མགྱོགས་བྲིས་ཁག་གསུམ།
གཅན་བཟོད་རྒྱམ། ———- ཞོགས་པ། རི་བོས་སྤྲིན་པ་གྱོན་ནས་གཉིད་དུ་ཡིར།། སེང་གེ་ཁ་འབབ་སྒྲ་མེད་ལྷོད་ཀྱིས་བཞུར།། ཞོགས་རླུང་བསིལ་བོའི་རེག་བྱ་འཇམ་པོ་ཡིས།། འཇིག་རྟེན་འདི་ལ་དགའ་བའི་བདེ་བ་སྦྱིན།། ཉིན་གུང༌། ཉི་འོད་གཟོས་ནས་ས་འདིར་འཕྲོས་སམ་ཅི།། རི་ཚོགས་དྲོད་འབར་རླུང་དང་སྤྲིན་ཡང་བྲལ།། སླ་ང་འདྲ་བའི་ཡུལ་འདིའི་སྐྱེ་འགྲོ་ཀུན།། རྔུལ་ནག་འཛགས་བཞིན་ད་དུང་ལས་ལ་བྲེལ།། དགུང་མོ། སེང་གེ་གཙང་པོས་ཉི་མའི་བཞུད་ལམ་བསྙེགས།། ནུབ་རླུང་ལྡོམ་པོས་ས་རྡུལ་དགུང་དུ་དཀྲིགས།། འདབ་ཆགས་བྱ་ཡང་རང་གནས་གང་དེར་ཆས།། ཡུལ་གྱར་ང་ཡི་གནས་ཚང་ངག་དུ་མཆིས།། ༢༠༠༦།༩།༤།ཉིན་ལྭ་དགས་ལྕོག་ལམ་སར།
ཁང་ཆུང་དེར།
ཁང་ཆུང་དེར།
—ཟླ་བདུན་པའི་ཚེས་ཉེར་དྲུག
O.D.(1)ལ་ཕུལ། གཅན་ བཟོད་རྒྱམ།
དེ་ནས་བཟུང ནམ་རྒྱུན
ཉོབ་སྣང་གི་གོམ་པ་རེ་རེས
ཆང་ཁང་ཆུང་ཆུང་དེ་སྙེག་འགྲོ
དོ་དགོང་ཡང་ངའི་ཁ་གཏད་དུ
ཤེལ་དམ་སྨུག་པོ་དེ་ལས་སུ་ཡང་མེད
ཆང་ཕོར་གྱིས་བྱམས་བརྩེའི་མཆུ་སྒྲོས་ཡང་ཡང་སྦྱོར
ཁང་ཆུང་དེར་ཆགས་སྲེད་རོལ་དབྱངས་སྔར་བཞིན་འཁྱིལ
འཛམ་གླིང་དཔལ་འབྱོར་བཞུ་བྲིད་དང་ནོར་སྲིད་ཀྱི་གནས་བབ།
པདྨ་ཚེ་དབང་ཤཱསྟྲི།
————
དེ་ཡང་གནའ་སྔ་མོ་ཞིག་ན་རྒྱ་གར་གྱི་གྲོང་གསེབ་ཅིག་ཏུ་ཚོང་དཔོན་ཨཱནནྡ་མཱལིཀ་ཟེར་བ་ཞིག་གིས་གྲོང་གསེབ་དེའི་མང་ཚོགས་ལ་‘‘ཁྱེད་ཚོའི་གྲོང་གསེབ་ཆགས་ཡུལ་འདིར་སྤྲེའུ་ཧ་ཅང་གི་མང་པོ་འདུག་པས་ཁྱེད་ཚོས་སྤྲེའུ་བཟུང་ཐུབ་ན་ངས་སྤྲེའུ་རེར་ཧིན་སྒོར་བཅུ་རེ་སྤྲད་དེ་ཉོ་གི་ཡིན།,, ཞེས་བརྗོད།
གྲོང་གསེབ་པ་རྣམས་ཀྱིས་ཀྱང་ཤིང་ནགས་སུ་ཕྱིན་ཏེ་དེར་སྤྲེའུ་ཧ་ཅང་མང་པོ་ཡོད་པ་མཐོང་སྟེ་རྙི་བཙུགས་ནས་སྤྲེའུ་བཟུང་རྒྱུ་འགོ་བརྩམས། ཚོང་པ་དེས་སྤྲེའུ་རེར་སྒོར་བཅུ་རེ་སྤྲད་དེ་སྤྲེའུ་སྟོང་ཕྲག་མང་པོ་ཉོས་པར་བརྟེན་ག་ལེར་ཤིང་ནགས་སུ་སྤྲེའུ་དཀོན་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུ་མཚམས་བཞག ཚོང་པ་དེས་ད་ཆ་སྤྲེའུ་རེར་སྒོར་ཉི་ཤུ་རེ་སྤྲོད་རྒྱུའི་གསལ་བསྒྲགས་བྱས་པས་གྲོང་གསེབ་པ་རྣམས་སེམས་ཤུགས་འཕར་ཏེ་སླར་ཡང་སྤྲེའུ་བཟུང་རྒྱུ་འགོ་བཙུགས། རིང་པོར་མ་ཐོག་པར་ཤིང་ནགས་སུ་སྤྲེའུ་ཆེས་ཉུང་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུའི་ཚབ་ཏུ་རང་རང་གི་ཞིང་ཁ་རྨོ་འདེབས་ཀྱི་ལས་ལ་ཞུགས། ཚོང་པ་དེས་སླར་ཡང་སྤྲེའུ་རིན་གོང་སྒོར་སུམ་ཅུར་སྤར་བས་ད་ཆ་ཤིང་ནགས་སུ་སྤྲེའུ་བཟུང་རྒྱུ་ཕར་བཞག་སྤྲེའུ་གཅིག་ཀྱང་མིག་གིས་མཐོང་དཀོན་པར་གྱུར།
དེ་ལས་མང་བ་། “འཛམ་གླིང་དཔལ་འབྱོར་བཞུ་བྲིད་དང་ནོར་སྲིད་ཀྱི་གནས་བབ།” »
སུད་སིའི་བོད་རིགས་ཚོགས་པ་ཞིག་གི་ཡི་གེ་གཉིས།
༄༅ སུད་སི་དང་ལེཀ་ཊེན་སྤྲཡན་བོད་རིགས་མི་མང་གི་འཐུས་མིའི་དམིགས་བསལ་ཚོགས་འདུ་གཉིས་པའི་ནངདགུ་བཅུ་གསུམ་གྱི་ཚོགས་མི་དྲུག་པོ་ཐད་མང་མོས་གྲོས་ཐག་ཆོད་པའི་གནད་དོན་ཁག་ནི
༡ དེ་སྔ་དགུ་བཅུ་གསུམ་གྱི་ཚོགས་མི་དྲུག་པོ་དག་ལ་བདུན་ཕྲག་གཅིག་རིང་བསམ་ཤེས་ཐོངས་བའི་དུས་ཚོད་ཕུལ་བབཞིན་ཚོགས་མི་གཅིག་སྟེ་བློ་བཟང་མཁས་གྲུབ་ལགས་ནས་དགོངས་པ་བཞེས་ཏེ་ཕྱིར་རྒྱ་གར་དུ་ལོག་གཏན་འཁེལ་བར་བརྟེནབསྔགས་བརྗོད་ཀྱིས་ཁོང་ཉིད་དུས་ཡུན་རིང་པོ་མ་ཐོགས་པར་ཕྱིར་རང་གནས་སུ་འབྱོར་ཐབས་བྱ་རྒྱུ་སྤྱི་མོས་ཐག་ཆོད་གནང་
༢ འཐུས་མིའི་ཁྱབ་བརྡ་དང་པོའི་དུས་ཡུན་ནང་ཚོགས་མི་གཞན་དག་ལྔ་པོ་ནས་བཟང་ཕྱོགས་ཀྱི་ཡ་ལན་རྩ་ནས་མ་བྱུང་ཡང་ འཐུས་མི་མང་ནས་ཚོགས་མི་ལྔ་པོ་དག་ལ་བསྐྱར་དུ་ཐུགས་བསམ་ནན་པོ་བཞེས་རྒྱུའི་དུས་ཡུན་ཕྱི་ཚེས་ ༡༩ བར་དུ་འབུལ་རྒྱུ་བྱས དུས་བཀག་དེའི་མཚམས་ནས་ཐོག་མའི་ཐག་ཆོད་ཟིན་པ་བཞིན་འཕྲལ་དུ་རྩིས་སྤྲོད་བྱ་རྒྱུ་མ་ཟད དུས་ཡུན་དེའི་རིང་རྩིས་སྤྲོས་བྱེད་ཕྱོགས་སྐོར་ལའང་འབྲེལ་ཡོད་ལས་བྱེད་མཉམ་དུ་སློབ་སྟོན་ཕུལ་ཕྱིན་ཞུ་རྒྱུ་བྱས
༣ འཐུས་མིའི་ཁྱབ་བརྡ་དང་པོའི་དོན་ཚན་བཞི་པ་སྟེ་ ༼ མི་ཚང་དང་གྲོགས་པོ་སོགས་སུས་སྐུལ་སློང་ངམ་རོགས་སྐྱོར་བྱསསྟེ་ཉར་སྡོད་བྱས་པའི་གནས་ཚུལ་སོགས་ཉེན་རྟོགས་པས་ར་སྤྲོད་བྱུང་ན་ཁྲིམས་ཐོག་ནས་ལོ་གཅིག་རིང་བཙོན་བཅུག་དང་དཔལ་འབྱོར་གྱི་ཉེས་ཆས་ལྗིད་པོ་ཕོགས་རྒྱུར་བརྟེན ང་ཚོ་བོད་རིགས་མི་མང་ནས་འགན་ལེན་གང་ཡང་མེད ༽ ཅེས་པའི་ནང་ཉས་ཆས་བཙོན་བཅུག་ལོ་གཅིག་རིང་འཁོད་ཡོད་ཀྱང་ ད་ཆ་ཤེས་རྟོགས་བྱུང་བར་གཞིགས་ན་ལོ་ཚད་གཅིག་མ་ཡིན་པར་ལོ་འཁོར་ལྔའི་བར་དུ་བཙོན་བཅུག་གི་ཉས་ཆས་ཕོགས་རྒྱུ་ཡིན་པར་ཐུགས་འཇགས་ཡོང་བ་ཞུ
ཕྱི་ལོ་ ༢༠༠༩ ཟླ་ ༥ ཚེས་ ༡༢ ལ
དེ་ལས་མང་བ་། “སུད་སིའི་བོད་རིགས་ཚོགས་པ་ཞིག་གི་ཡི་གེ་གཉིས།” »
གནམ་སྔོན་པོའི་འོག་གི་སྨྲེ་ངག
གནམ་སྔོན་པོའི་འོག་གི་སྨྲེ་ངག
______རྒྱ་དམར་པོའི་འོག་ན་བདེ་སྐྱིད་ཞིག་ཡོད་དམ།
གཅན . བཟོད་རྒྱམ།
མིའི་ བདེ་སྐྱིད་ནི་རང་གི་གང་འདོད་པ་དེ་བྱེད་ཆོག་པའམ་བཤད་ཆོག་པ་དེ་རེད། འདོར་ན་རང་དབང་ཟེར་བའང་དེ་རེད། སྐད་ཆ་ཞིག་བཤད་པ་ཙམ་གྱིས་སྲོག་ཁྲིམས་གཅོད་པ་དང་ཚེ་བཙོན་བྱེད་པ། འཛིན་བཟུང་བཙོན་འཇུག་བྱེད་པའམ་ཉེས་རྡུང་ཚད་མེད་བཏང་རྗེས། ཁ་རྗེ་དབང་ཐང་རྩ་མེད་བཟོ་བ། དངུལ་དངོས་ཀྱི་ཆད་པ་ གཅོད་པ། དེ་ནས་ད་དུང་བཙོན་ཁང་ལས་ཕྱིར་ཐོན་རྗེས་ཁོ་ཚོས་ཅི་བྱས་རྣམས་གསང་བ་བྱེད་དགོས་ པ་ལས། གང་བྱུང་མི་ལ་བཤད་ན་ཁྲིམས་འགལ་རེད། ཁོ་ཚོའི་བསམ་ཚུལ་དང་མ་མཐུན་པས་ཁྲིམས་འགལ་རེད། ཁོ་ཚོའི་གསང་བའམ་ཅི་བྱས་ཕྱི་ལ་བཤད་ན་ཁྲིམས་འགལ་རེད། བུ་དང་བུ་མོ་ཁྱད་མེད་དུ་ཁ་དང་གཤང་ལམ་སོགས་ལ་བཙན་གཡེམ་སྟེ་འཁྲིག་སྤྱོད་བྱེད་ ཀྱི་རེད། དུས་གཅིག་ལ་ཁོ་ཚོ་མི་བཞི་ལྔ་རེས་བྱེད་ཀྱི་རེད། ཁོ་ཚོའི་འདོད་པ་བཞིན་ཁ་ནས་འཁྲིག་གཏམ་མ་བཤད་ཚེ་ཉེས་རྡུང་གཏོང་གི་རེད།
ཝེ་ཁེ་རིག་མཛོད་ཆེན་མོ།
ལྕགས་རྒྱ་འགྲམ་ནག གནས་སྐབས་རིང་སྒྱིད་ལུག་གི་དབང་དུ་ཤོར་ནས། དྲ་ཐོག་ཏུ་ཡོང་ཐུབ་མ་སོང་། དེ་རིང་དྲ་གྲོགས་མང་དག་ཅིག་གི་རྩོམ་ཡིག་བཀླགས་ཏེ་སྣང་བ་སྐྱིད་པོ་བྱུང་། ཁ་སྔོན་བོད་ནང་གི་དྲ་རྒྱ་ཁག་ཅིག་ཀློག་སྐབས་བཙན་བྱོལ་གྱི་ཟིན་བྲིས་པ་འགའ་རེས་ཀྱང་དེ་རུ་ཟིན་བྲིས་ཐོ་འགོད་བྱས་ཡོད་པ་མཐོང་ནས་ཧ་ཅང་དགའ་སོང་། ཡིན་ནའང་དེ་རིང་རྡོ་འབུམ་དཔེ་འཕྲིན་གྱི་ཝེ་ཁེ་རིག་མཛོད་ཆེན་མོའི་དྲ་རྒྱ་རུ་འཛུལ་སྐབས། དེའི་ཐོག་ཏུ་གནས་ཚུལ་སྤེལ་གྲངས་ཧ་ཅང་ཉུང་བ་མཐོང་ནས། དེ་རིང་དྲ་ཐོག་ཏུ་ཡོང་སྟེ་དྲ་གྲོགས་ཚོ་དང་མཉམ་དུ་དེའི་སྐོར་ལ་ཁ་བརྡ་ཤིག་བྱས་ན་བསམ་བྱུང་། དུས་ཚོད་དང་འདོད་མོས་ཡོད་མཁན་ཚོས་ཝེ་ཁེ་རིག་མཛོད་ཆེན་མོ་ལ་ http://bo.wikipedia.orgམིག་བཤེར་ཤིག་བྱོས་དང་། ང་ཚོར་དེའི་ཐོག་ན་སྟོང་ཆ་མང་པོ་ཞིག་ཁ་སྐོང་བྱེད་རྒྱུ་འདུག ས་ཆའི་ཁོངས་ནས་གཅན་ཚའི་གནས་ཚུལ་ཅུང་ཙམ་ཞིབ་ཕྲ་འདུག དེ་མ་གཏོགས་ཕལ་ཆེར་ས་བཅད་མ་སྟོང་ཙམ་རེད། ཕན་ཚུན་སྡིགས་རེས་བྱས་ཏེ་དུས་ཚོད་སྐྱེལ་བ་ལས་ང་ཚོས་ལས་གཞི་འདིའི་ཐོག་ཏུ་མཉམ་རུབ་བྱས་ན་མི་རབས་ཚ་རྒྱུད་ལ་ཕན་པའི་ལས་གཞི་ཞིག་ཏུ་འགྱུར་རྒྱུ་རེད་ཨང་སྙམ།
རང་སྐྱོན་རྟོག་པའི་སྙིང་སྟོབས་ནི།་ ཡར་རྒྱས་ཀུན་གྱི་གཞི་ཡིན།
རང་སྐྱོན་རྟོག་པ་ནི།་ ཡར་རྒྱས་ཀུན་གྱི་གཞི་ཡིན།
ཆོས་དང་འཇིག་རྟེན་གང་ཡིན་རུང་། བྱ་བ་ལེགས་པོ་ཞིག་སྒྲུབ་དགོས་ན། དང་པོ་མཐུན་རྐྱེན་དང་འགོག་རྐྱེན་གཉིས་བཙལ་ནས། མཐུན་རྐྱེན་འཛོམས་པར་བྱེད། འགོག་རྐྱེན་ཟད་པར་བྱེད་དགོས། ཆོས་ལུགས་གཞན་དང་མི་འདྲ་བར་ནང་ཆོས་ལ་ཐུན་མོང་མ་ཡིན་པའི་ཁྱད་ཆོས་གཅིག་ཡོད་པ་ནི། རང་གི་བསམ་བློ་དང་། ཤེས་པ། རྣམ་རྟོག་སོགས་ལ་དག་བཤེར་བྱས་ནས། མཐའ་ན། སྟོན་པའི་ཆོས་ལ་ཡང་། བརྟག་དཔྱད་བྱས་ནས་མཇུག་སྡོམ་རྒྱག་པ་ལས། དད་པ་དང་ཡིད་ཆེས་གཅིག་པུར་བརྟེན་གྱི་མེད། དེ་དག་ལག་ལེན་བྱེད་པའི་སྲོལ་གནད་འགག་ཅན་འགའ་ཤས་ཡོད་པ་ལས། གཅིག་ནི། ཚད་མ་རིགས་པ་བཀོལ་སྤྱོད་གཏོང་བ། གཉིས་ནི། བདེན་པ་བདེན་མིན་རྩད་གཅོད་གཏོང་གི་ཡོད། དེའི་འབྲས་བུར། ནང་ཆོས་འདི་ཆོས་ལུགས་གཞན་གང་འདྲ་ཞིག་གི་འོག་ལ་རིགས་པ་དང་ལྟ་བ་ལ་ཕམ་ཁ་འཁུར་མྱོང་མེད་ལ། ད་ཆ་ཚན་རིག་པ་ཚོས། ནང་ཆོས་ལ་མཐོང་ཆུང་བྱེད་ཐུབ་ཀྱི་མེད། རྒྱུ་མཚན་གཙོ་བོ་ཞིག་ནི། ནང་ཆོས་ཀྱི་གཞུང་ལུགས་ལས། ཕྱིའི་སྐྱོན་འཛུགས་དང་། དགག་བྱ་དེ་དག་ལ་བརྡར་བཤེར་ལོ་མང་བྱས་ནས། རང་གི་ལྟ་བ་དང་རིགས་པ་དེ་སྲ་བརྟན་དུ་བཏང་ཐུབ་ཡོད།
དེ་ལས་མང་བ་། “རང་སྐྱོན་རྟོག་པའི་སྙིང་སྟོབས་ནི།་ ཡར་རྒྱས་ཀུན་གྱི་གཞི་ཡིན།” »
རླུང་ལན་དང་གསལ་བཤད།
ཡར་སྔོན་ཁ་བརྡའི་ཁ་བརྡ་སྤེལ་བའི་རྗེས་སུ་རླུང་སྐོར་ནག་པོ་དང་བཅས་པའི་དྲ་གྲོགས་སྐོར་ཞིག་གིས་གང་ཟག་སྒེར་ལ་རྒོལ་མི་རྒོལ་གྱི་ས་མཚམས་ཅི་ཡིན་ལ་ཁ་བརྡ་ཚང་ནས་ལན་ཁ་གསལ་ཞིག་རྒྱག་དགོས་པའི་རེ་སྐུལ་བྱས་འདུག ཡིན་ན་ཡང་ཕངས་པ་ཞིག་ལ་ཁ་བརྡ་ཚང་གིས་དྲི་བ་འདི་ལ་བསམ་ཚུལ་རེ་འདོན་རྒྱུ་མ་གཏོགས་ཁྱེད་ཚོའི་འདོད་པ་ཁེངས་པའི་ལན་ཞིག་རྒྱག་ཐུབ་རྒྱུ་མ་རེད་སྙམ། རྒྱུ་མཚན་ནི་ང་ཚོ་ཚང་མ་གཅིག་པ་རེད། དྲི་བ་འདི་དག་འདོན་མཁན་རྣམས་ཀྱི་ནང་ན་སྨྲ་བརྗོད་རང་དབང་གི་ཁྲིམས་ལུགས་ལ་ཆེད་མཁས་མེད་ལས་ཆེ་བ་ལྟར་ཁ་བརྡ་ཚང་ལ་ཡང་མེད། ཁྱེད་ཚོ་ལ་དྲི་བ་ཡིན་པ་ཞིག་ཁ་བརྡ་ཚང་ལ་ལན་ཡིན་དགོས་པའི་ངེས་པ་ཡོད་པ་མ་རེད། ཁྱེད་ཚོས་མི་ཤེས་པ་དེ་ཁ་བརྡ་ཚང་གིས་ཀྱང་མ་ཤེས་པར་བསྡད་ཡོད་པ་རེད།
དེའི་ཁར་ཁ་བརྡ་ཚང་ལ་དྲི་བ་འདི་ལ་ལན་ངེས་པར་དུ་རྒྱག་དགོས་པའི་འགན་ཁུར་ཡང་ཡོད་པ་མ་རེད། དངོས་གནས་བཤད་ན། དྲ་བ་འདིའི་ནང་ཞུགས་མཁན་ཚང་མ་དྲི་བ་འདོན་མཁན་དང་ལན་འཚོལ་མཁན་གཉིས་ཀ་ཡིན་འོས་ཆེ། བོད་ཕྱི་ལོགས་ན་ང་ཚོ་བོད་ཡིག་གི་ཐོག་ནས་སྨྲ་བརྗོད་བྱེད་སའི་དྲ་དེབ་ཉུང་ཉུང་རེད། ཁ་བརྡ་ནི་ཉུང་ཉུང་དེའི་ནང་གི་གཅིག་རེད། ང་ཚོས་དྲ་དེབ་འདི་ང་ཚོ་ཕན་ཚུན་ལ་ཚིག་མཚོན་འདེབས་ས་དང་། ཁྱད་གསོད་བྱེད་ས། སྒེར་སྐྱོན་འཕྱར་ས་ཞིག་ཏུ་མ་གྱུར་ན་བསམས་ནས་ཡང་དང་ཡང་དུ་གང་ཟག་སྒེར་ལ་མི་རྒོལ་བའི་རེ་བ་བཏོན་ཡོད། ང་ཚོའི་བསམ་པར། གང་ཟག་སྒེར་ཟེར་དུས་མི་གང་ཞིག་གི་སྤྱི་དོན་དང་རིག་གཞུང་། ལྟ་བ་སོགས་ལ་འབྲེལ་བ་མ་ཆགས་པའི་ཆ་དེ་ལ་ཟེར་གྱི་ཡོད། དཔེར་ན་བོད་གཞུང་གི་བཀའ་བློན་ནམ་དྲུང་ཆེ་ཞིག་གིས་སྤྱི་དོན་འཐུས་ཤོར་སུ་བཏང་བ་དང་། དྲང་སྙོམས་མ་བྱས་པའི་སྐབས་ལ་ང་ཚོས་སྐྱོན་བརྗོད་བྱས་པ་ཡིན་ན་འདི་ལ་གང་ཟག་སྒེར་ལ་རྒོལ་བར་ཆ་འཇོག་བྱེད་འོས་མི་ཆེ། དེ་བཞིན་ཞིབ་འཇུག་པ་ཞིག་གིས་ཕྱོགས་རེས་པའམ་རྒྱུ་མཚན་ལྟར་སྣང་བ་ལྟ་བུ་ལ་གཞི་བཅོལ་ནས་ལྟ་བ་ཁས་ལེན་མི་ཐུབ་པ་རེ་བཏོན་པ་ལ་སྐྱོན་འཛུགས་བྱེད་པ་ཡང་གང་ཟག་སྒེར་པ་ལ་རྒོལ་བར་ཆ་འཇོག་བྱེད་མི་འོས་སྙམ། ཡིན་ན་ཡང་བཀའ་བློན་དྲུང་ཆེ་ཡིས་སྤྱི་དོན་འཐུས་ཤོར་དུ་བཏང་བ་ལ་སྐྱོན་བརྗོད་བྱེད་སྐབས་དེ་ལས་བརྒལ་ནས་དེའི་བུ་དང་བུ་མོས་སྦག་ལ་འཁྲབ་ཀྱི་ཡོད་པ་ལྟ་བུ་དང་། ཞིབ་འཇུག་པ་དེའི་ལྟ་བ་ལ་སྐྱོན་བརྗོད་བྱེད་སྐབས་མཁས་པ་དེ་ལ་ཆུང་མ་ཟུར་བསྟེན་ཡོད་པ་ལྟ་བུ་བརྗོད་ན་འདི་ནི་གང་ཟག་སྒེར་ལ་རྒོལ་བ་ལ་ཆ་འཇོག་བྱེད་འོས་སྙམ།
ཕྱི་རྒྱལ་དུ་ཡོད་པའི་སློབ་གྲྭ་བ་ཚོ།
རྒྱལ་ནང་དུ་ཡོད་པའི་ཀྲུངགོའི་སྤྱི་དམངས་ཞིག་གིས།
ནགས་ཤོད་ཡེ་ཤེས་བསྟན་འཛིན་གྱིས་བསྒྱུར།
རྒྱ་ཆེ་བའི་ཕྱིར་སྐྱོད་རྒྱལ་གཅེས་ཀྱི་སྤུན་ཟླའི་སློབ་གྲོགས་ཚོ། ཁམས་བཟང༌། ང་ནི་རྒྱལ་ནང་དུ་ཡོད་པའི་ཀྲུང་གོའི་སྤྱི་དམངས་ཞིག་ཡིན། མ་གཞི་ཁྱོདཚོའི་ལུས་པོ་ཕྱི་རྒྱལ་དུ་ཡོད་མོད། དུས་དང་རྣམ་པ་ཀུན་ཏུ་མེས་རྒྱལ་སེམས་ལ་བཅངས་ཤིང་དོ་ཁུར་བགྱི་བཞིན་ཡོད་པ་ངས་ཤེས་ཀྱི་ཡོད། ཨོ་རྩེད་ཀྱི་དཔལ་འབར་བརྒྱུད་སྤྲོད་ཕྱི་རྒྱལ་ནས་མཇུག་བསྒྲིལ་ལ་ཉེ་བའི་གོ་རིམ་ཁྲོད་དུ་ཁྱོད་ཚོས་དེར་ཁྲོམ་སྐོར་སོགས་ཀྱི་རྣམ་པའི་ཐོག་ནས་མེས་རྒྱལ་ལ་རྒྱབ་སྐྱོར་མཚོན་པ་བྱས་ཡོད།
ངས་ཁྱོད་ཚོར་ཡི་རངས་བྱེད་ཀྱིན་ཡོད། ཅི་ཞིག་གི་ཕྱིར་དུ་ཞེ་ན། ནུབ་སྡོད་པ་ཚོས་ཀྲུང་གོར་སྐྱོན་བརྗོད་བྱེད་པའི་སྐབས་སུ་ཁྱོད་ཚོ་མདུན་དུ་བཅར་ཏེ་ཀྲུང་གོར་རྒྱབ་སྐྱོར་དང་མཚང་འབྱིན་བྱེད་མཁན་ཚོར་ངོ་རྒོལ་བྱ་ཕོད་ཀྱི་ཡོད། ཡིན་ནའང་ནུབ་ཕྱོགས་པ་ཚོའི་སྐྱོན་བརྗོད་དེས་ཀྱང་ཀྲུང་གོའི་ཡར་རྒྱས་ལ་སྐུལ་འདེད་བྱེད་པའི་ཆ་རྐྱེན་ཞིག་ཏུ་སོང་བ་བསམས་མྱོང་ངམ། གལ་ཏེ། ནུབ་ཕྱོགས་པ་ཚོའི་སྐྱོན་བརྗོད་མེད་ཚེ་ཀྲུང་གོ་ད་དུང་ཡང་མི་ལོ་སུམ་ཅུའི་ཡར་སྔོན་གྱི་གནས་སྟངས་དེར་རང་སོར་ལུས་ཡོད།
ང་ཁྱོད་ཚོར་སྨོན་པ་འཆོར་གྱིན་ཡོད། གང་ལགས་ཤེ་ན། ཁྱོད་ཚོ་ཉེན་རྟོག་པའི་སྲུང་སྐྱོབ་འོག་ནས་སོ་སོས་འཛིན་པའི་ལྟ་ཚུལ་ཚད་མར་སོང་མིན་ལ་ལྟོས་པ་མེད་པར་ཡོངས་བསྒྲགས་ངང་སྦྱར་ཡིག་དང་དར་ཆ་བསྒྲེངས་ནས་ཁྱོད་ཚོའི་ཆབ་སྲིད་ཀྱི་ལྟ་ཚུལ་གསལ་སྟོན་བྱེད་ཀྱི་ཡོད། ཡིན་ནའང༌། ང་ཚུད་པའི་ཀྲུང་གོའི་ས་ཁོངས་ན་ཡོད་པའི་མི་འདི་ཚོ། གལ་ཏེ་ཁྱོད་ཚོ་ལྟར་དུ་སྦྱར་ཡིག་དང་དར་ཆ་བསྒྲེངས་ནས་གཞུང་ལམ་དུ་སོང་ཚེ་ཉེན་རྟོག་པའི་ལྟ་སྐྱོང་མེད་པ་ལྟ་ཅི། ད་དུང་བཙོན་འཇུག་གི་ཉེས་དམིགས་ལས་ཐར་དཀའ་བའི་ཚོད་རེད། ཐ་ན། ངས་དྲྭ་ལམ་ནས་རྩོམ་ཡིག་འདི་འདྲ་ཞིག་འདོན་སྤེལ་བྱས་མོད། ཡིན་ནའང༌། རང་སོ་སོའི་བདེ་འཇགས་ཀྱི་ཆེད་དུ་སེམས་ངལ་བྱ་དགོས་ཀྱི་ཡོད།
སོག་པོ་རྒྱ་ནག་མ་རེད། བོད་རྒྱའི་དབར་གྱི་ལོ་རྒྱུས་འབྲེལ་བ།
ཝང་ལིས་ཞུང༌།
ཡེ་ཤེས་བསྟན་འཛིན་གྱིས་བསྒྱུར། ནོར་གླིང༌།
རྒྱ་ནག་གཞུང་ཕྱོགས་ནས་བཅོས་ལྷད་བྱས་པའི་ལོ་རྒྱུས་དེ་དག་གཞི་རྐང་དུ་བཟུང་ནས། དུས་རབས་བཅུ་གསུམ་པ་ནས་བརྩམས་ཏེ་བོད་ཀྱི་བདག་དབང་རྒྱ་ནག་གི་སྟངས་འཛིན་འོག་ཡོད་པའི་ངོས་འཛིན་མཐའ་གཅིག་ཏུ་བྱེད་བཞིན་ཡོད། དུས་དེར་ཇིང་གིར་རྒྱལ་པོའི་སོག་དམག་གིས་འཛམ་གླིང་ཧྲིལ་པོར་ལེབ་རྡུང་བྱེད་བཞིན་པའི་དུས་རེད་ལ། བོད་བཙན་པོའི་རྒྱལ་རབས་འཐོར་ཞིག་ཏུ་ཕྱིན་ནས་མི་ལོ་བཞི་བརྒྱ་ཙམ་སིལ་བུར་གནས་ཚར་བས་སོག་པོ་དང་རྒོལ་འཛིང་བྱེད་པའི་ནུས་པ་མེད་པ་ཙམ་མ་ཟད། དུས་བབ་ཀྱི་འགྱུར་འགྲོས་དེའི་ཁྲོད་ནས་ས་གནས་ཀྱི་སྡེ་དཔོན་དེ་དག་གཅིག་རྗེས་གཉིས་མཐུད་ངང་སོག་པོར་མགོ་བཏགས་ཞུས་ཡོད། ཇིང་གིར་རྒྱལ་པོའི་ཚ་བོ་གོ་དན་ཁཱང་གིས་ས་སྐྱ་པ་སྐབས་དེའི་བོད་བརྒྱུད་ནང་བསྟན་གྱི་ལྟེ་བར་ངོས་བཟུང་གནང་སྟེ་བོད་ས་ཧྲིལ་པོའི་ཕྱོགས་སོ་སོ་ན་ཡོད་པའི་དབང་ཤུགས་ཡོད་ཚད་ཀྱིས་ས་སྐྱ་པའི་སྣེ་ཁྲིད་དང་ལེན་བྱེད་དགོས་པའི་བཀའ་བསྒོས། རྗེས་ཕྱོགས་ནས་དུས་རབས་གཅིག་ཙམ་གྱི་ལོ་རྒྱུས་ལྡན་པའི་ཡོན་རྒྱལ་རབས་ཀྱི་དུས་རིང་གང་པོར་ས་སྐྱ་པས་བོད་ཁམས་དབང་སྒྱུར་བྱས་ཡོད། ལོ་རྒྱུས་ཆེད་མཁས་པ་ཚོས་མཁོ་སྤྲོད་བྱས་པའི་རྒྱུ་ཆར་གཞིགས་ན། དུས་དེར་ཚད་ངེས་ཅན་གྱི་བདག་དབང་ལྡན་པའི་རྣམ་འགྱུར་མངོན་ནས་འདུག དེ་ལྟ་ནའང། གནད་འགག་འབབ་ས་ཞིག་ནི། དོན་དམ་པར་སོག་པོས་བོད་ཀྱི་བདག་དབང་སྤྱོད་ཀྱི་ཡོད་པ་རེད་དམ། འོན་ཏེ། རྒྱ་ནག་གིས་བོད་ཀྱི་བདག་དབང་ལ་དོ་སྟངས་བྱེད་ཀྱི་ཡོད་པ་དེ་རེད། དོན་ངོ་མར། སྐབས་དེར་རྒྱ་ནག་ཁོ་རང་ཡང་བོད་དང་གཅིག་མཚུངས་སུ་གྱུར་ཏེ་སོག་པའི་ཡ་མེད་ཀྱི་རྟ་དམག་དེ་ཚོའི་དབང་སྡུད་བྱེད་ཡུལ་དུ་ཆགས་པ་མ་ཟད། ཅུང་ཟད་སྔོག་རེས་ལྟ་བུ་བྱས་ཏེ་གླེང་ན། བོད་ཡུལ་ལས་ཀྱང་ཐ་ཆད་པའི་མངོན་ཚུལ་སྣང་སྟེ། བོད་ཀྱི་ས་ཁོངས་དག་ཏུ་སྔར་མུས་བཞིན་ཚད་རིམ་ངེས་ཅན་གྱི་རང་སྐྱོང་སོར་གནས་ཐུབ་པ་བྱུང་མོད། འོན་ཀྱང༌། རྒྱ་ནག་ནི་རྒྱལ་ཁབ་རྦད་དེ་ཐོར་ནས་འགྲེལ་བརྗོད་བྱེད་སྟངས་མི་ཤེས་པ་ཆགས་ཡོད། དེ་ལྟབུའི་རང་ཉིད་ཀྱི་བདག་དབང་ཡང་བོར་ཟིན་པའི་རྒྱལ་ཁབ་ཅིག་གིས་ཇི་ལྟར་བྱས་ཏེ་མི་རིགས་གཞན་ཞིག་གི་བདག་དབང་ཁ་ལོ་སྒྱུར་ཐུབ་བམ། མ་གཞི་བྱས་ན་ཡོན་དང་དུས་ཕྱིས་ཀྱི་ཆིང་གཉིས་མི་འདྲ་ནའང༌། མི་རིགས་ཐ་དད་པ་ཞིག་གིས་བཙན་འཛུལ་བྱས་ཏེ་རིམ་པས་དབང་སྒྱུར་བྱས་པ་གཅིག་མཚུངས་རེད། ཡིན་ནའང༌། མཐའ་མ་དེར་ཆིང་རྒྱལ་རབས་རང་གི་མན་ཇུ་བའི་སྡོད་ཁུལ་ཡིན་ནའང་འདྲ། དེ་བཞིན་མི་རིགས་གཞན་ཁག་ཡིན་ནའང་འདྲ། ཐམསཅད་མཉམ་བསྲེས་ཀྱིས་ཟླ་སྒྲིལ་བྱས་ཏེ་ཀྲུང་གོ་ཞེས་པའི་ཚིག་གཅིག་པོ་དེའི་ནང་གོང་བུ་གཅིག་ཏུ་བཟོས་ཡོད། ཡིན་ན་ཡང༌། སོག་པོ་ད་ལྟའི་ཆར་ཡང་སྔ་མ་བཞིན་རང་ཉིད་ཀྱི་རྒྱལ་ཁབ་ཡོད་ལ་ཡ་གླིང་གི་ཁྱོན་ཆེན་དུ་སོག་རིགས་གནས་སྡོད་བྱེད་བཞིན་ཡོད་པས་ཀྲུང་གོ་ཞེས་པའི་ཐ་སྙད་དེ་དང་རྩ་བ་ནས་མི་འདྲ་བ་ཆགས་ཡོད་པ་འདི་ལྟར་ཡང༌། ཁོང་ཚོས་ཨ་ན་ཨུ་ཚུགས་ཀྱིས་སོག་པོས་བོད་དབང་སྡུད་བྱས་པ་དེ་རྒྱ་ནག་གིས་བོད་ས་བདག་དབང་ཡོད་པའི་ཁུངས་སྐྱེལ་བྱེད་པ་འདི་ནི་ ཨཱ རྔ ལྟ་བུའི་གཏན་ཚིགས་ཀྱི་འགོད་ཕྱོགས་ལས་མ་འདས་པས་ཕྱོགས་གཅིག་ནས་ཡ་མཚན་དགོས་པ་ཞིག་དང༌། ཉག་གཉིས་ནས་ཟོལ་མེད་ཀྱི་རྣམ་པ་མེད་སོང་བ་རེད།
དེ་ལས་མང་བ་། “སོག་པོ་རྒྱ་ནག་མ་རེད། བོད་རྒྱའི་དབར་གྱི་ལོ་རྒྱུས་འབྲེལ་བ།” »
རྩོམ་པ་པོའི་སྔོན་གླེང་མདོར་བསྡུས།
རྟགས་ཀྱི་འཇུག་པའི་རྣམ་བཤད་མཁན་པའི་དགོངས་རྒྱན། བོད་ཀྱི་དཔེ་མཛོད་ཁང་ནས་ (2008/7/)དཔེ་བསྐྲུན་བྱས་པ།
རྟགས་ཀྱི་འཇུག་པའི་རྣམ་བཤད་མཁས་པའི་དགོངས་རྒྱན་ཞེས་བྱ་བ་འདི་ནི། འཇིག་རྟེན་ཕལ་བའི་སྐད་ཡིག་དང་གསུང་རབ་ཀྱི་བརྡ་ཆད་གཉིས་ལས། གཙོ་བོ་གསུང་རབ་ཀྱི་བརྡ་ཆད་བཀྲོལ་བའི་ཆེད་ཁོ་ནར་དམིགས་ནས་བྲིས་པ་ཡིན། ཆུང་དུས་ནས་ཡབ་ཆེན་མཁས་དབང་བློ་བཟང་དོན་ཡོད་དང་དགེ་བཤེས་བསོད་ནམས་ཕུན་ཚོགས་གཉིས་ཀྱི་བཀའ་དྲིན་ལས་བརྡ་སྤྲོད་རིག་པའི་འགྲོ་སྟངས་རགས་ཙམ་ཆགས་པ་དང༌། ཀླུ་སྦྱིན་དགེ་བཤེས་ཆེན་མོའི་དྲུང་ནས་ཕར་ཚད་ཀྱི་རིགས་ལམ་ལ་ཐོས་བསམ་གྱི་སྐལ་བཟང་ལོ་ཤས་ཐོབ་པ་ནས། བོད་ཀྱི་བརྡ་སྤྲོད་རིག་པའི་གཞུང་སུམ་རྟགས་གཉིས་ལ་དག་སྣང་ལྷག་པར་འཕེལ་ཏེ་ཞར་དང་ཞོར་ལ་མཁས་བླུན་ཅི་རིགས་ཀྱིས་བརྩམས་པའི་སུམ་རྟགས་ཀྱི་གཞུང་འགྲེལ་བཅུ་ཕྲག་ཁ་ཤས་མིག་སྔར་རེག་པར་གཏན་ཚིགས་རིག་པས་དཔྱོད་པ་དང་འགྲོགས་ནས་ལྟ་རྒྱུའི་བགོ་སྐལ་ཐོབ།
ལྷག་པར་རྒྱ་གར་དུ་སླེབས་རྗེས་དེང་རབས་ཀྱི་འཛམ་གླིང་མཛེས་པའི་རྒྱན་གཅིག་དགེ་བཤེས་དཔལ་ལྡན་གྲགས་པའི་དྲུང་ནས་དབུ་ཚད་ཕར་གསུམ་གྱི་བཤད་ཁྲིད་ཞུས་སྐབས། གཞུང་ཆེན་པོའི་དཀའ་གནད་དུ་མའི་ནང་གི་བྱ་བྱེད་ལས་གསུམ་ལས་འཕྲོས་པའི་དྲི་རྨེད་དང་བགྲོ་གླེང་ཡང་ཡང་གནང་བ་མ་ཟད། གཞུང་ཆེན་མོའི་བརྡ་ཆད་ལས་བཏུས་པའི་དཔྱོད་གཞི་འགོང་ཆེ་བ་ཡང་མང་པོ་གནང་ནས་པྲ་སྟི་དགེ་བཤེས་རིན་པོ་ཆེའི་རྟགས་འགྲེལ་དང་མཐུན་པའི་འགྲེལ་བ་ཞིག་གསར་རྩོམ་དགོས་པའི་ནན་སྐུལ་གྱི་དཀའ་ཡི་མེ་ཏོག་གི་ཅོད་པན་སྤྱི་བོའི་རྒྱན་དུ་བཅིངས་པ་ལྟར། སྤྱི་ལོ་༢༠༠༤ལོར་ཤར་མར་རྩོམ་གདན་དང་པོ་ཟིན་བྲིས་སུ་བཏབ། ད་དུང་མཁས་པ་ཆེན་པོ་འདི་ཉིད་ཀྱིས་གཞུང་ཆེན་པོ་དང་ཚད་མ་རིག་པའི་འགྲོ་སྟངས་མ་ཆགས་པའི་རྟགས་འགྲེལ་མཁན་པོ་ཚོའི་སྨིག་རྒྱུ་དང་འཇའ་རིས་ལ་ཐེར་ཟུག་གིས་མཛུབ་ཀེར་གནང་ཐེངས་རེ་རེས་གཞུང་འགྲེལ་དེ་དག་གི་གཏད་སོ་སྦྲུལ་ཤུབས་ལྟར་ཞུས་འགྲོ། མོན་གྷོ་དུས་དབང་སྐབས་ཀྱི་སྔོན་འགྲོའི་ཆོས་བཀའ་དབུ་མ་རིན་ཆེན་ཕྲེང་བ་པར་སྐྲུན་ཞུས་དག་སྐབས། གསུང་རབ་ཀྱི་བརྡ་ཆད་འཁྲུལ་མེད་ཅིག་ཤེས་དགོས་ན་བརྡ་སྤྲོད་ཀྱི་གཞུང་འགྲེལ་གང་ཞིག་ལ་རྩ་འཛིན་དགོས་པའི་ངེས་ཤེས་གསལ་པོར་རྙེད།
ཁ་བརྡའི་ཁ་བརྡ།
ཁ་བརྡ་སླེབས་ནས་ལོ་གཅིག་ལྷག་ཙམ་སོང་། དུས་ཡུན་འདིར་རྩོམ་ཡིག་ ༩༠༠ ཙམ་དང་། མཆན་ ༩༠༠༠ ཙམ་སྤེལ་ཡོད། ད་ལྟའི་ཆར་ཟླ་རེར་ཕེབས་མཁན་(Vistors)སྟོང་ཕྲག་བཅུ་གཅིག་སྐོར་དང་། ཤོག་ངོས་ཀློག་མཁན་(Pageviews) སྟོང་ཕྲག་སུམ་བཅུ་སོ་བཞི་ཙམ་རེ་ཡོང་གི་ཡོད། ཀློག་མཁན་གྱི་གྲངས་འབོར་འདི་དག་ཨ་མི་རི་ཀ་དང་། རྒྱ་གར། ཡུ་རོབ། རྒྱ་ནག་སོགས་འཛམ་གླིང་གི་རྒྱལ་ཁབ་གང་ས་ནས་ཡོང་གི་ཡོད། བརྗོད་གཞིའི་ཆ་ནས་ལོ་རྒྱུས་དང་ཆབ་སྲིད། སྐད་ཡིག གོམས་སྲོལ། རྩོམ་རིག གསོ་རིག གཞས་དང་ཞབས་བྲོ། ཟློས་གར་དང་གཏམ་བརྗོད། སྙན་ངག་སོགས་ཧ་ཅང་རྒྱ་ཆེ་བ་ཞིག་བརྗོད་ཀློག་ཐུབ་པར་གྱུར་ཡོད། འདི་དག་ནི་བཟང་ཕྱོགས་རེད། འོན་ཀྱང་སྐྱོན་མེད་པ་ཞིག་ཀྱང་མིན། ཁ་བརྡས་སྨྲ་བརྗོད་རང་དབང་དང་གང་ཟག་སྒེར་ལ་དམོད་མོ་བྱེད་པ་གཉིས་ཀྱི་བར་ན་ གནས་པའི་རྣོ་སྐུད་ཀྱི་སྐུད་ལམ་ཕྲ་མོ་དེའི་སྟེང་གོམ་པའི་འདེགས་འཇོག་འཁྱོར་ ཞོར་དང་འགྲོ་ཞོར་བྱས་ནས་ད་བར་དུ་སླེབས་པ་རེད། མཚམས་རེར་ས་མཚམས་བརྒལ་གྱི་ཡོད་པ་ཡང་ཁ་བརྡའི་རྩོམ་སྒྲིག་པ་རྣམས་ལ་དོ་སྣང་ བྱུང་སྟེ། ང་ཚོས་ཐོག་མར་ཀློག་མཁན་དང་མཆན་འབྲི་མཁན་ཚང་མ་ལ་རེ་སྐུལ་ཞུ་བ། དེ་ནས་མཆན་འབྲི་སའི་ཡིག་སྣོད་ཀྱི་སྟེང་དེར་མཆན་འབྲི་མཁན་ཚོར་གསལ་འདེབས་རེ་ སྐུལ། མཚམས་རེར་མཆན་འགའ་རེ་གསུབ་པ་དང་ཞུ་དག་གཏོང་བ་བཅས་བྱས་པ་རེད། འོན་ཀྱང་། ད་དུང་གང་ཟག་སྒེར་པའི་འཚོ་བའི་སྐོར་ལ་འཆལ་གཏམ་སྤེལ་བ་དང་། ཚིག་མཚོན་འདེབས་པ། ཐ་ན་ཁྱད་གསོད་བྱེད་པའི་རྩོམ་ཡིག་དང་མཆན་བུ་སྐབས་དང་སྐབས་སུ་ཡོང་གི་ཡོད་པ་ དང་། རྩོམ་སྒྲིག་པའི་མིག་འོག་ནས་ཤོར་བ་ཡང་ཁ་ཤས་བྱུང་འདུག གོ་སྐབས་འདི་བཟུང་ནས་ཁ་བརྡས་དོ་ཕོག་བྱུང་བའི་རང་རེའི་སྤུན་ཟླ་ཚོ་ལ་ཡང་ དགོངས་དག་ཞུ་རྒྱུ་ཡིན། ཁ་བརྡས་སྨྲ་བརྗོད་ཀྱི་རང་དབང་ཟེར་བ་དེ་མི་སྒེར་པའི་འཚོ་བའི་སྐོར་ལ་འཆལ་ གཏམ་སྤེལ་བ་དང་། ཚིག་མཚོན་འདེབས་པ། ཁྱད་གསོད་བྱེད་པ་ལ་ངོས་འཛིན་བྱེད་ཀྱི་མེད། དེ་སྨྲ་བརྗོད་ཀྱི་རང་དབང་ཡིན་པའི་དབང་དུ་བཏང་ན་ཡང་། དེ་ནི་རང་དབང་ཐ་ཤལ་བ་ཞིག་ལ་ངོས་འཛིན་བྱེད་ཀྱི་ཡོད་སྟབས། དྲ་དེབ་འདི་ཐོག་མར་འགོ་འཛུགས་དུས་ནས་རང་དབང་འདི་རྒྱ་ཡན་དུ་མི་གཏོང་བའི་ འདུན་པ་བཏང་ཡོད། གོང་གི་རྒྱུ་མཚན་དེ་ལྟར་ན། ང་ཚོ་ལོ་ངོ་གཉིས་པའི་ནང་གོམ་པ་རྒྱག་སྐབས་ཐོག་མའི་དམིགས་ཡུལ་དེ་དམ་འཛིན་ བྱེད་སླད་ད་ནས་བཟུང་མཆན་འབྲི་མཁན་ཚོར་གང་ཟག་ལ་རྒོལ་བའི་རྒོལ་གཏམ་མི་སྤེལ་ བའི་རེ་སྐུལ་ནན་གྱིས་ཞུ་བ་ཆབས་གཅིག གལ་སྲིད་གང་ཟག་སྒེར་པ་ལ་གསོད་གཏུབ་སོགས་ཀྱི་སྤྱོ་ཚིག་སྤེལ་བ་དང་། ཁུངས་དང་བདེན་པས་ར་སྤྲོད་མི་འཕེར་བའི་འཆལ་གཏམ་སྤེལ་རིགས་བྱུང་ཚེ་དྲ་དེབ་ཏུ་…
བོད་ནང་གི་ཟིན་བྲིས་དང་། བོད་ཀྱི་ཕྱིར་སྤེལ་བའི་ཟིན་བྲིས་བསྡུར་བ།
གྲོགས་པོ་ཚོ། ངའི་ཚོར་སྣང་ལ། བོད་ནང་ལ་སྤེལ་བའི་ཟིན་བྲིས་ཏེ། དཔེར་ན། བོད་ཀྱི་སྐད་ཡིག་དྲ་རྒྱའི་ཟིན་བྲིས་དང་༏ མཆོད་མེ་ཟིན་བྲིས་སོགས་དང་། བོད་ཀྱི་ཕྱི་ལ་སྤེལ་བའི་ཟིན་བྲིས་ཏེ། ཁ་བརྡ་དང་། དུས་བབ་ཟིན་བྲིས་སོགས་དང་བསྡུར་སྐབས། བོད་ནང་གི་ཟིན་བྲིས་དང་མཆན་དེ་ཚོ་ཅུང་ནང་དོན་ཟབ་པ་དང་། བརྗོད་བྱེད་ལེགས་པ། ད་དུང་། བསམ་བློ་གཏོང་སྟངས་དེ་ཅུང་གཏིང་ཟབ་པ་ཡོད་པའི་ཚོར་སྣང་ཡོང་གི་འདུག བོད་ཀྱི་ཕྱི་ལ་སྤེལ་བའི་ཟིན་བྲིས་དེ་ཚོར་གང་ཟག་སྒེར་ལ་སྐྱོན་བརྗོད་ཤུགས་ཆེ་བ། བརྗོད་བྱའི་ཐོག་བགྲོ་གླེང་ཉུང་བ། བསམ་ཚུལ་གཙོ་བོར་དམིགས་ཏེ་ཤོད་པ་ལས། ཞིབ་འཇུག་དང་དངོས་ཡོད་ཅུང་ཉུང་བ་ཡོད་པའི་ཚོར་བ་སྤྲོད་ཀྱི་འདུག དེ་ལ་ཁྱེད་ཚོས་མཐོང་ཚུལ་གང་འདྲ་འདུག་གམ།
ཁ་བརྡ་ལགས། ཁྱེད་ཀྱི་བྱས་ན།
དྲ་གྲོགས་ཚོ། གོ་ལོག་དམ་ཆོས་དཔལ་བཟང་གིས་ཆོལ་གསུམ་ལོ་རྒྱུས་འབྲི་མ་འཚར་བའི་སྔོན་ལ། སྐུ་སྒེར་དྲུང་ཆེ་བྲེ་སྲང་ལགས་ཀྱིས་ལས་གཞི་དེ་མཚམས་འཇོག་གནང་བར། མི་ཚང་མས་འདྲི་བ་མང་པོ་འདྲིས་སོང་། དམ་དཔལ་ལ་སྐྱོན་བརྗོད་མང་པོ་བཏོན་སོང་། མ་འགྲིག་མ་མིན་འདུག དམ་དཔལ་གྱི་མ་འཇོན་པ་ཡིན་སྲིད་ལ། ལེ་ལོའི་དབང་དུ་སོང་ནས་ཐུས་ཤོར་ཕྱིན་སྲིད་སྟབས། དམ་དཔལ་ལ་འདྲི་རྩད་གཏོང་དགོས་ཀྱི་འདུག ཡིན་ནའི། སྐུ་སྒེར་གྱི་སྐུ་ངོ་སྣར་སྐྱིད་ངག་དབང་དོན་གྲུབ་དང་། ལོ་རྒྱུས་ཚོགས་ཆུང་གི་སྐུ་དྲག་རྒན་པ་ཁག་གཅིག་གིས། ལོ་ཉི་ཤུ་ལྷག་ཙམ་རིང་། སྐུ་སྒེར་གྱི་ཕོགས་ལེན། རྒྱལ་བའི་འགྲོ་སོང་ནར་གཏོང་བྱས་ནས། རྒྱལ་བ་རིནཔོ་ཆེའི་མཛད་རྣམ་ཞིག་འབྲི་བཞིན་ཡོད་ཟེར་ནས། ད་བར། རྒྱལ་བ་རིན་པོ་ཆེ་གོང་ལོ་བརྒྱད་བཅུ་ཙམ་ལ་ཕེབས་འགྲབས་ཡོད་ནའང་། ཁོང་གི་མཛད་རྗེས་ཤིན་དུ་ཆེན་པོ་ཡིན་ནའང་། ད་དུང་ཉེ་འཁོར་གྱི་ཞབས་ཕྱི་ཚོས་རྒྱལ་བ་རིན་པོ་ཆེའི་ལོ་རྒྱུས་ཤོག་བུ་གཅིག་གཉིས་ཙམ་ཞིག་བཏོན་ཐུབ་མ་སོང་། ད་དེ་ལ་ཤེས་ཡོན་ཡོད་པ་དང་། རིག་གཞུང་དང་ལོ་རྒྱུས་ལ་དོ་སྣང་ཡོད་མཁན་ཚོས་གང་ཡང་གསུངས་མ་སོང་། གོང་གི་གོ་ལོག་དམ་དཔལ་དང་རྒྱལ་བའི་མཛད་རྣམ་གཉིས་ཀྱི་གནད་དོན་ཐདད། ངའི་དྲ་གྲོགས་ཚོར་གང་གསུངས་རྒྱུ་ཡོད་དམ། རྒྱལ་བ་རིན་པོ་ཆེ་ངོ་མ་ཐུགས་ཕམ་ཡོང་གི་རེད། རང་གིས་ཉིན་མཚན་མེད་པར་དཀའ་ལས་བརྒྱབ། རྗེས་བྲངས་ཚོས་དེའི་སྐོར་ལ་ཐོ་ཞིག་བརྒྱབ་པར། ནར་འགྱངས་བྱས་ནས་སྡོད་པ་འདི་རྫབ་ཆེན་མ་རེད་པས། ཞེ་བོ་བློ་བཟང་དར་རྒྱས་ཀྱང་རྒྱལ་བའི་ལོ་རྒྱུས་ཚོགས་ཆུང་ནང་ཡོད་རེད། ཉིན་མཚན་མེད་པར། རང་གི་ལོ་རྒྱུས་འབྲི་བར་འབད་བརྩོན་བྱས་ནས་ལོ་རྒྱུས་ཤོག་གྲངས་ལྔ་བརྒྱ་ཙམ་ཞིག་བཏོན་སོང་། ཕོགས་སྤྲད་ནས་རྒྱལ་བའི་ལོ་རྒྱུས་འབྲི་ཅུག་རུང་། ཁོང་གི་ལོ་རྒྱུས་བཏོན་མིན་འདུག དེ་གང་འདྲ་རས། ཁྱེད་རང་གི་རྣམ་ཐར་འབྲི་བར་དུས་ཚོད་རག ཕོགས་བརྒྱབ་ནས་ཆུ་ཚོད་བརྒྱད་རྒྱལ་བའི་རྣམ་ཐར་འབྲི་བར་མངགས་རུང་། དེ་བཏོན་ཡས་མིན་འདུག ད་བྲེ་སྲང་ལགས་ཀྱིས། མཛད་རྣམ་འབྲི་མཁན་གྱི་མི་དེ་ཚོར་ཕྱག་ཡིག་གང་འདྲ་ཞིག་གནང་རྩི་ས་ཡོད་དམ། ཁ་བརྡ་ལགས། དྲང་པོ་གསུངས་དང་། ང་ཤོད་ས་མེད་སྟབས། ངས་ཁ་བརྡ་ཁྱེད་ལ་སྡུག་སྐད་ཤོད་ཀྱི་ཡོད།
ལས་གཞི་འདི་གང་འདྲ་འདུག
གཅན . བཟོད་རྒྱམ།
ངེས་པར་དུ་བཀོལ་སྤྱོད་བྱེད་དགོས་པའི་བརྡ་དང་ཐ་སྙད།
འཛམ་གླིང་ཤེས་རིག་གི་ཁ་ཕྱོགས་དེང་རབས་འཕྲུལ་རིག་དང་ལྷག་པར་དུ་བརྡ་འཕྲིན་ཅན་གྱི་ལམ་དུ་བསྐྱོད་པ་ནས། འགྲོ་མིའི་ཉིན་རེའི་འཚོ་བའི་ཁྲོད་དུའང་ཤེས་བྱ་གསར་པ་དང༌། དངོས་རིགས་ཐོན་གསར་སྣ་མང་ཤིག་ཐོན་དང་ཐོན་བཞིན་པ་མ་ཟད། དེ་དག་གི་སྤྱོད་སྒོ་དང་བསྟུན་ནས་བརྡ་ཆད་དང་ཐ་སྙད་གསར་པ་སྦྱོང་རྒྱུར་ལྷག་བསྡད་པའང་རང་གི་མགོའི་སྐྲ་རྐང་ལས་ཀྱང་ཆེས་མངས་པས་ན། ང་ཚོ་སྟེ་སྒང་བ་བོད་མི་རྣམས་ཀྱང་འཛམ་གླིང་འདིར་འཚོ་དགོས་པ་དང༌། འཚོ་བ་ལ་དེང་རབས་འཕྲུལ་རིགས་དང་བརྡ་འཕྲིན་སྔོན་ཐོན་ཅན་གྱི་མི་རིགས་ཚོའི་རྗེས་ཟིན་དགོས་པའམ་ཁོ་ཚོ་དང་དཔུང་པ་མཉམ་ཞིབ་བྱ་དགོས་པ་ཧ་ཅང་གསལ་ཞིང་གལ་ཆེའི་རང་བཞིན་ཞིག་ཀྱང་ཅི་ལ་མིན། དེ་ལྟར་བྱེད་པ་ལ་ཐོག་མར་ང་ཚོས་འཕྲུལ་རིགས་དེ་དག་གི་མིང་དང་སྤྱོད་སྒོ་ཙམ་ཞིག་ངེས་པར་དུ་ཤེས་དགོས་པ་ཡིན་ལ། དེ་ཤེས་པ་ལ་མིང་བརྡ་ནི་དེ་བས་ཀྱང་གལ་ཆེ་སྙམ། དེས་ན་བོད་ཕྱི་ནང་གི་མཁས་པ་དང་སེམས་ཤུགས་ཅན་ཚོས་ཐ་སྙད་དང་བརྡ་ཆད་གང་མངས་ཤིག་དོན་དང་མཐུན་པར་སྔ་མོ་ཞིག་ནས་(1980གྱ་གྲངས་ཙམ་ནས་)བོད་ བསྒྱུར་གནང་ཡོད་ཀྱང༌། སྣང་མེད་དམ་དགོས་མཁོ་མི་ཆེ་བར་སྙམ་ནས་རང་དགར་གཡུག་སྟེ་གཞན་སྐད་ཅི་ཡིན་དེ་ག་ རང་བེད་སྤྱོད་བྱས་དང་བྱེད་བཞིན་པ་ནི་ཡིད་སྐྱོ་བའི་གནས་སུ་མཆིས། འོན་ཀྱང་ལ་ཤོས་ཀྱིས་ནི་རང་སྐད་ནང་བཤད་འདོད་ཀྱང་བརྡ་དང་ཐ་སྙད་ལ་རྨོངས་པས་ བཤད་རེ་སྐན།
བོད་ཀྱི་སྐད་ཡིག་སུས་བཟོས་སྐོར་བསྟན་བཅོས་བཅོ་བརྒྱད།
༼གཤམ་གསལ་ནི་གུས་པས་ ༡༩༩༣ ལོར་ཕྱོགས་བཏུས་བྱས་པ་ཞིག་དེ་རིང་ཡིག་སྣོད་རྙིང་བ་རྣམས་སྔོག་སྐབས་རྙེད་བྱུང་བས་འདིར་བཀོད་པ་ཡིན། ཡིག་གཟུགས་གསར་རྙིང་བསྒྱུར་སྐབས་དག་ཆའི་ནོར་བ་རེ་འགའ་བྱུང་ཡོད་ཚོད་ཀྱང་མིག་གིས་གང་མཐོང་རིགས་བཅོས་ནས་འདིར་བཏང་བ་ཡིན། དགེ་རབ་ཀྱིས།༽
དང་པོ།
རྩོམ་པ་པོ། ས་སྐྱ་པ་བསོད་ནམས་རྒྱལ་མཚན།
བསྟན་བཅོས། རྒྱལ་རབས་གསལ་བའི་མེ་ལོང༌།
བརྩམས་དུས། དུས་རབས་བཅུ་བཞི་པ། རབ་བྱུང་བཅུ་དྲུག་པའི་ས་འབྲུག ཕྱི་ལོ་ ༡༣༢༨ པར་བརྩམས་ཞེས་ཚེ་ཏན་ཞབས་དྲུང་གི་བསྟན་རྩིས་ཤོག་གྲངས ༡༩༩ པར་གསལ
ཡི་གེ་གསར་བཟོ་མཁན་སུ་ཡིན་སྐོར། ཤོག་གྲངས་ ༦༨ པར་དེར་བློན་པོ་ཐོན་མིས་རིག་པའི་རྩལ་ཕྱེས། ཤེས་རབ་ཀྱི་སྒྲོན་མེ་བཏེག་ནས་ཡི་གེ་བསླབས་པས། ན་ག་རའི་སྡེ་ཚན། ག་ཏའི་སྡེ་ཚན་རྣམས་མང་དུ་ཡོད་པ། བོད་ལ་མི་འགྱུར་བས་དབྱངས་ཡིག་ལ་བཀོད། ལཱཎཚ་ལྷ་ཡི་ཡི་གེ། ཝ་རྟུ་ཀླུའི་ཡི་གེ ལྷུན་འགྲུབ་ཚང་མ་བོད་ཀྱི་ཡི་གེ་བཀོད། ཅེས་འབྱུང༌།
ཡེ་གེའི་ཕྱི་མོ་གང་ཡིན་སྐོར། ལཎཚ་ལྷ་ཡི་གེ་འདྲ། དེ་ལ་དཔེ་བྱས་ནས་ཡི་གེ་དབུ་ཅན་དང༌། ཝ་རྟུ་ཀླུ་ཡི་ཡི་གེ་འདྲ། དེ་ལ་དཔེ་བྱས་ནས་ཡི་གེ་ཟུར་ཅན་དུ་བྱས་སོ་ཞེས་ཤོག་གྲངས་ ༧༠ པར་གསལ། རྒྱ་ཡི་ཡི་གེ་ལྔ་བཅུ་ནི། །ཡི་གེ་གཙོ་བོ་སུམ་ཅུ་ལ། །འཕུལ་ཡིག་བཅུ་དང་མཐའ་རྟེན་བཅུ། །རྒྱ་ཡི་ཡི་གེ་རེ་རེ་བཞིན། །རང་གང་སྤྱོད་པ་མ་གཏོགས་པ། །ཀུན་ལ་ཁྱབ་པ་གཅིག་ཀྱང་མེད། །དེ་དག་ཐམས་ཅད་ཁོངས་སུུ་བསྡུས། །དེ་ལ་དཔེ་བྱས་བསྡུས་པ་ནི། །བོད་ཡིག་སུམ་ཅུ་གཏན་ལ་ཕབ། །ཡི་གེའི་འབྲུ་ནི་རེ་རེ་བཞིན། །བཟོའི་རྣམ་འགྱུར་ལེགས་པར་བཅོས། །ཅེས་ཤོག་གྲངས་ ༦༨ པར་གསལ།
གསར་བསྣན་ཡི་གེ རྒྱ་ལ་མེད་པའི་ཡི་གེ་དྲུག ཅ་ཆ་ཇ་ཞ་ཟ་འ། ཅེས་འབྱུང༌།
དེ་སྔོན་ཡི་གེ་ཡོད་མེད་སྐོར། ཤོག་གྲངས། ༦༦ པར། ་་་་་་་་་བཀའ་བསྒོ་བ་ལ། བོད་ན་ཡི་གེ་མེད་པས་ཞེས་གསལ།
ཟུར་མཆན། ༡ དེར་བློན་པོས་རྒྱ་གར་ལྷོ་ཕྱོགས་སུ་ཕྱིན་ཏེ། ཡི་གེའི་སྒྲ་མཁས་པ་བྲམ་ཟེ་ལི་བྱིན་ཞེས་བྱ་བ་ཡོད་ཟེར་བ་ཐོས་ནས་བྲམ་ཟེ་ག་ལ་བ་དེར་ཕྱིན་ཞེས་དང༌། ༢ ཡང་ཤོག་གྲངས་ ༧༠ པར།་་་་འདི་ནི་ཟུར་ཙམ་ཡིན་གྱིས། རྒྱས་པར་འདོད་ན་ཐོན་མིས། དང་པོ་ཡི་གེའི་རྣམ་འགྱུར་གྱི་བཟོ་བརྩམ། ཀ་སྨད་སུམ་ཅུར་བསྒྱུར། སྡེབ་སྦྱོར་སྒྲིག་པའི་གཞི་མ། ཐོན་མི་མདོ་རྫིའི་སྒྲ་མདོ་བྱ་བ་ཡོད་ཀྱིས་དེ་དག་ལ་གཟིགས་ཤིག་ཅེས་གདམས་པར་མཛད་འདུག་པས་རྒྱལ་རབས་འདིར་གསལ་བའི་ཡི་གེའི་རྣམ་དབྱེ་རྣམས་ཀྱང་དེ་ལས་དྲངས་པ་ཡིན་ནམ་སྙམ། ༣ ཤོག་གྲངས་ ༦༩ པར། ཧ་དང་འ་གཉིས་ཀྱིས་ཡི་གེའི་བུ་བྱེད་པ་དང༌། ན་ལོག་ཤ་ལོག་ཐ་ལོག་བྱེད་པ་སོགས་ནི་སམ་ཀྲྀ་ཏའི་སྐད། བོད་ཀྱི་གཟུངས་སྔགས་སུ་འགྱུར་དུས། ཡི་གེའི་རྣམ་དཔྱོད་ལ་མཁས་པའི་པནྜི་ཏ་རྣམས་ཀྱིས་རྟིང་དུ་བཅོས་སོ་ཞེས་གསལ།
དེ་ལས་མང་བ་། “བོད་ཀྱི་སྐད་ཡིག་སུས་བཟོས་སྐོར་བསྟན་བཅོས་བཅོ་བརྒྱད།” »
འཇོ་མདའ་རྫོང་རོང་གསུམ་གྲོང་ནས་མི་ ༡༤ འཛིན་བཟུང་བྱས་པ།
དེ་རིང་འཇོ་མདའ་ཆོས་འཛོམས་ལགས་ཀྱིས་ཁུངས་ལྡན་གནས་ཚུལ་མཁོ་འདོན་བྱས་གསལ་ལྟར་ན། སྤྱི་ཟླ་ ༥ ཚེས་ ༡༤ ཉིན་རྒྱ་གཞུང་གིས་ཁམས་སྡེ་དགེ་འཇོ་མདའ་རྫོང་ཐང་ཕུག་ཆས། རོང་གསུམ་ཤང༌། རོང་གསུམ་གྲོང་ཚོ་ནས་གྲོང་མི་བཅུ་གཅིག་འཛིན་བྱས་འདུག དེའི་ནང་ནས་རིན་ཆེན་རྡོ་རྗེ་དང༌། ཆོས་བཟང་ཞུ་བ་གཉིས་ནག་ཉེས་ཆེ་བར་བརྩིས་ཏེ་ཆབ་མདོ་གྲོང་བརྡལ་ལ་འཁྲིད་ཡོད་པ་ རེད་ཟེར་བ་ལས་ད་ལྟའི་ཆར་ཁ་གསལ་ཞིག་ཤེས་རྟོགས་བྱུང་མི་འདུག ལྷག་མ་བརྒྱད་པོ་འཇོ་མདའ་རང་དུ་བཙོན་འཇུག་བྱས་འདུག གོང་གསལ་བོད་མི་དེ་དག་འཛིན་བཟུང་བྱས་དོན་ནི། རོང་གསུམ་གྲོང་ཚོ་སྤྱི་མགྲིན་ནས། ས་བྱི་དང་ས་གླང་ཞི་བའི་འོས་ལངས་ནང་ཞུགས་པའི་བོད་རིགས་སྤུན་ཟླ་ཚོར་རྒྱ་གཞུང་ གིས་གནར་གཅོད་འདྲ་མིན་གཏོང་བར་གདུང་སེམས་མཉམ་སྐྱེད་མཚོན་ཆེད། འདི་ལོར་ཞིང་ཁ་འདེབས་ཀྱི་མིན་ཟེར་ནས་གྲོང་མི་ཚོ་རི་ལ་འབུ་རྐོ་མཁན་འགྲོ་བར་ ས་གནས་རྒྱ་གཞུང་གིས་ས་ཞིང་རྨོས་འདེབས་དགོས་པའི་བཙན་བཀའ་ཕབ་ཀྱང་མ་ཉན་པས་ གླེང་རྙོག་ཡོད་བཞིན་པའི་མུར། ཁུལ་དེའི་གནས་རི་ཨ་མྱེས་རྫོང་ཞེས་པའི་རི་གཤམ་ནས་རྒྱ་མིས་བྱེ་མ་དབོར་ནས་ འཚོང་འགྲེམ་བྱེད་པར། གྲོང་མི་ཚོས་འདི་ནས་བྱེ་མ་དབོར་ན་ལུང་པར་བཀྲ་མི་ཤིས་པ་ཡོང་ཚུལ་འགྲེལ་བརྗོད་ ཀྱིས་ཉིན་མང་རིང་བཀག་ཀྱང༌། དོན་ཕན་མ་བྱུང་ཐོག་གོ་སྐབས་དེར་བཟུང་ནས་གྲོང་ཚོའི་མི་ ༡༤ འཛིན་བཟུང་བྱས་པ་རེད་འདུག གོང་གསལ་མི་བཅུ་ ༡༤ དེ་དག་གི་མིང༌། ༡༽ ཇོ་རུ། ༢༽ རྡོ་རྗེ། ༣༽ མི་གཡང༌། ༤ བཀྲ་ཤིས་ཚེ་དགའ། ༥༽ ཉི་སྒྲོན། ༦༽ ཆོས་སྐྱོང༌། ༧༽ མགོན་རྡོ། ༨༽ བསོད་ནམས་བཀྲ་ཤིས། ༩༽ ནོར་བུ་བཀྲ་ཤིས། ༡༠༽ རིན་ཆེན་རྡོ་རྗེ། ༡༡༽ ཆོས་བཟང༌། བཅས་ཡིན་འདུག གོང་གསལ་འཛིན་བཟུང་ཟིན་པའི་གྲོང་མི་དེ་དག་གིས་རྒྱ་གཞུང་ལ་རྒྱ་སྒོར་ ༢༠༠༠ རེ་སྤྲོད་ན་གློད་རེ་ཡོད་ལུགས་གོ་རྒྱུ་ཡོད་ནའང་གྲོང་མི་ཚོ་དཔལ་འབྱོར་གྱི་…
དེ་ལས་མང་བ་། “འཇོ་མདའ་རྫོང་རོང་གསུམ་གྲོང་ནས་མི་ ༡༤ འཛིན་བཟུང་བྱས་པ།” »
5.14ཉིན་བླ་བྲང་དགེ་བཤེས་གྲགས་ཅན་རྗེ་བློ་བཟང་རྒྱ་མཚོ་མཆོག་དགོངས་པ་རྫོགས་འདུག
ན་ནིང་ཞི་རྒོལ་བྱེད་མཁན་བོད་མི་གཉིས་བཙན་བྱོལ་དུ་འབྱོར་བ།
དེ་ཡང་ཕྱི་ལོ་ཉིས་སྟོང་བརྒྱད་ཟླ་བ་གསུམ་པའི་ཚེས་བཅོ་བརྒྱད་ཉིན་དཀར་མཛེས་དུ་ཆུ་ཁ་ཚང་གསེར་དགའ་གཙོས་པའི་སེར་སྐྱ་བོད་མི་སྟོང་ཕྲག་ལྷག་གིས་ངོ་རྒོལ་བྱས་པའི་སྐབས་ཞི་རྒོལ་དེའི་སྣེ་ཁྲིད་བྱེད་མཁན་རང་ལོ་བཞི་ཅུ་ཞེ་གཅིག་ཡིན་པ་མ་འདས་མགོན་པོ་དང་ལས་འགུལ་དེའི་ནང་མཉམ་ཞུགས་བྱེད་མཁན་རང་ལོ་ཉི་ཤུ་རྩ་བཞི་ཡིན་པ་བརྩི་སྲུང་དགོན་པའི་གྲྭ་ཚེ་རིང་འཇིགས་མེད་གཉིས་ད་ཆ་རྒྱ་གར་དུ་བྲོས་ཐར་ཡོད་འདུག
དེ་ལས་མང་བ་། “ན་ནིང་ཞི་རྒོལ་བྱེད་མཁན་བོད་མི་གཉིས་བཙན་བྱོལ་དུ་འབྱོར་བ།” »