དེང་སྐབས་བཙན་བྱོལ་སྤྱི་ཚོགས་ནང་དགེ་རྒན་དང་སློབ་ཕྲུག་གཉིས་ཀ་ཚད་ལྡན་ཞིག་ཡོང་ཐུབ་ཀྱི་མེད་པའི་རྒྱུ་རྐྱེན་གཙོ་བོ་ཁག་ཅིག 
                  

Comments (16) on “དེང་སྐབས་བཙན་བྱོལ་སྤྱི་ཚོགས་ནང་དགེ་རྒན་དང་སློབ་ཕྲུག་གཉིས་ཀ་ཚད་ལྡན་ཞིག་ཡོང་ཐུབ་ཀྱི་མེད་པའི་རྒྱུ་རྐྱེན་གཙོ་བོ་ཁག་ཅིག 
                  ”

1. སྤྱིར་བཏང་དགེ་རྒན་གྱི་ལས་ཀ་ནི་ལས་རིགས་གཞན་དང་མི་འདྲ་བར་གང་ཟག་ཞིག་གི་བློ་སྒོ་ཕྱེད་རྒྱུའི་འགན་གཙོ་བོ་ཡོད་པས། དེ་འདྲའི་གང་ཟག་དེ་ནི་ཕྱི་རྐྱེན་དང་ནང་རྐྱེན་མང་པོ་ཞིག་ལ་རྟེན་ནས་ཡོད་པས་ཧ་ཅང་ལས་ཀ་དཀའ་ལས་ཁག་པོ་ཞིག་རེད། ལས་རིགས་གཞན་དང་མི་འདྲ་བར་མི་མཐོང་ལག་ཟིན་གྱི་བསྒྲུབ་འབྲས་ལམ་སེང་སྟོན་རྒྱུ་ཞིག་མེད་པས་ཡུན་རིང་ངལ་རྩོལ་བྱེད་ཐུབ་པའི་རང་ཉིད་ལ་བསམ་བློ་དང་སེམས་ཤུགས་དགོས།

   ཁྱེད་ཀྱིས་གསུངས་པ་མང་ཆེ་བ་བདེན་མོད་ཀྱང་མགོ་ལ་བསྡོད་མཁན་གྱི་ལས་སྣེ་ཚོས་དེ་ལྟར་མཐོང་ཁག་པོ་རེད། ཁོང་ཚོའི་འབད་པ་ནི་འཛིན་རིམ་བཅུ་པ་དང་བཅིུས་ཀྱི་བརྒྱ་ཆ་ཙམ་ཞིག་ལས་མཐོང་གི་མེད། དོན་སྙིང་ལྡན་པའི་སློབ་གསོ་སྤྲོད་འདོད་ཡོད་ན་འགྱུར་བ་གཏོང་ཐུབ་པའི་ཐབས་ལམ་འགའ་ཞིག་ནི།

   ད་ཡོད་དགེ་རྒན་རྙིང་པ་ཚོའི་སློབ་སྦྱོང་སྤྲོད་བཏང་གི་འཆར་སྒོ་གསར་པ་ཞིག་བསྐྲུན་ཐུབ་པ་བྱེད་དགོས། དེ་ལྟར་ཡོང་བར་ནད་འགོག་སྨན་ལྟར་ལོ་རེར་ཉིན་རེ་གཉིས་གཟབ་སྦྱོང་སྤྲད་ནས་འགྱུར་བ་འགྲོ་རྒྱུ་ཧ་ཅང་ཁག་པོ་རེད། དགེ་རྙིང་དེ་དག་ལ་དེང་དུས་དང་མཐུན་པའི་སློབ་ཁྲིད་ཀྱི་སློབ་གསོ་ཟབ་སྦྱོང་སྐབས་སྤྲད་པ་ཙམ་མིན་པར། དངོས་སུ་འཛིན་གྲྭའི་ནང་འགྱུར་བ་གང་དང་གང་བཏང་ཡོད་མིན། བཏང་མཁན་ཚོར་ངོ་བསྟོད་དང་མི་བཏང་མཁན་ཚོར་ཉེས་ཆད་གཏོང་དགོས། ད་དུང་སློབ་གྲྭ་གཞན་ནས་དམིགས་དཔེར་འོས་པའི་དགེ་རྒན་དེ་འདྲ་ཚུར་མགྲོན་འདོད་བྱེད་ན་རེད་ཡང་ན་ཕར་སྤྱར་ནས་ཟླ་ཤས་རིང་སློབ་ཁྲིད་འཆར་འགོད་དང་ལགས་བསྟར་དང་རྒྱུན་ཁྱོངས་བྱེད་ཐབས་སོགས་ལ་དམར་ཁྲིད་བྱེད་དགོས།

   དེ་ནས་དགེ་རྒན་གསར་པ་མང་ཆེ་བར་འཛིན་ཁང་གི་ཉམས་མྱོང་ཁྱོན་ནས་མེད། ཁོ་ཚོས་དེ་སྔ་སོ་སོར་ཇི་ལྟར་སློབ་ཁྲིད་བྱས་པ་དེ་བཞིན་སློབ་མ་ཚོར་སློབ་ཁྲིད་བྱེད་ངེས་རེད། སོང་ཙང་ད་ཡོད་དགེ་རྒན་འོས་སྦྱོང་བྱེད་སའི་བསྟི་གནས་དེ་དག་གི་སླབ་གཞི་འགྱུར་བཅོས་དང་འཛིན་ཁང་དངོས་སུ་སྤྱར་ནས་སློབ་ཁྲིད་ཀྱི་ཉམས་མྱོང་སྤྲོད་དགོས། ད་དུང་ཁོང་ཚོ་དགེ་རྙིང་མཉམ་དུ་ཟླ་ཤས་རིང་མཉམ་དུ་སློབ་ཁྲིད་བྱེད་རྒྱུའི་ཆ་རྐྱེན་བསྐྲུན་དགོས། ད་དུང་བསམ་འཆར་མང་པོ་ཡོད་པས་རྗེས་སུ་ཞུ་ཆོག

2. ཐོས་དགའི་བསམ་ཚུལ་ཡག་པོ་འདུག ཐུགས་རྗེ་ཆེ། དྲྭ་གྲོགས་གཞན་ཚོས་ཀྱང་རང་རང་གི་བསམ་ཚུལ་གསུང་བའི་རེ་བ་ཡོང།

3. སྤྱི་ཚོགས་འཕེལ་རིམ་དང་དུས་ཀྱི་འགྱུར་བ་སོགས་ལ་བསྟུན་ནས་སློབ་གཞིའི་སློབ་དེབ་ཕྱོགས་སྒྲིགས་དགོས་པ་དེ་དུས་རབས་ཀྱི་ངོ་སྤྲད་པའི་བསླབས་བྱ་ནན་མོ་ཞིག་ལ་ངོས་འཛིན་ཞུ་གི་ཡོད་།

4. གཞུང་པ་ཚེ་དབང་བསོད་ནམས་ཀྱིས་བཤད་པར་རྒྱབ་སྐྱོར་ཡོད།

5. གཞི་རིམ་སློབ་གྲ་ལ་ཚད་མ་རིགས་པའི་རིགས་ལམ་གྱི་འགྲོས་ཞིག་ད་དགོས་གལ་མ་མཐོང་། གལ་ཆེ་ཤོས་ནི་དགེ་རྒན་རྣམས་གྲ་བ་དང་གྲ་ལོག་རིགས་མ་ཡིན་པར་ཚད་ལྡན་གྱི་སློབ་གྲ་འགྲིམས་མྱོང་མཁན་ཡིན་དགོས།

6. ཇོ་སྲས་ངག་དབང་། ཧ་ཧ་ཧ། མི་རེ་ལ་བསམ་པ་རེ། མཛོ་རེ་ལ་རྭ་ཅོ་རེ།

7. བསམ་ཚུལ་ཡག་པོ་བྲིས་འདུག
   ཡིན་ན་ཡང་སྐད་ཆ་རྙིང་བ་བསྐྱར་བཟློས་བྱས་པ་ཤ་སྟག་རེད། བོད་རྒྱལ་ཡོངས་ཤེས་ཡོན་ཚོགས་ཆེན་ཐེངས་གསུམ་པའི་སྐབས་བཤད་ཟིནད་ཀྱང་ད་ལྟའི་བར་ཡར་རྒྱས་ཅི་ཡང་ཕྱིན་མེད་པ་གསལ་བོ་རེད། དགེ་རྒན་དང་ཕ་མ་སློབ་ཕྲུག་སྤྱི་ཚོགས་དང་ཁོར་ཡུག་དགོས་མཁོ་སོགས་རྣམ་་གྲངས་མང་བོ་ཞིག་གླེང་ནས་ཕན་ཚུན་ལ་ཁག་དཀྲིས་རེ་བྱེད་པ་ལས་དགེ་མཚན་ཅི་ཡང་མཐོང་མ་སོང་། མ་ཤེས་ན་གླེང་ཆོག་མོད། མ་བསྒྲུབ་ན་ཐབས་ཤེས་ཅི་ཡང་ཡོད་མ་རེད། 
   འོ་རེད། ད་དུང་འཛིན་སྐྱོང་གིས་མ་འདང་བའི་སྐོར་ཇེ་གསལ་དུ་བཏང་ནས་གླེང་དགོས་པ་བརྗེད་འདུག

8. དགེ་འདུན་རྒྱ་མཚོ་ལགས། ཁྱེད་རང་གིས་འདིར་འཛིན་སྐྱོང་གི་སྐོར་ཇེ་གསལ་དུ་བཏང་ནས་གླེང་རྒྱུ་ངའི་རེ་བ་ཡིན།

9. སྤྱིའི་ཆ་ནས་བསམ་ཚུལ་ཡག དགེ་རྒན་ལ་མཐུན་རྐྱེན་བཟང་དུ་བཏང་ན། སློབ་གསོ་བཟང་དུ་འགྲོ དེ་སོང་ན་སློབ་ཕྲུག་ཡང་སློབ་སྦྱོང་ཡག་ཏུ་ཡོང་བ་ལྟོས་འཇོག་རེད། སློབ་གྲྭར་ཆོས་སྦྱོང་དགོས་ ཆོས་ཞེས་པ་ནི་བདེ་སྐྱིད་སྒྲུབ་བྱེད་ཡིན་པས་དེ་དགོས་མཁོ་ཆེ། ཡིན་ནའང་ཚད་མ་རིག་པའི་རིགས་ལམ་གྱི་འགྲོས་དགོས་ཟེར་བ་དང་། ཁ་ཤས་ཀྱིས་ཆོས་ཤེས་པར་རྐང་རྡེབ་དང་ལག་རྡེབ་སྦྲགས་ཏེ་བསྡུས་རིག་མ་སྦྱོང་ན་ཆོས་མི་ཤེས་སྐད་དེ་མཐའ་ལྷུང་གི་སྐད་ཆ་རེད། སློབ་གྲྭ་ཁག་ཏུ་འདི་སྦྱོང་བཅུག་ཡ་དེ་དུས་ཚོད་ཆུད་ཟོས་སམ་འཕྲོ་བརླག་རེད། བརྡ་ཤན་འབྱེད་ཐེ་ཚོམ་གྱི་དྲྭ་བ་གཅོད་པའི་རལ་གྲི་ལས། བསིལ་ལྡན་འདི་ན་ཆོས་སེང་སོགས། །རིག་པ་རྣོ་བའི་འཕྲུལ་གར་གྱིས། །བློ་གསལ་རྨོངས་སུ་བཅུག་པའི་ངག །ད་ནི་གཞུང་སྨྲ་རྒད་པོས་ཀྱང༌། །རྗེས་བརྗོད་སྨྲ་བས་གཞུང་བཟད་བསླད། །སྨྲ་བ་འདི་འདྲའི་མཁས་རློམ་པ། །མགུ་ཡང་བདག་ཅག་འདི་རྗེས་སུ། །བྲག་ཆ་བཞིན་དུ་མ་ཞུགས་སོ། །ཞེས་གསུངས་པ་ལྟར་དངོས་ནས་བློ་གསར་རྨོངས་སུ་འཇུག་སྤྱད། ས་ཁུག་མེད་སར་གོམ་ལྷག་ཅེས་པ་ལྟར་འཇིག་རྟེན་ཁྱིམ་པའི་འཚོ་གནས་པ་དག་ལ་འདི་དག་བསླབ་པ་ལ་མོས་མཐུན་རྩ་བ་ནས་མེད། འདི་འདྲའི་ཟེར་སྒྲོས་ཉོག་པོའི་སློབ་གསོ་དེས་ལུགས་གཉིས་མེད་ཀྱི་ལམ་དུ་ཁྲིད་ཀྱིན་ཡོད། བོད་ལ་སློབ་གསོ་འདི་དར་ནས་ལོ་སྟོང་ཕྲག་གཅིག་ལྷག་སོང་ཡོད་ཀྱང་། མང་ཚོགས་བརྒྱ་ཆ་༩༠ ཆོས་མི་ཤེས་འཇིག་རྟེན་མི་ཤེས་པའི་གནད་དོན་དེ་ཐག་གཅོད་ཐུབ་མེད་ཅིང་། རང་ས་རང་ཡུལ་སྲུང་སྐྱོབ་ཤེས་པའི་མི་གཅིག་ཀྱང་སློབ་གསོ་འདིས་སྐྱེད་སྲིང་ཐུབ་མེད། གསར་གཏོད་ཤེས་མཁན་མི་གཅིག་སྐྱེད་སྲིང་ཐུབ་མེད། སློབ་གསོ་འདིར་སྐྱར་ཞིབ་ཏན་ཏན་དགོས་ས་འདུག ད་ནས་བཟུང་རང་རྟུག་གསེར་དུ་མི་སྒོམ་པར་བོད་ཀྱི་སློབ་གསོ་རིག་པ་ལ་སྐྱར་ཞིབ་བྱེད་རེས་འདུག

10. མྱི་ལགས་ཀྱིས་བསམ་ཚུལ་བརྗོད་པར་ཐུགས་རྗེ་ཆེ།

11. ཡ་ཧུ་དཱ་པ་དང་དཔེ་ཀློག- དཔེ་ཀློག་གི་རོ་བཅུད།
    རྩོམ་ཁུངས། 犹太人与读书【读书趣闻】ཟེར་བ་ལས་གདམ་སྒྱུར་བྱས།
    སྒྲ་སྒྱུར་བ། མང་གངས་ཕྲུག

    ཡ་ཧུ་དཱ་པའི་ལོ་རྒྱུས་སྟེང་སློབ་གྲྭར་སྲོལ་བཟང་ཞིག་ཡོད་པ་འདི་ལྟ་སྟེ། ཆེས་ཐོག་མར་སློབ་གཉེར་ལ་འཇུག་པའི་སློབ་ཆུང་སློབ་མ་ཚོའི་སློབ་ཁྲིད་དང་བོ་ནི་ལུས་ལ་གྱོན་པ་གཙང་མ་བགོས་ནས་ཆོས་དཔོན་ནམ་ཤེས་ཡོན་ཅན་གྱི་མིས་ཁྲིད་པའི་སྤྲོ་སྣང་དང་བྲོ་བ་ཞིམ་པའི་སློབ་ཁྲིད་ལ་ཞུགས་རྒྱུ་དེ་རེད། ཉིན་དེར་སློབ་ཁང་སློབ་མ་རེ་རེའི་མདུན་དུ་ངོས་གཙང་བའི་རྡོ་ལེབ་ཅིག་གི་སྟེང་སྦྲང་རྩིས་བྲིས་པའི་ཞིས་པའོ་ལེའི་དབྱངས་གསལ་དང་གོ་བདེ་བའི་༼དམ་པའི་གསུང་རབ༽ཀྱི་གསུང་ཚིག་ཁ་ཤས་བྲིས་ཡོད་ལ། བྱིས་པ་ཚོར་དབྱངས་གསལ་གྱི་སྦྱོར་ཀློག་ཁྲིད་པའི་ཞོར་ལ། སྦྲང་རྩིས་བྲིས་པའི་ཡི་གེ་རེ་ལྕེ་འདག་བྱེད་དུ་འཇུག་པར་མ་ཟད། ད་དུང་སིལ་ཏོག་མངར་མོ་སྟར་ཀ་དང་ཀ་ར་ཞིམ་པོ་མེས་ཀའོ་སོགས་ཟ་རྒྱུ་སྟེར་ངེས། འདི་དག་ཡོད་ཚད་ནི་བྱིས་པ་ཚོར་ཆེས་ཐོག་མར་སློབ་གཉེར་ལ་འཇུག་དུས་ཀྱི་ཚོར་སྣང་ནི་མངར་ཞིང་འཇམ་པ་ཞིག་ཡིན་པའི་ངེས་ཤེས་སྐྱེས་སུ་འཇུག་པ་ཁོ་ནའོ། །ད་ལྟ་ཁོ་ཚོའི་སྲོལ་བཟང་འདི་དེ་འདྲའི་དར་ཁྱབ་མི་ཆེ་རུང་། དེའི་རྒྱབ་ལོགས་སུ་ཡ་ཧུ་དཱ་པས་ཤེས་བྱ་ནི་རོ་མངར་ལྡན་པའི་སྦྲང་རྩི་དང་མཚུངས་པས་བྱིས་པ་ཚོས་མོས་པ་དང་སྤྲོ་སྣང་ཡོད་ཚད་བཏེགས་ཏེ་རྐང་དྲུག་བུང་བ་བཞིན་དུ་སྣ་བརྒྱའི་མེ་ཏོག་གི་དགའ་ཚལ་དུ་ཤེས་བྱའི་སྦྲང་རྩི་གཞིབས་དགོས་པར་གདམས་པའི་སློབ་གསོའི་ལྟ་བ་ཞིག་ངང་ངམ་ཤུགས་ཀྱིས་མཚོན་ཡོད་པ་རེད།
    ཡ་ཧུ་དཱ་པས་གནའ་ནས་ད་ལྟའི་བར་སློབ་གསོ་ལ་མཐོང་ཆེན་དང་། དཔེ་དེབ་ལ་གཅེས་སྤྲས། ཤེས་ཡོན་ལ་བརྩི་མཐོང་དང་། ཤེས་རབ་ལ་གོང་བཀུར་བྱེད། ༼ཡ་ཧུ་དཱ་པའི་ཁྲིམས་གཞུང༽སྤེལ་བའི་དུས་སྐབས་སུའང་། ཤེས་བྱ་ཡོན་ཏན་ནི་ཧ་ཅང་གལ་ཆེན་དུ་བཟུང་ཞིང་། མཁས་པ་ཚོའང་ནན་ཏན་གྱིས་ཤེས་རིག་གི་གནས་ལ་ཞུགས་ཏེ་ད་གཟོད་ཡ་ཧུ་དཱ་པའི་སྤྱི་ཚོགས་ཁྲོད་ཀྱི་མཁས་པ་རུ་གྱུར་བ་རེད། ད་དུང་སྤྱི་ཚོགས་ཀྱི་རིམ་གྲལ་དང་འཚོ་བའི་མ་ལག་ཁྲོད། ཤེས་ཡོན་པ་དང་དགེ་རྒན་གྱི་གོ་གནས་ནི་དཔའ་རྟུལ་དང་རྒྱལ་སྲས་སོགས་ལས་ཀྱང་མཐོ་ལ། དབང་ཆའང་དེ་དག་ལས་ཆེ། ཐ་ན་མཐོ་རིམ་སྐུ་དྲག་གི་སྲས་མོའང་མང་ཆེ་ཤོས་ཤེས་ཡོན་ཅན་གྱི་མི་དང་གཉེན་བསྒྲིག་པ་ལས་ཚོང་དཔོན་དང་ཕྱུག་བདག་ལ་གཉེན་བསྒྲིག་རྒྱུའི་རེ་འདུན་གཏན་ནས་མེད། གལ་ཏེ་ཁོ་ཚོའི་དགེ་རྒན་དང་ཡབ་ཆེན་གཉིས་མཉམ་དུ་བཙོན་ལ་བཅུག་པ་ཡིན་ན། ཡ་ཧུ་དཱ་པའི་བྱིས་པས་སྔོན་ལ། རང་གི་དགེ་རྒན་སྐྱོབ་ངེས། དེ་ལས་ཀྱང་ཡ་ཧུ་དཱ་པའི་སྤྱི་ཚོགས་ཁྲོད་ཤེས་བྱ་བསྒྲོགས་སྤེལ་མཁན་གྱི་ཤེས་ཡོན་པ་དང་དགེ་རྒན་གྱི་གོ་གནས་ཧ་ཅང་མཐོ་བ་མཚོན་ཐུབ།
    དེར་མ་ཟད། ཡ་ཧུ་དཱ་པས་གཏན་ནས་དཔེ་ཆ་གང་ཡང་བསྲེགས་མི་སྲིད། ཐ་ན་རང་མི་རིགས་ལ་དགག་རྒྱག་གཏོང་བའི་དཔེ་ཆ་ཡིན་ཡང་བསྲེགས་པ་ནི་དཔེ་མི་སྲིད་པ་ཞིག་གོ། ། ཡ་ཧུ་དཱ་པའི་ཆོས་གཞུང་གི་གཏན་འབེབས་ལྟར་ན། གཟའ་འཁོར་རེའི་གཟའ་པ་སངས་དང་གཟའ་སྤེན་པ་གཉིས་ཏེ་ངལ་གསོའི་ཉིན་མོར། བྱ་བ་དང་བྱ་འགུལ་གང་ཞིག་ཡིན་རུང་མཚམས་འཇོག་དགོས་མོད། དཔེ་ཁང་སོ་སོ་ནི་སྔར་བཞིན་སྒོ་ཕྱེས་ཡོད་པར་མ་ཟད། ཉིན་མཚན་དབྱེར་མེད་དུ་མི་ཚོགས་ལང་ལོང་དང་འདུས་ནས་འདུ་འཛིས་ཁེངས་ཡོད་ངེས།
    མཉམ་འབྲེལ་རྒྱལ་ཚོགས་ཀྱི་རིག་གནས་རྩ་འཛུགས་ཀྱིས་བརྟག་དཔྱད་བྱས་པ་ལྟར་ན། ཡ་ཧུ་དཱ་པའི་མི་རེས་ཆ་སྙོམས་ཀྱི་དཔེ་ཀློག་གི་ཚད་ནི་འཛམ་གླིང་གི་ཡང་རྩེར་གནས་པའི་སྡོམ་ཚིག་ཐོབ། དབྱི་རག་གི་གྲོང་རྡལ་མང་ཆེ་བའི་ནང་དུ་གནས་ཀྱི་བཀོད་པ་ལེགས་ལ་རང་བྱུང་ཁོར་ཡུག་མཛེས་པ། དཔེ་ཆ་ཁྲི་སྟོང་བརྩིགས་པའི་དཔེ་མཛོད་ཁང་དང་ལྟ་ཀློག་ཁང་བཙུགས་ཡོད། མི་གྲངས་ས་ཡ་ལྔ་མ་གཏོགས་མེད་པའི་རྒྱལ་ཁབ་ཆུང་ཆུང་འདིར། དུས་དེབ་འདྲ་མིན་དགུ་བརྒྱ་ལྷག་དཔར་དུ་སྐྲུན་ཡོད་པས་སློབ་གཉེར་ལ་མོས་ཤིང་། དཔེ་ཀློག་ལ་ཕྱོགས་པའི་རྣམ་པ་ཞིག་ཤར་བའི་མོད་ལ། ཡ་ཧུ་དཱ་པ་ཚོར་དཔེ་ཀློག་གི་གོམས་གཤིས་བཟང་བོ་ཞིག་ཤ་གསེང་རུས་གསེང་དུ་འཐིམས་ཡོད། ཁོ་ཚོས་སློབ་གཉེར་དང་ཤེས་བྱར་མཐོང་ཆེན་བྱེད་པའི་མོད་ལ། དངོས་ཡོད་འཚོ་བའི་ཁྲོད་ཀྱི་ནུས་པ་གསོ་སྐྱོང་ལའང་མཐོང་ཆེན་བླ་མེད་བྱ་ངེས། ཁོ་ཚོས་ཤེས་བྱ་ཡོན་ཏན་ཡོད་ཀྱང་དོན་དངོས་ཀྱི་ནུས་པ་མེད་པའི་མི་དེ་དཔེ་དེབ་མང་བོ་ཁུར་བའི་བོང་བུ་ཞིག་དང་དབྱེར་མེད་ཡིན་ཚུལ་བཤད་ཡོད་ལ། ཁོ་ཚོས་བསམ་པར། སྤྱིར་བཏང་གི་སློབ་སྦྱོང་ནི་ཕྱི་ཚུལ་གྱི་རྣམ་པ་ཙམ་ཡིན་ལ། གསར་གཏོད་བྱེད་པར་ངེས་པར་དུ་བསམ་གཞིགས་ཀྱི་རྨང་རྡོ་བརྟན་དགོས། གསར་གཏོད་ཀྱང་དོགས་སློང་དང་གནད་དོན་གང་རུང་ཐག་གཅོད་བྱེད་པའི་ཐབས་ལམ་ལ་བསམ་གཞིགས་གཏོང་བ་ལ་བརྟེན་དགོས་ཚུལ་གསུངས། ཡ་ཧུ་དཱ་པའི་བྱིས་པ་རེ་རེར་ཁྱིམ་བདག་གིས་ཆེས་མ་མཐའ་ཡང་དྲི་བ་འདི་འདྲ་ཞིག་བཏོན་ཡོད་དེ། གལ་ཏེ། ཉིན་ཞིག་གློ་བུར་དུ་འུ་ཚང་གི་ཁང་བ་མེ་ཡིས་ཚིགས་པ་ཡིན་ན། ཁྱོད་ཀྱིས་ཅི་ཞིག་ཁྱེར་ནས་འགྲོ་རྩིས་ཡོད། ཞེས་འདྲི་སྲིད་ལ། གལ་ཏེ་བྱིས་པས་ལན་འདེབས་མ་ཐུབ་ཚེ། ཁྱིམ་བདག་གིས་༼ཁྱོད་ཀྱིས་ཁྱེར་ནས་འགྲོ་དགོས་པ་གསེར་དངུལ་མིན་ལ། རྒྱུ་ནོར་དེ་བས་ཀྱང་མིན་པར། ཤེས་རབ་རེད། ཤེས་རབ་ནི་མི་གཞན་གྱིས་རྐུ་འཕྲོག་བྱ་མི་ཐུབ་པའི་ཚེ་གང་བོའི་རྩ་ཆེན་གྱི་རྒྱུ་ནོར་གཅིག་པུའོ། །འོ་ན་ཤེས་རབ་འཕེལ་དགོས་ན་དཔེ་དེབ་དང་འབྲལ་ག་ལ་རུང་༽ཅེས་ཁ་ཏ་བྱེད་སྲིད།
    ཡ་ཧུ་དཱ་པར་མི་རབས་ནས་མི་རབས་བར་སློབ་གསོར་མཐོང་ཆེན་བྱེད་པའི་སྲོལ་བཟང་མཆིས་པས། ཡུན་རིང་གི་ལོ་རྒྱུས་འཕེལ་རིམ་གྱི་ཁུགས་སོ་བར་ནས་རླབས་ཆེན་གྱི་མི་སྣ་མང་དུ་བྱོན་ཡོད་དེ། ཕུལ་ཏུ་བྱུང་བའི་སྒྱུ་རྩལ་པ་དང་ཚན་རིག་པ། བསམ་བློ་བ་སོགས་རྩེར་སོན་གྱི་སྐྱེས་བུ་མང་བོ་སྟེ། མར་ཁི་སུ་དང་། ཨེ་དབྱིན་སི་ཐན། མིན་ཏིག་ཨར་སུང་ལ་སོགས་ནི་མཚོན་བྱེད་ལྟ་བུར་སྣང་། ནོར་བྷེལ་བྱ་དགའ་ཐོབ་པའི་མི་སྣའི་ཁྲོད། ཡ་ཧུ་དཱ་པའི་ཟིན་ཚད་ཀྱིས་ཧ་ལས་སུ་འཇུག་ངེས། ཡ་ཧུ་དཱ་པས་སྔོན་ཆད་བྱུང་མ་མྱོང་བ་དག་འབྱུང་དུ་བཅུག་ལ་སྔོན་ཆད་བསྐྲུན་དཀའ་བ་དག་གསར་དུ་སྐྲུན། སྔོན་ཆད་ཁོ་ཚོར་གཅེས་པའི་རྒྱལ་ཁབ་མེད་ལ། ཕྱུག་པོའི་ཐོན་ཁུངས་དེ་བས་ཀྱང་མེད་པའི་ཁར། སྔོན་ཆད་ལོ་ངོ་སྟོང་ཕྲག་མང་བོའི་རིང་དམག་འཁྲུག་དང་གོད་ཆག་མང་བོ་བརྒྱུད་མཐར་རྒྱལ་ཁབ་སླར་གསོའི་རྣམ་པ་བྱུང་། ༼འཇར་མན་གྱི་གཙོ་འཛིན་ཧེ་ཐི་ལིར་གྱིས་ཡ་ཧུ་དཱ་པ་ཁྲི་དྲུག་བརྒྱ་ལྷག་དམར་གསོད་བྱས་མྱོང༽ད་ལྟ་འཛམ་བུ་གླིང་འདིར་བྱེ་བ་གཅིག་དང་ས་ཡ་ལྔ་ལས་མེད་ལ། འཛམ་གླིང་སྤྱིའི་མི་འབོར་གྱི་བརྒྱ་ཆའི་0.3མ་གཏོགས་མི་ཟིན་མོད། ཨ་རིའི་ནོར་བྷེལ་བྱ་དགའ་ཐོབ་མཁན་མི་བརྒྱའི་ཁྲོད་དུ་ཡ་ཧུ་དཱ་པས་ཕྱེད་ཀ་ཟིན་ལ། ཨ་རིའི་སྐད་གྲགས་ཅན་གྱི་སློབ་ཆེན་ནང་གི་སློབ་དཔོན་ཚོའི་ནང་དུའང་ཡ་ཧུ་དཱ་པས་སུམ་ཆའི་གཅིག་ཟིན། ཨ་རིའི་ཕྱུགས་བདག་ཁྲི་བརྒྱ་ཅན་ཁྲོད་གསུམ་ཆའི་གཅིག་ཟིན། ༼ཧྥུ་པའོ་སི༽ཨ་རིའི་ཕྱུགས་བདག་ཆེན་པོ40ཡི་ཁྲོད་མི18་ནི་ཡ་ཧུ་དཱ་པ་ཡིན་པས། ཨ་རིའི་ཚན་རིག་དང་རྒྱུ་ནོར་ལ་བདག་པོ་རྒྱབ་ཡོད་ཅེས་བཤད་ཆོག་ཆོག་རེད།

12. གོང་དུ་བཤད་པར་བདེན་ཆ་འགའ་རེ་འདུག་ཀྱང་། ཞིབ་ཚགས་པོས་ཞིབ་འཇུག་བྱས་པ་ཞིག་རེད་མིན་འདུག ད་ལྟ་དགེ་རྒན་གྱི་ཤེས་ཚད་སྐྱོ་བོ་ཡིན་པ་ཡོད་ལ་ཡག་པོ་ཡོད་པའང་ཡོད། འོན་ཀྱང་ད་ལྟ་བོད་པའི་སློབ་གྲྭ་ཁག་གི་ནང་དུ་དགེ་རྒན་གྱི་ཕོགས་དང་ཐོབ་ཐང་། ལས་འབོར། ཚོགས་ཐུན་མང་ཉུང་། འཛིན་གྲྭ་གཅིག་གི་ནང་དུ་སློབ་ཕྲུག་མང་ཉུང་སོགས་ལ་ཞིབ་ཚགས་བྱས་ནས་ཞིབ་འཇུག་གྱིས་དང་།
    དཔེ་རེ་ཟུང་བཤད་ན།
    འབྲིང་རིམ་དགེ་རྒན་གྱི་གླ་ཆ་དེ་གཞུང་ཞབས་ཀྱི་ལས་བྱ་གད་ཡིག་གི་གླ་ཕོགས་ལས་སྐྱོ་བ།
    བོད་པའི་ཕྲུ་གུ་ཉུང་དུ་སོང་ཡང་འཛིན་གྲྭ་ཉུང་དུ་གཏོང་བ་མ་གཏོགས་འཛིན་གྲྭ་གཅིག་གི་ནང་དུ་ད་དུང་ཡང་ཕྲུ་གུ་ཅུམ་ཅུ་བཞི་བཅུ་ཡོད་པ།
    དགེ་རྒན་ལ་ཉིན་གཅིག་ལ་ཚོགས་ཐུན་བདུན་དང་དྲུག་ཙམ་ཡོད་པ་དེས་སློབ་ཁྲིད་གྲ་སྒྲིག་བྱེད་རྒྱུའི་དུས་ཚོད་མི་འདེང་བ།
    གོང་རིམ་ནས་ཕན་ཐོགས་ཡོད་མིན་ལ་མ་ལྟོས་པར་སློབ་གྲྭའི་ནང་ལས་གཞི་སྣ་ཚོགས་སྤེལ་བ་དེས་སློབ་ཁྲིད་ཀྱི་དུས་ཚོད་ལ་ཤུགས་རྐྱེན་ངེས་ཅན་ཐེབས་པ།
    ཤེས་ཡོན་གཙོ་བོ་ཡིན་ཟེར་སློབ་གྲྭའི་ནང་གི་མཐུན་རྐྱེན་ཧ་ཅང་ཞན་པ་སོགས་ཀྱི་གནད་དོན་དེ་ཚོར་དོ་སྣང་རེ་གྱིས་དང་མུན་ནག་ནང་དུ་མདའ་འཕངས་པ་ལྟ་བུ་རང་མི་ཡོང་།

13. Four basic foundation of education.ཤེས་ཡོན་གྱི་རྨངས་གཞི་བཞི་།
    1 reading power .ཀློག་རྩལ་
    2 writing power.་འབྲི་རྩལ་
    3 speaking power. བཤོད་རྩལ་
    4 listening power .ཉན་རྩལ་

14. ཤེས་ཡོན་སློབ་གསོའི་རྨངས་གཞི་བཞི་འདི་ལ་འགན་མ་ཁུར་བའི་
    མཁས་པ་ནམ་ཡང་སྐྱེས་སྲིངས་བྱེད་མི་ཐུབ་།
    ༡་་ཡིག་གེ་ཀློག་རྩལ་
    ༢་་ཡིག་གེ་འབྲི་རྩལ་
    ༣ སྐད་ཆ་བཤོད་རྩལ་
    ༤ སྐད་ཆ་ཉན་རྩལ་བཅས་ལ་བཞི་ལ་འགན་ཁུར་ནས་ཕྲུ་གུར་སློབ་
    སྦྱོངས་སྤྲོད་དགོས་།

15. དེང་སྐབས་བཙན་བྱོལ་སྤྱི་ཚོགས་ནང་དགེ་རྒན་དང་སློབ་ཕྲུག་གཉིས་ཀ་ཚད་ལྡན་ཞིག་ཡོང་ཐུབ་ཀྱི་མེད་པའི་རྒྱུ་རྐྱེན་གཙོ་བོ་ཁག་ཅིག 

    བོད་རིགས་ས་ཡ་བདུན་བརྒྱད་ཡོད་ཀྱང་། དེ་དག་སྤྱི་ལཁྱབ་པའི་་བོད་སྐད་སློབ་སྤྱི་མཚུངས་ཞིག་མེད་པས་ལན་པ་རེད།

16. བསྐྱར་བཅོས།
    ་་་་་་་་་་་་་གཙོ་བོ་གཅིག ་ནི།
    བོད་སྐད་ཤོད་མཁན་བོད་རིགས་ས་ཡ་བདུན་བརྒྱད་ཡོད་ཀྱང་། དེ་དག་སྤྱི་ལ་ཁྱབ་པའི་བོད་སྐད་སློབ་དེབ་སྤྱི་མཚུངས་ཞིག་མེད་པས་ལན་པ་རེད།