རྟ་དབྱངས།
ཀ་རྩོམ་ཀ་ར་འདྲ་ཞིག །
ཁ་སོའི་བར་ནས་ཤོར་ཐལ།།
ག་ས་གང་ནས་བལྟས་ཀྱང་།།
ང་ཡི་ཀ་རྩོམ་ལེགས་པ།།
ཅ་ར་མ་རའི་གཏམ་ཞིག །
ཆ་ཞིག་སྒྲིག་ནས་བཤད་ན།།
ཇ་དགའ་གངས་ཅན་བོད་པ།།
ཉ་དགའ་རྒྱ་མི་དམར་པོ།།
ཏ་ཇ་རྒྱ་མིས་འཐུང་གི།
ཐ་མག་བོད་མིས་འཐེན་གི།
ད་ནི་བོད་མིའི་གློ་ལ།།
ན་ཚ་ལྕི་མོ་ཕོག་གི།
པ་ཏྲ་སེམས་ཀྱི་རི་མོ།།
ཕ་ཡུལ་ཕྱོགས་སུ་བྲིས་ཡོད།།
བར་ཐག་བར་སྣང་གཡུག་ནས།།
མ་ལོའི་ཕྱོགས་སུ་ཆས་འགྲོ།
ཙ་རིའི་རི་ལུང་བརྒྱུད་ནས།།
ཚ་བའི་ཡུལ་ལ་སླེབས་སོང་།།
ཛམ་གླིང་ནུབ་ཀྱི་ཕྱོགས་ན།།
ཝ་ལེར་སྐྱིད་སྡོད་བྱེད་པ།།
ཞ་རའི་མུན་ཁུང་ནང་ནས།།
ཟ་ངེ་ཟིང་ངེ་བྱེད་ཀི།
འ་རེ་འུ་རེའི་ཁྲོད་ནས།།
ཡ་མ་ཟུང་ཅིག་བྱེད་ཀི།།
ར་བ་གངས་ཀྱིས་བསྐོར་བ།།
ལ་ལུང་ཆུ་ཡིས་གང་བ།།
ཤ་རུས་སྤུན་ཟླ་མང་བ།།
ས་ལ་ཤྭ་མོ་བརྡོལ་བ།།
ཧ་ཅང་མཛེས་པའི་ཡུལ་འདི།།
ཨ་ལ་ལ་མོ་ལེན་ས།།
ཧ་ཅང་སྐྱིད་པའི་ལྗོངས་འདི།།
ཨ་བུ་ང་ཡི་ཕ་ཡུལ།།
ཀ་ཕྲེང་ཁུ་བྱུག་བུ་མོས།།
ཁ་བ་གངས་ཅན་ཚང་ལ།
ཀ་ཤད་སྙིང་གཏམ་དྲུག་འགྱུར།།
ང་ཚོར་གྱེར་བ་སྙན་བྱུང་།།
ཀ་ཕྲེང་ཀ་ར་འདྲ་བོ།།
ཁ་ལྕེ་བར་ནས་ཞིམ་ཐལ།།
ག་དུས་ཡིན་ཡང་འདི་འདྲ།།
ང་ཡི་ཟ་རྒྱུ་བྱུང་ན།།
རྟ་དབྱངས་ལགས་ཀྱིས་ཀ་རྩོམ་སྐྱིད་པོ་ཞིག་བྲིས་འདུག བཀླགས་པ་ཡིན། སྙན་པོ་ཞིག་འདུག མུ་མཐུད་ནས་ཡིན་ད།
བཀའ་དྲིན་ཆེ།
ཀ་རྩོམ་ཀ་ར་འདྲ་བོ།། བཀླགས་ནས་ངོ་མ་ཞིམ་ཐལ།།