ཨེ་མ་ཧོ།
ན་མོ་མ་ཧཱ་གུ་རུ་པདྨ་ཀ་ར་ཡེ།
༡༽ བཀའ་དྲིན་མཚུངས་ཟླ་དང་བྲལ་བའི། །
ཕན་བདེ་ཡི་གཏེར་མཛོད་དང་འཁོར་ཡུག །
འབྲོག་པའི་འཚོ་རྟེན་དང་ཞིང་ལས་ཀྱི། །
དྲིན་ཆེན་ཕ་མ་དངོས་དང་འདྲ་བའི་རྟ་ནོར་ལུག་སོགས་འགྲོ་བ་སྲོག་ཆགས་ཕྲ་མོ་སེམས་ཅན་ཡོངས་ཀྱི་མགོན་དཔུང་དམ་པ་རྒྱལ་པོ་ཆོས་སྤྱོད་སྐྱོང་བའི་ཀུན་མཁྱེན་བླ་མ་མཁྱེན་ནོ། །
༢༽ བླུན་པོ་ཚོའི་མིག་ནང་གི་ལིང་ཏོག །
ངན་པ་ཚོའི་སེམས་ནང་གི་ཆག་སྒོ།
འཛམ་གླིང་ཞི་བདེ་སྲོག་རྩ་བརྟན་པའི། །
གངས་ཅན་ཆོས་ལྡན་གྱི་ཞིང་ཁམས་སུ་ཞི་བདེ་མཚན་ཉིད་པའི་རྒྱལ་མཚན་བསྒྲེང་བའི་བརྩེ་དུང་རྒྱུན་ཆད་མེད་པའི་ཀུན་མཁྱེན་བླ་མ་ཚུལ་ཁྲིམས་བློ་གྲོས་ཁྱེད་མཁྱེན་ནོ། །
༣༽ མཐོན་པོའི་ཁྲི་ལ་མ་ཆགས། །
བཙན་པོ་གནམ་ལ་མ་འཇིགས། །
སྨུག་པོ་གདུང་གི་ལྷ་སྲས། །
དཔའ་མཛངས་བློ་གྲོས་སྟོབས་བཅུ་མངའ་བའི་རྒྱལ་བ་གཉིས་པ་བླ་རུང་པ་འམ་དད་ལྡན་མཐོ་རིས་འདྲེན་པའི་ཐུགས་རྗེ་ཅན་ཀུན་མཁྱེན་བླ་མ་ཚུལ་ཁྲིམས་བློ་གྲོས་ཁྱེད་མཁྱེན་ནོ། །
༤༽ སྔོན་མའི་ཆོས་རྒྱལ་དམ་པ་དང་། །
འཕགས་བོད་ཀྱི་མཁས་གྲུབ་ཐམས་ཅད་། །
གྲུབ་བརྙེས་ཀྱི་རིག་འཛིན་ཚང་མ། །
ཕྱོགས་དུས་རྒྱལ་བ་སྲས་དང་བཅས་པ། །
རྒྱལ་ཀུན་ཐུགས་ཀྱི་སྙིང་པོ་དགེ་བཅུའི་ཁྲིམས་བཟང་ངམ་ལས་རྒྱུ་འབྲས་རྟེན་འབྲེལ་བསླུ་བ་མེད་པར་ཕྱག་ལེན་དུ་འདེབས་པའི་ཆོས་རྒྱལ་ཆེན་པོ་ཀུན་མཁྱེན་བླ་མ་མཁྱེན་ནོ། །
༥༽ གྲྭ་བས་འཁོར་གཡོག་མི་དགོས། །
དམག་དམངས་ཀྱིས་སྐུ་བསྲུང་མི་དགོས། །
རྒྱུ་ནོར་གྱི་རྫོང་བར་མི་དགོས་པར། །
འདོད་ཆུང་ཆོག་ཤེས་ཀྱི་གྲུབ་ཐོབ་ཆེན་པོ་མཆོག་གིས་སྐྱེ་འགྲོ་ཡོངས་ལ་འཚེ་མེད་ཞི་བདེའི་བྱིན་རླབས་གནང་བའི་འགྲོ་དོན་སྟོབས་ཆེན་མཛད་པའི་ཀུན་མཁྱེན་བླ་མ་མཁྱེན་ནོ། །
༦༽ ནམ་མཁའ་ལྟར་ཕན་བདེའི་གོ་འགྱེད་ཅིང་། །
ས་གཞི་ལྟར་དགེ་ཚོགས་ཀྱི་བརྟེན་བྱེད་པ། །
ཆར་སྤྲིན་བཞིན་དུ་ལེགས་བཤད་ཀྱི་སྦྲང་ཆར་འཇོ་བའི། །
དུས་གསུམ་སངས་རྒྱས་ཐམས་ཅད་ཀྱི་འདུས་པའི་ངོ་བོ། རིགས་དང་དཀྱིལ་འཁོར་ཀུན་གྱི་ཁྱབ་བདག
ཀུན་མཁྱེན་བླ་མ་ཚུལ་ཁྲིམས་བློ་གྲོས་དཔལ་བཟང་པོ་ལ་ཕྱག་འཚལ་ལོ། །མཆོད་དོ། སྐྱབས་སུ་མཆིའོ། །
༧༽རང་གཞན་སེམས་ཅན་གྱི་མགོན་པོ། །
བསྟན་དང་འགྲོ་བ་ཡི་དེད་དཔོན། །
སྐྱབས་གནས་བསླུ་བ་མེད་པའི་དཀོན་མཆོག་ཀུན་འདུས། །
དཔལ་རྒྱལ་བའི་དབང་པོ་ཀུན་མཁྱེན་བླ་མ་ཚུལ་ཁྲིམས་བློ་གྲོས་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། །
མ་གྱུར་འགྲོ་བ་སེམས་ཅན་ཀུན་གྱིས་རང་བྱུང་རྫོགས་པ་ཆེན་པོའི་གནས་ལུགས་ཇི་ལྟ་བ་བཞིན་དུ་རྟོགས་པར་བྱིན་གྱིས་བརླབ་ཏུ་གསོལ། །
ཨོཾ་ཛྙྰ་ན་གུ་རུ་བཛྲ་སིདྡྷི་ཧྰུྃ། །
ཞེས་པ་འདི་ཡང་རབ་རྒྱན་ཆུ་སྦྲུལ་ཟླ་ཚེས་དགེ་བར་མ་ལ་ཡའི་ཨེ་ཝྃ་འཐེབ་རྩ་འཚོགས་པའི་ཟས་ཁང་ནས་རིག་འཛིན་ཨེ་མ་ཧོས་སྙིང་ནས་གསོལ་བ་འདེབས་པར་དགེའོ། །
རིག་འཛིན་ཨེ་མ་ཧོ་ལགས།
ཟས་ཁང་རེད། ཟ་ཁང་རེད། གང་དག་པ་རེད། ལགས།
ཡང་། ཁོས་དགོངས་གཏེར་ཡིན་འདོག་རེད། མཇེ་རྒོད་ཅན་ཁོས་བླ་རུང་མཁན་པོ་སར་ནས་ཡིག་གེ་རག་ཐབས་རེད་འདུག། གཟན་གཟབ་གནང་རིག
གསེར་རྟ་ནས་བྱུང་བའི་དགེ་བཅུའི་ཁྲིམས་སམ་སྲོལ་དང་འབྲེལ་བའི་དོན་དངོས་གནས་ཚུལ་སྣ་ཚོགས་ལས་ཁག་དང་པོ།
དངོས་ཚུལ་དང་པོ།
སྟོང་བཟའ་ཚོ་བ། མ་ཡི་མིང་ལ་རྩོག་སྡེས་ཟེར་ཞིང་བུ་ཡི་མིང་ལ་ཚེ་ཕྱུག་ཟེར། ཁོ་ནི་བསོད་དབང་ཟེར་བ་ཞིག་གི་བྱིས་ཕྲུག་ཡིན། ཁྱིམ་ན་ཁོ་ལ་བདག་བྱེད་པའི་ཕ་ངོ་མ་ཞིག་མེད་པས། ཁྱིམ་ཚང་རྒན་མོ་མོས་སྐོར་ཞིག་ཡིན། ཨུ་རྒྱན་ཚེ་རིས་ཟེར་བའི་དཔོན་པོ་དང་ཕྱུག་པོ་ཞིག་ཡོད། དེ་ཚང་གི་ཁྱིམ་རྐུས་བཙུགས་ནས་ཁོ་ལ་ཞོག དེ་རྗེས་བསྟན་དར་ལ་དྲིས་ནས། བསྟན་དར་གྱིས་མུ་མཐུད་དུ་རྩད་གཅོད་བྱས་པ་དང་། དགེ་བཅུ་ལ་ཕན་པ་ཡོད་ལ་དགེ་བཅུ་དག་བྱེད་ལ་ནུས་པ་ཐོན་ངེས་ཞིག་ཅིས་ཀྱང་བྱེད་དགོས་ཟེར་བས། དེ་ལ་ནན་མོས་ཞིབ་བཤེར་དང་རྡུང་རྡེག ཐ་ན་ཟ་མ་དང་གཅིན་སོགས་བཀག་པས། མཐར་ཨུ་ཐུག་ཐབས་ཟད་དུ་གྱུར་ནས། རང་སྲོག་མི་གཅོད་ཀ་མེད་དུ་གྱུར།
དངོས་ཚུལ་གཉིས་པ།
ཞོ་ཚང་གི་ཚོ་བ། རྭ་མང་པད་མ་ཟེར་བ་ཞིག་གིས་ཁོ་རང་གི་སྒོ་ཟོག་བཙོངས་པས་དགེ་ཁྲིམས་ལ་འགལ། དེའི་རྐྱེན་གྱིས་ཁོ་ལ་ཆོས་སྒོ་བརྒྱབ། དེ་རྗེས་དེ་ཚང་གི་བྱིས་པ་ཞིག་ཤི་བ་དང་། ཆོས་སྒོ་ཕྱེ་རྒྱུར་ཞུ་བ་མང་བོ་བཏོན་ཀྱང་ཆོས་སྒོ་མ་ཕྱེས། མཐར་བླ་སེར་གཅིག་ཀྱང་མ་ལོན་པར། སྡུག་ཐུག་ནས་བྱིས་པའི་རོ་དེ་ཁོ་རང་གིས་ཆུ་ནང་དུ་གཡུགས་དགོས་བྱུང་།
དངོས་ཚུལ་གསུམ་པ།
ཞོ་ཚང་ཚོ་བའི་སྟོང་གསལ་ཟེར་བ་ཞིག་གིས་སྒོ་ཟོག་བཙོངས་པས་དེ་ལ་ཆོས་སྒོ་བརྒྱབ། རྗེས་སུ་པད་གྲགས་ཟེར་བ་ཞིག་གིས་ཁོའི་ཆུང་མ་མེ་ཏོག་ཟེར་བ་བསད་པ་དང་ཁོ་རང་ཉིད་ལ་ཡང་རྨས་སྐྱོན་ཚབས་ཆེན་བཟོས། ཁོས་ཆུང་མ་ལ་དགེ་རྩ་བསྒྲུབ་སྐབས། དགེ་བསྐོས་དང་བསྟན་དར་སོགས་ཀྱིས་བླ་སེར་གཅིག་ཀྱང་འགྲོ་མི་ཆོག་པའི་ཁྲིམས་མཛད། རྗེས་སུ་དེ་བཤགས་པ་ལ་སྒོར་ཁྲི་གཅིག་དང་རྟ་བཤགས་ཤོར་བ་རེད།
དངོས་ཚུལ་བཞི་པ།
༢༠༠༧ལོར། སྟོང་བཟའ་བྷུད་དྷ་སྐྱབས་དང་། ཁེས་སྐོར་ལྷུན་འགྲུབ། ཞོ་ཚེ་དབང་གསུམ་ལ་དགེ་བཅུ་དག་ཐེར་སྐབས། མཆོད་རྟེན་ནང་གི་གནོད་སྦྱིན་བང་མཛོད་ཀྱི་རྐུ་བཙུགས། ཁོ་ཚོར་ཁས་ལེན་རྒྱུ་མེད་པས། གནས་དབྱུང་བྱེད་རྒྱུ་བྱས། མཐར་བྷུད་དྷ་སྐྱབས་དང་ལྷུན་འགྲུབ་གཉིས་ཀྱིས་ཁས་ལེན་སྣ་གཅིག་མ་བྱས་ན་ཡང་། ཁས་ལེན་བྱས་སོང་ཟེར་ནས་མང་ཚོགས་ལ་བསྒྲགས། ཚེ་དབང་གིས་ཁས་མ་བླངས་པའི་ཁེ་ད་དུང་སྐད་ཆ་ནན་མོ་བཤད་པས། ཁོ་ཚང་གི་ཕ་རིག་ཚེ་ཚང་གི་སྦྲ་གཞི་འཁོར་བ་ཐབ་ཐོག་ཐུམ་པུ་བྱས། དེ་རྐྱེན་བྱས་ནས་ཁོ་དང་ཁོའི་རོགས་པ་གཉིས་གྱོད་ལ་ཐུག་ནས་༢༠༡༡ལོ་ཡང་ཡང་དམེ་བརྒྱབ། འོན་ཀྱང་བླ་དཔོན་ཚོས་དེའི་གྱོད་བཤད་མི་ཆོག་པ་བྱས་ནས་མནན། ༢༠༡༢ལོ་ཡང་འཛིང་རེས་བྱས། པད་འཇིགས་དང་ལྷུན་འགྲུབ་གཉིས་ཀྱིས་བཤད་པ་ལྟར་ན། དཔོན་པད་འཇིགས་དང་བསྟན་དར་གཉིས་ཀྱིས། ཁས་ལེན་བྱོས་དང་བཤགས་པ་གང་ཡང་མི་དགོས་པར་གནད་མེད་བྱེད་རྒྱུ་དང་། མང་ཚོགས་ཁྲོད་བསྒྲགས་རྗེས་གནད་བཤགས་ཀྱང་མི་དགོས་ཟེར།
གོང་གི་དེ་དངོས་ནས་ཡིན་ན་ཨེ་རག་གི་སྲིད་འཛིན་མོའུ་ཧ་མ་ཏི་དང་གཅིག་རེད་འདུག་ཀ་ཨ་ཁ་ཁ
ངོ་སོ་བསྟོད་རྩོམ་ས་ནོར་མི་འདུག དུས་ནམ་ཡང་་་་་་
དྲིན་ཅན་ལ་དྲིན་ལོག་མི་བྱེད་མཁན་ལ་རྒྱབ་སྐྱོར་ཡོད།
དཔའ་བོའི་ངོ་སོ་བསྟོད་ལ་སྙན་རྩོམ་ཅི་ཞིག་འཆར་གྱི་ཡོད་་་་་