བོད་རིགས་ཏང་ཡོན་ཞིག་གིས་སྤྲིངས་པ།
(བོད་ཀྱི་སྐད་ཡིག་དྲ་རྒྱ་ནས་དྲངས་ )
http://www.tibettl.com/blog/u/Tenzin/archives/2009/5867.html#7835
གུས་ཞིང་བརྩེ་བའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཧུ་ཅིང་ཐའོ་ཡི་དྲུང་དུ།
གུས་པ་ནི་ལོ་མང་ཏང་དང་མི་དམངས་ལ་ཞབས་འདེགས་ཞུ་མཁན་གྱི་བོད་མི་ཏང་ཡོན་བསམ་པ་རྣམ་དག་ཞིག་ཡིན། གུས་པས་འདས་པའི་ལོ་ངོ་༤༠རིང་ལྷག་བསམ་རྣམ་དག་གིས་ཀྲུང་གོ་གུང་ཁྲན་ཏང་གི་དབུ་ཁྲིད་དང་། ཏང་གི་ལམ་སྟོན་ལ་མཐའ་གཅིག་ཏུ་བརྩི་བཀུར་གྱིས་མེས་རྒྱལ་གྱི་ནུབ་ཕྱོགས་ལ་གནས་པའི་བོད་ཀྱི་ས་ཁུལ་ཁག་ལ་སློབ་གསོ་དང་། དྲིལ་བསྒྲགས་ཀྱི་བྱ་བ་མི་ཉུང་བ་བསྒྲུབས་ཡོད་ཅིང་། ལོ་བཅུའི་གོང་ལ་རྒྱལ་ཁབ་ཀྱིས་དམིགས་བསལ་གཟིགས་སྐྱོང་གིས། ཀྲུང་དབྱང་ཏང་གི་སློབ་གྲྭར་བོད་རིགས་ལས་བྱེད་གསོ་སྐྱོང་འཛིན་གྲྭའི་ནང་ལོ་གཉིས་ཙམ་གྱི་སློབ་གསོ་གནང་བྱུང་། དེའི་རྗེས་ལ་གཞིས་རྩེ་ས་ཁུལ་གྱི་མི་དམངས་སྲིད་གཞུང་གི་བྱ་བ་སྒྲུབ་བཞིན་ཡོད།