ནུབ་ཕྱོགས་གངས་ཕྲུག་དང་མེ་ཏོག་དཀར་པོ།
ཀ་ར་ཀོ་རེ་བཤད་མཁན་སྤྲུལ་གོག་རྣམས། །
ཁ་ནས་ཞིམ་ཚད་ཟས་དང་གོས་ཆེན་དགའ། །
ག་རུ་བསྐྱོད་ཀྱང་རྒྱ་མོ་དབྱིན་མོ་འཁྲིད། །
ང་ནི་དེ་ཚོ་མཐོང་དུས་ཡིད་ཐང་ཆད། །
ཅ་ལག་ཡག་རི་ཡག་ཚད་བཀོལ་ཞིང་སྤྱོད། །
ཆ་འཇོག་དགོས་པའི་ཡོན་ཏན་སྣ་གཅིག་མེད། །
ཇ་ཆང་ཤ་ཟས་རོལ་ནས་བྲོད་ཁོག་འབུར། །
ཉ་རིལ་འདར་བཞིན་ཕྱི་གླིང་ཡུལ་གྲུ་ཉུལ། །
ཏ་ཐ་ག་ཏའི་བསྟན་པའི་མིང་འཁུར་ནས། །
ཐ་དད་ལུང་པར་ཚོང་པ་བཞིན་དུ་འཁྱམ། །
ད་དུང་ཁ་ལ་འདོད་ཆུང་ཆོག་ཤེས་ཟེར། །
ན་རྒ་འཆི་བའི་འཇིགས་པ་མེད་དམ་ཅི། །
པ་ལོ་བྲེག་ནས་རབ་ཏུ་བྱུང་ན་ཡང་། །
ཕ་ལོ་གྱུར་པས་ངོ་ཚས་མ་བཟོད་པར། །
བ་ཕྱུགས་ལྟོགས་པས་སྐད་ངན་འདོན་པ་བཞིན། །
མ་འོས་ཚིག་གིས་ཀུན་ལ་སྨོད་ལ་བྲེལ། །
ཙ་རི་གངས་རིར་སྒྲུབ་པ་ཉམས་ལེན་མེད། །
ཚ་གྲང་ཡོང་དུས་གློག་འཕྲུལ་ཡོ་བྱད་མང་། །
ཛ་ཏི་སྨན་དང་གསེར་དངུལ་གཟི་ཚོང་རྒྱབ། །
ཝ་དང་འུག་པ་བཞིན་དུ་མཐར་སྤྲོད་དགོས། །
ཞྭ་མོ་དམར་སེར་དཀར་ནག་ཅི་གྱོན་ཡང་། །
ཟ་འདྲེའི་རིགས་འདི་ཟ་འདྲེ་རང་ཡིན་པས། །
འ་ཅག་བོད་འབངས་དུཿཁ་མེད་འདོད་ན། །
ཡ་ང་མེད་པར་འདི་ཚོར་ངོ་རྒོལ་དགོས། །
རྭ་རྒོད་གྱོང་པོ་ལྟ་བུའི་སྤྲུལ་གོག་ཚོ། །
ལྭ་བ་དཀར་སེར་དམར་སོགས་ཅི་གྱོན་ཡང་། །
ཤ་ཁྲག་སྒྱུ་མའི་ལུས་གྲུབ་སེམས་ཅན་དང་། །
ས་སྟེང་འཇིག་རྟེན་འདི་ཡི་ཁུར་པོ་ཙམ། །
ཧ་ལོའི་དུག་བཞིན་མཐོང་བ་ཕུང་གསུམ་པ།།
ཨ་ལགས་སྤྲུལ་གོག་རིགས་ལ་འཇིག་རྟེན་འདིར།།
ཧ་ཅང་འཛེམས་ཟོན་མེད་པར་མཉམ་རུབ་ཀྱིས། །
ཨ་ཡིག་སྟོང་པའི་གནས་སུ་བསྐྲོད་པར་མཛོད། །
ཨ་ཙི་ལས་ངན་བསགས་པའི་ནུབ་ཕྲུག་གིས། །
ཧ་ཅང་ཚོགས་ངན་གསོག་པའི་འཆལ་གཏམ་བྲིས། །
ས་སྟེང་མགོ་ནག་མི་ཡི་བྲལ་ཡོད་ན། །
ཤ་རུས་གསེད་པའི་གཏམ་འདི་མ་སྨྲོས་ཤིག །
བསྟན་འཛིན་རྒྱལ་པོ་ལགས། ང་དང་མེ་དཀར་ཟུང་ནས་བྲིས་ཡིན། ཤླ྄ཽ་ཀ་དང་པོ་ང་དང་གཉིས་པ་མེ་དཀར། རེ་མོས་བྲིས་ནས་ར་ལ་ཤ་ས་གུས་པའི་བརྗེད་ནས་སུས་བྲིས་མིན་མི་ཤེས། མཐའ་མ། ་ཧ་ཨ་ཤླཽ་ཀ་དེ་ངས་བྲིས་ཡིན།
ཏ་ཐ་ག་ཏའི་བསྟན་ལ་སྡང་བའི་དགྲ།།
ཐ་ཤལ་སྤྲུལ་རྫུན་འགའ་ལས་གཞན་མེད་པས།།
ད་ནས་བཟུང་སྟེ་རང་རིགས་གཞོན་སྐྱེས་ཚོས།།
ན་ཚ་ཇི་བཞིན་རིང་དུ་སྤོངས་ཤིག་ཨང་།།
ཡག་པོ་བྲིས་འདུག། གནད་ལ་འཁེལ་པོ་བྲིས་འདུག། ཐུགས་རྗེ་ཆེ། ད་དུང་གང་མང་འབྲི་བའི་རེ་བ་ཞུ།
ནུབ་ཕྱོགས་གངས་ཕྲུག་དང་མེ་དཀར་གཉིས་ཀྱིས་ཡག་པོ་བྲིས་འདུག།
ནུབ་ཕྱོགས། ར་སྡེ་ངས་བྲིས་སོ།།
ཀ་རྩོམ་བྲིས་ནས་དུས་ཚོད་མ་སྐྱེལ་བར། །
ཁ་བའི་དོན་དུ་འབར་བའི་དཔའ་བོའི་ཆེད། །
ག་ལེར་མ་ཎི་རེ་གཉིས་འདོན་རོགས་ཞེས། །
ང་ཡིས་སྙིང་ནས་གསོལ་བ་འདེབས་པ་ལགས། །
ཀ་བཤད་ལམ་ནས་སྤྲུལ་རྒོལ་བྱས་པ་འདི། །
ཁ་བ་ཅན་པའི་ལས་དོན་མིན་སོང་ན། །
ག་འདྲ་ཞིག་ལ་བོད་དོན་ཟེར་དགོས་སམ། །
ང་ཅག་རྣམས་ལ་ཤོད་དང་འདྲེ་རྐང་ཐོ། །
ཀ་ཡི་ལས་ངན་མེ་ཏོག་དཀར་བོ་ཁྱོས། །
ཁ་བ་ཅན་ལ་ཁ་སེམས་དཀར་མདོག་གིས། །
ག་ས་ག་ལ་སྨྱོན་གཏམ་གླེང་བ་འདི། །
ང་ཡིས་བལྟས་ན་བོད་དོན་མི་ཚོད་རེད། །
ཀ་དག་གནས་ལུགས་སྒོམ་ཡང་བོད་དོན་རེད། །
ཁ་ནས་བོད་ཡིག་ཀློག་ཀྱང་བོད་དོན་རེད། །
ག་སར་བོད་ཡིག་བྲིས་ཀྱང་བོད་དོན་རེད། །
ང་ཅག་ཚང་མས་བོད་དོན་སྒྲུབ་འདུག་བསམ། །
ཀ་དག་གནས་ལུགས་སྒོམ་ཡང་བོད་དོན་རེད། །
ཁ་ནས་བོད་ཡིག་ཀློག་ཀྱང་བོད་དོན་རེད། །
ག་སར་བོད་ཡིག་བྲིས་ཀྱང་བོད་དོན་རེད། །
ང་ཡིས་སྤྲུལ་རྒོལ་འདི་ཡང་བོད་དོན་རེད། །
ཀ་རྩོམ་བྲིས་པ་དེ་ཡང་བོད་དོན་རེད། །
ཁ་རྩོད་རྒྱག་པ་དེ་ཡང་བོད་དོན་རེད། །
ག་རེ་བྱས་ཀྱང་ཚང་མ་བོད་དོན་རེད། །
ང་ཡང་བོད་དོན་སྒྲུབ་མཁན་མི་ཞིག་རེད། །
ཀ་རྩོམ་བྲིས་པ་དེ་ཡང་བོད་དོན་རེད། །
ཁ་རྩོད་རྒྱག་པ་དེ་ཡང་བོད་དོན་རེད། །
ག་རེ་བྱས་ཀྱང་ཚང་མ་བོད་དོན་རེད། །
ང་ཡང་བོད་དོན་སྒྲུབ་མཁན་མི་ཞིག་ཡིན། །འདིར་ཡིན་ཐོབ་པ་འདྲ།
ཀ་ར་ཀོ་རེ་བཤད་མཁན་སྤྲུལ་གོག་རྣམས། །
ཁ་ནས་ཞིམ་ཚད་ཟས་དང་གོས་ཆེན་དགའ། །
ག་རུ་བསྐྱོད་ཀྱང་རྒྱ་མོ་དབྱིན་མོ་འཁྲིད། །
ང་ནི་དེ་ཚོ་མཐོང་དུས་ཡིད་ཐང་ཆད། །ཅེས་པའི་ལན་དུ།
ཀ་ར་ཀོ་རེ་མ་བཤད་ཆོས་ཕུང་གསུངས། །
ཁ་ནས་ཞིམ་ཚད་མ་བཟས་ངེས་འབྱུང་བསྒོམ། །
ག་རུ་ཕེབས་ཀྱང་སློབ་མ་རྒྱ་ཕྲག་བསྐྱངས། །
ང་ནི་དེ་ཚོ་མཐོང་དུས་ཡིད་དབང་འཕྲོག ། ཧ་ཧ་ཀུ་རྩེད་ཡིན་གདའ་ནུབ་མེ་གཉིས། །
ཀ་རྡོ་བླ་མ་སྤྲུལ་སྐུར་དད་མདོག་འདི། །
ཁ་ཞེ་གཉིས་མེད་ཡིན་ན་སྙིང་རྗེའི་གནས། །
ག་རེ་མནའ་ནས་ད་བར་གཡོ་སྒྱུ་ཡིས། །
ང་ཚོའི་ཡོད་ཚད་འཕྲོག་པ་མི་དྲན་ནམ། །
ཀ་ཁ་ག་ངའི་རྐང་ཆག་རྩོམ་ཆག་རྣམས།།
ཁ་ནས་བཏང་བའི་སྐྱག་པ་རྐྱང་རྐྱང་རེད།
ག་ལོག་བྲིས་བའི་དོན་མེད་ངག་ཀྱལ་རྣམས།།
ང་ངོའི་ངག་ལ་མ་བྱང་རྐྱང་རྐྱང་རེད།
ཀ་རྡོ་བླ་མ་སྤྲུལ་སྐུར་དད་མདོག་འདི། །
ཁ་ཞེ་གཉིས་མེད་ཡིན་ན་སྙིང་རྗེའི་གནས། །
ག་རེ་མནའ་ནས་ད་བར་གཡོ་སྒྱུ་ཡིས། །
ང་ཚོའི་ཡོད་ཚད་འཕྲོག་པ་མི་དྲན་ནམ། །
ཞེས་པའི་ལན་དུ།
ཀརྡོ་ང་རང་སྤྲུལ་སྐུ་ཡིན་མོད་ཀྱང་། །
ཁ་ཞེ་གཉིས་མེད་བླ་མ་བྱེད་འདོད་ཀྱང་། །
ག་རུ་ཕྱིནད་ཀྱང་འབུལ་བ་ལེན་འདོད་ཀྱང་། །
ངར་མིན་སྤྲུལ་བླར་འབུལ་བ་མི་མཐོང་ངམ། །
ནུབ་མེ་ཀར་གསུམ་ཕྱུག་འདོད་སྤྲུལ་བླར་གྱིས། །
དད་རྫས་དཀོར་ནག་རང་ལ་མ་གོས་གྱིས། །
ཡོད་ཚད་ཆོས་ཕྱིར་བཏང་ནས་ཆོས་སྟོན་གྱིས། །
མེད་ཚད་ཆགས་མེད་དབེན་པའི་འདོད་ཆུང་གྱིས། །
འདི་ཡང་ཀྱལ་ཀ་ཡིན་ནོ་གྲོགས་རྙིང་ལགས། །
ང་རོའི་ངག་ལ་མ་བྱང་རྐྱང་རྐྱང་རེད་ལ་བཅོས་རོགས་གནོངས་། ང་ངོའི་མ་རེད།
ཀ་དག་གནས་ལུགས་རྟོགས་པའི་བླ་མ་ལ། །
ཁ་ནས་གང་བྱུང་མང་བྱུང་མ་སྨྲོས་ཤིག། །
ག་ཏཱའི་བསྟན་པ་སྐྱོང་མཁན་སྤྲུལ་སྐུ་དེ། །
ང་ཚོའི་འདི་ཕྱི་གཉིས་ཀྱི་རེ་ས་ཡིན། །
ཅ་དངོས་རིགས་ལ་བདག་འཛིན་ཁོ་ཚོར་ཡོད། །
ཆ་འཇོག་དགོས་པའི་ཡོན་ཏན་ཁོང་ཚོར་མེད། །
ཇ་ཡུན་རིང་ལའང་གཞན་མགོ་ཁོ་ན་བསྐོར། །
ཉ་པ་འདི་ཚོ་སྐྱབས་གནས་ཡིན་མདོག་མེད། །
ཏཐགཏའི་བསྟན་འཛིན་སྐྱེས་བུ་ལ། །
ཐ་ན་དད་མེད་སྨོད་ཚིག་ཙམ་གྱིས་ཀྱང་། །
ད་ལྟ་རང་ལ་མཐོལ་བཤགས་མ་བྱས་ན། །
ནརཀ་དམྱལ་ཆེན་བཅོ་བརྒྱད་མ་གསུངས་སམ། །
པ་ཕ་ཡིན་ཀྱང་ཆོས་པ་ཡིན་གྱུར་ན། །
ཕ་རོལ་སྐྱེས་བུས་དད་གུས་ལོས་བྱེད་ཀྱང་། །
བ་གླང་སྤྱོད་པས་སེམས་བསུན་འབྱིན་མཁན་ལ། །
མ་རྨད་ཚུལ་དུ་བསྔགས་ཁྱོད་སྙིང་རེ་རྗེ། །
ཏ་ཐཱ་ག་ཏའི་བསྟན་འཛིན་རྣམས་ཀྱི་མཛད་སྤྱོད་ནི། །
ཐ་མལ་ང་ཚོའི་བློའི་ཡུལ་ལས་འདས་པ་ཡིན། །
ད་སྟེ་རིང་མིན་དོན་མེད་བསྐུར་འདེབས་བྱས་པའི་འབྲས། །
ན་རཀ་དམྱལ་བའི་གཏིང་དུ་ལྷུང་དུས་མི་འགྱོད་དམ། །
ཧ་ཧ་ཧ་སློབ་དཔོན་ཀར་རྡོ་ངེད་གཉིས་ཀྱིས་མ་གྲོས་བསམ་པ་གཅིག་མཐུན་དུ་དེ་ལྟར་བྲིས་པ་ངོ་མཚར་ཆེ།
ངུ་མཁན་གྱི་ཁ་ལ་བལྟ་ན་ངུ་ཤོར།
རྒོད་མཁན་གྱི་ཁ་ལ་བལྟ་ན་རྒོད་ཤོར།
ཡི་གེ་སྦྱོང་མཁན་གྱི་ཁ་ལ་བལྟ་ན་ཡི་གེ་སྦྱོང་།
བོད་དོན་བྱེད་མཁན་གྱི་ཁ་ལ་བལྟ་ན་བོད་དོན་བྱེད།
སྤྲུལ་སྐུའི་ཁ་ལ་བལྟ་ན་རང་ཡང་དེ་བཞིན་བྱེད།
ཐམས་ཅན་གཞན་གྱི་དབང་དུ་སོང་།
སྤྲུལ་སྐུ་རྣམས་ནི་སྐྱོན་མེད་ཡིན།
སྤྲུལ་སྐུ་བཟོ་མཁན་བོད་ཀྱི་མི་མངས་ཡིན།
སྤྲུལ་སྐུ་མེད་པར་བཟོ་ན་བོད་ལ་གནོད།
སྤྲུལ་སྐུ་རྣམས་ལ་མགོ་བོས་གུས་འདུད་པ།
ནུབ་ཕྱོགས་པ་དང་རྒྱ་ནག་དད་ལྡན་རྣམས།
སྤྲུལ་སྐུར་དབང་སྒྱུར་ཐུབ་པ་བོད་ལ་ཕན།
སྤྲུལ་སྐུ་མེད་ལ་བོད་ལ་དྲི་མཁན་སུ།
སི་གྷ་ལ་དང་ཐེ་ལནྡ་ཡུལ་ལྗོངས་ན།
གནས་བརྟན་འདུལ་བ་འཛིན་པ་ལྟ་བུའི་དགེ་སློང་ལ།
བོད་ཀྱི་སྤྲུལ་སྐུ་བཞིན་དུ་དྲི་མཁན་སུ།
གནས་བརྟན་དགེ་སློང་ཞིག་གིས་བདག་ལ་དྲིས།
བོད་ཆོས་དར་བའི་ཁྱབ་སྒྲགས་ཇི་ལྟར་བྱེད།
བོད་པ་སུས་ཀྱང་ཆོས་ཀྱི་ཁྱབ་སྒྲགས་བྱེད་པ་མེད།
བོད་ཆོས་འདོད་ནས་གདུལ་བྱ་ཚུར་འོངས་ཀྱི།
ཛམ་གླིང་འབྱོར་ལྡན་ཡུལ་དུ་བོད་ཆོས་དར།
དེ་ལྟར་དགེ་སློང་དེ་ལ་ལན་སྨྲས་ཞར་དུ།
བོད་ལ་གསེར་མང་བོད་པས་བོད་ལ་ཆོས་དར་ཐུབ།
སྔོན་དུས་གལ་ཏེ་བོད་ལ་གསེར་མེད་ན།
སངས་རྒྱས་བསྟན་པ་བོད་ལ་དར་དཀའ།
འཆལ་འཆོལ་ངག་གིས་བྲིས་ཀྱང་བདེན་པ་ཡིན།
ཡི་གེ་དག་མེད་ཀུན་ལ་ཞུས་དག་མཛོད།
དང་ལེན་ལས་བྱེད་འོངས་པའི་དུས་སླེབས་སོ།།
པ་ར་མི་ཏའི་ཞུང་ལུགས་མ་སྦྱངས་ཤིིང། །
ཕ་རོལ་གཞན་གྱིས་དད་པ་མ་བྱེད་ན། །
བ་ལང་རྫི་ཡང་མགོ་བསྐོར་མི་ནུས་པ། །
མ་བརྟག་མ་དཔྱད་པར་ཡང་རིག་མིན་ནམ། །
ཏ་ཐ་ག་ཏའི་སྡེ་སྣོད་གསུམ་དང་འགལ། །
ཐ་ཤལ་སྤྱོད་པས་དད་ལྡན་སེམས་ཁམས་སྲེག །
ད་དུང་གྲལ་མགོར་སྡོད་མཁན་འདི་ཚོ་ལ། །
ན་རག་སོང་ཡང་ངོ་རྒོལ་བྱ་ངེས་ཡིན། །
ཀ་ཁ་ཡིག་ངོ་ཆོད་པའི་གནམ་རྒན་མ། །
ཁ་ནས་སྐྱག་པ་གཏོང་བའི་ཁྱད་མཚར་ཅན། །
ག་དུས་ཡིན་རུང་འདྲེ་སྐད་ཙམ་ཞིག་ལས། །
ང་ཚོའི་བོད་སྐད་ཤེས་གི་མིན་འདུག་ཨང་།
ཀ་ཁ་ག་ང་སྒྲ་ཡི་གཟུགས་སུ་བཀོད།།
ཁ་མཆུ་ལྕེ་རྡེབ་ངག་གི་སྒྲ་སྒོ་ནས།
ག་དུས་ཡིན་ཡང་ཡང་དག་སྒྲ་དག་འབྱུང་།།
ང་ཡི་ངག་ན་མ་སྐད་དྭངས་མ་ཡོད།
ང་ཡིན་ང་རྒྱལ་ཅན་གྱི་མེ་དཀར་ཁྱོ།
ཅ་ནེ་མཆན་ལ་གཅུར་ནས་ཚོགས་ལ་སོང་།།
ཆ་རྐྱེན་འཛོམས་དུས་གྲྭ་ལོག་ཆོས་ལོག་བྱོས།།
ཇ་ཕུད་མེད་པའི་འཇིག་རྟེན་འཁོར་བ་ནས།།
ཉ་བ་ཟིག་གི་ཉམས་རྒྱུས་མེད་ཚོད་རེད།
ཅ་ཅོ་སྒྲོགས་པའི་གནམ་ཁྱོད་ཚུར་ཉོན་དང་། །
ཆ་ལག་ཚང་བའི་བོད་སྐད་སྦྱོང་འདོད་ན། །
ཇ་ཐུག་མཆོད་རྫས་ཁུར་ནས་གང་མགྱོགས་ངང་། །
ཉ་ཉོག་མེད་པར་ང་ཡི་དྲུང་དུ་ཤོག །
ཏ་སྒུར་ད་སྐྱའི་དབྱེ་བ་མི་ཁོད་པར།།
ཐ་སྙད་ཆོས་ཚིག་འགའ་ལ་ཡིད་མ་ཤོར།།
ད་ལན་ཁྱོད་ལ་བསྟེན་པའི་ཡིད་མ་སྤྲོ།།
ན་རྒས་མེ་དཀར་ཕྱི་མའི་ཆོས་བརྡ་སྦྱོངས་།
ཨ་ཁ་སྤྲུལ་སྐུ་སྨོད་པའི་ཀ་རྩོམ་དེ། །
ཨ་ལོག་གྲྭ་ལོག་འགའ་ཡིས་རང་སྐྱོན་རེད། །
ཨ་ལགས་སྤྲུལ་སྐུར་སྒྲོ་བཀུར་འདེབས་པ་དེས། །
ཨ་རོ་ཁྱོད་ཚོའི་དུས་ཚོད་འཕྲོག་བརླག་རེད།
བརྩེ་བས་རང་རིགས་གཞན་རིགས་ཀུན་ལ་བཀུར། །
ཚ་གྲང་འགལ་ལྟར་ལེགས་གཞུང་སུ་ལའང་མེད། །
མཛའ་མཐུན་བདུད་རྩི་འཐུང་ནས་ཡར་རྒྱས་ཐོངས། །
ཝ་ཞྭས་ནང་ཁུལ་འགྲན་རྩོད་ཡོལ་ཟིནད་ཏོ། །
ཞྭ་ལྟར་མཛེས་པའི་ཏྰ་ལའི་བླ་མ་བཀུར། །
བཟའ་བཏུང་མཉམ་དུ་དམ་ཆོས་བདུད་རྩི་འཐུང། །
འ་རེ་འུ་རེས་ཡར་མར་མཚན་སྨོད་ཞོགས། །
ཡ་མེད་འགྲན་ཟླ་བྲལ་བའི་མི་ཚེར་འགྲུས། །
ཨ་ཕྱི་ཆོས་སྒྲོན་སྤྲུལ་སྐུར་དགའ་མདོག་ལ། །
ཨ་ལགས་གཅིག་གི་དགའ་གྲོགས་ཡིན་ས་རེད། །
ར་ལྟར་གྱོང་བའི་རང་སེམས་མ་འདུལ་འདི། །
ལ་ལུང་རྒྱབ་བམ་རང་ཁྱིམ་གྲུ་བཞིར་ནང་། །
གཤིས་ལུགས་ཤེས་ནས་རང་གཞན་དོན་བསྒྲུབ་རན། །
ས་ཡ་དྲུག་པོའི་བོད་མངས་ངར་རན་འདུག །
ཧ་ཅང་ཤོད་འདོད་མེད་ཀྱང་ཀ་རྩོམ་འོག །
ཨ་ལི་ཀ་ལིས་བརྒྱན་པའི་ཚིག་གྲུབ་འགའ། །
ཧ་ར་ཧུ་རེས་ངང་ལ་འབྲི་ཐལ་ཤོར། །
ཨའུ་ཙམ་མིན་འགྲོ་སྙམ་ནས་བྲིས་པ་ལགས། །
སྤྲུལ་སྐུ་སངས་རྒྱས་ཆོས་དང་དགེ་འདུན་དང་།།
དེ་བཞིན་སྤྲུལ་སྐུ་བླ་མ་རིན་པོ་ཆེ།།
དཀོན་མཆོག་ཀུན་འདུས་སྤྲུལ་སྐུ་ཕོ་མོ་ལ།།
སྙིང་ནས་སྒོ་གསུམ་རབ་གུས་དུང་བས་བསྟོད།།
སྤྲུལ་སྐུ་སངས་རྒྱས་ཆོས་དང་དགེ་འདུན་དང་།།
དེ་བཞིན་སྤྲུལ་སྐུ་བླ་མ་རིན་པོ་ཆེ།།
དཀོན་མཆོག་ཀུན་འདུས་སྤྲུལ་སྐུ་ཕོ་མོ་ལ།།
སྙིང་ནས་སྒོ་གསུམ་རབ་གུས་དུང་བས་བསྟོད།།
སྤྲུལ་སྐུ་སྡོམ་འཆལ་སྤྲུལ་སྐུ་བསྟན་གཤིག་དང་། །
སྤྲུལ་སྐུ་དཀྲུག་ཤིང་སྤྲུལ་སྐུ་དཀོར་བགམ་སྟེ། །
སྤྲུལ་སྐུ་རྒྱོ་དགའ་སྤྲུལ་སྐུ་འདོད་རྔམ་ཆེ། །
སྤྲུལ་སྐུ་འདི་ཚོ་མེད་ན་ཀུན་ལ་ཕན། །
སྤྲུལ་སྐུར་སྔོན་བསགས་ལོངས་སྤྱོད་རྒྱས་པ་ལ།།
ཇི་དགར་སྤྱོད་འདི་སོ་སོའི་ཐོབ་ཐང་ཉིད།།
འབྱོར་མེད་སྤྲང་འཁྱམས་གྲོང་མཐའི་ཁྱི་རྒན་འགས།།
རྒྱལ་པོའི་ཕོ་བྲང་མདུན་ནས་ངུ་སྐད་འབོད།།
ཧ་ཧ་ཧ
སྤྲུལ་སྐུས་སྔོན་བསགས་སྐྱག་པ་ཡིན་ན་ལས། །
ལེགས་བྱས་དགེ་བ་བཟང་པོ་ག་ལ་ཡིན། །
དད་ལྡན་མགོ་བོ་བསྐོར་བའི་ལོངས་སྤྱོད་ལ། །
ཅི་འགར་སྤྱོད་འདི་དམྱལ་བར་འགྲོ་བའི་རྟགས། །
སྐྱེ་བོ་ཕལ་གྱིས་ལོ་ཟླའི་ཕྲེང་བ་ལ། །
ཁྲག་དང་ཆུ་སེར་བཏང་ནས་བསགས་པའི་རྒྱུ། །
ཆོས་ལ་བསྙད་དེ་འཕྲོག་འདི་ཐོབ་ཐང་ཞེས། །
སྨྲ་བའི་སྙིང་ཁམས་ཆེ་འདི་འཇིགས་སྣང་ལ། །
ཀརྨ་་པ་ཡི་དགོངས་སྲོལ་དེ། །
ཁ་ནག་འགའ་རིས་དམོད་པ་གྱེར། །
ག་ནས་ལྟས་ཀྱང་བདུད་རང་རེད། །
ང་ནི་སྤྲུལ་སྐུ་རྩི་སྐུར་ཡོད། །
སྤྲུལ་སྐུ་ལ་ཡང་ཐུགས་རྗེས་ཡས་སྤྲུལ་དང་། །
ལས་ཉོན་མས་སྤྲུལ་རྣམ་པ་གཉིས་སུ་གསུངས། །
ཐུགས་རྗེས་ཡས་སྤྲུལ་ཡིན་ན་སྐྱབས་སུ་མཆི། །
ཕྱི་མ་ཡིན་ན་ཅུང་ཟད་ཟབ་འཚལ་ལོ། །
དེང་སང་སྙིགས་མ་ལྔ་བདོའི་དུས་འདི་རུ། །
ཐུགས་རྗེས་ཡས་སྤྲུལ་ཉིན་མོའི་སྐར་མ་ཙམ། །
ལས་ཉོན་མས་སྤྲུལ་སྤང་ལ་ཤ་མོ་བཞིན། །
ད་དུང་སྤྲུལ་མིན་སྤྲུལ་སྐུར་བརྫུ་བ་མང་། །
གཡུ་འབྲུག་དཀར་པོའི་འབྲུག་སྒྲ་སྙན་པ་ལ།
ཀ་དག་གནས་ལུགས་རྟོགས་པའི་སྤྲུལ་སྐུ་རྣམས།།
ཁ་བའི་ལྗོངས་ཀྱི་བསྟན་འགྲོར་གཅིག་ཏུ་སྨན།།
ག་ནས་བལྟས་ཀྱང་སྤྲུལ་སྐུ་དེ་འདྲ་ལ།།
ང་ཚོ་ཚང་མས་སྤྱི་བོ་གཙུག་གིས་མཆོད།།
ཅ་ལག་གང་ཡག་བསྒྲིགས་ནས་ཁྱིམ་མདོག་སྟོན།།
ཆ་ལུགས་སྐྱ་མིན་སེར་མིན་འདྲེ་མདོག་སྟོན།།
ཇ་ཆང་བཟའ་བཏུང་རིག་ན་སྤྲང་མདོག་སྟོན།།
ཉ་ཡི་ཏོག་འདྲའི་སྤྲུལ་སྐུར་སྡིགས་མཛུབ་སྟོན།།
ཏ་ཐཱ་ག་ཏའི་བསྟན་ལ་ཐོས་བསམ་གནང་།།
ཐ་དད་མི་རིགས་མང་པོར་ཆོས་སྦྱིན་གནང་།།
ད་ལྟ་ཉམ་ཐག་བོད་མིར་ཆོས་ནོར་གནང་།།
ན་ནིང་དོ་ཚིགས་སྤྲུལ་སྐུ་འདི་འདྲ་མཁོ།།
པ་སངས་བཞིན་དུ་དཀར་བའི་ལྷག་བསམ་མེད།།
ཕ་རོལ་ཕྱིན་པའི་གཞུང་ལ་སྦྱངས་བ་མེད།།
བ་ལང་མ་ཧེ་དག་དང་ཁྱད་པར་མེད།།
མ་རུང་སྤྲུལ་སྐུ་འདི་འདྲ་མཁོ་བ་མེད།།
ཙ་རི་ལ་སོགས་གནས་ཆེན་མང་བསྐོར་ནས།།
ཚ་གྲང་སྡུག་བསྔལ་དཀའ་སྤྱད་མ་གནང་ཡང་།།
ཛ་ཡའི་བསྟན་ལ་ཉིན་མཚན་བརྩོན་པ་རྣམས།།
ཝ་ལེར་བསམ་ན་ང་ཚོས་མཆོད་པར་འོས།།
ཞྭ་སེར་ཞྭ་དམར་གྱོན་ནས་མྱི་མགོ་བསྐོར།།
ཟ་མ་ནག་མོ་བརྩད་ནས་སྡེ་འཁྲུག་བསློངས།།
འ་ཡོ་བཞིན་དུ་སྦྱིན་བདག་མཚོན་པོ་བཙལ།།
ཡ་ཁོག་དུག་གསུམ་གང་བའི་སྤྲུལ་སྐུ་སྤོངས།།
ར་ཅོ་ལྟ་བུའི་རང་རྒྱུད་འདུལ་བར་བརྩོན།།
ལ་དགུ་ལུང་དགུ་བསྒྲིམས་ནས་ཐོས་བསམ་འཚོལ།།
ཤ་ཁྲག་དམར་ཟས་སྤངས་ནས་དཀར་ཟས་བསྟེན།།
ས་ཆ་གང་དུ་བཞུགས་ཀྱང་བསྔགས་པར་འོས།།
ཧ་ཅང་ཕྱོགས་ལྷུང་ཚིག་དག་གོ་བའི་མོད།།
ཨ་ཙི་སེམས་ཀྱིས་མ་བཟོད་འདི་ཙམ་ཐལ།།
ཀ་རྩོམ་དགེ་སྦྱོང་བསླབ་བྱ།
ཀ་ཡེ་གསོན་དང་བན་ཆུང་འཁྱམས་པོ་དག །
ཁ་ནས་བཤད་པ་དོན་ལཡོད་གྱུར་ན། །
ག་ས་གང་དུ་་སྤྲང་ཉུལ་མི་བྱེད་པར། །
ང་ཚོའི་ཆེད་དུ་དགེ་བསྒྲུབ་སྡིག་སྤོང་གྱིས། །
ཅ་ཅོ་གཏམ་ཚོགས་མང་པོ་དགོས་པ་མེད། །
ཆ་ལུགས་ཆོས་དང་མཐུན་པའི་སྤྱོད་ལམ་གྱིས། །
ཇ་ཆང་ཤ་ཐུད་ཟ་ཚོད་འཐུང་ཚོད་ཀྱིས། །
ཉ་རེ་ཉོ་རེ་མི་ཚེ་མི་གཏོང་བར། །
ཏ་ཐ་ག་དའི་གསུང་ལ་ཐོས་བསམ་གྱིས། །
ཐ་ན་འཆི་ཁར་འགྱོད་པ་མི་དགོས་པ། །
ད་ལྟ་ཉིད་ནས་བརྩོན་པར་མ་བྱས་ན། །
ན་རྒའི་སྡུགབསྔལ་བསླེབ་དུས་ཕྱི་ནས་ཐལ། །
པ་དྲ་ལྟ་བུའི་རྟོག་པའི་འདུ་འཕྲོ་འདིས། །
ཕ་རྒན་ང་ཡང་བཅིངས་ཡུན་རིང་དྲགས་པས། །
བ་གླང་བཞིན་དུ་བླང་དོར་གནས་ལ་རྨོངས། །
མ་རྣམས་རྡུགས་ཀྱང་ཐབས་ཤེས་གཉིས་ཀྱིས་དབེན། །
ཙ་ར་གཅོད་ཡུལ་གཤིན་རྗེའི་འཇིག་རྟེན་ན། །
ཚ་གྲང་གཉིས་ཀྱིས་གཙེས་པའི་སྡུག་བསྔལ་དག །
ཛ་དྲག་ཡིན་ཡང་ཐར་བར་མི་ནུས་པས། །
ཝ་སྐྱེས་ལྟ་བུའི་ཁྲེལ་མེད་མ་བྱེད་ཅིག །
ཞ་བོ་བཞིན་དུ་མལ་ན་ལུས་ཉིད་ཀྱིས། །
ཟ་འཐུང་མ་མང་གཉིད་ཀྱང་སྲང་ལ་གཅུར། །
འ་ཅག་སེམས་འདི་ལུས་ན་འཛིན་ནུས་ན། །
ཡ་ཡོ་མེད་པའི་ཏིང་འཛིན་བརྟན་ནས་འོང་། །
ར་བ་བརྟན་བའི་ཞི་གནས་འགྲུབ་གྱུར་ན། །
ཤ་རུས་ཐུག་པར་གཤིས་ཀྱི་ལྷག་མཐོང་གོམས། །
ས་ལམ་མ་ལུས་ཚེ་གཅིག་རྫོགས་པར་གྱིས། །
ཧ་ཅང་ཟབ་པའི་གཞི་ལམ་འབྲས་བུའི་ཆོས། །
ཨ་མ་ཡུམ་ཆེན་མ་ཡི་ཞལ་ནས་ཐོས། །
སྤྱི་ལོ་༢༠༡༡་ཟླ་བ་༥་ཚེས་༩་ཨོ་རྒྱན་ཉི་མས་ཐེ་པེ་རུ་བྲིས།།
སྤྲུལ་བའི་སྐུ་ལ་དད་པའི་ཕྱག་བཟུང་ན།
མ་འགྲིག་དམྱལ་བ་འགྲོ་ནོ་སུ་ཡིན་ནམ།།
སྤྲུལ་བའི་གསུང་ལ་ཐོས་པའི་འབྲེལ་བརྒྱབས་ན།
མ་ཤེས་རྨོངས་བར་འཁོར་ནོ་སུ་ཡིན་ནམ།།
སྤྲུལ་བའི་ཐུགས་ལ་མཆོད་པའི་ཚོགས་བསགས་ན།
མ་དག་ཚོགས་ཉེས་ཐེབས་ནོ་སུ་ཡིན་ནམ།
དྲ་གྲོགས་གནམ་ལགས་སུ།
སྤྲུལ་བའི་སྐུ་ལ་དད་པའི་ཕྱག་བཟུང་མཁན།
མ་འགྲིག་དམྱལ་བ་འགྲོ་ནོ་གནམ་ཡིན་ནོ།
སྤྲུལ་བའི་གསུང་ལ་ཐོས་པའི་འབྲེལ་བརྒྱབས་མཁན།
མ་ཤེས་རྨོངས་བར་འཁོར་ནོ་གནམ་ཡིན་ནོ།
སྤྲུལ་བའི་ཐུགས་ལ་མཆོད་པའི་ཚོགས་བསགས་མཁན།
མ་དག་ཚོགས་ཉེས་ཐེབས་ནོ་གནམ་ཡིན་ནོ།
ཀ་ཁ་ལ་སོགས་ཡོན་ཏན་གཏིང་ནས་བརྗེད། །
ཁ་ཕོར་ནག་གོག་ལ་སོགས་ངོ་ཤེས་པའི། །
ག་ཚད་བསམ་ཡང་སྤྲུལ་གོག་འདི་དག་ནི། །
ང་ཚོའི་ཁུར་མི་ཐུབ་པའི་ཁུར་པོ་ཞིག །
ཁོ་བོ་བོད་དུ་ཡོད་པའི་སྐབས་ཤིག་ན།
མགྲིན་སྔོན་ཟླ་བའི་རྟོགས་བརྗོད་ན་འདི་མཐོང་།
་
རང་སྐྱོན་རྡུལ་ཕྲན་བཞིན་དུ་རྟོགས་པར་དཀའ།
གཞན་སྐྱོན་རི་བོ་བཞིན་དུ་མངོན་པར་གསལ།
་
ཚིག་འདི་ད་ལྟའི་དུས་སུའང་བློ་ན་ཡོད།
གཞན་དང་འཛིངས་ཤོར་དུས་ལ་བསམ་དགོས་སོ།།
མི་ལ་བཟང་ངན་ཡག་བཙོག་མང་དུ་ཡོད།།
མི་ངན་བཙོག་པ་ཡོད་པས་རྒྱུ་མཚན་གྱིས།།
མི་རྣམས་རྩ་མེད་བཟོ་རྒྱུ་ཡིན་ཟེར་ན།།
མི་ཡི་བྱེད་སྟངས་ཡིན་མིན་ངས་མི་ཤེས།།
ཅ་ཅོའི་གཏམ་ལ་ནམ་ཡང་རྫོགས་རྒྱུ་མེད།།
ཆ་ལུགས་མི་གཅིག་སྐྱ་སེར་གཉིས་ཀའི་ཆས།།
ཇ་ཆང་བུད་མེད་གང་ལ་ཐུག་ཀྱང་སྤྱོད།།
ཉ་པ་འདྲ་བའི་དེང་གི་གྲྭ་འཁྱམས་ཚོ།།
ཅ་ཅོའི་གཏམ་ལ་ནམ་ཡང་རྫོགས་རྒྱུ་མེད།།
ཆ་ལུགས་མི་གཅིག་སྐྱ་སེར་གཉིས་ཀའི་ཆས།།
ཇ་ཆང་བུད་མེད་གང་ལ་ཐུག་ཀྱང་སྤྱོད།།
ཉ་པ་འདྲ་བའི་དེང་གི་གྲྭ་འཁྱམས་ཚོ།།
ཞེས་པའི་ལན་དུ།
རྗེས་མ་ཉ་པར་སྐྱེ་བར་སྨོན་དགོས་སམ། །
ཉ་པ་ཚུལ་ཁྲིམས་ལྡན་པ་མེད་དམ་ཅི། །
ཇ་ཆང་བུད་མེད་ཐུག་ཚད་ཇི་ལྟར་སྤྱོད། །
ཆ་ལུགས་ཡོད་ཚད་ངས་ཀྱང་གྱོན་ཐུབ་པ། །
ཅ་ཅོའི་གཏམ་ལྷག་ཉམས་མྱོང་འབེལ་གཏམ་མཛོད། །
ཧ་ཧ་ཀུ་རེ་ཡིན་ནོ་ཨོ་ཉི་ལགས། །
ཏ་ཐ་ག་ཏའི་བསྟན་དགྲ་ངོ་མ་ཁྱོད། །
ཐ་ཤལ་བྱ་བས་ཉིན་མཚན་འདའ་མཁན་ཁྱོད། །
ད་ལྟ་ད་ལྟ་གཞན་སེམས་དཀྲུག་མཁན་ཁྱོད། །
ན་རཀ་མི་དྲན་ཨོ་རྒྱན་སྨྱོན་པ་ཁྱོད། །
པ་ཕའི་བུ་དང་བུ་མོ་ཟེར་ཞིང་གྲོང་ནག་མཐའ་ཡིས་བསྐོར།
།ཕ་རྒན་ངོ་མ་ཡིན་ཡང་ད་དུང་ཆོས་གོས་དམར་སེར་གྱོན།
།བ་གླང་ལྟ་བུའི་ཉམ་ཐག་སློབ་མའི་དེ་མཚོ་གཙུག་ཏུ་བཀུར།
།མ་ལུས་འགྲོ་བ་ཕན་པ་ལྟ་བཞོག་རང་ཉིད་ངན་འགྲོར་འགྲོ
སྤྲུལ་གོག་མི་རིགས་ཡར་རྒྱས་འགག་རྡོ་ཡིན། །
སྤྲུལ་གོག་བྱུར་དང་ཆགས་སྒོའི་སྣ་འདྲེན་ཡིན། །
སྤྲུལ་གོག་རྒྱ་འདྲེ་འབོད་པའི་གཡབ་མོ་ཡིན། །
སྤྲུལ་གོག་རང་ཡུལ་དགྲ་ལག་སྐྱེལ་མཁན་ཡིན། །
འདི་ཚོས་བོད་ལ་ཕན་པ་བཏགས་རབས་མེད། །
འདི་ཚོས་བསྟན་ལ་བྱ་བ་བྱས་རབས་མེད། །
འདི་ཚོས་གཞན་ཕན་ལས་བཟང་སྒྲུབ་རབས་མེད། །
འདི་ཚོས་ཡ་རབས་སྤྱོད་བཟང་སྟོན་རབས། །
འདི་དག་མེད་ན་བོད་པར་ཡར་རྒྱས་འོང་།།
འདི་དག་མེད་ན་སྐྱེ་བོ་ཆོས་ལ་དད། །
འདི་དག་མེད་ན་སྤྱི་ཚོགས་གཙང་ཐིང་ཐིང་།
འདི་དག་མེད་ན་ཆགས་སྡང་རྨོངས་གསུམ་ཉུང་།།
སྤྲུལ་སྐུས་བཟའ་ཚང་གཏོར་བ་མང་། །
སྤྲུལ་སྐུས་ཉལ་ཐ་འཐེན་པ་མང་། །
སྤྲུལ་སྐུས་རྒྱུ་རྫས་རྐུས་པ་མང་། །
སྤྲུལ་སྐུས་གཡོ་སྒྱུ་བྱས་པ་མང་། །
སྤྲུལ་སྐུས་བཟའ་ཚང་བདེ་སྟེར་མང་། །
སྤྲུལ་སྐུས་བདུད་རྩི་འཐུང་པ་མང་། །
སྤྲུལ་སྐུས་རྒྱུ་ནོར་སྦྱིན་པ་མང་། །
སྤྲུལ་སྐུས་ཆོས་སྦྱིན་བྱས་པ་མང་། །
སྤྲུལ་སྐུ་རྣམས་ལ་མིག་གསུམ་ཡོད།།
མིག་གཅིག་མཛེས་མ་འཚོལ་བའི་མིག།
སྤྲུལ་སྐུ་རྣམས་ལ་ཁ་གཉིས་ཡོད།།
ཁ་གཅིག་གཞན་མགོ་བསྐོར་བའི་ཁ།།
སྤྲུལ་སྐུ་རྣམས་ལ་ལག་གསུམ་ཡོད།།
ལག་གཅིག་རྒྱུ་ནོར་སྙོབ་པའི་ལག།
སྤྲུལ་སྐུ་རྣམས་ལ་རྐང་གསུམ་ཡོད།།
རྐང་གཅིག་རྒྱལ་ཁམས་བསྐོར་བའི་རྐང་།།
༦༡༽ དོལ་སྨྱོན་ནས།
སྤྱི་ལོ་ ༢༠༡༣ ཟླ་ ༢ ཚེས་ ༢ གི་ཆུ་ཚོད་ ༦ སྐར་མ་ ༠༩
སྤྲུལ་སྐུ་རྣམས་ལ་མིག་གསུམ་ཡོད།།
མིག་གཅིག་མཛེས་མ་འཚོལ་བའི་མིག།
སྤྲུལ་སྐུ་རྣམས་ལ་ཁ་གཅིག་་ཡོད།།
ཁ་དེ་་གཞན་མགོ་བསྐོར་བའི་ཁ།།
སྤྲུལ་སྐུ་རྣམས་ལ་ལག་གཅིག་ཡོད།།
ལག་དེ་རྒྱུ་ནོར་སྙོབ་པའི་ལག།
སྤྲུལ་སྐུ་རྣམས་ལ་རྐང་གཅིག་ཡོད།།
རྐང་དེ་རྒྱལ་ཁམས་བསྐོར་བའི་རྐང་།།
སྤྲུལ་སྐུ་རྣམས་ལ་སྤྱན་གསུམ་ཡོད། །
སྤྱན་གཅིག་མངོན་ཤེས་མཁྱེན་དང་འདྲ། །
སྤྲུལ་སྐུ་རྣམས་ལ་ཞལ་་གཉིས་ཡོད། །
ཞལ་གཅིག་གཞན་དོན་ཆོས་རྐྱང་གསུངས། །
སྤྲུལ་སྐུ་རྣམས་ལ་ཕྱག་གསུམ་ཡོད། །
ཕྱག་གཅིག་སྐུ་གསུང་ཐུགས་རྟེན་བཞེངས། །
སྤྲུལ་སྐུ་རྣམས་ལ་ཞབས་གསུམ་ཡོད། །
ཞབས་གཅིག་བུ་སློབ་སྐྱོང་ལ་ཕེབས། །
ཧ་ཧ་སྐུ་རྩེད་ཡིན་ནོ་དྲ་གྲོགས་ཚོ། །
ཀ་སོགས་སུམ་བཅུའི་བརྩོམ་ལ་མཁས་ན་ཡང།
ཁ་བཤད་ཙམ་མིན་རང་རྒྱུད་རང་གིས་རྟོགས།
ག་ནས་བསམ་ཀྱང་རང་དོན་འཚོལ་བ་རྣམས།
ང་རོ་སྒྲོག་ཀྱང་སྒྲོམ་པུ་ཁོག་སྟོང་རེད།