བོད་རིག་པའི་མཁས་པ་ཆེན་པོ་ཞིག་ ཁ་སང་ གྲོངས་ཡོད་འདུག

Comments (16) on “བོད་རིག་པའི་མཁས་པ་ཆེན་པོ་ཞིག་ ཁ་སང་ གྲོངས་ཡོད་འདུག”

1. རབ་གསལ་ལགས་ཀྱིས་གསུངས་པ་བཞིན། མཁས་དབང་ཁོང་བོད་ཀྱི་དཔེ་རྙིང་སོགས་བདག་པོ་བརྒྱབ་པ་དང་འགྲེམ་སྤེལ་བྱེད་པར་བཀའ་འདྲིན་ཤིན་དུ་ཆེ། མཁས་དབང་ཁོང་གི་མཛད་པར་ལན་བརྒྱར་བསྟོད་དོ།

   ཞོར་ལ་ཞུ་རྒྱུར། ཚོགས་པ་དེའི་མིང་ལ། བོད་ཀྱི་ནང་བསྟན་དཔེ་ཚོགས་ལྟེ་གནས་ཅེས་དྲ་རྒྱའི་ཐོག་བཀོད་འདུག

2. རེད་རེད། ཁོང་དངོས་གནས་བོད་རིག་པའི་མཁས་པ་ཞིག་ཡིན་འདུག སྐུ་གྲོངས་པ་ལ་མྱ་ངན་ཞུ། མཛད་རྗེས་ལ་རྗེས་དྲན་ཞུ། སྐྱེ་བ་ཕུན་སུམ་ཚོགས་པ་ཞིག་ལེན་ཐུབ་པའི་རེ་སྨོན་བྱེད།

3. སྐུ་ཞབས་ཁོང་ནི་བོད་ཀྱི་རིག་གནས་དཔེ་གཞུང་ཉར་ཚགས་སོགས་གཙོས། བོད་ཀྱི་བསྟན་འགྲོའི་བདེ་རྩར་ཕྱག་ལས་ལོ་མང་གནང་མཁན་ཞིག་ཡིན་པས། དེ་རིང་འདི་ནས་གུས་འདུད་དང་བཅས་མྱ་ངན་ཞུ། །

4. ཚངས་དབྱངས་ལགས།
   ངེད་ཀྱིས་བྲེལ་བའི་དབང་གིས་འགོད་ནོར་ཐེབས་འདུག ད་བཅོས་ཡོད། ཐུགས་རྗེ་ཆེ།

5. ཁོང་གྲོངས་པ་དེར་དཔེ་མི་སྲིད་པའི་བློ་ཕམ་ཆེན་པོ་བྱུང་། ཡིན་ན་ཡང་ད་ནི་སྨོན་ལམ་རེ་བརྒྱབ་ནས་འདུག་པ་ལས་ཐབས་ཅི་ཡོད། ས་སྐྱ་ཕུན་ཕོའི་བདག་ཆེན་དང་བདག་མོར་ཡང་སྙན་སེང་ཞུས་ཟིན་པ་ཡིན།

6. སངས་རྒྱས་ཀྱི་སྐུ་ལས་སངས་རྒྱས་ཀྱི་གསུང་རྩ་ཆེ་བར་གཟིགས་པའི་བོད་རིག་པའི་མཁས་དབང་ཞིག་ཉུང་དུ་ཕྱིན་པ་ནི། མྱ་ངན་གུས་དུད་དང་སྨོན་ལམ་བཅས།

7. ཇིན་ སི་མི་ཐི་ལགས་རྗེས་དྲན་གྱི་ཚིག་ཁ་ཤས་ཞུ་རྒྱུར།

   བོད་ཡིག་གི་དཔེ་རྙིང་བསྡུ་སྒྲིག་ལ་སྐད་གྲགས་ཆེ་བའི་བོད་རིག་པའི་མཁས་པ་འདིར་ ༢༠༠༨ ལོའི་དཔྱིད་ཀར་ཐེངས་གཉིས་ལ་ཐུག་སོང་། ཐེངས་གཅིག་ནི་ཁོང་གི་ནེའུ་ཡོག་གི་ནང་བསྟན་དཔེ་ཚོགས་ལྟེ་གནས་ཟེར་བ་དེར་བོད་རིག་པའི་མཁས་པའི་བགྲོ་གླེང་ཞིག་གི་ཐོག་ཏུ་ཐུག་སོང་། ཉིན་མ་དེའི་བགྲོ་གླེང་ནི་ཨ་རིའི་བོད་རིག་པའི་མཁས་པ་ཚོ་བོད་ཀྱི་ཆུ་ཕྲན་ཆུང་ངུར་ལུས་ཏེ། རྒྱ་མཚོའི་ཐག་ཉེ་ལའང་སླེབས་ཐུབ་ཀྱི་མེད་པའི་གནད་དོན་དེར་བྱ་ཐབས་ཅི་ཞིག་ཡོད་མེད་ཀྱི་བགྲོ་གླེང་རེད། ཚོགས་འདུའི་གཏམ་བཤད་གནང་མཁན་གཙོ་བོ་ནི། Janet རྒྱ་མཚོ་ཞེས་པའི་བུད་མེད་དེ་རེད་ལ། ཁོང་གིས་ ༢༠༠༣ ལོར་དབྱིན་ཇིའི་ཨོག་སི་སློབ་གྲྭ་ཆེན་མོ་རུ་བོད་རིག་པའི་ཚོགས་འདུ་འཚོགས་སྐབས། བོད་རིག་པའི་ཞིབ་འཇུག་མང་ཆེ་བའི་བརྗོད་གཞི་ནི་ཞིབ་འཇུག་ཅེས་བཤད་ཀྱི་ཡོད་པ་མ་གཏོགས། དོན་དངོས་སུ་ད་དུང་ཡང་ངོ་སྤྲོད་ཙམ་གྱི་ཚད་དུ་ལུས་ཡོད་པ་རེད་ཅེས་བཤད་པ་ལྟར། ཉིན་མོ་དེར་ཡང་ཁོ་མོས་བརྗོད་གཞི་འདིའི་ཐོག་ལ་གཏམ་བཤད་འདྲ་ཆགས་པོ་ཙམ་མིན་པར། སྐད་ཆ་དྲང་བཞག་གི་ཐོག་ནས་བཤད་སོང་ཨང་སྙམ་པའི་ཚོར་སྣང་བྱུང་།
   ང་ནི་སྐབས་དེར་ནེའུ་ཡོག་ཏུ་བདུན་ཕྲག་གཅིག་གི་རིང་ལ་ལས་དོན་ཞིག་གི་ཆེད་དུ་སོང་བ་ཡིན་ཞིང་། ཚོགས་ཐོག་དེར་ཀོ་ལིམ་སྦི་ཡ་སློབ་གྲྭ་ཆེན་མོའི་དགེ་རྒན་ཁ་ཤས་ཀྱི་མཉམ་དུ་དམིགས་ཡུལ་མེད་པར་འཁྱམ་མེ་ལྡོམ་མེར་སླེབས་པ་ཞིག་ཡིན། ཉིན་མ་དེའི་ཚོགས་ཐོག་ཏུ་ ཨིན་ཌི་ཨ་ནཱ་སློབ་གྲྭ་ཆེན་མོའི་ སི་སྤིར་ལིན་ལགས་ཀྱིས་མཚོན་པའི་ཨ་རིའི་བོད་རིག་པའི་མཁས་པ་དང་སློབ་མ་མང་པོ་ཞིག་འཛོམས་འདུག་མོད། ཡིན་ནའང་བོད་པ་ནི་ང་གཅིག་པུ་རེད།
   སྐབས་ཞིག་ལ། ཕྱི་རྒྱལ་རྒད་པོ་ཞིག་གིས་འཛུམ་དམུལ་དམུལ་གྱིས་ང་ལ་བཀྲ་ཤིས་བདེ་ལེགས་ཞེས་ཟེར་ཞིང་། ངའི་འཁྲིས་ཀྱི་གྲོགས་པོས་ཁོང་ནི་ ཇིན་ སི་མི་ཐི་ལགས་རེད་ཅེས་ངོ་སྤྲོད་གནང་བྱུང་། ཁོང་གི་མིང་ནི་ཡང་ཡང་གོ་མྱོང་མོད། མི་དངོས་སུ་མཐོང་བ་ནི་ཉིན་མོ་་དེ་ཡིན། ཁོང་ནི་བོད་ཀྱི་དཔེ་ཆ་ཙམ་མིན་པར་བོད་མི་ལའང་བརྩེ་སེམས་འདུག་ཨང་བསམ་བྱུང་། ཁོང་གིས་ཚོགས་ཐོག་དེར་སྐད་ཆ་ཚིག་གཅིག་ཀྱང་བཤད་མ་སོང་ལ། མཁས་ཉམས་དང་རྫིག་ཉམས་མི་སྟོན་པར་ཉམས་ཆུང་ཞི་དུལ་གྱི་ངང་དུ་གནས་མཁན་ཞིག་ཡིན་པའི་ཚོར་སྣང་སྤྲད་བྱུང་།
   ད་ནངས་དགེ་གྲོགས་ཞིག་གིས་ཇིན་ སི་མི་ཐི་ལགས་གྲོངས་འདུག་ཅེས་བཤད་སྐབས། ངའི་སེམས་སུ་ཇིན་ སི་མི་ཐི་དགོངས་པ་རྫོགས་པའི་གནས་ཚུལ་ལས། བོད་རིག་པའི་མཁས་པ་ཟེར་བ་དེ་ཚོ་དོན་དངོས་སུ་ནུབ་ཕྱོགས་སྤྱི་ཚོགས་ཚན་རིག་དང་འབྲེལ་བའི་མཁས་པའི་ཁོངས་སུ་རྒྱུ་སྐར་ཁྲོད་ཀྱི་ཟླ་བ་ཞིག་གི་ཚུལ་དུ་ཡོད་དམ། ཡང་ན་རྒྱ་མཚོའི་ནང་གི་ཆུ་ཐིགས་ཙམ་གྱི་ཚུལ་དུ་ཡོད་མེད་ཀྱི་སྐད་ཆ་ཞིག་དྲ་གྲོགས་ཚོས་ཅིས་ཀྱང་བཤད་དགོས་ཀྱི་འདུག་བསམ་བྱུང་།

8. སྐུ་ཞབས་ཁོང་གི་བོད་ཀྱི་དཔེ་རྙིང་སྐོར་ཞིབ་འཇུག་དང་ཉར་ཚགས་དེ་བཞིན་ནང་ཆོས་ལ་ཡང་དོ་སྣང་ཆེན་པོ་ཡོད་པའི་
   ཕྱི་གླིང་བོད་རིག་པ་བ་གྲགས་ཆེན་ཞིག་འཇིག་རྟེན་འདི་དང་གསོན་བྲལ་དུ་སོང་བར་བློ་འགྱོད་དྲགས་པའི་གུས་བཏུད་ཞུ།
   དེ་དང་འབྲེལ་བོད་ཀྱི་ཆོས་རིག་ཐོག་ལ་མཁས་པའི་རྒན་རབས་པ་ཕལ་ཆེ་བ་ངེད་ཅག་དང་གཏན་དུ་ཞལ་བྲལ་ནས་ད་ཆར་རྒན་རབས་པ་ཉུང་ཤས་ལས་ལྷག་མེད། ཁ་བ་གངས་ཅན་པ་སྤྱིར་དང་ལྷག་པར་དུ་དེང་རབས་བོད་ཀྱི་ཤེས་ཡོན་པ་ཚོར་རང་མི་རིགས་ཀྱི་ཆོས་དང་སྐད་ཡིག་རིག་གཞུང་སོགས་ལ་ལྡོག་ཏུ་མེད་པའི་ལས་འགན་ཞིག་བབས་ཡོད་པས་ཁ་ཤགས་དང་མཁས་ཚུལ་ཙམ་མིན་པ་ཆོས་རིག་སོགས་རང་གིས་མཐར་ཕྱིན་པའི་འཛིན་སྐྱོང་སྤེལ་གསུམ་དགོས་པའི་དྲྲྲན་སྐུལ་
   ཚུལ་གྱི་འབད། རབས་གསལ་ལགས་ཀྱིས་བོད་ཀྱི་ནང་བསྟན་དཔེ་ཚོགས་ལྟེ་གནས་ཀྱི་དྲྭ་རྒྱ་ལས་བླང་ནས་བོད་ཡིག་ཐོག་སྤེལ་བ་ཐུགས་རྗེ་ཆེ། འོན་ཀྱང་བརྡ་དག་སྐོར་ཐུགས་གཟབ་གནང་རོགས། ༼ཁ་སང་གྲོངས་ཡོད་འདུག་༽
   ༼ཨ་ལགས་གཟན་དཀར་རིན་པོ་ཆེ་ཡང་ཁོང་གྲོངས་རྗེས་དེར་ཆུ་ཚད་འགའ་ཡི་རིང་ལྷན་བཞུགས་གནང་ཡོད་པ་རེད་༽ སོགས་དབྱིན་ཡིག་ནས་ཐད་སྒྱར་དེར་སྐབས་རེ་གོ་དོན་མི་མཚུངས་པ་འདྲ། དཔེ་ན་མི་གྲོངས་ཚ་ནས་དེའི་
   ལྷན་དུ་བཞུགས་ཟེར་བར་གོ་རྒྱུ་མེད།

9. དེ་སྔོན་ནེའུ་ཡོག་ཏུ་ཡོད་པའི་ཁོང་གི་ཡིག་ཚང་དེར་འགྲོ་མྱོང་། གུས་པར་ཕྱག་དཔེ་དཀོན་པོ་ཁ་ཤས་པར་ལོག་བསྐྱོན་ནས་གནང་བྱུང་། བཀའ་དྲིན་ཆེན་པོ་ཡིན། ཁོང་གི་སྐུ་ཚེར་གང་པོར་འཛམ་གླིང་ནང་ཁྱད་དུ་འཕགས་ཤིང་འཇིག་ལ་ཉེ་བའི་བོད་ཀྱི་རིག་གཞུང་གི་སྙིང་བཅུད་འདི་ཉིད་ཡུན་གནས་ཡོང་རྒྱུར་བྱས་རྗེས་ཆེན་པོ་བཞག་པས་བློ་བུར་དགོངས་པ་རྫོགས་པར་བློ་ཕམ་དགོས་པ་ཞིག་ཡིན།

10. xxxxxxxxxxxxxxxxxxxxxx།

11. ཉིན་ཞིག་ཁོང་གིས་འདི་འདྲ་ཞིག་གསུངས་འདུག ང་ལ་སྐྱེས་དམན་དང་བུ་ཕྲུག་མེད། ང་ལ་བུ་ཕྲུག་ཟེར་ན། སྐྱེས་དམན་ཟེར་ན་བོད་ཀྱི་དཔེ་ཆ་འདི་དག་རེད། ཟེར། མི་གྲངས་ཉུང་བའི་མི་རིགས་འདི་འདྲ་ཞིག་ལ་དཔེ་ཆ་འདི་འདྲ་མང་པོ་ཞིག་ཡོད་མཁན་འཛམ་གླིང་སྟེང་ན་ཡོད་པ་མ་རེད། ཟེར་བ་གོ་ཐོས་བྱུང་། ལྷག་པར་དུས་རབས་བཅུ་དྲག་དང་བཅུ་བདུན་ནང་ལ་ཨ་མདོའི་ཕྱོགས་སུ་གསུང་འབུམ་ཅན་གྱི་མཁས་པའི་གྲངས་འབོར་ཆེན་པོ་བྱུང་འདུག་ཟེར།

12. མེ་ཏོག་གི་ཆུན་པོ་ཞིག
    འདས་པོ་དེའི་དུར་ཕུང་གི་མདུན་དུ།
    དད་འདུན་གྱི་སྨོན་ལམ་ཞིག
    མྱ་ངན་གྱི་མགོ་བོ་དུད་ནས།
    ཕྱི་མའི་ལམ་རྒྱགས་ཀྱི་ཚུལ་དུ།
    བར་དོའི་ཕྱོགས་སུ་བསྲིངས།
    སྐུ་ཚེ་གང་བོར།
    བོད་ཀྱི་ཆོས་དང་རིག་གཞུང་གི་ཆེད་དུ་ཕྱག་ལས་གནང་བ་ནི།
    ཧྭ་ཚིན་ཆུ་བོ་བཞིན་དུ་ནམ་ཡང་རྒྱུན་ཆད་མ་མྱོང་།
    ནུབ་ཕྱོགས་སུ་ནང་པའི་བསྟན་པ་འདི་སྤེལ་བ་ལ།
    མཐུན་རྐྱེན་ཟླ་མེད་དུ་བསྐྲུན་ཞིང་།
    རིག་གཞུང་ཕོ་བྲང་དཔེ་མཛོད་ཁང་ནི།
    རང་དབང་ལྷ་མོའི་ཕྱག་གི་དཔལ་འབར་བཞིན།
    ནེའུ་ཡོག་ནས་དུས་གཏན་དུ་འབར་ཞིང་།
    འོད་མདངས་འཛམ་གླིང་ཡོངས་ལ།
    དུས་རྟག་ཏུ་ཉམས་པ་མེད་པར་འཕྲོ་བར་ཤོག

13. ཚང་མས་དམ་པ་ཁོང་གི་རྗེས་སུ་སློབས།

14. དམ་པ་ཁོང་བློ་བུར་དུ་སྐུ་གཤེགས་པར་བློ་འགྱོད་ཆེན་པོ་བྱུང་བ་དང་ཆབས་ཅིག་ཁོང་ཉིད་མྱུར་དུ་བོད་ཀྱི་ཆོས་དང་རིག་གཞུང་ལ་སྨར་པའི་སྐྱེ་བུ་དམ་པ་ཞིག་གི་སྐྱེ་བར་བླངས་ཏེ་སླར་ཡང་རང་གི་དགའ་སྣང་བྱེད་སའི་བོད་ཀྱི་ཆོས་རིགས་ཀྱི་བྱ་བའི་འཇུག་སྐྱོངས་བྱེད་པ་པོ་ཞིག་ཏུ་འཁྲུངས་པའི་བསྔོ་སྨོན་ཞུ་བཞིན་ཡོད།
    ཁོང་ནི་བོད་ཀྱི་ཆོས་ལུགས་དང་ཆོས་རྒྱུད་རིས་སུ་མ་ཕྱེ་བའི་དཔེ་གཞུང་ལ་གཟིགས་རྒྱ་ཤིན་ཏུ་ཆེ་བ་ཞིག་ཡིན་པར་མ་ཟད་དཔེ་དཀོན་གྱི་གསུང་པོད་སྟོང་ཕྲག་མང་པོ་རྒྱལ་ས་དྷི་ལི་ནས་དཔར་སྐྲུན་བྱས་ཏེ་ཤིན་ཏུ་ཉག་ཕྲ་བའི་དུས་སུ་བོད་ཀྱི་ཆོས་རིག་གི་བསྟན་པ་སྤེལ་བ་པོ་ཡི་བསྟན་འཛིན་གྱི་སྐྱེ་བུ་ཞིག་ཀྱང་ལོས་ཡིན། ངོས་ལ་ལྟ་བུར་ཆ་བཞག་ན་ནེའུ་ཡོག་དང་རྒྱ་གར་སོགས་སུ་ཁོང་ཐེང་མང་མཇལ་ཕྲད་བྱུང་བ་མ་ཟད་ཁོང་གི་བརྒྱུད་ནས་དཔེ་དཀོན་གྱི་རིགས་དང་ངག་ལམ་ནས་བོད་ཀྱི་ལོ་རྒྱུས་དོན་སྙིང་ལྡན་པ་མང་པོ་ཞིག་ཐོབ་པའི་བསྐལ་པ་བྱུང། ལྷག་པར་དུ་༢༠༠༧་ལོར་ནེ་འུ་ཡོག་ཏུ་ཡོད་པའི་ཁོང་རང་ཉིད་སྐུ་དངོས་ང་ལ་ཐུག་འཕྲད་དུ་ཕེབས་པས་མ་ཟད་ཁོང་གི་ལས་ཁུང་དུ་མགྲོན་འབོད་བྱས་ཏེ་དཔེ་དཀོན་རིགས་དང་དེ་བཞིན་ཞལ་ཐང་དང་སྐུ་འདྲ་རྙིང་པ་སོགས་ཤིན་ཏུ་དཀོན་པའི་རིགས་ཀྱི་སྐུ་གཟུགས་གསུང་རབས་མཆོད་རྟེན་ལས་སོགས་མིག་ལམ་དུ་མཇལ་བའི་གོ་སྐབས་བཟང་པོ་ཐོབ་མྱོང།
    གཞན་ཡང་༢༠༠༩་ལོར་གདན་ས་སྨན་རིར་ཆེད་དུ་ཕེབས་ཏེ་གཡུང་དྲུང་བོན་གྱི་དཔེ་མཛོད་ལ་དཔེ་རྙིང་མང་པོ་ཞིག་ཕུལ་བ་མ་ཟད་དེང་དུས་ཀྱི་གློག་ཀླད་དང་གསུང་རབས་དཔེ་སྐྲུན་གྱི་འཕྲུལ་ཆ་གསར་ཐོན་རིགས་ཨ་རི་ནས་ཁྱེར་ཏེ་མཐུན་རྐྱེན་སྦྱར་ཞིང་དེ་དག་ལག་ཏུ་ཇི་ལྟར་ལེན་ཚུལ་གྱི་སློབ་སྟོན་གྱི་ཆེད་ལས་ཀྱི་མི་སྣ་ཡང་དངོས་སུ་གཏོང་གནང་གིས་བཀའ་དྲིན་བླ་ན་མེད་པར་བསྩལ་ཡོད།
    ཁོང་ནི་རིས་སུ་མ་ཕྱེ་བའི་ཆོས་རྒྱུད་ཆོས་ལུགས་ཀྱི་མི་སྣ་འདྲ་མིན་གྱི་གྲོགས་པོ་ཡོད་པ་མ་ཟད། ༧སྐྱབས་རྗེ༧སྨན་རིའི་ཁྲི་འཛིན་རིན་པོ་ཆེ་མཆོག་ནི་ཁོང་གི་གྲོགས་པོ་རྙིང་པ་ཞིག་ཀྱང་ཡིན།

15. དམ་པ་ཡིན་མིན་ངས་མི་ཤེས། འོན་ཀྱང་ལོ་རྒྱུས་རིང་པོ་ཞེ་དྲག་འདུག། ད་ཅི་ཡིན་ཡང་མི་ནི་འཇིག་རྟེན་དེ་ནས་རྒྱངས་རིང་ཞིག་ལ་གྱེས་ཚར་བ་ཡིན་པས་ལུང་སྟོང་གི་སྤྱང་ཀི་ངུས་ནས་ཅི་ལ་ཕན། དེ་ལས་བོད་ཀྱི་ཞལ་གཏམ་ལ་ཁ་ཁུ་སིམ་བཞུགས་ན་ཁ་རྩོད་མེད། མགོ་ཞ་མོས་གཡོགས་ན་རླུང་བུ་ལྡང་། ཡ་་་་་་་་་་་་་་་་་ཡ་་་་་་་་་་་་་ཡ་་་་་་་་་་་་་་་་་་་་ཡ་་་་་་་་་་་་་་་ཡ

16. ཁོང་ལ་རྗེས་དྲན་དང། ཁོང་གི་སྐྱེ་བ་བཟང་པོ་ཞིག་ཐོབ་པའི་སྨོན་ལམ་ཡོད།