༼བཀའ་བློན་ཁྲི་པ༽ཞེས་པའི་ཚགས་པར་ཞིག་འདོན་རྒྱུའི་གསལ་བརྡ།

Comments (12) on “༼བཀའ་བློན་ཁྲི་པ༽ཞེས་པའི་ཚགས་པར་ཞིག་འདོན་རྒྱུའི་གསལ་བརྡ།”

1. ཐོག་མར་ཁྱེད་ཅག་གིས་འཆར་གཞི་ལམ་ལྷོང་དུ་འགྱུར་བའི་སྨོན་འདུན་ཞུ། ཁྱེད་རྣམས་ཀྱི་འཆར་གཞི་ལྟར། མཁས་དབང་དང་། ལྷག་པར་དུ་ཆབ་སྲིད་ཀྱི་ཐུགས་འགན་བཞེས་མྱོང་བའི་མི་སྣ་ཁག་གི་དགོངས་ཚུལ་རྒྱ་མི་ཆུང་བ་ཞིག་སླེབས་ཐབས་ལ་འབད་བརྩོན་ཡོང་བ་ཞུ། མཐར་བཀའ་བློན་ཁྲི་པའི་ཚགས་ཤོག་ལམ་ལྷོང་དུ་སོང་ནས་བཀའ་བློན་ཁྲི་པ་ཡག་པོ་ཞིག་སླེབས་པར་ཤོག དཀོན་མཆོག་གི་ཐུགས་རྗེས་གཟིགས། ལྷ་ཆོས་སྐྱོང་སྲུང་མས་འཕྲིན་ལས་རྩལ་དུ་གསོལ།

2. ༄༅།། དེ་དངོས་གནས་ཡག་པོ་འདུག་ལ། རང་རིགས་ལ་ད་ལྟའི་ཆར་དགོས་གནདཀྱང་དེ་བས་ཆེ། ཡིན་ན་ཡང་དེ་དངོས་སུ་ལག་བསྟར་ཡོང་མིན་མི་ཤེས།

3. བྱ་བ་ཞིག་མགོ་བརྩམས་རྒྱུ་དེ་ནི་དེ་འདྲའི་དཀའ་མོ་ཞིག་མིན་ཟེར་ན་ཆོག རེད་དེ། མཇུག་སྐྱོང་རྒྱུ་དེ་ནི་དངོས་ནས་ཧ་ལས་པའི་དཀའ་ལས་ཁག་པོ་ཞིག་ཆགས་ཡོད་པ་རེད། དེ་ཡིན་དུས་ཁྱེད་ཅག་གིས་སེམས་ཤུགས་བསྐྱེད་པ་གཞིར་བཟུང་གིས་རྒྱ་ཆེ་མང་ཚོགས་ཀྱིས་ཀྱང་དགའ་བསུ་དང་བཅས་དེ་དོན་སྣང་ཡོད་པ་ཀློག་བདེ་བ། ས་གནས་ས་ཐོག་དུ་དུས་ཚོད་ལྟར་འབྱོར་ཐུབ་པ། ཕྱོགས་རུས་སོགས་ཀྱི་དབང་དུ་མ་སོང་བ་ཞིག་ཡོང་རྒྱུར་བདག་གིས་ཕྱི་ཡུལ་ཞིག་ནས་སྙིང་གར་ཐལ་མོ་སྤྱར་ནས་ཁྱེད་ཅག་གི་ལས་དོན་འདི་ལམ་ལྷོང་དང་ལེགས་འགྲུབ་ཡོང་བར་་འཚམ་འདྲི་ཡོད། རེད་དེ། མི་འཇོན་པོ་རེ་ཡོད་ན། བོད་ནང་ཟེར་བའི་ཚགས་པར་ཞིག་འདོན་ཐུབ་པ་ཡིན་ན་དངོས་ནས་ཡག་པོ་འདུག དེའི་ནང་དོན་ནི་བོད་ནང་གི་བོད་མི་སྐྱེ་བོ་ཡོད་ཚད་སུ་ཞིག་གིས་གནས་ཚུལ་གང་ནས་ཐོས་པ་དེ་དག་ཉིན་རེ་ཟེར་ན་དཀའ་ཡང་། ཟླ་རེ་ཐེངས་གཉིས་རེ་ཙམ་ལ་དཔར་བསྐྲུན་བྱེད་མཁན་ཞིག་བྱུང་བ་ཡིན་ན་ནི། དངོས་ནས་གཞིས་ལུས་མི་མང་གི་སེམས་ཤུགས་སྔར་ལས་ཀྱང་ཇེ་བརྟན་དུ་འགྲོ་བར་ཕན་ཐོག་པར་སྙམ་མོ། འདི་ནི་ཕལ་ཆེར་ཁྱེད་ཅག་གི་འདོན་འཆར་ཡོད་པའི་ཚགས་ཤོག་དེ་དང་འབྲེལ་བ་མེད་པ་ལྟ་བུ་ཞིག་བཤད་སོང་བ་ལྟ་བུ་འདུག་ན་དགོངས་དག་ཞུ། ཁོམ་པ་བྱུང་། དུས་ཚོད་ཀྱི་འདང་། རོགས་སྐྱོར་ཐོབ། མི་ཡིས་འདང་བ་ཡིན་ན་བསམ་གཞིགས་ཤིག་གནང་བར་འཚལ། བོད་བྱེས་སུ་ཡོད་མཁན་སྤུན་ཟླ་ཚང་མས།

4. དངོས་གནས་ཡག་པོ་འདུག རྗེས་སུ་ཡི་རངས་དང་རྒྱབ་སྐྱོར་བརྒྱ་ཆ་བརྒྱ་ཡོད་ལ། ལྷག་པར་དུ་ལས་དོན་ལམ་འགྲོ་ཡོང་བའི་སྨོན་འདུན་ཡང་ཡང་ཞུ་བ་ཆབས་ཅིག འདི་ལྟ་བུའི་ལས་དོན་ལ་ཕྱོགས་སུ་ཤེས་ལྡན་པའི་གཙོས་མི་མང་སྤྱི་ཡོངས་ཀྱིས་དངོས་ཤུགས་བརྒྱུད་གསུམ་ནས་རྒྱབ་སྐྱོར་ཕན་ནུས་ཐོགས་པར་བྱེད་རྒྱུའི་རེ་སྐུལ་ཡང་ཞུ།

5. ཤེས་རྟོགས་དང་ལག་ལེན་གྱི་འཆར་གཞི་འདང་ཐུབ་པའི་སྤོབས་པ་དང་སྤྱི་སེམས་ཡོད་པ་ཆེས་ངོ་མཚར་བའི་གནས་སུ་མཆིས་སོ།།

6. ཁྱེད་ཚོས་འདི་ལྟར་སྤྱི་ཕན་གྱི་ཕྱག་ལས་གནང་བར་རྗེས་སུ་ཡི་རང་ཡོད།   ང་ཚོའི་སྤྱི་ཚོགས་ཁྲོད་ཆབ་སྲིད་དང་།   ལྷག་པར་བཀའ་ཁྲི་གསར་བ་འོས་འདེམས་ཀྱི་གོ་རྟོགས་ངེས་པར་དུ་སྤེལ་དགོས་འདུག།
   རྒྱབ་སྐྱོར་ཡོད།   དེའི་ཆེད་རྩོམ་ཡིག་རེ་ཡང་བྲིས་ནས་གཏོང་འདོད་ཡོད།
   དེ་ཙམ་ཡིན།

7. དེ་ངོས་དྲང་ནས་ཡག་པོ་འདུག་། བསམ་ཚུལ་ཆུང་ཆུང་ཞིག་ཞུ་རྒྱུ་ཡོད་། ངོས་ཟུར་ཞིག་དུ་ཞལ་འདེབ་ཀྱི་ས་ཆ་ཞིག་ཡོད་ན་ག་འདྲ་འདུག་།

8. འདི་ལྟ་བུའི་ལས་དོན་སྒྲུབ་འདུན་གྱི་སྤོབས་པ་དང་ལྷག་བསམ་ལ་ངོས་འཛིན་ཡང་དག་ཅིག་རང་ཤུགས་ཀྱིས་ཡོང་གི ད་དུང་《སྒྲོན་མེ》ཞེས་པའི་ཆེད་དེབ་དཔེ་ཚོགས་དེ་ཡང་བཙན་བཙན་བྱོལ་སྤྱི་ཚོགས་ནང་གི་ཕུལ་བྱུང་གི་དཔེ་དེབ་ཀྱི་གྲས་སུ་བརྩི་ཆོག་ཆོག་ཅིག་ཡོད་པ་ང་རང་ཀློག་པ་པོ་ལ་བྱུང་བའི་མྱོང་ཚོར་རྣལ་མ་ཡིན་ལ། ལྷག་པར་དུ་རྨེའུ་དཀོན་རྒྱམ་ཟེར་བ་ཉེ་སྔོན་རྩོམ་པ་པོ་མཐུན་ཚོགས་ཀྱི་དམིགས་བསལ་རྩོམ་རིག་བགྲོ་གླེང་སྐབས་གཏིང་ཟབ་ཅིང་བསམ་གཞིགས་བྱ་རིན་ཡོད་པའི་དྲི་བ་སྣ་ཚོགས་ཤིག་འདོན་མཁན་དེ་ཨེ་སྙམ། གལ་སྲིད་ཡིན་ནི་ད་དུང་ལོ་ན་ཆུང་ཞིང་སློབ་སྦྱོང་གི་རྨང་རྐང་གང་འཚམ་མཐུག་པོ་ཡོད་པའི་སྣང་བ་འཆར་སྟེར་སོང་བས་རྗེས་ཕྱོགས་ཀྱང་བོད་དང་བོད་ཀྱི་རིག་གཞུང་གི་ཕྱོགས་སུ་འབད་བརྩོན་གནང་བར་རེ་སྐུལ་ཡང་ཞུ།

9. གང་ལྟར་ང་ཚོ་ཚང་མས་ཁོང་རྣམ་པའི་ལས་དོན་ཕྱོགས་སུ་རྒྱབ་སྐྱོར་དོན་དང་ལྡན་པ་ཞིག་བྱ་དགོས་པ་ཚང་མར་བབ་པའི་ལས་འགན་ཞིག་རེད་ལ། ཁྱེད་ཅག་གི་བཀའ་བློན་ཁྲི་པ་ཞེས་པའི་ཚགས་པར་འདིའི་ནང་དུ་མི་མང་གི་འཐུས་ཚབ་སྤྱི་འཐུས་ཀྱི་ས་མིག་ཅིག་ག་འདྲ་འདུག་གམ། དེ་ལྟར་ཁ་གསལ་གཏིང་གསལ་གྱིས་སྒོ་ནས་མི་མང་གི་གོ་རྟོགས་དང་འགན་ལེན་བྱེད་ཕྱོགས་ལ་ཕན་པའི་ལས་དོན་འདི་བུའི་རིགས་ང་ཚོའི་སྤྱི་ཚོགས་ནང་ངེས་པར་དུ་དགོས་པ་མ་ཟད་གསར་གཏོད་ཀྱི་རིགས་ཀྱང་ལྷག་པར་མཁོ་བ་འདུག

10. ཁྱེད་ཚོའི་ངོས་ནས་ད་ལོར་གོ་སྒྲིག་དང་རྩོམ་སྒྲིག་བྱས་པའི་ཤེས་རྟོགས་དང་ལག་ལེན་ཞེས་པའི་འགྲན་རྩོམ་ཕྱོགས་བསྒྲིགས་ཤིག་ཡོད་པར་བསྟན་འདུག་སྟབས་དེའི་ནང་དོན་མཚམས་སྦྱོར་ཞིག་བྱེད་ཨེ་བྷཐུབ།

11. ལྷད་མེད་ཀྱིས་རྒྱབ་སྐྱོར་ཡོད་ལ། མ་འོངས་པར་ཡིན་ནའང། འདི་ལྟའི་ལས་དོན་རྩོམ་རྒྱུ་ལའང་རེ་སྐུལ་ཡང་ཡང་ཞུ།

12. རྒྱབ་སྐྱོར་མེད། རྒྱ་གར་ལ་ཨ་མདོ་བ་མ་གཏོགས་མི་མེད་པ་རེད་དམ། འདིས་ཡག་པོ་ཞིག་བཟོ་འི་རེད། མི་འདི་ཚོ་ཕྱོགས་རེས་ཅན་རྐྱང་རྐྱང་རེད།