ཁ་བརྡ།

ཁ་བརྡ།

Archive for July, 2009


ཕུ་ལ་ཁྲོས།(Plato)

རྔ་བ་རྒྱལ་ཁམས་པ།
————

སྤྱི་ལོ་སྔོན། 427—347
plato-raphaelམཁས་པའི་དབང་བོ་སྐུ་ཞབས་ཕི་ལ་ཁྲོས་མཆོག་ནི། བདག་ཉིད་ཆེན་པོ་ས་ཁུར་ཁྲེ་སི་མཆོག་གི་སློབ་མའི་གཙོ་བོ་ཞིག་ཡིན་ལ། ཁོང་ཨ་ཐེན་གྲོང་ཁྱེར་གྱི་སྐུ་དྲག་ཆེན་པོ་ཞིག་རྒྱུད་དུ་སྐུ་འཁྲུངས་ཤིང་། ཡབ་གཞིས་ཀྱི་གནས་སྟངས་ལས་དཔོན་གྱི་གོ་གནས་ཤིག་ལས་སླ་བོར་རག་ཐུབ་པར་ཐེ་ཚོམ་མི་འདུག་མོད། སྐེ་གཅོད་སྣ་བྲེག་དང་། དཔྱངས་འདོག་གསོན་དུར་སོགས་སྐབས་དེའི་ཆབ་སྲིད་ཀྱི་གདུག་རྩུབ་ལག་ལེན་དེར། སྐྱོ་ཤས་ཞེན་ལོག་ངེས་འབྱུང་ངང་གིས་སྐྱེས་ཏེ། དཔོན་གནས་གང་ཡང་ཐུགས་གཉེར་གནང་མི་འདུག་ཅིང་། ཁོང་གིས་སྲིད་གཞུང་བཟང་བོ་ཞིག་གིས། མི་ཡ་རབས་སྐུ་ཞབས་ས་ཁུར་ཁྲེ་སི་ལྟ་བུ་སྐུ་སྲོག་བཀྲོངས་པ་ནི། རྒྱལ་འབངས་གཉིས་ཆར་ཕན་ཉེས་དང་། གྱོང་གུད་ཆེན་པོ་ཞིག་ཡིན་པར་ཡང་ཡང་དྲན་སྐུལ་གནང་ཞིང་། དགུ་རིག་ཨ་ཐེན་གྱི་གྲོང་ཁྱེར་ནང་། ཤེས་འཇོན་གཉིས་ལྟན་གྱི་དཔོན་རིགས་བཟང་བོ་ཞིག། ཉིན་སྐར་ལྟ་བུར་གྱུར་པ་གཟིགས་ནས། སྐབས་དེའི་སྤྱི་ཚོགས་ཀྱི་སྲོལ་ཀ་་ངན་གྲས་མཐའ་དག བཅོས་བསྒྱུར་གཏོང་རྒྱུའི་ཐུགས་དམ་རྒྱ་ཆེར་བཞེས་ཏེ། རང་ཉིད་སྐུ་སྒེར་ནས་སློབ་གྲ་ཞིག་ཆེད་གཉེར་འཛུགས་སྐྲུན་གནང་། Read the rest of this entry »

ས་ཁུར་ཁྲེ་སི།(Socrates)

རྔ་བ་རྒྱལ་ཁམས་པ།
————
སྤྱི་ལོ་སྔོན། ༤༦༩-༣༩༩

Socrates

Socrates

ནུབ་ཕྱོགས་ཀྱི་མཚན་ཉིད་རིག་པའི་མེས་པོར་གྲགས་པ། སྐུ་ཞབས་ས་ཁུར་ཁྲེ་སི་མཆོག་ནི། སྤྱི་ལོ་སྔོན་གྱི་ལོ་བཞི་བརྒྱ་དྲུག་ཅུ་རེ་གྲངས་ནང་། དགུ་རིག་གི་གྲོང་ཁྱེར་ཨ་ཐེན་སིར་ཕེབས་པ་ཞིག་ཡིན། ཁོང་ནུབ་ཕྱོགས་ཀྱི་མཚན་ཉིད་རིག་པ་སྨྲ་མཁན་ཐོག་མ་དེ་མིན་ནའང་། རང་གི་བཟང་ངན་དབྱེ་འབྱེད་ཀྱི་བསམ་བློའི་ལྟ་བ་དང་། འདོད་ཆུང་ཆོག་ཤེས། དྲང་བདེན་བག་ཡོད་སོགས་དམིགས་བསལ་སྐུ་ཡོན་གྱི་ཁྱད་པར་ལས། ནུབ་ཕྱོགས་ཀྱི་མཚན་ཉིད་རིག་པའི་མཁས་པ་རིམ་ཕེབས་ཀྱི་དབུས་ན། ༼ནུབ་ཕྱོགས་ཀྱི་མཚན་ཉིད་རིག་པའི་མེས་པོ༽དང་། ༼ཨ་ཐེན་སིའི་མཁས་པའི་ཁྱུ་མཆོག༽ཅེས་ཐུན་མོང་མ་ཡིན་པའི་སྙན་གྲགས་ཀྱི་ས་ཁོངས་ཤིག་ཁེར་འཛིན་བྱས་འདུག ཁོང་རྒྱུན་པར་ཞབས་རྗེན་དུ་ཕེབས་པ་ལས་ཞབས་ཕྱགས་ཡེ་མི་བནབས་ཤིང་། ཟས་གོས་ཀྱང་ངན་ངོན་ཙམ་ལས་རྒྱས་སྤྲོས་ཆེན་པོ་དེ་འདྲར་ཐུགས་མི་དགྱེས། ནམ་རྒྱུན་ཉི་འོག་ཏུ་བཞུགས་ནས་དོན་གནད་མཐའ་དག་གཞན་དང་མཉམ་པོར་བཀའ་གྲོས་བགྲོ་གླེང་འདྲ་མཛད། Read the rest of this entry »

ཕྱི་རྒྱལ་དུ་ཡོད་པའི་བོད་མིས་བོད་ནང་དཔལ་འབྱོར་རོགས་སྐྱོར་གོ་སྐབས་དང་འོས་འགན།

kalsanglodeo

གཞིས་ལུས་བོད་མི་མང་ཆེ་བ་དང་བྱེ་བྲག་ཏུ་གྲོང་གསེབ་ཁག་ཏུ་ཡོད་པའི་བོད་མི་ཚོ་ལ་དཔལ་འབྱོར་ཐོག་འཕྲད་པའི་དཀའ་ངལ་དེ་སེལ་བར།
ཕྱི་རྒྱལ་དུ་ཡོད་པའི་བོད་མྀའི་སྤྱི་ཚོགས་ནང་གི་སྒེར་མིའམ་ཚོགས་པ་ཁག་ལ་དམིགས་བསལ་གྱི་གོ་སྐབས་དང་འོས་འགན་འདྲ་མིན་ག་རེ་ཡོད་པ་རེད།

སྤྱིར་བཏང་ཕྱོགས་གཉིས་ཀྱི་སྟེང་ནས་གོ་སྐབས་དང་འོས་འགན་ཡོད་སྙམ། སློབ་གསོ་སྟེ་སྤྱི་ཚོགས་ཀྱི་འགྲོས་དང་བཏུན་ནས་ཡར་རྒྱས་ཀྱི་ལམ་ལ་ཞུགས་དགོས་ན་སློབ་གསོ་ནི་རྒྱལ་ཁབ་དང་མི་རིགས་གང་ཡིན་ཡང་མེད་དུ་མི་རུང་པ་ཞིག་རེད། ཕྱིའི་ལོ་ ༡༩༥༩ ལོར་ང་ཚཽས་གངས་ཅན་བོད་ཀྱི་རང་དབང་ཡོངས་སུ་ཤོར་ནས་ཕྱི་ལོ་ ༡༩༧༨ བར་གཞིས་ལུས་བོད་མི་མང་གིས་རྒྱ་དམར་གཞུང་གིས་སྡུག་རྩུབ་འོག་ཆེས་སྐྱོ་བའི་འཚོ་བར་རོལ། སྐབས་དེའི་ནང་བོད་ཀྱི་ཆོས་དང་རིག་གཞུང་ལ་སློབ་སྦྱོང་བྱ་རྒྱུ་ཕར་བཞག་བོད་སྐད་ཙམ་ཡང་བཤད་མི་ཆོག་པའི་ཡ་ང་བའི་གནས་ཚུལ་མང་པོ་བྱུང་ཡོད། ཕྱི་ལོ་ ༡༩༨༠ ལོ་ནས་རྒྱ་ནག་གི་སྲིད་བྱུས་གུ་ཡངས་ཅུང་ཙམ་སོང་བ་དང་ཆབས་ཅིག་པཎ་ཆེན་རིན་པོ་ཆེ་མཆོག་གཙོ་བོས་གཞིས་ལུས་ཁྲོད་ཀྱི་མཁས་པ་དག་གིས་དབུ་ཁྲིད་དེ་བོད་ཀྱི་མཐུན་མོང་མིན་པའི་ཆོས་དང་རིག་གཞུང་སོགས་ལ་མཛད་རྗེས་མི་དམན་པ་བཞག་མོད། འོན་ཀྱང་རྒྱ་དམར་གྱི་སྟངས་འཛིན་འོག བོད་རིགས་གཞོན་སྐྱེས་མང་པོ་གསོ་སྐྱོང་བྱས་པ་དག་ལ་སློབ་གསོ་ཕྱོགས་ཀྱི་ལས་ཀ་ཙམ་ལས་དམག་སྲིད་དང་དཔལ་འབྱོར་ལས་རིགས་ཀྱི་ཁོངས་སུ་ཞུགས་ཐུབ་མེད། བོད་རིགས་གཞོན་སྐྱེས་ཁག་ལ་དེང་དུས་དང་མཐུན་པའི་ཆབ་དཔལ་དམག་དོན་བཅས་ཀྱི་གོ་སྐབས་རྒྱ་གཞུང་ནས་ནམ་ཡིན་ཡང་བཀག་ཡོད། ཕྱི་ལོ་༡༩༨༩ ལོ་པཎ་ཆེན་རིན་པོ་ཆེར་སྐུ་བཤེགས་པ་ནས་བཟུང་རྒྱ་གཞུང་གིས་ཅུང་གུ་ཡངས་པའི་མི་རིགས་སྲིད་བྱུས་དེའང་རིམ་གྱིས་མེད་པར་བཟོས། དེང་སང་སློབ་གྲྭ་ཁག་གི་བོད་ཡིག་སྡེ་ཚན་དག་མིང་ཙམ་ལས་ལྷག་མེད། དུས་རབས་ཉི་ཤུ་བའི་དུས་མགོར་སྐྱེས་པའི་མཁས་དབང་ཁག་རྫོགས་ཉེ་ལ། དུས་རབས་ཉི་ཤུ་བའི་དུས་མཇུག་ཏུ་སྐྱེས་པའི་རྗེས་རབས་པ་དག ཡུན་གྱིས་ར་མིན་ལུག་མིན་གྱི་དཔེར་ལྟར་རང་གི་རིག་གཞུང་ཡང་མ་ཤེས་མི་རིགས་གཞན་གྱི་རིགས་གཞུང་ཡང་མི་ཤེས་པའི་དུས་ཞིག་སླེབས་པར་སྔོན་འགོགསགྲ་བསྒྲིགས་བྱ་བར་རང་དབང་ལུང་པར་བཞུགས་པའི་རང་རིགས་བོད་མི་ཡོངས་ལ་འགན་དང་གོ་སྐབས་གང་མང་ཡོད། Read the rest of this entry »

སྐུ་ལ་གཞོན་ཉམས་རྒྱས་པའི་སྐུ་པར།

དེ་རིང་དུས་བབ་དྲ་རྒྱའི་ཐོག་ནས་གཤམ་གྱི་སྐུ་པར་འདི་མཇལ་བྱུང་། ཞལ་རས་ལ་གཞོན་ཉམས་རྒྱས་པའི་བླ་མའི་ཞལ་རས་འདིས་དགའ་དད་ཀྱི་སྤུ་ལོང་གཡོ་བ་བར་བྱས།

ཕྱི་ཚེས་ ༢༨ ཉིན་པོ་ལན་ཌིའི་ཝར་སོ་གཙུག་ལག་སློབ་གཉེར་ཁང་དུ་གསུང་བཤད་གནང་བཞིན་པ། པར་དབང་། AFP
ཕྱི་ཚེས་ ༢༨ ཉིན་པོ་ལན་ཌིའི་ཝར་སོ་གཙུག་ལག་སློབ་གཉེར་ཁང་དུ་གསུང་བཤད་གནང་བཞིན་པ། པར་དབང་། AFP

ཨ་ཕའི་གསོལ་ཕོར་ངོས་འཛིན་སྟངས།

མགོན་པོ་ཕྱག་གཉིས་པ།

འཛམ་གླིང་ནང་ཆོས་ལུགས་མང་པོ་ཞིག་ཡོད་པ་རེད། དེའི་ནང་ནང་པ་སངས་རྒྱས་པའི་ཆོས་འདི་རྒྱ་ཆེ་ཤོས། གཏིང་ཟབ་ཤོས། འཐུས་ཚང་ཤོས་ཤིག་གི་གྲས་ཡིན་པ་དེ་ནི་བཤད་མ་དགོས་པ་ཞིག་རེད། དེ་ཡང་ནང་ཆོས་ཟེར་ན་སངས་རྒྱས་ཀྱི་གསུང་གཅིག་པོ་མིན་པར། གནའ་ནས་ད་བར་གྱི་སངས་རྒྱས་ཀྱི་རྗེས་འཇུག་པ་མང་པོ་ཞིག་ནས་ལྗགས་རྩོམ་གནང་བ་དེ་དག་ཀྱང་དེར་འདུས་ཡོད་པ་རེད། དེ་བས་ད་ལྟ་མང་བོ་ཞིག་ནས་ ་་ཚན་རིག་དང་དཔུང་བ་མཉམ་གཤིབ་ཀྱིས་འགྲོ་ཐུབ་་ ཟེར་གྱི་ཡོད་པ་རེད། ཡིན་ན་ཡང་། གྲ་མ་ཆག་གྲུ་མ་ཞིག་པར་ཁྱོན་ཡོངས་ནས་ཚན་རིག་དང་མཐུན་གྱི་ཡོད་ཟེར་ན་དེ་ནི་ཡོངས་ཐབས་མེད་པ་ཞིག་རེད། ལྟ་བ་མི་མཐུན་པ་ཞིག་བྱུང་བྱུང་ཚང་མར་ཁ་གཏད་གཅོག་དགོས་ན་རྣམ་པ་ཚོར་སྐུ་མཉེལ་བོ་ཡོང་གི་རེད།
ངས་བལྟས་ན་ཁྱེད་ཚོ་འགའ་རེས་རང་གི་ཨ་ཕའི་ཁ་ཕར་ངོས་ཟིན་གི་མེད་པ་དང་བདག་གཅེས་བྱེད་སྟངས་ཤེས་གི་མི་འདུག རིའི་རྒྱལ་པོ་རི་རབ་རྡུལ་ཕྲན་མཚོན་གྱིས་གཏོར་ནའང་གཏོར་ཆུག རྫུ་འཕྲུལ་གྱིས་མཁའ་ལ་འཕུར་མཁན་ཚོའི་རྐང་པ་རྣོན་པོ་གྲི་ཡིས་བཅད་ནའང་གཅོད་ཆུག དྲག་རྩལ་མཐུ་སྟོབས་ཅན་གྱི་སྲུང་མ་ཚོ་མི་མངོན་དབྱིངས་སུ་འདེད་ནའང་འདེད་ཆུག འཇིག་རྟེན་ཆགས་རབས་ཀྱི་དེབ་ཐེར་མཐུག་པོ་དག་དམར་པོ་མེ་ལ་བསྲེགས་ནའང་སྲེགས་ཆུག དེ་དག་ནི་ཨ་ཕའི་ཁ་ཕོར་དང་འབྲེལ་བ་ཡོད་དུ་ཆུག་དང་ཨ་ཕའི་ཁ་ཕོར་ངོ་མ་དེ་མིན་པ་འདྲ།
དེས་ན་ཨ་ཕའི་ཁ་ཕོར་ངོ་མ་དེ་གང་ཞིག་རེད། ཨ་ཕའི་ཁ་ཕོར་ངོ་མ་དེ་འཛམ་གླིང་གི་ཆོས་རིག་ག་འདྲ་ཞིག་གི་མཉམ་དུ་བཞག་ཀྱང་ཀུན་གྱི་ནང་དུ་མུ་ཏིག་གི་རྡོག་པོ་ཞིག་བཞིན་འོད་ཟེར་ལམ་ལམ་འཕྲོ་བཞིན་པ་དེ་རེད། ཚན་རིག་པ་དང་བཅས་པའི་རྒོལ་བ་སྟོང་གིས་གཙེས་ཀྱང་གཞོམ་མེད་རྡོ་རྗེའི་རི་བོ་བཞིན་དུ་ཚུགས་པར་དཀའ་བ་དེ་རེད། དེ་ནི། མི་རྟག་དུ་ཁ་སྟོང་བ་བདག་མེད་པ་ཟེར་བའི་ཚིག་བཞི་བོ་འདི་ཡིན་ལས་ཆེ། དེ་ནི་བདེན་པ་བཞི། བདེན་པ་གཉིས་ཟེར་བ་འདི་ལོས་ཡིན་སྙམ། དེ་ནི་ལྟ་བ་རྟེན་འབྱུང་སྤྱོད་པ་འཚེ་བ་མེད་པ་ཟེར་བ་འདི་ལོས་ཀྱང་ཡིན། དེ་ནི་ཞིབ་ཚགས་པོ་དང་ལྡན་པར་དབྱེ་བ་ཕྱེ་བའི་སེམས་དང་སེམས་བྱུང་ཉོན་མོངས་དང་བཅས་པ་དང་། དེའི་གཉེན་པོར་གྱུར་པའི་གསུང་གི་བདུད་རྩི་འདི་ཚོ་ཡིན་པ་བཤད་ཅི་ལ་དགོས། ཨོ་ད་རུང་སྟོང་ཉིད་སྙིང་རྗེ་ཟེར་བ་འདི་ཡང་རེད་དོ་ཟེར།
རྩ་ཆེ་བའི་ཡིད་བཞིན་གྱི་གསོལ་ཕོར་འདི་འདྲ་ཞིག་ཡོད་བཞིན་དུ་སུ་གང་ཞིག་ལ་ཁྱེད་ཚོ་དགྲ་བསག་ཏུ་འགྲོ་གི་ཡིན། འདི་འདྲར་ཐུག་ན་མགོན་པོ་ཕྱག་གཉིས་ཀྱི་ཕྱག་ཟུང་ཡང་ཐལ་མོ་མ་སྦྱར་རང་སྦྱར་རེད།

ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་དགོས་པ་རེད་དམ།

ང་ཚོ་ཚང་མས་ཤེས་གསལ་ལྟར། ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་པ་ནི་བཅའ་ཁྲིམས་ཀྱི་དགོངས་དོན་དང་འགལ་ཡོད་པ་དེ་རེད། ད་ག་རེ་བྱེད་དགོས་རེད། དེ་ལ་བྱེད་ཡ་གང་ཡང་ཡོད་མ་རེད། ཡིན་ན་ཡང་། མི་ཉུང་ཤས་ཤིག་ནས་འགུལ་སྐྱོད་བྱས་ཏེ་ཁྲིམས་འགལ་གྱི་བྱ་བ་དེ་ཁྲིམས་མཐུན་ལ་བསྒྱུར་ཐབས་སུ་ཁྲིམས་ཡིག་ལ་བསྒྱུར་བཅོས་བྱེད་པར་འབད་བཞིན་པ་དེ་ནི་ཁྲིམས་འགལ་ཞིག་མིན་ན་ཡང་གད་མོ་ཤོར་དགོས་པ་ཞིག་རེད། མ་གཞི་སྐད་ཆ་འདི། ཐུབ་བསམ་གྱིས་བཀའ་ཁྲི་འཚོལ་བའི་ལས་གཞི་མགོ་འཛུགས་ཞུ་སྐབས་ནས་ངས་གོ་སོང་། ཁོང་ནས་ཟམ་གདོང་རིན་པོ་ཆེ་ལྟ་བུ་ཡོད་པ་མ་རེད། དྷ་སར་མི་རེ་ཟུང་གིས། ཁྲིམས་ཡིག་ལ་བསྒྱུར་བཅོས་བཏང་ན་ཟམ་གདོང་རིན་པོ་ཆེ་ཡང་སྐྱར་བཀའ་ཁྲིར་སླེབས་པའི་ལམ་ཀ་ཡོད་པ་རེད་ཟེར་གི་འདུག་ཟེར།
དངོས་གནས་ཁེ་ཕན་ཆེན་པོ་ཞིག་ཡོད་པ་ཡིན་ན་དེ་ལྟར་བྱས་ན་ཡང་མ་འགྲིགས་པ་ག་ལ་ཡོད་པ་རེད་དེ། ཡིན་ན་ཡང་། ངས་དེ་ནི་བྱིས་པའི་སྤྱོད་པ་ལྟ་བུ་ཞིག་ལས་མིག་རྒྱངས་རིང་བའི་དོན་ཞིག་ཏུ་རྩ་ནས་མཐོང་གི་མི་འདུག ད་དེར་སྐད་ཆ་མང་པོ་བཤད་འདོད་མེད། ཆེས་ཉུང་ཉུང་ཞིག་བཤད་གི་ཡིན།
གཅིག དེ་ནི་ཁྲིམས་འགལ་རེད། གང་ཟག་སྒེར་བ་རེའི་ཆེད་དུ་ཁྲིམས་ལ་བསྒྱུར་བཅོས་བྱེད་དགོས་ན་མ་འོངས་པར་ཁྲིམས་ལ་བསྒྱུར་བཅོས་ག་ཚོད་ཅིག་བྱེད་དགོས་པ་རེད། གཅིག་བྱས་ན། དེའི་རྗེས་ལ་རྒྱལ་བ་ཀརྨ་པ་བཀའ་ཁྲིར་སླེབས་པའི་ཆེད་ཡང་ཁྲིམས་ལ་བསྒྱུར་བཅོས་ཤིག་བྱེད་དགོས་རྒྱུ་རེད། ང་ཚོའི་ཁྲིམས་ཡིག་དེ་ཕར་ཚུར་གཡུག་ཆོག་ཆོག་སྤོ་ལོ་ནང་བཞིན་ཞིག་ལ་བཟོ་འདོད་ཡོད་པ་མ་རེད་དམ།
གཉིས རྒྱལ་བ་རིན་པོ་ཆེའི་དགོངས་གཞི་དང་འགལ། རྒྱལ་བ་རིན་པོ་ཆེས་དགོངས་ལོ་གཞོན་པ་ཞིག་ལ་ཐུགས་རེ་གནང་གི་མི་འདུག་གམ།
གསུམ། ཟམ་གདོང་རིན་པོ་ཆེའི་དགོངས་གཞི་དང་ཡང་འགལ། ཁོང་ནས་ཀྱང་ལོ་གཞོན་ཞིག་བཀའ་ཁྲིར་སླེབས་པའི་ཆེད་དགོངས་པ་ཞུ་རྩིས་བྱས་པ་ལྟར་རེད། རང་ཉིད་རྗེས་མའི་བཀའ་ཁྲིར་སླེབས་པའི་ཆེད་དགོངས་པ་ཞུ་རྩིས་བྱས་པ་ཡིན་རྒྱུ་མ་རེད།
བཞི།ད་དེས་ན་བོད་མི་མང་ཆེ་བའི་བསམ་ཚུལ་དང་ཡང་འགལ་ཡོད་པ་བཤད་མ་དགོས་པ་རེད།
ལྔ། ཟམ་གདོང་རིན་པོ་ཆེས་བྱེད་དགོས་པ་ཚང་མ་བྱས་ཚར་རེད། ཉེ་སྔོན་དང་པོ་ལྟར་བྱ་བ་གསར་པ་དེ་འདྲ་དམིགས་བསལ་བྱ་རྒྱུ་གང་ཡང་མི་འདུག་ག། དེ་འདྲ་ཡིན་ཙང་དགོངས་པ་ཞུ་བའི་ཁ་འཕྲོ་ཐུག་པ་རེད།
དྲུག་པ། མ་གཞི་ལོ་དྲུག་ཅུ་རེ་ལྔ་ནས་རྒན་གསོའི་དུས་ཚོད་ལའང་སླེབས་འདུག་ག ད་སེམས་ཀྱིས་ལྕོགས་རུང་ལུས་ཀྱིས་ལྕོགས་གི་ཨེ་ཡོད་ན།
བདུན་པ། གལ་སྲིད་ལྕོགས་གི་ཡོད་ན་བཀའ་བློན་གནང་ནའང་འགྲིགས་གི་རེད། ཡིན་གཅིག་མིན་གཉིས་ཁྲིམས་ལ་འགྱུར་བ་བཏང་ནས་བཀའ་བློན་ཁྲི་བ་བྱེད་དགོས་པ་ཨེ་ཡོད།
བཀའ་སྤྱི་གཙོས་པའི་བོད་མི་ཚང་མས་འདིའི་སྐོར་ཧོལ་རྒྱུགས་མི་བྱེད་པར་བསམ་ཞིབ་ནན་པོ་གནང་རོགས།

རོགས་དངུལ་འབོད་སྐུལ།

དེ་རིང་གི་ཆུ་ཚོད་གསུམ་པ་ཙམ་ལ་གྲོགས་པོ་ཞིག་གིས་ཁ་པར་བརྒྱུད་བརྗོད་དོན་ལ། ཉེ་སྔོན་གྱི་རྨ་ཆུའི་ཆུ་ལོག་གི་སྐབས་སུ་རྐྱེན་ངན་འཕྲད་པའི་ཨ་མ་བཀྲ་གོའི་ཆེད་ཨ་སྒོར་བརྒྱ་ཐམ་པ་ཞལ་འདེབས་ལ་འབུལ་རྒྱུ་ཡིན་ཟེར། ཡིན་ན་ཡང་། ཆ་རྐྱེན་གཅིག་ནི། ངས་རྩོམ་ཐུང་འདི་བྲིས་ནས་ཁ་བརྡའི་ཐོག་སློང་ཡིག་འབྲི་དགོས་ཟེར། ད་བར་དུ་སློང་ཡིག་ཅིག་བྲིས་མ་མྱོང་། འོན་ཀྱང་། ཨ་མ་འདི་ལ་ཕན་ཐོགས་ན། སློང་ཡིག་འབྲི་རྒྱུ་ལ་ནི་ང་འཚེར་མི་རུང་། དེ་བས་སློང་ཡིག་འདི་བྲིས་པ་ཡིན། ཁ་བརྡའི་ཐོག་གི་རྩོམ་ཡིག་པར་དང་བཅས་པ། འབྲེལ་ཐག་འདི་ན་ཡོད།
རྩོམ་དེའི་ནང་ཐད་ཀར་འབྲེལ་གཏུགས་གནང་སའི་ཁ་པར་ཨང་གྲངས་གཤམ་གསལ་འདི་རེད། འབྲེལ་གཏུགས་ཁ་པར་ 13893995415

གྲོགས་པོ་ཚོ། ཁྱེད་ལ་འདི་ལ་ཞལ་འདེབས་གནང་འདོད་མཆིས་ཚེ། ཕྲན་གྱི་གློག་འཕྲིན་འདིའི་ཐོག་ grabsal@gmail.com འབྲེལ་བ་གནང་རོགས་ཞུ། དེ་ནས་ངེད་ཀྱིས་ཁྱེད་ལ་ཞལ་འདེབས་བསྐུར་སའི་གྲོགས་པོའི་མིང་དང་ཁ་བྱང་དང་བཅས་པ་ཕུལ་ཆོག དེ་མིན་ཉིད་ཀྱི་ཞལ་འདེབས་གནང་བཞེད་ཀྱི་མཆན་དང་འབྲེལ་གཏུགས་བྱེད་ས་སོགས་མཆན་གྱི་ཁོངས་སུ་འགོད་རོགས། ཐུགས་རྗེ་ཆེ། དགེ་འདུན་རབ་གསལ་གྱིས་ཕུལ།

ཆུ་སྒང་ལོ་རྒྱུས་དེབ་ཕྲེང་གཉིས་པ། ༼1༽

༼༡༽ བོད་ཀྱི་རྒྱལ་ས་ལྷ་སའི་ལྷོ་ཁ་དམག་སྒར་ལྟེ་བའི་ལས་ཁུངས་ཁག་དང་འགན་འཛིན་ལྷན་ཚོགས་ཀྱི་ངོ་སྤྲོད་མདོར་བསྡུས།

བེ་རི་འཇིགས་མེད།

ཉེ་རབས་ཀྱི་ལོ་རྒྱུས་ཁྲོད། ནམ་ཡང་བསུབ་ཐབས་མེད་པའི་མཚན་སྙན་གྱི་བ་དན། འཛམ་གླིང་ཕྱོགས་མཐའ་ཀུན་ཏུ་གཡོ་བའི་བོད་ཤར་ཕྱོགས་མདོ་ཁམས་ཆུ་བཞི་སྒང་དྲུག་གི་བོད་ཀྱི་བསྟན་སྲུང་དྭངས་བླང་དམག་གི་སྒྲིག་འཛུགས་ལོ་རྒྱུས་ཀྱི་སྐོར་ལ། རང་རེ་བོད་ནང་ཁུལ་ཙམ་དུ་མ་ཟད། ཨ་རིས་གཙོས་པའི་ཕྱི་རྒྱལ་ཡུལ་གྲུ་དུ་མར་ཡོངས་སུ་གྲགས་ཤིང༌། ལྷག་དོན་ཉེ་སྔོན་ཨ་རིའི་གསང་བའི་ལས་ཁུངས་ནས་བོད་འབྲེལ་སྡེ་ཚན་འགན་ཁུར་ལས་བྱེད་རྙིང་པ་ཁག་གིས་བཏོན་པའི་དེབ་དང༌། རྒྱ་ནག་ནས་ཉམས་ཞིབ་པ་དང་རྩོམ་པ་པོ་མང་པོས་ངོ་ལོག་ཇག་པ་ཞོད་འཇགས་དང༌། ངོ་ལོག་ཇག་པའི་གཏོར་བཤིག ཁམས་པའི་ཇག་པ་སོགས། མིང་ངན་འདྲ་མིན་བེད་སྤྱོད་བྱས་ནས་རྩོམ་པའི་དེབ་ཕྲེང་དུ་མའི་ནང་དུ་འཇིག་རྟེན་གྱི་གཏམ་དཔེར། བུ་ཕ་ཡིས་མི་བསྟོད་དགྲ་ཡིས་བསྟོད། Read the rest of this entry »

རྗེས་སུ་སི།(Jesus)

རྔ་བ་རྒྱལ་ཁམས་པ།
——————–
ཡུ་ཤི་མ་ཤི་ཁ་དང་དེའི་ཆོས་ལུགས།
ཡེ་ཤིའི་ཆོས་ལུགས་ཀྱི་སྲོལ་གཏོད་མཁན་ཡུ་ཤིའི་མ་ཤི་ཁའམ་ཡོངས་གྲགས་ལ་རྗེས་སུ་སི་ཞེས་འབོད་པ་དེ་ཉིད་ནི། ཨ་བྷིར་ཧམ་གྱི་བུ་གཉིས་པ་ཨ་ས་ཁུའི་རིགས་རྒྱུད་ལས་མཆེད་པ་ཡབ་ལྗོས་ཀྱི་མི་རིགས་ཤིང་བཟོ་མཁན་རྗོ་སི་སྤིས་དང། ཡུམ་མེ་རེ་གཉིས་ཀྱི་སྲས་སུ། རོམ་རྒྱལ་ཁབ་ཀྱི་ཞིང་ཆེན་ལྗོས་སྒྲིསཨ་ཞེས་པར་སྐུ་བལྟམས་ཤིང་། ན་ཟར་རིས་ཐི་ཞེས་པའི་ས་ཁུལ་ནང་ཤིང་བཟོས་ཕྱག་ལས་གནང་ནས་འཚར་ལོངས་བྱུང་བས། ན་ཟར་རིས་ཐིའི་རྗེ་སུ་སི་ཞེས་ཀྱང་འབོད་། ཁོང་དགུང་གྲངས་༣༢ཐོག་སྡུག་བསྔལ་་ལས་གྲོལ་ཐབས་ཀྱི་ཆོས་དང་། རང་ཉིད་མཐུ་དང་རྫུ་འཕྲུལ་ལ་མངའ་བརྙེས་པའི་རྟོགས་བརྗོད་སྣ་ཚོགས་ཡོངས་ཁྱབ་གནང་། ཁོང་གིས་སྐབས་དེའི་ཆོས་ལུགས་དབང་འཛིན་ཚོར་སྐྱོན་བརྗོད་དང་བཀའ་བཀྱོན་ཤུགས་ཆེ་གནང་སྟེ། རང་ཉིད་ནི་དཀོན་མཆོག་གི་སྲས་སམ། དཀོན་མཆོག་དང་གཅིག་མཚུངས་ཡིན་པར་ཞལ་གྱིས་བཞེས་ཤིང་། དཀོན་མཆོག་གི་རྒྱལ་གཞིས་གསར་བ་ཞིག་སླེབས་ལ་ཉེ་བས། མི་ཚང་མ་དཀོན་མཆོག་དེ་ཉིད་ཀྱི་སྐྱབས་འབངས་སུ་འཇུག་རྒྱུ་ནི་ཧ་ཅང་གི་དོ་གལ་ཆེན་པོ་ཡིན་པར་ནན་བརྗོད་བྱས། Read the rest of this entry »

བོད་ཀྱི་སྐད་ཡིག་དྲ་རྒྱ་སྒོ་ཕྱེ་མི་ཐུབ་ཀི

http://www.tibettl.com

རི་བོང་གི་གདུང་འབོད།

ལྷུན་ཆགས་ཀྱི་ནགས་ཀླུང་གསེབ་ན།།

དམར་སེར་གྱི་གཟི་མདངས་འབར་ཞིང༌།།

ངར་སྒྲ་ཡིས་རི་ལུང་ཁེངས་པའི།།

འཛུམ་དྲུག་གི་རྒྱ་སྟག་རྒན་པོ།།

གཅན་གཟན་གྱི་གྲལ་ཚོགས་དབུས་ན།།

འགྱིངས་སྟབས་ཀྱིས་དྲེགས་པ་ཁྱོད་རེད།།

Read the rest of this entry »

ལྷ་དང་ལྷ་ཡུལ་ལས་འཕྲོས་པའི་གཏམ།

མགོན་པོ་ཕྱག་གཉིས་པས།
དེ་རིང་ལྷ་དང་ལྷ་ཡུལ་དང་འབྲེལ་བའི་སྐད་ཆ་ཉུང་ཉུང་ཞིག་བཤད་ན་འདོད་བྱུང་། སྤྱིར་མ་རྙེད་པ་ལ་བརྟེན་ནས་མེད་ཅེས་བཤད་ན་དེ་ནི་ཚན་རིག་དང་མཐུན་པའི་སྐད་ཆ་ཞིག་མ་རེད། སྐད་ཆ་དྲང་མོ་ཞིག་བཤད་ན། ལྷ་དང་ལྷ་ཡུལ་ཡོད་མེད་ངས་མི་ཤེས། ཡིན་ན་ཡང་། ང་ཚོས་ད་བར་ག་རེ་ཤེས་ཡོད་པ་རེད་ཟེར་ན། འཛམ་གླིང་རིལ་རིལ་འདིའི་སྒང་རིག་གཞུང་དང་ཆོས་ལུགས་མི་འདྲ་བ་ལ་བརྟེན་ནས་ལྷ་དང་ལྷ་ཡུལ་ཡང་མི་འདྲ་བ་བྱུང་ཡོད་པ་དེ་ཤེས་ཐུབ་ཡོད་པ་རེད། དེར་མ་ཟད། ལྷ་དང་ལྷ་ཡུལ་དེ་ཚོ་རིག་གཞུང་དེ་དང་དེའི་ཁྱབ་ཁོངས་ཀྱི་མིའི་སྤྱི་ཚོགས་དེའི་སྣོད་བཅུད། འདོད་འདུན གོམས་སྲོལ་ ཆས་གོས ། དགའ་སྡུག་ཆགས་སྡང་ཚུད་ཆད་ནས་རིག་གཞུང་དེ་དང་སྤྱི་ཚོགས་དེས་བཟོས་བཞག་པ་འདྲ་བོ་ཞིག་ཡོད་པ་རེད།
གྷི་རིག་ལ་གྷི་རིག་གི་རིག་གཞུང་ལས་སྐྱེས་པའི་ལྷ་དང་། རྒྱ་གར་ལ་རྒྱ་གར་གྱི་ལྷ་དང་ལྷ་ཡུལ་ཡོད་པ་རེད། ང་ཚོ་བོད་ལ་གཞི་བདག་དེ་ཚོ་མ་གཏོགས་བོད་དྲི་བྲོ་བའི་ལྷ་དང་ལྷ་ཡུལ་ཡོད་པ་མ་རེད། ང་ཚོའི་ལྷ་དང་ལྷ་ཡུལ་དེ་ཚོ་རྒྱ་གར་དང་གཅིག་པ་རེད། ཚ་བའི་ཡུལ་གྱི་ལྷ་དེ་ཚོས་རས་རྐྱང་དང་སོར་གདུབ་རྐང་གདུབ་སོགས་རྒྱན་གོས་གོན་ཏེ་རྒྱ་གར་བ་འདྲ་བོ་ཡོད་པ་ལས་ལྷ་རྩག་གོན་བོད་པ་དང་འདྲ་བ་ཕལ་ཆེར་མེད་པ་འདྲ།
ནང་ཆོས་ཀྱི་ནང་གི་དག་ཞིང་དེ་ཚོའང་ནང་པའི་ཆོས་གཞུང་དང་མཐུན་པའི་དག་ཞིང་རྐྱང་རྐྱང་ཡིན་པ་ལས་ཁ་ཆེའི་ཆོས་དང་ཡེ་ཤེས་ཆོས་སོགས་དང་མཐུན་པའི་དག་ཞིང་ཞིག་མིན་པ་རེད།
ཡང་གཅིག་བཤད་ན། ལོ་རྒྱུས་ཀྱི་བྱུང་རབས་ལ་བརྟེན་ནས་ལྷའི་རྣམ་པ་ལའང་གདོད་མ་ནས་ད་བར་འཕེལ་འགྱུར་གང་འཚམས་བྱུང་ཡོད་པ་དེའང་ང་ཚོས་ཤེས་ཐུབ་པའི་དོན་དག་ཅིག་ཆགས་ཡོད་པ་རེད། དཔེ་བཞག་ན། ཆེས་གདོད་མའི་ལྷ་དེ་ཚོ་སྲོག་ཆགས་འདྲ་མིན་གྱི་རྣམ་པར་བཟུང་ཡོད་པ་དང་། དེ་ནས་རིམ་པས་འགྱུར་ཏེ་ཕྱེད་མི་དང་ཕྱེད་སྲོག་ཆགས་ཀྱི་རྣམ་པ་ཅན། དེ་ནས་མིའི་རྣམ་པ། མི་ལས་འདས་པ་བཅས་རིམ་འགྱུར་བྱུང་བ་རེད། དེར་མ་ཟད་མིའི་སྤྱི་ཚོགས་འཕེལ་རྒྱས་བྱུང་བ་དང་མཉམ་དུ་ལྷ་ཡུལ་ལ་ཡང་འཕེལ་རྒྱས་བྱུང་སྟེ་རང་བྱུང་ལ་གནས་པའི་ལྷ་ནས་ཁང་ཁྱིམ་སོགས་ལ་གནས་པའི་ལྷ། དེ་ནས་རིམ་པས་འགྱུར་ཏེ་སྣོད་བཅུད་ཀྱི་བཀོད་པ་ཕུན་སུམ་ཚོགས་པ་ལྡན་པའི་མིའི་སྨོན་ཡུལ་གྱི་ལྷ་ཡུལ་ཞིག་བྱུང་བ་རེད།
ལྷ་ཡུལ་གྱི་སྣོད་བཅུད་དེའང་ང་ཚོ་མིས་ནམ་རྒྱུ་ཡིད་སྨོན་བྱེད་པའི་གསེར་དངུལ་མུ་ཏིག་གི་རིགས་དང་། སྐྱེད་མོས་ཚལ་ཡིད་དུ་འོང་བ། རིན་པོ་ཆེས་གྲུབ་པའི་གཞལ་ཡས་ཁང་སོགས་ཀྱིས་གྲུབ་ཡོད་པ་རེད། ཡང་སྟབས་ཉེས་པ་ཞིག་ལ། ང་ཚོ་མིའི་སྤྱི་ཚོགས་བཞིན་འཁྲུག་རྩོད་བྱེད་པ་དང་། བག་མ་གཏོང་ལེན་དང་རྐུ་འཕྲོག་གི་རིགས་དེ་མཚམས་མ་ཆད་པར་ཡོང་གི་ཡོད་པ་རེད། ཕྱོགས་མང་པོ་ཞིག་ནས་ལྷ་དང་ལྷ་ཡུལ་ལ་བལྟས་ཡོང་ན། མིས་བཟོས་བཞག་པ་ལྟ་བུ་ཞིག་མ་གཏོགས་ཡོད་པ་མ་རེད། ད་དཔེ་ཞིག་འཇོག ཁྱེད་རང་ལ་ཕྱི་ལོགས་སུ་བྱིས་པ་ཞིག་རྙེད་པའི་དབང་དུ་བཏང་ན། དེའི་ཤ་མདངས་དང་གཟུགས་དབྱིབས་སོགས་ནས་མི་རིགས་གང་ཞིག་ཡིན་པ་ཤེས་ཀྱི་ཡོད་པ་དང་། དེ་ནས་ཆོས་གོས་རྒྱན་ཆ་སོགས་ལ་བརྟེན་ནས་རྒྱལ་ཁབ་གང་ཞིག་ཡིན་པའང་ཤེས་པ་རེད། དེ་ནས་ཁྲག་སོགས་ལ་བརྟག་དཔྱད་བྱས་ཏེ་ཕ་མའང་ཤེས་པ་རེད། དེ་ལྟ་བུ་རེད། ལྷ་དང་ལྷ་ཡུལ་གྱི་ཕ་ཁུངས་མ་ཁུངས་མིའི་སྤྱི་ཚོགས་ཡིན་པ་དེ་རིགས་པ་དང་རྒྱུ་མཚན་གཅིག་པོ་ལ་བརྟེན་པ་མིན་པར་དཔང་རྟགས་ལའང་བརྟེན་ཡོད་པ་རེད།
ད་ཕྱོགས་གཞན་ཞིག་ནས་བལྟས་ཡོང་ན་ ་་ཚན་རིག་དང་མི་མཐུན་པའི་ཆོས་ལུགས་་ ཚོ་ཨ་ཅང་ཅང་ང་ཚོའི་ ་་ཚན་རིག་དང་དཔུང་བ་མཉམ་གཤིབ་བྱེད་ཐུབ་པ་་ ནང་ཆོས་ཀྱི་གཞུང་དུའང་བདེ་བ་ཅན་གྱི་ཞིང་ཁམས་མང་པོ་ཞིག་ཆགས་སྟངས་དང་། ཁ་ཕྱོགས་སོགས་གསལ་བོ་བཀོད་ཡོད་པས་དེ་ཡོད་པ་མ་རེད་ཟེར་ཅི་ལ་ཐུབ། དམྱལ་བ་མནར་མེད་སོགས་ཀྱང་ས་འོག་རིམ་པ་དཔག་ཚད་ཅིག་ཅིག་ཅིག་ཟེར་ནས་ལོ་ཚད་དང་བཅས་བཤད་ཡོད་པ་རེད། ད་ཚན་རིག་དེ་ཡར་རྒྱས་ཀྱི་རྩེ་མོར་མ་སོན་ན་ཤེས་ཁ་དཀའ་རྒྱུ་རེད་གོ དམྱལ་ཁམས་དེ་གཏིང་རིང་དྲགས། ལྷ་ཡུལ་དེ་མཐོ་དྲགས། རིག་གཞུང་གི་ཁྱབ་ཁོངས་རེར་ལྷ་ཡུལ་རེ་དང་དམྱལ་ཁམས་རེ།
ད་སྙིང་རྗེ། ཚན་རིག་པ་ཚོས་དཀའ་རྒྱུ་རེད་ཡ།

མི་རྒྱུ་གཉིས་ཀ་བཅོམ་སོང་། རོགས་རམ་བྱེད་རོགས།

m2009ལོའི་ཟླ་བདུན་པའི་ཚེས་ཉི་ཤུའི་མཚན་མོར། རྨ་ཆུ་རྫོང་གི་མཐའ་འཁོར་གྱི་གྲོང་སྡེ་རུ་ཆུ་ལོག་གིས་གནོད་སྐྱོན་ཚབས་ཆེན་བཟོས་སོང༌།

ཆུ་ལོག་གིས་བསད་པའི་བྱིས་པ་གསུམ་པོའི་ཕུང་པོ།

ཆུ་ལོག་གིས་བསད་པའི་བྱིས་པ་གསུམ་པོའི་ཕུང་པོ།

མི་དམངས་ཀྱི་སྡོད་ཁང་བགྲང་ལས་འདས་པ་ཞིག་ཆུས་ཁུར་ཞིང༌། རྒྱུ་ནོར་ལ་གྱོང་གུད་མི་ཆུང་བ་ཞིག་ཐེབས། དེ་ལས་གལ་ཆེ་བ་ནི་ལོ་འགའི་སྔོན་དུ་བྱིས་པ་སློབ་གྲྭར་མངག་པར་དམིགས་ནས་རྫོང་ཐོག་ཏུ་ཡོང་སྟེ་ཞོར་ལས་བགྱིས་ནས་རང་ཁ་རང་གསོ་བྱེད་པའི་དབུལ་ཕོངས་ཀྱི་ཁྱིམ་ཚང་ཞིག་ལ་ཆུ་ལོག་དྲག་ཏུ་རྒྱུགས་ཏེ། ཁྱིམ་ཚང་གི་རེ་བའམ་བསོད་ནམས་སུ་སྒོམ་པའི་བྱིས་པ་གསུམ་པོ་ཆུས་ཁུར་སོང༌། བྱིས་པ་གསུམ་གྱི་ཨ་མ་ནི་ངང་ཚབ་དང་སྐྱོ་སྡུག་གིས་ཇི་ལྟར་གདུང་ནའང༌། རང་གི་བགྲོད་ལམ་ཡང་མི་མཐོང་བའི་མུན་ནག་གི་ཁྲོད་ནས་བྱིས་པ་ཚོ་འཚོལ་དུ་ཅི་ལྟར་འགྲོ། Read the rest of this entry »

ལོ་ཆིག་སྟོང་སྔོན་གྱི་བོད་དང་ཡུ་གུར། རྒྱ་ནག་གསུམ་གྱི་གནས་སྟངས།

old-map1

དེ་ཡང་བོད་དང་ཡུ་གུར་རྒྱ་ནག་གསུམ་ནི་ལོ་ངོ་ཆིག་སྟོང་གི་སྔོན་ནས་རེས་དགྲ་རེས་གྲོགས་ཀྱི་ཚུལ་དུ་གནས་པ་དང་། དེ་ཡང་རྒྱ་རིགས་མཁས་པས་བྲིས་པའི་ཐང་ཡིག་གསར་མ་རྙིང་ལས་དེ་དག་ཧ་ཅང་གསལ་བོར་སྟོན། འདིར་སྐུ་ཞབས་དོན་གྲུབ་རྒྱལ་དང་ཁྲིན་ཆིན་དབྱིན་གཉིས་ཀྱིས་བོད་ཡིག་ཏུ་བསྒྱུར་ཅིང་མཚོ་སྔོན་མི་རིགས་དཔེ་སྐྲུན་ཁང་གིས་པར་སྐྲུན་བྱས་པའི”ཐང་ཡིག་གསར་མ་ལས་བྱུང་བའི་བོད་ཆེན་པོའི་སྲིད་ལུགས་དང་འབྲེལ་བའི་དེབ་ཐེར་སེང་གེའི་ང་རོ་”བྱ་བའི་མཇུག་ཏུ་ཡོད་པའི་བོད་ཡུ་རྒྱ་གསུམ་གྱི་གནས་ཚུལ་བཀོད་པ་འདིར་ཟུར་འདོན་ཞུ་འདོད་བྱུང་།

་་་ ་་་ ཀོང་ཏེའི་ཁྲི་ལོ་དང་པོའི་ཟླ་དགུ་བར། བྷོད་དམག་གིས་ཅིན་ཀྲིག་བཟུང་། ཟླ་བཅུ་བར། བྷོད་དམག་པྰིན་ཀྲིག་ལ་དྲངས། ཧྥིན་ཐེན་ཞན་ཡང་བཅོམ། དེར་གོང་མས་ཀྲུའུ་ཧྲུའུ་ལིན་གྱི་ཐབས་ཡོད་པ་ཀོ་ཙི་དབྱི་བྱ་བ་ནུབ་ཕྱོགས་སུ་བྷོད་དམག་འགོག་པར་མངགས། བྷོད་ཀྱིས་འ་ཞ་དང་ཏང་ཞང་གི་འཇང་བ་རྣམས་བསྡོམས་པའི་དམག་ཁྲི་ཚོ་ཉི་ཤུ་ཁྲིད་དེ། ལོང་ཀོང་ཏུའུ་ནས་ཤར་ཕྱོགས་སུ་རྒོལ་བར་འོངས། ཀོ་ཙི་དབྱི་ཡིས་དམག་ཕྱིར་དྲངས། གོང་མའང་ཧྲན་ཀྲིག་ཏུ་ཕེབས། རྒྱལ་ས་ཤོར། བྷོད་དུ་མགོ་བཏགས་པའི་དམག་དཔོན་ཀོ་ཧོས་བྱ་བས་བྷོད་དམག་ཁྲིད་དེ་ཧྲང་ཏུའུ་མཁར་དུ་བསླེབས། བྷོད་ཀྱི་དམག་དཔོན་ཆེན་པོ་སྟག་སྒྲ་ཀླུ་ཀོང་སོགས་ཀྱིས་པྰིན་ཝང་གི་སྲས་ཀོང་ཝུའུ་ཝང་ལིས་ཁྲིན་ཧོང་བྱ་བ་གོང་མར་བསྐོས། ལོ་རྟགས་བཙུགས། བཙོན་མ་རྣམས་བཙོན་ཐར་གཏོང་རྒྱུའི་བཀའ་ཕབ། དཔོན་རིགས་རྣམས་བསྐོ་འཇོག་བྱས། སི་ཧྥིན་གྱི་ཐབས་ཡོད་པ་ཚོས་ཀོས་བྱ་བ་ལ་སོགས་པ་བློན་ཆེན་དུ་བསྐོས། དེར་ཀོ་ཙི་དབྱི་ནས་དམག་དཔུང་ཕྱིར་དྲངས་ཏེ་ཧྲང་ཀྲིག་སྲུང་། བྷོད་དམག་རྣམས་རྒྱལ་ས་ཁྲང་ཨན་དུ་ཉིན་བཅོ་ལྔ་བསྡད་དེ་ཕྱིར་ལོག ཐང་དམག་གིས་ཧྲང་ཏུའུ་དབང་དུ་བསྡུས། ཀོ་ཙི་དབྱི་རྒྱལ་ས་སྲུང་དུ་མངགས་སོ། །ཞེས་དང་། Read the rest of this entry »

མོ་ཧམ་མོ་སྒྲི།(Muhammad)

རྔ་བ་རྒྱལ་ཁམས་པ།
==========
སྦྲང་རྩིའི་བློ་གྲོས་དང་ཁ་ཆེས་ཆོས་ལུགས།
ཁ་ཆེའི་སྟོན་པ་སྦྲང་རྩིའི་བློ་གྲོས་སམ། ཡོངས་གྲགས་ལ་མོ་ཧམ་མོ་སྒྲི་ཞེས་འབོད་པ་དེ་ཉིད་ནི། སྤྱི་ལོ་༥༧༠ལོར་ད་ལྟ་ཨ་རབ་རྒྱལ་ཁབ་ཀྱི་བྱེ་གླིང་གྲོང་ཁྱེར་མེག་ཁ་ཞེས་པར་ཨ་བྷིར་ཧམ་གྱི་བུ་རྒན་པ་ཨ་ཤ་མལ་གྱི་རྒྱུད་པ་ཕྱི་མ་ཞིག་ཏུ་སྐུ་འཁྲུངས་ཤིང་། མི་རབས་དེར་ལུང་བསྟན་དང་མངོན་ཤེས་ཤོད་མཁན་མང་བོ་ཞིག་བྱུང་མྱོང་བར་བཤད། ཁོང་ལོ་ན་ཆུང་ངུའི་དུས་ནས་ཕ་མ་གཉིས་སྐུ་གྲོངས་སྟབས། རང་ཉིད་ཀྱི་ཞང་བོ་སྡེ་དཔོན་གྱི་གོ་ས་ཅན་ཞིག་གིས་གསོ་སྐྱོང་གནང་སྟེ་ལག་ཆགས། མོ་ཧམ་མོ་སྒྲི་མཆོག་གིས་ཚེ་སྟོད་ལོ་མང་རིང་རྔ་ལུག་གི་རྫི་བོ་གནང་ཞིང་། དེ་རྗེས་ཁ་སྒྲིས་རྒྱ་ཞེས་འབོད་པའི་བུད་མེད་འབྱོར་ལྡན། ཁྱོ་ག་དང་ཁ་གྱེས་པ་ཞིག་ལ་ཕྱག་ལས་གནང་ཞིང་། ཡུན་རིང་མ་འགོར་བར་ཁོང་གཉིས་གཉེན་སྒྲིག་ཞུས་འདུག སྐབས་དེ་ཤེད་ན་ཨ་རབ་ཀྱི་མི་ཚོས་དཀོན་མཆོག་གི་རིགས་མི་འདྲ་བ་མང་བོ་ཞིག་ལ་མཆོད་གསོལ་ཞུ་བཞིན་ཡོད་ཚོད་ལ། ཁོང་དགུང་གྲངས་༤༠ཡས་མས་ཤིག་གི་ཐོག་མཁའ་འགྲོའི་གཙོ་མོ་དགབ་རེལ་ཞུ་བ་ཞིག་མཐོང་སྣང་ལ་ཤར་ཏེ། མཁའ་འགྲོའི་གཙོ་མོ་དེས། ཁྱེད་རང་གིས་ཆོས་དང་གདམས་པ་སྟོན་ལ་དཀོན་མཆོག་གཅིག་ལས་གཉིས་མེད་སྐོར་རྩལ་དུ་བཏོན་ཅིག དཀོན་མཆོག་དེ་ཉིད་ཀྱི་མིང་ལ་ཨ་ལ་ཞེས་འབོད་ཅིང་། ཨ་ལ་ནི་ཆོས་ཀྱི་སྙིང་བོ་ཡིན་ནོ་ཞེས་བཤད་པར་བརྟེན། ཁོང་དགུང་གྲངས་༤༠ཐོག་གྲོང་ཁྱེར་མེ་ཁ་རང་ནས་ཆོས་བཤད། Read the rest of this entry »

༄༅།། གང་ཟག་གི་སྐྱོན་ཡོན་གསལ་བའི་མེ་ལོང་། །

དཔལ་དགྱེས་པ་རྡོ་རྗེ་ནས།
————-

ཨེ་མ་ཧོ། །
དཀོན་མཆོག་ཀུན་འདུས་ངོ་བོ་བླ་མ་རྗེ། །
བྱང་ཆུབ་སེམས་མཆོག་རང་བཞིན་ཡི་དམ་ལྷ། །
བདེ་སྟོང་ཡེ་ཤེས་ཐུགས་རྗེ་མཁའ་འགྲོ་མ། །
དབྱེར་མེད་གྲུབ་དབང་མ་ཧྰ་གུ་རུ་རྒྱལ། །
ཕྱི་སྣོད་དྭངས་བཅུད་འབྱུང་བའི་ནུས་པ་རྣམས་ཉམས་ཞིང་། །
ནང་བཅུད་སྐྱེ་འགྲོ་ལོག་རྟོག་སེམས་ཁམས་དག་འཁྲུལ་བས། །
རིག་གནས་རྩ་བ་བོར་ཞིང་ཕྱི་རོལ་དོན་གཉེར་ཚོ་མཐོང་ཚེ། །
སྙིགས་ལྔའི་འགྲོ་ཀུན་འདྲེན་པའི་དམ་བཅའ་ཞིག་ཤོར་ཐལ། ། Read the rest of this entry »

ཆུ་སྒང་སྐོར་དྲི་བ་འགའ།

ཆུ་བཞི་སྒང་དྲུག་གི་སྐོར་ཕྱོགས་གཉིས་ནས་བལྟ་དགོས་ཀྱི་འདུག ཡག་པོ་་བྱས་པའི་སྐོར་དེ་ཆུ་སྒང་རང་གིས་མང་པོ་ཞིག་བྲིས་ཡོང་གི་འདུག མི་སྒེར་དེ་འདྲས་ཀྱང་འགའ་ཤས་རེ་བྲིས་ཡོང་གི་འདུག ད་ཆུ་སྒང་གི་སྐྱོན་བྲིས་པའི་དེབ་དེ་འདྲ་སུ་གང་གིས་བྲིས་ཡོད་པ་རེད་དམ། དེ་ཡང་གལ་ཆེན་པོ་རེད་འདོད།
ཆུ་བཞི་སྒང་དྲུག་གིས་ནང་ཁུལ་གསོད་རེས་བཏང་བ། གཞན་ལ་ཇག་བཅོམ་བྱས་པ། ལག་པ་གཅིག་ནང་གྲི་བཟུང་སྟེ་ཁྱོད་ལ་འདི་དགོས་ལེ་རེད། འདི་དགོས་ལེ་ལེ་རེད་ཟེར་ནས་གྲི་དང་མཇེ་གཉིས་བསྟན་ནས་བུད་མེད་ལབཙན་གཡེམ་བྱས་པ། གཞན་གྱི་ཆུང་མ་འཕྲོག་པ། བཙན་བྱོལ་སྤྱི་ཚོགས་ནང་ཡང་ཆུ་སྒང་དང་རྗེས་འབྲེལ་གྱིས་རྙོག་དྲ་སྔ་ཕྱིར་བྱུང་བ། རྒྱལ་དབང་རིན་པོ་ཆེར་ཐུགས་ཕམ་གནང་བཅུག་པ་དེ་འདྲ་བློ་ཡིད་ལ་ཤོང་དཀའ་བའི་གནས་ཚུལ་ཡང་མང་པོ་ཞིག་གོ་རྒྱུ་འདུག་ག
ད་མདོར་དེད་ན་ཆུ་བཞི་སྒང་དྲུག་བཙུགས་པའི་ལེགས་ཆ་གཙོ་བོ་དེ་ག་རེ་རེད། ཆུ་སྒང་བཙུགས་མེད་ན་ག་རེ་བྱུང་ཡོད་པ་རེད། བོད་མི་བསད་གྲངས་ཉུང་དུ་ཕྱིན་ཡོད་པ་རེད་མང་དུ་ཕྱིན་ཡོད་པ་རེད། རྒྱལ་བ་རིན་པོ་ཆེས་གཙོས་པའི་བོད་མི་འདི་འདྲ་མང་པོ་ཞིག་བཙན་བྱོལ་དུ་ཡོང་ཐུབ་ཡོད་པ་རེད་ཡོད་པ་མ་རེད། གཞན་གྲུབ་འབྲས་ག་རེ་ཡོད་པ་རེད། དེ་མིན་རྒྱ་མིར་དམག་རྒྱབ་པ་དང་མི་བསད་པ་དེ་ཚོ་གྲུབ་འབྲས་ཤིག་ཐོབ་པའི་ཆེད་དུ་ཡིན་ན་ཡང་དེ་གྲུབ་འབྲས་གང་ཡང་མ་རེད། འདས་ཟིན་པའི་དཔའ་བོ་དེ་ཚོའི་དྲིན་ལ་དམག་གང་འཚམས་རེ་རྒྱབ་ཡོད་ན་ཡང་མཐའ་མཇུག་ལྷག་མ་རྣམས་ཁྱི་རྐུན་གྱི་རྔ་མ་བཅད་པ་བཞིན་གཅིག་བསྐྱུར་གཉིས་བསྐྱུར་བྱས་ནས་རྒྱ་གར་ལ་སླེབས་པ་རེད། རང་ཉིད་ཤི་མ་དགོས་པ་ཡག་པོ་བྱུང་རེད། སྡར་མའི་རང་རྟགས་མངོན་པར་བསྟན་ཟིན་རྗེས་ཕྱི་ལོགས་སུ་སླེབས་པ་དང་དཔའ་སྐད་འཐེན་པ་ནི་ངོ་ཚ་དགོས་པའི་གནས་རེད།
རྒྱ་གར་དུ་སླེབས་ནས་ཀྱང་གློ་སྒྲིག་འཛུགས་བཙུགས་པ་ལ་དགོས་པ་ག་རེ་བྱུང་ཡོད་པ་རེད། གལ་སྲིད་གློ་སྒྲིགས་འཛུགས་མ་བཙུགས་པར་གསར་རྒོད་དེ་ཚང་མ་སློབ་གྲྭར་བཏང་། གཞན་རྣམས་ཀྱིས་བོད་མིའི་སྤྱི་ཚོགས་དང་རང་གི་འཚོ་བ་ཡར་རྒྱས་གཏོང་བར་གཅིག་ཏུ་འབད་ཡོད་ན་ད་ལྟའི་གནས་སྟངས་དེ་གང་འདྲ་ཞིག་ཡོད་པ་རེད། སྡུག་ཏུ་ཕྱིན་ཡོད་པ་རེད། ཡག་ཏུ་ཕྱིན་ཡོད་པ་རེད།
འདས་པ་དེ་འདས་པ་ཡིན་ན་ཡང་འདས་པ་དེ་མ་འོངས་པར་ལྟ་བའི་མེ་ལོང་ཡིན་པས་ལེགས་ཉེས་ཚང་མ་འབྲི་ཐུབ་ན་ཡག་པོ་རེད་འདོད།
སྤྱིར་བཏང་མི་ཚང་མ་ངོ་དགའ་དང་ཕྱེ་གཏོར་ལ་དགའ་བས་མཐུན་ཕྱོགས་རྐྱང་རྐྱང་བཤད་བསྡད་ན་མི་ཡང་དགའ། རང་དོན་ཡང་འགྲུབ་པ་དེ་འདྲ་ཡིན་ན་ཡང་། ང་ཚོས་ཅིག་ཅིག་བྱས་པ་ཡིན། ཉིག་ཉིག་བྱས་པ་ཡིན་ཟེར་ནས་རང་བསྟོད་རྐྱང་རྐྱང་བྱས་བསྡད་ན་རང་མགོ་རང་གིས་གཡོགས་པ་རེད།

སྒྱིད་ལུག་གི་གྲོང་ཁྱེར་ལས་འཕྲོས་པའི་བསམ་ཚུལ་འགའ་གླེང་བ།

ཆུ་སྐྱེས་སྒྲོལ་མ།

དེ་སྔོན་ང་རང་ལ་བོད་དུ་གཉེན་འཕྲད་དུ་བསྐྱོད་རྒྱུའི་གོ་སྐབས་ཞིག་བྱུང༌། སྐབས་དེ་དུས། རྒྱུ་མཚན་གསུམ་གྱིས་ང་རང་མང་དུ་ངུ་བཅུག་བྱུང༌།

ཐེངས་དང་པོ་ང་རང་འགྲམ་གྱི་འགག་སྒོའི་འཁྲིས་ལ་སླེབས་དུས། རྒྱ་དམག་དང་རྒྱ་རིགས་ཚོང་པ་ཕོ་མོ་རྒན་གཞོན་མང་པོ་ཞིག་མིག་ལམ་དུ་མངོན་དུས། སེམས་ནང་ཞེད་སྣང་དང་དངངས་སྐྲག་ཅིག་ཅར་དུ་སྐྱེས་ནས་མིག་ཆུ་ཤོར་སོང༌། དེ་ནི་དབྱར་གྱི་ཆུ་རྫིང་བརྡོལ་བ་དང་གཅིག་མཚུངས་རེད།་ Read the rest of this entry »

རྩོམ་ པ་པོའི་སྔོན་གླེང་ཚིག་གསུམ།

རང་ རེ་བོད་ཆོས་ལྡན་གྱི་ཞིང་ཁམས་འདི་ཉིད། ཤར་ཕྱོགས་ཙི་ནའི་ཡུལ་ནས་ གུང་ཁྲན་དམར་པོའ་ིསྲིད་གཞུང་གིས་བོད་ཤར་རྒྱུད་མདོ་ཁམས་གཉིས་ནས་རིམ་པར་བཞིན་ དྲག་པོས་བཙན་འཛུལ་བྱས་ནས་མདོ་དབུས་སྐོར་གསུམ་གྱི་ས་ ཕྱོགས་ཡོངས་རྫོགས་བཙན་བཟུང་གིས། བོད་ཀྱི་བསྟན་པ་ཆབ་སྲིད་གཉིས་ཀ་རླུང་ཁྲོད་ཀྱི་མར་མེ་ལྟར་ཆགས་འཇིག་གི་འགག་ འཕྲང་ལ་སླེབས་ཤིང༌། ྋགོང་ས་རྒྱ་དབང་ཐམས་ཅད་མཁྱེན་པའི་སྐུ་ཕྱྭ་དང་སྐུ་དབང་ཡང༌། རླུང་འཚུབ་དྲག་ པོས་གཡོ་བའི་མཚོ་གྲུ་བཞིན་གྱུར་པ་སོགས། མདོར་ན་ལོ་རྒྱུས་ཐོག་དེ་སྔོན་བྱུང་ མ་མྱོང་བའི་ཛ་དྲག་གི་གནས་སྟངས་ས་གཞི་གས་ཤིང་རི་བོ་ཉུལ་བ་ལྟ་བུའི་འོག ལི་ཐང་ཨ་འབྲུག་མགོན་པོ་བཀྲ་ཤིས་ཀྱིས་སྣེ་ཁྲིད་པའི་ཁམས་རིགས་དཔའ་བོ་ ཚོ་གཅིག་གིས་ཨ་འབྲུག་ཚང་གི་མཆོད་ཁང་ནང༌། བོད་བསྟན་སྲིད་ཀྱི་དོན་དུ་ གནའ་གན་མཐུ་བོ་ཆེ་བཞག་ནས། མ་སྐུལ་དྭངས་བླངས་ཀྱིས་ལུས་སྲོག་ལོངས་སྤྱོད་དང་བཅས་པ་བློས་བཏང་ནས། ས་ཁྱི་སྤྱི་ལོ་༡༩༥༨ལོ་ཟླ་ ༦ ཚེས་ ༡༦ ཉིན་ ལྷོ་ཁ་ལྕགས་ཚ་གྲི་གུ་ཐང་དུ་མདོ་ཁམས་ཆུ་བཞི་སྒང་དྲུག་གིས། རྒྱལ་སྲུང་དགྲ་འཐབ་ཀྱི་དྲག་པོའ་ིདམག་གི་སྒྲིག་འཛུག་གསར་དུ་ཚུགས་པ་ནས། ཨ་འབྲུག་ཚང་སྐུ་དངོས་ཀྱིས་སྣེ་འཁྲིད་དེ་སྙེ་མོ་མདོ་དཀར་སུམ་མདོ་ནས་བཟུང་། ཁྱུང་པོ་བར་བྱང་བསྐྱོད་དམག་གིས་སྔ་ཕྱིར་དགྲ་འཐབ་བཅོ་བརྒྱད་དང༌། རྩེད་ཐང་ཁུལ་སྡོད་དམག་སྒར་ཨ་མའི་དྭངས་བླངས་དམག་མི་ཚོས། སྔ་ཕྱིར་ལྷོ་ཁ་དང་ ཀོང་པོ་སོགས་སུ་དགྲ་ཐེངས་སོ་བཞི་རྒྱབ་པ་དང༌། Read the rest of this entry »

མ་དགའ་འ་དབུས་འ་སོང་།། མ་མཇལ་ལ་ཕྱིར་ར་ཡོང་།།

དེ་རིང་ཁ་བརྡའི་མཆན་ཞིག་གི་ནང་དུ། སྒོམ་སྡེ་ལྷ་རམས་པ་དང་མགོན་པོ་ཕྱག་གཉིས་པ་གཉིས་ཀྱིས་དྲི་བ་དྲི་ལན་བྱས་འདུག “མ་དགར་དབུས་ལ་སོང་ནས། མ་མཇལ་ཕྱིར་ཡོང་ན་སྡུག་གྱོང་རེད། ཅེས་པ་འདི་ལ་ཡིག་ནོར་ཡོད་ཚུལ་གསུངས་འདུག་རུང་ནོར་བཅོས་མི་འདུག་པས།”སོགས་དྲིས་དོན་ལ་མགོན་ཕྱག་གིས་ “འདི་ཨ་མདོའི་ནང་དར་སོ་ཆེ་ བའི་གཏམ་དཔེ་ཞིག་རེད། ཁྱེད་རང་གིས་གང་ཞིག་བྱས་པ་ལ་མི་གཞན་མ་དགའ་བའི་སྐབས་སུ་གཞན་པ་དེར་སྙིང་ཚིམ་ གཏོང་བར་བེད་སྤྱོད་བྱེད། ཁྱོད་མ་དགའ་བར་དབུས་ཉི་མ་ལྷ་སར་ཕྱིན། དབུས་སེར་བོར་མཇལ་མ་ཐུབ་པར་ཕྱིར་ཡོང་དགོས་བྱུང་ན་ཡང་ཁྱོད་རང་སྡུག་གྱོང་རེད་ ཟེར་བའི་དོན་རེད།”ཅེས་ལན་བཏབ་འདུག
ད་ནི་ངེད་ཀྱང་གོང་གི་ཚིག་འདིའི་བརྡ་སྤྲོད་ལ་དོ་སྣང་ཇེ་ཆེར་སོང་བས་འདིར་བསྐྱར་འདྲེན་ཞིག་བྱས་པ་ཡིན། ཚིག་གི་སྡེབ་སྦྱོར་གཞན་ཞིག་བྱས་ན། “མ་དགའ་འ་དབུས་འ་སོང་ནས།། མ་མཇལ་ར་ཕྱིར་ར་ཡོང་ན་ར། ང་བྱེད་རྒྱུ་ཅང་མེད།”ཟེར་བ་ཞིག་མིན་ནམ། དེ་ཡིག་སྐད་དུ་དྲངས་ན། ༼ཁྱོད་ང་ལ་༽”མ་དགའ་བར་དབུས་ལ་སོང་།། ༼དབུས་ནས་ལྷ་ས་ལ་༽མ་མཇལ་བར་ཕྱིར་༼ཡུལ་དུ་༽ལོག་ཀྱང་། ངེད་ལ་ཐབས་གཞན་ནི་མི་འདུག་” ཅེས་པ་ལྟ་བུ་ཞིག་རེད། ཚིག་སྦྱོར་དུམ་བུ་འདིའི་ནང་བོད་ཀྱི་བརྡ་སྤྲོད་ཀྱི་འགྲོ་ལུགས་ཤིག་སྦས་འདུག དེའི་དཀའ་གནས་དེ་བཀྲོལ་རོགས་ལགས། བརྡ་སྤྲོད་མཁན་པོ་དག ངེད་ཀྱིས་ཀྱང་རིམ་པས་རང་གི་བསམ་ཚུལ་གང་ཡོད་པ་དེ་དག་ཞུ་རྒྱུ་ཡིན་ལགས།

༼རྩོམ་མཆན་འབྲི་ས་དེ་ན་མཆན་ནི་ ༡༨༠ ལྷག་བྲིས་འདུག་པས་འདིར་ཟུར་དུ་དྲངས་པ་ཡིན།༽