འཁྱམས་པོ།
བདུན།༧།
ནོར་བུ་འཁོར་ལོ་ཐབས་མཆོག་བློན་པོ་དང་།།
དམག་དཔོན་རྟ་དང་ཁྱུ་མཆོག་གླང་བོ་སྟེ།།
ཡིད་འོང་མཛེས་པའི་བཙུན་མོ་རིན་ཆེན་སོགས།།
རྒྱལ་སྲིད་བདུན་གྱིས་༧མགོན་དེའི་འཁྲུངས་སྐར་བསུ།།
བརྒྱད།༨།
གདུགས་དང་རྒྱལ་མཚན་དུང་དཀར་འཁོར་ལོ་དང་།།
བུམ་པ་བཟང་དང་པད་མ་གསེར་ཉ་འཁྱུག །
དཔལ་གྱི་བེའུ་ལ་སོགས་བཀྲ་ཤིས་པས།།
རྫས་མཆོག་བརྒྱད་ཀྱིས་༧མགོན་དེའི་འཁྲུངས་སྐར་བསུ།།
༼༡༽
སྤྱང་ཚོགས་གིས་དེད་པའི་ལུག་ཁྱི་ཞིག
རི་ཆུ་དང་བྲག་ཀླུང་གང་མང་བརྒྱུད།
གནས་ཧི་མ་ཡའི་རི་རྒྱབ་ཞིག་ཏུ།
རྫི་བོ་འདིས་ནམ་ཡང་འདོར་མ་མྱོང་།
ཉམ་ཆུང་གི་ལུ་གུ་ནུས་མེད་ངས།
ཁྱེད་ཀྱི་བཀའ་དྲིན་དྲན་འཁྲུངས་སྐར་ལ་རྟེན་འབྲེལ་ཞུ།
༼༢༽
ཞུ་བསིལ་སྟོང་ལྡན་གྱི་ཟླ་བ་དཀར་པོ།
མུན་ནག་གི་མཐའ་ལ་དེད་པས་མཁའ་དབྱིངས་འདི་ནས།
སྐར་ཚོགས་འདི་དུས་ཀུན་ཏུ་ཐུགས་ལ་བཏགས།
ཕྲ་ཆུང་གི་སྐར་མ་འོད་མེད་ངས།
ཁྱེད་ཀྱི་བཀའ་དྲིན་དྲན་འཁྲུངས་སྐར་ལ་རྟེན་འབྲེལ་ཞུ།
༢༠༡༣/༧/༥ ལ་བྲིས།
བྱང་ཕྱོགས་གངས་རིའི་རྭ་བས་བསྐོར་བའི་རྒྱུད།
བོད་ཡུལ་ཆོས་ལྡན་ཞིང་གི་རྒྱལ་ཁམས་སུ།
སྐྱེ་དགུ་ཕན་དང་བདེ་བ་མ་ལུས་པ།
འབྱུང་བའི་ཡོན་གནས་དམ་པ་ཐུགས་རྗེའི་གཏེར།
འཕགས་མཆོག་སྤྱན་རས་གཟིགས་དབང་མི་གཟུགས་ཅན།
ཐུབ་བསྟན་འཛིན་པ་རྒྱ་མཚོ་ལྟ་བུ་ཡི།
གཙུག་གི་རྒྱན་གྱུར་བླ་མའི་ཞབས་སྐྱེས་པད།
སྲིད་མཐའི་བར་དུ་གཡོ་མེད་བརྟན་གྱུར་ཅིག།