ཁ་སང་བསྒྲགས་པའི་གསར་འགྱུར་ལྟར་ན། སྤྱི་ལོ་༢༠༡༢ལོར་མི་རྣམས་ཀྱིས་རེ་སྒུག་ཡུན་རིང་བྱས་པའི་དོན་དག་ཅིག་མངོན་འགྱུར་ཡོང་རྒྱུ་ཡིན་པ་སྟེ། སའི་གོ་ལའི་ཕྱི་རོལ་ཏུ་ཡོད་པའི་བར་སྣང་གི་མགྲོན་ཁང་དེས་མི་རིགས་ཀྱི་མགྲོན་པོར་ཕེབས་བསུ་ཞུ་རྒྱུ་ཡིན་འདུག ཡིན་ན་ཡང་མགྲོན་ཁང་གསར་བ་འདིའི་ནང་དུ་ཐེངས་གཅིག་འགྲོ་གླ་དང་ཞག་གསུམ་སྡོད་གླ་ནི་ཨ་རིའི་སྒོར་མོ་ས་ཡ་བཞི་ཡིན་པ་དང་། ཁྱོད་ཀྱིས་མགྲོན་ཁང་འདི་ནས་ཉི་མའི་འཆར་ནུབ་ཐེངས་བཅོ་ལྔར་མཐོང་ཐུབ་ལ། སྐར་མ་བརྒྱད་ཅུའི་རིང་ལ་སའི་གོ་ལར་སྐོར་བ་ཡང་རྒྱག་ཐུབ། དེ་བཞིན་ཁྱོད་ཀྱིས་འཇིག་རྟེན་འཕུར་སྐྱོད་པ་ཚོ་བཞིན་དུ་རང་ཉིད་སྡོད་སའི་མགྲོན་ཁང་དུ་རང་ལུས་ཀྱི་ལྗིད་ཚད་མར་ཆག་པའི་སྒོ་ནས་རང་དབང་གིས་འཕུར་སྐྱོད་ཀྱང་བྱེད་ཐུབ། བར་སྣང་གི་མགྲོན་ཁང་དེ་འདི་ལྟར་རིན་གོང་ཆེ་བར་ཡང་རྒྱུ་མཚན་མེད་པ་ཞིག་མ་ཡིན་ཏེ། མགྲོན་ཁང་དེ་གསར་རྒྱག་གི་ཆེད་དུ་ལོ་མང་རིང་ཚན་རིག་པའི་ཀླད་ཤུགས་ནུས་པ་བེད་སྤྱོད་བཏང་བ་བཤད་མ་དགོས་པའི་སྟེང་དུ། ཨ་རིའི་སྒོར་མོ་དུང་ཕྱུར་གསུམ་གྱི་འགྲོ་སོང་བཏང་ཡོད་པ་རེད། མགྲོན་ཁང་དེར་འགྲོ་བར་ཐོག་མར་ས་སྟེང་གི་གླིང་ཕྲན་ཞིག་ཏུ་གཟའ་འཁོར་བརྒྱད་ཀྱི་རིང་ལ་ཟབ་སྦྱོང་སྤྲོད་རྒྱུ་ཡིན་པ་དང་། ད་ལྟ་མགྲོན་ཁང་དེར་འགྲོ་འདོད་ཀྱིས་ཐོ་འགོད་བྱས་ཡོད་པའི་མི་གྲངས་ཁྲི་བཞིར་ལོངས་ཡོད་འདུག
གནམ་གྲུ་མགྲོན་ཁང་ལྟ་བུར་བཟོས་ནས་བར་སྣང་དུ་འགྲུལ་བསྐྱོད་བྱས་བ་དང་ཁྱད་པར་ཆེར་ཨི་ཡོད་ན།
བར་སྣང་མགྲོན་ཁང་དུ་ཆུས་གཟུགས་པོ་འཁྲུད་དུས་ད་ལྟ་ནང་བཞིན་ཆུ་ཐུར་དུ་མི་འབབ་པར་ཆུ་རྡུལ་དག་ཀྱང་བར་སྣང་དུ་ས་རྡུལ་བཞིན་དུ་གཡེང་ནས་འདུག་གི་རེད་ཀྱང་ལབ་འདུག རྒྱུ་མཚན་ནི་ཆུ་རྡུལ་ཕྲ་མོ་རེ་རེའི་སྟེང་གི་ལྗིད་ཚད་མར་ཆག་པས་རེད་འདུག
ང་རང་ངེ་པར་དུ་འགྲོ་གི་ཡིན། ཕལ་ཆེར་ཟླ་བ་དང་བར་ཐག་ཉེ་པོ་ཡོད་ས་རེད། ཟླ་བའི་ལྷ་མོ་ངེད་གཉིས་བར་སྣང་མགྲོན་ཁང་དེའི་ནང་ཆང་ས་རྒྱག་གི་ཡིན། དེ་དུས་བོད་རིགས་སྤུན་ཟླ་ཚང་མ་མགྲོན་འབོད་བྱ་ངེས་ཡིན་ནོ༎
ཨ་ཙི་བོད་མིའི་ཁྲོད་ནས་སྒོར་ས་ཡ་བཞི་ཙམ་སྤྲད་ནས་འགྲོ་འདོད་མཁན་ཡོད་དམ།
ཅི་སྟེ་ཡོད་ཚེ། འདི་ནི་ལོ་རྒྱུས་ཀྱི་ཟིན་ཐོ་འགོད་མཁན་ཙམ་ཞིག་མ་གཏོགས་ཆགས་མི་སྲིད།།
ང་ཚོ་བོད་པར་ཁ་ཚུར་འཁོར་ནས་བསམ་ན། དཔལ་འབྱོར་གྱི་ཐོག་ནས་འཛམ་གླིང་འདིར་ངོམ་རིན་ཡོད་པའི་འབྱོར་བདག་ཅིག་མེད་ཚོད་ཡིན་པ་འདྲ།
དེ་ཡང་བོད་པའི་བློ་ཕམ་གྱི་གནས་ཚུལ་ཞིག་རེད།།
ང་ཚོའི་ས་གནས་འདིར་ཨ་མདོ་བ་ཞིག་ཡོད་པས་ཨ་རིའི་སྤོ་ལོ་རྩེད་མཁན་སྐད་གྲགས་ཅན་ཞིག་གི་སྲིང་མོའི་མཉམ་དུ་ཆང་ས་བརྒྱབ་འདུག་པས། ཁོ་རང་ནི་བོད་པའི་ནང་གི་རྒྱུ་ནོར་ཆེ་ཤོས་ཤིག་རེད་འདུག་ལ། ཉེ་བའི་ཆར་ཁོས་ཨ་སྒོར་ས་ཡ་བཅུ་བདུན་གྱི་མ་རྩ་ཅན་གྱི་ཁང་བརྩེགས་ཆེན་པོ་ཞིག་གསར་རྒྱག་བྱེད་བཞིན་འདུག ཁོ་ལྟ་བུ་ཞིག་ལ་བར་སྣང་གི་མགྲོན་ཁང་དེར་འགྲོ་ཐུབ་པའི་གདེང་ཚོད་ཡོད་ཀྱང་རང་རེ་བོད་པའི་ལུགས་སྲོལ་ལ་སའི་གོ་ལའི་མཐའ་སྐོར་གྱི་བར་སྣང་ཞིག་ཏུ་ཉི་མ་གསུམ་གྱི་རིང་སྡོད་ཆེད་འགྲོ་སོང་ཆེན་པོ་དེ་འདྲ་ཞིག་གཏོང་འདོད་རྨི་ལམ་དུ་ཡང་ཡོད་པ་མ་རེད། གང་ལྟར་ང་རང་ཡང་སྔོན་མར་ཨ་རིར་ཡོང་དུས་བལ་ཡུལ་ནས་ཨ་རབ་དང་ཡོ་རོབ་བརྒྱུད་དེ་ཨ་རིར་འབྱོར་ཞིང་། ཕྱིར་ལོག་དུས་ཉིག་ཡོར་ཁུ་ནས་འཇར་ཕན་དང་ཐ་ཡེ་ལན་བརྒྱུད་ནས་བལ་ཡུལ་དུ་བསླེབས་སོང་བས། བར་སྣང་ཁམས་བརྒྱུད་ནས་སའི་གོ་ལར་སྐོར་བ་ཚར་གཅིག་བརྒྱབ་འདུག་པས། སྔོན་མའི་རྩྭ་ཐང་གི་འབྲོག་ཕྲུག་གཡག་ཞོན་ཞིག་གི་མི་ཚེ་ལ་ཕྱི་མིག་རེ་ལྟ་དུས་སའི་གོ་ལར་སྐོར་བ་ཐེངས་གཅིག་བརྒྱབ་པ་དེ་ཡང་དགའ་འོས་པའི་དོན་དག་ཆུང་ཆུང་ཞིག་ཏུ་བརྩི་ཆོག་པར་འདུག
དྲ་གྲོགས་ཚོ་བརྩད་ཆོད་དང་བར་སྣང་འགྲོན་ཁང་དེའི་ནང་ལས་ཀ་བྱེད་ནི་རེ་དགོས་ན་ཐོ་རྒྱབ་ཆོག་གི་རེད།
དེ་མིན་རྒྱལ་ཁབ་བོར་བས་སྐྱབས་བཅོལ་བ་ཞིག་གིས་ཨ་སྒོར་ས་ཡ་བཞི་དཀཌྷའ་རེ་ལ།་ངས་གོ་ཚུལ་ལྟར་ན་དེར་སྣེ་ལེན་ཁང་ཡོད་ས་མ་རེད།་་་ད་ཡ་ང་ཚོར་གོ་སྐབས་མེད་གི།་