ཤར་ཕྱོགས་ཁུག་རྟ།
དབུ་ཁྲིད་ཚད་ལྡན་རྣམས་ཀྱང་མི་ཡིན། མི་ཡིན་པས་ནོར་འཁྲུལ་ཡོང་བ་བཤད་མི་དགོས། ནོར་འཁྲུལ་ཤོར་བ་མིའི་རང་གཤིས་སུ་གྲུབ། ཆོས་པ་ཚོར་ནོར་འཁྲུལ་ཤོར་ན། སྔར་བཤགས་ཕྱིས་སྡོམ་གྱི་ལམ་ཁ་ཡོད་ལ། ཆབ་སྲིད་ཐད་ཀྱི་བྱས་ཉེས་དང་ནོར་འཁྲུལ་སྲུང་སྡོམ་ཡོང་ཕྱིར། ལུང་པ་ཚང་མར་ཁྲིམས་རེ་ཡོད། ཕལ་མོ་ཆེས་ཁྲིམས་ལ་བརྩི་ཞིང་། ཁྲིམས་ཀྱི་མདུན་སར་ཚང་མ་འདྲ་མཉམ་ཡིན།
ཁྱད་དུ་འཕགས་པ་ཞིག་ནི། བོད་གངས་ཅན་ལ། རང་གི་ཐུན་མོང་མིན་པའི་རིག་གནས་ཀྱིས་བསྐྲུན་པའི་རྒྱུ་འབྲས་དང་བཟང་སྤྱོད་ཀྱི་ཁྲིམས་ཤིག་ཡོད། དེས་ནོར་བ་ཡོ་བསྲང་། ལམ་ནོར་ལྡོག་ཤེས། ངན་གཡོ་དྲང་པོར་བསྒྱུར་ཐུབ། ཡབ་མེས་དམ་པ་དག་གིས་ལོ་ངོ་སྟོང་ཕྲག་མང་པོར་སྐུ་ངལ་ཁྱད་བསད་ཀྱིས་བསྐྲུན་པའི། མི་རིགས་ཀྱི་རིག་གནས་ཀྱིས་ཐོན་སྐྱེད་བྱས་པའི་གཤིས་ཀ་དང་ཁྲིམས་སྒྲིག་དེ་དག་ནི། རང་ཅག་བོད་མི་རིགས་ཀྱིས་ས་སྒང་འདིར་འཚོ་བ་བསྐྱལ་བྱེད་ཀྱི་གཞི་རྟེན་དུ་གྱུར་ཡོད། རྒྱལ་ཁབ་དང་མི་རིགས་མང་པོས་རང་རང་སོ་སོར་ཕུལ་བྱུང་རིག་གནས་དང་གོམས་གཤིས་ཀྱི་གཞི་རྟེན་ཡོད་མེད་ལ་མ་ལྟོས་པར། མི་མང་གི་མངོན་འདོད་ཁྲིམས་སུ་བཟོས་ཏེ། ཁྲིམས་དེས་ཕྱིར་མི་རིགས་དེ་དང་རྒྱལ་ཁབ་དེར་དབང་བསྒྱུར་བྱེད་བཞིན་པར་སུས་ཀྱང་བསྙོན་དུ་མེད།
རང་ཅག་བོད་མི་ཚོར་མཚོན་ན། ལྷག་པར་ང་ཚོའི་འཐབ་རྩོད་ཀྱི་སྙིང་དོན་ནས་བཤད་ཀྱང་། བོད་མི་རིགས་ཀྱི་ཐུན་མིན་ཁྱད་ཆོས་རྣམས་རྒྱུན་སྲིང་དར་སྤེལ་གནང་དོན་ནི། མི་རིགས་བྱེ་བྲག་པ་ཞིག་གི་སྒེར་དོན་ཁོ་ནའི་ཆེད་མིན་པར། བོད་ཀྱི་ཐུན་མིན་ཁྱད་ཆོས་རྣམས་དེང་དུས་འཁྲུག་ཆ་དོད་པའི་སྤྱི་ཚོགས་འདིའི་སྣོད་བཅུད་གཉིས་ཀའི་འཚོ་གནས་ཚད་ལྡན་རྒྱུན་སྲིང་ཡོང་ཕྱིར་ཕན་ཐོགས་ངེས་ཅན་ཡོད་པ། ༧གོང་ས་ཆེན་པོས་འཇིག་རྟེན་ཧྲིལ་བོར་ཚད་མའི་ལམ་ནས་ངོ་སྤྲོད་གསལ་བོ་གནང་ཟིན་པས། བོད་མི་རིགས་འཚོ་གནས་དགོས་པའི་འཐབ་རྩོད་ཀྱི་བདེན་དོན་ནི་འཇིག་རྟེན་ཧྲིལ་བོའི་བདེ་རྩར་འབྲེལ་བ་ཞིག་ཡིན།
༧གོང་ས་ཆེན་པོས་དུས་རབས་ཕྱེད་ལྷག་རིང་། འཛམ་གླིང་གང་སར་འཇིག་རྟེན་ཀུན་ཁྱབ་ཀྱི་ཐུགས་འགན་དང་། ཆོས་དང་མ་འབྲེལ་བའི་བཟང་སྤྱོད། བོད་མི་རིགས་འཚོ་གནས་བརྟན་བརླིང་དགོས་པའི་གནད་འགག་གསུམ་གཙོ་བོར་བཟུང་སྟེ་མཛད་བཟང་མཐའ་ཡས་པ་བསྐྱངས་ཤིང་། དེའི་ནང་རྒྱལ་སྲིད་ཀྱི་ཐུགས་འགན་བཙན་གྱིས་མི་མང་ལ་གནང་བའང་། བོད་མི་རིགས་ཀྱི་བདེན་དོན་འཐབ་རྩོད་ཀྱི་སྤྱི་བྱེའི་ལས་འགུལ་ཡོངས་རྫོགས། དྲང་བདེན་སྙིང་བོར་འཛིན་པར་ཞུམ་པ་མེད་པའི་སྒྲིག་འཛུགས་ཤིག་མི་མང་གིས་ཕྱི་གསལ་ནང་གསལ། ཁྲིམས་ཀྱིས་དབང་བསྒྱུར་བའི་ལམ་ནས་རྒྱུན་མཐུད་ཐུབ་ཆེད་རེད།
འོན་ཀྱང་ཉེ་བའི་ལོ་འདི་འགར་དགོངས་གཞི་དེ་དག་ལམ་དུ་ལྷོང་རྒྱུར་སྲིད་སྐྱོང་མཆོག་གིས་ཁྱད་དུ་འཕགས་པའི་ནུས་པ་འདོན་ཐུབ་མེད་ལ། ༧གོང་ས་ཆེན་པོའི་དགོངས་གཞི་དང་དྲིན་ཤེས་པའི་རྣམ་འགྱུར་ཡང་ཇེ་ཞན་དུ་སོང་བ་ཡོང་གྲངས་ཡིན། ལྷག་པར་མི་མང་གི་ཚོར་བ་ཆེས་རྣོ་བའི་སྲིད་སྐྱོང་འོས་བསྡུ་ཆེན་མོའི་ལས་རིམ་ནང་། གནད་དོན་ཆེ་ཁག་གཉིས་ཏེ། ཨ་རིའི་དོན་ཁང་ནང་༧གོང་ས་ཆེན་པོའི་སྐུ་པར་བཤམས་སྟངས་དང་། དུས་དབང་ཕྱིར་འགྱངས་སྐོར་གྱི་གླེང་རྙོག་ལས་འཕྲོས་ཏེ། སྲིད་འགན་རྩིས་སྤྲོད་གནང་རྗེས་ཀྱི་དབུ་ཁྲིད་ནས། མི་མང་ལ་ཐུགས་འགན་བཞེས་ཕྱོགས་ཀྱི་ཆོད་སེམས་གཏིང་ཟབ་པོ་དང་དྲང་པོ་མིན་པ་ཇེ་གསལ་དུ་སོང་ཡོད།
སྐབས་བཅོ་ལྔ་པའི་གྲོས་ཚོགས་ཚོགས་དུས་བརྒྱད་པའི་ལས་ཉིན་བཅུ་བར། བྱང་ཨ་རིའི་སྤྱི་འཐུས་བཀྲ་ཤིས་རྣམ་རྒྱལ་ལགས་ཀྱིས་སྲིད་སྐྱོང་མཆོག་ལ་ཨ་རིའི་དོན་ཁང་ནང་༧གོང་ས་མཆོག་གི་སྐུ་པར་བཤམས་སྟངས་སྐོར་བཀའ་འདྲི་ཞུ་སྐབས། དེ་འབྲེལ་སྤྱི་འཐུས་བཅུ་གཅིག་གིས་འཕྲོས་དོན་དྲི་བ་ཉེར་གསུམ་བཏང་ཡང་དྲང་པོ་དང་ཐུགས་འགན་བཞེས་པའི་རྣམ་པ་ཅན་གྱི་ལན་འདེབས་གང་ཡང་གནང་མེད་པ། གྲོས་ཚོགས་ལས་རིམ་ནས་ཀུན་གྱིས་ཤེས་གསལ་རེད། ༼འདི་ནས་གཟིགས། https://www.youtube.com/watch?v=32c5ftJA_Hs&sns=fb ༽
ཨ་རིའི་དོན་ཁང་གི་ངོ་གདོང་མཚོན་པའི་རྩིག་གྱང་། གཡས་གཡོན་གཉིས་སུ་ཨ་རི་དང་ཁེ་ན་སྒྲ བོད་བཅས་ཀྱི་དར་ཆ་བསླངས་བ་དེའི་དཀྱིལ་དུ་༧གོང་ས་མཆོག་གི་སྐུ་པར་མ་བཤམས་པར། སྲིད་སྐྱོང་མཆོག་གི་སྐུ་པར་གཙོ་བོའི་རྣམ་པར་བཤམས་པའི་ཚབས་ཆེའི་ནོར་འཁྲུལ་དེ། བོད་ཀྱི་ལོ་རྒྱུས་དང་རིག་གནས། ཆོས་ལུགས། ད་ལྟའི་དངོས་ཡོད་གནས་ཚུལ་སོགས་གང་ནས་བལྟས་ཀྱང་ལམ་སེང་ཞལ་བཞེས་གནང་སྟེ་དགོངས་སེལ་ཞུ་དགོས་ཀྱང་། ”༧གོང་ས་མཆོག་གི་སྐུ་པར་མང་པོ་ཡོད། མཆོད་བཤམས་ནང་བཞག་ཡོད་” སོགས་བོད་མི་ཚོ་སྐྱི་གཡའ་བའི་ལན་གཅིག་གིས་མཐའ་ལ་སྐྱེལ། སྤྱི་འཐུས་རྣམ་པ་དང་རྩོམ་པ་པོ་ཚོས་སྐབས་དེར་སྲིད་སྐྱོང་མཆོག་གི་སྐུ་པར་བཤམས་པ་མི་འགྲིག་ཅེས་གསུང་མེད་ལ། མ་འགྲིག་པ་ནི་༧གོང་ས་མཆོག་གི་སྐུ་པར་ལས་ཀྱང་སྲིད་སྐྱོང་གི་སྐུ་པར་གལ་ཆེར་བརྩིས་པ་ནོར་འཁྲུལ་ཚབས་ཆེན་རེད་ཅེས་ཞུས་ཀྱང་། སྐྱོན་སྐྱོན་དུ་གཟིགས་ནས་ངོས་ལེན་རྩ་བ་ནས་གནང་མེད། ཡིན་ནའང་། ཉེ་སྔོན་ཨ་རི་དང་སུད་སིར་མི་མང་ལ་གཏམ་བཤད་སྐབས། ད་དུང་མུ་མཐུད་སྔོན་གཏམ་བསྐྱར་བཤད་གནང་། དེ་ལྟར་གནང་ན་མི་མང་ལ་དབུ་བསྐོར་ཞུས་པ་མ་རེད་དམ།
བོད་ཀྱི་སྲོག་ཤིང་དང་བོད་མི་ས་ཡ་དྲུག་གི་ཆིག་སྒྲིལ་གྱི་སྙིང་སྟོབས་མཚོན་པའི་༧གོང་ས་སྐྱབས་མགོན་པོ་ཆེན་པོ་ལྟ་བུའི་དབུ་ཁྲིད་ཅིག བྱུང་རབས་ནང་དུའང་མི་འདུག་ལ། མ་འོངས་པར་ཡང་ཡོང་ཐུབ་མིན་ད་ལྟའི་གནས་བབ་ནས་ལྟོས་ན་ཡོང་གཞི་མེད། མི་རིགས་དང་རྒྱལ་ཁབ་གང་ཡིན་རུང་། མི་རབས་ནས་མི་རབས་སུ་སྤོབས་པ་དང་མཚོན་དོན་གྱི་ངོ་བོར་ངོས་འཛིན་གནང་བའི་གང་ཟག་དག་གི་རླབས་ཆེན་གྱི་ནུས་པ་ནི་བརྗོད་ཐབས་མེད། ཚད་གཟུང་དུ་མེད། མཐོང་ཐུབ་ཀྱང་མེད་པས་༧གོང་ས་སྐྱབས་མགོན་ཆེན་པོའི་གཟི་བརྗིད་ཀྱང་དེ་བཞིན་རེད། བོད་མི་རིགས་ཀྱི་སྲོག་ཤིང་ངོས་འཛིན་གསལ་བོ་མ་གནང་བར། ཧམ་པ་ཆེན་པོས་༧གོང་ས་མཆོག་གི་སྐུ་པར་ལས་སྲིད་སྐྱོང་གི་སྐུ་པར་གལ་ཆེར་བརྩིས་པ་ནི་ཆོས་སྲིད་གང་ནས་ཀྱང་ཧ་ཅང་མ་འོས་པ་རེད། དེའི་ཆ་ནས་ནོར་འཁྲུལ་ངོས་ལེན་དང་མི་མང་ལ་དབུ་བསྐོར་ཞུ་མི་ཉན་པའི་ཐུགས་སྤོབས་རྒྱུད་ལ་སྐྱེ་ཐུབ་གནང་དགོས།
གནད་དོན་གལ་ཆེ་གཞན་ཞིག་ནི། དུས་འཁོར་དབང་ཆེན་འོས་ཤོག་ཆེད་བེད་སྤྱོད་བྱེད་བློ་འཁོར་བ་དེ་རེད། སྲིད་སྐྱོང་མཆོག་གིས་ཅིའི་ཕྱིར་དུས་དབང་འོས་བསྡུའི་སྐེད་མཚམས་གནང་རྒྱུར་གསོལ་འདེབས་ཞུས་པ་རེད། བཀའ་ཤག་སྐབས་བཅུ་བཞི་པའི་ལས་ཡུན་རྫོགས་ལ་ཉེ་དུས། སྲིད་སྐྱོང་རྗེས་མ་ཡང་འོས་འདེམས་གནང་ཟིན་པའི་བར་དེར། སྐབས་བཅུ་བཞི་པའི་བཀའ་ཤག་གི་ལས་མཇུག་བཀྲ་ཤིས་ལོ་ལེགས་ངང་མཇུག་སྡོམ་སྐབས་དུས་དབང་གནང་རྒྱུར་གསོལ་འདེབས་ཞུས་ན། ཆོས་ཆོས་སུ་འགྲོ་བ་ཁོ་ཐག་ཆོད་ནས་བོད་ཀྱི་ལྷ་མི་ཡོངས་རྫོགས་ཅི་ལ་མི་དགའ་ཡང་། དེ་ལྟར་མ་གནང་དོན་ཅི་རེད། དེ་དྲི་བ་གཅིག་རེད།
གཉིས་ནས་བཀའ་ཤག་གིས་ཡར་ཞུས་ཡིན། གོང་ནས་མར་ཕེབས་སོང་ཞེས་སྔ་ཕྱི་འགལ་བའི་གསལ་བསྒྲགས་གཉིས་སྤེལ། འགལ་བ་གསལ་བོ་ཡིན་བཞིན་དུ་ཞལ་བཞེས་མ་གནང་བའི་ཁར། གསལ་བསྒྲགས་ནང་མདུན་ལ་ཐོན་སྟངས་བཀའ་ཤག་གིས་ཡར་ཞུས་པ་ཡིན་ཚུལ་མ་བསྒྲགས་པར། སྨན་བཅོས་ཆེད་དུས་དབང་ཕྱིར་འགྱངས་གནང་ཚུལ་བསྒྲགས་ན་མི་མང་ནང་བརྡབ་གསིག་འགྲོ་གི་དོགས་ཀྱིས་གསུང་སྟངས་མཁས་པོ་གནང་བ་ཡིན་ཟེར། མི་མང་ནང་བརྡབ་གསིག་འགྲོ་གཞིར་དགོངས་པ་དངོས་གནས་བཞེས་ཡོད་ན། ཉེ་སྔོན་༧གོང་ས་མཆོག་སྨན་བཅོས་ཆིབས་བསྒྱུར་གནང་ཤུལ་དུ། གནས་ཆུང་ཆོས་རྒྱལ་ཆེན་པོས་གནང་བའི་ཞབས་རིམ་ལ་བཀའ་ཤག་གི་ཛ་དྲག་བཀོད་ཁྱབ་ཅེས་པའི་མིང་བཏགས་ཏེ།
ཆོས་རིག་ལས་ཁུངས་ཀྱིས་༼ཛ་དྲག་༽ཅེས་པའི་ཁ་བྱང་འོག་ “སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིར་སྐུ་གཟུགས་བརྟག་དཔྱད་དང་འཕྲོད་བཞེས་སྨན་བཅོས་སླད་ཕེབས་ཐོན་གནང་ཟིན་ཡོད་པར” ཞེས་གསལ་བསྒྲགས་ཡིག་ངག་གཉིས་ནས་སྤེལ་དོན་ཅི་ཡིན་ནམ།
༢༠༡༥ ཟླ ༨ པའི་ནང་མི་མང་ལ་བརྡབ་གསིག་འགྲོ་ཉེན་དང་། ༢༠༡༦ ཟླ ༡ ནང་གསལ་བསྒྲགས་སྤེལ་དོན་དེས་བརྡབ་གསིག་མི་འགྲོ་བའི་རྒྱུ་མཚན་ཅི་ཡོད། མ་གཞི་ནས་༧གོང་ས་ཆེན་པོའི་སྐུའི་བསྙུང་གཞི་ཛ་དྲག་མིན་པ་གྷ་གྷལ་གནམ་ཐང་ནས་༧གོང་ས་མཆོག་རང་གི་ཞལ་ནས་གསུངས་ཟིན་པ། སྲིད་སྐྱོང་གིས་ཚིག་ཇི་བཞིན་ནེའུ་ཡོག་མི་མང་ལ་གསུངས་སོང་བས། མཁྱེན་བཞིན་དུ་ཛ་དྲག་ཅི་ལ་བཟོས་པ་ཡིན་ནམ། ཡང་ན་སྨན་པས་ཛ་དྲག་རེད་ཅེས་གསུངས་པ་རེད་དམ། ཛ་དྲག་གསལ་བསྒྲགས་སྤེལ་བའི་སྐབས་དེར་ཏག་ཏག་མི་མང་གིས་སྲིད་སྐྱོང་མཆོག་གིས་ཚོགས་གཙོའི་མཉམ་བགྲོ་གླེང་གནང་གི་མི་འདུག་ཅེས་པའི་ལབ་གླེང་འཕྱུར་བཞིན་པའི་སྒང་རེད། ཛ་དྲག་གསལ་བསྒྲགས་དེ་ཡང་སྙིང་ཞབས་རིམ་གྱི་ཆེད་དུ་ཡིན་ནམ། ཡང་ན་མི་མང་གི་ལབ་གླེང་ལྷིང་འཇགས་ཡོང་ཆེད་ཡིན་ནམ།
ད་དུང་རིགས་པ་རྐྱང་པའི་ངོས་ནས་དེད་ཀྱང་། དུས་དབང་སྐོར་ལ་དྲི་བ་གྲངས་མེད་ཡོད་ནའང་། སྲིད་སྐྱོང་འོས་མི་ཚོགས་གཙོ་སྤེན་པ་ཚེ་རིང་མཆོག་གིས་ནམ་ལངས་ལངས། ཉི་མ་ཤར་ཤར་གསུང་བཞིན་པས། དྲི་བ་དེ་དག་མཚམས་བཞག་སྟེ། ངེད་ཅག་མི་མང་ལ་དྲི་བ་མང་པོ་ཡོང་དགོས་པའི་རྒྱུ་མཚན་འདི་དག་གི་རྒྱབ་ན། ཡང་སྙིང་ཅི་ཞིག་འདུག་གམ་ཞེས་ཐུགས་དོགས་ཤིག་ཤར་ན། དེ་ནི་ཏན་ཏན་དོན་གྱི་འབབ་ས་དེ། ༧གོང་ས་སྐྱབས་མགོན་ཆེན་པོར་གུས་བརྩི་ཚད་ལྡན་ཞུ་རྒྱུའི་གཟུངས་བཞུགས་མེད་པ་དང་། མཛད་དཀའ་གཏོད་ཀྱི་ཡོད་པའི་གནས་བབ་རིམ་གསལ་དུ་འགྲོ་གི་ཡོད་པས་རེད། དེའི་ཆ་ནས་ཡིད་སྐྱོ་ཞིང་ཞེ་ཁྲེལ་བའི་ཚོར་བ་འགོག་མེད་ཅིག་ཀུན་ལ་ཡོང་རྒྱུ་ཡིན་པ་ནི་བརྗོད་ག་ལ་དགོས།
གུས་པ། ལོ་ལྔའི་རིང་སྲིད་སྐྱོང་མཆོག་གི་སྤྱན་རྡེབ་སྟངས་ཚུན་ལ་རྒྱུས་མངའ་གསལ་བོ་བྱུང་ཡོད་ནའང་། འོས་བསྡུའི་སྐབས་མཚམས་གནད་དོན་གལ་ཆེའི་ཐད་བདེན་པ་མིན་པའི་བཀའ་མོལ་གསུང་ན་མ་གཏོགས། ཡིག་ངག་གཉིས་ནས་ཅི་ཡང་མི་ཞུ་བ་རྒྱུན་འཁྱོངས་བྱེད་མུས་ཡིན་ཀྱང་། མིག་ལྡན་ཀུན་ལ་གསལ་བོ་གྱུར་ཟིན་པའི་གནད་དོན་སྟེང་དུའང་། ད་དུང་དྲང་པོས་བཀའ་ལན་དང་བྱམས་པའི་ཐུགས་ཀྱིས་ནོར་འཁྲུལ་ངོས་ལེན་གནང་རྒྱུ་ལྟ་ཅི། དབུ་ན་གནམ་དང་ཞབས་ན་ས་མ་གཏོགས་འགན་འཁུར་དགོས་ས་གང་ཡང་མེད་པའི་ཚུལ་གྱིས། སུ་གང་ལའང་ལྟོས་མེད་ཀྱིས། སྤྱང་གྲུང་ཆེ་མདོག་ནི་བློན་ཆེན་མགར་སྟོང་བཙན་ལྟ་བུར་རློམ་ཏེ། དོན་ལ་མངོན་སུམ་རྐྱང་རྐྱང་ལ་བསྙོན་པ་འདི་ཡག་པོ་མ་རེད་ཅེས་མ་ཞུ་ཐབས་མེད་ཆགས་སོང་། འདི་ནི་བོད་ཀྱི་ལོ་རྒྱུས་ལ་འགན་འཁུར་ནས་བྲིས་པ་ལས། འོས་བསྡུའི་སྐབས་ཀྱི་བསམ་ཚུལ་ཙམ་མིན།། བདེན་པ་རྒྱལ་ལོ། དབུ་མའི་ལམ་རྒྱལ་ལོ།།
༢༠༡༦། ༢། ༢༥། ཉིན།།
སྐྱོན་བརྗོད་པ་པོ་ཤར་ཁུག་ཡིན་ཙམ་བདེན་རྫུན་གང་ཞིག་ཡིན་ཡང་མི་ཚོས་ལས་སླ་པོར་ཁས་ལེན་གྱི་མ་རེད། མ་གཞི་ཤར་ཁུག་ལ་དྲང་པོ་ཞིག་དང་མེད།
ཀླུ་ཁྲི་ཟླ་འོད་ལགས་ཀྱི་ངོ་དེབ་ནས་བཤུས།
བློ་གཟུ་བོར་གནས་ཤིང་གནས་ལུགས་ཉན་ཤེས་མཁན་དག་ལ་གནས་ལུགས་གསོན་པོ་ཞིག་བཤད་ཡོད། གནས་ལུགས་ཉན་མི་ཤེས་པར་ཞེན་ཁོག་ཁོ་ནའི་དབང་དུ་འགྲོ་མཁན་ཚོའི་སྙིང་ལ་གྲི་གཙགས་ཤིག་བྱས་བཞག་ཡོད།
ང་ལ་མཚོན་ན་སྤྱི་འཐུས་ཚོགས་གཙོ་མཆོག་ལ་གུས་བཀུར་བྱེད་ཀྱི་ཡོད་ལ་གཞི་མེད་སྐྱོན་འཛུགས་གང་ཡང་བྱེད་མྱོང་མེད། འོན་ཀྱང་ཁོང་གི་རྒྱབ་སྐྱོར་བ་ཁག་ཅིག་གི་བྱ་སྤྱོད་ནི་ཧ་ཅང་སྐྱུག་བྲོ་པོ་རེད། ངས་རང་གི་རྒྱབ་སྐྱོར་ཞུ་སའི་སྲིད་སྐྱོང་འོས་མི་བློ་བཟང་སེང་གེ་མཆོག་གི་ཡོན་ཏན་བསྒྲགས་པ་དང་། ཁོང་ལ་གཞི་མེད་སྐྱོན་འཛུགས་བྱེད་མཁན་ཚོར་གསལ་བཤད་དང་བདེན་པ་ར་སྤྲོད་ཀྱིས་ལེན་འདེབས་བྱེད་པ་ལས་ཆོལ་ཁའི་སྐད་ཆ་བཤད་ནས་དབྱེན་དཀྲུག་བྱས་པ་དང་། དོན་མེད་མི་ལ་ཚིག་ངན་བཤད་ནས་སུན་པོ་བཟོས་བཞག་པ་གང་ཡང་མེད། འོན་ཀྱང་བདེ་སྒྲོལ་དང་འཇིགས་མེད་ཊིས་ལྷ་ཞོལ་ཟེར་བ་འདི་གཉིས་ཀྱིས་ངས་དབྱེན་དཀྲུག་བྱེད་ཀྱི་འདུག་ཟེར་ནས་ངའི་ངོ་དེབ་ཁྱབ་བསྒྲགས་བྱས་པ་དང་ང་རྒྱ་མིའི་རྒྱུག་ཁྱི་རེད་མདོག་བཤད་སོང་། དོན་ངོ་མ་ཆོལ་ཁའི་དབྱེན་དཀྲུག་བྱེད་མཁན་ནི་ང་མིན་པར་དབུས་གཙང་དང་མདོ་སྨད་དབུས་རྒྱུན་ནང་གི་མི་ཁ་ཤས་རེད། དེ་ཡང་ཡིན་ཏེ། སྲིད་སྐྱོང་དང་ཤར་ཁུག་གཉིས་ཀྱི་འགལ་ཟླས་རྐྱེན་པས་མདོ་སྨད་ཀྱི་མི་མང་པོ་ཞིག་གིས་སྲིད་སྐྱོང་ལ་སྡང་ཟུག་བྱེད་ཀྱི་ཡོད་ཅིང་། ཟླ་བ་ཚེ་རིང་སོགས་དབུས་གཙང་དབུས་རྒྱུན་གྱི་མི་མགོ་བདེ་པོ་ཁ་ཤས་ཀྱིས་གོ་སྐབས་དེ་བཟུང་ནས་མདོ་སྨད་སྤྱི་འཐུས་སྤེན་པ་ཚེ་རིང་སྲིད་སྐྱོང་འོས་མིར་སྟོན་ནས་སྲིད་སྐྱོང་ལས་ཐོག་བློ་སེང་ཕམ་པར་རྒྱག་རྒྱུའི་ཐབས་ཇུས་མཐེན་ཡོད།
འོན་ཀྱང་མི་མང་གིས་ཁོ་ཚོའི་གཡོ་ཇུས་ལ་རྒྱབ་སྐྱོར་མ་ཐོབ་པར་སྲིད་སྐྱོང་མཆོག་གི་བྱས་རྗེས་ལ་ངོས་འཛིན་གྱིས་སྔོན་འགྲོའི་འོས་བསྡུའི་ནང་སྲིད་སྐྱོང་ལ་འོས་ཤོག་ཤུགས་ཆེར་བླུགས་ཡོད། དེས་རྐྱེན་པས་ཟླ་བ་ཚེ་རིང་དང་འཕྲིན་ལས་སྐལ་བཟང་སོགས་ཀྱིས་གངས་ཅན་གླིང་སོགས་སྐད་འཕྲིན་ཚོགས་པ་མང་པོ་བཙུགས་ནས། ཡིག་ངག་གཉིས་ཐོག་ནས་དབུས་གཙང་མི་མང་ལ་ཆོལ་ཞེན་དགོས་པའི་སྐུལ་མ་བྱས་པ་དང་། གཞིས་ཆགས་རྒན་རྒོན་ཚོའི་དད་པ་ལོག་སྤྱོད་ཀྱིས་སྲིད་སྐྱོང་གིས་ཨ་རིའི་དོན་ཁང་གི་གོང་ས་མཆོག་གི་སྐུ་པར་མར་ཕབ་ནས་རང་གི་པར་ཡར་བཞག་པ་རེད་ཅེས་མགོ་སྐོར་བཏང་བ་སོགས་བྱེད་རྒྱུ་ཡོད་ཚད་བྱས་ཡོད། མདོ་སྨད་དབུས་རྒྱུན་ཐོག་མར་བརྟན་པོ་འདྲ་ཞིག་གནས་ཡོད་ཀྱང་རྗེས་སུ་ཟླ་བ་ཚེ་རིང་སོགས་ཀྱི་གཡོ་ཇུས་འོག་ལ་ཚུད་ནས་སྤེན་པ་ཚེ་རིང་ལ་རྒྱབ་སྐྱོར་དགོས་པའི་བསྒྲགས་གཏམ་སྤེལ་ཏེ་ཆོལ་ཁ་དཔུང་སྒྲིག་གི་རྣམ་པ་གསལ་པོ་ཐོན་ཡོད། དེ་ལྟར་ཡིན་པ་ནི་ཉེ་ཆར་བཀྲམ་པའི་མདོ་སྨད་དབུས་རྒྱུན་གྱི་བསྒྲགས་གཏམ་ནང་། ༼དབུས་གཙང་ཆོལ་ཁ་དང་། མངའ་རིས་སྤྱི་མཐུན་ཚོགས་པ། མདོ་སྨད་ཆོལ་ཁ་བཅས་ཀྱི་དབུས་རྒྱུན་ལས་རྣམས་པ་ལྷན་འཛོམ་ཐོག ས་གནས་སོ་སོར་སྲིད་སྐྱོང་འོས་མི་སྤྱི་འཐུས་ཚོགས་གཙོ་སྤེན་པ་ཚེ་རིང་གི་རྒྱབ་སྐྱོར་ཚོགས་ཆུང་རེ་འཛུག་རྒྱུ་གཏན་ཁེལ་བྱུང་ཡོད༽ ཅེས་པ་འདིས་གསལ་པོ་སྟན་ཡོད།
འདི་ལྟར་ཕྱོགས་ཡོངས་ནས་ལྟས་ཡོང་དུས་དབུས་གཙང་དང་མདོ་སྨད་ཀྱི་མི་ཁག་ཅིག་གིས་ཁམས་པ་ཚོས་ཆོལ་ཞེན་བྱེད་ཀྱི་འདུག་ཅེས་འུར་སྒྲོག་མང་པོ་ཞིག་བྱས་སོང་རུང་། དོན་ངོ་མ་ད་བར་དུ་ཁམས་པའི་ཚོགས་པ་སྒྲིག་འཛུགས་གང་གིས་ཀྱང་སྲིད་སྐྱོང་འོས་མི་སྟོན་པ་དང་ལས་ཐོག་སྲིད་སྐྱོང་ལ་རྒྱབ་སྐྱོར་དགོས་པའི་སྐུལ་མ་བྱེད་པ་སོགས་བྱས་མ་སོང་། ཁམས་པའི་མི་རེ་ཟུང་གིས་ཆོལ་ཞེན་གྱི་སྐད་ཆ་འདྲ་མིན་བཤད་ཡོད་སྲིད་ཀྱང་དེ་ནི་མི་སྒེར་གྱི་ལྟ་ཚུལ་ཙམ་ལས་ཁམས་པ་ཡོང་ཀྱི་ཚབ་མཚོན་མི་ཐུབ། འོན་ཀྱང་ཆོལ་ཁ་གང་དང་གང་གི་ཚོགས་སྐྱིད་ཁག་ནི་ཆོལ་ཁ་དེ་དང་དེའི་ཚབ་མཚོན་ལྟ་བུ་ཡིན་པས་དེ་ཚོས་ཆོལ་ཞེན་གྱི་རྣམ་པ་སྟོན་པ་ནི་དེ་དང་གཏན་ནས་མི་འདྲ། འོན་ཀྱང་དབུས་གཙང་དང་མདོ་སྨད་མི་མང་ཆོལ་ཞེན་གྱི་དབང་དུ་འགྲོ་ཡི་མེད་པ་སྔོན་འགྲོའི་འོས་སྡུས་གསལ་པོ་སྟན་ཡོད་ལ། མ་འོང་པར་ཡང་ཆོལ་ཞེན་གྱི་དབང་དུ་མི་འགྲོ་བའི་ཡིད་ཆེས་བརྒྱ་ཆ་བརྒྱ་བྱེད་ཀྱི་ཡོད། གལ་སྲིད་དངོས་གཞིའི་འོས་བསྡུའི་ནང་སྔོན་འགྲོའི་འོས་བསྡུས་ལྡོག་ཕྱོགས་ཀྱི་གྲུབ་འབྲས་ཤིག་ཐོན་པ་ཡིན་ན། དེ་ནི་དབུས་གཙང་དང་མདོ་སྨད་མི་མང་མི་མགོ་བདེ་པོ་ཁ་ཤས་ཀྱི་ཁ་རྗེས་ལྕེ་རྗེས་སུ་འབྲང་གི་ཡོད་པ་དང་སྤྱི་སེམས་བོར་ནས་ཆོལ་ཞེན་གྱི་དབང་དུ་ཤོར་སོང་བར་ངོས་འཛིན་མ་བྱས་རང་བྱས་རེད་ལ། དེ་ནས་བཟུང་སྟེ་ཆོལ་གསུམ་རྡོག་རྩ་གཅིག་སྒྲིག་ཟེར་བའི་སྐད་ཆ་སྙན་པོ་དེ་ཡང་འཇུག་སྒྲིལ་སོང་བ་རེད།
འོས་ཐེང་བཅུ་འཕེན་ཡང་རང་འཇགས་ལས་ད་དུང་སྔོན་འགྲོ་ནས་མར་ཉུང་དུ་འགྲོ་སྲིད་དེ་ནི་ཕྱོགས་མང་བའི་སྐྱོན་རེད།
ཧཧཧཧཧ་་དགོད་བྲོ་ལ། གོང་གི་མཆན་གཉིས་པའི་སྐད་ཆ་རིང་མོ་དེའི་སྡོམ་ཚིག་ནི་བློ་སེང་ལ་རྒྱལ་ཁ་མ་ཐོབ་ན་ཆིག་སྒྲིལ་ཟེར་བ་ཡོད་མ་རེད་ཅེས་པ་དེ་རེད། མདོར་ན་ཚང་མས་བློ་སེང་ལ་འོས་བླུགས་དགོས་པ་དེ་རེད། དབུས་གཙང་གི་མི་ཁ་ཤས་དང་མདོ་སྨད་ཀྱི་མི་ཤེས་ཟེར་བ་སོགས་ནི་ལོག་འཁྲུལ་གྱི་སྐད་ཆ་རང་རེད། སུ་ལ་འོས་ཐོབ་རུང་མ་ཐོབ་རུང་། མི་ཁ་ཤས་ཀྱིས་དབུས་གཙང་དང་མདོ་སྨད་མི་མང་གི་བསམ་བློའི་ཁ་ལོ་བསྒྱུར་ཐུབ་པར་བཤད་པ་ནི་རང་དཔེ་གཞན་བཀབ་རང་རེད་ལ། དབུས་གཙང་དང་མདོ་སྨད་མི་མང་ལ་མཐོང་ཆུང་དང་ཁྱད་གསོད་རང་རེད། ངས་ནི་མདོ་དབུས་ཁམས་གསུམ་མི་མང་ཡོད་ཚད་ཀྱིས་བློ་སེང་དང་སྤེན་ཚེ་གཉིས་ཀྱི་ཕྱི་ནང་གི་ལྗི་ཚད་དེ་སྲང་ལ་གཞལ་ནས་འོས་བླུག་རྒྱུ་དེ་གལ་ཆེ་བར་མཐོང་གི་འདུག དེ་ཡང་། འདས་པའི་ལས་དོན་བྱེད་ཕྱོགས་དང་། འབྱུང་གྱུར་ལ་རེ་བ་གང་ཞིག་ཡོད་མིན་དག་རྒྱ་མར་བཀྱག་ནས་འོས་བླུག་དགོས་པ་དེ་གལ་ཆེན་ནང་གི་དོན་ཆེན་དུ་མཐོང་གི་འདུག་ལ། རང་ཉིད་ཀྱིས་ཀྱང་སྲང་མདའ་དེའི་སྟེང་ནས་འོས་བླུགས་ཡོད་ལ་བླུག་རྒྱུ་ཡིན། མཐའ་མིའི་རྒྱལ་ཁ་སུ་ལ་ཐོབ་ཀྱང་། དེ་མི་མང་གི་མངོན་འདོད་ལ་བརྩིས་ནས་གུས་ཞབས་ཞུ་རྒྱུའང་། རང་ཉིད་ཀྱི་དམ་བཅའ་དང་མངོན་འདོད་ཡིན།
“ཁྲིམས་ཀྱི་ཁྲིམས་ཀྱི་མདུན་སར་ཚང་མ་འདྲ་མཉམ་ཡིན།”
འདིར་མདུན་སའི་དག་ཆ་དངོས་མ་གཞན་ཞིག་དགོས་ཀྱང་བོད་ཀྱི་རིང་ལུགས་ཉམས་པའི་རྟགས་སུ། ཤར་ཕྱོགས་ཁུག་རྟ་ལེགས་ཀྱིས་ཀྱང་དག་ཆ་ལ་ལྟོས་དགོས་མེད་པར་བྲིས་སོ།
ནུབ་ཕྱོགས་ཀྱི་ཆབ་སྲིད་མཁན་པོ་དག་གིས། ཆབ་སྲིད་པ་དང་ཆབས་གདན་ཡང་ཡང་བརྗེ་དགོས་པའི་བསྡོམས་ཤིག་སོ་སོས་མྱོང་བས་གཏན་ལ་ཕབ་ཡོད། ཆབ་སྲིད་པ་བརྗེ་མ་ཐུབ་ན། མང་གཙོའི་དོན་མི་འཁྱོལ། དེ་ལས་གུང་བྲན་གྱིས་བཤད་པའི་བཟང་ངོ་། །འདིར་གཞེན་བསྐུལ་ཞུ་འདོད་པ་ཞིག་ཏུ། ༸གོང་ས་མཆོག་གི་མཚན་རྩེད་ཆས་མ་གནང་རོགས། ཁོང་ལ་དད་དམ་གཡོ་མེད་ཡིན་ན། སྙིང་ཁོང་དུ་གནས་དགོས་ལས། ༸སྐུ་པར་གཅིག་གཅིག་དང་། དུས་དབང་གཉིས་གཉིས། ༸སྐུས་བསྙུན་བཞེས་གསུམ་གསུམ་སོགས་ཁུངས་མེད། དཔང་མེད། ལུང་མེད། དགོས་མེད་སོགས་མེད་པ་རྐྱང་རྐྱང་འུར་གྱིན་འདུག་ན། སོ་སོའང་ཁྲེལ་མེད། ཁ་ཡོད་ལག་མེད། མཐོང་དང་ཆ་འཇོག་མེད་པ་སོགས་མེད་པར་འགྱུར་ཡོང་ངོ་། །
གུང་བྲན་གྱིས་བཤད་པའི་།ཞེས་ཁ་གསབ་མཛོད།
གུང་བྲན་གྱིས་བཤད་པའི་༼དམངས་གཙོ་༽ཞེས་ཁ་གསབ་གནང་རོགས།
བློ་སེང་ལ་རྒྱལ་ཁ་མ་ཐོབ་ན་ཆིག་སྒྲིལ་ཡོང་ཐབས་མེད་པ་འདི་དབུས་གཙང་དབུས་རྒྱུན་དང་མདོ་སྨད་དབུས་རྒྱུན་གཉིས་ཀྱིས་བཟོས་སོང་། འདི་གཉིས་ཀྱིས་ཆོལ་ཁ་དཔུང་སྒྲིག་གི་རྣམ་པ་སྟན་པ་མ་ཟད་ཆོལ་ཞེན་དགོས་པའི་སྐུལ་མ་བྱས་སོང་། སྔོན་འགྲོའི་འོས་བསྡུ་ནང་བློ་སེང་ལ་རྒྱལ་ཁ་ཐོབ་ཡོད་བཞིན་དུ་དངོས་གཞི་ནང་ལ་འགྱུར་བ་སོང་ན་དེ་ནི་ཆོལ་ཞེན་སྤེལ་བའི་ངན་འབྲས་ཡིན་པ་གསལ་པོ་རེད། དེ་ལྟར་ན་ཆོལ་ཁའི་མཐུན་སྒྲིལ་ཇི་ལྟར་ཡོང་སྟེ་ཡོང་ཐབས་མེད་པ་རེད།
ཤར་ཁུང་ལགས་ནས་ངོ་མ་ཡག་པོ་བྲིས་འདུག་ཐུགས་རྗེ་ཆེ།
མདུན་ས་དང་འདུན་སའི་ཁྱད། དང་པོ། མདུན་གྱི་ས་དང་། གཉིས་པ། འདུས་པའི་ས་ཡིན། དེ་ཡང་། གདུགས་དཀར་ན། ཆོས་བཟང་ལྷ་ཡི་འདུན་ས་ན། ཞེས་པ་ལྟ་བུ། འདུས་དང་འདུན་གཉིས་རྗེས་འཇུག་ལ་འགྱུར་བ་མཆིས། སློབ་དཔོན་འདུན་བཟང་དང་། སློབ་དཔོན་འདུས་བཟང་སྟེ། ཟན་དང་། ཟས་ཞེས་པ་ལྟ་བུའོ།
་ཇེ་ཞན་དུ་སོང་བ་ཡོང་གྲངས་ཡིན།
འདི།
་ཇེ་ཞན་དུ་སོང་བ་ཡོང་གྲགས་ཡིན།
་
བརྒྱད་པའི་ལས་ཉིན་བཅུ་བར།
འདི།
བརྒྱད་པའི་ལས་ཉིན་བཅུ་པར།
་
བརྡབ་གསིག་འགྲོ་གི་དོགས་ཀྱིས་
འདི།
བརྡབ་གསིག་འགྲོ་བགྱི་དོགས་ཀྱིས་
་
མིག་ལྡན་ཀུན་ལ་གསལ་བོ་གྱུར་ཟིན་པ
འདི།
མིག་ལྡན་ཀུན་ལ་གསལ་པོ་གྱུར་ཟིན་པ
འདི་ན་ཡང་བགད་རྒྱུ་ཞིག་འདུག ” སྔོན་འགྲོའི་འོས་བསྡུ་ནང་བློ་སེང་ལ་རྒྱལ་ཁ་ཐོབ་ཡོད་བཞིན་དུ་དངོས་གཞི་ནང་ལ་འགྱུར་བ་སོང་ན་དེ་ནི་ཆོལ་ཞེན་སྤེལ་བའི་ངན་འབྲས་ཡིན་པ་གསལ་པོ་རེད།”རེད་ཟེར། དེ་ལྟར་ན། མང་གཙོའི་འོས་བསྡུའི་བརྒྱུད་རིམ་ནང་དུ་སྔོན་འགྲོ་དང་དངོས་གཞི་ཞེས་པའི་ལས་རིམ་དག་དགོས་ཡས་མི་འདུག མི་རྒྱུ་གཉིས་ཀྱི་འགྲོ་སོང་ཆེ་རོགས་རེད། སྔོན་འགྲོ་ད་ག་རང་གིས་ཆོག་པ་བྱས་ན། འོན་ཀྱང་། སྔོན་དངོས་གཉིས་ཀྱི་འགྲོ་ལུགས་ནི་མང་གཙོ་རྒྱལ་ཁབ་ཀུན་ཏུ་ལག་བསྟར་བྱེད་བཞིན་པའི་འོས་བསྡུའི་ལས་རིམ་ཞིག་རེད་ལ། ང་ཚོ་གནས་ཡུལ་རྒྱ་གར་གཙོས་པའི་མང་གཙོ་ཚད་ལྡན་གྱི་རྒྱལ་ཁབ་ཁག་གི་ནང་དུའང་། སྔོན་འགྲོའི་སྐབས་རྒྱལ་ཁ་ཐོབ་མཁན་མང་དག་གཅིག དངོས་གཞིའི་སྐབས་ཕམ་ཁ་ཉོ་མཁན་དུ་གྱུར་བ་མང་པོ་སྣང་རྒྱུ་ཡོད་པ་ལས་ཀྱང་ཤེས་ནུས་པ་ཞིག་རེད། དེ་མིན་འདས་པའི་འོས་བསྡུ་དག་ལ་བལྟས་ནའང་སྤྱི་ཡོངས་དབུས་གཙང་རྒྱ་ཆེའི་མི་མང་ནི་ཆོལ་ཞེན་བྱེད་ཤེས་མཁན་ཞིག་མ་རེད་ལ། མི་རེ་གཉིས་ཀྱི་བསམ་བློའི་བྲན་གཡོག་ཏུ་མཛུབ་མོ་གང་བསྟན་ཤར་དུ་བརྩི་མཁན་དེ་འདྲའང་མ་རེད། དེ་ལྟར་ཡིན་པར་ཨ་ཚུགས་ཀྱིས་རློམས་ན། དབུས་གཙང་རྒྱ་ཆེའི་མི་མང་ལ་མཐོང་ཆུང་དང་ཁྱད་གསོད་འབའ་ཞིག་རེད། དེ་བཞིན་མདོ་སྟོད་སྨད་ཀྱི་རྒྱ་ཆེའི་མི་མང་ཡང་དྲིལ་བུ་གང་བཞག་བླ་མའི་ཕྱག་མིན་པར་ཡང་ངོས་འཛིན་ཞུ་གི་ཡོད།
བདུད་བྷེ་འདི། བདུད་རྦད་འབྲི་དགོས་མིན་ནམ་སྙམ་ཡང་། དཔྱད་པར་བྱའོ།།
ལུང་རྟོགས་དང་ཁྲི་ཟླ་འོད་གཉིས་ཀས་ཉོན། ནུས་པ་བཟློག་ཕྱོགས་ནས་ཐོན་ན། ཆོལ་གསུམ་རྡོག་རྩ་གཅིག་སྒྲིལ་ཟེར་བ་མཇུག་སྒྲིལ་སོང་ཟེར། གད་མོ་ལངས་པའི་སྐད་ཆ་དེ་འདྲ་མ་བཤད་རོགས། ཆོལ་གསུམ་གྱི་མཐུན་ལམ་དང་རྡོག་རྩ་གཅིག་སྒྲིལ་ད་ལྟ་བར་དུ། སུས་བཟུང་ཡོད་པ་དང་སུས་གཏོར་ཡོད་པ་ཟུར་བལྟས་ལེབ་མཐོང་མ་རེད་དམ། གཏོར་བཤིག་གཏོང་མཁན་ཚོས་སྔོན་ནས་ད་བར་བཏང་ཡོད་ཅིང་། དེ་ལས་ལྷག་ཅིག་ད་ཁོ་ཚོར་གཏང་རྒྱུ་མེད་ལ། གཏོང་བའི་ནུས་པ་དང་སྤོབས་པའང་མེད་པ་གསལ་བོ་ཡིན། ད་ཁ་ཕོ་བསྒྲག་མ་ཡོང་། ཆོད་མི་འདུག
དམངས་གཙོའི་འོས་བསྡུས་རྒྱུད་རིམ་ཚང་མ་ལ་སྔོན་དངོས་གཉིས་ཟེར་བ་ཞིག་ཡོད་མ་རེད། དཔེར་ན་ཐེ་ཝན་ལ་ལྟོས་དང་འོས་བསྡུ་ལེན་གཅིག་ལས་བྱས་མེད། མ་ཤེས་བཞིན་དུ་ཤེས་མདོག་བྱེད་ན་ངོ་ཚ་སྐྱེད་རེད། སྔོན་དངོས་གཉིས་ཡོད་མཁན་ཚོ་ལ་ཡང་སྔོན་འགྲོའི་ནང་རྒྱལ་ཁ་ཐོབ་སོང་ན། དམིགས་གསལ་གྱི་གནས་ཚུལ་ཚབ་ཆེན་དེ་འདྲ་བྱུང་ན་མ་གཏོགས་དངོས་གཞིའི་ནང་རྒྱལ་ཁ་ཐོབ་ཀྱི་རེད། སྔོན་འགྲོ་ནི་དངོས་གཞིའི་སྐབས་སུ་ལ་ཐོབ་མིན་གྱི་ཚོད་ལྟ་བྱེད་ས་ལྟ་བུ་རེད། དེས་ན་སྲིད་སྐྱོ་བློ་སེང་ལ་སྔོན་འགྲོའི་ནང་རྒྱལ་ཁ་ཤུགས་ཆེར་ཐོབ་ཡོད་པས་དམིགས་གསལ་གྱི་གནས་ཚུལ་བྱུང་ན་མ་གཏོགས་དངོས་གཞིའི་ནང་རྒྱལ་ཁ་ཐོབ་རྒྱུ་ངེས་པ་རེད། དམིགས་གསལ་གྱི་གནས་ཚུལ་གཞན་གང་ཡང་ཡོང་རྒྱུ་མེད་ཀྱང་ཚོགས་པ་སྐྱིད་སྡུག་ཚོས་དཔུང་སྒྲིག་གིས་ཆོལ་ཞེན་སྤེལ་སྟངས་འདིས་མི་མང་མགོ་སྐོར་ཐེབ་སྲིད་པ་རེད། དེ་ལྟར་ན་ཆོལ་ཞན་སྤེལ་བའི་ངན་འབྲས་མིན་ན་ཅི་རེད།
སྟར་བུ་དམར་པོ་ཉོན། བསམ་བཞིག་མེད་པའི་སྐད་ཆ་མ་བཤད་ན་བཟང་། དེ་སྔ་བར་དུ་བཙན་བྱོལ་ནས་བོད་ཆོལ་གསུམ་རྡོག་རྩ་གཅིག་སྒྲིལ་ཨོ་ཙམ་བྱུང་བ་འདི། བོད་མི་མང་ཡོངས་ཀྱིས་གོང་ས་མཆོག་ལ་ཚད་མཐོའི་དད་གུས་དང་རྩི་མཐོང་ཡོད་པ་དང་། ད་བར་དུ་ཁོང་གིས་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་གནང་བ་བཅས་ཀྱི་བདག་རྐྱེན་ལས་བྱུང་བ་རེད། གལ་ཏེ་གོང་ས་མཆོག་མ་བཞུགས་པའི་དུས་ཤིག་ལ་ད་ལྟའི་བྱེད་སྟངས་འདི་འདྲ་ཞིག་བྱུང་ན་བོད་པའི་སྤྱི་ཚོགས་འདི་ཁ་འཐོར་དགུ་འཐོར་ལ་འགྲོ་རྒྱུ་ཐག་ཆོད་པ་རེད། དེས་ན་ཚོགས་པ་དང་སྒེར་པ་སུ་ཡིན་ཡང་ད་ལྟ་ནས་ཆོལ་ཁའི་བར་ལ་ན་ཚ་བཟོ་བའི་བྱ་སྤྱོད་རིགས་ལ་གཟབ་ན་ཡག་གི་རེད།
ལུང་རྟོགས་མཆོག་གི་ཡི་གེ་དག་ཆ་ལེགས། བོད་མིང་ཚིག་སྟོར་བརླག་མི་འོང་བའི་ཕྱིར་དུ་། ཐེངས་ཀྱི་དོན་ལ་ལན་བྲིས་པར་དགའ་བསུ། འོན་ཀྱང་། འོས་བསྡུ་ལེན་གཅིག་ལས་བྱས་མེད། བོད་སྐད་དུ། ཨ་ཡིག་ཨེ་ཡིག་དང་། ཨེ་ཡིག་ཨ་རུ་འགྱུར་བ་དག་ལ་ནན་ཏན་མ་བྱས་རྒྱ་ནག་ཀྲིན་ཏུར་སྤར་པའི་བཀའ་བཏན་དཔེ་སྡུར་མའི་སློབ་དཔོན་ཤེས་འབྱུང་བློ་གྲོས་ཀྱིས་མཛད་པའི་སྤྱོད་འཇུག་འགྲེལ་པ་ན་ཡང་། ཨ་ཡིག་ཨེ་ཡིག་ཏུ་ཆགས་ཡོད་པར་ལོ་མང་སྔོན་དུ་མཐོང་། དེས་ན། འོས་བསྡུ་ལན་གཅིག་ལས་བྱས་མེད། ཅེས་པ་གཞུང་དཔེ་དག་དང་མཐུན་པས། ཡི་གེ་དག་ཆ་དག་ལ་གཟབ་པར་འཚལ་ཞུ༏
བདག་རང་གིས་བྲིས་པ་དག་ན། མ་དག་པར་བྲིས་ཤོར་དཔེ་ཆ་སྤར་ཟིན་པའི་རྗེས་སུ་མཐོང་བ་མང་དུ་ཡོད་དོ།
ཕྱིར་ཐོན་འགྲོ་མཁན་འགྲོ་རུ་ཆུགས། །
ནད་ཀྱིས་ན་མཁན་ན་རུ་ཆུགས། །
འཆི་བས་ཤི་མཁན་འཆི་རུ་ཆུགས། །
བོད་མིའི་སྒྲིག་འཛུགས་སྲ་རུ་ཆུགས། །
་
སྤེན་ཚེ་ཤོར་ན་ཤོར་དུ་ཆུགས། །
བློ་སེང་ཐོབ་ན་ཐོབ་ཏུ་ཆུགས། །
ཤར་ཁུག་ངུ་ན་ངུ་རུ་ཆུགས། །
བོད་མིའི་སྒྲིག་འཛུགས་བརྟན་དུ་ཆུགས། །
སྲིད་སྐྱོང་ལགས། སུད་སིར་ཕེབས་བསུ་དང་། གཏམ་བཤད།
https://www.youtube.com/watch?v=7mmgwjp72uI
བློ་སེང་སྲིད་སྐྱོང་སྐབས་རྗེས་མའི་སྐབས་ལ། བཀའ་བློན་ས་དམིགས་ཅིག་ས་སྟོང་ས་ཆགས་པ་ཡང་ལས་ཀ ལས་བདེ་རུ་ཕྱིན་སོང་སྙམ་མོ།།