གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་དབུས་རྒྱུན་ལས་ཁང་ནས།
རྒྱ་གཞུང་གིས་བོད་ནང་ཆབ་སྲིད་ཀྱི་དམ་དྲག་འོག ཆོས་དད་རང་དབང་འཕྲོག་སྟེ་ཆོས་སྡེ་ཁག་ལ་འཇིགས་སྐུལ། རྩ་བའི་བླ་མར་དམའ་འབེབས་བྱེད་དགོས་བཙན་བཀའ་བཏང་བ་སོགས་ལ་བརྟེན། བོད་ས་ཁྱོན་ཡོངས་ནས་རྒྱ་གཞུང་གི་བོད་ཐོག་འཛིན་པའི་སྲིད་བྱུས་ལ་འ་ཆད་འུ་ཐུག་གིས་རྒྱ་གཞུང་ལ་རང་ལུས་མེར་བསྲེགས་ཀྱིས་ཞི་བའི་་རྒོལ་གནང་ཏེ་འདས་གྲོངས་སུ་གྱུར་བའི་དཔའ་བོ། དཔའ་མོ་རྣམས་པར་བསྔོ་སྨོན་དང་། གཞིས་ལུས་བོད་མིར་རྒྱ་ནག་གིས་ཡ་ང་བྲལ་བའི་མནར་གཅོད་སྡུག་རྩུབ་མྱོང་བཞིན་པ་རྣམས་པར་གདུང་སེམས་མཉམ་བསྐྱེད་མཚོན་ཕྱིར་གངས་ལྗོངས་རང་བདེན་རྩོལེན་མཐུན་ཚོགས་ཀྱིས་གོ་སྒྲིག་འོག
འགྲོ་བ་མིའི་སེམས་གཤིས་དང་བདེ་སྡུག
སེར་ཤུལ་རིན་ཆེན་དོན་གྲུབ།
འགྲོ་བ་མིའི་སེམས་གཤིས་ཀྱི་མྱོང་ཚོར་ལ་འཇུས་ནས་བདེ་སྡུག་གི་གནས་བབ་གླེང་དགོས་པའི་གནས་ལུགས་འདི་བདེ་བ་སྒྲུབ་འདོད་པ་དང་སྡུག་བསྔལ་སེལ་འདོད་ཡོད་པའི་སྐྱེ་བོ་ཀུན་ཀྱིས་དཔྱད་ཞིབ་ཀྱི་རྨང་གཞིར་བཟུང་དགོས་པ་ཞིག་རེད། གནས་སྟངས་འདིའི་ཐོག་ནས་གཟུ་བོའི་ཡིས་དཔྱད་ཅིང་འཚོལ་སྐབས་འདི་འདྲ་ཞིག་མཐོང་སྟེ། སྡུག་བསྔལ་ནི་རང་འདོད་ལ་རྒྱབ་ཀྱིས་ཕྱོགས་པའི་གནས་ཚུལ་དང་འཕྲད་སྐབས་དང་། རང་ཉིད་ཀྱི་འདོད་པའི་བྱ་དངོས་དག་མ་ཐོབ་པའི་གནས་སྐབས། རང་ཉིད་གཞན་ལ་ཡིད་ཆེས་བྱེད་མི་ཐུབ་པའི་གནས་སྐབས་དག་ཏུ་ཡོང་བཞིན་ཡོད། དེ་ནི་ང་ཚོས་ཉིན་རེའི་འཚོ་བའི་ནང་དུ་མཐོང་ཆོས་སུ་གནས་པ་ཞིག་ལས་ལུང་རིགས་ཀྱིས་བསྒྲུབ་དགོས་པ་ཞིག་མིན་ངེས།
ཞི་རྒོལ་གྱི་ལས་འགུལ་ཉིན་རེ་ལས་ཉིན་རེ་ཇེ་ཆེར་འགྲོ་བཞིན་པའི་གནད་དོན་གང་ལ་ཐུག་ཡོད་དམ།
སྦེལ་ཀོབ་བློ་དར།
ཕྱི་ལོ་༢༠༡༡ ཕྱི་ཟླ ༡༡ ཚེས་༢༩ རེ་གཟའ་མིག་མར་ཉིན་གྱི་སྔ་དྲོ་༩།༣༠ ཐོག་ལུགས་བསམ་གཞིས་གྲོང་དང་པོའི་བྱང་ཆུབ་མཆོད་བརྟེན་མདུན་ཐང་དུ། གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་གོ་སྒྲིག་འོག དཔལ་ལྡན་ཆོས་རིག་བཀའ་ཟུར་ཚེ་རིང་ཕུན་ཚོགས་མཆོག་དང་། བོད་མི་མང་སྤྱི་འཐུས་བློ་བཟང་སྙན་གྲགས་ལགས་མཆོག སྤྱི་འཐུས་འཇིགས་མེད་འབྱུང་གནས་མཆོག། སེ་ར་བྱེས་སྨད་གཉིས་ཀྱི་མཁན་པོ། སེར་བྱེས་དགེ་བསྐོས། གཞན་ཡང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། རྒྱལ་གཅེས་ལྷག་བསམ་གྱི་ཕྱུག་པའི་གདན་ས་ཁག་གི་དགེ་འདུན་པ་དང་། མི་མང་འདུ་འཛོམས་ཀྱིས། བོད་ཀྱི་རྩ་དོན་ཆེད་རང་ལུས་མེར་བསྲེགས་བཏང་སྟེ་འདས་གྲོངས་སུ་གྱུར་བའི་རྒྱལ་གཅེས་དཔའ་བོ་དཔའ་མོ་འདས་པོ་རྣམས་ལ་བསྔོ་སྨོན་གསུངས་ཤིང་། མནར་གཅོད་སྡུག་རྩུབ་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་མཚོན་ཆེད་དུ་ལས་འགུལ་དང་། མོན་གྷོ་ས་གནས་དྲུང་ཆེ་བློ་བཟང་ཕུན་ཚོགས་ལགས་ནས་མི་མང་ལ་འབུད་རྡུང་དཀྲོལ་གསུམ་གྱི་ལས་འགུལ་གྱི་དགོས་པ་རྒྱུ་མཚན་འགྲེལ་བརྗོད་དང་།
དེ་ལས་མང་བ་། “ཞི་རྒོལ་གྱི་ལས་འགུལ་ཉིན་རེ་ལས་ཉིན་རེ་ཇེ་ཆེར་འགྲོ་བཞིན་པའི་གནད་དོན་གང་ལ་ཐུག་ཡོད་དམ།” »
དགོན་པ་ནས་བཙན་གཡེམ་བྱས་ནས་སྡོད་དུ་མ་བཅུག་ཐལ་ཟེར།
ནམ་མཁའ་བསྟན་འཛིན།
བོད་བརྒྱུད་ནང་བསྟན་ཆེན་མོ་ནུབ་ཕྱོགས་ཡུལ་གྲུ་ཁག་ཏུ་དར་ནས་དུས་རབས་ཕྱེད་ཀ་ལྷག་ལས་འགོར་མེད་ནའང་རྒྱ་བལ་འབྲུག་གསུམ་ཕུད་པའི་ཕྱིའི་རྒྱལ་ཁབ་ཁག་ཏུ་བོད་པའི་ཆོས་ཚོགས་ཆིག་སྟོང་ལྔ་བརྒྱ་ལྷག་ཡོད་གྲབས་འདུག་ལ། འཇིག་རྟེན་གྱི་བྱ་བཞག་ཅི་ཞིག་ཡིན་ཀྱང་དགོས་སྐྱོན་གཉིས་ཀ་ཡོད་སྲིད་པ་ཆོས་ཉིད་ཡིན་མོད། དེང་སང་ཆོས་ཚོགས་འགའ་ཤས་བོད་པའི་སྤྲུལ་སྐུ་དང་གྲ་བའི་མིང་འཁྱེར་མཁན་འགས་ཁྱིམ་པ་སུན་འབྱིན་དང་བོད་པའི་ངོ་དགོང་བཤུ་བཞིན་འདུག ངོ་དེབ་སྟེང་གི་འབྲེལ་ཐག་འདི་བརྒྱུད་། ཀ་ལུ་རིན་པོ་ཆེའི་ཡང་སྲིད་ཀྱི་སྐད་ཆར་ཉོན།
http://www.facebook.com/photo.php?v=235712606496305&set=vb.100001727022809&type=2&theater
དྲ་ཐག་འདིའི་སྟེང་གི་མི་འདིས་ཁོ་བོ་སྔོན་ཆད་དགོན་པར་སྡོད་སྐབས་ཁོ་བོར་བཙན་གཡེམ་དང་མནར་གཅོད་བཏང་རབས། ཁོ་བོའི་མཐོང་ལམ་ལ་བོད་པའི་དགོན་སྡེ་དང་གྲ་བཙུན་མང་པོ་ཞིག་ནང་པ་མ་རེད་ཅེས་ངོ་དེབ་སྟེང་བཀོད་དེ་ཁྱབ་བསྒྲགས་བྱེད་བཞིན་འདུག སྤྱིར་བྱ་དངོས་གང་ཞིག་དངོས་ཡོད་དང་མཐུན་པའི་སྒོ་ནས་འབྲེལ་བཤད་བྱེད་པར་དགག་བྱ་ཅི་ཡོད་ཀྱང་། མི་འདིས་ཁོ་བོར་ལྡོག་ཕྱོགས་ནས་སྐད་ཆ་བཤད་མཁན་གྱི་མཆན་ཚང་མ་བསུབ་ཏེ་རྒྱབ་སྐྱོར་བྱེད་མཁན་འཚོལ་བཞིན་འདུག
དེ་ལས་མང་བ་། “དགོན་པ་ནས་བཙན་གཡེམ་བྱས་ནས་སྡོད་དུ་མ་བཅུག་ཐལ་ཟེར།” »
བོད་ནང་གི་ཛ་དྲག་གི་གནས་སྟངས་ལ་གཞིགས་ན་ང་ཚོས་ཧུར་བརྩོན་བྱེད་དགོས་པའི་དུས་ཡིན།
གསར་འགྱུར་མཁོ་གཏོང་བ་བོད་རིགས་ཚོགས་པའི་རྒྱུན་ལས་བྱམས་པ་ནས།
ཟླ་འདིའི་ཚེས་༢༧ ཉིན་སྦེལ་ལྗམ་བོད་རིགས་ཚོགས་པས་གོ་སྒྲིག་ཐོག་བཀའ་བློན་ཁྲི་པའམ་སྲིད་སྐྱོང་མཁས་དབང་བློ་བཟང་སེང་གེ་མཆོག་དང་། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དང་། སྐུ་ཚབ་སྐལ་བཟང་རྒྱལ་མཚན་ལགས། ཡུ་རོབ་སྤྱི་འཐུས་རྣམ་གཉིས་དང་དེ་བཞིན་སྦེལ་ལྗམ་བོད་རིགས་ཚོགས་པའི་སྐབས་དང་པོ་ནས་སྐབས་བཞི་པའི་བར་གྱི་རྒྱུན་ཟུར་རྣམས་ལ་ཉིན་གུང་གི་གསོལ་ཚིགས་ཤིག་༼སྦིར་སུལ་བླ་མ་བཀའ་དག་རིན་པོ་ཆེ་ཆོས་ཚོགས་ན་ལེནྡྲའི་དགོན་པར་༽ཕུལ་བར་སྐབས་དེར་བོད་རིགས་ཚོགས་པའི་ཚོགས་གཙོ་ནས་སྐུ་མགྲོན་ཡོངས་ལ་འཚམས་འདྲི་དང་། དེ་རྗེས་སྐབས་དེར་དམིགས་བསལ་གདན་ཞུའི་སྐུ་མགྲོན་བོད་རིགས་ཚོགས་པའི་སྐབས་རིམ་བྱོན་གྱི་རྒྱུན་ཟུར་རྣམས་དང་ས་གནས་གཞོན་ནུའི་ཚོགས་གཙོ་ཚོགས་གཞོན། ས་གནས་ཆུ་སྒང་ཚོགས་གཙོ་ཚོགས་གཞོན། དེ་བཞིན་ས་གནས་རྒྱ་བོད་མཛའ་འབྲེལ་ཚོགས་པའི་ཚོགས་གཙོ་སོགས་ངོ་སྤྲོད་གནང་བའི་རྗེས། ཚོགས་གཙོ་ལགས་ནས་དམིགས་བསལ་བོད་རིགས་ཚོགས་པའི་སྐབས་རིམ་བྱོན་གྱི་རྒྱུན་ཟུར་རྣམ་པར་གོ་སྐབས་འདི་རྒྱུད་ཏེ་སྦེལ་ལྗམ་བོད་རིགས་མི་མང་གི་ཚབ་ཞུས་ཏེ་ཐུགས་རྗེ་རྗེས་དྲན་གྱི་གཏམ་བཤད་གནང་སོང་།
དེ་ལས་མང་བ་། “བོད་ནང་གི་ཛ་དྲག་གི་གནས་སྟངས་ལ་གཞིགས་ན་ང་ཚོས་ཧུར་བརྩོན་བྱེད་དགོས་པའི་དུས་ཡིན།” »
མི་གྲངས་ལྔ་བརྒྱའི་སྦས་སྐུང་༼གནས་བསྐོར་༽དང་དེའི་ནག་ཉེས།
པ་དོན་ནས་ཕྱི་ལོ་༢༠༡༡ཟླ་༡༡ཚེས་༢༨ཉིན།
གླེང་གཞི་ཅན་དུ་གྱུར་དགོས་པའི་མི་གྲངས་ལྔ་བརྒྱའི་སྦས་སྐུང་གི་ནག་ཉེས་དེ་རིམ་བཞིན་ཇེ་ཆུང་དང་། ཇེ་ཆུང་ནས་ཡལ་བར་སེམས་ལ་ཐ་ན་སུ་ཞིག་གི་ཁས་ལེན་མི་བྱེད་པའི་ནག་ཉེས་ཤིག་ཏུ་གྱུར། འཛམ་གླིང་རྒྱལ་ཁབ་གང་ཞིག་ཏུའང་ཕྱི་བསྐྱོད་ལག་འཁྱེར་ཙམ་ཡང་མེད་པའི་ཕྱི་མི་ཞིག་འགྲོ་འོང་དང་འཚོ་གནས་བྱེད་པ་ནི་ཁྲིམས་འགལ་དང་། དེ་ལ་བརྩད་ཞིབ་ཀྱིས་སྐྱབས་བཅོལ་སོགས་ཆབ་སྲིད་དང་འབྲེལ་བ་མེད་ཚེ་བཙོན་འཇུག་དང་ཡང་ན་རང་གི་གནས་ཡུལ་རྒྱལ་ཁབ་གང་དེར་རྩིས་སྤྲོད་དགོས་པའི་རྩ་ཁྲིམས་གཅིག་བསྒྲགས་རེད། འོན་ཏེ་རང་གི་རྒྱལ་ཁབ་གང་དེའི་སྟོབས་འབྱོར་ལ་མ་ལྟོས་པར། ཆབ་སྲིད་དང་འབྲེལ་བའི་སྐྱབས་བཅོལ་ལེན་གྱིན་ཡོད་པ་ནི་རང་ཁྱིམ་མཚེས་རྒྱལ་ཁབ་དབར་མཛའ་གྲོགས་གི་འབྲེལ་བ་ཡུན་དུ་གནས་ཐབས་དང་གཡོ་ལྷད་མེད་པའི་རྒྱལ་ཁབ་དེའི་ཀྱི་བཟང་སྤྱོད་རྣལ་མ་བ་ཞིག་རེད།
དེ་ལས་མང་བ་། “མི་གྲངས་ལྔ་བརྒྱའི་སྦས་སྐུང་༼གནས་བསྐོར་༽དང་དེའི་ནག་ཉེས།” »
ལང་ཚོའི་རྦབ་ཆུ་དང་སྦྱར་ཏེ་སྲིད་སྐྱོང་བློ་བཟང་སེང་གེར་ཕུལ་བའི་སྙན་ངག
སྒྲོལ་མ་སྐྱབས་། པུར་མིང་ལ་ཅོག་རོང་གི་མྱི་།
སྐུ་ཞབས་དོན་འགྲུབ་རྒྱལ་རྗེས་སུ་དྲན་པ་དང་ཁོང་གི་བརྩམས་ཆོས་ལང་ཚོའི་རྦབ་ཆུའི་བརྗོད་བྱ་ཀ་དག་དེ་འབུར་དུ་འདོན་ཞོར་སྲིད་སྐྱོང་བློ་བཟང་སེང་གེ་ལ་བཀྲ་ཤིས་བདེ་ལེགས་ཀྱི་རྟེན་འབྲེལ་དང་སྦྲགས། དེང་གི་དུས་འདིར་དཀའ་ངལ་ཕྲད་བཞིན་པའི་ཁོང་དཔོན་གཡོག་ལྷན་རྒྱས་རྣམ་པར་སེམས་ཤུགས་སྤེལ་བའི་ཕྱིར་སྙན་ངག་ལྟར་སྣང་འདི་བྲིས་པ་ཡིན། ནོངས་པ་ཇི་མཆིས་མཁས་པ་དག་གི་སྤྱན་སྔར་མཐོལ་ལོ་བཤགས།
བྱམས་ཤིང་བརྩེ་བའི་༧ཡིད་བཞིན་ནོར་བུ།
མཁས་ཤིང་འཇོན་པའི་ཟམ་གདོང་བླ་མ
བཀའ་དྲིན་ཆེ་བའི་འཕགས་ཡུལ་མང་ཚོགས།
གཏོང་ཕོད་ལྡན་པའི་རྒྱ་གར་སྲིད་གཞུང་།
ལས་ལ་བརྩོན་པའི་བཙན་བྱོལ་མི་མང་།
ཚུལ་ཁྲིམས་ལྡན་པའི་གདན་ས་འདུ་སྡེ།
ཨེ་མ།
དེ་ལས་ཀྱང་ཉམས་དགའ་བ་ནི།
བཙན་བྱོལ་སྲིད་ཀྱི་བྲག་ངོས་གཟར་བོ་ན།
དེ་ལས་མང་བ་། “ལང་ཚོའི་རྦབ་ཆུ་དང་སྦྱར་ཏེ་སྲིད་སྐྱོང་བློ་བཟང་སེང་གེར་ཕུལ་བའི་སྙན་ངག” »
ཁྱོད་ལ་ཐོབ་ཐང་དགོས་ན། ང་ལ་ཐོབ་ཐང་སྤྲོད་དགོས་པ་དེ་ཡང་ཤེས་ན་འགྲིག་གི
བོད། ལྷ་ཀླུ་གཉན་གསུམ།
མི་ཟེར་བ་ནི་རང་ཉིད་ཀྱི་ཐོབ་ཐང་བརྩོན་ལེན་བྱེད་པའི་རྣམ་དཔྱོད་ཡོད་ལ། དེ་ལྟར་རང་ཉིད་ཀྱི་ཐོབ་ཐང་བརྩོན་ལེན་བྱེད་པའི་དབང་ཚད་ཀྱང་ཡོད་པ་རེད། དེང་དུས་སུ་མི་ལ་ལས་རང་ཉིད་ཀྱི་ཐོབ་ཐང་ལས་གཞན་གྱི་ཐོབ་ཐང་ལ་འགན་མི་འཁུར་བ་དང་། གཞན་གྱི་ཐོབ་ཐང་ལ་རྡོག་རོལ་གཏོང་གི་ཡོད་པ་རེད། ང་ཚོས་ཀྱང་མི་དེ་ཡི་རིགས་ཀྱི་བྱེད་སྟངས་ལ་ངོ་རྒོལ་བྱེད་དགོས་པ་མ་ཟད། ཁྱོད་ལ་ཐོབ་ཐང་དགོས་པ་དེ་བཞིན་དུ་ང་ཚོ་ལ་ཡང་མི་ཞིག་གི་ཐོབ་ཐང་ལོས་དགོས། དེ་ཁྱོད་ཀྱི་ཤེས་དགོས་ཞེས་གསལ་འདེབས་རབ་དང་རིམ་པ་བྱེད་དགོས་པ་མ་ཟད། མི་དེ་ཡི་རིགས་ཀྱི་ཐོབ་ཐང་དང་བདག་དབང་ཡང་མི་གཞན་དག་གི་ཐོབ་ཐང་དང་བདག་དབང་ལ་འབྲེལ་བ་དམ་པོར་ཡོད་པ་ཤེས་སུ་འཇུག་དགོས།
དེ་ལས་མང་བ་། “ཁྱོད་ལ་ཐོབ་ཐང་དགོས་ན། ང་ལ་ཐོབ་ཐང་སྤྲོད་དགོས་པ་དེ་ཡང་ཤེས་ན་འགྲིག་གི” »
མེ་ཁར་སྣུམ་གཤོ་གིན་པ་ལྟ་བུའི་སྐད་ཆ་དེ་ཚོ………..
རྩོམ། འོད་ཟེར།
སྒྱུར། ནགས་ཤོད་སད་མི།
གཟའ་འཁོར་གསུམ་གྱི་གོང་དུ། ང་རང་དམ་དྲག་ཆེ་བའི་ལྷ་ས་ནས་ཐལ་སྐྱས་བཏུམས་པའི་པེ་ཅིང་དུ་ཕྱིར་ལོག་བྱས། མ་གཞི་གྲོང་ཁྱེར་འདིའི་རང་བྱུང་མཁའ་དབུགས་སྦག་བཙོག་ཚབས་ཆེན་ཐེབས་ཡོད་ནའང་། ཆབ་སྲིད་ཀྱི་མཁའ་དབུགས་ལྷ་ས་ལས་ཏན་ཏན་ཞི་འཇམ་པས། དམ་དུ་བཀྱིགས་པའི་ངའི་ཁྲག་རྩ་རྣམས་ལྷོད་ལ་འབབ་ཏུ་བཅུག ཡིན་ནའང་། བཙུན་མ་བསྟན་འཛིན་དབང་མོས་རང་ལུས་མེར་བསྲེགས་ནས་སྐུ་གཤེགས་པའི་གནས་ཚུལ་དེས། དར་ཞིང་རྒྱས་པའི་པེ་ཅིང་གི་གདོང་འབག་དབྲལ་སོང་ལ། ངས་དགུངལོ ༢༠ ལས་མེད་པའི་བཙུན་མ་འདིའི་ཆེད་དུ་མིག་ཆུ་གཏོང་དགོས་ཐུག
དེ་ལས་མང་བ་། “མེ་ཁར་སྣུམ་གཤོ་གིན་པ་ལྟ་བུའི་སྐད་ཆ་དེ་ཚོ………..” »
དཔྱངས་གསོད་ཐེངས་ཤིག
སྐར་ཁུང་རྩོམ་སྒྱུར་ཚོགས་ཆུང་གིས།
དབྱིན་ཡིག་ལ་གཟིགས་ན།
དེ་ནི་ཆར་བས་སྦངས་བའི་འབར་མའི་ཞོགས་པ་ཞིག་རེད། སྐྱོ་ཉམས་ཀྱི་ཉི་འོད་ཀྲིན་ཤོག་སེར་པོ་ཞིག་དང་མཚུངས་པར་གྱང་མཐོན་པོའི་སྟེང་ནས་བཙོན་ཁང་གི་སྒོ་རར་གསེག་ཏུ་འཕྲོས་འོང། ང་ཚོས་སེམས་ཅན་གྱི་ལྕགས་ཁྲ་དང་འདྲ་བའི་གྲལ་སྒྲིག་ཅིང་མདུན་ངོས་ལྕགས་དྲ་ཉིས་བརྩེགས་ཀྱིས་བཟོས་ཡོད་པའི་ཉེས་ཅན་འདུག་སའི་ཁང་ཆུང་དེའི་ཕྱི་ལོག་ཏུ་སྒུག་ནས་བསྡད་ཡོད། ཁང་ཆུང་རེ་རེའི་དཀྱིལ་ལ་ཕི་ཀྲི་བཅུ་དང་ཞེང་ལ་ཕི་ཀྲི་བཅུ་ཡོད་ཅིང། ནང་དུ་པང་ལེབ་ཀྱི་ཉལ་ཁྲི་གཅིག་དང་འཐུང་ཆུའི་རྫ་མ་ཞིག་ལས་ཅི་ཡང་མི་འདུག། ཁང་ཆུང་འགའ་རེའི་ནང་དུ་སྨུག་མདོག་གི་ཕོ་གསར་འགས་ཀམ་པ་ལི་རང་ཉིད་ཀྱི་ལུས་ལ་གཡོགས་ནས་ལྕགས་དྲ་ནང་མ་དེར་བསྙེས་ནས་ཙོག་པར་བསྡད་འདུག ཁོ་ཚོ་ནི་བདུན་ཕྲག་གཅིག་གམ་གཉིས་ཀྱི་ནང་དུ་དཔྱང་གསོད་བྱེད་རྒྱུར་ངེས་པའི་ཁྲིམས་ཐག་བཅད་ཟིན་པ་དག་རེད།
སྨོན་ལམ་ཆེན་མོ་སྔ་ཕྱིའི་རྟེན་འབྱུང་ལས་བརྩམས་པའི་གཏམ་བཤད།
རྫ་ཚེ་རིང་བཀྲ་ཤིས་ཀྱིས་བསྒྱུར།
མཁན་རིན་པོ་ཆེས་བྱམས་བརྩེའི་ངང་ཐུགས་སེམས་ཁོལ་པོས། གང་ཡང་མེད། ཚང་མ་ཡག་པོ་ཟིན་པ་ཡིན་ཞེས་གསུངས་གནང་བྱུང་།——-ཆོས་དབྱིངས་ལྷ་མོ།
བཀུར་འོས་གདུང་སྲས་རིན་པོ་ཆེ། མཁྱེན་བརྩེ་རིན་པོ་ཆེ། མཁན་པོ་རིན་ཆེན་དང་མཁན་པོ་འཇམ་དབྱངས་བློ་གསལ་གཙོས་པའི་མཁན་པོ་སྤྲུལ་སྐུ་རྣམ་པ། དགེ་འདུན་པ་རྣམ་པ། ཕྱོགས་མཐའ་ཁག་ནས་ཕེབས་པའི་ཆོས་གྲོགས་རྣམ་པར་འཚམས་འདྲིའི་བཀྲ་ཤིས་བདེ་ལེགས་ཞུ།
ཚང་མས་འགྲུལ་བཞུད་དང་བཞུགས་གནས་མཐུན་རྐྱེན་སོགས་ཀྱི་སྐུ་ངལ་ལ་མ་འཛེམས་པར་ཐེངས་འདིའི་བཟང་སྤྱོད་སྨོན་ལམ་ཆེན་མོར་ཆིབ་སྒྱུར་བསྐྱངས་གནང་བར་སྙིང་ཐག་པ་ནས་བཀའ་དྲིན་ཆེ་ཞུ་བཞིན་ཡོད། སྨོན་ལམ་འདི་ནི་གུས་པའི་རྩ་བའི་བླ་མ་མཁན་ཆེན་ཀུན་དགའ་དབང་ཕྱུག་རིན་པོ་ཆེ་འཁྲུངས་ནས་ལོ་དགུ་བཅུ་འཁོར་བའི་དུས་དྲན་དུ་འཚོགས་པ་ཞིག་རེད། གུས་པ་ནང་བསྟན་གྱི་རྗེས་སུ་འཇུག་པའི་སློབ་མ་ཞིག་ཡིན་པ་ཙམ་གྱི་ཆ་ནས་སྨོན་ལམ་འདི་ཉིད་འཚོགས་པའི་རྒྱུ་རྐྱེན་རྟེན་འབྲེལ་གྱི་སྐོར་ཉུང་ཉུང་ཞིག་ཞུ་རྒྱུ་ཡིན།
དེ་ལས་མང་བ་། “སྨོན་ལམ་ཆེན་མོ་སྔ་ཕྱིའི་རྟེན་འབྱུང་ལས་བརྩམས་པའི་གཏམ་བཤད།” »
རྒྱ་དང་བོད། རྒྱལ་རོང་དང་རྔ་བ།
སྣང་རྒྱལ་ཤེས་དགེ། ཉིན་འགའི་སྔོན་ལ་བོད་ནས་གསར་དུ་འབྱོར་བའི་རྒྱལ་རོང་བ་ཞིག་ལ་བོད་ཀྱི་གནས་སྟངས་སྐོར་དང་ལྷག་པར་དུ་ཨ་མདོ་རྔ་བའི་སྐོར་ལ་སྐད་ཆ་འགའ་རེ་དྲིས་པ་ཡིན། སྟབས་ལེགས་པ་ཞིག་ལ་ཁོ་རྔ་བར་ལོ་མང་པོར་སྡོད་མྱོང་ཡོད་པར་མ་ཟད་ཉེ་ཆར་གྱི་དོན་རྐྱེན་ཁག་གི་སྐབས་སུའང་ཁོ་རྔ་བ་ན་ཡོད་འདུག རྔ་བའི་སྐད་ལ་བྱང་ཆ་ཐོན་པའི་ཁོའི་ཁ་ནང་ནས་ནམ་རྒྱུན་གསར་ལམ་ཁག་ནས་སྒྲོག་བཞིན་པའི་གནས་ཚུལ་ཁག་ཐོས་པ་ལས་གཞན་འདི་འདྲ་ཞིག་ཀྱང་བཤད་བྱུང་སྟེ། ད་ལྟའི་རྔ་བ་རྫོང་གི་དྲག་ཆས་ཉེན་རྟོག་རུ་ཁག་དང་རྫོང་སྤྱི་བདེ་ཅུས་ཀྱིས་རྒྱལ་རོང་ནས་ཕོ་གསར་ལས་མེད་མང་པོ་བསྡུ་རུབ་བྱེད་བཞིན་ཡོད་པ་དང་། དེ་ལྟར་བྱེད་མཁན་གཙོ་བོ་རྒྱལ་རོང་ནས་སྐྱེས་ཤིང་བོད་རིགས་ཡིན་པ་(yang huaའདི་བོད་མིང་ཡིན་ནམ་རྒྱ་མིང་ཡིན་ཤེས་མ་སོང་།)ཟེར་བའི་ཉེན་རྟོག་པ་དེ་ཡིན་འདུག་ཅིང་། ཁོས་རྒྱལ་རོང་ཁྲོ་ཆུའི་ཕོ་གསར་མང་པོ་བསྡུ་རུབ་བྱས་སྟེ་ཁོ་ཚོ་ལ་སྤྱི་ཚོགས་རྙིང་པའི་སྐབས་རྔ་བའི་རྨེའུ་རྒྱལ་པོས་ཁྲོ་ཆུ་ལ་དམག་དྲངས་ནས་མི་མང་པོ་བསད་ཡོད་པས། ད་ལྟ་ང་ཚོས་དགྲ་ཤ་ལེན་རྒྱུའི་གོ་སྐབས་ཡག་པོ་ཡོད་ཚུལ་བཤད་དེ་སློབ་གསོ་རྒྱག་བཞིན་ཡོད་འདུག་པ་དང་། ཕོ་གསར་རྣམས་རྔ་བར་མ་བཏང་སྔོན་ལ་ཁྲོ་ཆུ་རང་ནས་ཁོང་ཚོ་ལ་མཛད་སྒོའང་རྒྱ་ཆེ་ཙམ་བྱེད་བཞིན་ཡོད་འདུག ་ཅིང་། གནས་སྟངས་དེར་རྒྱལ་རོང་གི་ཡུལ་མིའི་ནང་དུ་གླེང་ཕྱོགས་མང་པོ་ཡོད་འདུག (yang hua)ཟེར་བ་འདི་སྔོན་མ་ནས་གྲྭ་བ་ཚོར་སྡང་ཟུག་ཆེན་པོ་བྱེད་མཁན་ཞིག་ཡིན་ཞིང་། ༢༠༠༨།༠༣།༡༦། ཉིན་གྱི་རྔ་བའི་ལས་འགུལ་ཁྲོད་མི་མང་པོ་དམར་གསོད་གཏོང་མཁན་ཡང་ཁོ་དང་ཁོའི་མངག་པའི་ཁྲོ་ཆུ་བ་ཚོ་རེད་ཅེས་དམངས་ཁྲོད་དུ་གླེང་གི་ཡོད་འདུག དཔའ་བོ་བཀྲ་བྷེས་རང་ལུས་མཆོད་མེར་འབུལ་སྐབས་ཀྱི་འདྲ་པར་ཐོག་གི་ཉེན་རྟོག་པའི་ཁྲོད་དུ་ཁ་ཚུརའཁོར་ནས་ལག་པ་བརྐྱང་བསྡད་མཁན་དེ་ཁོ་རེད་ཟེར། ད་དུང་དེའི་མཐའ་འཁོར་གྱི་ཉེན་རྟོག་པ་རྣམས་ཀྱང་ཁོས་རྒྱལ་རོང་ཁྲོ་ཆུ་ནས་ཁྲིད་ཡོང་བའི་ཕོ་སར་དག་རེད་ཟེར།
མི་ཡི་སེམས་ཁམས།
བསོད་ནམས།
མཐོ་སྒང་འདི་ན་ཆེས་ཆེར་གསང་བ་དང་། །
ལྐོག་ཏུ་གྱུར་པའི་ཆོས་ཤིག་ཡོད་གྱུར་ན། །
མགོ་ནག་མི་ཡི་སེམས་ཀྱི་གཤིས་ཀ་དང་། །
གསུང་རབ་དགོངས་དོན་གཉིས་ལས་གཞན་ཅི་ཞིག །
གཅིག་དང་གཉིས་ཞེས་གྲངས་སུ་བགྲང་འདོད་ཀྱང་། །
ང་ལ་ཡོད་པ་སྔོན་མའི་ལོ་རྒྱུས་ཙམ། །
ཁྲིག་ཁྲིག་མེད་པའི་འཇིག་རྟེན་ཁམས་འདི་ལ། །
ང་ཡི་ཡོད་ཚད་མདང་གི་རྨིན་ལམ་འདྲ། །
སྐར་ཁུང་། ཁ་བརྡས་གསར་དུ་ཕྱེ་བའི་ལེ་ཚན།
སྐར་ཁུང་ནི་ཁ་བརྡ་ཚང་གིས་གསར་དུ་ཕྱེ་བའི་ལེ་ཚན་ཞིག་སྟེ། ལེ་ཚན་འདི་ལ་བརྟེན་ནས་བོད་དོན་དང་འབྲེལ་བ་དང་། ང་ཚོའི་རྒྱུན་ཤེས་དང་འབྲེལ་བ་དང་། ང་ཚོའི་མི་ཚེ་དང་འབྲེལ་བའི་ཤེས་ཡོན་གསར་པ་རེ་དང་། གླེང་གཞི་གསར་པ་རེ། ལྟ་ཚུལ་གསར་པ་རེ་ཁ་བརྡའི་ནང་ལ་འདྲེན་ཨེ་ཐུབ་བསམ་པ་ཡིན། སྔོན་མ་ཁ་བརྡའི་ནང་ལ། བརྗོད་གཞི་བོད་སྐད་ཡིག་དང་ཆོས་རྒྱུད་ཀྱི་དོན་དག་རེ་བྱུང་སྐབས་དེ་ལ་མཆན་བུ་གྲངས་མང་ཡོང་བ་དང་། དེ་ལས་བརྒལ་བའི་བརྗོད་གཞི་ཡོང་དཀོན་པ་དང་། ཡོང་ན་ཡང་མཆན་བུ་འདེབས་མཁན་དཀོན་ཚུལ་དང་། དེ་ནི་ང་ཚོའི་ཤེས་རྒྱའི་ཁྱབ་ཁོངས་དོག་རྟགས་ཤིག་ཡིན་ཚུལ་གྱི་བསམ་ཚུལ་འདོན་མཁན་ཞིག་བྱུང་ཡོད།
ཁ་བརྡའི་ཐོག་གི་རྩོམ་པ་པོ་མང་ཆེ་བ་ལ་མཚོན་ན། ང་ཚོས་སེམས་ཁུར་བྱེད་ས་དང་དགའ་སྣང་བྱེད་ས་ནི་ང་ཚོའི་ཕ་ཡུལ་དང་ཕ་སྐད། ཕ་ཆོས་ཡིན། ང་ཚོས་དེ་དག་ལ་ཅི་ཙམ་གྱིས་དགའ་སྣང་དང་སེམས་ཁུར་བྱེད་པ་དེ་ཙམ་གྱིས་དེ་དག་ལ་ཤེས་རྟོགས་བྱེད་པ་དང་གླེང་མོལ་བྱེད་པ་ཡང་རང་བཞིན་ཡིན། ཁ་བརྡའི་རྩོམ་སྒྲིག་པའི་ངོས་ནས་དེ་ལ་སྐྱོན་ཆ་མཐོང་གི་མེད་ན་ཡང་། ང་ཚོའི་ཤེས་རྟོགས་དང་གླེང་མོལ་རྒྱ་ཇེ་ཆེར་གཏོང་དགོས་པ་ཞིག་མཐོང་གི་ཡོད།
མདོ་སྨད་དབུས་རྒྱུན་གྱིས་སྤེལ་བའི་གསལ་བསྒྲགས།
༄༅། །བལ་ཡུལ་མདོ་སྨད་ས་གནས་རྒྱུན་ལས་དང་ལྡི་ལིའི་མདོ་སྨད་ས་གནས་རྒྱུན་ལས་གཙོས་ས་རྒྱུན་ཁག་གི་སྙན་ལམ་དུ་ཞུ་གསོལ།
ཆེད་ཞུ།
ད་ལོར་༸སྤྱི་ནོར་༸གོང་ས་༸སྐྱབས་མགོན་རྒྱལ་དབང་ཐམས་ཅད་མཁྱེན་པ་མཆོག་གིས་དུས་འཁོར་དབང་ཆེན་ཐེངས་སོ་གཉིས་པ་གནས་མཆོག་རྡོ་རྗེ་གདན་དུ་གནང་གཏན་འཁེལ་ཡོད་པ་ཚང་མས་མཁྱེན་ཆུབ་དང་། དེ་བཞིན་བོད་ནས་ཆོས་ཞུ་གང་མང་ཕེབས་འབྱོར་སྐབས་དབུས་བོད་མིའི་སྒྲིག་འཛུགས་ཀྱི་སྣེ་ལེན་ཁང་བརྒྱུད་སྣེ་འཁྲིད་པ་གང་ལེགས་ཡོད་མུས་ཐོག ཚོགས་པ་རེ་ཟུང་ནས་སྐབས་དེའི་རིང་ཞབས་ཞུ་གང་ཡོང་སྒྲུབ་རྒྱུའི་གསལ་བསྒྲགས་སྔོན་སོང་ལྟར་ལགས་ཤིང་།
དེ་ལས་མང་བ་། “མདོ་སྨད་དབུས་རྒྱུན་གྱིས་སྤེལ་བའི་གསལ་བསྒྲགས།” »
ཨ་མདོ་རྔ་པའི་གནས་ཚུལ་གསར་པ།
ཕྱི་ལོ་ ༢༠༡༡ ཟླ་ ༡༡ ཚེས་ ༢༣ ཉིན་གནས་ཚུལ་འབྱོར་བར། འདི་ཟླའི་ཚེས་ ༢༡ ཉིན་རྔ་པ་ཀིརྟི་དགོན་པའི་གྲྭ་རྨེའུ་སྲིབ་རྒྱ་མཚོ། རང་ལོ་ ༤༢ ཙམ་ཡིན་པ་ཁོང་རང་ཤག་ནས་འཛིན་བཟུང་བཙན་ཁྲིད་བྱས་ཡོད་ཀྱང་། ཅིའི་ཕྱིར་བཀག་ཉར་བྱས་པའི་རྒྱུ་མཚན་གསལ་བཤད་བྱས་མེད་པ་དང། གང་དུ་བཀག་ཉར་བྱས་ཡོད་མེད་སོགས་ཤེས་ཐུབ་ཀྱིན་མེད་འདུག ཁོང་ནི་རྔ་པ་རྫོང་སྤྲོ་ཚིགས་ཞང་རྨེའུ་སྲིབ་སྡེ་བའི་རག་རྩ་ཚང་ཡིན་ཞིང་། ཆུང་ཆུང་སྐབས་ནས་རྔ་པ་ཀིརྟི་དགོན་པར་ཆོས་ཞུགས་བྱས་ཏེ། དེང་སྐབས་འཛིན་གྲྭ་དཀའ་རམས་དང་པོ་ཡིན་འདུག དེ་སྔོན་དགོན་པའི་སློབ་གྲྭ་སྒོ་མ་བརྒྱབ་གོང་ཁོང་སློབ་གྲྭའི་དགེ་རྒན་ཡིན་པ་དང་། བོད་ནང་གི་དུས་དེབ་དང་ཚགས་པར་སོགས་སུ་རྩོམ་ཡིག་མང་པོ་སྤེལ་མྱོང་ཞིང་། བོད་ཡིག་གི་ཡིག་གཟུགས་འདྲ་མིན་དང་རི་མོ་སོགས་འབྲི་བའི་ཆེད་མཁས་པ་ཞིག་ཀྱང་ཡིན་འདུག
AFP གསར་ཁང་གིས་རྒྱ་ནག་གི་དམག་མིར་བོད་ལྭ་བཀབ་པ།
ཀ་ཉག་ཚེ་རིང་།
འདི་ལོའི་ཕྱི་ཟླ་བཅུ་པའི་ཟླ་དཀྱིལ་ཞིག་ལ་ཕ་རན་སིའི་ AFP ཞེས་པའི་གསར་ཁང་གི་གསར་འགོད་པ་ཞིག་གསང་སྟབས་ཀྱིས་རྔ་པར་སོང་ཞིང་། རྔ་པ་རྫོང་མཁར་གྱི་ཁྲོམ་ལམ་དབུས་མར་བཀྲམས་ནས་ཡོད་པའི་དམག་མི་དང་ཉེན་རྟོག་པ་མང་པོ་ཞིག་རླངས་འཁོར་ནང་ནས་བརྙན་ལེན་བྱས་ཏེ་འཛམ་གླིང་ལ་གསལ་པོར་བསྟན་ཡོད་ལ། ཕྱི་ཟླ་ ༣ ཚེས་ ༡༦ ནས་རྔ་པའི་ནང་ལ་བོད་མིས་རང་སྲོག་བློས་གཏོང་གིས་རྒྱ་གཞུང་ལ་ངོ་རྒོལ་གྱི་དོན་རྐྱེན་མང་པོ་བྱུང་བར་རྒྱ་གཞུང་གིས་དམག་མི་དང་ཉེན་རྟོག་པ་མང་པོ་འགྲེམས་འཇོག་བྱས་ཏེ་དྲག་གནོན་བྱས་དང་བྱེད་བཞིན་པའི་དངོས་ཡོད་གནས་ཚུལ་རྒྱལ་སྤྱིའི་སྒང་ལ་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ། ཐ་ན་མི་སྒེར་རེ་རེས་ཀྱང་འགྲེལ་བཤད་བརྒྱ་ཕྲག་སྟོང་ཕྲག་བྱས་ཀྱང་རྒྱ་ནག་གཞུང་གིས་ངོས་ལེན་བྱེད་རྒྱུ་ལས་ལྡོག་སྟེ། རྔ་པའི་ནང་ལ་རྒྱུན་ལྡན་ཡིན་ཚུལ་ངོ་ཚ་འཛེམས་མེད་ཀྱིས་ཐེངས་དུ་མར་འཛམ་གླིང་ཡོངས་ལ་བསྒྲགས་ཡོད་པ་རེད།
དེ་ལས་མང་བ་། “AFP གསར་ཁང་གིས་རྒྱ་ནག་གི་དམག་མིར་བོད་ལྭ་བཀབ་པ།” »
དེ་སྔ་ལས་ལྷག་པའི་དྲག་གནོན་གྱི་སྲིད་བྱུས་ལག་བསྟར་བྱ་རྒྱུ་ཡིན་པ།
(བོད་ནང་རྒྱ་ནག་གཞུང་གིས་དཔལ་འབྱོར་འཕེལ་རྒྱས་དང་ཡུན་རིང་བདེ་འཁོད་ཡོང་རྒྱུ་བཤད་ཀྱང་དོན་དུ་དེ་སྔ་ལས་ལྷག་པའི་དྲག་གནོན་གྱི་སྲིད་བྱུས་ལག་བསྟར་བྱ་རྒྱུ་ཡིན་པ།)
བུ་རྫོང་ལྷ་མོ་ཚང་ཚེ་རིང་དབང་ཕྱུག
༄༅། རྒྱ་ནག་གཞུང་གིས་ཉེ་ཆར་གསར་དུ་བསྐོ་གཞག་བྱས་པའི་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་ཁྲེན་ཆེན་གོས་ཟླ་བ་འདིའི་ཚེས་༡༡ཉིན་གྱི་སྔ་དྲོར་ཚོགས་པའི་ཀྲུང་གོ་གུང་ཁྲན་ཏང་བོད་རང་སྐྱོང་ལྗོངས་དམར་ཤོག་སྐབས་བརྒྱད་པའི་ཨོུན་ལྷན་ཁང་ཞེས་པའི་ཚབ་བྱས་ཏེ་ལས་དོན་སྙན་ཞུ་ཤོག་གྲངས་ ༡༥ ཡོད་པ་ཞིག་སྒྲོགས་སྦྱང་བྱས་འདུག་པར་ལྟ་ཞིབ་བྱེེད་སྐབས། དོན་ཚན་ཆེ་བ་ཁག་བཅུ་ཡོད་ཁོངས་ནས་གཙོ་ཆེ་ཤོས་དོན་ཚན་བཞི་པ། “སྤྱི་ཚོགས་བརྟན་ལྷིང་སྲུང་སྐྱོབ་བྱ་རྒྱུ་དེ་མཐའ་གཅིག་ཏུ་བསྒྲུབ་དགོས་པའི་ལས་འགན་དང་འགན་འཁྲི་ཨང་དང་པོར་བརྩིས་ནས་ཡུན་རིང་བདེ་འཁོད་ཡོང་བའི་འབད་བརྩོན་བྱེད་དགོས་”ཞེས་བཤད་པ་དེ་རེད་འདུག དོན་ཚན་བཞི་པ་དེའི་ནང་། ནང་གསེས་དོན་ཚན་བཞི་ལ་ཁག་དབྱེ་ནས། དང་པོ་འདི་ཁ་བྲལ་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་སྤེལ་དགོས་ཞེས་པ་དང་། གཉིས་པ་ཁྲིམས་ལུགས་ལྟར་དགོན་སྡེར་དོ་དམ་བྱེད་རྒྱུ་མཐབ་འཁྱོངས་བྱེད་དགོས་ཟེར་བ། གསུམ་པ་གྲོང་ཁྱེར་དང་གྲོང་གསེབ་ཀྱི་གཞི་རིམ་རྨང་གཞི་སྲ་བརྟན་དུ་གཏོང་དགོས། བཞི་པ་སྤྱི་ཚོགས་དོ་དམ་ལ་ཤུགས་སྣོན་རྒྱག་པ་དང་གསར་གཏོད་བྱེད་དགོས་ཞེས་བཀོད་འདུག
དེ་ལས་མང་བ་། “དེ་སྔ་ལས་ལྷག་པའི་དྲག་གནོན་གྱི་སྲིད་བྱུས་ལག་བསྟར་བྱ་རྒྱུ་ཡིན་པ།” »
སྙན་ངག་གྱེར་འདོན་གྱི་བརྒྱུད་རིམ་ཁྲོད་ཀྱི་བསམ་ཚུལ་ཐོར་བུ།
ལྷོ་ཕྱོགས་ཉི་ཟླ་ནས།
རང་ཉིད་ཉམས་ཞུགས་ཞིག་གིས་ངོས་ནས་དྲང་བདེན་གྱི་སྐད་ཆ་འགའ་མ་བཤད་ཐབས་མེད་ཆགས་སོང་། དེང་ཐོག་ནས་རང་ཉིད་ཀྱི་ངོས་ནས་གྱེར་འདོན་གྱི་ལས་འགན་འདི་ལ་རྒྱབ་སྐྱོར་ཆ་ཚང་བྱས་ནས་ཉམས་ཞུགས་བྱས་པ་ཞིག་ཡིན།
ཡིན་ཡང་སྤྱི་ཚོགས་ནང་དུ་དེང་སྐབས་མིག་གི་མ་མཐོང་པར་ལག་པས་རག་ཙམ་གྱིས་སྐད་ཆ་ཁུངས་མེད་མང་པོ་ཞིག་དྲ་ཐོག་འམ་བརྒྱུད་རིམ་མང་པོ་ཞིག་གི་ཁྲོད་དུ་གླེང་བཞིན་པ་ཀུན་གྱི་ཤེས་གསལ་རེད།
དེ་ལས་མང་བ་། “སྙན་ངག་གྱེར་འདོན་གྱི་བརྒྱུད་རིམ་ཁྲོད་ཀྱི་བསམ་ཚུལ་ཐོར་བུ།” »
ནང་བསྟན་བསམ་བློའི་རྣམ་དཔྱོད་འགྲན་རྩོད་ཀྱི་བགྲོ་གླེང་ཆེན་མོ།
སེར་ཤུལ་རིན་ཆེན་དོན་གྲུབ།
༢༠༡༡ ལོའི་འཇང་དགུན་ཆོས་ཆེན་མོ་སེ་རར་འཚོགས་པར་ལྟ་བ།
འཇང་དགུན་ཆོས་ནི་འཇང་ཞེས་པའི་ས་ཆ་ཞིག་ཏུ་ཚད་མའི་བགྲོ་གླེང་ཆེད་འཛུགས་བྱས་པ་དང་དུས་སྐབས་དེ་དགུན་དུས་ཡིན་པས་དེ་ལྟར་ཐོག་པར་བཤད། འཇང་དགུན་ཆོས་ཞེས་པའི་ཐ་སྙད་དེའི་འོག་བོད་ཁུལ་ཡོངས་ལ་ཚད་མ་དང་། ཕར་ཕྱིན། དབུ་མ་སོགས་གཞུང་ཆེན་ཅི་རིགས་པར་དྭོགས་འདྲི་དང་། བརྒལ་བརྟག་གི་སྒོ་ནས་སློབ་སྦྱོང་བྱེད་པའི་རྒྱུན་སྲོལ་དར་བ་བཞིན་སྤྱི་ལོ་༢༠༠༡ ལོའི་ཟླ་༡༡་པའི་བཅུ་དྲུག་ཉིན་གདན་ས་ཆེན་པོ་སེ་འབྲས་དགེ་གསུམ་དང་། བཀྲ་ཤིས་ལྷུན་པོ། རྭ་སྟོད། རྒྱུད་སྨད། དྭགས་པོ་གྲྭ་ཚང་བཅས་ཀྱི་དགེ་འདུན་པ་༥༠༠༠་བརྒལ་བ་གདན་ས་ཆེན་པོ་སེ་ར་ཐེག་པ་ཆེན་པོའི་གླིང་དུ་འཛོམས་ཏེ་སློབ་དཔོན་ཕྱོགས་ཀྱི་གླང་པོས་མཛད་པའི་ཚད་མ་ཀུན་བཏུས་དང་། དཔལ་ཆོས་ཀྱི་གྲགས་པས་མཛད་པའི་ཚད་མ་རྣམ་འགྲེལ་གཞི་རྩར་བཟུང་ཐོག་རྗེ་ཙོང་ཁ་བ་ཆེན་པོ་དང་།
དེ་ལས་མང་བ་། “ནང་བསྟན་བསམ་བློའི་རྣམ་དཔྱོད་འགྲན་རྩོད་ཀྱི་བགྲོ་གླེང་ཆེན་མོ།” »