ཀ་དག་སེམས་ཀྱི་ངོ་བོ་འོད་གསལ་དེ། །
ཁ་བཤད་ཙམ་གྱི་རྣམ་དཔྱོད་ལ་བརྟེན་ན། །
ག་དུས་ཡིན་ཡང་རང་ངོ་འཁྲོད་དཀའ་བས། །
ང་ང་ཟེར་ཞིང་བདག་འཛིན་ཇི་ཆེར་འཕེལ་། །
ཅ་ཅོ་རོལ་མོ་མདངས་བསྙན་ཆོས་སྐོར་དང་། །
ཆ་ལུགས་རྒྱན་གོས་སྣ་ཚོགས་ཆོས་ལུགས་རྣམས། །
ཇ་དང་དངུལ་ལ་མི་བརྗེ་བཅོས་མིན་དོན། །
ཉ་སྐྱེས་ཟླ་བཞིན་འཔེལ་བར་སྙིང་ནས་སྨོན། །
ཏ་ཐ་གྷ་ཏའི་བསྟན་པའི་སྙིང་པོ་འདི། །
ཐ་མལ་སྐྱེ་བོའི་སྤྱོད་ཡུལ་དུ་དཀའ་ཡང་། །
ད་ལྟ་རང་ནས་དོན་གཉེར་གྱིས་གོམས་ན། །
ན་རྒ་འཆི་བའི་འཇིགས་ལས་སྐྱོབ་པར་ནུས། །
པ་ཊ་ལྟར་བཅིངས་བློ་མཐུན་དད་དམ་དང་། །
ཕ་མས་བུ་བཞིན་འགྲོ་ཀུན་ལ་གཅེས་ན། །
བ་བེའུ་ལྟར་གྱི་ཕན་སེམས་དང་སྙིང་བརྩེ། །
མ་རྒན་སེམས་ཅན་ཀུན་ལ་ལེགས་ཁྱབ་ནུས། །
ཙ་་ར་ཙི་རེ་སྐད་བཅོར་གཏམ་ཚོགས་ལ། །
ཚ་ག་ཚི་གེས་དུས་ཚོད་ཟད་བཏང་ན། །
ཛ་ར་ཛོ་རེ་ལས་ཀྱིས་མི་ཚེ་འདི། །
ཝ་་ལ་ཝ་ལེར་ཆུད་བཟོས་འགྱུར་བར་ཉེ། །
ཞ་ཉེ་ལྟ་བུའི་སེམས་ཀྱི་ལྷུག་གཤིས་འདི། །
ཟ་བཏུང་བཞིན་དུ་ཉིན་རེར་བློ་སྦྱྦང་ན། །
འ་འུར་གཏམ་གྱི་དོན་སྙིང་ལེགས་སྨིན་ཏེ། །
ཡ་མ་ལྟ་བུའི་སྡུག་གསུམ་ལས་སྒྲོལ་ནུས། །
ར་དང་ལུག་གི་ཤ་ཁྲག་ལ་དགའ་བའི། །
ལ་མོའི་རྒྱབ་ཏུ་གནས་པའི་སྤྱང་རིགས་ཚོ། །
ཤ་མེད་ཟས་ལ་དགའ་དགུར་སྤྱད་ནུས་ན། །
ས་ལམ་རིམ་གྱིས་འགྲོད་པར་ཡང་ཕན་ངེས། །
ཧ་ལོའི་མེ་ཏོག་ལྟར་མཛེས་འཁོར་བ་འདི། །
ཨ་ཙི་ད་ལྟ་བཞག་ནས་འགྲོ་ཀུན་ཆེད། །
ཨ་ཡིག་ཟབ་མོས་བསྟན་པའི་གདམས་ངག་དེ། །
ཨ་མ་མ་རྒན་ཡོངས་ཀྱིས་རྟོགས་་པར་ཤོག །
བཀའ་གདམས་མེས་པོ་འབྲོམ་སྟོན་ཡབ་སྲས་དང་། །
གླང་རི་ཐང་པ་མི་ལ་རལ་པ་དང་། །
ཕ་རན་ཆེསེཀོ་གྷན་དྷི་སེམས་དཔའ་ཆེ། །
དམན་ས་འཛིན་པའི་སྐྱེ་ཆེན་རྣམས་ལ་འདུད། །
བཀའ་གདམས་བཞེད་སྲོལ་སྦས་པའི་ཆོས་སྤྱོད་ལ། །
ཉིན་མཚན་ཀུན་དུ་གུས་སྦྱང་ལེགས་བརྟེན་ཏེ། །
གྷན་དྷི་དམ་པའི་ཞི་བའི་ལམ་ཆེན་དེར། །
དེང་དུས་འགྲོ་བ་མ་ལུས་འགྲོད་པར་ཤོག །
དགེ་འདུན་མཐར་ཕྱིན་གྱིས་བྲིས། ༢༠༠༨ །
ཀ་བཤད་བོད་བསྐྱལ་མ།
ཀ་དག་ཆོས་ལ་མགོ་བོ་འཁོར་འཁོར་ནས།
ཁ་ཕོར་འཛུགས་ཡུལ་མེད་པའི་ཁ་བ་ཅན།
ག་དུས་ཡིན་ཡང་ཆོས་དང་ཆོས་ཟེར་ནས།
ང་མེད་ཁྱོད་མེད་སྨྲ་བའི་བྱབ་ཆུང་དངོས།
ཅ་ཅོའི་སྐད་དང་དོན་མེད་ཡུལ་ལ་དགའ།
ཆ་ལུགས་མཐུན་པའི་མི་སྤྱོད་མི་འཛིན་པར།
ཇ་ཆང་འདྲེས་པ་ལྟ་བུའི་སྤྱོད་ངན་གྱིས།
ཉ་ཉོའི་ལེ་ལོའི་ཚུལ་གྱིས་རང་ཡུལ་བསྐྱལ།
ཏ་ཐ་ག་ཏ་ཟེར་ནས་ལས་མི་བྱེད།
ཐ་མལ་སྤྱོད་པ་ཟེར་ནས་འགན་ཁྲི་སྤོངས།
ད་ལྟ་མི་འཛིན་ཕྱི་མར་ཡིད་རྟོན་པ།
ན་ཚ་འཐེབ་པའི་བོད་པར་སྙིང་རེ་རྗེ།
པ་ཕ་ཨ་མ་རྒན་དུས་སྐྱོང་མི་བྱེད།
ཕ་མེས་བཙན་པོའི་དཀའ་ལ་བརྩི་མེད་གཏོང་།
བ་གླང་རྟ་སོགས་ལྷ་ཡི་ལུས་ལ་བརྩི།
མ་ཤེས་གླེན་པ་ཁྱོད་ཚོ་སྙྷིང་རེ་རྗེ།
ཙ་རིའི་གནས་ཟེར་སྣུམ་དང་གཏེར་མི་བཏོན།
ཚ་བའི་དམྱལ་ཟེར་ཤི་རྒྱུར་རྟག་ཏུ་འཇིགས།
ཛ་ཐང་ཀུན་ནས་མེད་པའི་བོད་པ་རྣམས།
ཝ་སྐྱེས་བཞིན་དུ་རང་གི་རིགས་ལ་སྡང་།
ཞ་མོ་རྩེ་རིང་མགྱོན་ན་བླ་མར་བརྩི།
ཟ་ཧོར་རྱྒལ་པོའི་རྐུབ་ལ་ཁྱི་ལྟར་རྒྱག
འ་ཅག་བཙན་པོ་གསོད་མཁན་གླེན་པ་ཅན།
ཡ་རབས་རེད་པས་ཁྱོད་ཚོ་བསམ་བློ་གཏོང་།
ར་མ་ལུག་བཞིན་ཆོས་དང་ཆོས་མིན་བསྲེད།
ལ་བའི་འོག་ནས་གཞན་རྒྱུ་ཁོ་ནར་འཐམ།
ཤ་ཆང་རྒྱོ་སོགས་སྔགས་པ་ཟེར་ནས་སྤྱོད།
ས་བཅུ་ཐོབ་རྒྱུ་རེད་དམ་བོད་པ་ཚོ།
ཧ་ཧ་བགོད་མོ་བྲོ་བའི་བོད་པ་ཚོ།
ཨ་རིའི་ཡུལ་ལ་མང་དུ་མང་དུ་རེད།
མདོར་ན་ཆོས་ཀྱིས་བོད་འདི་མུན་པར་བཅུག
བཤད་ན་ཆོས་པས་བོད་འདི་དགྲ་ལ་བསྐྱལ།
བསམ་ན་ཆོས་དང་ཆོས་པ་བོད་ཀྱི་དགྲ།
བྱུང་ན་དང་པོ་འདི་གཉིས་སྤོངས་དགོས་འདུག
ཀ་ཁ་ག་ངའི་ཉོག་རྩོམ་ཀློག་ཀློག་ནས།།
ཁ་ལྕེ་དམར་པོ་ད་ལྟ་སྐམ་ནས་ཡོད།།
ག་ཡིན་འདི་ཡིན་མང་པོ་མ་འབྲི་བར།།
ང་རང་ང་རང་ས་རུ་སྡོད་དུ་ཆུག
ཅ་ཅོ་མང་པོས་རྣ་བ་འོན་མ་འཇུག།
ཆ་ལུགས་སྨྱོན་པས་ཡིད་ཐང་ཆད་མ་འཇུག།
ཇ་ཆང་དྲངས་རྒྱུ་ཡོད་ན་ཁྱེར་ལ་ཤོག།
ཉྭ་སུག་འདར་བཞིན་འདར་བཞིན་འཐུང་གི་ཡིན།།
གོང་གི་ཀ་ཕྲེང་འདི་གཉིས་ལ་ལྟོས་དང་རང་རེའི་ཤེས་ཡོན་པའི་དཔུང་སྡེ་རིགས་མ་འདྲ་བ་གཉིས་ཀྱི་བསམ་བློའི་གོ་རྟོགས་མཐོང་ཡོང་། འགོང་བོ་འདིའི་གྲས་མཁས་མདོག་དང་སེམས་ཤུགས་ཡོད་མདོག་བསྟན་པ་མ་གཏོགས་བསམ་བློ་གཏོང་སྟངས་འདི་རང་རེའི་ད་ལྟའི་དུས་འདིར་རན་པོ་མེད་པ་མ་ཟད་འདིའི་ཉེན་ཁའི་རང་བཞིན་ཡང་བོད་མི་བསམ་ཡོད་ཐམས་ཅད་ཀྱིས་སྔ་མོ་ནས་ཤེས་ཡོད། ཁྱོད་གཉིས་ལ་ཁ་གཏད་འདི་ལས་མེད་ན་བཙན་བྱོལ་ལ་ཡོང་དགོས་དོན་ཅང་མི་འདུག་ག ག་རེ་བྱས་ནས་ཡོང་བ་ཡིན་པ། ཁྱོད་གཉིས་ཀྱི་དོན་དག་གུང་ཁྲན་གྱི་འོག་ཏུ་ཡང་འགྲིག་འགྲོ་མདོག་ཁ་བོ་མི་འདུག་གམ། གུང་ཁྲན་གྱིས་བོད་མི་མེད་བརླག་ཏུ་གཏོང་དགོས་ན་ཐོག་མར་ཆོས་དང་ཆོས་པ་འདི་མེད་པར་བཟོ་དགོས་པ་གནད་འགག་ཞིག་ལ་མཐོང་གི་ཡོད། ཁྱོས་ཆོས་དང་ཆོས་པ་མེད་པར་གཏོང་གི་ཡིན་ན་
མྱུར་ཏུ་མགོ་བཏགས་ན་དགའ་ས་མ་རེད་པས། ཕོགས་དང་དཔའ་དར་ཡང་འཐེན་ཡོང་གི་རེད།
ཀ་བཤད་བྲིས་པ་དོན་ཆུང་མིན།།
ཁ་ནས་ཐོན་ཚད་དོན་ཆེན་མིན།།
ག་རུ་འགྲོ་ཡང་དོནཡོད་པ་།།
ང་ཡི་སེམས་ལ་རག་ལས་ཡོད།།
ཅ་ལག་ཡོད་ཚད་གོ་མི་ཆོད།།
ཆ་ལུགས་ཚང་མ་མཛེས་པ་མིན།།
ཇ་ཆང་ཐུང་ཚད་དོན་མེད་མིན།།
ཉ་གའི་ལག་ལེན་ཤེས་ན་བཟང་།།
ཏ་ལའི་ལོ་མ་བཟང་པོ་དེ།།
ཐ་མལ་སྐྱེ་བོར་སིལ་གྲིབ་གཏེར།།
ད་རེང་ཉི་མ་སྐྱིད་པོ་དེ་།།
ན་ཚ་སེལ་བར་ཡང་ཕན་ཀྱི།།
པ་ཕའི་ཁ་ལ་མི་ཉན།།
ཕ་མ་ངོམི་ཤེས་མཁན།།
བ་པྲུག་ལྟ་བུའི་མི་དེ།།
མ་ལས་སྐྱེས་གོ་མ་ཆོད།།
ཀ་རྩོམ་འདི་འདྲ་མ་བཀླགས་ལོ་ཤས་ཕྱིན།།
ཁ་ནང་ལྕེ་འདི་མ་འགུལ་ཟླ་གསུམ་འགོར།།
ང་རྒྱལ་མགོ་བོ་མ་བཀྱགས་ཉིན་གསུམ་ཡིན།།
ག་ས་གང་ནས་འདི་ཚོས་སྡོད་མ་བཅུག
ཅ་ཅོའི་སྐད་ངན་སྒྲོག་འདིའི་དགོས་པ་ཅི།།
ཆ་མེད་རྒྱུས་མེད་གཏམ་འདི་ས་ལ་གཟས།།
ཇ་ཆང་འཐུས་རེས་ཆང་ཕོར་བརྩད་རེས་མེད།།
ཉ་ཉོག་གཏམ་སྟོབས་ཚད་དོན་ཅི་ཞིག་ཡིན།།
ཏ་ན་མ་ན་ཏག་ཏག་ཅང་མ་རེད།།
ཐ་ཤལ་མྱི་ངན་རིགས་ཀྱང་མ་རེད་དེ།།
ད་ལྟའི་སྤྱོ་སྟངས་འདི་འདྲ་ཤེས་ཡོན་པའི།།
ན་ནིང་དོ་ཚིགས་གཤིས་ལ་འཇགས་ནས་འདུག།
པ་ལོ་བཅད་དང་མ་བཅད་གང་ཡང་རུང༌།།
ཕ་རྒོད་རྡོ་རྗེ་འཆང་གི་ཞལ་གདམས་དག།
བར་མ་དོ་ནས་མ་སྐྱུར་ཉམས་སུ་ལོངས།།
མ་གྱུར་ཐམས་ཅད་བདེ་བའི་ལམ་འདིས་སྟོན།།
ཙག་དང་བསེར་བུའི་གཤགས་འདྲའི་ཁ་སྒོ་ནས།།
ཚ་གྲང་མཉམ་དུ་འཐབ་པའི་རྟགས་བསྟན་ཏེ།།
ཛ་དྲག་དུས་ཀྱི་འབོད་པའི་རྟར་བཏགས་ནས།།
ཝ་མ་ཝོལ་གྱི་སེམས་འཚབ་མ་བྱེད་ཅིག།
ཞ་ཉེ་མྱེ་ལ་གཞུས་ན་རང་གཟུགས་འཆོར།།
ཟ་མ་ཟ་ཚོད་ཟིན་ན་འབྱུང་གཞི་བདེ།།
འ་འུར་གཏམ་དོན་ཉུང་ན་སེམས་པ་བདེ།།
ཡ་རབས་དམ་པའི་གཤིས་དག་རྒྱན་དུ་ལོངས།།
ར་ལྡན་རྒྱལ་པོས་རབ་བྱུང་སྡེ་བའི་སྐྱིད།།
ལ་དགུ་ལུང་དགུར་བདས་པའི་བྱུང་བ་དེར།།
ཤ་འཁོན་ཞེ་འཁོན་བྱེད་པ་ཡིན་ཆུགས་ཀྱང༌།།
ས་དང་ལམ་གྱི་ཕ་རོལ་སྙེགས་འདོད་དག།
ཧ་ལམ་ཆོས་ཉིད་བཀའ་ལུང་བརྩི་བར་འདུག།
ཨ་མཚར་རྩེད་མོའི་ཚུལ་དུ་འདི་ཐལ་ལོ།།
རིག་འཛིན་བསོད་ནམས་ནས།
ཀ་རྩོམ་འདི་འདྲ་མ་བཀླགས་ལོ་ཤས་ཕྱིན།།
ཁ་ནང་ལྕེ་འདི་མ་འགུལ་ཟླ་གསུམ་འགོར།།
ང་རྒྱལ་མགོ་བོ་མ་བཀྱགས་ཉིན་གསུམ་ཡིན།།
ག་ས་གང་ནས་འདི་ཚོས་སྡོད་མ་བཅུག
ཅ་ཅོའི་སྐད་ངན་སྒྲོག་འདིའི་དགོས་པ་ཅི།།
ཆ་མེད་རྒྱུས་མེད་གཏམ་འདི་ས་ལ་གཟས།།
ཇ་ཆང་འཐུས་རེས་ཆང་ཕོར་བརྩད་རེས་མེད།།
ཉ་ཉོག་གཏམ་སྟོབས་ཚད་དོན་ཅི་ཞིག་ཡིན།།
ཏ་ན་མ་ན་ཏག་ཏག་ཅང་མ་རེད།།
ཐ་ཤལ་མྱི་ངན་རིགས་ཀྱང་མ་རེད་དེ།།
ད་ལྟའི་སྤྱོ་སྟངས་འདི་འདྲ་ཤེས་ཡོན་པའི།།
ན་ནིང་དོ་ཚིགས་གཤིས་ལ་འཇགས་ནས་འདུག།
པ་ལོ་བཅད་དང་མ་བཅད་གང་ཡང་རུང༌།།
ཕ་རྒོད་རྡོ་རྗེ་འཆང་གི་ཞལ་གདམས་དག།
བར་མ་དོ་ནས་མ་སྐྱུར་ཉམས་སུ་ལོངས།།
མ་གྱུར་ཐམས་ཅད་བདེ་བའི་ལམ་འདིས་སྟོན།།
ཙག་དང་བསེར་བུའི་གཤགས་འདྲའི་ཁ་སྒོ་ནས།།
ཚ་གྲང་མཉམ་དུ་འཐབ་པའི་རྟགས་བསྟན་ཏེ།།
ཛ་དྲག་དུས་ཀྱི་འབོད་པའི་རྟར་བཏགས་ནས།།
ཝ་མ་ཝོལ་གྱི་སེམས་འཚབ་མ་བྱེད་ཅིག།
ཞ་ཉེ་མྱེ་ལ་གཞུས་ན་རང་གཟུགས་འཆོར།།
ཟ་མ་ཟ་ཚོད་ཟིན་ན་འབྱུང་གཞི་བདེ།།
འ་འུར་གཏམ་དོན་ཉུང་ན་སེམས་པ་བདེ།།
ཡ་རབས་དམ་པའི་གཤིས་དག་རྒྱན་དུ་ལོངས།།
ར་ལྡན་རྒྱལ་པོས་རབ་བྱུང་སྡེ་བའི་སྐྱིད།།
ལ་དགུ་ལུང་དགུར་བདས་པའི་བྱུང་བ་དེར།།
ཤ་འཁོན་ཞེ་འཁོན་བྱེད་པ་ཡིན་ཆུགས་ཀྱང༌།།
ས་དང་ལམ་གྱི་ཕ་རོལ་སྙེགས་འདོད་དག།
ཧ་ལམ་ཆོས་ཉིད་བཀའ་ལུང་བརྩི་བར་འདུག།
ཨ་མཚར་རྩེད་མོའི་ཚུལ་དུ་འདི་ཐལ་ལོ།།
ཀ་ཁ་ཤེས་མཁན་ཚང་མ་ཁ་བདེ་ཆགས།
ཁ་ཁ་ཏིག་ཏའི་རྩོམ་ཡིག་གང་ག་ཚོད་འདུག།
ག་ས་གང་གི་མི་རྐྱང་ངར་མ་ཚོས།།
ང་ཡིན་ཁྱོད་ཡིན་ཟེར་ང་རྒྱལ་ངོམ།།
ཀ་ཁ་ཤེས་མཁན་ཚང་མ་ཁ་བདེ་ཆགས།
ཁ་ཁ་ཏིག་ཏའི་རྩོམ་ཡིག་གང་ག་ཚོད་འདུག།
ག་ས་གང་གི་མི་རྐྱང་ངར་མ་ཚོས།།
ང་ཡིན་ཁྱོད་ཡིན་ཟེར་ནས་ང་རྒྱལ་ངོམ།།
ཀྱང་ཆོག། །།
ཀ་སོགས་དབྱངས་ཀྱི་སྦྱོར་བ་ཤེས་ཙམ་ནས།།
ཁ་ནས་འཆལ་གཏམ་བརྡོལ་བའི་སྨྱོན་པ་འགས།།
ག་དུས་ཡིན་ཀྱང་རང་རིགས་སྨད་པ་འདི།།
ང་ཅག་བོད་པ་ཚང་གི་ཞབས་འདྲེན་ཡིན།།
ཅ་ཅོ་གཏམ་གྱིས་དམ་པའི་ཚུལ་ལ་བརྒོལ།།
ཆ་ལུགས་སྤྱོད་པས་སྨྱོན་པའི་རང་མཚང་འབྱིན།།
ཇ་ཆང་ཟས་ཀྱིས་གྲོད་པ་འགྲང་བ་ན།།
ཉ་ཉོག་ཚུལ་གྱིས་ཕ་མེས་ལ་ཡང་གཤེར།།
ཏྰ་ལི་བླ་མའི་རྨད་བྱུང་དགོངས་སྤྱོད་ལ།།
ཐ་ན་ཕྱི་རོལ་པས་ཀྱང་བཀུར་ན་ཡང་།།
ད་གཟོད་སྙིང་ཁམས་གདོན་གྱིས་སྨྱོས་པ་ཡི།།
ན་གཞོན་བོད་ཕྲུག་འགའ་ཡིས་སྐུར་འདེབས་མཚར།།
པ་སངས་ལྟར་དཀར་ལྷག་བསམ་ཟླུམ་པོ་ཡི།།
ཕ་མེས་དམ་པའི་མཛད་རྗེས་ངོ་མཚར་མོད།།
བ་ལང་ལྟ་བུའི་རང་རིགས་ཀླད་མེད་འགས།།
མ་འདོད་ཀུ་ཅོ་སྒྲོག་འདི་བཞད་གད་གནས།།
ཙྭ་རི་ལ་སོགས་རང་གནས་གཞན་ལག་ཤོར།།
ཚ་དྲོད་གདུང་བའི་ཡུལ་དེར་སྐྱབས་བཅོལ་བའི།།
ཛ་དྲག་ད་ལྟའི་གནས་བབ་མི་སེམས་པ།།
ཝ་བཞིན་རང་རིགས་སྨོད་འདིར་མི་མཚར་རམ།།
ཞྭ་བཞིན་གཙུག་ཏུ་བཀུར་འོས་དམ་པའི་ཆོས།།
ཟ་གྱོན་གནས་བབ་ཙམ་དུ་བརྗེ་བྱས་ནས།།
ཡ་རབས་དམ་པའི་ལུགས་ལ་བརྒོལ་བ་ཡི།།
འ་ཅག་བོད་ཕྲུག་འདི་རྣམས་སྙིང་རྗེའི་ཡུལ།།
རྭ་བ་གངས་རིའི་ལྗོངས་ཀྱི་བསྟན་སྲིད་ལ།།
ལ་རྒྱའི་འདུན་པ་བརྟན་པའི་མིའུ་ཕྲུག་དེས།།
ཤ་ཞེན་སྙིང་དུ་བསྐྱིལ་བའི་སེམས་གཏམ་འགའ།།
ས་ཕྱོགས་གང་སར་གནས་པའི་དྲ་གྲོགས་ལ།།
ཧ་ལམ་རྩེད་མོའི་ཚུལ་དུ་ཕུལ་ན་ཡང་།།
ཨ་ཕོ་འགའ་ཡིས་བདེན་དུ་འཛིན་ཆོག། །།
ཙ་ར་ཙི་རེའི་ཀ་བཤད་མང་དྲག་ནས།།
ཚ་བ་ཆེ་ཡང་ཁ་ཁར་བསྡོད་མ་བཅུག།
ཛ་ར་ཛོ་རེའི་ནང་དོན་མང་དྲག་ནས།།
་ལེར་ལངས་ནས་ཚིག་འདི་འབྲི་དགོས་བཟོས།།
ཞ་མོ་སེར་པོ་དཀར་པོ་དམར་པོ་དང་།།
ཟ་མ་མངར་མོ་སྐྱུར་མོ་ཚ་བོ་སོགས།།
འ་ཆད་འུ་ཐུག་ངང་ནས་བཟོས་བཟོས་ནས།།
ཡ་མེད་ཆ་མེད་གཏམ་མེད་གནས་སུ་འཁྱར།།
ར་མ་ལུག་གི་གཞུང་གི་ནང་དུ་བསྡད།།
ལ་ལ་བཀའ་བློན་ལ་ལ་དྲུང་ཆེ་སོགས།།
ཤ་ཚ་མེད་པའི་མི་སྣ་དེ་ཚོ་ནི།།
ས་འོག་འབུ་བཞིན་ཡིབ་ས་འཚོལ་བཞིན་འདུག།
ཧ་ཅང་བསྙན་པོ་མེད་ཀྱང་གཏམ་འདི་ནི།།
ཨ་མའི་སླབས་པའི་ཚིག་བཞིན་གཅེས་པ་ཡིན།།
རྡོར་དབང་དང་རིག་འཛིན་བསོད་ནམས་གཉིས་དོན་གཅིག་མིང་གི་རྣམ་གྲངས་རེད་འདུག་ག། ཧ་ཧ། མིང་གསང་མཁན་ཚོས་རང་སྐུབ་རང་གིས་ཕུད་ཡོང་གི་འདུག་ག།