ཁ་བརྡ།

ཁ་བརྡ།

Archive for May 6th, 2012


འདང་ཅན་དྲན་པ།

ཤར་ཕྱོགས་ཁུག་རྟ།


ཆུ་ཚོད་སྐར་ཆ་འདི་མི་འདུག་ཐག་ཐག་འགྲོ་དུས།།
ལག་པས་འགྲོ་བསྐྱོད་ལ་ཚོད་འཛིན་བྱས་ན་བསམས་ཀྱང་།།
ཤར་ཕྱོགས་ཉི་མ་དེ་མི་འདུག་ནུབ་རིར་ཕྱིན་ན།།
སེམས་ནས་མི་འདོད་ཀྱང་ལག་པས་སྙོབ་ཚོད་མི་འདུག།


ཟླ་བ་གཅིག་འདི་གོ་བསམས་ན་ཐུང་ཐུང་ཡིན་ཡང་།།
བྲལ་ནས་གྲངས་ཀ་དེ་ག་ལེར་རྒྱག་དགོས་བྱུང་ཚེ།།
སྣང་ཡུལ་ཐམས་ཅད་པོ་སུན་པས་ཁུར་ནས་འགྲོ་སྟབས།།
ཁྱེད་ལ་བྲལ་རྒྱུ་འདི་དངོས་གནས་ཡོང་ས་མ་རེད།།
Read the rest of this entry »

ཚེ་གཅིག་སྐྱ་ཡ་འཚོལ་བའི་བརྡ་ཁྱབ།

ཀླུ་སྨྱོན།

—གྲོགས་པོ་མི་རྐྱང་ཞིག་གི་ཚབ་བྱས་ཏེ་བྲིས།
ཚེ་འདིར་ཡོང་བའི་དོན་ཆེན་ཏེ། །
ཚེ་གཅིག་སྐྱ་ཡ་འཚོལ་བའི་ཕྱིར། །
ཚེ་གང་བཀླགས་ཀྱང་མི་སུན་པའི། །
ཚེ་གྲོགས་འགུག་པའི་བརྡ་ཁྱབ་འབྲི། །
སྐྱེས་ས་བོད་ནས་ཡིན་པ་ཞིག །
ཕ་ཡུལ་གཅིག་པ་ཡིན་པ་ཞིག །
ཨམ་སྐད་དག་མ་བཤད་པ་ཞིག །
མེ་ཏོག་མ་ཞིག་ཡིན་པ་ཞིག ། Read the rest of this entry »

རེབ་གོང་དུ་དམ་དྲག

བསོད་ནམས།

བོད་ནས་འབྲེལ་ཡོད་ཞིག་གིས་བརྗོད་གསལ་ལྟར་ན། སང་ཉིན་ནས་བཟུང་རེབ་གོང་དུ་ཉེ་ཆར་གྲྭ་འཇམ་དབྱངས་དཔལ་ལྡན་དང་བསོད་ནམས་དར་རྒྱས་གཉིས་ཀྱིས་རང་ལུས་མེར་བསྲེགས་སྐབས་ངོ་རྒོལ་ནང་མཉམ་ཞུགས་གནང་མཁན་དང་། དྲ་རྒྱ་སོགས་བརྒྱུད་ནས་ཕྱི་ལོག་ལ་གནས་ཚུལ་མཁོ་སྤྲོད་གནང་མཁན་དོགས་ཡོད་རྣམས་བསྐྱར་དུ་ཉེན་རྟོག་ལས་ཁུངས་དུ་འབོད་འགུགས་དང་། འདྲི་བརྩད་དང་དམ་དྲགས་ཤུགས་ཆེ་རུ་གཏོང་རྒྱུ་ཡིན་འདུག། Read the rest of this entry »

རི་མཐོན་པོ་དྲན་གླུ།

འཇམ་དབྱངས་ནོར་བུས་བརྩམས། ཚེ་རིང་དོན་གྲུབ་ཀྱིས་བསྒྱུར།

ངས་ཨ་རིའི་མངའ་སྡེ་ཁཱ་ལོ་ར་སྒྲའི་རྒྱལ་ས་སྒྲེན་བེར་གནམ་ཐང་དུ་རླངས་འཁོར་ལ་སྒུག་སྡོད་སྐབས། སྤྱིར་བཏང་གི་བོད་པ་གྲོགས་པོ་ཞིག་གིས་ཁ་པར་འབྱོར་སོང་ལ། ཁོས་བཤད་རྒྱུརདེ་ལྟར་མ་བསམ་པ་ཞིག་ལ། གཅིག་བྱས་ན་ང་རང་ནོར་སྲིད། ཨ་རིས་བོད་ནང་དུ་བོད་མིའི་འཇབ་དམག་ལ་སྦྱོང་བརྡར་ལས་རིམ་ཞིག་བསྐྱར་འཛུགས་བྱས་པ་ཡིན་ནམ་ཟེར། ངས་དེ་འདྲ་རྩ་བ་ཉིད་ནས་ཡོང་མི་སྲིད་པ་ཞིག་རེད། ང་རང་རོ་ཁིའེ་ནང་ཡོད་པའི་ཧཱལ་དམག་སྒར་ལ་འགྲོ་བཞིན་ཡོད་ལ་དེར་མཛད་སྒོ་་ཞིག་འདུག ཨ་རིའི་གསང་པའི་ལས་ཁུངས་ཀྱིས་གསང་པའི་ངང་སྦྱོར་བརྡར་སྤྲད་པའི་བོད་མི་རང་དབང་འཐབ་རྩོད་པ་སུམ་བརྒྱར་རྗེས་དྲན་ཆེད་ཟངས་ལྕགས་ལས་བཟོས་པའི་དྲན་གསོའི་བྱང་བུ་ཞིག་གཏན་འཇོག་གནང་གི་འདུག རྒྱ་མིས་བོད་བཙན་འཛུལ་བྱེད་སྐབས་ཁོ་ཚོའི་ནང་མི་མང་པོ་དམག་འཐབ་ཁྲོད་ཚེ་སྲོག་ཤོར་ཡོད་པ་རེད། ཅེས་ཁོ་ལ་འགྲེལ་བརྗོད་བྱས། རྩོམ་ཡིག་འདིའི་འཕྲོས་གཟིགས་ན། ནུབ་གླིང་གི་བོད་ཅེས་པའི་དྲ་རྒྱ་འདི་ནས་གཟིགས་འཚལ།