༧ཀརྨ་པ་མཆོག་གིས་སུད་སིའི་བོད་མི་ཚོར་བཀའ་སློབ་གནང་བ།

Comments (13) on “༧ཀརྨ་པ་མཆོག་གིས་སུད་སིའི་བོད་མི་ཚོར་བཀའ་སློབ་གནང་བ།”

1. བླ་མ་ན་གཞོན་ཁོང་གི་གསུང་བཤད་འདི་དུས་ཐོག་ཆར་བ་རང་རེད། བོད་པ་རང་གིས་རྩ་བརླགས་གཏོང་བཞིན་པའི་བོད་ཀྱི་སྐད་ཡིག་སྐོར་ལ་ཡང་ནས་ཡང་དུ་ཐུགས་ཚོར་ཆེན་པོའི་སྒོ་ནས་འདི་ལྟར་འབོད་སྐུལ་གནང་དང་གནང་བཞིན་པ་དེར་དགའ་གུས་ཡོད། སྐུ་ཚེ་བརྟན།

2. ཀརྨ་པ་མཁྱེན་ནོ་་་་་་་་་་ཀརྨ་པ་མཁྱེན་ནོ་་་་་
   ཀརྨ་མཁྱེན་ནོ་་་་་་་་་་་་ཀརྨ་པ་མཁྱེན་ནོ་་་་་
   ཀརྨ་པ་མཁྱེན་ནོ་་་་་་ཨོ་རྒྱན་འཕྲིན་ལས་རྡོ་རྗེ་
   མཁྱེན་ནོ་་་་་་་་་སྐུ་ཚེ་ཁྲི་ལོར་བརྟན་པ་ཤོག་།

3. ཀརྨ་བ་ཁོང་ནི།མཁྱེན་དཔྱོད་ཡངས་ཤིང་།ཕྱིའི་སྐད་ཡིག་དག་ལའང་མཁྱེན་རྒྱ་ཆེ་བས།བཙན་བྱོལ་གྱི་ཁོར་ཡུག་འདི་ལས་བརྒལ་བའི་ཕྱི་རྒྱལ་ཡུལ་གྲུ་མང་བོར།བོད་ཀྱི་ཆོས་དང་རིག་གཞུང་།བོད་པ་བཙན་བྱོལ་བའི་གནས་སྟངས།གཞི་ལུས་བོད་མའི་གནས་སྟངས་སོགས་ཀྱི་སྐོར་།བཀའ་སློབ་མང་བོ་ཞིག་གནང་ཐུབ་ན།ཏན་ཏན་ཕན་ཐོག་ཆེ་བར་བསམ་མོ།།

4. ༧ཀརྨ་པ་རིན་པོ་ཆེ་མཆོག བཀའ་སློབ་དོན་དང་ལྡན་པ་གནང་སོང་།
   འདི་དང་འབྲེལ་ནས་སྐུ་ཉིད་ལ་རེ་བ་འགའ་ཞུ་རྒྱུ་ཡོད། རེ་བ་འདི་བོད་མི་ཁྲི་ཕྲག་ཁ་ཤས་ཀྱི་རེ་བ་ཏན་ཏན་ཡིན། སྐུ་ཉིད་ཀྱིས་ཆོལ་ཁ་དང་ཆོས་ལུགས་ཀྱི་དམ་ཚིག་ཟོང་ཁ་གཅིག་ཏུ་སྒྲིལ་དགོས་པའི་བཀའ་སློབ་གཟབ་ནན་ཕེབས་སོང་། དེ་དངོས་གནས་བདེན་པ་རེད། ལྷག་པར་ཏུ་༧གོང་ས་མཆོག་གི་ལམ་སྟོན་ལས་གཞན་མེད་པ་དེ་ཡང་དོན་ལ་གནས་ཤིང་སྐྱབས་སུ་མཆིའོ། དེ་བཞིན། ཉིད་ནས་ཆོལ་ཁའི་ཕྱོགས་རིས་སེམས་ལ་བསྒོམ་ཡང་མི་སླེབས་པ་དང་། ཆོས་ལུགས་ཕྱོགས་རིས་བྱེད་མཁན་རྣམས་ལ་སྐྱུགས་མེར་ལངས་ཀྱིན་འདུག་ཅེས་གསུངས་སོང་། དངོས་གནས་སྐྱབས་སུ་མཆིའོ། བོད་ཁ་བ་ཅན་ལ་དགོས་པའི་ལམ་སྟོན་རེད། བོད་གངས་ཅན་པ་རྣམས་སྤྱིའི་བླ་མར་སྐུར་བཞེངས་སྔ་ལྟོས་རྟེན་འབྲེལ་ཡག་པོ་འགྲིག་སོང་བསམས།

   ཡིན་ནའང་། སྐུ་ཉིད་ཀྱིས་ངྷ་རམ་ཤཱ་ལའི་ཆབ་སྲིད་ལ་ཐུགས་སྣང་གནང་གི་མེད་གསུངས་སོང་། ངས་བསམས་ན་དེ་ཏག་ཏག་བསྡད་མ་སོང་། ངྷ་སའི་ཆབ་སྲིད་ཀྱི་གནད་དོན་ཚང་མ་སྐུ་ཉིད་ནས་མཁྱེན་གྱི་ཡོད་པ་ཀུན་གསལ་རེད་ལ། རང་ལུས་མེར་སྲེག་ཐད་ཐུན་མོང་མིན་པའི་བཀའ་སློབ་གནང་བ་སོགས་ཀྱིས་མཚོན། གཞན་ཆོས་བརྒྱུད་སྤྱི་འཐུས་ལས་བཀའ་བརྒྱུད་ཀྱིས་ཆོལ་གསུང་གོང་བུ་གཅིག་གྱུར་ལ་རྨ་ཆེན་པོ་བཏོད་ཡོད་པ་ཉིད་ནས་མཁྱེན་ཤག་རེད། དེ་མ་མཁྱེན་གསུངས་ན་ཐང་གི་གྲོག་མའང་ཡིད་ཆེས་དཀའ། བཀའ་བརྒྱུད་སྤྱི་འཐུས་ནི་དམིགས་བསམ་ཀམ་ཚང་གི་ཁོངས་ནས་ཤུགས་ཆེར་ཐོན་གྱི་ཡོད་པས། འབྲི་གུང་དང་སྟག་ལུང་སྐྱབས་མགོན་རྣམ་པས་བཀའ་བརྒྱུད་སྤྱི་འཐུས་ཀྱི་ཐལ་ཆ་ཆེ་བའི་བྱེད་སྟངས་ལ་བློ་ཕམ་དང་སྦྲགས་དེ་རིགས་རང་ཁོངས་དང་འབྲེལ་བ་མེད་ཅེས་བཀའ་ཡང་གནང་འདུག དེས་ན་སྐུ་ཉིད་ཀྱིས་བྱུང་ན། ཀམ་ཚང་ལ་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་ཁྲོད་ཐོབ་ཐང་ཅི་ཡོད་པ་ནས། སྤྱི་འཐུས་ནང་ཆོས་བརྒྱུད་ཀྱི་འཐུས་མི་འཛུགས་དགོས་པ་འདི། སྤྱིར་སེར་མོ་བར་ཆབ་སྲིད་མི་འཛའ་བས། སྐུ་ཉིད་ནས་ཀྱང་ཆབ་སྲིད་ལ་ཐུགས་སྣང་གནང་གི་མེད་པ་དེ་བཞིན། ཆོས་བརྒྱུད་སྤྱི་འཐུས་ནས་ཕྱིར་འཐེན་གནང་སྟེ། བཀའ་བརྒྱུད་སྤྱི་འཐུས་ཁོངས་ཀམ་ཚང་བསྟན་སྲིད་སྤྱི་བྱེའི་བདེ་དོན་ལ་དགོངས་ནས་ཕྱིར་འཐེན་གནང་རོགས། དེ་ལྟར་གནང་ཆོས་བརྒྱུད་གཞན་གྱིས་ཀྱང་བཟང་པོའི་མིག་དཔེར་ལྟ་ངེས་རེད་སྙམ་ལ། ༧གོང་ས་མཆོག་གི་སྲིད་འགན་རྩིས་སྤྲོད་ཀྱི་དགོངས་དོན་གཤམ་འོག་ཆོས་བརྒྱུད་སོ་སོའི་དབུ་བླ་རྣམ་པས་ཀྱང་དབུ་འོག་དཔུང་འདེགས་ཀྱིས་རང་འཁྲིར་འབད་སྒྲུབ་གནང་བ་རེད་བསམས་པས། ཐུགས་གཞིགས་བསམ་མོ་ཞིག་ཅི་ནས་བཞེས་རོགས།

5. ༧རྒྱལ་དབང་ཀརྨ་བ་མཆོག་གི་བཀའ་སློབ་དོན་དང་ལྡན་པ་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་བ་དངཆབས་ཅིག་། བོད་མི་ཡོངས་ནས་ཆོལ་ཁ་དང་ཆོས་ལུགས་ཀྱི་ཕྱོགས་རིས་མི་བྱེད་པར་རང་རང་གི་ལུས་ངག་ཡིད གསུམ་དང་། འགྲོ་འདུག་སྤྱོད་གསུམ་ལ་བདག་པོ་རྒྱབ་ནས་ཡ་རབས་སྤྱོད་བཟང་ཕྱོགས་སུ་གོམ་ཁ་བསྒྱུར་རྒྱུ་ནི་ཧ་ཅང་གལ་ཆེ་བར་སྙམ།

6. ཀརྨ་པའི་བཀའ་སློབ་དེ་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་ལ་གནང་དགོས་འདུག

7. བཀའ་བརྒྱུད་རང་རྙོག་དྲ་མེད་པ་བྱེད་དགོས་ནང་བཀྲ་མ་ཤིས་ན་ཕྱི་དོན་མི་གྲུབ་པ་དང་པོ་བཀའ་བརྒྱུད་ནང་ཁུལ་ལ་བཀའ་སློབ་གནང་དགོས གཉིས་པ་བཀའ་བརྒྱུད་སྤྱི་འཐུས་ལ་གནང་དགོས གསུམ་པ་དེ་བོད་སྤྱི་ལ་གནང་བ་ཡིན་ན་ཉོན་སྲིད་པ་རེད་།

8. ཀརྨ་པ་རིན་པོ་ཆེ་ནི་བོད་ཀྱི་ན་གཞོན་བླ་ཆེན་ཁྲོད་ནས་འབུར་དུ་ཐོན་པའི་བླ་མ་ཞིག་རེད། ཕྲག་དོག་ཅན་དག་མ་དགའ་ཡང་ཐབས་ཤེས་ཅང་མེད་ཚོད་རེད།

9. ཆོས་ཀྱི་དགོངས་དོན་འགྲེལ་ལ་འགྲན་ཟླ་བྲལ།།སྲིད་ཀྱི་ལངས་ཕྱོགས་སྟོན་ལ་ཕུལ་དུ་བྱུང་།།བཀའ་བརྒྱུད་སྤྱི་འཐུས་བསྟན་པ་ཡར་འཕེལ་མཆོག །གངས་ཅན་བོད་ཀྱི་བསྟན་སྲིད་སྲུང་བའི་གཉེན།།
   ཞེས་ཀྱང་སྨྲས་སོ།།

10. རིན་པོ་ཆེའི་དགོངས་བཞེས་རླབས་པོ་ཆེ་བཞེས་གནང་བར་དགའ་སྤྲོ་ཆེ་།
    ཡིན་ནའི་རིན་པོ་ཆེ་རྣམ་པས་བཀའ་བརྒྱུད་སྤྱི་འཐུས་དགེ་བ་བཅུའི་ཚུལ་ཡང་མ་ཚང་བ་ལྟ་བུའི་སྤྱོད་པ་བསྟན་མཁན་བསྟན་པ་ཡར་འཕེལ་ལ་སོགས་པར་བཀའ་སློབ་གནང་དགོས་འདུག་། དེ་ལྟར་མ་ཐུབ་ན་ཧ་ཅང་སྙིང་པོ་མ་མཐོང་།

11. ༧རྒྱལ་བའི་དབང་པོ་༧དཔལ་ཀརྨ་པ་ཆེན་པོའི་གསུང་བྱིན་ཅན་ལ་དད་གུས་བླ་མེད་ཞུ།

12. གོང་དུ་དྲྭ་འབུ་རེ་ཟུང་གིས་ངོས་དགའ་དང་མི་འདོད་པ་གཉིས་ལྷན་ཅིག་ཏུ་ཐལ་ཆ་ཆེ་བའི་མཆན་འགའ་ཞིག་བཀོད་གནང་འདུག་པ་དཔེར་ན། ༧རྒྱལ་བའི་དབང་པོའི་བཀའ་བརྒྱུད་སྤྱི་འཐུས་ཟུར་འཇོག་དགོས་ལུགས་དང་། བཀའ་བརྒྱུད་སྤྱི་འཐུས་ལ་གཉའ་གནོན་གྱི་བཀའ་ཁྱབ་གཏོང་དགོས་སྐོར། ཀམ་ཚང་མ་གཏོགས་བཀའ་བརྒྱུད་གཞན་རྣམས་ཀྱི་དེ་ལ་རྒྱབ་སྐྱོར་མེད་ལུགས་སོགས་གཞི་མེད་རང་ལྟ་མཆོག་འཛིན་གྱི་ཉོག་བཤད་མང་དག་ཅིག་བྲིས་འདུག་པ་དེ་དག་ཕལ་ཆེ་བར་ལན་འདེབས་ཞུ་གལ་མི་ཆེ་ནའང་། ཤོག་དྲིལ་ལམ་འཇུག་ཏུ་འགྲོ་བར་སྙིང་ནས་མ་བཟོད་ནས་ལན་འདེབས་ཐུང་ཙམ་ཞིག་ཞུས་ན།
    ༡ ཀརྨ་པ་སྐུ་ཡི་ཕྲེང་བ་དང་པོ་དུས་གསུམ་མཁྱེན་པ་ནས་སྐུ་ཕྲེང་ ༡༦ བར་རྒྱལ་ཁབ་གང་ཡང་རུང་བའི་ནང་ཆབ་སྲིད་ཀྱི་འགན་བཞེས་པའི་ལོ་རྒྱུས་རྩ་བ་ནས་མེད་པས། ད་ལྟ་འཚོ་ཞིང་གཞེས་པ་ཁོང་གིས་སྲིད་དགོངས་ཀྱི་མེད་གསུང་ཀྱང་དེ་ལ་འགལ་བ་འགྲོ་བའི་ཉེན་ཁ་མེད།
    ༢ བཀའ་བརྒྱུད་སྤྱི་འཐུས་སམ་སྤྱི་འཐུས་སུ་འདྲ་ཞིག་ཡིན་རུང་སྔར་གྱི་ལམ་ལུགས་ལས་བརྒལ་ཏེ་སྤྱི་མོས་སམ་མང་མོས་ཀྱི་ལམ་ནས་འོས་འཐོན་བྱུང་ནས་སྤྱི་མི་ཞིག་གི་ངོ་བོ་ཡིན་པས། ཀརྨ་པ་དབུས་པས་བཀའ་བརྒྱུད་པའི་བླ་ཆེན་རྣམས་ལ་བཀའ་རྒྱ་གནང་བའི་ཐོབ་ཐང་དང་འགན་ཁྲི་གང་ཡང་མེད།
    ༣ བཀའ་བརྒྱུད་སྤྱི་འཐུས་སམ་སྤྱི་འཐུས་གང་ཡང་རུང་བར་འདེམས་ཐོན་ཟིན་མཚམས། ཆོས་ལུགས་ཀྱི་དབུ་ཁྲིད་དང་། ཆོལ་ཁའི་དཔོན་ཁག་གི་བཀོད་བྱུས་འོག་མེད་པ་བཙན་བྱོལ་སྒྲིག་འཛུགས་ཀྱི་བཅའ་ཁྲིམས་རིན་པོ་ཆེ་ལས་གསལ་བས་ཟུར་འཇོག་བྱེད་པའི་དབང་ཆ་སུ་ལའང་ཡོད་པ་མ་རེད།
    བྱེ་བྲག་བཀུར་འོས་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་མཆོག་ལ་སྤྱི་འཐུས་ཀྱི་འོས་ཆོས་མ་ཚང་བ་དང་། སྤྱི་འཐུས་སུ་འདེམས་འཐོན་བྱུང་ན་འགྲིག་གི་མི་འདུག་བསམ་པའི་དགོངས་ཚུལ་ཡོད་ན། ད་ལྟའི་བོད་པའི་གནས་སྟངས་ལ་དགོངས་ནས་མིང་རྫུས་འོག་མི་བཞུགས་པར་དངོས་སུ་ཐོན་ཏེ་བཀའ་བརྒྱུད་པ་སྤྱི་ལ་འབོད་བསྐུལ་ཞུས་ན་ཁྱེད་རྣམས་པའི་ཐུགས་རེ་དེ་དག་འགྲུབ་རེ་དང་། དེ་མིན་དྲྭ་རྒྱའི་ནང་ཉོག་བཤད་ཞེ་ཅིག་བྲིས་བསྡད་ན་དགོས་པ་དང་དགེ་མཚན་དེ་ཙམ་མ་མཐོང་།

13. ཕྱག་སྟོང་འཁོར་ལོས་སྒྱུར་བའི་རྒྱལ་པོ་སྟོང་།
    སྤྱན་་སྟོང་བསྐལ་པ་བཟང་པོའི་སངས་རྒྱས་སྟོང་།
    གང་ལས་གང་འདུལ་དེ་ལ་དེ་སྟོན་པའི།
    རྒྱལ་བ་ཀརྨ་པ་ཡི་ཞབས་ལ་འདུད།།
    ་
    ༧རྒྱལ་བ་ཀརྨ་པ་སྐུ་གོང་མ་ཞབས་ཀྱི་པདྨར་གཏུགས་ཏེ། བྱིན་རླབས་ཞུས་པའི་སྐལ་བ་བཟང་པོ་བྱུང་ཞིང་། བདག་གི་སེམས་ལ་རྣམ་དཔྱོད་འདི་ལྟར་མཆིས་ཏེ། རྒྱལ་བ་ཀརྨ་པ་སྐུ་གོང་མ་མཆོག་གི་ཡང་སྲིད་གཉིས་ཡོད་པ་སོ་སོ་ནས་གཅིག་གིས་གཅིག་ལ་༧རྒྱལ་བ་ཀརྨ་རིན་པོ་ཆེའི་ཡང་སྲིད་དངོས་མ་ཡིན་པའི་ངོས་འཛིན་མཛད་དགོས་པར་མཐོང་། དེ་ལྟར་མཛད་ཚེ། གངས་ཅན་འགྲོ་བོའི་མགོན་པོ་འཕགས་མཆོག་སྤྱན་རས་གཟིགས་ཀྱི་སྐྱབས་གདུགས་དཀར་པོའི་སིལ་དུ་འགྲོ་བ་གངས་ཅན་པ་རྣམས་བདེ་བར་གནས་པའི་གོ་སྐབས་ཡོད་པར་མཐོང་སྟེ། དེ་ལྟར་འབྱུང་བར་ཡིན་སྨོན་ཞུ་བ་ལགས་སོ།