། རྒྱལ་ཁབ་ལ་ཤ་ཞེན། ཆོས་ལུགས་ཀྱི་འཐེན་འཁྱེར། ལུང་ཚན་ལ་མཐུན་ལམ། ཕུ་ནུ་དམ་ཚིག་སོགས་ཐམས་ཅད་ལ་ཕན་པའི་ཁ་ཆེམས་དབུགས་མ་ཆད་བར་གང་ཐུབ་ལབ་ས་རེད། འོན་ཏེ་ངའི་རྗེས་སུ་སྨོན་ལམ་གདབས་རོགས་རྩ་བ་ནས་ལབ་ས་མ་རེད། རྗེས་སྡོད་ཚོས་ངོས་ནས་རེ་བ་དེ་བསྒྲུབ་ཐུབ་མིན་ནི་གནས་ཚུལ་ཐ་དད་རེད། སྤྱིར་བཏང་ང་ཚོའི་ཁ་ཆེམས་ཀྱི་དོན་འབྲས་སྨིན་མ་སྨིན་ནི་གཙོ་ཆེ་རང་གི་ཚེ་འདིར་མིའི་སེམས་ལ་བག་ཆགས་བཟང་ངན་བསྐྲུན་སྟངས་ལས་ཀྱང་རག་ལེན་པ་ཞིག་རེད།
ང་ཚོའི་ཕ་ཡུལ་གྱི་གཏམ་དཔེ་ལས་ནི། འཆི་ཁར་གཏམ་མ་མང་། ཉལ་ཁར་ཇ་མ་མང་ཟེར།
རེད་དེ་ངས་གཏམ་དཔེའི་རྭ་བས་འགོངས་ཅི་ཐུབ་བྱེད་ས་རེད།
ཨ་ལགས་ནི་ཨ་ལགས་རང་རེད། ནམ་ཡང་འཆི་བ་མི་རྟག་པ་ལ་གོམས་འདྲིས་བྱས་པའི་འབྲས་བུ་རེད།
དྲ་གྲོགས་ཚོས་བསམ་ཚུལ་ཡག་ཀྱང་རྗེས་འཇུག་པ་ཚོས་ཁོང་ཚོའི་ཞེན་འདོད་དང་མི་མཐུན་པའི་ཁ་ཆེམས་ཤིག་ངོས་ལེན་བྱེད་རྒྱུ་ཁོག་པོ་རེད། འཇུ་མི་ཕམ་དང་གཙང་པ་རིན་པོ་ཆེ་སོགས་སྐྱེས་ཆེན་དམ་པ་མི་ཉུང་པ་ཞིག་གིས་ཡང་སྲིད་མེད་པའི་ཁ་ཆེམས་བཞག་ཀྱང་ཡང་སྲིད་ཐོན་པ་རེད། ཡང་སྲིད་ལ་ཁེ་ཚོང་ཡོད་ན་ནམ་ཡང་ཡོང་ངེས་རེད། ཇི་སྲིད་ཚོགས་ཁྲོད་ཡང་སྲིད་ལ་རིན་ཐང་ཡོད་པ་དེ་སྲིད་དུ་ཡང་སྲིད་ཐོན་ངེས་རེད་ལ། ཡང་སྲིད་ཇི་སྲིད་ཐོན་པ་དེ་སྲིད་དུ་ཡང་སྲིད་རྣམས་ཀྱིས་སྤྱི་ཚོགས་ཀྱི་འགན་དབང་འཁུར་ངེས་རེད། ཡང་སྲིད་མེད་པའི་ཁ་ཆེམས་བཞག་ཀྱང་ཐོན་ངེས་རེད། འཇིག་རྟེན་གྱི་མི་འདི་ཇི་འདྲའི་ཁེ་ཕན་ལ་དུང་བའང་།
དྲ་གྲོགས་ཚོ། ད་ནི་སྔོན་དང་མི་འདྲ་བ་ང་ཚོས་རྗེས་རབས་པ་ཚོ་ལ་ཡང་སྲིད་རྩོད་དཔྱད་བྱེད་རོགས་ལབ་ཀྱང་བྱེད་མི་སྲིད་པའི་དུས་ལ་སླེབས་ཡོད། ང་ཚོ་འདིའི་འཐད་ལ་སེམས་ཁྲལ་དང་དུས་ཚོད་མི་གཏང་། འདི་ནི་ཨ་ལགས་དྲིན་པོ་ཆེ་ཚོས་མཛད་སྤྱོད་ལས་རང་བཞིན་གྱིས་འགག་འགྲོ་གིན་རེད། དེ་བཞིན་བླ་སྤྲུལ་གྱི་ཡང་སྤྲུལ་མི་དགོས་ལབ་མཁན་ཚོས་འདོད་པའང་ཡོངས་སུ་འགྲུབ་ངེས་རེད། རྗེས་ཤོག་ནས་བླ་སྤྲུལ་མི་དགོས་ལབ་ནས་སྐད་འབོད་བྱེད་པ་ལས། ཨ་ལགས་དག་ལ་གསང་ཡུམ་རེ་འབུལ་ཐུབ་ན། རང་བཞིན་གྱིས་སྒྲུང་རྫོགས་ཀྱི་རེད།
ངའི་ཁ་ཆེམས་འདི་ཡིན།
བོད་པ་ཚོ། ནམ་ཡང་རྒྱ་མིའི་དབང་འཛིན་པའི་གཏམ་ལ་ཡིད་ཆེས་རྩ་བ་ནས་མ་བྱེད། རང་ཉིད་ཕུང་བར་བྱའོ། དུས་རྟག་ཏུ་རང་གིས་བརྟག་དཔྱད་མཛོད། རང་གིས་ཐག་གཅོད། རྒྱ་མིས་འཕགས་པ་སྤྱན་རས་གཟིགས་དང་འོད་དཔག་མེད་ལ་སྡུག་སྦྱོར་ཚད་མེད་བྱེད་སྟབས། གཞན་སྨྲོས་ཅི་དགོས།
ནམ་ཡང་གཞན་ལ་རེ་བ་མ་བཅོལ། བསྒྲུབ་བྱ་རྣམས་རང་གིས་སྒྲུབས་ཤིག གཞན་གྱིས་བསྒྲུབ་པར་རེ་བ་མ་བྱེད་ཨང་།
ཁ་ཆེམས་མི་དགོས་ཁ་ཆེམས་མི་དགོས།གང་ཡིན་ཟེར་ན་བོད་པའི་བླ་མ་མང་པོ་ཞིག་གིས་ཁ་ཆེམས་བཞག་པ་ལྟར་ཡང་སྲིད་དམ་སྤྲུལ་སྐུ་མང་པོ་ཞིག་ངོས་འཛིན་བྱས་ཡོད་ལ་སྤྲུལ་སྐུ་དེ་ཚོས་མང་ཚོགས་ལ་ཕན་ཐོགས་པའི་བྱ་བ་ཞིག་བྱེད་པ་ཕར་ཞོག་དེ་ལས་ལྡོག་སྟེ་བླ་མ་གོང་མའི་མཚན་སྙན་རྫོད་མཁན་ཤ་སྟག་རེད།
ཕ་ཞིག་གིས་རང་གི་བུ་དང་བུ་མོར་ཁ་ཆེམས་བཞག་ན་ནི་ཁོ་ཚོར་ཕན་པ་ལས་སེམས་ཁྲལ་དང་དྲན་གདུང་གི་རྒྱུ་རུ་འགྲོ་སྲིད། རྒྱུ་ནོར་གྱི་ཁ་ཆེམས་ཡིན་ན་ནི་དེ་བས་ཀྱང་རྙོག་དྲ་ཚ།
ངས་བཤད་འདོད་པའི་ཁ་ཆེམས་དེ་ཕོ་གསར་ཚངས་དབྱངས་གི་བཤད་འདུག་དེ་ལས་ལྷག་པའི་ཁ་ཆེམས་ཕལ་ཆེར་ཡོད་མ་ཡིན།
ཆོས་དབྱིངས་སྒྲོལ་མ་ལགས། ཁྱེད་རང་བོད་ཀྱི་བླ་སྤྲུལ་དེ་ཚོ་ངན་པ་དེ་འདྲ་ཞིག་མཐོང་ན་ཁྱེད་རང་རྒྱ་ནག་དམར་པོའི་ལམ་ལུགས་ལ་ཞུགས་ནས་ང་ཚོ་ལ་འཆའ་སྨོད་གྱིས་དང་། དཔེ་ཡག་པོ་འདུག
དེ་རང་ཁ་བརྡ་ནང་གི་བོད་ཀྱི་མཛེས་མ་འདི་གཉིས་བསམ་ཚུལ་ཡག་པ་ལ།
ཚངས་དབྱངས་ཀྱིས་གསུངས་པ་ལོས་བདེན་
རང་ཉིད་རང་གིས་མགོན་ཡིན་གྱི།།
གཞན་ནི་སུ་ཞིག་མགོན་དུ་གྱུར།།
རང་ཉིད་ལེགས་པར་བསྐྱངས་གྱུར་ན།།
མཁས་པས་མཐོ་རིས་ཐོབ་པར་འགྱུར།།
ཞེས་གསུངས་པ་མ་ཡིན་ནམ།
དོལ་སྨྱོན་ལགས།
བདག་ཉིད་བདག་གི་མགོན་ཡིན་གྱི། །
གཞན་ནི་སུ་ཞིག་མགོན་དུ་གྱུར།།
བདག་ཉིད་ལེགས་པར་ཐུལ་བས་ན།།
མཁས་པས་མཐོ་རིས་ཐོབ་པར་འགྱུར།།
ཞེས་གསུངས་པ་མ་ཡིན་ནམ།
དོལ་སྨྱོན་དང་གཙང་ཁའི་བུ་ཟུང་ལ།
བདག་ཉིད་བདག་གི་མགོན་ཡིན།།
བདག་ཉིད་བདག་གི་དགྲ་ཡིན།།
ཞེས་གསུངས་པ་མ་ཡིན་ནམ
ལ་ལས་ཁ་ཆེམས་བླང་དོར་གསལ་བའི་མེ་ལོང་རེད། འགའ་རེའི་ཁ་ཆེམས་རྫུན་མ་ཕུང་དཀྲིགས། རྫོགས་མེད་གྱོད་ཀྱི་སྣ་འདྲེན་ཡང་ཡོད་པས་ཁ་ཆེམས་འཇོག་དུས་བསམ་གཞིགས་ནན་ཏན་གཏོང་དགོས་འདུག
ཆོས་དབྱིངས་སྒྲོལ་མ་ལགས། ཁྱོད་རང་གིས་གཏམ་འདི་༼བོད་པའི་བླ་མ་མང་པོ་ཞིག་ གིས་ཁ་ཆེམས་བཞག་པ་ལྟར་ཡང་སྲིད་དམ་སྤྲུལ་སྐུ་མང་པོ་ཞིག་ངོས་འཛིན་བྱས་ཡོད་ལ་སྤྲུལ་སྐུ་དེ་ཚོས་མང་ཚོགས་ལ་ཕན་ཐོགས་པའི་བྱ་བ་ཞིག་བྱེད་པ་ཕར་ཞོག་དེ་ལས་ ལྡོག་སྟེ་བླ་མ་གོང་མའི་མཚན་སྙན་རྫོད་མཁན་ཤ་སྟག་རེད།༽ཅུང་ཐལ་དྲག་མེད་འགྲོ ངས་བསམ་ན་ཁྱོད་རང་ཡང་སྲིད་དང་སྤྲུལ་སྐུའི་རྣམ་དབྱེ་མི་ཤེས་མཁན་ཞིག་གིས་འདི་འདྲ་བཤད་པའི་སྐབས་སུ་བབ་མེད་སྙམ། རང་གི་གཏམ་ལ་རང་གིས་ཡིད་ཆེས་ཡོད་པའི་སྟེང་ནས་བཤད་ན་དགོས་པ་ཡོད། དེ་མིན་ན་འཆལ་གཏམ་ལས་འགྱུར་གྱི་མ་རེད།
རང་གི་རང་གི་མགོན་ཡིན་ཅི།།
དེ་ལས་མགོན་ཞིག་ཡོད་མ་ཡིན།།
རང་ཉིད་རང་གི་དགྲ་ཡིན་ཅི།།
དེ་ལས་དགྲ་ཞིག་ཡོད་མ་ཡིན།
དེ་བརྟེན་བསམ་བློ་ལེགས་པ་བཏང་།།
དེ་བརྟེན་གཞན་དང་གྲོས་བསྡུར་བྱོས།།
དེ་བརྟེན་རིག་པ་ལེགས་པོ་སྦྱོང་།།
དེ་བརྟེན་གནས་ཚུལ་རྒྱུས་ལོན་བྱོས།།
དེ་བརྟེན་ཕྱི་ནང་འགྲོ་ལུགས་སློབ།།
དེ་བརྟེན་ཚོས་སྲིད་གོམས་པ་བྱོས།།
དེ་བརྟེན་ཤེས་བྱའི་རྒྱལ་ཁམས་འགྲིམ།།
ཤེས་བྱ་མེད་ན་རིག་པ་རེད།།
རིག་པ་མེད་ན་ཤེས་བ་མེད།།
ཤེས་བ་མེད་ན་རྨོངས་བ་ཡིན།།
རྨོངས་བ་ཡིན་ན་གཞན་གཡོག་འགྲོ།།
གཞན་གཡོག་སོང་ན་རང་དབང་ཉུང་།།
རང་དབང་མེད་ན་བདེ་བ་ཆུང་།།
བདེ་བ་ཆུང་བའི་མི་ལུས་ཏེ།།
ཡོད་ཀྱང་གནས་འདི་རིན་ཐང་མེད།།
ཕྱི་ཡང་ཁྱི་རོ་བཞིན་དུ་འཕེན།།
གསོན་ཡང་བྱོལ་སོང་རྗེས་སུ་འགྲོ།།
དེ་བརྟེན་འཇིག་རྟེན་འདི་ཉིད་ནང་།།
ཤེས་རིག་དར་ཞིང་རྨོངས་སེལ་བའི།།
རིག་པ་རྒྱལ་པོ་སྐྱེས་བ་ཤོག།
རིག་པའི་རྒྱལ་པོས་བྱིན་མཐུ་ལས།།
གོ་ལ་འདི་ལ་དབང་སྒྱུར་ཤོག།
སྤྲུལ་སྐུ་རྒས་ཡོལ་ཕེབས་པར་ཤོག།
ཞི་བདེ་ཡུན་གནས་རིང་བ་ཤོག།
མི་རྣམས་འདྲ་མཉམ་ཡོང་བ་ཤོག།
སྐྱེས་འགྲོ་ཀུན་ལ་བདེ་སྐྱིད་ཤོག།
བདེ་བས་དགའ་སྤྲོ་འདྲེན་པ་ཤོག།
དགའ་སྦྤོས་འདོད་འདུན་ཚིམས་པར་ཤོག།
འདོད་པས་དོན་ཀུན་འགྲུབ་པར་ཤོག
དོན་གྱིས་བོད་མི་སྲུང་གྱུར་ཅིག།
བོད་མི་ངོ་བོའི་མ་བརླགས་སྲུང་གྱུར་ཅིག།
བོད་ཀྱི་སྐད་ཡིག་མ་བརླགས་སྲུང་གྱུར་ཅིག།
བོད་ཀྱིས་བོད་ས་བརླགས་སྲུང་གྱུར་ཅིག།
ང་ཡི་ཁ་ཆེམས་འཇོག་རྒྱུ་ནི་ཚེ་ཡི་དུས་ལ་བབས་དུས་སྔས་མགོར་སུ་སླེབ་ལ་རག་ལུས་པ་རེད།
རྒྱུ་ནོར་ལ་དགའ་བའི་གཉེན་ཉེ་དེ་ཚོར། ལས་བྱས་པ་ཆུད་མི་ཟ།མ་བྱས་པ་མི་འཕྲད། ང་ཡི་རྒྱུ་དེ་དག་ཁྱེད་ཚོར་དབང་གི་མེད། དེ་དག་ཐམས་ཅད་མཆོད་སྦྱིན་ལ་གཏོང་ཟེར་ས་རེད།
མི་རིགས་ཀྱི་དོན་དུ་ཤི་ཐུག་ཡོང་མཁན་ཡོད་ན། བུད་མེད་ཐམས་ཅད་སྐྱེ་སྒོ་མ་འགོག་་བུ་རྣམས་གྲྭ་བ་བྱེད་རྒྱུར་དམ་གྲགས་གྱིས་ལ་སྔགས་འཆང་གི་བསྟན་པ་མང་ཙམ་སྤེལ་ཐབས་གྱིས།
རྒྱལ་ཁབ་ཀྱི་དོན་དུ་ཤི་ཐུག་རྒྱབ་མཁན་དེ་ཚོར། སྐྱེ་བ་འདིར་བོད་མིར་སྐྱེ་དུས་རྒྱ་ནག་ལ་ངོ་རྒོལ་གྱིས་ལ་རང་ཡུལ་གྱི་ཆེད་དུ་རང་སྲོག་བློས་གཏོང་གྱིས།
སྐྱེ་བ་རྗེས་མར་རྒྱ་མིར་སྐྱེ་བ་བླང་དུས་བོད་དུ་གནས་སྤོས་བྱས་ཏེ་བོད་ཀྱི་རིགས་གཞུང་ཉམས་རྒུད་དུ་གཏོང་ཐབས་གྱིས།
དགེ་ལ་དད་པ་རྣམས་ལ་མི་རྟག་པ་སྒོམ་ཟེར་ས་རེད།
ཧཧཧཧ་མ་གཞི་ནས་རྣམ་རྟོག་དེ་འདྲ་བླངས་མ་ཡོང།
ཁ་ཆེམས་དང་བརྡ་གླུ་ནོར་བ་མ་ཟད། མེ་དཀར་དང་སྤོབས་མཐའ་ནོར་འདུག
སྤོབས་མཐའ་ལགས་སུ།
༡༡༣༽ ཀརྡོ་རབ་འབྱམས་པ་ནས།
སྤྱི་ལོ་ ༢༠༡༠ ཟླ་ ༩ ཚེས་ ༢༦ གི་ཆུ་ཚོད་ ༡༨ སྐར་མ་ ༥༤
མེ་དཀར་ལགས་སུ།
ཀརྡོ་རང་མིང་ཡིན་ལགས། །
ཕ་མས་བཏགས་པའི་བསྡུས་མིང་། །
རབ་འབྱམས་ཚིག་ལ་བརྟེན་ནས། །
གནས་ལྔའི་རིག་པ་མཇལ་སོང་། །
བོན་བསྟན་ང་ཡིས་མི་ཤེས། །
ས་དགེ་བཀའ་རྙིང་བུ་ཇོ། །
ཞི་བྱེད་སོགས་ལ་མོས་པས། །
ཆོས་བརྒྱུད་རིས་མེད་གཅིག་ལགས། །
འ་དཀོན་མཆོག་མཁྱེན། ཁ་བརྡ་ནང་ན་ཚང་མས་ཁ་ཆེམས་བཞག་འདུག ཚང་མ་ཤི་ལ་ཡོད་ནི་ཆེད་ཡིན་རེ། ད་ངས་ཚང་མ་ལ་འཆི་ཀར་ཕན་པའི་གདམས་པ་ཞིག་བཏོན་ན་རེད་ཀོ ཁྱོད་ཚོ་ཚང་མ་ཕ་ཡུལ་ན་ཕ་མ་མཉམ་པོ་མེད་ན་རྒྱུ་རྫས་ཕྱོགས་ནས་ཁ་ཆེམས་བཞག་མ་བཞག་ཡོད་ནི་མ་རེད། ཤི་རྗེས་ཚང་མ་རང་རང་གནས་སའི་རྒྱལ་ཁབ་དེར་ཐིམ་འགྲོ་ནི་རེད། བོད་སྤྱི་བའི་དོན་དུ་འཇོག་རྒྱུ་ཡོད་ན། རང་དབང་རང་ལག་ན་ཡོད་དུས། མ་ཤི་སྔོན་ལ། སྨན་ཁང་དུ་མ་སྐྱལ་སྔོན་ལ། འོ་ད་གཡུག་ཞོག་དེ་ལས་འཆི་ཀར་ཕན་པའི་གདམས་པ་དེ། གལ་ཏེ་ལས་ཀྱི་བར་དོ་གྲུབ་གྱུར་ན། ། འཕྲལ་དུ་བརྟགས་པས་སྐྱེ་འཆི་བར་དོ་ཡི། ། སྡུག་བསྔལ་བདེན་པར་མེད་པའི་ཚུལ་རྟོགས་ནས། ། འཁྲུལ་སྣང་དག་པར་འཆར་བར་བྱིན་གྱིས་རློབས། ། འབྱུང་བ་ལོག་པའི་དགྲ་བཞི་འཇིགས་སྣང་གསུམ། ། མ་ངེས་རྟགས་རྣམས་སྣ་ཚོགས་ཤར་བའི་ཚེ། ། ཕྱི་ནང་གསང་བ་བསྒྱུར་བའི་རྣལ་འབྱོར་གྱིས། ། རྣམ་དག་ཞིང་དུ་སྐྱེས་པར་བྱིན་གྱིས་རློབས། །
གཞོན་ནུ་ཟླ་མེད་མ་མཐོང་ནས་རྒྱུན་རིང་སོང་བས་ཁ་བརྡ་ཡང་ཅང་ཅང་འདྲ་རེད་སོང་། ད་ཕེབས་པ་ལེགས།
ཀ་རྡོ་ལགས་ཁྱེད་ཀྱིས་ཚིགས་བཅད་གཉིས་དེ་བརྡ་གླུའི་འོག་ཏུ་མཐོང་སོང་བས་ཐུགས་རྗེ་ཆེ།
མུ་མཐུད་ཁ་ཆེམས་འཇོག་ཅིག