ཀླུ་སྨྱོན།
སྙིང་སྡུག་མ།
ཐག་ཉེ་སར་བཅར་ཏེ་བལྟས་ན།
ཁྱོད་ཀྱི་ཡོད་ཚད་སྙན་ངག་རེད།
གནག་ཅིང་སྣུམ་པའི་སྐྲ་ལོ།
དཀར་ལ་དམར་པའི་ཞལ་རས།
དཀྱུས་རིང་ཁྲ་ཆུང་མིག་ཟུང་།
སྦྲང་རྩི་འཐུལ་བའི་མཆུ་འདབ།
ཁ་བ་ལྟ་བུའི་སོ་ཕྲེང།
བུམ་པ་ལྟ་བུའི་མགུལ་བ།
དུང་དཀར་ལྟ་བུའི་མྱོས་བུམ།
གཞོན་ཤ་ཆགས་པའི་བྲང་གཞུང་།
མཁྲངས་ལ་ཟླུམ་པའི་བརླ་ཟུང་།
བདེ་དྲོད་འབར་བའི་བྷ་ག
མྱིག
༼ཀླུ་མོ་འཚོ་ལ་བྲིས་པ༽
འཇོ་སྒེག་གིས་ལྡེམ་པ མེ་ཏོག་གི་འཁྲི་ཤིང
ཁུ་བྱུག་གིས་ཀྱང་སྒྲོག་མ་ཤེས་པའི་འགྱུར་ཁུགས་དེས
སེམས་པའི་ཕྱི་ནང་དང སྟེང་འོག་ཐལ་བྱུང་དུ་ཕུག
ཨ མཛེས་ཤིང་འཛུམ་པ ཀེམ་ཀེམ་གཡོ་བའི་མིག་ཟུང་ལས
འཐོལ་གྱིས་འཁྱུག་པའི་ཉི་ཟེར་གྱི་ཟུར་མིག་རེ་རེ
ངའི་བྲང་གཞུང་བརྟོལ་ནས་སེམས་ལ་ཟུག
རྨ་ཁ་མི་བཏོད་པར་གསོད་ཀྱིན་པའི་ང
ཚེ་ཐར་ལ་མ་བཏང་གོང
རྟོག་གེ་བ་ཞིག་གིས
རང་ཉིད་ཀྱི་གཏན་ཚིགས་ལ་གས་ཆག་ཤོེར་བ་ཤེས་པས
ང་ལྷ་ཡུལ་ལ་བསྙེག་ན་མི་འདོད་ཟེར
དེ་ལས་མང་བ་། “མེ་ཏོག་གི་ཚོམ་དང་སྙིང་ལ་བུ་ག་རྟོལ་སྟངས་གཞན་ཞིག” »
བསེ་རུ།
༼ལོ་གསར་པར་རྒྱ་ཆེའི་ཀློག་པ་པོ་དང་དྲ་གྲོགས་ཡོངས་ལ་བཅོས་མིན་གྱི་འཚམས་འདྲིའི་ བཀྲ་ཤིས་བདེ་ལེགས་ཞུ་བ་དང་ཆབས་ཅིག འདས་དོན་ལ་ཕྱིར་དྲན་གྱིས་སེམས་ཚོར་རྗེན་པར་སྨྲ་བར་བྱའོ།།༽
བདག་གི་དྲ་གྲོགས་ལྷན་རྒྱས་དང་། རྒྱ་ཆེའི་ཀློག་པ་པོ་ལྷན་རྒྱས་ལ་སྤྱི་ལོའི་ལོ་གསར་ལ་འཚམས་འདྲི་ཞུ་བ་དང་སྦྲགས། དེ་རིང་འདིར། ལོ་གསར་པའི་ནང་གོམ་པ་སྤོ་སྟངས་ཀྱི་གསལ་འདེབས་ཤིག་ཞུ་འདོད་བྱུང་ལ། དྲ་གྲོགས་ལྷན་རྒྱས་ནས་འདི་ཐད་གཞོགས་འདེགས་ཀྱི་ཡིད་ཆེས་དང་རེ་བ་མཉམ་བསྡེབས་ཀྱིས་ཞུ་བ་ལགས།
དེང་སྐབས་དྲ་བའི་བརྒྱུད་ལམ་ནས་བོད་ཀྱི་སྐད་ཡིག་གི་ཚེ་སྲོག་གི་ལང་ཚོ་དར་བཞིན་པའི་དུས་འདིར། བོད་ཕྱི་ནང་གཉིས་སུ་གཞུང་སྒེར་གྱི་བོད་ཡིག་དྲ་རྒྱ་ཇིི་སྙེད་ཡོད་ཅིང་། དེ་དག་གི་ཁྲོད་ཤེས་རིག་དང་། ཆབ་སྲིད། དཔལ་འབྱོར། ཁྲིམས་ལུགས། བརྡ་འཕྲིན། གསར་འགྱུར། པར་རིགས། གླུ་གཞས་ལ་སོགས་པའི་བརྗོད་གཞི་དང་། ཁྱབ་ཁོངས་མི་འདྲ་བ་ཇི་སྙེད་ཅིག་དང་། དེ་དག་གི་ཁྲོད་རྩོམ་པ་པོ་དང་། ཞིབ་འཇུག་པ། དཔྱད་བརྗོད་པ། སྙན་ངག་པ་སོགས་ཡིན་མིན་ལ་མ་བལྟོས་པར་རྩོམ་ཡིག་སྤེལ་མཁན་ནི་འཚང་ཁ་ཤིག་ཤིག་ཡིན་མིན་མི་ཤེས་ཀྱང་། རྩོམ་ཡིག་གི་ས་བཅད་ནི་སྟོང་པར་ལུས་པའི་དཀའ་ངལ་དེ་མེད་པར་སྣང་། ཡང་མང་པོ་ཞིག་ནི་རྒྱུན་གཏན་ནས་རྩོམ་ཡིག་རྒྱུན་མར་སྤེལ་བ་དང་། འགའ་ཞིག་གིས་གནད་འགག་གི་དུས་སུ་སྤྱི་ཚོགས་དཔྱད་བརྗོད་ཙམ་སྤེལ་བ། རེ་འགས་སྒྱུར་རྩོམ་རིགས་འདྲ་མིན་སྤེལ་བ། ལ་ ལས་ནི་ཉིན་ལྟར་རང་གི་ཚོར་འདུ་དང་འབྲེལ་བའི་རྩོམ་ལུས་མི་འདྲ་བའི་རྩོམ་ཡིག་ གང་མང་སྤེལ་བ་སོགས་གནངས་དང་གནང་མུས་ཚང་མས་བོད་སྐད་ཡིག་གི་རྣམ་ཤེས་སྲོག་ཏུ་ ཞུགས་པའི་རྩོམ་ལུས་ཀྱི་གར་སྟབས་སྣ་ཚོགས་སྒྱུར་བཞིན་ཡོད་པ་ནི་ཆེས་དགའ་འོས་ པའི་ དོན་ཆེན་ཞིག་ཡིན། དེར་དུས་ནམ་ཡང་རྗེས་སུ་ཡི་རངས་དང་དགའ་གུས་ལྷན་དུ་ཞུ་ཡི་ཡོད།
བོད ལྷ་ཀླུ་གཉན་གསུམ།
ཉིས་སྟོང་ལོ་ཟེར་ནས་ང་ཚོས་ཡུན་རིང་ ཞིག་ལ་སྒུག་པ་རེད། དེ་ནས་ཉིས་སྟོང་སླེབས་སོང་། ཉིས་སྟོང་སླེབས་ནས་ཀྱང་། ང་ཚོ་དོན་དག་གསར་བ་གང་ཡང་བྱུང་མ་སོང་། ཉི་ཟླ་ནི་སྔར་བཞིན་ཤར་ནས་ནུབ་དང་། མི་རྣམས་ཀྱང་སྐྱེ་བ་ནས་འཆི་བ་རེད།
དེ་ནས་ཉིས་སྟོང་གཅིག་ལ་རེ་བ་བྱས། དེ་ནས་གཉིས། དེ་ནས་གསུམ། དེ་ནས་རིམ་བཞིན། དམིགས་བསལ་གྱིས་བརྒྱད་ལ་རེ་བ་བརྒྱབས། དེ་ཡི་ནང་ནས་བོད་མི་དག་གིས་ལོ་དེར་གང་ཐུབ་ཅི་ཐུབ་ཞིག་འཛམ་གླིང་མི་མང་ལ་རང་ ཉིད་བོད་མི་ཡིན་པའི་བདེན་དཔུང་བྱས། འཛམ་གླིང་གི་གསར་འགྱུར་ཆེས་མི་ཉུང་བ་ཞིག་གིས་ཀྱང་། བོད་མི་ཟེར་བའི་མི་རིགས་ཤིག་ས་སྒང་འདིར་འཚོ་ཡོད་པ་ཡིད་ཆེས་བྱེད་འགོ་བཙུགས།
དེ་ལས་མང་བ་། “ལོ་འདི་ལྟར་བུད་འགྲོ་ལ། འདི་ལྟར་སླེབས་ཀྱིན་ཡོད།” »
༸སྐྱབས་རྗེ་རྫོང་སར་མཁྱེན་བརྩེ།
རྫོང་སར་བཤད་གྲྭ་ཆོས་ཀྱི་བློ་གྲོས་འདི་བཞིན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་སྤྱི་ལོ་༢༠༠༤ལོར་ཐོག་མའི་དབུ་འབྱེད་བཀའ་དྲིན་བསྐྱངས་ནས་ད་ལམ་རྟེན་དང་བརྟེན་པར་བཅས་པ་ལེགས་པར་གྲུབ་པའི་རབ་གནས་འདིར། མེ་ཏོག་གང་ལ་བབས་པའི་ལྷ་སྐལ་དཔལ་ས་སྐྱ་པ་ཆེན་པོ་སྟོན་འཁོར་ནས་ལྷག་པའི་ལྷ་མཆོག་བཅོམ་ལྡན་འདས་དཔལ་བགྱེས་པ་རྡོ་རྗེའི་སྒོ་ནས་གནང་བའི་དུས་སྐབས་འདི་ལྟ་བུ་ནི། བསམ་ལས་འདས་པའི་དུས་ཁྱད་པ་ཅན་ཞིག་ཏུ་ངོས་འཛིན་བྱས་ཏེ། མ་འོངས་པར་ང་ཚོའི་ལོ་རྒྱུས་ཀྱི་སྟེང་དུ་འཁོད་དགོས་པ་ཞིག་ཡིན།
དེ་ལས་མང་བ་། “རྫོང་སར་བཤད་གྲྭའི་རབ་གནས་ཀྱི་མཛད་སྒོའི་གསུང་བཤད།” »
ཟླ་བ་གཞོན་ནུ།
ཤ་དྲོད་ཀྱིས་བྲང་ཁོག་བསྲེག་སྲིད་པའི་ནུ་མ་རྡོག་དེ་གཉིས
ང་ནམ་ཡང་རྩིབ་ལ་ཤོག་ཅེས ཡང་ཡང་འབོད་པའི་གཡབ་མོ་ཞིག་ཡིན་ནམ།
ཡང་ན་ཁྱོད་ལུགས་ཀྱི་བརྡ་རྟགས་རིགས་ཤིག་ཡིན
བློ་གྲོས།
མི་ལོ་ལྔ་བཅུའི་སྔོན་ལ། གོང་ས་སྐྱབས་མགོན་ཆེན་པོ་མཆོག་གིས་བོད་གཞུང་མང་གཉིས་ཀ་དམངས་གཙོའི་ལམ་དུ་འཁྲིད་གནང་མཛད་པ་རེད། སྤྱི་ཚོགས་རྙིང་པའི་ཆབ་སྲིད་ཀྱི་སྒྲོམ་གཞི་དེ་ཡག་ན་འདྲ། སྡུག་ན་འདྲ། སྒོ་བརྒྱབ་ཚར་ནས་ལོ་ལྔ་བཅུ་ཕྱིན་པ་རེད། ད་ནི་དེའི་ཤུལ་ལྷག་ཅིག་གང་ནའང་མེད་པ་རེད། འདི་ནི་ང་ཚོའི་དམངས་གཙོའི་འཕེལ་རིམ་གྱིས་ཕྱི་གཙང་ནང་གཙང་བྱས་ཚར་བའི་གྲས་ཤིག་རེད།
ལོ་ལྔ་བཅུའི་རྗེས་ཀྱི་ད་ཆ་ལ་མཚོན་ན། རྒྱ་ནག་གཞུང་གིས་བོད་རྒྱའི་གནད་དོན་ཐག་གཅོད་བྱེད་པའི་གོ་རིམ་ནང་དུ། བཙན་བྱོལ་བོད་ཀྱི་དམངས་གཙོའི་ལམ་སྲོལ་འདི་མུ་མཐུད་གནས་ཤིང་། གཉིས་སྨན་དབུ་མའི་ལམ་ནས་བོད་དོན་ཐག་གཅོད་བྱས་པའི་རྗེས་སུ་བཙན་བྱོལ་བོད་ཀྱི་དམངས་གཙོའི་ལམ་སྲོལ་འདི་ཆོལ་གསུམ་གཅིག་ཏུ་སྒྲིལ་བའི་ས་ཁོངས་ཧྲིལ་པོར་ཁྱབ་རྒྱུར་ངེས་པ་འདི་ཉེན་ཁ་ཞིག་ཏུ་མཐོང་གི་ཡོད་པ་ལས། སྤྱི་ཚོགས་རྙིང་པ་ཟེར་བ་ཞིག་ཡོང་རྒྱུ་མེད་པ་ཤེས་ཀྱི་ཡོད་ནའང་། བོད་ཕྱི་ནང་བར་དང་བོད་གཞུང་མང་བར་གྱི་མཐུན་ལམ་ལ་གས་ཁ་གཏོང་ཆེད་དུ་སྤྱི་ཚོགས་རྙིང་པ་རོི་ལངས་རྒྱག་གི་ཡོད་པ་དེ་དྲིལ་སྒྲོག་ཡོ་བྱད་ཚོའི་ནང་གི་ནུས་པ་ཆེ་ཤོས་གཅིག་ལ་བརྩི་གི་ཡོད་པ་རེད།
བློ་གྲོས་མཐའ་ཡས།
༡༽ ཆེས་བྱིན་ཆགས་ཤིང་མིའི་སེམས་ལ་དྲོད་ཁོལ་འཁྱིལ་བའི་བཞད་སྒྲ་དེ་ནི་བོད་མགོ་ནག་ཡོངས་ཀྱི་འདི་ཕྱིའི་སྐྱབས་གནས་༧གོང་ས་ཐམས་ཅད་མཁྱེན་པའི་བཞད་སྒྲ་རེད། ༧གོང་ས་མཆོག་རྒྱུན་དུ་མཇལ་ཐུབ་མཁན་གྱི་སྐལ་བཟང་ཞིག་ཡིན་ན་ཁོང་གི་བཞད་སྒྲ་རྣ་བར་མ་འདྲིས་ཤིང་མ་གོམས་པ་ཞིག་ག་ལ་ཡོད་ཀྱང་། དེ་རིང་གི་བཞད་སྒྲ་ནི་སྔར་དང་ཆེས་མ་འདྲ་བ་ཞིག་སྟེ། ཐུགས་གཏིང་ནས་དགྱེས་པའི་རྣམ་འགྱུར་ཧ་ཅང་གསལ་བོར་མངོན་གྱི་འདུག
“རྒྱ་སྐྱག་སང་གི་ཁ་ནང་ལ་དེ་ཆུག ད་༧གོང་ས་མཆོག་གི་དགུང་ལོ་ལ་རྩིས་རྒྱོབས་ཡ།”
“འོ་ཡ། བོད་དོན་འདི་སྤྱི་ཚོགས་རྙིང་པའི་སྐུ་དྲག་ཁ་ཅིག་རོ་ལངས་རྒྱག་འདོད་ཨེ་རེད། ད་ལྟོས་དང་།”
“དེ་རིང་ཡང་རྒྱ་རོ་སང་གི་སེམས་ནང་ལ་ཆུ་འཁྱག་བླུགས་སོང་།”
“འོ་ལེ། བོད་ལ་མགོ་ཡོད་པ་ནི་རྒྱ་རོ་ཁོ་རང་སང་གིས་ཀྱང་ཁ་ནས་ཤོར་གྱིན་འདུག ལུས་པོ་ཡོད་པ་ནི་ན་ནིང་གཞིས་ནང་ནས་གསལ་བོར་བསྟན་སོང་། ད་བོད་ལ་མགོ་ལུས་གཉིས་ཀ་མཐུད་པའི་སྐེ་ཞིག་ཀྱང་ཡོད་སོང་བ་རེད།”
ཨ་རིག་འགྱུར་མེད
ཁ་སང་དགོང་མོ་ནས་ད་ལྟའི་བར་ཆར་བ་བསྟུད་མར་བབས་པས།
ངྷ་སའི་དེ་རིང་གི་ནམ་ཟླ་ཧ་ཅང་འཁྱག་གི
རྡོ་ལ་བརྡར་གྱི་རི་མགོ་གངས་ཀྱིས་གཡོགས་འདུག
ཀཱང་ར་ལུང་ཁོག་གི་མཛེས་ལྗོངས་ཆར་གྱིས་རླན་འདུག
གངས་སྐྱིད་ཀྱི་རི་ལུང་ཐང་གསུམ་དུའང་འདམ་བག་གིས་ཁེངས་འདུག
ངའི་སེམས་ཁམས་ཀྱང་འཁྱག་སོབ་སོབ་དང་གྲང་ཤུར་ཤུར་རེད།
ཀླུ་སྨྱོན།
ཨ་མ་ལགས།
དགུང་ལོ་བགྲེས་པའི་ཨ་མ་ལགས།
ས་མཐའ་ན་སྦྲང་དཀར་རྩམ་པ་ཡོད་རུང་།
ས་མཐའ་ན་འོ་ཞོ་ཇི་འདྲས་མོད་ཀྱང་།
ཨ་མ་ལགས། ང་ཡུལ་ཡོང་ན་འདོད་ཀི
ཨ་མ་ལགས། ཁ་ཐག་རིང་བའི་ཨ་མ་ལགས།
ཁྱེད་ཀྱིས་ལན་མང་གསུངས་པ་ཇི་བཞིན།
ས་མཐའ་མི་སྐྱིད་ཀི
མཛོ་འཕོང་མི་བདེ་ཀི
རྟ་ནག་སྐལ་བཟང་ལུང་རིགས། (བལ་ཡུལ)
ང་ཚོས་ལྟ་ཚུལ་མི་མཐུན་པ་གཉིས་རྒྱུན་བསྐྱངས་ནས་འགྲོ་མི་ཐུབ་པའི་དུས་ཀྱི་ཚེ་དགག་གཞག་བྱེད་ངེས། འདི་ནི་དམངས་གཙོ་རིང་ལུགས་ཀྱི་ཆེས་རྨང་གཞི་ཡིན་པའི་སྨྲ་བརྗོད་རང་དབང་ཞེས་པ་དེ་རེད་དོ།
__________འབར་མའི་དམངས་གཙོའི་དབུ་ཁྲིད་པ་ལྕམ་ཨང་སན་སོའུ་ཅེ་ནས།
ཁྱེད་ཚང་ལ་མནན་ན་མི་ནོན་པའི་གཡག་རོག་གི་སྙིང་ཁམས་གདོས་སུ་ཆེ་བ་དེ་ཇི་ལྟར་བསླེབས་སོང་། ཁྱེད་ཚང་ལ་སྐྱེ་བོའི་སྨྲ་ལྕེ་གཏུབ་ལ་ཐོགས་རྡུགས་བྲལ་བའི་སྒེར་གཅོད་ཀྱི་རལ་གྲི་དེ་སུ་ཡིས་སྤྲད་སོང་། ཁྱེད་ཚང་ནི་རྒྱལ་དབང་དོན་གྱི་བདག་པོའི་སྐུ་རྩ་སྐུ་བདག་ཡིན་ཞེས་པའི་གླང་ཆེན་སྟོང་གིས་མི་ཁྱག་པའི་དབང་ཚད་དེ་སུ་ཡིས་བསྟབས་སོང་། ཁྱེད་ཚང་ལ་མདོ་སྨད་ས་རྒྱུན་གྱི་མིང་གིས་བྲིས་ཏེ་སྐྱེ་བོ་སྒེར་བ་ཞིག་གི་སྐེ་རྩ་སྒོག་ཆོག་པའི་དབང་ཆ་དེ་སུ་ཡིས་སྦྱིན་སོང་། ཁྱེད་ཚང་གི་སྒེའུ་ཡོལ་གྱི་ཕག་ཏུ་ཡིབ་ནས་ཡོད་ཅིང་། མདའ་དང་མདེའུ་མེད་པར་ཟུངས་ཁྲག་འབྱིན་མཁན་ཏེ་ལྐོག་གྱུར་བའི་མི་དེ་སུ་རེད། ང་ཡང་མདོ་སྨད་པ་ཞིག་ཡིན་པའི་ངོས་ནས་དྲི་བ་དེ་དག་ལ་ལན་ལྡོན་ཅིག་ཅེས་བསྙད་པའི་དབང་ཆ་བདག་ལ་ཅིའི་ཕྱིར་མེད་དམ།
སྐྱེ་བོ་སྒེར་བ་ཞིག་གི་སྨྲ་བརྗོད་ལ་ལྕགས་ཀྱི་ཐུ་ལུམ་དམར་ལམ་ལམ་པ་འདེབས་པ་འདི་ལྟ་བུ་མཐོང་ན་བདག་གི་མིག་གིས་བལྟ་མི་ཕོད་ཅིང་སེམས་ཀྱིས་བསྲན་མི་ནུས་པའི་དུས་ལ་གཏུགས་སོང་བས། རང་ཉིད་ཀྱང་མདོ་སྨད་པ་ཞིག་ཡིན་པའི་ཆ་ནས་དང་། དེ་ལས་ཀྱང་དྲང་བོའི་གཏམ་སྨྲ་བ་བོ་ཞིག་ཏུ་ཁས་འཆེས་པ་ཡིན་པའི་ངོས་ནས་སྙིང་གི་རུས་པ་བཙུར་བའི་སྐད་ཆ་འདི་མི་སྨྲ་སྡོད་ཚོད་མེད་པར་གྱུར་སོང་ངོ་།།
མདའ་མོ་ཚང་རྨོག་རུ་བསྟན་པ།
ཟླ་ བ་ཁ་ཤས་ཀྱི་གོང་ནས་བཙན་བྱོལ་བོད་མི་ཡོད་དོ་ཅོག་ལ་འུར་ཟིང་ཆེན་པོ་ཞིག་ལངས་ ཡོད་ལ།འུར་ཟིང་འདི་ནི་བཀའ་ཁྲིའི་འོས་མི་བློ་བཟང་སེང་གེ་ལགས་ནས་མགོ་བརྩམས་ ཤིང་།བཀའ་ཁྲི་ཐོབ་མིན་གང་ལྟར་ཀྱང་བློ་བཟང་སེང་གེ་ལགས་ཀྱིས་བཙན་བྱོལ་བོད་ མིའི་སྤྱི་ཚོགས་ཀྱི་མང་གཙོའི་མི་མང་ཁྲོད་བསྒྲགས་པའི་ཅོང་བརྡ་ཞིག་དང་།ཁོང་ ཉིད་བཀའ་ཁྲིའི་འོས་མིར་གཞེངས་བའི་དམི གས་ཡུལ་གྱི་ཡ་གྱལ་ཞིག་ཀྱང་རེད།
ད་ རེས་ཀྱི་འོས་བསྡུ་འདིའི་ཁྲོད་ནས་མི་མང་གིས་ཀྱང་མང་གཙོའི་རིན་ཐང་ལ་གོ་བ་ཅིག་ རྙེད་ཡོད་ཚོད་ཡིན་ལ།རང་ཚོད་ལ་རང་དཔོག་ཐུབ་མེད་པའི་མི་བུ་མང་པོ་ཞིག་གིས་རང་ ཉིད་ཀྱི་ངོ་གདོང་དང་མི་མང་གི་རང་ཉིད་ལ་ངོས་འཛིན་བྱེད་སྟངས་ཐད་རྒྱུས་ལོན་མང་ པོ་ཞིག་ཀྱང་བྱུང་ཡོད།ལྷག་པར་རང་ཚུགས་མེད་པའི་སྐུ་ངོ་རེ་ཟུང་གི་ལྗིད་ཁོག་ཏེ་ མི་མང་གིས་ངོས་འཛིན་གསལ་པོ་ཐུ བ་ཡོད།
དེ་ལས་མང་བ་། “ཨ་མའི་བུ་ལ་འབྱོན་ཐང་ཡོད་ན།བཀའ་བློན་ཁྲི་པར་ནམ་ཕེབས་རེད།” »
ཀླུ་སྨྱོན།
དགོང་མོ་དེར་ངོ་མ་འཇིགས་སྣང་སྐྱེ་དགོས་པའི་གློག་ཞགས་ཤིག་འཁྱུགས་སོང་ལ།
མུ་ཟིའི་དྲི་མ་འཐུལ་བའི་གློག་འོད་དེའི་སྡེར་མོ་རྣོན་པོ་དག་གིས།
གཤིན་རྗེའི་ལྕགས་ཀྱུ་བཏབ་པ་བཞིན་ནགས་ཚལ་ལས་ལྗོན་པ་སྐོར་ཞིག་གི་རྩད་པ་གཏུབས་སོང་ཨང་།
ཉི་འོད་འཇམ་ཞིང་སྐྱིད་སྣང་དོད་པའི་ཞོགས་པ་དེར།
ཤིང་བཟོ་བ་འགའ་ངེད་ཚང་གི་སྒོ་རའི་ནང་དུ་འདུས་ནས་ཅིག་ཅིག་མུག་མུག་གླེང་བཞིན་འདུག
ང་རང་ངལ་དུབ་དང་བཅས་རྒྱུན་རིང་ཞིག་གི་རྗེས་སུ་ཁོ་ཚོའི་འཁྲིས་སུ་བསླེབས་ཤིང་།
ཁོག་སྟོད་ཅུང་སྒུར་བའི་ཤིང་བཟོ་བ་རྒན་པ་ཞིག་ན་རེ།
ཀླུ་སྨྱོན།
གཅིག ཐོག་མའི་འགྲུལ་བཞུད།
ཞོགས་པའི་དུང་དཀར་གྱི་དབྱངས་སྙན་ཕྱོགས་བཞིའི་རི་ཚོགས་ཀྱི་བང་རིམ་ཁྲོད་དུ་ཁྱབ་བཞིན་འདུག ཡིན་ན་ཡང་དེ་རིང་ང་ལ་ཚོགས་པར་འགྲོ་བའི་དུས་ཚོད་ཅིག་ག་ལ་ཡོད་དེ། ང་རང་སྟོད་ཉི་མ་ལྷ་སར་འགྲོ་དགོས་པས་ཡིན། ཕ་ཡུལ་གྱི་མི་རྣམས་ལྷ་སར་འགྲོ་ཐེངས་རེར་མི་མང་ཆེ་བའི་དམིགས་ཡུལ་ནི་ཇོ་བོ་ཡིད་བཞིན་ནོར་བུར་ཐོད་པ་ལན་གཅིག་གཏུག་ཆེད་ཡིན། ལོ་འགའི་སྔོན་གྱི་ང་ལ་མཚོན་ན་ཡང་དེ་ལས་མ་འདས་པར་ཇོ་བོ་དང་པོ་ཏ་ལ། སེ་འབྲས་དགེ་གསུམ་དང་བསམ་ཡས་སོགས་གནས་རྩ་ཆེན་དག་ལ་མཇལ་སྐོར་བྱེད་རྒྱུ་དེ་དམིགས་ཡུལ་དུ་བཟུང་བ་མ་ཡིན་ནམ། ཡིན་ན་ཡང་དེ་རིང་གི་ང་ལ་མཚོན་ན་དམིགས་ཡུལ་གཞན་ཞིག་སྟེ། སྙན་གྲགས་འབར་བའི་བོད་ཀྱི་རྩོམ་པ་པོ་ཞིག་ལ་ཐུག་འཕྲད་ཀྱི་ཆེད་དུ་འདི་ལྟར་ལམ་ལ་ཆས་བཞིན་ཡོད། ཨ་ཞང་བརྩོན་འགྲུས་ཀྱིས་བཀག་འགོག་ཅི་ཙམ་བྱས་མིན་ལ་མ་ལྟོས་པར་ངས་རང་ལ་ཡོད་པའི་རྒྱ་དངུལ་ལྔ་བརྒྱའི་སྟེང་དུ་གྲོགས་པོ་འགའི་ས་ནས་སྒོར་ཉིས་སྟོང་གཡར་བ་དང་། དགུན་ལྭ་མཐུག་པོ་ཁ་ཤས་གྲ་སྒྲིག་བྱས་ནས་འགྲུལ་བཞུད་རིང་མོ་འདིའི་མགོ་བརྩམས་པ་ཡིན། སྤྱི་སྤྱོད་རླངས་འཁོར་དུ་བསྡད་པའི་ཚོར་སྣང་དེ་ཅུང་ཟད་འཚབ་འཚུབ་ཅིག་རེད་ལ། ཅུང་མ་འགོར་བར་ལམ་ཁ་ཡག་པོ་མེད་པའི་རྐྱེན་གྱིས་ཐལ་རྡུལ་དཀར་པོ་ཞིག་རླངས་འཁོར་གྱི་ནང་དུ་འཐིབས་ཡོང་ནས་དབུགས་ཀྱང་རྔུབ་གཏོང་བྱེད་དཀའ་བའི་ཚོད་དུ་བསྐྱལ། ཡིན་ན་ཡང་དུས་ཚོད་ཏག་ཏག་ཅིག་གི་སྟེང་དུ་ཟི་ལིང་ལ་བསླེབས་སོང་བས། འགྲུལ་བ་མང་ཆེ་བས་འཁང་ར་དེ་ཙམ་ཞིག་མི་བྱེད་པ་དང་རྒན་རྒོན་གློ་ནད་ཡོད་པ་འགས་ཀྱང་འཕྲོད་བསྟེན་སྡེ་ཁག་ལ་གཏུགས་གཤེར་བྱེད་རྒྱུ་ཟེར་བའི་རྩོད་གླེང་དེའི་མགོ་ཡང་སྐྱར་བཙུགས་མ་སོང་།
ནུབ་པ་འབྱོར་ལྡན་གྱིས།
༄༅། ༎ད་ལོར་ཕ་རན་སིའི་སློབ་གྲྭ་ཆེན་མོར་ཞིབ་འཇུག་གི་ཡིག་ཆ་ཞིག་འབྲི་དགོས་ཡོད། འོ་ན་ཡོ་སེབ་དགེ་རྒན་ཟེར་བ་དེའི་སྐོར་ལ་ཞིབ་འཇུག་བྱེད་རྒྱུ་ཡིན། ཡོ་སེབ་དགེ་རྒན་ནི་ཡེ་ཤུའི་ལ་དྭགས་པ་ཞིག་རེད། དགེ་རྒན་ཟེར་བ་ནི་ཁོང་གི་མིང་གི་ཆ་ཤས་ཤིག་རེད། དུས་རབས་ཉི་ཤུ་པའི་སྟོད་ལ་ཁོང་གིས་ནུབ་ཕྱོགས་ཀྱི་ཡེ་ཤུ་མི་ཤིའི་ཆོས་པ་ Francke ཅེས་བྱ་བ་ལ་མཇལ་པ་རེད། ངས་འདིར་ཡོ་སེབ་དགེ་རྒན་དང་ཁོང་གི་ལས་ཀའི་སྐོར་མ་བྲིས་སྔོན་ལ་བོད་ཀྱི་ཡེ་ཤུ་མི་ཤིའི་ལོ་རྒྱུས་ཀྱི་སྐོར་ལ་ཏོག་ཙམ་འབྲི་རྒྱུ་ཡིན། བོད་ལ་ཡེ་ཤུ་མི་ཤི་པ་དང་པོ་སླེབས་མཁན་དུས་རབས་བདུན་པ་ལ་ནུབ་ཕྱོགས་ནས་ཡོང་བ་རེད། ཡེ་ཤུ་མི་ཤི་པ་དེ་ཚོར་Nestorian་ཟེར་ཀྱི་ཡོད་རེད།
པར། Nestorianགི་ཐོག་ལྕགས་རེད། Giuseppe Tucciསྟོད་ནས་བརྙེད་པ་རེད།
བློ་གྲོས།
ད་ནི་བཀྲས་མཐོང་བསྟན་འཛིན་རྣམ་རྒྱལ་ལགས་ལ་རྒྱབ་སྐྱོར་བ་ཚོས་གཞི་ནས་ཁྱབ་བསྒྲགས་ཀྱི་གོམ་སྟབས་བསྒྱུར་མགོ་ཚུགས་སོང་བ་འདྲ། མི་ཆེན་དཔོན་ཆེན་འདི་ཚོས། གནད་ཀྱི་འགག་རྩ་ལ་ཐུག་དུས། གཞི་ནས་གོམ་སྟབས་དེ་བསྒྱུར་གྱི་འདུག འདི་ནི་དམག་བྱུས་ཤིག་ཡིན་པའི་དབང་དུ་བཏང་ན། དམག་དོིན་མཁས་མྱོང་ཅན་གྱི་བྱེད་སྟངས་ཤིག་ཡིན་འདྲ།
ཀུན་དགས་དབྱིན་ཡིག་ནས་བོད་བསྒྱུར་བྱས།
རྒྱང་རིང་འཕྲིན་ལམ་གྱི་གྲོགས་པོ་ལགས།
ཐོག་མར་ཁྱེད་ལ་འཚམས་འདྲི་ཞུ་བ་དང་ཆབས་ཅིག་ང་ནི་དྲང་བདེན་གྱི་བརྩེ་བ་ལ་རེ་ལྟོས་བྱེད་མཁན་ཞིག་དང་། གློག་འཕྲིན་གྱི་དྲ་ལམ་དུ་ཞུགས་ནས་མི་ཚེ་ཡི་འཚོལ་སྙེག་ལ་སྐུལ་འདེད་གཏོང་མཁན་ཞིག་ཀྱང་ཡིན། ཁྱེད་རང་ང་དང་མཉམ་དུ་རང་དབང་གི་ལམ་དུ་ཞུགས་ཏེ་ཐོབ་དཀའ་བའི་མི་ཚེ་ཞིག་གི་རིན་ཐང་ལ་འབད་འབད་དུང་དུང་གི་གཏམ་གླེང་བྱེད་པར་ཐུགས་རྗེ་ཆེ་ཞུ་རྒྱུ་ཡིན།
ངའི་མིང་ལ་ཏ་ཏའི་ཡ་ནར་འབོད་ཅིང་། གཟུགས་ཀྱི་ལྗིད་ཚད་དང་། རིང་ཚད་སོགས་ནི་ཚད་ལྡན་ གྱི་བུ་མོའི་ཕུང་བོའི་གྲུབ་ཆ་ཚང་ཡོད། ཕྱི་ལོ་༡༩༨༡་ལོར་ར་ཤི་ཡའི་རྒྱལ་ཁོངས་ཨིན་ཁྲ་རྫོང་ཁོངས་སུ་སྐྱེས་པ་ཡིན། ཨིན་ཁྲ་གྲོང་ཁྱེར་ནི་དེ་ཙམ་གྱིས་གཞི་རྒྱ་ཆེ་བའི་གྲོང་ཁྱེར་ཞིག་མ་རེད། འདི་ནི་ར་ཤི་ཡ་སྤྱི་མཐུན་རྒྱལ་ཁབ་ཀྱི་བྱང་ཕྱོགས་སུ་ཡོད་པ་དང་། གཞུང་གི་འཛིན་སྐྱོང་དང་འབྲེལ་བའི་ལྷན་ཁང་ཁག་ཀྱང་ཡོད་པ་རེད། གྲོང་ཁྱེར་འདིར་རྒྱུན་སྡོད་མི་འབོར་༣༧༠༠༠ལྷག་ཡོད་པ་དང་། ༡༩༤༠ལོར་གསར་དུ་འཛུགས་བསྐྲུན་བྱུང་བ་ཞིག་རེད།
རྟ་ནག་སྐལ་བཟང་ལུང་རིགས།
ཨང་ཧྲན་སོའུ་ཅེ་གློད་པ་ཐོབ་རྗེས་སྟེ། སྤྱི་ཟླ་༡༡། ༡༤། ཉིན་འབར་མའི་རྒྱལ་ས་རུ་མི་དམངས་ལ་གཏམ་བཤད་སྤེལ་བ།
ཐོག་མར། གང་ག་འདིར་མཉམ་དུ་འཛོམས་ནས་བྱེད་སྒོ་འདི་ལྟ་བུ་ཞིག་གིས་བདག་ལ་རྒྱབ་སྐྱོར་མཛད་པར་ལྷག་བསམ་ཟོལ་མེད་ཀྱིས་ཐུགས་རྗེ་ཆེ་ཞུ་བ་དང་། བདག་གིས་ཀྱང་སྐད་ཆ་ཁ་ཤས་ཤིག་ཀུན་གྱི་བགོ་སྐལ་དུ་བསྟབ་ན་བསམས་སོ།། ང་ཚོིའི་གྱེས་བྲལ་གྱི་དུས་ཡུན་ནི་ཤིན་ཏུ་ནས་རིང་བ་ཞིག་རེད་མོད། དེ་ལྟ་ནའང་། ང་ཚོ་འཕྲད་ཐབས་མེད་པའི་དབང་དུ་སོང་ནའང་། བདག་གིས་ཤེས་འོང་བ་ཞིག་ནི་ང་ཚོའི་བར་དུ་བྱམས་པ་དང་བརྩེ་བ་ཡིས་དྲངས་པའི་ཡིད་ཆེས་ཡོད་པ་དེ་དང་། དེ་དག་གིས་ང་ཚོའི་འབྲེལ་བ་ནི་སུས་ཀྱང་གཅོད་མི་ཐུབ་པར་དམ་དུ་བསྡམས་ནས་ཡོད་པ་དེའོ།།
དེ་ལས་མང་བ་། “ཨང་ཧྲན་སོའུ་ཅེ་གློད་པ་ཐོབ་རྗེས་ཀྱི་གཏམ་བཤད་ཆ་ཚང་། ༼བོད་འགྱུར་མ།༽” »
གནས་ཚུལ་མཁོ་གཏོང་བ་རྨོག་རུ་བསྟན་པ།
བོད་ཀྱི་གསོ་རིག་བང་ཆེན་གསར་ཤོག་གི་རྩོམ་སྒྲིག་པ་བུ་མོ་སྒྲོལ་དཀར་ནི་ར་ཤི་ཡའི་ཁོངས་གཏོགས་ཨོ་ལན་བོ་རྡེ་ནས་ཡིན་པ་དང་།ས་གནས་ཀྱི་སློབ་གྲྭ་ཆུང་འབྲིང་བརྒྱུད་མཐོ་རིམ་སློབ་གྲྭ་ཐོན་རྗེས་ཚོང་གཉེར་ལས་རིགས་སུ་ཞུགས།དགུང་གྲངས་དགུ་བཅུར་སོན་པའི་ཁོ་མོའི་སྤོ་པོ་ནི་༸གོང་ས་བཅུ་གསུམ་པའི་མཚན་ཞབས་ངག་དབང་རྡོ་རྗེ་ཡབ་སོགས་དང་འབྲེལ་འདྲིས་ཆེ་བའི་མི་ཞིག་ཡིན་པ་དང་།ཁོ་མོའི་ཨ་མ་ནི་བུད་མེད་རྩོམ་པ་པོ་ཞིག་རེད།
དེ་ལས་མང་བ་། “བོད་ཀྱི་ནང་ཆོས་དང་གསོ་རིག་གིས་ང་ཚོའི་ལོ་རྒྱུས་ལ་ཤུགས་རྐྱེན་ཆེན་པོ་ཐེབས་ཡོད།” »
བཀྲས་མཐོང་བསྟན་འཛིན་རྣམ་རྒྱལ་ཆེད་དུ་ན་གཞོན་མཐུན་ཚོགས་ནས་བཞུགས་སྒར་རྡ་རམ་ས་ལར་ཁོང་ལ་རྒྱབ་སྐྱོར་གྱི་བརྙན་པར་ཞིག དེ་རིང་ཕྱི་ལོ་ ༢༠༡༠ སྤྱི་ཟླ་ ༡༢ ཚེས་ ༢༨ ཉིན་དྲ་རྒྱ་བརྒྱུད་ནས་དབུ་འབྱེད་བྱ་རྒྱུ་ཡིན།
༢༠༡༡ བཀའ་ཁྲིའི་འོས་མི། བསྟན་འཛིན་རྣམ་རྒྱལ། from Youth for TNT on Vimeo.