༧གོང་ས་མཆོག་གིས་ལ་དྭགས་སུ་བཀའ་སློབ་གནང་བ།

Comments (6) on “༧གོང་ས་མཆོག་གིས་ལ་དྭགས་སུ་བཀའ་སློབ་གནང་བ།”

1. སྐུ་ཚེ་བསྐལ་བརྒྱར་བརྟན་པར་ཤོགས།

2. ཉིན་བཀག་རི་རབ་མེད་དང་གཅིག །
   ཛམ་གླིང་ལེབ་ལེབ་མིན་དང་གཉིས། །
   ཉི་ཟླ་ཆེ་ཆུང་ཡོད་སོགས་སྟེང་། །
   བདེན་གཉིས་བདེན་བཞིའི་བསྟན་པ་སྤེལ། །
   ༸གོང་ས་མཆོག་གིས།

3. མི་ལ་གདམ་པའི་སངས་རྒྱས་ཆོས།
   མི་ཡི་རིགས་དང་བསྟུན་མཁས་ཀྱིས།
   མི་ཡི་རྣ་བར་སྦྱིན་པ་དེ།
   སངས་རྒྱས་ཀུན་གྱི་དགོངས་པ་ཡིན།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   ལྟ་བ་མི་གཙོ་ལས་འབྲས་གཙོ།
   རྟོགས་པ་མི་གཙོ་སྙིང་རྗེ་གཙོ།
   ཕྱག་རྒྱ་མི་གཙོ་སྤྱོད་པ་གཙོ།
   སངས་རྒྱས་ཆོས་ལ་འདི་དག་གཙོ།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   བླ་མ་མི་གཙོ་ཡོན་ཏན་གཙོ།
   གོ་ས་མི་གཙོ་དགོངས་པ་གཙོ།
   འབྱོར་བ་མི་གཙོ་སྦྱིན་པ་གཙོ།
   སངས་རྒྱས་ཆོས་ལ་འདི་དག་གཙོ།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   བཀའ་དབང་མི་གཙོ་བླང་དོར་གཙོ།
   མོས་པ་མི་གཙོ་ལག་ལེན་གཙོ།
   བྱིན་རླབས་མི་གཙོ་ཉམས་ལེན་གཙོ།
   སངས་རྒྱས་ཆོས་ལ་འདི་དག་གཙོ།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   སྤྲུལ་སྐུ་མི་གཙོ་གཞན་ཕན་གཙོ།
   སྨོན་ལམ་མི་གཙོ་ཐབས་ཤེས་གཙོ།
   ཆ་ལུགས་མི་གཙོ་ཤེས་རབ་གཙོ།
   སངས་རྒྱས་ཆོས་ལ་འདི་དག་གཙོ།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   གྲུབ་མཐའ་མི་གཙོ་གོ་བ་གཙོ།
   ཕྱོགས་རིས་མི་གཙོ་མཐུན་སྒྲིལ་གཙོ།
   མདོ་སྔགས་མི་གཙོ་ཐོས་པ་གཙོ།
   སངས་རྒྱས་ཆོས་ལ་འདི་དག་གཙོ།
   ཁྱེད་ཀྱིས་ཡང་ཡང་འདི་དག་སྒོམ།
   གཞན་ལ་ཡང་ཡང་འདི་དག་སྟོན།

   རྒྱལ་བ་ཡིད་བཞིན་ནོར་བུ་དེ།
   འགྲོ་བའི་སྨན་གཅིག་མགོན་མེད་མགོན།
   ངན་པ་སྐྲག་ཡུལ་བདེན་པའི་དཔུང་།
   ཁྱེད་རང་མེད་པའི་ཉིན་མོ་དེ།
   གང་ལ་འཁོན་པའི་མི་ཡང་གདུང་།
   ཡང་ཡང་བསམ་བཞིན་དད་པ་སྐྱེ།
   དད་པ་དྲན་ནས་དགའ་བ་སྒོམས།

   འགྲོ་བའི་སྡུག་བསྔལ་ཆེ་ཆེར་འཕེལ།
   མགོན་པོ་སྐུ་ཚེ་རིངས་བར་ཞུགས།
   འགྲོ་བའི་མགོན་སྐྱབས་བྲལ་བའི་སྐབས།
   མགོན་པོ་བདག་ཚོ་དོར་མི་མཛད།
   བདག་ནི་ཡང་ཡང་འདི་དག་སེམས།
   བསམ་པའི་བྱ་བ་གྲུབ་པར་ཤོག

4. དུས་འཁོར་དབང་ཆེན
   རྩོམ་པ་པོ།:jwo765 སྤེལ་དུས་:2014-6-26 22:06:10
   གུས་བ་ནི་རྒྱ་ནག་ཏུ་སློབ་སྦྱོང་བྱེད་བཞིན་པའི་བོད་མིའི་སློབ་མ་ཞིག་ཡིན།ན་ནིང་ཕ་ཡུལ་གྱི་སྡེ་མིས་གོང་ས་མཆོག་གིས་རྒྱ་གར་ཡུལ་ནས་དུས་འཁོར་དབང་ཆེན་འཚོགས་ཀྱིན་ཡོད་པ་དང་བོད་མི་ཡིན་ཕྱིན་ཕྱི་གླིང་དུ་ཆོས་ནས་དབང་ཉན་དགོས་ཞེས་བའི་ཁ་བརྡ་བྱེད་ཀྱིན་འདུག དེང་ཐོག་དེ་འདྲ་དོ་སྣང་ཆེན་པོ་མ་བྱས། འོན་ཀྱང་སློབ་སྐབས་གསར་བོ་དུས་ཡིན་རིང་མོ་འགོར་རྗེས་ཨ་ཕས་གུས་བའི་སློབ་དངུལ་ཚང་མ་སྡེ་གཅིག་གི་ཨ་ཁུ་དབང་ཆེན་དུས་འཁོར་དབང་ཆེན་ཏུ་འགྲོ་སྐྱེལ་གྱི་ལམ་རིན་ལ་བཞག་འདུག ད་དུང་ཁོའང་འགྲོ་བསམ་ཡོད། གུས་བའི་བསམ་པར་དབྱར་ཟླ་དྲུག་བདུན་གྱི་སྐབས་ནི་བོད་མི་རྣམས་ཐོན་སྐྱེད་ལ་འབད་པའི་དུས་ཚིགས་གཙོ་བོ་རེད། བླ་ཆེན་ཞིག་ཡིན་ཚེ་བོད་མིའི་འཚོ་བ་བསམ་གཞིགས་ནན་མོ་བཏང་དགོས་ལ། དེ་ནི་དགེ་བའི་ཆོས་དང་འཐུན་པའི་གནས་ལུགས་རེད། གོང་ས་མཆོག་༡༩༥༩ལོ་ནས་བཟུང་ལོ་རེར་དུས་དབང་ཐེངས་བཞི་རེ་འཚོགས་ཀྱིན་ཡོད། སྐུ་ཕྲེང་སྔོན་མའི་རིང་ལ་དུས་དབང་ལོ་གསུམ་ནང་ཐེངས་གཅིག་མ་གཏོགས་འཚོགས་མེད་པ་རེད།སངས་རྒྱས་ཀྱི་ལུང་ནས་ལོ་རེར་དུས་དབང་ཐེངས་བཞི་འཚོགས་ཆོག་པའི་གཞི་མེད་ལ། བོད་མིའི་འཚོ་བ་ཡར་རྒྱས་གོང་འཕེལ་གཏོང་བའི་དུས་ཚོད་དལ་འགོར་གྱི་ལུང་བསྟན་ཡང་མེད། འདི་ལྟར་དུས་འཁོར་དབང་ཆེན་བཀོད་སྒྲིིག་བྱེད་དོན་ཅི་ཡིན་ནམ།

5. རྩེད་མོ་ཞིག་ཞུ་ན།
   ན་མོ་གུ་རུ།
   གངས་རིའི་མགོན་ལ་ཕྱག་འཚལ་ནས། །
   གང་གི་དགོངས་པ་མི་ཤེས་པའི། །
   གང་བྱུང་སྨྲ་བའི་དྲ་གྲོགས་འགར། །
   གང་ཤར་གཏམ་འཆལ་ཅུང་ཟད་ཞུ། །

   ནང་བསྟན་གདམས་ཡུལ་མི་ཁོ་ནར། །
   འདོད་ན་ཕྱོགས་རེའི་ཆོས་སུ་འགྱུར། །
   མི་ཡི་རིགས་དང་བསྟུན་མཁས་ན། །
   དུག་ལྔ་རྒྱས་པའི་ཆོས་ལུགས་སྤེལ། །

   ལས་འབྲས་ལྟ་བར་མི་སེམས་ཤིང་། །
   སྙིང་རྗེ་རྟོགས་པར་མི་འདོད་པ། །
   སྤྱོད་པ་ཕྱག་རྒྱ་ཐ་དད་པའི། །
   ལུགས་དེ་ནང་པའི་ཁྱུ་ནས་བུད། །

   ཡོན་ཏན་བླ་མར་མི་སེམས་ཤིང་། །
   དགོངས་པ་གོ་སར་མི་ཚུད་པ། །
   འབྱོར་བ་མེད་པའི་སྦྱིན་པ་མཁན། །
   ལུགས་དེ་གཏན་ཚིག་ཁྱུ་ནས་བུད། །

   བླང་དོར་བཀའ་སློབ་དབང་མ་ཡིན། །
   ལག་ལེན་བྱེད་པར་མོས་མི་དགོས། །
   ཉམས་ལེན་བྱིན་རླབས་བྲལ་བ་ཡི། །
   ལུགས་ཏེ་གསང་སྔགས་ཁྱུ་ནས་བུད། །

   གཞན་ཕན་སྤྲུལ་སྐུས་མི་གནང་ཞིང་། །
   ཐབས་ཤེས་སྔོན་དུ་སྨོན་པ་མེད། །
   ཤེས་རབ་ཅན་གྱིས་ཆ་ལུགས་སྤང་། །
   ལུགས་དེ་མཁས་པའི་ཁྱུ་ནས་བུད། །

   གོ་ཡང་གྲུབ་མཐའ་མི་ཤེས་ཤིང་། །
   མཐུན་སྒྲིལ་མཐུན་ཕྱོགས་རིས་གཅོད་མིན། །
   ཐོས་བསམ་ཡུལ་དུ་མདོ་སྔགས་མེད། །
   ལུགས་དེ་འགལ་འདུའི་ཁྱུ་རུ་ཚུད། །

   སྤྱི་ཡི་ཡིད་བཞིན་ནོར་བུ་ལ། །
   དད་པས་གསོལ་འདེབས་ངས་ཀྱང་ཞུ། །
   ཞབས་བརྟན་སྨོན་པ་ནར་མར་བྱེད། །
   བསམ་ཤེས་དགོངས་འགལ་མེད་པར་ཞུ། །
   དྲི་མེད་པས།

6. སྤྱན་རས་གཟིགས་ཀྱི་དགོངས་པ་ཤེས་མཁན་དཀོན་པས། །ཕྲན་གྱིས་བྲིས་པར་མ་རྟོགས་ལོག་རྟོགས་སོགས་སྐྱོན་ཀྱི་རིགས་ཅི་ཡང་ཡོད་སྲིད་པས་དགོངས་འགལ་མེད་པར་ཞུ། །