ཁ་བརྡ།

ཁ་བརྡ།

Archive for October, 2010


མཚོ་སྔོན་ཞིང་ཆེན་བོད་རྒྱ་སྐད་གཉིས་དུས་ཡུན་འབྲིང་རིང་གི་བཅོས་བསྒྱུར་ གནད་དོན་ཐད་ཀྱི་བསམ་འཆར།

བསྒྱུར་མཁན་འབྲོག་མྱི།

མཚོ་སྔོན་ཞིང་ཆེན་སློབ་གསོ་ཐེན།
བཅིངས་འགྲོལ་གྱི་རྗེས་སུ། ནང་སྒོས་སུ་བཅོས་བསྒྱུར་སྒོ་འབྱེད་བྱས་པ་ནས་བཟུང་། མཚོ་སྔོན་ཞིང་ཆེན་གྱི་མི་རིགས་སློབ་གསོའི་འཕེལ་རྒྱས་ཀྱི་གོམ་སྟབས་མགྱོགས་ཤིང་མྱུར་ལ་གསོན་ཤུགས་ལྡན། སྐད་གཉིས་སློབ་གསོའི་མ་ལག་གི་འཐུས་སྒོ་ཇེ་ཚང་དང་བསྟུན་ནས་གཡུར་དུ་ཟ་བའི་གྲུབ་འབྲས་ཐོབ་ཡོད་ལ། རྒྱལ་སྤྱིའི་སྟེང་ཉིན་རེ་ཞག་རེ་ལྟར་ཤུགས་རྐྱེན་ཇེ་ཆེ་ནས་ཇེ་ཆེར་འགྲོ་མུས་སུ་ཡིན། བོད་རིགས་རང་སྐྱོང་ཁུལ་དག་གིས་ནན་ནན་ཏན་ཏན་གྱིས་བརྟན་བརླིང་དང་ཚན་རིག་དང་མཐུན་ཞིང་། གཟབ་ནན་གྱིས་རྨང་གཞིའི་སློབ་གསོ་རིམ་པའི་སྐད་གཉིས་སློབ་གསོར་བསྐུལ་འདེད་བྱས་ཡོད་པས་སློབ་གསོའི་ཁྱབ་གདལ་གྱི་ཚད་རིམ་མཐོ་རུ་ཕྱིན་ཏེ་གཞོན་སྐྱེས་ཁྲོད 96%ཡིག་རྨོངས་ལས་ཐར་ཡོད། དེ་བས་ཀྱང་རྨ་ལྷོ་དང་མཚོ་ལྷོ་ཁུལ་གཉིས་ཀྱིས་གང་ཅིའི་ཐད་ནས་བོད་སྐད་དང་རྒྱ་སྐད་གཉིས་མཉམ་སྤྱོད་དང་ཁྱབ་སྤེལ་བཏང་བ་བརྒྱུད་དེ་བོད་སྐད་ནི་སློབ་ཚན་མང་ཆེ་བའི་སློབ་ཁྲིད་ཀྱི་ལག་ཆ་བྱས་ཡོད། དེའི་དབང་གིས་རང་ཡུལ་གྱི་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་དང་། མཐོ་རིམ་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་ཞིང་ཆེན་ཡོངས་ཀྱི་གྲལ་འགོར་སླེབས་ཡོད།
སྐད་གཉིས་དང་སྐད་མང་ཅན་གྱི་མི་སྣ་ནི་མཚོ་སྔོན་བོད་ཁུལ་གྱི་རང་ས་ལས་བརྒལ་བའི་འཕེལ་རྒྱས་དང་ཡུན་རིང་བརྟན་གནས་གྱི་སྟོབས་ཤུགས་མ་རྐང་ཡིན་པར་མ་ཟད། ད་དུང་འཛམ་གླིང་གྲུ་ཟུར་ཀུན་ཏུ་ཁྱབ་ཡོད་པས་ཁུལ་དེ་དག་ནི་བོད་ཁུལ་གྱི་སྐད་གཉིས་སློབ་གསོའི་གྲུབ་འབྲས་འབུར་དུ་ཐོན་པའི་ས་ཁུལ་དུ་གྱུར་ཡོད་ལ་སློབ་གསོ་དང་སྐད་རིགས་ཀྱི་ཕྱོགས་སུ་མང་ཚོགས་ཀྱི་བསམ་འཆར་ཆེས་ཉུང་བའི་ས་ཁུལ་དག་ཀྱང་ཡིན།༼ལྟོས་ས་བལྟོས་འཇོག་གིས་མཚོ་ཤར་དང་ཟི་ལིང་གྲོང་ཁྱེར་ཀྱི་ཁོངས་གཏོགས་བོད་རིགས་ཚོ་སྡེ་ཁག་དང་། མཚོ་བྱང་། ཡུལ་ཤུལ་སོགས་ས་ཁུལ་དུ་བསམ་འཆར་ཅུང་མང་།༽ རང་སྐྱོང་ཁུལ་དྲུག་དང་ཞིང་ཆེན་ཐད་གཏོགས་ལས་ཁུངས་ཀྱི་འཛིན་སྐྱོང་གཞུང་ཞབས་པ་དང་སློབ་གསོའི་ལས་ཀ་བ་ཞིག་གི་ཆ་ནས། Read the rest of this entry »

བརྩིགས་ངོས་ཀྱི་འདྲ་དཔར་འདིའི་ནམ་ཞིག་སྐད་ཆ་བཤད་སྲིད།

བོད། ལྷ་ཀླུ་གཉན་གསུམ།

དེ་ནས་བཟུང་ ཁྱེད་རང་ཁོ་ན་ལ་ཡིད་ཆེས་བྱས
ཁྱེད་ཉིད་ཁོ་ན་སེམས་ཁོང་གི་བརྩི་མཐོང་ཆེ་ཤོས་ཡིན

གཞན་ཡུལ་ནས་གཞན་ཡུལ་ག་ཚོད་རྒྱུད་ཀྱང་
ད་དུང་ བརྩིགས་ངོས་ཀྱི་ཁྱེད་རང་ལ་ཁ་གྲགས་རྒྱུ་མི་འདུག
ངས་ཀྱང་ དེ་འདྲ་ཞིག་ཡིན་སྣང་གིས་ཡིད་ཆེས་བྱས
རེ་སྨོན་བཅོལ ཡོད་ཚད་ཁྱེད་ལ་བཞག
ཁྱེད་ཀྱི་དྲུང་དུ་སྤུངས
ཤ་རྐང་གཉིས་ཀ་བཙུར་ནས
ལུས་ངག་ཡིད་གསུམ་བཙག་ནས
ཐམས་ཅད་ཁྱེད་ལ་ཞུས Read the rest of this entry »

མཚོ་སྔོན་དུ་བོད་ཡིག་ལ་བརྟེན་ནས་སློབ་ཁྲིད་སྔར་བཞིན་བྱེད་བཞིན་འདུག

འབྲོང་བུ་ཟླ་བ་ཚེ་རིང་།

ཕྱི་ལོ་༢༠༡༠ལོའི་ཕྱི་ཟླ་༡༠ ཚེས་༣༠ཉིན་རང་ཉིད་དང་ཁ་བྲལ་ནས་ལོ་ངོ་བཅུ་གཅིག་ཙམ་འགོར་བའི་གྲོགས་མཆོག་ཞིག་ལ་དྲ་ལམ་ནས་བོད་ནང་གི་༼བོད་ཀྱི་སྐད་ཡིག་གི་བདག་དབང་དང་འབྲེལ་བའི་སློབ་མའི་ངོ་རྒོལ་གྱི་སྐོར་༽ལ་གླེང་སློང་བྱུང་བ།

ཁོ། ཁྱེད་ཀྱིས་སློབ་ཕྲུག་གི་ངོ་རྒོལ་སྐོར་གྱི་གནས་ཚུལ་དེ་གོ་སོང་ངམ།

ང། གོ་སོང་། སྔོན་མ་ནས་གོ་སོང། ངོ་རྒོལ་གྱི་གནས་ཚུལ་བྱུང་མ་ཐག་འདི་ཡུལ་གྱི་དྲ་ལམ་དང་གསར་འགྱུར་ཚང་མ་ན་གླེང་སློང་བྱེད་བཞིན་འདུག འདིའི་སྐོར་ལ་རྒྱབ་སྐྱོར་གྱི་ལས་འགུལ་སྣ་ཚོགས་སྤེལ་བཞིན་འདུག་ལ་མཉམ་འབྲེལ་རྒྱལ་ཚོགས་སུ་སྙན་ཞུ་འབུལ་བའི་སྟ་གོན་བྱེད་བཞིན་འདུག གཟའ་འཁོར་འདི་དག་གི་རིང་ལ་བོད་པའི་གསར་འགྱུར་གཙོ་བོ་དེ་འདི་རེད། འདིའི་སྐོར་ལ་བགྲོ་གླེང་ཡང་ཤུགས་ཆེན་པོ་བྱེད་བཞིན་འདུག Read the rest of this entry »

མཚོ་སྔོན་བོད་རིགས་རྒན་ཡོལ་བས་ཕུལ་བའི་སྙན་ཞུ།

2010-2020ལོའི་མཚོ་སྔོན་ཞིང་ཆེན་གྱི་དུས་ཡུན་འབྲིང་རིང་གི་སློབ་གསོ་བཅོས་བསྒྱུར་དང་འཕེལ་རྒྱས་རྩ་གནད་ཀྱི་བསམ་འཆར།

མཚོ་སྔོན་ཞིང་ཆེན་སློབ་གསོ་ཐིན།

བཅིངས་གྲོལ་གྱི་རྗེས་དང་། ལྷག་པར་དུ་བསྒྱུར་བཅོས་སྒོ་འབྱེད་ཀྱི་རྗེས་སུ་མཚོ་སྔོན་གྱི་སློབ་གསོ་ལ་འཕེལ་རྒྱས་བླ་ན་མེད་པ་བྱུང་ཞིང་། སྐད་གཉིས་སློབ་གསོའི་མ་ལག་མཚམས་མ་ཆད་པར་ཕུན་སུམ་ཇེ་ཚོགས་དང་། གཟེངས་སུ་ཐོན་པའི་གྲུབ་འབྲས་བྱུང་བས། རྒྱལ་སྤྱིའི་ལྟ་སྣང་ལའང་བར་མེད་དུ་རྒྱ་ཆེར་འཕེལ་བཞིན་པའི་སྣང་བ་ཞིག་སྤྲད་འོང་བ་དེའོ།། བོད་རིགས་རང་སྐྱོང་གི་ས་ཁུལ་རེ་འགས་གཟབ་ནན་བརྟན་བརླིང་དང་། ཚན་རིག་མཐུན་སྤྱོད། སྒམ་བརླིང་ནན་ཞིབ་བྱས་ཏེ་རྨང་གཞིའི་སློབ་གསོ་སྐད་གཉིས་སློབ་གསོའི་དུས་རིམ་དུ་བསླེབ་པར་སྐུལ་འདེད་བགྱིས་པས། སློབ་གསོའང་སྤང་ལ་མེ་སྟག་འཐོར་བ་བཞིན་རྒྱ་ཁབ་ཏུ་འཕེལ་ཏེ་ན་གཞོན་ཡིག་རྨོངས་ལས་ཐར་ཚད་ཀྱང་བརྒྱ་ཆའི་གོ་དྲུག་ལ་བསླེབས་པའོ།།
ལྷག་པར་དུ་རྨ་ལྷོ་ཁུལ་དང་མཚོ་ལྷོ་ཁུལ་གཉིས་ཀྱིས་ཕྱོགས་ཡོངས་ནས་སྐད་གཉིས་མཉམ་སྒྲུབ་བྱས་པ་བརྒྱུད། སློབ་ཚན་མང་བོ་ཞིག་བོད་སྐད་ཡིག་གི་ལམ་དུ་བསླབས་པའི་ཉེར་ལེན་དེས་ཤེས་ལྡན་པའི་གྲངས་འབོར་མཐོ་རུ་ཕྱིན་ཏེ་ཞིང་ཆེན་གཞན་དག་གི་སྔོན་དུ་བགྲོད་ཐུབ་པ་བྱུང་ཞིང་། མིག་དཔེ་ལྟ་ཡུལ་ཞིག་ཏུ་གྲུབ་པ་ནི་གཡོལ་ས་མེད་པའི་དོན་དངོས་ཡིན་ནོ།། སྐད་གཉིས་དང་སྐད་མང་གི་སློབ་གསོ་དེས་ཤེས་ལྡན་མི་སྣ་གསོ་སྐྱོང་ཙམ་དུ་མ་ཟད། མཚོ་སྔོན་བོད་ཁུལ་གྱི་འཕེལ་རྒྱས་དང་ཡུན་གཏན་བདེ་འཇགས་ཀྱི་གཞི་རྩའི་སྟོབས་ཤུགས་ལའང་ཚད་ལས་བརྒལ་བའི་ནུས་པ་མངོན་ཐུབ་པ་བྱུང་སྟེ། ཁྱོན་ཡོངས་སུ་ཁྱབ་འདུག་ཅེས་སྨྲས་ནའང་ཐལ་བར་མི་སེམས་སོ།། འདི་དག་ནི་སྐད་གཉིས་སློབ་གསོ་ཡི་འབྲས་བུ་ཡར་ལྡན་དུ་བྱུང་བའི་ས་ཁུལ་ཁག་ཡིན་ནའང་། མངའ་ཁུལ་གྱི་དམངས་ཚོགས་དག་གི་ངོར་སློབ་གསོ་དང་སྐད་ཡིག་གི་ལས་དོན་ཕྱོགས་ལ་བསམ་ཚུལ་ཆེས་ཉུང་ས་ནི་འདི་དག་སྟེ། མཚོ་ཤར་དང་ཟི་ལིང་གི་ཁོངས་སུ་གཏོགས་པའི་བོད་ཀྱི་ཞིང་གྲོང་ཁག མཚོ་བྱང་། ཡུལ་ཤུལ་བཅས་ལ་བསམ་ཚུལ་ཆེས་ཉུང་ངོ་།། Read the rest of this entry »

རང་བཙན་གོམ་བགྲོད་མཇུག་འགྲིལ་བ།

walk-threeཁ་སང་ དུས་ཚོད་ ༦ དང་སྐར་མ་ ཉི་ཤུའི་ཐོག་ ཊོ་ཪོན་ཊོར་ཡོད་པའི་རྒྱ་ནག་གི་གཞུང་ཁང་གི་མདུན་དུ་ བོད་མི་བརྒྱ་ཕྲག་ཁ་ཤས་འཛོམས་ཡོད་པ་དང་། དེར་ཁྲོམ་སྐོར་སྐད་འབོད་དང་བཅས་ མེལ་ལེ་ ༥༠༠ ལྷག་དང་ཉིན་བཅོ་བརྒྱད་རིང་གི་གོམ་བགྲོད་དེ་མཇུག་སྒྲིལ་ཡོད་པ་རེད།
གོམ་བགྲོད་འདི་ནི་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་ལགས་ཀྱིས་སྣེ་འཁྲིད་ཡོད་པ་དང་། ཁོང་དང་ལྷན་དུ་ ཝི་ཊི་ནམ་ནས་ཡིན་པའི་སྐུ་ཞབས་ཐཱ་ཡེ་ལགས་དང་། དེ་བཞིན་ མེ་ཌི་སོན་ནས་ཕེབས་པའི་བོད་རིགས་ དཀོན་མཆོག་མགོན་པོ་ལགས་ཡོད་པ་རེད། ཞིབ་གསལ་གྱི་གནས་ཚུལ་རྣམས་དང་ཉིན་རེའི་གནས་ཚུལ་བཅས་ དྲ་རྒྱ་ འདི་ནས་གཟིགས་ཐུབ། Read the rest of this entry »

ལྷག་པ་ཚེ་རིང་ལགས་རྡ་སར་འབྱོར་བ།

1འཆམ་ར་དྲི་མེད་རྒྱལ་མཚན།

བོད་དོན་དྲིལ་བསྒྲགས་ཆེད་འཛམ་གླིང་ནང་བསྐོར་བསྐྱོད་པ་ལྷག་པ་ཚེ་རིང་ལགས་བཙན་བྱོལ་བོད་ཀྱི་རྒྱལ་སར་འབྱོར་བ།
འདི་ཟླའི་ཚེས་ ༢༨
དེ་རིང་ཕྱི་དྲོ་ཆུ་ཚོད་ལྔ་བའི་ཐོག་ས་གནས་རྡ་རམ་ས་ལ་རུ།
བོད་དོན་དྲིལ་བསྒྲགས་ཆེད་འཛམ་གླིང་གི་རྒྱལ་ཁབ་མང་པོའི་ནང་འཁོར་སྐྱོད་བྱེད་ཀྱིན་པའི་སྐུ་ཞབས་ལྷ་པ་ཚེ་རིང་ལགས་འབྱོར་སོང་།
སྐབས་དེར་དབུས་གཞོན་ནུ་ལྷན་ཚོགས་ཀྱིས་སྣེ་ཁྲིད་དང་སྣེ་ལེན་འོགརྡ་སའི་བོད་པའི་སྦག་སྦག་གཏོང་མཁན་བཅོ་ལྔ་ཉི་ཤུ་ཡན་མན་ཞིག་གིས། ཁོང་ཉིད་སྦག་སྦག་ཐོག་ནས་ཕེབས་བསུ་དང་། ཁྲོམ་བསྒྲགས་བྱས་ཞོར།
ཐེག་ཆེན་ཆོས་གླིང་གཙུག་ལག་ཁང་དུ།གཏམ་བཤད་ཀྱི་གོ་སྒྲིག་ཞིག་གནང་སོང་།སྐབས་དེར། Read the rest of this entry »

བོད་ཕྲུག་ཁྱིམ་སྡེ་ – བཙན་བྱོལ་ནང་ཤེས་རིག་གི་མྱུ་གུ་རྒྱས་སའི་ཞིང་ས།

(མ་ཡུམ་བོད་ཕྲུག་ཁྱིམ་སྡེ་བཙན་བྱོལ་ནང་ལོ་ངོ་ལྔ་བཅུ་སོན་པའི་ལེགས་སྐྱེས་སུ།)
དབང་གྲགས་འབུམ། བྷ་རོ་ཊ་མཐོ་སློབ།།
ལོ་རྒྱུས་སྟེང་མི་རིགས་འདི་དུས་རབས་དང་མཐུན་པའི་ཤེས་ཡོན་གྱིས་ཕངས་སྟེ་རྗེས་ལུས་དང་ཤེས་རྨོངས་ཀྱི་དུས་རབས་མང་པོ་བརྒྱུད་པ་ཞིག་དང་།ལོ་རྒྱུས་སྟེང་ཕམས་མྱོང་མེད་པའི་རྒྱ་ནག་གི་བཤུ་གཞོགས་དང་མནར་གཅོད་དེ་མྱོང་རྗེས་ང་ཚོ་མི་ཡུལ་ལུང་པར་སྐྱབས་བཅོལ་དུ་ཡོང་དོན་ཡང་དོན་ངོ་མར་ཤེས་ཡོན་གྱིས་སློང་བའི་དབང་གིས་ཡིན།
མི་ཡུལ་འདིར་སླེབས་པ་དང་སྐུའི་གཅེན་མོའམ་ལྷ་ལྕམ་ཚེ་རིང་སྒྲོལ་མས་སློང་མོའི་མཐེ་བོང་འཛམ་གླིང་གང་སར་བསྒྲེངས་བའི་དཀའ་སྡུག་དང་ཧུར་ཐག་གི་གྲུབ་འབྲས་ལ་བརྟེན་ནས་བོད་ཕྲུག་ཁྱིམ་སྡེ་འདི་མེད་པ་ནས་ཡོད་པ་དང་ཡོད་པ་ནས་རྒྱ་བསྒྱེད་བཏང་ཐུབ་ཡོད་པ་ནི་ང་ཚོའི་བློ་ཡུལ་དུ་ཤོངས་དཀའ་ཞིང་བོད་མི་རིགས་ཀྱི་གཟི་བརྗིད་ཏུ་བརྩི་རུང་བའི་ལོ་རྒྱུས་ཀྱི་རྒྱལ་ཁ་ཆེན་པོ་ཞིག་ཆགས་ཡོད། Read the rest of this entry »

རང་ལུས་མེར་བསྲེག་གི་ལས་འགུལ་སྐོར་གྱི་ཁ་སྣོན་གསལ་བཤད།

གནས་ཚུལ་ཁ སྣོན་འདི་གཏོང་མཁན།
རྫ་ཚེ་རིང་བཀྲ་ཤིས།

གནས་ཚུལ་འབྱུང་ཁུངས་དངོས་ལ་དྲི་བརྩད་བྱས་ནས་ཤེས་རྟོགས་བྱུང་བ་ལྟར་ན།
322
༼གཅིག༽

བུ་བསྟན་འཛིན་མཐར་ཕྱིན་ལགས་གྱིས་སྐུ་ལུས་མེར་བསྲེག་གཏོང་བའི་ལས་འགུལ་སྤེལ་དུས་བཟའ་སྤེན་པའི་ཉིན་རེད་འདུག།
ཉིན་དེ་བདམས་དགོས་དོན། ཁོང་གི་ཨ་མས་རྒྱུན་དུ་ཕྲུ་གུས་ཐ་མག་སོགས་མི་འཐེན་པའི་ཆེད་དགོས་ངེས་གྱི་ལག་དངུལ་ཉུང་ངུ་ཙམ་ལས་སྤྲོད་ཀྱི་མེད་པ་དང་། ཉིན་དེར་རྒྱུན་ལྡན་སློབ་གྲྭའི་སློབ་མ་བསྐྱེལ་ལེན་བྱེད་པའི་འགྲུལ་འཁོར་གྱི་བྱང་བུ་Bus Cardཞིག་ཟླ་རེའི་མཚམས་ནས་བཟོ་དགོས་ཀྱི་ཡོད་པར་དུས་མཚམས་ལ་ཁེལ་ཡོད་པར་སྐབས་དེར་ཨ་མས་འཆར་ཅན་ལྟར་ཡོ་སྒོར་བརྒྱ་དང་བཅུ་སྤྲོད་ཀྱི་ཡོད་པ་ལྟར་། དེ་ནི་རང་གིས་མེ་བསྲེག་ལས་འགུལ་གྱི་ས་སྣུམ་ཉོ་བྱེད་དུ་སྤྱོད་རྒྱུའི་འཆར་གཞི་བཏང་འདུག གལ་ཏེ་Bua Card བྱང་བུ་དེ་ཉིན་དེར་མ་བཟོས་པ་ཡིན་ན་བཟའ་ཉི་མར་ལས་ཁང་གི་སྒོ་མེད་པ་དང་། བཟའ་ཟླ་བར་སློབ་གྲྭར་འགྲོ་དགོས་པས་ཨ་མས་ཡིད་ཆེས་བྱས་ནས་སྒོར་མོ་སྤྲད་འདུག Read the rest of this entry »

ཟི་ལིང་གི་བོད་རིགས་རྒན་ཡོལ་བ་སྐོར་ཟིག་གིས་ད་ཐེངས་ཀྱི་བོད་པའི་སློབ་མའི་ངོ་རྒོལ་ཁྲོམ་སྐོར་ལ་རྒྱབ་སྐྱོར་གྱི་ཡི་གེ་ཆ་ཚང་། (རྒྱ་ཡིག)

关于青海省藏汉双语中长期改革问题的意见

青海省教育厅:
解放以来,尤其是改革开放以来,青海的民族教育发展迅猛,双语教育体系不断完善,成效显著,国际影响不断扩大;几个藏族自治地方慎重、稳妥、科学、严肃地推进基础教育阶段的双语教育,教育普及率大幅提高,青壮年非文盲率达到96%。尤其黄南、海南两州,通过全面推行藏、汉语并行,多数学科以藏语文为教学语言,使得本地人才存量、高层人才数量走在全省的前列,双语、多语人才不仅成为青海藏区跨越发展和长治久安的中坚力量,而且可以说已经遍布全球,成为藏区双语教育效果最好的地区,也是在教育和语言领域群众意见最少的地区(相比之下,海东和西宁所属藏族乡村、海北、玉树等地意见较多)。作为六州和省直机关的行政干部和教育工作者,我们看到在双语教育的引领下,学校教育从零起步,迈出了可喜的一步。
近期,贵厅组织召开全省教育大会,出台《青海省教育改革和发展中长期规划纲要(2010–2020)》(以下称《青海纲要》),并决定筹措76亿元,利用3年时间发展教育,尤其下决心在双语教育上取得新突破,包括加大双语师资培训,改善藏区教学条件,提高藏区教学水平等,我们深受鼓舞。 Read the rest of this entry »

སློབ་མཚམས་འཇོག་རྒྱུ་ནི་བོད་ཡིག་སྐྱོབ་པའི་མཐར་ཐུག་གི་བགྲོད་ལམ་ཡིན།།

ཨ་ནུ་ཐང་བསོད་ནམས་ཀྱིས།

མི་སེར་སྤེལ་བའི་རིང་ལུགས་ཀྱི་ན་ཚ་མི་རིགས་སུ་དང་གང་ཟག་སུ་ལ་བྱུང་ཚེ་ནད་རྟགས་ནི་ཁ་དོག་སྣ་ལྔ་དང་མེ་ཏོག་སྣ་བརྒྱ་ཡིན་ལ། ཡིད་དུ་འོང་བའི་ནད་རྟགས་དེ་མཐའ་མ་གཅུང་ནད་དུ་གྱུར་ནས་མི་རིགས་དེ་དང་གང་ཟག་དེ་འཆི་ལམ་དུ་འདེད་ངེས་རེད། ཡར་རྒྱས་དང་མདུན་སྐྱོད་ཀྱི་དར་ཆ་འཁྱེར་ནས་རང་ཡིག་ཕལ་བ་བཞག་ཅིང་གཞན་ཡིག་གཙོ་ཆེར་འཛིན་པའི་སྲིད་ཇུས་ནི་མི་སེལ་སྤེལ་མཁན་ཚོའི་བླ་མེད་ཀྱི་ལག་ཆ་ཡིན་ལ། ལག་ཆ་དེས་མི་རིགས་གཞན་རྣམས་ཤོག་བུ་སྣུམ་ཟས་ཀྱི་ཚུལ་དུ་རྩ་མེད་དུ་བཟོ་རྒྱུ་དེ་རེད། ཡར་རྒྱས་དང་མདུན་སྐྱོད། བཅོས་སྒྱུར་དང་དེང་རབས། གསར་བཏོད་དང་མདུན་མཆོང་ཟེར་བའི་མཛེས་སྡུག་གི་མཚན་མ་སྣ་ཚོགས་བྱུང་ཡང་ངོས་ཟིན་ན་མི་སེར་བའི་སྤེལ་བའི་ནད་རྟགས་རེད། ནད་རྟགས་དེ་ངོ་ཤེས་ནས་མངོན་འགོག་གི་ལས་དོན་སྒྲུབ་རྒྱུ་ནི་གཙོ་གནད་དུ་མཐོང་ལ་རྒྱ་ནག་གིས་ངོས་ལེན་ཡོད་མེད་ལ་མ་ལྟོས་བ་ཁས་ལེན་མི་བྱེད་གཏོལ་མེད་བཟོ་དགོས་ཏེ། མ་བཟོས་ན་དབང་སྒྱུར་བས་དོགས་སྣང་བྱེད་མི་སྲིད། རྒྱ་མཚན་ནི། རྒྱ་ནག་ལ་རྩེད་མོ་འདི་སྔ་ས་ནས་རྩེད་རྒྱུའི་འཆར་གཞི་ཡོད་ཅིང་འགྲན་སྡུར་ཁྲོད་འགོག་སྲུང་དང་རྒྱལ་ཁ་ལེན་རྒྱུའི་གདེང་ཚད་ཡོད་ཅིང་ཅི་ལྟར་ལེན་རྒྱུའི་གྲ་སྒྲིག་ཀྱང་ཡོད་ངེས་རེད། Read the rest of this entry »

ཧི་མ་ལ་ཡའི་རི་འདབས་ནས་སྤྲིངས་པ།

༼བོད་ཀྱི་བུད་མེད་རྩོམ་པ་པོ་གྲགས་ཅན་འོད་ཟེར་ལགས་ལ་གསར་འགོད་ལས་རིགས་ཀྱི་ཆེ་བསྟོད་གཟེངས་རྟགས་ཐོབ་པར་ཕུལ།༽

ཐེ་བོ་ཤེས་རབ་རྒྱ་མཚོ།

སུ་ལ་མེད་ན་ཀུན་གྱིས་བརྙས་བྱེད་ཅིང་།།
གང་ལ་ཡོད་ན་བཀུར་སྟིའི་རྩ་བ་སྟེ།།
ཟད་མེད་རྙིང་དུ་མེད་པའི་བདེན་པ་ཡིས།།
རིགས་ཀྱི་བུ་མོ་ཁྱོད་ལ་སྲུངས་གྱུར་ཅིག།

འདི་ན་ཁྱོད་འོད་དྲོན་པོ་ལ་འཐུང་བའི།།
ང་ཡི་གདོང་གི་འདབ་བརྒྱ་འཛུམ་པའི་དབུས།།
མིག་གི་ཟེའུ་འབྲུ་ཁྱོད་ཉིད་བཞུགས་པའི་ཕྱོགས།།
ཉིན་མཚན་བར་མེད་རྟག་ཏུ་ལྡེམ་ཞིང་འགུལ།།
Read the rest of this entry »

༸སྐྱབས་རྗེ་རྫོང་སར་མཁྱེན་བརྩེའི་བཀའ་ཆོས་དང་རྫོང་སར་སྨོན་ལམ།

888ཉིན་འདི་ཀའི་རིང་འཕགས་ཡུལ་རྡོ་རྗེ་གདན་དུ་༸སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེ་དབུ་བཞུགས་ཀྱིས་རྫོང་སར་བཤད་གྲྭཱའི་འདུས་མང་ནས་མཁན་ཆེན་ཀུན་དགའ་དབང་ཕྱུག་གི་དུས་དྲན་འདས་མཆོད་ཀྱི་སྨོན་ལམ་ཆེན་མོ་འཚོགས་བཞིན་ཡོད་པར་མ་ཟད་དེ་རིང་ནས་དབུ་འཛུགས་ཀྱིས་སྐྱབས་རྗེ་མཁྱེན་བརྩེ་རིན་པོ་ཆེ་མཆོག་ནས་བཟང་སྤྱོད་སྨོན་ལམ་གྱི་བཀའ་ཁྲིད་གནང་བཞིན་ཡོད་པ་དང་། དབྱིན་རྒྱ་སྐད་རིགས་གཉིས་ཀྱི་སྐད་བསྒྱུར་ཁག་སོ་སོས་དབྱིན་ཡིག་དང་རྒྱ་ཡིག་གི་ཐོག་ཏུ་ཡང་བསྒྱུར་བཞིན་ཡོད་འདུག Read the rest of this entry »

མགོ་ཁྲིད་ལས་བྱེད་པས་ཞིང་ཆེན་ཡོངས་ཀྱི་སློབ་གསོའི་ཚོགས་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་བྱེད་པའི་བཞུགས་མོལ་ཚོགས་འདུ་ཟི་ལིང་ནས་བསྡུས་པ།

མཚོ་སྔོན་བོད་སྐད་རླུང་འཕྲིན་དྲ་རྒྱ་ནས་བཏུས

དུས་ཚོད་། ༢༠༡༠-10-27 10:07:46.0

ཟླ་བཅུ་བའི་ཚེས་ཉེར་ལྔ་ཉིན། ཧྲིན་ཀྲང་གཞོན་པ་ཀའོ་ཡུན་ལུང་གིས་མགོ་འཛིན་བྱས་ཏེ་མགོ་ཁྲིད་ལས་བྱེད་པས་ཞིང་ཆེན་ཡོངས་ཀྱི་སློབ་གསོའི་ཚོགས་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་བྱེད་པའི་བཞུགས་མོལ་ཚོགས་འདུ་བསྡུས་པར་མ་ཟད་གཏམ་བཤད་གནང་། ཞིང་ཆེན་སློབ་གསོ་ཐིན་དང་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་། ཞིང་ཆེན་དམངས་སྲིད་ཐིན། ཞིང་ཆེན་ཞིང་ཕྱུགས་ཐིན། ཞིང་ཆེན་དབུལ་སྐྱོར་ཅུའུ། ཞིང་ཆེན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས། ཞིང་ཆེན་སྤྱི་ཚོགས་ཚན་རིག་གླིང་། ཞིང་ཆེན་ཚན་རྩལ་མཐུན་ཚོགས། ཞིང་ཆེན་རྒྱ་གྲམ་དམར་པོ་ཚོགས་པ། མཚོ་སྔོན་མི་རིགས་སློབ་གྲྭ་ཆེན་མོ་སོགས་འབྲེལ་ཡོད་ལས་ཁུངས་ཀྱི་མགོ་ཁྲིད་བློ་མཐུན་ཚོགས་འདུར་ཞུགས།

Read the rest of this entry »

ལྟོ་ཆེད་དུ་ཡིན་ཚེ། སྐད་ཡིག་ལ་ཁྱད་པར་མེད།

བོད། ལྷ་ཀླུ་གཉན་གསུམ།

(བོད་ནང་གི་སློབ་མ་དག་གིས་འོས་བླངས་ལ་བྲིས་པ།)

དེང་དུས་སུ་བོད་ནང་གི་གཞོན་སྐྱེས་ཆེས་མི་ཉུང་བ་ཞིག་རྒྱ་གར་དུ་སྐྱབས་བཅོལ་དུ་ཡོང་བ་ནས་བཟུང་། བཙན་བྱོལ་དུ་བོད་ཡིག་གི་ཚེ་སྲོག་རྒྱས་འགོ་བཙུགས་པ་རེད་ཅེས་གསུངས་མྱོང་བའི་མཁས་དབང་དེ་ནི་སྔ་མོ་ནས་རང་རིགས་ཀྱི་ལྷ་སྲུང་ལ་གློ་སྙིང་བྲང་གསུམ་གཏོད་མཁན་གྱི་མི་ཉེས་ཅན་གྱི་ཁ་ཤས་ཀྱི་གྲི་རྩེ་ནས་ཕྱི་ལམ་དུ་བརྫངས་དེ་ལོ་ངོ་མང་བོ་ཞིག་སོང་བའི་ཁ་སང་དེ་རིང་། བོད་ནང་གི་གཞོན་སྐྱེས་མི་རབས་ཟེར་ན་རེད། ལང་ཚོའི་འདབས་ལག་རྒྱས་བཞིན་པའི་བོད་ཀྱི་མ་འོངས་པའི་རྒྱུན་འཛིན་ཟེར་ན་འགྲིག Read the rest of this entry »

མདོ་སྨད་ཐེམ་ཆེན་རྫོང་མི་རིགས་སློབ་འབྲིང་གི་སློབ་མ་སུམ་བརྒྱ་ལྷག་གིས་ངོ་རྒོལ་སྐད་འབོད།

1མཚོ་ནུབ་ཁུལ་མདོ་སྨད་ཐེམ་ཆེན་རྫོང་བོད་ཡིག་སློབ་འབྲིང་གི་སློབ་མ་༣༠༠ལྷག་གིས་མཚོ་སྔོན་གྱི་སློབ་གསོ་བཅོས་བསྒྱུར་སྲིད་ཇུས་ལ་མི་འདོད་པའི་རྣམ་འགྱུར་བསྟན་ནས་རྫོང་སྲིད་གཞུང་གི་མདུན་དུ་སོང་སྟེ་ངོ་རྒོལ་དང་རེ་སྐུལ་ཞུས་འདུག
ཚེས་༢༦ཉིན་ཨེ་ཤེ་ཡ་རང་དབང་རླུང་འཕྲིན་ཁང་ལ་གནས་ཚུལ་འབྱོར་བ་ལྟར་ན། Read the rest of this entry »

ཐ་ཚིག་འདི་བསྒྲག་ཡུལ་བཙན་བྱོལ་གྱི་སློབ་མ་དག་གོ།

རྟ་ནག་སྐལ་བཟང་ལུང་རིགས།

ཉེ་ བའི་ཆར་ལ་བོད་ནང་དུ་སྐད་ཡིག་སྲུང་སྐྱོབ་ཀྱི་ལས་འགུལ་བསྟུད་མར་བྱུང་དང་ འབྱུང་བཞིན་པ་དང་། བཙན་བྱོལ་གྱི་སློབ་གྲྭ་སོ་སོ་ནའང་ལས་འགུལ་དེ་དག་གི་རྒྱབ་དཔུང་དུ་བསྙད་དེ་ སྐད་རྒྱག་མཁན་ཤིན་ཏུ་ནས་མང་བ་བྱུང་དང་འབྱུང་ངོ་།།
བོད་ནང་གི་ལས་འགུལ་ གྱི་འབྱུང་རྐྱེན་ནི་སྐད་ཡིག་སྲུང་སྐྱོབ་ཀྱི་ཐད་ན་ཡོད་ཅིང་། དེའང་རང་སྐད་ཕལ་བ་དང་གཞན་སྐད་གཙོར་འཛིན་གྱི་སློབ་གསོའི་ངོས་ན་ཡོད་པ་ཞིག་ རེད། ཉེ་ཆར་རྒྱ་ཡིག་གི་པོ་ཞོན་དྲ་ཚིགས་སུ་འཁོད་པའི་གསར་འགྱུར་ཞིག་ལས་ཡུ་གུར་ རིགས་ཀྱི་སློབ་བུ་ཞིག་གིས་འདི་ལྟར་བསྙད་དེ། Read the rest of this entry »

“འདྲེ་ཡི་ཡིད་ལ་མ་ཤར་བ། ནད་པའི་ཡིད་ལ་ཤར་བ།”

བོན་རྒྱ་བསྟན་འཛིན་རབ་རྒྱས།

ད་རེས་ཀྱི་སློབ་མའི་གྱེན་ལངས་འདི་ནི། ལོ་རྒྱུས་ཀྱིས་གཏན་ནས་བརྗེད་མི་རུང་བ་དང་བསམ་ཡོད་པ་ཀུན་གྱིས་གོ་ཤེས་ཉན་ཤེས་བྱེད་དགོས་པ་དང་། ཆེས་རྟོགས་སད་ཀྱི་གྱེན་ལངས་ཞིག་ལ་གྱུར་ཡོད་མོད། བཙན་བྱོལ་པ་ཁ་ཤས་ཀྱིས་ཡ་མཚན་གྱི་གནད་ཅིག་རྟོགས་ཡོད་པ་དང་། འགངས་ཤིག་མཁྱེན་ཡོད་མདོག་གིས་ད་རེས་ཀྱི་ཡར་ལངས་འདིའི་རྒྱབ་རྩར་བཙན་བྱོལ་ནས་ཟང་ཟིང་ལང་ལོང་ཅི་ཡང་བྱེད་མི་རུང་བར་ཁ་བཙུམས་ནས་འདུག་དགོས་པ་དང་། གལ་སྲིད་འདིའི་རྒྱབ་རྩར་ལས་འགུལ་སྤེལ་མཁན་རེ་བྱུང་ན། དེ་ནི་དོན་རྐྱེན་འདི་ཆབ་སྲིད་ཀྱི་གནད་དོན་ལ་བསྒྱུར་པོ་ཡིན་པ་ལྟ་བུ་ཞིག་བཤད་ཀྱིན་འདུག ཕལ་ཆེར་བཙན་བྱོལ་གཞུང་གིས་ཀྱང་དེ་ལྟར་འདོད་ཀྱིན་ཡོད་ཚོད་རེད། དོན་ཆེན་འདི་དབུ་བརྩམས་ནས་བདུན་ཕྲག་གཅིག་རིལ་གྱིས་སོང་ཚར་མོད་ད་དུང་ཁ་ཅི་ཡང་མ་གྲགས་པར་བསྡད་ཡོད། ཐ་ན་བཙན་བྱོལ་གཞུང་གི་དྲ་རྒྱའི་ནང་ལ་དེའི་གནས་ཚུལ་གྱི་ཡིག་རྡོག་གཅིག་འགོད་ཐུབ་མེད། ངས་བལྟས་ན། འདི་ང་ཚོའི་སྡར་རྟགས་ཆེན་པོ་ཞིག་རེད་ལ། Read the rest of this entry »

འཛོམས་ཤོག ་་རྒྱ་ནག་གཞུང་ཚབ་ཁང་གི་མདུན་དུ་འཛོམས་ཤོག

༧སྐུའི་གཅེན་པོ་ལྟག་མཚེར་རིན་པོ་ཆེའི་སྲས་ཆུང་བ་འཇིགས་མེད་ནོར་བུ་ལགས་ཀྱིས་ ཨ་རིའི་ཨིན་ཌི་ཡཱ་ན་ནས་ ཁེ་ན་ཌའི་གྲོང་ཁྱེར་ ཊོ་རོན་ཊོ་བར་དུ་ མེལ་ལེ་ ༥༠༠ ལྷག་གི་གོམ་བགྲོད་དེ་སང་ཉིན་ རེས་གཟའ་ཕུར་བུ་ཉིན་མཇུག་སྒྲིལ་རྒྱུ་ཡིན་པ་དང་། དེ་ཡང་། ཊོན་ཪོན་ཊོ་ན་ཡོད་པའི་རྒྱ་ནག་གི་གཞུང་ཚབ་ཏུ་སྐད་འབོད་ཆེན་པོ་ཞིག་དང་བཅས་མཇུག་སྒྲིལ་རྒྱུ་ཡིན་པ་རེད། དེས་ན། བོད་རིགས་ཚོགས་པ་ཁག་དང་། བོད་དོན་རྒྱབ་སྐྱོར་བ། དམིགས་བསལ་ཁེ་ན་ཌའི་ཊོ་རོན་ཊོར་རྒྱལ་སར་ཡོད་པའི་བོད་མི་ཚོར་ཞུ་རྒྱུར། འཛོམས་ཤོག རྒྱ་ནག་གི་གཞུང་ཚབ་ཁང་གི་མདུན་དུ་འཛོམས་ཤོག
༢༠༡༠ ལོའི་ཟླ་ ༡༠ ཚེས་ ༢༨ རེས་གཟའ་ཕུར་བུ།
དགུང་དྲོའི་ཆུ་ཚོད་ ༦ པ།

སྲིད་ཇུས་རྫུན་མ།

དགུ་རོང་སྤུན་གྲོལ

བོད་ཁུལ་གྱི་ས་གནས་སོ་སོ་ནས་གྲལ་སྒྲིག་པའི་རུ་དཔུང་གསར་བ་ཞིག་གིས་མི་དོན་དང་སྲོག་དོན་གྱི་ཞི་བའི་རྔམ་སྟོན་ཁྲོམ་སྐོར་གནང་བ་དེ་ནི། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་རིགས་ས་ཁུལ་རང་སྐྱོང་གི་བཅའ་ཁྲིམས་དང་ཡོངས་སུ་མཐུན་པ་ཞིག་ཡིན་ཙ་ན། རང་ཉིད་ཀྱི་བླ་སྲོག་གིས་རྒྱབ་སྐྱོར་བྱེད་ངེས་ཡིན་ལ་བྱེད་ཀྱང་རུང་བ་ཞིག་རེད། དེ་དང་དེའི་ཕྱིར་ན། སྐད་གཉིས་སློབ་གསོ་བཅོས་བསྒྱུར་ཏེ་མི་རིགས་སྐད་ཡིག་ཕལ་འཛིན་ཞེས་པ་དེ་ནི་དབུས་ནས་ཆེད་ཕེབས་གནང་ཡོད་པའི་ས་གནས་གཞུང་ཤག་གི་མི་སྣ་རེ་འགས་རང་ཉིད་ཀྱི་སྲིད་སྟེགས་ཇེ་མཐོར་འགྲོ་ཕྱིར། རྒྱལ་ཁབ་ཀྱི་རྩ་ཁྲིམས་དང་མི་རིགས་ས་ཁུལ་རང་སྐྱོང་གི་བཅའ་ཁྲིམས་རྡོག་རལ་དུ་བཏང་བ་ཞིག་རེད། Read the rest of this entry »

ད་དུང་སྐད་ཡིག ད་དུང་སྐད་ཡིག

མི་ལ་ཙི་ཙི།

(སྲིད་གཞུང་ལ་གྲོས་སུ་འདེབས་པ།)

ཧྲིན་ཀྲིན་དཔལ་འབྱོར་དམིགས་ས(深圳经济特区)བཙུགས་ཏེ་ལོ་འཁོར30ལོན་པར་རྟེན་འབྲེལ་ཞུ་བའི་ཚོགས་ཆེན་སྟེང་། རྒྱལ་ཁབ་གྱི་ཀྲུའུ་ཞི་ཧུའུ་ཅིན་ཐོས་ཁྱད་པར་དུ༿ཁྲིམས་བཞིན་དམངས་གཙོའི་འདེམས་བསྐོ་དང་། དམངས་གཙོའི་གྲོས་ཆོད། དམངས་གཙོའི་དོ་དམ། དམངས་གཙོའི་ལྟ་རྟོགས་ལག་བསྟར་བྱེད་པ་དང་། སྤྱི་ཚོགས་གནས་ཚུལ་ཤེས་པ་དང་། གནད་དོན་ཐག་གཅོད་དུ་ཞུགས་པ། སོ་སོའི་ལྟ་ཚུལ་མཚོན་པ་སོགས་མི་དམངས་ཀྱི་དབང་ཆ་ལ་ཁག་ཐེག་དང་སྲུང་སྐྱོབ་བྱེད༾དགོས་ཞེས་བསྟན།(“依法实行民主选举、民主决策、民主管理、民主监督,保障人民的知情权、参与权、表达权、监督权”)
ཡང་རྒྱལ་ཁབ་ཀྱི་ཙུང་ལི་ཝུན་ཇ་པོ་ཡིས། ཟླ་དགུ་པའི་ཟླ་མཇུག་ཏུ་ཨ་རིའི༼དུས་རབས༽གཟའ་དེབ(《时代》周刊)དང་སྐུད་ལམ་གསར་འགྱུར་དྲ་རྒྱའི(CNN)བཅར་འདྲི་དང་ལེན་བྱས་ཡོད་ལ། དེར་མཉམ་སྦྲེལ་དྲ་རྒྱའི་དོ་དམ(互联网管制)དང་སྨྲ་བརྗོད་རང་དབང་སོགས་རྫི་གསང་རྣོ་བའི་དྲི་གཞིར་ལན་གདབས་དུས་རྣམ་འགྱུར་གསལ་ཐག་ཆོད་པའི་ངང༿ཀྲུང་གོ་མུ་མཐུད་དུ་མདུན་དུ་སྐྱོད་པ་རེད། མི་དམངས་ཀྱིས་དམངས་གཙོ་རང་དབང་ལ་རེ་སྙེག་བྱེད་པ་ཡང་འགོག་ཐབས་མེད་པ་ཞིག་རེད༾(“中国将继续进步,人民对民主自由的诉求是不可抗拒的”)ཅེས་བསྟན་འདུག Read the rest of this entry »