ཁ་བརྡ།

ཁ་བརྡ།

Archive for March, 2011


ང་དང་གསལ་ལེ་རྒྱལ་བར་གྱི་བགྲོ་གླེང་ཚ་བོ་ཞིག

ཀླུ་སྨྱོན།
conversation
ཀླུ་སྨྱོན། དེང་སང་དྲ་ཐོག་ལ་གཞས་ཀྱང་འཆད་གྲབས་འདུག
གསལ་ལེ་རྒྱལ། ད་ངས་ཁྱོད་ལ་ཅིག་ལེན་དགོས་ས་རེད་ཀོ
ཀླུ་སྨྱོན། སྔགས་པའི་སྔགས་གླུ་ཚོ་ཡང་སྙན་མོ་ཡོད་ནི་རེད། རྒྱ་གར་གྱི་གྲུབ་ཆེན་ས་ར་ཧ་དང་བོད་ཀྱི་མི་ལ་རས་པ་སོགས་ནི་སྔགས་པའི་སྔགས་གླུའི་བླ་བརྒྱུད་ནང་གི་བརྗེད་མི་རུང་བའི་གྲས་ཡིན་ནི་རེད།
གསལ་ལེ་རྒྱལ། ཁྱོད་སྔགས་གླུ་བླང་ནས་ངར་ན་ཐང་མོད་ངས་ལན་ཕོག་ནི་མ་རེད།
གཤམ་གྱི་ཀ་རྟགས་ཅན་ནི་ཀླུ་སྨྱོན་དང་ས་རྟགས་ཅན་ནི་གསལ་ལེ་རྒྱལ་ཡིན།
རྩོམ་ཡིག་གི་འཕྲོ་ཀློགས།

ངའི་དམ་བཅའ།

གཙང་བུས།

ཡ་གིའི་བྲག་ལ་རྣམ་ལྩགས་ཕུར་བ་དང་། །
མ་གིའི་མཚོ་མཐར་སྐྱེར་བའི་ཕུར་བ་ཞིག །
སྔགས་ནག་དྲང་སྲོང་རྒན་པོས་མ་བཏབ་ན། །
མི་ཚེར་གཟུངས་སྔགས་བགྲང་ལ་སྙིང་པོ་ཅི། །

བླ་ཤིང་ཆག་ཤིང་བླ་མཚོ་བསྐམས་ཡང་རུང་། །
བོན་མཁར་མཐིང་སྒོར་ཐོག་གིས་གཏོར་ཡང་སྲིད། །
དམར་པོའི་རི་ལ་ཕོ་བྲང་དམར་པོ་ཞྀག །
མ་བསྐྲུན་སྲོང་བཙན་སྒོམ་པོ་ཅི་ལ་འབད། ། Read the rest of this entry »

༧གོང་ས་མཆོག་གི་བགྲེས་ཡོལ་སྐོར་གྱི་རང་རྩོམ་༼ཉི་མ་ནུབ་རྗེས་ཀྱི་རི་ལུང་ནག་པོའི༽རྒྱབ་དཔུང་དུ་སྤྲོས་པ།

བདེ་ཆེན་སྒྲོལ་མ།

སྔོན་གླེང་དང་གསལ་བཤད།
ཉེ་བའི་བདུན་ཕྲག་གཅིག་གཉིས་འདིའི་ནང་། མི་མང་པོ་ཞིག་གིས་༧གོང་ས་མཆོག་གི་བགྲེས་ཡོལ་སྐོར་ནས་རང་རང་གི་བསམ་ཚུལ་བཤད་སོང་། ཕྲན་པས་ཀྱང་རང་ཉིད་ཀྱི་བསམ་ཚུལ་མཚོན་པའི་རྩོམ་ཡིག་ཐུང་ངུ་ཞིག་༼ཉི་མ་ནུབ་རྗེས་ཀྱི་རི་ལུང་ནག་པོ།༽བྲིས་པ་ཡིན། ཁ་བརྡ་དང་དུས་བབ་དྲ་ཚིགས་བརྒྱུད་ནས་དྲ་གྲོགས་མང་པོ་ཞིག་གིས་ཕྲན་གྱི་རྩོམ་ཡིག་ལ་བཏབས་པའི་མཆན་བུ་དང་། གཞན་རང་རང་སྒེར་གྱི་བསམ་ཚུལ་ལ་ཞིབ་ཏུ་ཉན་ན། མི་མང་པོ་ཞིག་གིས་བོད་ཀྱི་ལོ་རྒྱུས་དང་འབྲེལ་བའི་༧གོང་ས་མཆོག་གི་རིན་ཐང་དངོས་དེ་ཕྱོགས་མང་པོ་ཞིག་ནས་ངོས་ཟིན་གྱི་མེད་པའི་ཚོར་སྣང་བྱུང་། འདི་ནི་ཆེས་ཉེན་ཁ་ཆེ་བའི་ཕྱོགས་ངོས་ཤིག་ཀྱང་རེད་སྙམ། Read the rest of this entry »

བཀྲ་ཤིས་འཁྱིལ་གུང་ཐང་བླ་བྲང་གི་ཕྱག་མཛོད་ཨ་ཁུ་ཚུལ་ཁྲིམས་མཆོག་གི་ལོ་རྒྱུས་མདོར་བསྡུས།

199962_135854703153151_100001858664797_230803_2303831_n
བསྟན་འཛིན་ནས།

ཕྱི་ལོ༡༩༢༣བོད་ས་བྱི་ལོར་བླ་བྲང་བཀྲ་ཤིས་འཁྱིལ་གྱི་ཉེ་འཁོར་ཨ་མདོ་ཙ་ཡུས་ཞེས་པའི་ཡུལ་སྡེར་སྐུ་འཁྲུངས། བོད་དུ་རྒྱ་མིས་བཙན་གནོན་བྱས་ཏེ༡༩༥༩ལོར༧གོང་ས་མཆོག་གི་དབུས་བོད་མི་ཁྲི་ཕྲག་དུ་མ་རྒྱ་གར་ལ་བཙན་བྱོལ་དུ་ཕེབས་དགོས་བྱུང་སྐབས་ཁོང་ཉིད་ཀྱང་བཙན་བྱོལ་དུ་ཕེབས། ལོ་དེར་གནས་མཆོག་རྡོ་རྗེ་གདན་དུ་ཆོལ་གསུམ་གཅིག་གྱུར་ཏུ་དྲིལ་ནས་༧གོང་ས་མཆོག་གི་སྤྱན་སྔར་མནའ་གན་མཐུ་མོ་ཆེ་འཇོག་སྐབས་མདོ་སྨད་མི་འཐུས་ཀྱི་ཁོངས་སུ་བཅར། རྡ་རམ་ས་ལར་བཙན་བྱོལ་གཞུང་གསར་འཛུགས་གནང་བའི་སྐབས་མདོ་སྨད་མི་མང་གི་སྤྱི་འཐུས་ཐེངས་དང་པོ་གནང་། Read the rest of this entry »

བོད་ཟེར་བའི་རྒྱལ་ཁབ་ཞིག་མེད་ཀི་ཟེར།

བོད། ལྷ་ཀླ་་གཉན་གསུམ།

རྒྱལ་ཁབ་འདིའི་ནང་དུ་ཡོང་མཁན་ཞིག་སྟེ། བོད་མི་ཞིག་གི་དངོས་ནས་བཤད་ན། ང་དང་བཅས་པའི་བོད་མི་བརྒྱད་རྒྱལ་ཁབ་འདིའི་བུད་མེད་ཚོའི་མཉམ་དུ་ཡོང་བ་རེད། ཁ་ཤས་ཤིག་ད་ལྟའི་འཆར་ཁ་ཁར་ཡང་སོང་ཟིན་པ་ཡིན། ང་རང་མ་རྩིས་པའི་འདིར་ཡོད་མཁན་གྱི་བོད་མི་བདུན་དེ་ནི་རྒྱལ་ཁབ་འདིར་ཡོང་དུས་སུ་བཟའ་ཚང་བྱས་དེ་ཡོང་བ་རེད་འདུག Read the rest of this entry »

ཨ་མས་བསྐྱངས་པའི་བུ་ཕྲུག་གསུམ།

འབའ་སྲས།

ས་ཆེན་གོ་ལ་འདི་ཡི་སྟེང་ན་བདག་ལ་ཡོད་པ་ཨ་མ་སྟེ།།
དྲིན་ལྡན་ཨ་མའི་ཕྱག་ཟུང་འཇུས་ནས་བདག་གི་གོམ་པ་ས་ལ་སྤོས།།
བརྩེ་ཆེན་ཨ་མའི་བྱམས་བརྩེ་འོག་ནས་བདག་གིས་འཛམ་གླིང་མིག་གིས་མཐོང་།།
འཛམ་གླིང་མིག་གིས་བདག་ཉིད་མཐོང་བ་འདི་ཡང་ཨ་མའི་དྲིན་ལས་ཐོབ།། Read the rest of this entry »

མིག་ཆུ་དང་འཁྲེང་སེམས།

༼མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་བསྟན་འཛིན་ཚེ་རིང་ལགས་གློ་བུར་ཏུ་སྐུ་གཤེགས་པའི་མྱ་ངན་ཞུ་ཚིག༽

གཅན་མེ་སོན།

ཉིན་དེ་ནི་ཁོ་བོས་བརྗེད་ག་ལ་སྲིད་དེ། གཟའ་སྐར་ལ་མུན་པས་སྒྲིབ་པའི་སྤྱི་ཟླ ༢ པའི་ཚེས ༢༣ ཉིན་རེད། ཁོ་བོ་ཕ་ཡུལ་ན་སོ་ནམ་པའི་ཆས་སུ་ཞུགས་ཏེ་ས་ཞིང་རྨོ་འདེབས་བྱེད་པའི་ལས་ལ་བྲེལ་གྱིན་པའི་ཏག་ཏག་སྐབས་དེ་ལ། སློབ་གྲོགས་ཞིག་གིས་གློ་རྡེག་ཏུ་ཁ་པར་ཐོན་ཏེ་ད་ནངས་སྔ་དྲོའི་དུས་ཚོད ༡༠ སྟེང་། རང་རེའི་བོད་ཡིག་སྡེ་ཁག་གི་སྡེ་གཙོ་གཞོན་པ་དགེ་རྒན་བསྟན་འཛིན་ཚེ་རིང་ལགས་མ་འཚམས་པའི་གཏམ་དེ་ཉིན་དེའི་གྲང་རླུང་དང་འདྲ་བར་ངའི་རྣ་བའི་བུ་ག་དང་ལུས་པོའི་སྦུབས་སུ་ཟུག་ནས་བུད་སོང་། ཁོ་བོས་དོན་དེ་ནི་རྨི་ལམ་ཞིག་ཏུ་འཁྲུལ་ཞིང་འདི་ནི་མངོན་སུམ་ལ་བསྙོན་བཏིང་བའི་གཏམ་ཞིག་མིན་ནམ་སྙམ་ནས་ཡིད་ཆེས་བྱ་དཀའ་བར་གྱུར་ལ། ཀུན་བཏགས་གདོན་གྱིས་བཟུང་བའི་གཅོང་ནད་ཕོག་པ་ནང་བཞིན་ཁོ་བོའི་ལུས་སེམས་ཡོངས་རྗོགས་ལྗིད་ཏིག་གེར ་གྱུར་ནས་རེ་ཞིག་ལ་ཞིང་ཚིགས་ནས་ཅི་ཡང་བྱེད་མ་ནུས་པར་ལུས་སོང་། མི་རིགས་སློབ་གསོ་ལ་ཤ་ཞེན་ཆེ་ཞིང་བྱམས་སེམས་དང་རྒྱུ་འབྲས་བློ་མིག་མངའ་བའི་ལོ་ན་བཞི་བཅུར་སོན་མ་ཐག་པའི་འོ་སྐོལ་གྱི་ཐོ་རེངས་སྐར་ཆེན་འདྲ་བའི་དགེ་རྒན། ང་རང་དངོས་སྦྱོང་ལ་སོང་ཤུལ་ནས་ཐེངས་གཅིག་ལའང་མཐོང་མ་ནུས་པའི་དགེ་རྒན་ཁོང་ལགས་འདི་ལྟར་འཇིག་རྟེན་དཀར་ངོགས་ནས་ང་ཚོ་དང་གཏན་དུ་གྱེས་ཕྱག་ཕུད་པ་ནི་ཇི་འདྲའི་ཡིད་སྐྱོ་ཞིང་ཕངས་སེམས་ལ་འགྱོད་གདུང་གིས་ཁེངས་པ་ཞིག་རེད་ཨང་། Read the rest of this entry »

དཔྱིད་ཉི་རིང་མོའི་རྨི་ལམ།

ཀླུ་སྨྱོན།
spring-dream-hessam-abrashami

ཞོགས་པར་ཉི་འོད་དྲོན་པོ་ཞིག་གིས་གྲོང་ཁྱེར་འདི་ཡོངས་སུ་ཁྱབ་སོང་།
ཞོགས་པར་དཔྱིད་རླུང་འཇམ་པོ་ཞིག་གིས་ས་ཆ་འདི་རེ་ཞིག་དཀྲིས་སོང་།
མལ་ལས་ལངས་སྔ་བས་ཡིན་ནམ་གཉིད་ལྕོགས་ཡང་མོ་རེ་ད་དུང་རྒྱག་བཞིན་འདུག
ཡིན་ན་ཡང་སྙན་ངག་གང་མང་ཞིག་འཐུ་ཐུབ་ཕྱིར་མགྱོགས་པོར་ལམ་ལ་ཆས་དགོས།
རྩོམ་ཡིག་གི་འཕྲོ་ཀློགས།

སྤྱི་ལོ་༡༩༥༩་ལོའི་ཟླ་༡༠་ཚེས་༢༡་ཉིན་ལ་བོད་དོན་ཐོག་བཞག་པའི་རྒྱལ་ཚོགས་ཀྱི་ཆོད་ཡིག

རྨ་མགུར་སངས་རྒྱམ་གྱིས་བསྒྱུར།

འཛམ་གླིང་མཉམ་འབྲེལ་རྒྱལ་ཚོགས་ཀྱི་རྒྱས་འཛོམས་ཚོགས་ཆེན།
གྲོས་ཆོད་ཨང། ༡༣༥༣༼༡༤༽ ཉིའུ་ཡོག ༡༩༥༩

འཛམ་གླིང་མཉམ་འབྲེལ་རྒྱལ་ཚོགས་ཀྱི་བཅའ་ཁྲིམས་དང་སྤྱི་ལོ་༡༩༤༨་ལོའི་ཟླ་༡༢་ཚེས་༡༠་ཉིན་ལ་རྒྱལ་ཚོགས་ཀྱི་རྒྱས་འཛོམས་ཚོགས་ཆེན་གྱིས་གཏན་ལ་ཕབ་པའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་གཉིས་ཀྱི་ནང་དུ་གསལ་བོར་བཀོད་ཡོད་པའི་གཞི་རྩའི་མིའི་རིགས་ཀྱི་ཐོབ་ཐང་དང་རང་དབང་གི་གནས་བབ་དང་འབྲེལ་བའི་རྩ་དོན་ཁག་ལ་དོ་སྣང་བྱས་ནས་ཡིད་ལ་དྲན་པར་བྱ་རྒྱུ་དང་། Read the rest of this entry »

ཧ་ཅང་ཡིད་སེམས་འཕྲོག་པའི་ཕྲིན་ཡིག་ཅིག་དང་དེའི་ཡིག་ལན།

རྫ་ཚེ་རིང་བཀྲ་ཤིས་ཀྱིས་དྲ་ཐོག་ཏུ་ཕུལ།
༼འདི་ནི་ཆོས་རྗེ་ཐམས་ཅད་མཁྱེན་པ་རོང་སྟོན་ཆེན་པོར་རྒྱལ་མོ་ཚ་བའི་རོང་ནས་མ་ཡུམ་གྱིས་བསྐུར་བའི་ཕྲིན་ཡིག་དང་དེའི་ལན་ཡིན་ཞིང་། ད་བར་བོད་ཀྱི་རྩོམ་རིག་པ་དག་གིས་སྤྱན་ལ་ཡེ་མ་ཐོགས་པ་ལྟ་བུ་ཞིག་བདག་གིས་སྙེད་པར་དགའ་བ་མནོན་མི་ཐུབ་པ་ཞིག་ཀྱང་བྱུང་། འདི་དང་འབྲེལ་ནས་རྗེ་བདག་ཉིད་ཆེན་པོ་ལ་མ་ཡུམ་གྱིས་ཙོང་ཁའི་ཡུལ་ནས་བསྐུར་བའི་ཕྲིན་དང་འཕྲིན་ལན་དག་ཀྱང་དྲན་པར་གྱུར་ཏེ། Read the rest of this entry »

ཁ་པར་གྱི་ལས་འབྲས།

༼བརྩེ་དུང་སྐོར་གྱིས་སྒྲུང་རྩོམ་ཞིག༽
ཀློག་པ་པོ་རྣམས་ལ་ཞུ་རྒྱུ། སྒྲུང་རྩོམ་འདི་ནི་མཐོ་སློབ་སློབ་མ་ཞིག་གིས་སྦྱོང་བརྡར་གྱི་ཚུལ་ཏུ་འབྲིས་པ་ན། ཚིག་དོན་སོགས་གང་ཅིའི་ཐད་ལ་སྐྱོན་ཆ་མང་པོ་ཡོད་ངེས་ཡིན་པར་དགོངས་འགལ་མེད་པར་ཞུ།

བུ་མོ་སྒྲོལ་མ་དང་ངེད་གཉིས་ཀྱི་འབྲེལ་བ་ནི། ཁ་པར་བརྒྱུད་དེ་བྱུང་པ་དང་། དེ་ཡང་ཉིན་ཞིག གཟའ་འཁོར་གཅིག་རིང་སློབ་གྲྭ་ཆེན་མོའི་ངལ་དུབ་ཀྱི་འཚོ་བས་མནར་བས། ང་རང་ནམ་ཀུན་ལྟར་གྲོགས་པོ་བསམ་གྲུབ་སར་སོང་ནས་ཅུང་གུ་ཡངས་ཀྱི་འཚོ་བ་ཞིག་འཐོབ་ན་བསམ། ང་རང་གླ་འཁོར་ཞིག་ཏུ་བསྡད་ནས་གྲོང་ཁྱེར་གྱི་ཟང་ཟིང་དང་རྙོག་ཙི་ཆེ་བའི་འགྲུལ་ལམ་བརྒྱུད་དེ་བྱ་ཕུར་པར་ལྟར་བསམ་གྲུབ་ཀྱི་སྡོད་གནས་སུ་སོང་ལ། Read the rest of this entry »

ངའི་ལས་དབང་།

གཙང་བུས།

ཁྲག་གི་རྦུ་བ་རྒོད་པའི་དུད་ཁྲོད་ན། །
ཤ་ཁྲག་རུས་གསུམ་གཅན་གཟན་ཚོགས་ཀྱིས་སྤྱོད། །
ཁྱི་ནག་ལྕེ་སྤྱང་ངུར་བའི་མདུན་གྲལ་ན། །
འབྱུང་བཞི་ལྷུན་ཚིགས་བོར་བའི་གྲྭ་རྐྱང་ཞིག ། Read the rest of this entry »

དཔྱིད་ཀའི་སྙན་ངག་ཉོབ་ཏོ།

bird-at-spring
ཀླུ་སྨྱོན།
སྐེ་དཀྱོགས་ནས་ལྟ་ཐེངས་རེ་རེ་བཞིན།
སྒེའུ་ཁུང་ཕྱི་རོལ་གྱི་ལྗོན་པའི་རྩེ་ཡི་དཔྱིད་མགོའི་མེ་ཏོག་དེ་དག་ཇེ་མང་ནས་ཇེ་མང་རེད།
འདང་རེ་བརྒྱབ་ན་ལོས་ཡིན་ཏེ་ད་ནི་དཔྱིད་ཀ་བསླེབས་སོང་།
མི་རྣམས་དཔྱིད་དུག་གིས་བཟི་སྟེ་ཞོགས་པར་ལང་ན་མི་འདོད་ཅིང་།
ཁྱིམ་བདག་མ་ཚོས་བསྐོལ་པའི་ཞོགས་ཇ་ཡང་རེ་རེ་བཞིན་གྲང་མོ་ཆགས་འདུག
རྩོམ་ཡིག་གི་འཕྲོ་ཀློགས།

ཕྱི་ལོ་ ༢༠༡༡ ལོའི་བོད་རང་བཙན་ཆེད་ཞི་བའི་གོམ་བགྲོད།

༄༅། །སྐུའི་གཅེན་པོ་ལྟག་མཚེར་རིན་པོ་ཆེ་དམ་པ་དེ་ཉིད་དང་སློབ་དཔོན་ལེ་རི་གྷེར་ སིཊིན་གཉིས་ནས་ཕྱི་ལོ་ ༡༩༩༥ ལོར་བཙུགས་པའི་རྒྱལ་སྤྱིའི་བོད་རང་བཙན་ལས་འགུལ་ཚོགས་པ་འདིས་ལོ་ལྟར་བོད་རང་ བཙན་ཆེད་བྱང་ཨ་རིའི་ས་གནས་གང་སར་གོམ་བགྲོད་ཀྱི་ལས་འགུལ་རྩོམ་དང་རྩོམ་མུས་ ལྟར། འདི་ལོ་ཡང་ལོ་འདིའི་ཟླ་བ་ ༧ ཚེས་ ༡༩ ནས་ཚེས་ ༢༥ བར་བྱང་ཨ་རིའི་མངའ་སྡེ་མ་ས་ཅུ་སེཊ་ཀྱི་ས་གནས་ཁེབ་ཀོཊ་(CAP CODE)ནས་བྷོས་ཊོན་བར་མེ་ལི་ ༡༢༠ ལྷག་ཙམ་རིང་གོམ་བགྲོད་བྱ་རྒྱུ་ཡིན་པ་རེད།
Read the rest of this entry »

༧གོང་ས་མཆོག་གི་ཐུགས་དཀྱེལ་ཆེ་ལ་གཟིགས་རྒྱང་རིང་བའི་རླབས་ཆེན་གྱི་ཐག་གཅོད།

ཀུན་བཟང་།

ཁ་སྔོན་སྤྱི་ཟླ་གསུམ་པའི་ཚེས་བཅུ་བཞིའི་ཉིན་། བཞུགས་སྒར་རྡ་རམ་ས་ལར་འཚོགས་པའི་སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་གཅིག་པའི་ཐོག གོང་ས་ཏྭ་ལའི་བླ་མ་མཆོག་ནས་ད་ཆ་སྐུ་ཉིད་ཀྱི་བཙན་བྱོལ་བོད་གཞུང་གི་ཆབ་སྲིད་ཀྱི་ཐུགས་འགན་ཐམས་ཅད་། མི་དམངས་ཀྱི་འོས་འདེམས་བྱས་པའི་འགོ་ཁྲིད་སོ་སོར་གནང་རྒྱུ་དང་། ཐེངས་དེའི་གྲོས་ཚོགས་ཀྱི་ཚོགས་དུས་དེའི་ཐོག་བཅའ་ཁྲིམས་གཙོ་བོར་གྱུར་བའི་ཁྲིམས་སྒྲིག་ཁག་ལ་བསྐྱར་བཅོས་དགོས་ངེས་རྣམས་བསྐྱར་བཅོས་ཀྱིས་། གོང་ས་མཆོག་གི་མཚན་གནས་རྗེས་འབྲེལ་གྱི་ཆབ་སྲིད་དང་འཛིན་སྐྱོང་གི་བྱེད་སྒོ་གང་ཡང་མི་དགོས་པ་ཞིག་ངེས་པར་བྱེད་དགོས་པའི་གསུང་འཕྲིན་ཞིག་བསྩལ་གནང་མཛད་ཡོད་། Read the rest of this entry »

ཉི་མ་ནུབ་རིར་ཡོལ་དུས།

གཡུ་དྲུག་དཀར། རྡ་ས།
ཉི་མ་ནི་འཇིག་རྟེན་གྱི་ལྟེ་བ་ཡིན། ཉི་མ་རང་འཁོར་རྒྱག་གིན་མེད་ལ་གཞན་སྐོར་ཡང་རྒྱག་གིན་མེད་ན། ཉི་མ་ནི་གཡོ་མེད་འགུལ་མེད་ཀྱི་གཟའ་སྐར་ཁོ་ནའོ་ཟེར་ཞིང་། དེ་ནི་ཉི་མ་རང་སྟེང་གི་གཤིས་ལུགས་ཤིག་གི་རྣམ་བཤད་བཙན་པོ་མ་ཡིན་ཆོང་ཨང་། སའི་གོ་ལའི་ཆོས་◌ཉིད་ཀྱི་སྟོབས་ཆེན་པོ་སྟེ། ཁོའི་རང་འཁོར་གཞན་སྐོར་གྱི་ལམ་ཁ་རུ། ང་ཚོས་ཉི་མ་རེ་རེར་ཉི་མ་ནུབ་རིར་ཡོལ་དུས་ཤིག་དངོས་སུ་མྱོང་བཞིན་འགྲོ་བཞིན། ང་ཚོས་ཉི་མ་ནུབ་རིར་ཡོད་དུས་འདི་ཅིས་ཀྱང་ལོས་དྲན་ཡ། Read the rest of this entry »

དོན་དམ་གྱི་ཆོས་དད་རང་མོས་འཚོལ་བ།

ཤར་ཕྱོགས་ཁུག་རྟ།
ཆོས་དད་རང་དབང་ཡིན་མིན་ནི་ཆོས་ཀྱི་བྱེད་སྒོར་ རང་དབང་གིས་ཞུགས་ཆོག་མིན་ནས་ཐག་གཅོད་ཐུབ་ཀྱང༌། ཆོས་ཀྱི་བྱེད་སྒོར་ཞུགས་སྟངས་ལ་ཆབ་སྲིད་དང་ཆོས་མེད་རང་ལུགས་གང་གིས་ཀྱང་ སྟངས་འཛིན་བྱེད་ཐུབ་མེད་པ་ཞིག་ཡིན། ཆོས་ལུགས་སྤྱི་དང་བོད་བརྒྱུད་ནང་བསྟན་གྱི་གཞི་ལམ་འབྲས་གསུམ་ལ་ཤེས་ཚད་ཞན་ པའི་རྒྱ་ནག་གཞུང་གིས་རྟག་ཏུ་ཚོད་བགམ་དང་འོལ་ཚོད་ཀྱིས་བོད་བརྒྱུད་ནང་བསྟན་ལ་ ཁ་ལོ་བསྒྱུར་བསམ་གྱིན་ཡོད་ལ། Read the rest of this entry »

གསར་བརྗེ་བ་འགྱུར་བ་གཏོང་མི་ཉན།

ཝང་ལིས་ཞུང་གིས་བརྩམས།
ནགས་ཤོད་སད་མིས་བསྒྱུར།

རྒྱ་ནག་མགོ་ཁྲིད་ཚོས་ག་དུས་བོད་དོན་གླེང་སློང་བྱེད་ཚེ། ངས་དེ་སྔོན་ནུབ་ཕྱོགས་བརྒྱུད་ལམ་ཞིག་ཏུ་མཐོང་བའི་ཟུར་ཟའི་རི་མོ་དེ་དྲན་སོས་པར་བྱེད། དེ་ནི་འདི་ལྟ་སྟེ། རྒྱ་ནག་གི་སྲིད་བློན་ལིས་ཕུང་གཡག་ལ་བཅིབས་པ་དང་། ཞྭ་སེར་ལྟག་སྒྲོ་ཅན་གྱོན་ནས་བོད་མཐོ་སྒང་ནས་པཎ་ཆེན་བླ་མའི་ཡང་སྲིད་འཚོལ་བཞིན་པ་དེ་རེད། Read the rest of this entry »

དཔྱིད་ཀའི་ཉི་འོད་འོག་གི་སྙན་ངག

bob-ross1

ཀླུ་སྨྱོན།

དཔྱིད་ཀ་ཤར་བྱུང་ལ་དཔྱིད་རླུང་ཡང་ལྡང་བྱུང་།
མེ་འཁོར་ལྕགས་ལམ་གྱི་གཡས་གཡོན་དུ་རྩྭ་ལྗང་གི་མྱུ་གུ་འབུས་སོང་།
དེའི་ཐག་ཉེ་ས་རུ་རྒྱ་མཚོའི་རྦ་རླབས་བྲག་ལ་རྡེབ་པའི་ཆལ་ཆིལ་གྱི་རོལ་དབྱངས་ཤིག་ཀྱང་གྲག་བཞིན་འདུག
བྱིས་པ་ཆུང་ཆུང་ཚོས་མཚོ་འགྲམ་གྱི་བྱེ་མའི་སྟེང་དུ་རྩེད་མོ་རྩེད་བཞིན་ཡོད་ཅིང་།
མི་དར་མ་དག་གིས་བྱེ་མ་ཚ་བོའི་ནང་དུ་དམར་ཧྲེང་ངང་གཟུགས་པོ་ཉི་མར་ལྡེ་བཞིན་འདུག
རྩོམ་ཡིག་འདིའི་འཕྲོ་ཀློགས།

༄།། འཇིག་རྟེན་གྱི་ཁམས་ལས་འཕྲོས་པའི་གཏམ། སྔ་འཕྲོ་མུ་མཐུད།

རྔ་བ་རྒྱལ་ཁམས་པ།
bigbang21

དེ་ཡང་འཇིག་རྟེན་གྱི་ཁམས་ལ་ལ་ཏན་སྐད་དུ་(Universe)ཡོས་ནེའི་བར་སེའམ། (cosmos)སྟེ་སྣང་སྲིད་ཀྱི་ཁམས་ཞེས་ཀྱང་བརྗོད།དེ་དབྱིན་སྐད་དུ་(whole world)འཇིག་རྟེན་ཧྲིལ་བོ་ཞེས་པའི་དོན་རེད། ང་ཚོའི་ས་གཞི་འདི་དང་། ཉི་ཟླ་གཟའ་སྐར། དགུ་ཚིགས། བར་སྣང་། མི་དང་དུད་འགྲོ་སོགས་སེམས་ལྡན།རྩྭ་རྩི་ཤིང་ནགས་ཚལ་སོགས་སེམས་མེད་ཀྱི་དངོས་རིགས་ཐམས་ཅད་འཇིག་རྟེན་ཀྱི་ཁམས་འདི་ལ་བརྟེན་ཅིང་གནས་ཡོད།འོན་ཀྱང་། ང་ཚོས་འཇིག་རྟེན་གྱི་ཁམས་འདི་ཐོག་མར་ཇི་ལྟར་བྱུང་བ་དང་། མཐའ་མར་ཇི་ལྟར་འགྱུར་རྒྱུ་ཡིན་མིན་སོགས། ད་ཕན་གསལ་བོ་ཞིག་ཤེས་རྟོགས་བྱུང་མེད། ཅུང་ཟད་ཅིག་ཤེས་པ་ནི་རང་རེའི་ཉི་ཁྱིམ་དང་། དགུ་ཚིགས་དེ་བཞིན་འཇིག་རྟེན་གྱི་ཁམས་འདིའི་ནང་གི་རྡུལ་ཕྲན་ལྟ་བུ་ཞིག་གམ། ཡང་ན། Read the rest of this entry »