ཁ་བརྡ།

ཁ་བརྡ།

Archive for April, 2011


དགྲ་བཅོམ་པ་གང་པོས་བྲིས་པའི་སངས་རྒྱས་ཀྱི་འདྲ་རིས་དང་མཇལ་བ།

p1012851
རྫ་ཚེ་རིང་བཀྲ་ཤིས།
༡༽གོང་གི་དཔར་འདི་ནི་ད་ལྟ་དབྱིན་ཇིའི་སྐད་གྲགས་ཆེ་ཤོས་ཀྱི་དངོས་མང་བཤམས་སྟོན་ཁང་ཞིག་ཏུ་བཞུགས་ཤིང་། སངས་རྒྱས་དགུང་ལོ་བཞི་བཅུ་ཞེ་གཅིག་གི་སྐབས་ཁོང་གི་སློབ་མ་དགྲ་བཅོམ་པ་གང་པོས་བྲིས་པར་གྲགས་པ་ཞིག་རེད། ༢༽འོག་བསྟོད་པ་འདི་ནི་ངས་འཇིག་རྟེན་བཞུགས་པའི་སྐད་གྲགས་ཅན་གྱི་སངས་རྒྱས་ཀྱི་འདྲ་བྲིས་གྱི་སྐུ་པར་འདི་འཇལ་བའི་སེམས་ཚོར་དངོས་ཡིན། དེ་ཡང་གུས་པ་བོད་གྱི་རྫ་ཨ་རིག་བཤད་གྲྭ་ན་ཡོད་དུས་འདྲ་པར་འདི་འདྲ་ཞིག་ལག་ཏུ་བསླེབས་ཤིང་དེ་དུས་བསྟོད་པ་འདི་ཡང་བྲིས་པ་དང་། འདྲ་པར་འདི་ངའི་གྲྭ་ཁང་གི་གདུང་མའི་སྒང་ལ་དཔར་སྒྲོམ་ཆུང་ཆུང་ཞིག་བཟོས་ནས་བཀལ་ཡོད་པས་ཆོས་གྲོགས་ཚོས་ཚེ་བཀྲའི་སྟོན་པ་རལ་པ་ཅན་ཟེར་ནས་སྐུ་རྩེད་གནང་གིན་ཡོད། དེ་ནས་ངའི་ཐོག་ཏུ་རླུང་འཚུབ་གཡུག་པའི་དུས་རིམ་གཞན་པ་ཞིག་གི་ནང་སྐུ་པར་དེ་དང་ཡང་ང་ཁ་བྲལ་བ་རེད། Read the rest of this entry »

རྒྱལ་གཅེས་དཔའ་བོ་ཕུན་ཚོགས་ལགས།

a-severely-burned-phuntsok
རྔ་བ་ཚེ་སྐྱིད།

བཀའ་དྲིན་ཆེ། རྒྱལ་གཅེས་དཔའ་བོ་ཕུན་ཚོགས་ལགས།
ཁྱེད་ཀྱིས། མི་རིགས་ཤིག་གི་དཀའ་སྡུག་སེལ་རྒྱུའི་ཆེད་དུ།
ཁྱེད་ཀྱིས། རིག་གཞུང་གི་བླ་སྲོག་སྐྱོབ་རྒྱུའི་ཆེད་དུ།
ཁྱེད་ཀྱིས། ཁོར་ཡུག་ཅིག་གི་མདངས་ཉམས་གསོ་རྒྱུའི་ཆེད་དུ།
ཁྱེད་ཀྱིས། ལྷན་སྐྱེས་སུ་ཡོད་པའི་ཐོབ་ཐང་ཞིག་གི་ཆེད་དུ།
ཁྱེད་ཀྱིས། སྤྱི་ཁྱབ་འདྲ་མཉམ་ཞིག་ཡོང་བའི་ཆེད་དུ།
འདི་ལྟར། རྩ་ཆེ་ཞིང་། གཅེས་པའི་སྲོག་དེ། དམར་བོ་མེ་དཔུང་ལ་བསྒྱུར་བ་རེད། Read the rest of this entry »

སེམས་སོང་གི་བུ་མོ་ཞིག་ལ།

དོལ་སྨྱོན།

གལ་ཏེ། ཁྱོད་རང་ཡོད་ཚད་ཀྱི་ཡིད་དབང་འཕྲོག་པའི་མེ་ཏོག་ཅིག་ཡིན་པའི་དབང་དུ་བཏང་ན། ང་ནི། སྤྲོ་སེམས་ཀྱི་མགྲིན་སྒྲ་འཁྲོལ་ཞིང་ཡིད་ཆེས་ཀྱི་གཤོག་ཟུང་གཡོབ་པའི་སྦྲང་ཆུང་ཞིག་ཏུ་སྤྲུལ་ནས། ལང་ཚོའི་ཆ་ཤས་རྫོགས་ཤིང་། ཞིམ་མངར་གྱི་རོ་བཅུད་རྒྱས་པའི་ཁྱོད་ཀྱི་ཟེའུ་འབྲུའི་སྟེང་དུ་བབས་ནས། སེམས་ཀྱི་ཕྱི་ནང་གསང་གསུམ་མ་ཚིམ་པའི་བར་དུ་ཁྱོད་ཀྱི་ཞིམ་མངར་གྱི་རོ་བཅུད་ཡོངས་རྫོགས་འཇིབ་ན་འདོད།
Read the rest of this entry »

ཞི་བདེ་འགྲོ་བའི་སྐྱབས་མགོན།

རིག་འཛིན།

ཞི་བདེའི་འགྲོ་བའིསྐྱབས་མགོན་གངས་ལྗོངས་ནས་བལྟམས་དུས།།
ཞི་བདེའི་བོད་འབངས་སེམས་པ་དགའ་བདེ་ཡི་ཁེངས་ཏེ།།
ཞི་བདེའི་བསིལ་ལྗོངས་ཕ་ཡུལ་སླར་གསོ་ཡི་སླད་དུ།།
ཞི་བདེའི་གངས་ཕྲུག་ཕུག་བསམ་སྐྱིད་ཆུ་ལས་རིང་བ།།

ཞི་བདེའི་རྟ་བདུན་བདག་པོ་ཤར་ཕྱོགས་ནས་འཕགས་དུས།།
ཞི་བདེའི་བྱམས་སྐྱོང་བྲལ་བའི་རིགས་དྲུག་གི་ཚོགས་ལ།།
ཞི་བདེའི་འོད་མདངས་ཕོག་དུས་བདེ་སྐྱིད་ལ་རོལ་ཏེ།།
ཞི་བདེའི་ལང་ཚོ་རྒྱས་སྐབས་བྱམས་སེམས་ཀྱི་ཕྱུག་སོང་།།
Read the rest of this entry »

སྐད་སྦྱོར་ལས་ཀར་འཐིམ་པའི་རྔུལ་ཆུ།

ཚ་བ་སླེབས་སོང་།

རས་པ།

གློ་བུར་དུ་རྔུལ་ཆུ་ཐོན་ཞིང
གློ་བུར་དུ་གཉིད་གཅོག་རྒྱག་གིན་འདུག
ན་གཞོན་པའི་གཟུགས་པོར་ཉོབ་སྣང་སྐྱེས་ཤིང
མདུན་དུ་བསྒྲིགས་པའི་ཡིག་ཚགས་ཀྱང་རབ་རིབ་དུ་གྱུར Read the rest of this entry »

དཔའ་བོའི་ཉིན་མོ་རེད་ཟེར།

བོད། ལྷ་ཀླུ་གཉན་གསུམ།
བོད་ལ་དབའ་བོ་ཇི་ལྟར་བྱུང་བར་ངེས་འཛིན་བྱེད་དགོས་ཀྱི་ཡོད་དམ། གང་ནས་བརྩི་དགོས་པ་ཡིན་ནམ། བཙན་པོ་དག་གི་དུས་སྐབས་ནས་འགོ་འཛུགས་དགོས་པ་ཡིན་ནམ། ཡང་ན། མེས་པོ་དག་གི་སྐུ་རིང་དུ་ངེས་འཛིན་བྱེད། དེ་མིན་ན་ང་ཚོས་ཨ་མྱེ་དག་གི་རིང་དེ་ནས་འགོ་འཛུགས། ཡང་ན། སྤྱི་ལོ་ལྔ་དགུ་ནས་བཟུང་དེ་འགོ་འཛུགས། དབའ་བོ་བྱུང་ལུགས་ཇི་ལྟར་ཡིན། དབའ་ཚུལ་དེ་ཡང་ཇི་ལྟར་ངེས་འཛིན་བྱེད་དགོས་ཀྱི་ཡོད་དམ། ངས་འདི་ལྟར་བསམ་བློ་བཏང་ནས་ཡོང་དུས་སུ། དེ་རིང་གི་དྲ་ངོས་མང་དག་ཞིག་ནས་བོད་ཀྱི་ཆེད་དུ་སྐུ་ལུས་མེ་ལ་སྒྲོན་པའི་དབའ་བོ་ཐུབ་བསྟན་དངོས་གྲུབ་མཆོག་གི་སྐུ་པར་ལས་གང་ཡང་མཐོང་གི་མི་འདུག་ལ། གླེང་ཤུགས་ཁོ་རང་ཆེན་པོ་འདུག Read the rest of this entry »

མཚན་དཀྱིལ་དུ།

ཁྲག་ཐིགས།

སྨག་ནག་གིས་ཟིན་པའི་མཚན་དཀྱིལ་འདིར།

ངའི་དབུགས་གཏོང་ལེན་གྱིས་ལུས་པོ་འདི་སྒུལ་གྱིན་འདུག

གློག་སྒྲོན་དང་སྒེའུ་ཁུང་ཐ་ན་ཁང་མིག་ཀྱང་ཅུང་ཙམ་ཞིག
Read the rest of this entry »

ཕོ་མོ་མཉམ་གནས་ཀྱི་དགོས་མཁོ་དང་ལག་ལེན།

དམ་ཆོས་བསམ་འཕེལ་གྱིས
ངས་གླེང་འདོད་པ་ནི་གོ་ལ་ཟླུམ་པོའི་འདིའི་སྟེང་དུ་གནས་པའི་སྐྱེ་བོ་སུ་ཞིག་ཡིན་རུང་བདེ་བ་འདོད་པ་དང་སྡུག་བསྔལ་མི་འདོད་པའི་སེམས་གཤིས་རང་བཞིན་ལྷན་སྐྱེས་སུ་གྲུབ་པ་གནས་ལུགས་དང་ཆོས་ཉིད་ཡིན་པ་དེ་རེད། དེར་བརྟེན། བོད་མི་རིགས་ཀྱི་ཕོ་མོའི་ལས་དབང་གི་གནས་བབ་དང་དེ་འབྲེལ་གྱི་བདེ་སྡུག་གི་འཚོ་བ་སྟེ། ཕོ་མོ་གཉིས་ཀས་གྲུབ་པའི་འགྲོ་བ་མིའི་སྤྱི་ཚོགས་ཆེན་པའི་ཁོར་ཡུག་ཁྲོད་བསམ་ཤེས་དང་བཟོད་སྒོམ་གྱི་འདུ་ཤེས། འདྲ་མཉམ་དང་དྲང་བདེན་གྱི་འགྲོ་འདུག་བྱེད་གསུམ། དེའི་ཐོབ་དབང་དང་སྐྱིད་སྣང་གི་འཚོ་བའི་སྙིང་བོ་བཙལ་རྒྱུ་དེ་རེད། Read the rest of this entry »

དཔའ་བོ་ཐུབ་བསྟན་དངོས་གྲུབ་དྲན་གསོའི་ཉིན་མོ།༼གསར་འགྱུར།༽

བསམ་གླིང་ཚེ་རིང་ལྷ་མོ།

thupten_ngodup_4001དེ་རིང་ཕྱི་ཟླ་བཞི་པའི་ཚེས་༢༩ཉིན་ཞོགས་པའི་ཆུ་ཚོད་༧།༣༠ཐོག ས་གནས་གཞོན་ནུ་ལྷན་ཚོགས་དང། ས་གནས་བུད་མེད་ལྷན་ཚོགས་གཉིས་ནས། དཔའ་བོ་ཐུབ་བསྟན་དངོས་གྲུབ་བོད་རྒྱལ་ཁབ་ཆེན་པོའི་དོན་དུ་རང་ལུས་མེར་སྲེག་བཏང་བའི་དྲན་གསོའི་མཛད་གོ་ཞིག་གོོ་སྒྲིག་གནང་སོང། མཛད་སྒོ་དེ་མ་སུ་རི་བཤད་སྒྲུབ་ཆོས་འཕེལ་གླིང་དགོན་པར་ཚུགས་པ་དང། མཛད་སྒོའི་ཐོག་བཞུགས་སྒྲོམ་སྟེང་དུ་དཔའ་བོ་ཐུབ་བསྟན་དངོས་གྲུབ་ལགས་ཀྱི་སྐུ་པར་ཆེན་པོ་ཞིག་གི་མདུན་དུ་མཆོད་མེ་ཞིག་ཕུལ་འདུག Read the rest of this entry »

མདུན་བསྐྱོད་བྱེད་བཞིན་པའི་ང་ཚོ།

ཟིན་ཐོ་འདེབས་པ་པོ་རྨོག་རུ་བསྟན་པ།
ཁ བརྡར་མཁོ་འདོན་པ་འཇམ་དབྱངས་བློ་གྲོས།
dsc059351
ཕྱི་ལོ་༢༠༡༡།༤།༢༦་ཉིན་གྱི་ཞོགས་པར་རྡ་ས་ཀིརྟི་བྱེས་པ་གྲྭ་ཚང་དང་།མདོ་སྨད་དབུས་ རྒྱུན་ལས་ཐུན་མོང་གིས་གོ་སྒྲིག་གནང་བའི་སེར་སྦྲེངས་སྙན་སྐུལ་སྨོན་ལམ་གྱི་གོམ་བགྲོད་དགེ་འདུན་པ་ཚོ་ཐེག་ཆེན་གཙུག་ལག་ཁང་ནས་ལམ་དུ་ཐོན། ༸གོང་ས་སྐྱབས་མགོན་ཆེན་པོ་མཆོག་སྨོན་ལམ་ཆེན་པོ་ཚོགས་མགོན་ནས་ཆིབས་བསྒྱུར་ གནང་གྲུབ་དང་བསྟུན་གོམ་བགྲོད་པ་རྣམས་ཀྱི་གསེར་མདོག་གི་ཆོས་གོས་བསྣམས་ཤིང་ ཇི་ཞིག་ལ་བྲེལ་བའི་ཚུལ་གྱིས་གྲ་སྒྲིག་ཐོན་གསར་ཞུས། བཀའ་ཁྲི་མཆོག་གིས་བཀའ་སློབ་ཉིང་བསྡུས་ཤིག་གནང་རྗེས་སེར་སྦྲེངས་སྨོན་ལམ་སྙན་ སྐུལ་གོམ་བགྲོད་ཀྱི་དབུ་འཛུགས་གནང་། Read the rest of this entry »

གསར་འབྱོར་གྱི་མཚར་གཏམ།

གཙང་བུ།

དད་པ་བྱེད་སའི་རྒྱལ་བའི་སྐུ་ཐང་ཞིག །
ཉི་འོད་མེད་པའི༷་ཁང་པ་ནག་འཁུང་གཅིགས་། །
ཇ་ཆུ་སྐོལ་སའི་རླངས་ཐབས་རང་སྒྲིག་གཅིག །
རྡོག་ཛེས་ཐེབ་པའི་ལྕག་སྒམ་གོབ་དོ་གསུམ།
མཚནམོ་ཉལ་སའི་ཉལ་ཁྲི་རང་སྒྲིག་གཅིག །
Read the rest of this entry »

ན་མཉམ་སྐུ་ལོ་གྲགས་ཅན་ཁག་ཅིག་ལ།

ཤར་ཕྱོགས་ཁུག་རྟ།

ས་དང་གནམ་གྱི་མཚམས་ལ་མ་ཤོངས་པའི།།
ཀརྨ་བཅུ་བདུན་འཕྲིན་ལས་རྡོ་རྗེ་པས།།
གནའ་དེང་རིག་པའི་གནས་ལ་སྦྱངས་དང་ནོ།།
ན་མཉམ་སྐུ་ལོས་ངོ་ཡ་མི་ལོན་ཀྱང་།།
ཀརྨ་ཀརྨའི་ཚད་ཀྱི་ལངས་སྟངས་ཤིག།
ད་བར་མ་མཐོང་སྙིང་ལ་ནད་དུ་ཆེ།།

དགའ་ཁྲི་ཡོངས་འཛིན་ཕྲེང་བ་འཛིན་པ་མོ།།
གླིང་སྤྲུལ་འབྲས་སྤུངས་གླིང་དུ་བཞུགས་མོད་ཀྱང་།།
ཐལ་ལྕགས་གློག་དམར་འཁྱུག་པའི་ངར་ཞགས་དེ།།
ད་དུང་མ་གོ་སྙིང་ལ་ནད་དུ་ཆེ།།
Read the rest of this entry »

རྒྱང་རིང་གི་བརྩེ་འཕྲིན།

ཟླ་ཀླུང་གིས་ཕུལ།
སྙིང་ནས་བརྩེ་བའི་བུ་མོ་ཀར་སྒྲོན་ལགས། ངས་ཁྱོད་རང༌། གདོང་པ་མཛེས་ལ། གཟུགས་པོ་སྙིང་རྗེ་བོ། སྤྱོད་པ་བཟང་པོ། རིག་པ་གྲུང་པོ། ཕུག་བསམ་ཆེན་པོ། མིག་རྒྱང་རིང་པོ། སྙིང་སྟོབས་ཆེན་པོ་ཅན་ཞིག་ཡིན་པའི་ཡིད་ཆེས་བྱེད་ཀྱི་ཡོད། ངའི་རེ་བ་ནང་བཞིན། ཁྱོད་རང་སྐྱིད་ཁྱག་སྡུག་ཁྱག་གི་བློ་རྒྱས། སོ་སོས་སོ་སོ་ལ་མཐོང་ཆེན་དང་ཡིད་ཆེས་བྱས་ཏེ། སྤྱོད་པ་བཟང་ཕྱོགས་དང༌། ཤེས་འབྱོར་གོང་སྤེལ་ལ་ཤུགས་སྣོན་རྒྱག་རོགས་གྱིས། འདི་ནི་ཁོ་བོ་སྐྱིད་སྡུག་དང་འཆི་གསོན་གང་ལྟར་ཡང་སྙིང་ན་ཡོད་པའི་རེ་བ་ཆེ་ཤོས་དེ་ཡིན། Read the rest of this entry »

༄།། རྔ་ཡུལ་ཀིརྟི་དགོན་དགེ་ལྡན་ལེགས་བཤད་གླིང་ཕྱག་འདེབས་མཛད་ཚུལ།།

རྔ་བ་རྒྱལ་ཁམས་པ།
kirti-monasteryདྲུང་ཡིག་ཨ་ཁུ་ཆོས་འཕེལ་གྱི་གསུང་འབུམ་ལས་བཤུས།

དེ་ཡང་རབ་ཡིད་ལྕགས་ཕོ་སྤྲེལ་གྱི་ལོ༼༡༨༦༠༽དཔྱིད་ཀར་༧སྐྱབས་མགོན་སྐུ་ཕྲེང་བརྒྱད་པ་རྗེ་བློ་བཟང་འཕྲིན་དཀོན་མཆོག་བསྟན་པ་རྒྱ་མཚོ་མཆོག་གི་དགུང་ཞལ་བཅུ་གཉིས་བཞེས་སྐབས། ས་དབང་ཆེན་པོ་རྨེའུ་དཔོན་ཚང་གིས་གདན་དྲངས། སྐྱེ་དགུའི་མ་མ་ཆེན་མོ་ཨ་སྐྱོང་བཟའ་དཔོན་མོ་བདེ་སྒྲོན་དང་། བློན་ཆེན་རྨེའུ་དཀོན་མཆོག་གཉིས་གཙོས་མྰ་བློན་སྡེ་འབངས་རྒན་རབས་ཀུན་བསམ་པ་གཅིག་དྲིལ་སྒོས། རང་རེ་རྔ་ཡུལ་འདིར་ཤི་བོའི་སྔས་གཏོད་ས་གསོན་པོས་སྐྱབས་བཅོལ་ཡུལ་མྰ་བློན་སྤྱི་དགོན་ཕྱག་འདེབས་མཛད་དགོས་ཚུལ་ཡང་ཡང་གསོལ་བ་བཏབ་པར། ཞལ་ནས་ཡ་ཡ་ངས་ཀྱང་དེ་འདྲ་རེ་བསམ་ཡོད་རྗེས་སོར་རང་ཅག་གྲོས་མོལ་བགྱིད་ཆོག་ཅེས་གསུངས། སྤྱིར་ཆོས་སྡེ་འདི་ཉིད་ཞོ་ཆགས་ཀྱི་རུ་རྩི་ལྟ་བུ་ནི་ལྡོང་ཁུ་དགོན་གཡུལ་རྒྱལ་བསམ་གཏན་གླིང་ཞེས་པ་ཡིན། འདི་ཆགས་འདེབས་བགྱིད་པ་པོ་ལུང་རྟོགས་ཡོན་ཏན་གྱི་གཏེར་མཛོད་དམ་པ་བླ་མ་ཕུན་ཚོགས་ཚང་ཡིན། Read the rest of this entry »

བར་སེང་ལ་ཕུལ་བའི་རོལ་མོ།

བསམ་གླིང་ཚེ་རིང་ལྷ་མོ།

ལོ་ལྗང་རླུང་གིས་བསྐུལ་བའི།།
གར་སྟབས་མཛེས་རང་དྲགས་ནས།།
ཕྱེ་ལེབ་གར་ལ་རོལ་བར།།
དོ་སྣང་བྱེད་ཁོམ་མ་བྱུང།།

མགྲིན་སྙན་མཛའ་བོའི་སྙིང་གཏམ།།
རྣ་བར་སྙན་རང་དྲགས་ནས།།
དཔྱིད་གསུམ་ཁུ་བྱུག་གསུང་ལ།།
རྣ་བ་གཡེང་ཁོམ་མ་བྱུང།།
Read the rest of this entry »

རྒྱ་ནག་གཞུང་གིས་བོད་ཁུལ་ལས་བྱེད་ཁག་གཅིག་ལ་ཕྱིའི་བརྒྱུད་ལམ་ཁག་ཏུ་རྫུན་གཏམ་བཤད་པའི་མཉམ་བསྡུས་སྦྱོང་བརྡར་སྤྲད་པ།

བུ་རྫོང་ལྷ་མོ་ཚང་ཚེ་རིང་དབང་ཕྱུག་གིས་བོད་བསྒྱུར་ཞུས།

ཚན་ཡུས་དྲ་རྒྱའི་ནང་ཕྱི་ལོ་ ༢༠༡༡ ཟླ་ ༤ ཚེས་ ༢༥ ཉིན་གུང་ཧྲན་ཞེས་པས་གནས་ཚུལ་སྤེལ་བར་གཞིགས་ན། རྒྱ་ནག་ལྷོ་ཕྱོགས་རྒྱལ་སའི་གསར་ཤོག་ཅེས་པའི་ཐོག་ཕྱི་ཚེས་ ༢༥ ཉིན་གནས་ཚུལ་ སྤེལ་བའི་ནང་། རྒྱ་ནག་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་བོད་རིགས་ས་ཁུལ་གྱི་གསར་འགྱུར་ལས་བྱེད་རྣམས་ལ་ཕྱིའི་བརྒྱུད་ལམ་ཁག་ཏུ་རྫུན་གཏམ་བཤད་པའི་ཁ་རྩལ་སྦྱོང་ཆེད་ཀྱི་མཉམ་བསྡུས་སྦྱོང་བརྡར་སྤྲོད་པའི་ལས་གཞི་གལ་ཆ་ེཞིག་དེང་སྐབས་སྤེལ་བཞིན་ཡོད་པ་རེད། Read the rest of this entry »

ད་ལྟ་འུ་ཚང་གི་ནམ་ཟླ་ཧ་ཅང་གྲང་།

འགར་ཚེ་རྒྱལ་གྱིས།
བཙན་པོའི་གདུང་རྒྱུད་ཀྱི་རླུང་རྟ་གངས་དཀར་གྱིས་མཁའ་རུ་བཏེགས་པའི་མཐོ་སྒང་གི་ཡུལ་གྲུ་ན། གནའ་ནས་ད་ལྟའི་བར་ཡིག་དྲུག་གི་བྱིན་ཁ་མེས་པོའི་དབུ་ཐོད་ནས་འཛུམ་པའི་མི་རིགས་ཤིག རྨི་ལམ་མང་པོ་ཞིག་གི་རུམ་ཁ་ནས་སྙིང་སྟོབས་ཀྱི་གཟི་དཔལ་ཨུ་ཚུགས་ཀྱིས་བླ་རུ་བསྐྱེད་དེ། གདོང་དམར་བོད་པ་ཞེས་པའི་མིང་བྱང་གནམ་སྔོན་པོའི་མཐོངས་དང་ས་དོག་མོའི་ངོས་ལ་ཐོལ་གྱིས་བྲིས། སྐབས་དེར་འུ་ཚང་གི་ནམ་ཟླ་ཧ་ཅང་དྲོད་ཁོལ་ཆེ་བས། ས་མཐོའི་རི་ལུང་ན་ངོ་མཚར་གྱི་གཏམ་རྒྱུད་ཤིན་ཏུ་མང་ལ། Read the rest of this entry »

ཁྱེད། རྒྱང་དུ་གནས།

མཆོང་།

ངས་ཡུན་རིང་ཁྱེད་ཀྱི་འཇམ་མཉེན་པའི་རྒྱུ་བ་མྱང་ཡང་ཚོར་མ་ཐུབ། རེ་སྨོན་བཅོལ་བའི་མིག་འབྲས་ཀྱིས་ཡོད་ཚད་སློག་བཤེར་བྱས་ནའང་ཁྱེད་ཀྱི་འོད་ ཟེར་འཕྲོ་བའི་མིག་མདངས་དང་སྦྲེལ་མ་ཐུབ། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད། ངེད་གཉིས་ཀྱི་བར་ལ་ཆོ་འཕྲུལ་བཙན་པོ་ཞིག་གཙང་བོ་རྒྱུས་མེད་ཏུ་རྒྱུ་བཞིན་རབ་ རིབ་ངང་རླབས་ཕྲེང་བསྟུན་མར་བསྐྱོམས་ནས་ཡུད་ཀྱིས་བཅད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད། Read the rest of this entry »

རང་གིས་རང་ལ་དྲི་བ་དྲིས་ལན་བྱས་པ།

བསང་ཆུ་འབྲུག་བྷེ།
༡དྲི་བ། ཁྱོད་ཀྱིས་རང་གི་ཕ་ཡུལ་གྱི་རྣམ་པ་ངོ་མ་དེ་ཅི་འདྲ་ཞིག་ཏུ་མཐོང་སོང༌།
ལན། མཁའ་དབུགས་རབ་རིབ་ཀྱི་བར་ན་ལུས་སེམས་དེ་གསོ་བཞིན་པའི་ཁྱོད་དང་ངའི་ཕ་ཡུལ་ནི། གཞན་ཞིག་གི་རྐང་པའི་འོག་ན་འདུར་རྒྱུགས་བྱེད་ཅིང་འཚོ་གནས་བྱེད་ཀྱིན་པ་ལས། བརྙན་འཕྲིན་འཕྲུལ་ཆས་ངོས་ཀྱི་རི་ཆུ་ཐང་གསུམ་ལ་སྔོ་ལྗང་མཛེས་སྡུག་གི་མངོན་པ་འདྲ་བའི་ཉམས་སྣང་དེ་འདྲ་ཞིག་མིན་ངེས། དོན་ངོ་མར་ངས་རང་གི་ཕ་ཡུལ་གྱི་རྣམ་པ་ནི་ལག་ངོ་སེར་གས་ཁེངས་ཤིང༌། སེན་རྟིང་རྣག་དང་སེན་མགོ་ཁྲག་གིས་ཁེངས་པའི་གནས་བབ་ཅིག་ཏུ་མཐོང༌། Read the rest of this entry »