ཁ་བརྡ།

ཁ་བརྡ།

Archive for January, 2012


མི་ལའི་རྣམ་ཐར་མཛོད་ནག་མའི་ངོ་སྤྲོད་མདོར་བསྡུས།

མི་ལའི་རྣམ་ཐར་མཛོད་ནག་མ་ནི་ད་དུང་ཡང་དཔེ་རྒྱུན་མ་ཆད་པར་བོད་ཀྱི་གདུལ་བྱ་གླང་འདྲ་བ་རྣམས་ཀྱི་བློ་མུན་སེལ་བའི་གཉེན་དུ་འོད་ཟེར་ལམ་ལམ་ཕྱོགས་དུས་ཀུན་ཏུ་འཕྲོ་བཞིན་མཆིས།
མཛོད་ནག་མའི་མཇུག་ཏུ། གླེགས་བར་འདི་ཉིད་ཆོས་རྗེ་རང་བྱུང་རྡོ་རྗེས་གདན་དྲངས་ནས། ཀོང་པོ་རྩེ་ལ་སྒང་གི་མཛོད་ནག་ནང་དུ་བཞུགས་པ་ལ། ཆོས་རྗེ་མཐོང་བ་དོན་ལྡན་པ་ལ་ནང་སོ་ཀུན་དགའ་རྒྱལ་མཚནགྱིས་གདན་འདྲེན་བྱས་པའི་དུས་སུ། མཛོད་ནག་ནང་ནས་མགུར་འབུམ་འདི་ཡང་གདན་དྲངས་ནས་ལྷོ་རྒྱུད་འདིར་ཕེབས་ནས་དད་ལྡན་རྣམས་ཀྱིས་མང་དུ་བཞེངས་པས་ཕྱོགས་ཐམས་ཅད་དུ་དར་ཞིང་རྒྱས་པར་གྱུར་ཏོ་ཞེས་གསལ་བ་ལས་མཛོད་ནག་མའི་མིང་ཐོགས་དོན་ཡང་གསལ། ད་ལྟ་སི་ཁྲོན་མི་རིགས་དཔེ་སྐྲུན་ཁང་ནས་པར་སྐྲུན་ཞུས་པའི་དེབ་རྒན་སྟོད་སྨད་གཉིས་བོད་ནང་གི་དཔེ་ཚོང་ཁང་འགའ་རེའི་ནང་བཙོང་རྒྱུ་འདུག
མཛོད་ནག་མ་འདི་ནི། རྗེ་བཙུན་དགུང་ལོ་བརྒྱད་ཅུ་གྱ་གཉིས་པ་ཆུ་མོ་གླང་གི་ལོ་ལ། ངན་རྫོང་རས་པ་དང་རས་པ་ཞི་བ་འོད་གཉིས་ཀྱིས་གཙོས་རས་པ་རྣམས་ཀྱིས་ཕྱོགས་ཕྱོགས་ནས་ཀྱང་བསྡུས། Read the rest of this entry »

བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད།

གསར་འགོད་པ། ཨ་རིག་འགྱུར་མེད།
ཉེ་ཆར་རྡོར་གདན་ནས་མགོ་བཙུགས་པའི་བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད་ཅེས་པ། གནས་མཆོག་རྡོ་རྗེ་གདན་དང་ཝ་ར་ཎ་སི། རྩ་མཆོག་དྲུང་། ལིམྦི་ནི་སོགས་ནང་འི་གནས་ཆེན་ཁག་ལ་བཞི་ལ་བསྐྱོད་དེ། ཁ་སང་ཚེས་ ༣༠ ཉིན་ངྷ་ས་ནས་མཇུག་བསྡུས་ཡོད་འདུག
ཕྱི་ཟླ་ ༡ ཚེས་ ༩ ཉིན་ལྷ་རྒྱ་རི་རྣམ་རྒྱལ་སྒྲོལ་དཀར་གྱིས་སྣེ་ཁྲིད་འོག འཇར་མན་ནས་ཡིན་པའི་སྐུ་ཞབས་ཇོ་ཧཱ་ལེམ་ཊོན་དང་ཧི་མ་ལ་ཡའི་རི་རྒྱུད་ནས་ཡིན་པའི་བཀྲ་ཤིས་རྣམ་རྒྱལ། གྲྭ་དཀོན་མཆོག་ནོར་བུ་བཅས་ཀྱིས་རྡོ་རྗེ་གདན་ནས་ ༼བོད་ནང་ཞི་བདེ་དང་རང་དབང་ཆེད་དད་པའི་གོམ་བགྲོད་༽ཅིག་འགོ་འཛུགས་ཀྱིས་རྒྱ་གར་དང་བལ་ཡུལ་བརྒྱུད་ཝ་ར་ཎ་སི་དང་རྩ་མཆོག་དྲུང་། ལིམྦི་ནེ་སོགས་ནང་པའི་གནས་ཆེན་ཁག་བཅས་ལ་གོམ་བགྲོད་ཀྱིས་ད་ལྟ་ངྷ་སར་འབྱོར་ཏེ། ཁ་སང་ཕྱི་ཚེས་ ༣༠ ཉིན་གྱི་ཞོགས་པའི་ཆུ་ཚོད་ ༨ སྟེང་རྣམ་རྒྱལ་གྲྭ་ཚང་དང་། ཀིརྟི་བྱེས་པ་གྲྭ་ཚང་། མཚན་ཉིད་གྲྭ་ཚང་བཅས་ཀྱི་དགེ་འདུན་པ་གདན་ཞུས་ཐོག ཐེག་ཆེན་གཙུག་ལག་ཁང་དུ་བོད་ནང་ཞི་བདེ་དང་། བོད་བསྟན་སྲིད་ཆེད་རང་སྲོག་ཤོར་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་དུ་བསྔོ་སྨོན་མཆོད་འབུལ་ཞུས་སོང་། Read the rest of this entry »

སྐུ་ཞབས་ཧུའུ་ཅིན་ཐའོ། ངའི་མིང་ཧྲའོ་ཅིང་ཟེར།

ཨ་ནུ་ཐང་བསོད་ནམས།

སྲིད་འཛིན་ཧུའུ་ལ་རྒྱ་ནག་པ་ཞིག་གིས་བོད་ཀྱི་གནད་དོན་དེ་དམག་མི་བཏང་སྟེ་སེལ་རྒྱུའི་ཚབ་ཏུ། བོད་ཀྱི་ཆབ་སྲིད་གཙོན་པ་ཡོངས་རྫོགས་སློད་གྲོལ་བཏང་ན་བོད་མིའི་རེ་འདོད་སྐོང་ཞིང་། ཞི་བའི་སྒོ་ནས་སེལ་གནང་ཡོང་བའི་འབོད་སྐུལ་ཞུས་འདུག་པས་ཞིབ་གཟིགས་འདོད་ན་འདི་ན་ཡོད།

CNN གསར་འགོད་པ་བོད་ནང་དུ་བསྐྱོད་པ།

གཤམ་གྱི་དྲ་ཐག་ནས་གཟིགས།

http://edition.cnn.com/2012/01/30/world/asia/china-arrest-grant/index.html?hpt=ias_t3

ལངས་རན་མ་རེད་ཉལ་རན་རེད།


ཀླུ་སྨྱོན།

དེ་རིང་བར་དུ་ཡར་ལངས་པ་བདེན་པ་རེད་ལ།

ཡར་ལངས་ནས་ཀི་ལྡིར་རེ་བྱས་པ་ཡང་བདེན་པ་རེད།

ཡར་ལངས་འཕྱི་བས་གཅིན་སྒང་སྦོས་ནས་རྫ་མ་ལྟར་ཆགས་པ་བདེན་པ་རེད་ལ།

ཡར་ལངས་དུས་མགོ་སྐྲ་གཟེངས་ཤིང་མིག་སྐྱག་ཆགས་བསྡད་ཡོད་པ་ཡང་བདེན་པ་རེད།

དེ་རིང་བར་དུ་ཡར་ལངས་པའི་བཀའ་དྲིན་གྱིས།

བོད་ནང་གི་དཔའ་རྒོད་གང་མང་ཞིག་གི་ཚེ་སྲོག་དམར་པོ་མེ་དང་སྔོན་མོ་མཚོན་ལ་བསྟིམས་པ་བདེན་པ་རེད་ལ།

བོད་ཕྱི་རུ་ང་ཚོར་སྐྱབས་བཅོལ་བའི་ཐོབ་ཐང་རག་སྟེ་བོད་ཕྲུག་ཚོར་དབྱིན་ཡིག་ཡག་ཙམ་དང་བོད་ཡིག་སྐྱོ་ཙམ་རེ་སློབ་པའི་གོ་སྐབས་བྱུང་བ་ཡང་བདེན་པ་རེད། Read the rest of this entry »

སྐྱབས་མགོན་མ་ཕེབས་ལོ་མང་འགོར། ཞལ་རས་མ་མཇལ་ཡུན་རིང་སོང་། (བོད་།)

བདེ་སྐྱིད་ཚེ་རིང་།

ཨ་རིར་སྐྱབས་བཅོལ་ཆགས། སྐྱབས་བཅོལ་ཡིག་ཆ་ལ་བཅོལ།

ཁོང་གི་དབྱིན་ཡིག་དྲ་བ།
(ཁྲིམས་རྩོད་པ་བསྟན་འཛིན་དབང་རྒྱལ་ལ་བཅར་འདྲི།)
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།

༡ ཐོག་མར། ཁྱེད་ནས་ཁྲིམས་ཀྱི་ལས་ཁུངས་དེའི་རྒྱབ་ལྗོངས་ལོ་རྒྱུས་ངོ་སྤྲོད་མདོར་ཙམ་བྱེད་རོགས།

ལན། ཁྲིམས་ཀྱི་ལས་ཁུངས་འདི་བཙུགས་ནས་ལོ་གཅིག་དང་བདུན་ཕྲག་གཉིས་ཙམ་འགྲོ་གི་ཡོད་རེད་། ཁྲིམས་ཀྱི་ལས་ཁུངས་འདི་བཙུགས་པའི་དགོས་དམིགས་གཙོ་བོ་དེ་། ༡ ནེའུ་ཡོག་གཅིག་པོར་བོད་མི་སྟོང་ཕྲག་བརྒྱད་བརྒལ་བ་ཙམ་ཡོད་མོད་། སྐྱབས་བཅོལ་ཡིག་ཆ་སོགས་མི་རིགས་གཞན་གྱི་ཁྲིམས་རྩོད་པ་བརྒྱུད་ནས་ཞུ་དགོས་ཐུག་གི་ཡོད་པ་རེད་། ༢ སོ་སོའི་མི་རིགས་མ་ཡིན་པའི། ཁྲིམས་རྩོད་པ་གཞན་ཞིག་བརྒྱུད་ནས་ཡིག་ཆ་སོགས་ཞུ་དགོས་དུས། སྐད་ཡིག་གི་གོ་བརྡ་མ་འཕྲོད་པའི་དཀའ་ངལ། དཀའ་ངལ་ཆུང་ཙག་རིགས་ལ་བརྟེན་ནས་གོ་ནོར་ཆེན་པོ་ཐེབས་པའི་རིགས། དངུལ་བླངས་བ་མ་གཏོགས་ལས་ཀ་ཡག་པོ་མ་བྱས་བའི་རིགས། ད་དུང་། བོད་རིགས་ཁ་ཤས་ལ་ཁྲིམས་རྩོད་པས་མཐོང་ཆུང་དང་ཁྱད་གསོད་བྱས་བའི་ལོ་རྒྱུས་སོགས་གནད་དོན་མང་པོ་བྱུང་འདུག ༣ ང་རང་གཅིག་ནས་བོད་མི་ཞིག་ཡིན་པ་དང་། བོད་རིགས་གཅིག་མཚུངས་ལྟར་སྐྱབས་བཅོལ་བ་ཡིན་པ། ཁྲིམས་ཀྱི་སློབ་གྲ་ཐོན་རྗེས་སོ་སོར་ཁྲིམས་རྩོད་ཀྱི་ཁོངས་སུ་ལོ་ཤས་རིང་ཉམས་མྱོང་ཡག་པོ་འཐོབ་ཡོད་པ་བཅས་རྒྱུ་མཚན་ལ་བཞག་ནས་ཁྲིམས་ཀྱི་ལས་ཁུངས་འདི་སྒོ་ཕྱེས་བ་ཡིན། Read the rest of this entry »

རིགས་རུས་ཁྲག་རྒྱུད་ཟེར་བ་དེ་རྩ་ཆེན་ཅང་མ་རེད།

མི་ཡི་རིགས་ལ་དབྱེ་བ་མང་ཕྱེ་ནས།།

མི་ཡི་རང་དབང་འགོག་པའི་གཏམ་ཞིག་ཐོས།།

རང་དབང་ལྷ་མོ་མི་མངོན་དབྱིངས་ནས་གཟིགས།།

རང་དབང་སྨྲ་སྒོ་ཡང་གཅིག་བཀྲོལ་དགོས་བྱུང་།།

རིགས་རུས་ཁྲག་རྒྱུད་ཟེར་བ་འདི་གནའ་བོའི་མི་རིགས་རྣམས་ལ་མཚོན་ན་ཁོང་ཚོའི་བསམ་པའི་ནང་གལ་ཆེན་དང་རྩ་ཆེན་རེད། མི་རིགས་སྣ་མང་འདྲེས་སྡོད་བྱས་སྡོད་པའི་དེང་རབས་ཀྱི་གྲོང་ཁྱེར་ཆེན་པོ་དག་ལ་མཚོན་ན་དེ་ནི་དེ་འདྲའི་གལ་ཆེན་པོ་དང་དེ་འདྲའི་དོ་སྣང་བྱེད་དགོས་པ་ཞིག་མིན་པ་མ་ཟད་དེ་ནི་ལྟ་རྒྱ་ཐོས་རྒྱ་ཞན་ཅིང་བསམ་བློ་གུ་དོག་ཅན་ཞིག་ཏུ་མང་པོས་མཐོང་གི་ཡོད་པ་ལྟར་དེ་དེ་བཞིན་ནོ། ཡིན་ན་ཡང་། ཡར་རྒྱས་ཆེན་པོ་སོན་ཡོད་པའི་རྒྱལ་ཁབ་དག་གི་ནང་ཡང་དེ་འདྲའི་བློ་གུ་དོག་ཅན་ཡོད་ཡོད་པ་རེད། མི་རིགས་འདི་བསམ་བློ་གུ་དོག་རེད་ཅེས་མི་རིགས་ཤིག་གི་མགོར་ཉེས་པ་དཀྲིས་པ་ཡིན་ན་དེ་ནི་མ་འགྲིགས་པ་ཞིག་རེད་དེ། ངས་མཐོང་ཕྱོགས་ལྟར་ན། ཇུའུ་མི་རིགས་དང་། ཁ་ཆེ། རྒྱ་གར་ལྟ་བུའི་ནང་། བུ་ཕྲུག་ཚོའི་གཉེན་འབྲེལ་ལ་ཕ་མས་གཅིག་གཅོད་བྱས་ནས་རང་དབང་མི་སྟེར་བ་མ་ཟད་སྲོག་ཉེན་ལ་ཐུག་པའང་ཡོད་བཞིན་པ་ལྟར་རེད། Read the rest of this entry »

བོད་མི་ཡོངས་ཀྱི་བདག་པོ་སྤྱན་རས་གཟིགས། (བོད་།)

སྡེ་དགེ་བསྟན་འཛིན།

རྗེ་མི་ལ་ཐོས་པ་དགའ་བ་ཁྱེད་མཁྱེན་ནོ།


(ངའི་སེམས་ཁོང་གི་ཉི་མ་རྗེ་མི་ལ་ཐོས་པ་དགའ་བ་ཁྱེད་མཁྱེན་ནོ།།)
འབྲོང་ངུར་ཆོས་རྗེ།

རྗེ་མི་ལའི་ཞབས་ལ་གསོལ་བ་འདེབས།།
གནས་ཆེན་པོ་རྡོར་གདན་ཉེ་འཁོར་ནས།།
དོན་རིག་རིག་མང་པོ་རིག་ཙ་ན།།
དེང་ཁྱེད་ཀྱི་རྣམ་ཐར་ལྷག་ཏུ་དྲན།།

གཞུང་ཆེན་པོ་སློབ་སྦྱོང་མང་དུ་བྱས།།
གཞུང་ཆུང་ཆུང་ཀྱང་ནི་མང་དུ་སྦྱངས།།
གཞུང་སྦྱོང་བཞིན་སྦྱོང་བཞིན་བདག་གི་སེམས།།
གཞུང་དོན་དང་མ་འདྲེས་སྔར་ལས་གྱོང་།། Read the rest of this entry »

སེམས་ཚོར་དང་རེ་བ་།

ཀརྨ།
དེང་གི་ཆར་ང་རང་ཚོའི་ཕ་ཡུལ་བོད་ཀྱི་ནང་དུ་རྒྱ་དམར་གྱི་སྲིད་བྱུས་ངན་པས་རང་ལུས་མེར་བསྲེགས་དང་ངོ་རྒོལ་སྐད་འབོད་སོགས་བྱེད་བཞིན་ཡོད་པར་། རྒྱ་དམར་གཞུང་གིས་ཛ་དྲག་གི་གནས་སྟངས་དེ་བཞིན་ཞི་འཇམ་ཡོང་ཆེད་བསམ་བློའི་ཟུར་ཙམ་ལ་མི་འཁོར་བར། དེའི་ཐོག་ལ་དྲག་ནོན་དང་རྡུང་རྡེག་བཙོན་འཇུག་སོགས་མི་འོས་པ་དང་མི་བཟོད་པ་ཁོ་ན་བྱེད་བཞིན་ཡོད་པར་། གཞིས་བྱེས་བོད་མི་གཉིས་དང། ལྷག་པར་འཛམ་གླིང་ཡུལ་གྲུ་གང་ས་ནས་ཛ་དྲག་གི་གནས་སྟངས་དེ་འདྲ་འབྱུང་བཞིན་ཡོད་པར་བསམ་ཚུལ་མི་མཐུན་ཀྱང་། རང་ཉིད་ཀྱི་སེམས་ཚོར་དང་འབྲེལ་བའི་རྩོམ་ཡིག་དཔྱད་བརྗོད་སོགས་གང་མང་ཞིག་བོད་ཀྱི་སྐད་ཡིག་གི་ཐོག་ནས་བོད་ཡིག་གི་དྲ་རྒྱ་ཁག་གི་(http://www.khabdha.org http://tibettimes.net ) ནང་དུ་སྤེལ་བཞིན་ཡོད་པ་རྣམས་དབྱིན་ཇིའི་སྐད་ཡིག་ཐོག་ཏུ་བསྒྱུར་ནས་དབྱིན་ཇིའི་གསར་འགྱུར་རྒྱུད་ལམ་ཁག་གི་ནང་དུ་སྤེལ་ཐུབ་ན་། Read the rest of this entry »

དྲ་མཆན་པ་ཁ་ཤས་ལ་སྤྲིངས་པ།

རླབས།

ཁར་སང་ཕྱི་ཚེས་ཉེར་བདུན་གྱི་དགོངས་མོར་ཨ་རིའི་སྲིད་དོན་པ་སྐུ་ཞབས་མེས་གྲི་རོམ་ནེས་(Mitt Romney)ལགས་ཀྱི་འོས་བསྡུའི་གཏམ་བཤད་ཅིག་ཏུ་འདི་ལྟར་གསུངས་སོང་། ད་ལྟའི་ཨོ་བྷ་མའི་གཞུང་གི་སྐྱོན་ཆེ་ཤོས་ནི་གཞན་གྱི་སྐྱོན་བརྗོད་ལ་ངོས་ལེན་བྱེད་མི་ཐུབ་པ་དེ་རེད། དེའི་ཕྱིར། སྐྱོན་བརྗོད་ངོས་ལེན་བྱེད་མི་ཐུབ་པའི་མི་ཞིག་གིས་རང་ཉིད་ཀྱི་ལེགས་ཉེས་དབྱེ་བ་ནམ་ཡང་འབྱེད་མི་ཐུབ་ཟེར། སྐད་ཆ་དེ་ཏག་ཏག་ “ང་ཚོའི་སྟོབས་ཤུགས་ངོ་མ་དེ་གང་ཡིན”ཞེས་པའི་གཤམ་མཆན་འགོད་མཁན་དྲ་གྲོགས་དག་ལ་ལན་འདེབས་བྱས་པ་དང་ཇི་འདྲའི་འདྲ་ཨང་། Read the rest of this entry »

རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་ཁ་གྲགས་འདུག

ཚེས་ ༢༦ ཉིན་རྒྱལ་སྤྱིའི་འགྲོ་བ་མིའི་ལྟ་ཞིབ་ཚོགས་པའི་ངོས་ནས་ཛ་དྲག་གི་གསར་འགོད་གསལ་བསྒྲགས་ཤིག་སྤེལ་འདུག དེ་ཡང་གསར་འགོད་གསལ་བསྒྲགས་དེའི་ནང་ད་ལྟའི་བོད་ནང་གི་གནས་སྟངས་ཐད་རྒྱ་ནག་གཞུང་ངོས་ནས་རྒྱལ་སྤྱིའི་རང་དབང་ལྡན་པའི་ཚོགས་སྡེ་ཁག་གི་སྐུ་ཚབ་བོད་ནང་འགྲོ་བསྐྱོད་བཅུག་དགོས་པ་དང། ཁ་སྔོན་བོད་མི་ཞི་རྒོལ་བའི་སྟེང་རྒྱ་གཞུང་གི་ཉེན་རྟོག་པས་གང་བྱུང་མེ་མདའ་བརྒྱབ་སྟེ་བོད་མི་ཁ་ཤས་དམར་གསོད་བཏང་བའི་གནས་ཚུལ་རྣམས་རྒྱ་གཞུང་ངོས་ནས་དྲི་རྩད་རྟོག་ཞིབ་ནན་པོ་བྱས་ཏེ་བོད་མི་ག་ཚད་མེ་མདའི་འོག་འདས་གྲོངས་སུ་གྱུར་བ་དང། ག་ཚད་ལ་རྨས་སྐྱོན་ཕོག་པ་སོགས་ཀྱི་གནས་ཚུལ་ཁ་གསལ་ཕྱིར་བསྒྲགས་བྱེད་དགོས་པའི་དགོས་འདུན་བཏོན་འདུག ལྷག་པར་འགྲོ་བ་མིའི་ལྟ་ཞིབ་ཚོགས་པས་དབུས་རྒྱུན་ལས་རྒྱ་ནག་འགན་འཛིན་ལྕམ་སྐུ་སོ་ཕི་རི་ཆ་ཌི་སན་ལགས་ཀྱིས་ད་ལྟའི་བོད་ནང་གི་དངངས་འཚབ་ཆེ་བའི་ཛ་དྲག་གི་གནས་སྟངས་དེ་ལྟ་བུ་ཞིག་གི་སྐབས་རྒྱ་གཞུང་གི་ཉེན་རྟོག་པས་མེ་མདའ་བེད་སྤྱོད་བྱས་པ་ནི་ཤིན་ཏུ་ནས་མི་འོས་པས་དེ་དག་འཕྲལ་དུ་མཚམས་འཇོག་བྱེད་དགོས་པ་མ་ཟད། ཁུལ་དེའི་བོད་མི་རྣམས་ཀྱི་འགྲོ་བ་མིའི་ཐོབ་ཐང་ལ་རྩིས་འཇོག་མ་བྱས་པ་དང། Read the rest of this entry »

བོད་ཀྱི་ཤ་རུས་འཐོར་བཞིན་པའི་སྒང་ཡིན།

བོད། ལྷ་ཀླུ་གཉན​་གསུམ
དེང་གི་དུས་འདི་ནི་བོད་ཀྱི་ཤ་རུས་འཐོར་བཞིན་སྒང་ཞིག་ཆགས་ཡོད། འཐོར་ལུགས་ལ་རྣམ་གྲངས་མི་འདྲ་བ་ཞིག་ཆགས་ཡོད། ངས་འདི་ནས་ཤ་རུས་འཐོར་བཞིན་འདུག་ཞེས་བཤད་ན། ཁ་ཤས་ཀྱིས་ཤ་རུས་ཇི་ལྟར་འཐོར་གྱི་ཡོད་དམ་སྙམ་ངེས་རེད། ཤ་རུས་འཐོར་སྟངས་འདི་ནི་དངོས་ནས་བསམ་བློ་ཞིབ་དུ་བཏང་དུས། དངོས་ནས་ཉེན་ཁ་ཆེ་བ་དང་འཇིགས་སུ་རུང་བ་ཞིག་རེད་འདུག་མོད། དེ་ལ་བོད་མི་ཚོས་ཉམ་སྣང་མེད་པར་འཐོར་དུ་འཇུག་བཞིན་ཡོད། ཤ་རུས་འཐོར་བའི་འགོ་ནི་ཆེས་སྔ་མོ་ཞིག་བཙུགས་ཟིན་པ་ནའང་། དེ་དུས་དེ་འདྲའི་ཉེན་ཁ་ཅན་ཞིག་མིན་ལ། དེ་དུས་སུ་ཤ་རུས་ཚུར་སྤུངས་བཞིན་ཡོད་པ་ལས། ཕར་ལ་འཐོར་མེད་ཅེས་བཤད་ན་འགྲིག་པ་ཡིན། Read the rest of this entry »

བོད་ཀྱི་འབྱུང་འགྱུར་ལ་རྒྱང་ལྟ།

ཨོ་རྒྱན་ཉི་མ།
མཐོ་སྒང་གངས་ཅན་པའི་ལུགས་གཉིས་ཀྱི་དོན་ལ་མཁྱེན་པ་རྒྱས་པའི་མཁས་པའིི་དབང་པོ་དག་དང་། གཞན་ཡང་རང་གི་རིགས་ལ་ཞེན་པ་དཀར་བའི་སྐྱེ་བོ་རྒན་གཞོན་རྣམ་པ་སེམས་ལྷོད་ལ་བབས་ཏེ་གཅིག་གསོན་དང་། ང་ཚོར་སྔོན་ཞིག་ལ་འཛམ་གླིང་སུམ་གཉིས་དབང་དུ་བསྡུས་ཞེས་པའི་མཚན་གྱི་སྙན་པས་ཁེངས་ཏེ། སུ་ལ་ཡང་མགོ་མི་དགུར་བསམ་ནས་རང་སྲོག་བློས་བཏང་གིས་རྒྱ་ནག་གཞུང་ལ་ངོ་རྒོལ་དང་། ཡང་བོད་མི་རིགས་དང་རིག་གཞུང་ཞེས་པ་དེ་མི་དགོས་ཞེས་མདོ་ཤོར་གྱི་གཏམ་ཡང་མ་ཡིན་པར། དེ་གཉིས་ཀའི་ཟུར་ཞིག་ནས་སྤྱིར་འཛམ་བུ་གླིང་གི་སྐྱེ་འགྲོ་ལ་སྨན་པ་དང་། དགོས་ཁ་བ་གངས་ཅན་པའི་ཡོད་དགུ་ལ་གསོན་ཤུགས་རྒྱས་ནུས་པ་ནི་ཆོས་དང་རིག་གཞུང་རྙིང་པ་དག་རང་བློར་ཆུད་པའི་ཐོག་ནས། རིག་གཞུང་གསར་བའི་ཉིང་བཅུད་ལེགས་ཚོགས་ནང་འདྲེན་གྱིས་གཞོན་སྐྱེས་དག་གི་མདུན་ལམ་གཟེངས་སུ་ཐོན་པ་བཟོ་ཐུབ་པ་དེ་རེད། Read the rest of this entry »

རང་ལུས་མེ་སྲེག་གི་ལས་འགུལ་མཚམས་འཇོག་དགོས་པའི་རེ་སྐུལ་ནན་ཏན་ཞུ་དགོས།

སོག སྨོན་ལམ།
ངེས་པར་དུ་ཞི་བའི་སྒོ་ནས་ལས་འགུལ་སྤེལ་རོགས་ཞེས་པའི་འབོད་སྐུལ་འདི་བོད་ནང་གི་བོད་མི་ཚོར་བཤད་དགོས་པ་ཞིག་རེད། ཕྱི་ལོགས་ནས་ལས་འགུལ་སྤེལ་སྐབས་ཞི་བ་མ་ཡིན་པའི་ལས་འགུལ་ཛ་དྲག་སྤེལ་མཁན་ཁག་པོ་རེད། མདོ་དོན་གཞིས་ལུས་བོད་མི་ཚོས་རང་ལུས་མེ་སྲེག་གི་ལས་འགུལ་མཚམས་འཇོག་དགོས་པའི་འབོད་སྐུལ་ཞུས་ན་འོས་འཚམ་རེད། བོད་ནང་གི་བོད་མི་ཚོས་རང་ལུས་མེ་སྲེག་བཏང། བཙན་བྱོལ་བོད་གཞུང་གིས་དེ་གཅིག་པོ་དྲིལ་བསྒྲགས་དང་གདུང་སེམས་མཉམ་སྐྱེད་ཀྱིི་ཁ་གཡང་རྐྱང་རྐྱང་གིས་དུས་ཚོད་སྐྱེལ་ཐབས་བྱས་ན་ཡག་པོ་མ་རེད། ཁོང་གིས་སྲིད་དབང་རྩིས་སྤྲོད་མ་བྱས་པའི་དུས་སྐབས་སུ་རང་ལུས་མེ་སྲེག་ཕར་ཞོག ཟས་བཅད་ངོ་རྒོལ་བྱེད་མཁན་ཚོར་ཡང་སྐུ་དངོས་སུ་ཆེད་ཕེབས་ཀྱིས་ལས་འགུལ་མཚམས་འཇོག་དགོས་པའི་འབོད་སྐུལ་ཞུས་མྱོང་ཡོད། སྔར་བཙན་བྱོལ་ནང་དུ་དཔའ་བོ་ཐུབ་བསྟན་དངོས་གྲུབ་ཀྱིས་རང་ལུས་མེར་སྲེག་བཏང་བའི་རྗེས་ཀྱི་མ་ཤི་བར་གྱི་ཟས་བཅད་ངོ་རྒོལ་དེ་གཞུང་དང་དབུ་ཁྲིད་གཉིས་ཀས་འབོད་སྐུལ་ཤུགས་དྲག་ཞུས་པར་བརྟེན་མཚམས་བཞག་པ་རེད། དེང་སང་བོད་ནང་དུ་མི་ག་ཚོད་སྲེག་བཏང་ནའང་བཙན་བྱོལ་བོད་གཞུང་གིས་མ་ཤི་བར་གྱི་ཟས་བཅད་ངོ་རྒོལ་ལྟ་བུའི་ལས་འགུལ་ཞིག་གི་འགོ་ཁྲིད་རྒྱུ་ཕར་ཞོག གསར་འགོད་པ་ཚད་ལྡན་ཞིག་གི་ཚབ་ཀྱང་བྱེད་ཐུབ་ཀྱི་མེད་པ་འདྲ། ད་དུང་བོད་ནང་གི་བོད་མི་ཚོས་རང་ལུས་མེ་སྲེག་བཏང་ན་རྒྱབ་སྐྱོར་ཡོད་པ་འདྲ། གང་ལྟར། རང་ལུས་མེ་སྲེག་གི་ལས་འགུལ་མཚམས་འཇོག་དགོས་པའི་རེ་སྐུལ་ནན་ཏན་ཞུ་དགོས།

འཛམ་གླིང་སྤྱི་དང་རྒྱ་བོད་གཉིས་གར་སྨན་པའི་བསམ་འཆར།

by Surya Tehortsang

ཀློག་པ་པོ་རྣམ་པ་ལགས། གལ་སྲིད་ང་རྒྱ་ནག་གི་སྲིད་འཛིན་པ་ཞིག་ཡིན་པའི་དབང་དུ་བཏང་ན་ངས་བོད་མི་སེར་ལ་ཆོས་དད་རང་དབང་ཆ་ཚང་སྤྲད། དེའི་སྟེང་བོད་ཀྱི་སྐད་ཡིག་དང་ཡུལ་སྲོལ་གོམ་གཤིས་མ་ཉམ་པའི་ཐོག་ནས་དེང་རབས་ཀྱི་སློབ་སྦྱོང་གང་ཡག་ཡག་དང་། གང་ཟབ་ཟབ་སྟེ་ཚན་རིག དཔལ་འབྱོར། ཆབ་སྲིད་གསུམ་བོད་མིའི་དགོས་མཁོ་ལྟར་བསླབ། བསླབ་པ་ནང་བཞིན་རྒྱ་ནག་གི་མི་རིགས་ལ་ཐོབ་ཐང་གང་ཡོད་ལྟར་ལས་དཀའ་སྤྲད། བོད་མི་རིགས་ལ་སེམས་གཏིང་ནས་ཡིད་ཆེས་བྱེད་དགོས་པ་རེད། བོད་པ་ལ་དགོས་རྒྱུའི་རྩ་བ་དེ་ཡིད་ཆེས་རེད། ཡིད་ཆེས་ནི་བོད་མིའི་ལྟ་གྲུབ་དང་པོ་དེ་རེད། བོད་མི་རིགས་ལ་ཡིད་ཆེས་མེད་ན་བོད་མི་བརྟེན་པའི་དགོས་མཁོ་བསྒྲུབ་མི་ཐུབ་པ་དེ་ཡང་ཤེས་དགོས་པའི་ལྟ་གྲུབ་ཀྱི་གནད་གསང་ཞིག་ཡིན། དེ་ནས་གོང་ས་མཆོག་གི་སྐུ་པར་ག་ཚོད་སྒྲོན་ན་སྒྲོན་དུ་བཅུགས། གཞུང་རང་ངོས་ནས་རིན་ཐང་ལྡན་པའི་སྐུ་པར་བཟོ་བསྐྲུན་ལེགས་པ་ཞིག་བཟོས་ཏེ་བོད་ཁྱིམ་དུད་རེ་རེ་ལ་ལེགས་སྐྱེས་སུ་བསྩལ། གོང་ས་མཆོག་གི་ཡོན་ཏན་བརྗོད། གོང་ས་མཆོག་མཇལ་བའི་ཆེད་དུ་སུ་འགྲོ་འདོད་ན་བཏང་། གོང་ས་མཆོག་བོད་ནང་དང་། རྒྱ་ནག་ལ་གདན་འདྲེན་ཞུས། བོད་རིགས་དང་། རྒྱ་ནག་གི་དད་ལྡན་པ་ཡོངས་རྫོགས་ཀྱི་དགོས་འདོད་དང་། Read the rest of this entry »

ལྟོགས་སད།

ནམ་མཁའ་ནས།

རྒྱ་ནག་མི་དམངས་རང་དབང་གི་རྨོངས་གཉིད་ལས་སད་རྒྱུ་ཧ་ཅང་དཀའ་མོ་ཞིག་ཡིན། རྒྱ་མི་རིགས་འདི་གྲོ་ཁོག་རྒྱག་ན་དེས་ཚིམ་ནས་གཞན་གྱི་བདེ་སྡུག་ལ་དོ་སྣང་མི་བྱེད་པར་སོ་སོའི་མདུན་གྱི་ལམ་ཆུང་ནང་ཤར་བསྐྱོད་བྱེད་རྒྱུ་ལས་ཆབ་སྲིད་ཀྱི་ཕྱོགས་སུ་འགན་མེད་དུ་བསམ་ཡོད།མི་རིགས་འདི་ལྒང་བུ་བཞིན་ཅི་ཙམ་མནོན་ཐུབ་དེ་ཙམ་སྒུར་མཁན་ཞིག་ཡིན། གལ་སྲིད་གློད་པའི་ཉིན་མོ་ཡང་ལྒང་བུ་ས་ལ་བརྡབ་པ་བཞིན་འཕགས་འཚགས་ཡོད་ཚད་མཆོངས་འདོད་མཁན་ཞིག་རེད། འདི་ནི་མི་རིགས་འདིའི་རང་གཤིས་དངོས་མ་ཞིག་ཡིན་པ་སྔ་རྗེས་གང་ལ་བལྟས་ཀྱང་ཤེས་ཐུབ།དཔེར་ན་མའོ་ཡི་དུས་སུ་རྒྱལ་ཁབ་ཡོངས་རྫོགས་རིག་གནས་གསར་བརྗེ་སྐབས་སྨྱོས་ཟིན་པ་བཞིན།བུ་ཕྲུག་ཚོས་རང་གི་ཡབ་མེས་དང་ཕ་མེས་ལའཐབ་རྩོད་དང་སྡོད་གནས་སོགས་གཏོར་བཤིགས་གཏོང་པ་ལ་ཐེ་ཚོམ་དང་འཇིགས་སྣང་ཅི་ཡང་མེད།ཐ་ན་ཡབ་མེས་ཀྱི་དུར་ས་ཡང་བརྐོ་སྔོགས་བྱེད་ཐུབ་པ་མ་ཟད།དུར་ས་ནས་ཐོན་པའི་རང་གི་ཕ་མའི་རུས་པ་ཡང་འཐབ་རྩོད་བྱེད་ཐུབ། Read the rest of this entry »

འཛམ་ཐང་གི་གནས་ཚུལ་གསར་བ།

གནས་ཚུལ་བསྡུ་རུབ་པ་ཚངས་དབྱངས་རྒྱ་མཚོ། 9882603991 / 8679044405
ད་ལྟ་རང་བོད་ནས་གནས་ཚུལ་འབྱོར་གསར་ལ་ཕྱི་ཚེས་ ༢༦ ཉིན་གྱི་དགོང་མོ་ཞི་རྒོལ་སྐབས་ཇོ་ནང་འཛམ་ཐང་དགོན་པའི་གྲྭ་རང་ལོ་ ༥༢ ཡིན་པ་ཀུན་འཕེལ་ལགས་ཀྱི་མགོར་མེ་མདའ་ཕོག་ཡོད་པ་དང་། དེ་བཞིན་དུ་འཛམ་ཐང་སྟོད་མ་ཡུལ་ཚོའི་སྡེ་མི་རྣམ་རྒྱལ་(རང་ལོ་༢༠)ལ་ཡང་མེ་འདའ་ཕོག་དེ་ད་སྐབས་ཁོང་གཉིས་སྨན་ཁང་དུ་མྱུར་སྐྱོབ་བྱེད་བཞིན་ཡོད་འདུག གཞན་ཉིན་དེར་ཨ་ནེ་ཞིག་གི་རྐང་བ་བཅག་པ་སོགས་མི་མང་པོར་རྨས་སྐྱོན་ཕོག་ཡོད་མོད། དགོང་མོ་ཡིན་པ་དང་། མི་མང་དྲགས་ནས་གསལ་བོ་ཞིག་ཤེས་རྟོགས་ཐུབ་མི་འདུག Read the rest of this entry »

ང་ཚོའི་སྟོབས་ཤུགས་ངོ་མ་དེ་གང་རེད།

རླབས།
ཆུ་བཞི་སྒང་དྲུག་གི་དཔའ་རྒོད་ཚོའི་ཆོད་སེམས་རྡོ་རྗེའི་མདུད་པ་བླ་མའི་དབང་ཤུགས་ཁྲོད་དུ་རླུང་ལ་བསྐུར་དགོས་བྱུང་ཞིང་། གདོང་དམར་གངས་ཅན་པའི་རང་བཙན་ལོ་རྒྱུས་གཙང་མ་སྐུ་ཚབ་རྫུན་མའི་སྐད་སྐུར་ཅིག་གི་འུར་སྒྲའི་ཁྲོད་དབུ་མའི་ལམ་དང་བརྗེས་སོང་། དུས་དེ་ནས་བཟུང་། ང་ཚོའི་འཐབ་རྩོད་ཁྲོད་ཕམ་ཁ་སྣ་དགུ་གཅིག་རྗེས་གཉིས་མཐུད་དུ་བྱུང་འགོ་བརྩམས་ཞིང་། དུས་དེ་ནས་བཟུང་། ང་ཚོའི་དམིགས་ཡུལ་དང་གྲ་སྒྲིག་ཡོད་ཚད་མུན་ཁྲོད་དུ་བརླགས་འགོ་ཚུགས་སོང་། ད་ནི་ང་ཚོས་དོན་དམ་པས་གཞིས་ལུས་རྒྱ་ཆེའི་མི་མང་ལ་སེམས་གཏིང་ནས་བཟོད་གསོལ་རིང་མོ་ཞིག་ཞུ་རན་འདུག ལོ་ངོ་དྲུག་ཅུའི་རིང་དུ་ང་ཚོའི་ཕ་ཡུལ་གྱི་ཕུ་ནུ་སྤུན་ཟླ་ཁྲི་སྟོང་གི་ཆེད་དུ་དོན་ངོ་མར་ང་ཚོས་ཅི་ཞིག་བྱས་ཡོད། Read the rest of this entry »