ཁ་བརྡ།

ཁ་བརྡ།

Archive for March, 2009


ཁོང་ནི་སངས་རྒྱས་ཆོས་ལུགས་ཀྱི་སྲོལ་འབྱེད་མཁན་མ་རེད།

ཨའོ་ཞའོ།
མང་རའི་གངས་ཐིགས་ཀྱིས་བསྒྱུར།
ང་སྟོན་པ་ཤཱཀྱ་ཐུབ་པ་ལ་དགའ་བོ་ཡོད། ཅི་ཕྱིར་ཞེ་ན། ང་ལ་མཚོན་ན་ཁོང་གིས་མེད་དུ་མི་རུང་བའི་ཆོས་ལུགས་ཀྱི་སྲོག་ཤིང་མཚོན་གྱི་འདུག ཁོང་ནི་སངས་རྒྱས་ཆོས་ལུགས་ཀྱི་སྲོལ་འབྱེད་མཁན་མ་རེད། སངས་རྒྱས་ཆོས་ལུགས་ནི་ཞར་བྱུང་ཐོན་རྫས་ཤིག་རེད། ཁོང་ནི་འཛམ་གླིང་ནང་ཡོངས་སུ་ཐ་དད་པའི་ཆོས་ལུགས་ཤིག་གི་སྲོལ་བཏོད་མཁན་ཏེ་ཆོས་ཀྱི་ལུགས་མེད་པའི་ཆོས་ལུགས་ཀྱི་སྲོལ་བཏོད་པ་པོ་རེད། ཁོང་གིས་ཆོས་སེམས་ Religiousnessདཔྱད་པ་བཏང་ནས་གཏན་ལ་ཕབ་འདུག་པ་ལས་ཆོས་ལུགས་ལ་དཔྱད་པ་བཏང་མི་འདུག་གོ
བསྒྱུར་མཁན་གྱི་ཕྲན་དཔྱད། འདི་ནི་བདག་ཅག་གི་སྟོན་པ་སངས་རྒྱས་ཤཱཀྱ་ཐུབ་པ་ལ་ངོས་འཛིན་གསར་བ་ཞིག་རེད་བསམ་ཏེ་མཁྱེན་ཡངས་དྲ་◌ྭགྲོགས་དག་ལ་ལེགས་སྐྱེས་སུ་ཕུལ་བ་ཡིན། ྐློག་པ་པོ་དག་གི་དོ་སྣང་ཡོང་ཆེད་དུ་གསུངས་ཚིག་ཅིག་ཁ་བྱང་དུ་བཞག་པ་ཡིན། འདི་ལས་མང་པ་མཁྱེན་འདོད་ཡོད་ན་སྐྱེས་ཆེན་དམ་པ་ཨའོ་ཞའོ་ཡི་དཔེ་དེབ་༵ཕ་ལམ་མདོྐ་ཡི་སྔོན་གླེང་ལ་གཟིགས་པར་འཚལ།་

ལོ་ངོ་སུམ་ཅུའི་ཡར་སྔོན་ལྟ་མྱོང་བའི་གློག་བརྙན་གཉིས་དང་དེའི་རྒྱབ་ལྗོངས་ཀྱི་བསམ་གཞིག

ཞིང་བྲན། http://www.tibetabc.cn/u/kuantaijia20/archives/2009/200938235223.htm
རྟ་རྐུན།

http://www.tibetabc.cn/u/kuantaijia20/archives/2009/200937767.html#61762

སྔོན་མར་ཞི་བདེ་ཉི་མ་དང་ཕག་མོ་དོན་གྲུབ་སོགས་ཀྱིས་གློག་བརྙན་འདི་གཉིས་ཡང་སྐྱར་སྤྱི་ཚོགས་སྟེང་སྟོན་དགོས་པའི་རེ་འདུན་བཏོན་པར་རྒྱ་གཞུང་གིས་མི་རིགས་མཐུན་སྒྲིལ་ལ་གནོད་པར་འདུག་ཟེར་ནས་ངོས་ལེན་མ་བྱས་པ་རེད་ཟེར། ཡིན་ན་ཡང་ད་ལྟ་རྒྱ་གཞུང་གིས་གློག་བརྙན་འདི་གཉིས་རྩ་ཆེར་བརྩིས་ཏེ་གང་སར་སྟོན་བཞིན་འདུག་ཟེར།

བོད་རིགས་ཏང་ཡོན་ཞིག་གིས་སྤྲིངས་པ།

བོད་རིགས་ཏང་ཡོན་ཞིག་གིས་སྤྲིངས་པ།

(བོད་ཀྱི་སྐད་ཡིག་དྲ་རྒྱ་ནས་དྲངས་ )
http://www.tibettl.com/blog/u/Tenzin/archives/2009/5867.html#7835
གུས་ཞིང་བརྩེ་བའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཧུ་ཅིང་ཐའོ་ཡི་དྲུང་དུ།

གུས་པ་ནི་ལོ་མང་ཏང་དང་མི་དམངས་ལ་ཞབས་འདེགས་ཞུ་མཁན་གྱི་བོད་མི་ཏང་ཡོན་བསམ་པ་རྣམ་དག་ཞིག་ཡིན། གུས་པས་འདས་པའི་ལོ་ངོ་༤༠རིང་ལྷག་བསམ་རྣམ་དག་གིས་ཀྲུང་གོ་གུང་ཁྲན་ཏང་གི་དབུ་ཁྲིད་དང་། ཏང་གི་ལམ་སྟོན་ལ་མཐའ་གཅིག་ཏུ་བརྩི་བཀུར་གྱིས་མེས་རྒྱལ་གྱི་ནུབ་ཕྱོགས་ལ་གནས་པའི་བོད་ཀྱི་ས་ཁུལ་ཁག་ལ་སློབ་གསོ་དང་། དྲིལ་བསྒྲགས་ཀྱི་བྱ་བ་མི་ཉུང་བ་བསྒྲུབས་ཡོད་ཅིང་། ལོ་བཅུའི་གོང་ལ་རྒྱལ་ཁབ་ཀྱིས་དམིགས་བསལ་གཟིགས་སྐྱོང་གིས། ཀྲུང་དབྱང་ཏང་གི་སློབ་གྲྭར་བོད་རིགས་ལས་བྱེད་གསོ་སྐྱོང་འཛིན་གྲྭའི་ནང་ལོ་གཉིས་ཙམ་གྱི་སློབ་གསོ་གནང་བྱུང་། དེའི་རྗེས་ལ་གཞིས་རྩེ་ས་ཁུལ་གྱི་མི་དམངས་སྲིད་གཞུང་གི་བྱ་བ་སྒྲུབ་བཞིན་ཡོད། Read the rest of this entry »

བཟང་སྤྱོད།

སྒྱུར་མཁན། ཟླ་བ་གཞོན་ནུ།
རང་བཞིན་དུལ་བའི་རིགས་ཅན་དང་།།
རྟག་པར་རྒན་བཀུར་བྱེད་པ་ཡི།།
ཚེ་དང་ཡོན་ཏན་གྲགས་པ་སྟོབས་།།
བཞི་བོ་རྣམས་ནི་འཕེལ་བར་འགྱུར།།

ཕྲུ་གུ་སྐྱེས་བའི་གནས་སྐབས་སུ།།
ཕ་མས་མྱངས་པའི་སྡུག་དེའི་དྲིན།།
ལོ་བརྒྱའི་སྲི་ཞུ་བསྒྲུབ་པས་ཀྱང་།།
འཇལ་བར་ནུས་པ་མ་ཡིན་ནོ།།
Read the rest of this entry »

དོན་དམ་སྐྲག་དགོས་ས་དེ་རང་མི་རེད།

དོན་དམ་སྐྲག་དགོས་ས་དེ་རང་མི་རེད།

སྒྲེན་པོས།

ཉི་མ་འདི་ཚོར་གློག་ཀླད་དྲ་ངོས་སུ་འཚང་ཐེངས་རེ་རེར།  ཟིན་ཐོ་ཞིག་སྤེལ་འདོད་ཀྱི་འདུན་པ་མཚོ་བཞིན་རྒྱས་ནའང་། ཟིན་ཐོ་གང་ཞིག་སྤེལ་དགོས་མིན་ཡང་མི་ཤེས་པའི་ཚོད་དུ་གདའ། དེ་ལ་ཡང་རྒྱུ་མཚན་ཁྱོན་ནས་མེད་པ་ཞིག་ག་ལ་ཡིན།

གཅིག  གངས་ཉིའི་དོན་དག

གྲོགས་གངས་ཉི་ལགས་འཛིན་བཟུང་ཐེབས་པའི་དོན་རྐྱེན་དེས། ང་ཚོ་ལ་རང་དབང་གི་ཁོར་ཡུག་ལག་མཐིལ་ཙམ་ཞིག་ལས་ལྷག་མེད་པའི།  ཆེས་ཉམ་ཆུང་གི་འཕག་འཚག་བྱ་སའི་སྨྲ་བརྗོད་ཀྱི་བསྟི་གནས་འདི་ཡང་བཙན་གྱིས་ ཁྱུར་མིད་བྱ་འདོད་ཀྱི་བརྡ་རྟགས་རྒྱབ་ཟིན་པས།  ང་རང་ངོས་ནས་བློ་ཕམ་ཆེན་པོ་སྐྱེས་བཞིན་ཡོད། སྤྱིར་ན་བོད་མི་ཞིག་འཛིན་བཟུང་ཐེབས་སོང་ན་དེ་ནི་སྤྱི་ཕྱོགས་ནས་བཤད་ན་དེ་ འདྲའི་ཕངས་སེམས་དང་དང་དོད་བྱ་རིན་ཆེན་པོ་མེད་སྣང་སྐྱེས་ནའང་། དོན་དག་འདིའི་ཕུགས་ནས་ང་ཚོར་འཇིགས་སྐྲག་རིགས་ཤིག་གི་ངོ་གདོང་གང་གསའ་དང་ གསེང་ནས་སྟོན་གྱིན་པ་མ་ཡིན་ནམ།  སྨྲ་ལྕེ་འབྲེག་འདང་ཡོད་པའི་འཇིགས་སྐྲག་རིགས་ཤིག་གི་ངོ་གདོང་དེ།  མང་གཙོ་དང་རང་དབང་གི་འབོད་སྐད་གཉོམ་པོ་དྲག་པོའི་དཔུང་གིས་བཀག་སྡོམ་བྱ་བཞིན་ ཡོད་པའི་འཇིགས་སྐྲག་རིགས་ཤིག  གནད་འགག་འདི་འདྲ་སླེབས་པ་ན་ང་ལ་དངོས་གནས་ཟིན་ཐོ་སྤེལ་འདོད་ཀྱི་བློ་མེད་གི  འཇིགས་སྐྲག་རིགས་འདི་ནི་ང་ཚོ་བོད་མི་ཁོ་ནས་མ་ཡིན་པར། འགྲོ་བ་མིའི་རིགས་ཀྱི་འཇིགས་སྐྲག་རིགས་ཤིག་ག་ལ་མིན། ང་ཚོས་ནམ་ནམ་ཞར་ཞར་ལ་རང་ངོ་རང་གི་ལག་པས་བཀབ་ནས་རང་ངོ་མི་མཐོང་ཁུལ་བྱས་ནས་ འདུག་དགོས་སམ། དོན་དམ་ང་ཚོས་ག་རེ་བྱས་ན་དགའ་ཨང་།
Read the rest of this entry »

དམར་གསོད་བྱས་པའི་དགེ་རྒན་ལ་མྱ་ངན་ཞུ།

སྤྱི་ ལོ་ཉིས་སྟོང་དགུ་ལོའི་ཟླ་གསུམ་པའི་ཚེས་༢༡ཉིན་གྱི་གཟའ་སྤེན་པའི་སྔ་དྲོ་དུས་ ཚོད་༡༡དང་སྐར་མ་༤༠ཡས་མས་སུ། མཚོ་སྔོན་ཞིང་ཆེན་བོད་སྨན་ཁང་ཁོང་ནད་ཚན་ཁང་གི་ཀྲུའུ་རིན་སྨན་པ།ཆེད་མཁས་པ། སྨན་པ་པད་མ་ཚེ་བརྟན་ཁོང་རང་སྟབས་མ་ལེགས་པར་གཤེད་མའི་ལག་ཏུ་ཤོར་ནས་གཞུང་ལས་ ཁང་དུ་རང་སྲོག་ཤོར་བ་རེད། ཁོ་རང་ནི་དེ་སྔར་བདག་དང་བདག་འདྲ་བའི་གསོ་རིག་གི་ལས་གཉེར་བའི་སློབ་མ་མང་པོ་ ཞིག་གི་དགེ་རྒན་དང་།ལོ་ངོ་ཉི་ཤུ་ལྷག་གི་རིང་ནད་པ་མང་ཚོགས་ལ་ནད་བཅོས་ཞབས་ཞུ་ བསྒྲུབས་པའི་སྨན་པ་བཟང་པོ། ད་དུང་བུ་ཕྲུག་ཞིག་གི་ཕ་ལོ་དང་། ཆུང་མའི་སེམས་ཀྱི་གཏད་སོ། ཕ་མའི་གཅེས་ཕྲུག་ཞིག་གི་འགན་འཁུར་མངའ་བའི་ཚེ་སྲོག་གི་རྒྱུན་ཐག་བསྲིངས་མི་ ཞིག་རེད། ཡིན་ཡང་གློ་བུར་ཞིང་སྐྱི་གཡའ་བའི་དོན་རྐྱེན་འདིས་མི་མང་པོ་ཞིག་ལ་སེམས་ཀྱི་ རྨ་ཁ་བཟོས་ཡོད་པ་དང་བདག་སེམས་ཀྱང་འཁྱག་སིབ་སིབ་ཏུ་སྣང་བས་དགེ་རྒན་ཁོང་རང་ལ་ མྱ་ངན་ཞུ་བ་ལགས། ཆབས་ཅིག་ཚེ་སྲོག་ལ་རྡོག་བརྫིས་གཏོང་མཁན་གྱི་གཤེད་མ། མ་རུང་སྡུག་རྩུབ་ཅན་གྱི་ལག་དམར་ཁོ་དང་ཁོ་རང་ཚོ་འདྲ་བ་རྣམས་ལ་ངོ་རྒོལ་མཐའ་ གཅིག་ཏུ་བགྱིས་པ་ཡིན། དོན་རྐྱེན་འདིའི་བྱུང་རྐྱེན་དང་གོ་རིམ།མཇུག་འབྲས་ལ་ལས་ཁུངས་དང་སྤྱི་བདེ་མི་ སྣས་དབྱེ་ཞིབ་བགྱི་བཞིན་པས་སྒང་ཡིན་ལ་ཚོད་དཔག་སོགས་ཀྱིས་དོན་ལ་ཕན་ཐོགས་མི་ ཡོང་བའི་ཁར་ཐག་ཞོར་འབྲེང་འདྲུལ་མི་ཡོང་བའི་ངེས་པའང་མེད་པའི་རེ་ཞིག་བཏང་ སྙོམས་སུ་བསྐྱུར་བ་དང་། རང་ཉིད་འབངས་མི་དཀྱུས་མ་ཞིག་གི་ཚུལ་དུ་ཆེས་མཐོ་མི་དམངས་སྲིད་གཞུང་ལ་སྐད་ཆ་ འགའ་ཞུ་འདོད་པ་ཡིན། Read the rest of this entry »

གྲོགས་གངས་ཉི་ལ།

ན་གཞོན་དཔུང་སྡེའི་འོད་དཀར་ནས།

ཟླ་གཉིས་ཙམ་གྱི་སྔོན
ཁྱེད་ཀྱི་ཧི་གཟུགས་ནས་ངས་ཡོད་ཚད་རེ་གཞག་དང་དུང་ཞེན་ཞིག་གིས་ཁུར
དུས་དེར་ཁྱེད་ཀྱི་ང་མི་ཤེས་ལ་ངས་ཁྱེད་ཀྱང་མི་ཤེས
ཟླ་གཅིག་ཙམ་གྱི་སྔོན
ངས་ཁྱེད་ལ་དུང་ཞེན་ཀྱི་ཡི་གེ་སྤྲིངས
ངས་ཁྱེད་ལ་སེམས་གཏིང་ནས་སྐད་ཆ་བཤད་འདོད་བྱུང
དུས་དེར་ཁྱེད་ཀྱི་མི་རིགས་ལ་བཅངས་བའི་ཤ་ཞེན་གྱིས་ངའི་སེམས་པ་མེ་རུ་འབར་བཅུག་སོང
དུས་དེར་ཁྱེད་ཀྱི་ང་སུ་ཡིན་གྱི་སྐད་ཆ་འདྲི་བཞིན་ཁྱེད་ཀྱི་སེམས་པ་སྤྲོ་སེམས་ཀྱིས་ཁེངས་སོང
ངའི་སེམས་ཀྱི་རང་གཤིས་ལྷད་མེད་ཀྱི་གྲོགས་མཆོག
ཉིན་དེ་ནས་བཟུང་ཁྱེད་ཀྱི་མི་རིགས་འདིར་བཅངས་བའི་བརྩེ་སེམས་རེ་རེ་གསུངས་བྱུང་ལ
རྒྱབ་བརྟེན་རི་འདྲ་བོ་ཞིག་གི་ཚད་ལ་ཁྱེད་ཀྱི་ཡིད་ཆེས་བྱས
ཉིན་འདི་གའི་རིང་ངའི་སེམས་ཀྱི་རྨ་ཁ་ཁྲག་ཡིན་ལ
ཁྲག་ཐིགས་གི་འཕར་རྩ་རེ་ན་དངོས་གཏན་མེད་པའི་བཟོད་བྲལ་གྱི་སྡུག་བསྔལ་ཞིག
ངས་མཐོང་བཞིན་པའི་དྲང་བདེན་གྱི་འཕྲང་ལམ་འདི་ནས
སྔོན་ཡང་དཔའ་བོ་ཞིག་ཤོར་ཟིན་ལ
ད་ལྟ་ཡང་དཔའ་བོ་ཞིག་འདས་ཟིན
འདི་དག་བསམ་གཞིག་གི་རྨི་ལམ་ན་ང་ཁྱེད་ལ་དུང་ཞིངཁྱེད་ལ་སེམས་འཚབ་ཆེ
ཤེས་འཇོན་གཉིས་ཀྱིས་ཕྱུག་པའི་དཔའ་བོ་ཁྱེད
དངོས་གནས་བརྒྱ་ཕྲག་གི་ཚེ་སྲོག་དང་མཚུངས
འདི་ལྟར་བསམ་ན་ངུ་འབོད་ཀྱིས་ཀི་སྒྲ་སྒྲོགས་འདོད་ལ
འདི་ལྟར་བསམ་ན་དཔལ་དོན་འགྲུབ་རྒྱལ་གྱི་རྗེས་ཉེག་འདོད་ཀྱང་བྱུང
ཨ་ཨ་་་   སེམས་ཀྱི་མི་ལྕེ་དམར་པོ་ཇི་ལྟར་བརྗོད་དགོས་་་་
འདི་གཏན་མེད་པའི་ལ་ལུང་ནས
འདི་གཏན་མེད་པའི་སྐད་ཆ་འདི་སུ་ཞིག་གིས་ཉན
༢༠༠༩།༣༢༤

གྲོགས་གངས་ཉི་ལས་འཕྲོས་པའི་གཏམ།

གྲོགས་གངས་ཉི་ལས་འཕྲོས་པའི་གཏམ།

ཞོགས་ལྗང་།

དང་བོ། གངས་ཉི་དང་བདག་གི་གསང་བ།

ཉེ་བའི་ལོ་འགའི་སྔོན་ལ་ང་རང་ནུབ་བྱང་མི་རིགས་སློབ་ཆེན་གྱི་བོད་རིགས་སློབ་ཆེན་སློབ་མ་ཞིག་གི་མིང་བྱང་འཁུར་མཁན་ཞིག་ཏུ་གྱུར་ལ།  བོད་ཡིག་ཟིན་བྲིས་ཀྱང་དེ་དང་མཉམ་དུ་བདག་གི་མི་ཚེ་ལ་ལམ་འཇུག་བྱེད་མཁན་ཐོག་མའི་གྲས་མ་རེད་ཅེས་སུས་ཀྱང་ཁ་ཚོན་གཅོད་ག་ལ་ཐུབ། དུས་དེ་ནས་བཟུང་ངས་དྲ་ཐོག་གི་གྲོགས་པོ་མང་བོ་ཞིག་ངོ་ཤེས་ཤིང་འདྲིས་པར་གྱུར། ཐ་ན་ངའི་གྲོགས་པོ་ཐེའུ་རང་དང་ངེད་གཉིས་ཀྱང་འཛིན་གྲྭ་གཅིག་གི་སློབ་གྲོགས་སུ་གྱུར་བ་ནས་སྙིང་གཏམ་གླེང་བ་མ་ཡིན་པར། དྲ་བ་གཅིག་གི་དྲ་གྲོགས་སུ་གྱུར་བ་ནས་ངེད་གཉིས་ལ་འབྲེལ་འདྲིས་བྱུང་བ་ཡིན། དྲ་ཐོག་གི་གྲོགས་པོ་འདི་དག་ལས་གྲོགས་གངས་ཉི་ལགས་ནི་ང་ལ་བག་ཆགས་ཆེས་ཟབ་ཅིང་།  བློ་སེམས་ཆེས་ཉེ་བའི་གྲོགས་པོ་ཞིག་ཡིན་ལ། ང་དང་འདྲ་བའི་དྲ་གྲོགས་ཁྱོད་ཚོ་ཡང་ཁོ་ལ་བར་ཐག་ཤིན་ཏུ་ཉེ་བར་ངེས། ནམ་རྒྱུན་དྲ་བ་བརྒྱུད་ནས་ངས་ཁོང་གི་བསམ་བློ་དང་སྙིང་སྟོབས་ཀློག་གིན་ཡོད་ལ། ཁོས་ཀྱང་ངའི་བརྩམས་ཆོས་འགའ་རེ་ཀློག་གིན་ཡོད་ཅེས་ང་ལ་ཡང་དང་བསྐྱར་དུ་བཤད་མྱོང་ཞིང་།  སྙིང་སྟོབས་དང་སྒུལ་ཤུགས་མང་དུ་བྱིན་མྱོང་བ་ཁྱོད་ཚོས་ག་ལ་ཤེས།  Read the rest of this entry »

༄༅།།བརྗེད་མི་སྲིད་པའི་གངས་ཉི། ངོ་མི་ཤེས་པའི་གངས་ཉི།

བོད་ ཀྱི་རྩོམ་པ་པོ་གངས་ཉི་འཛིན་བཟུང་བྱས་འདུག བོད་ནང་གི་རྩོམ་པ་པོ་མང་པོས་ཁོང་ལ་རྒྱབ་སྐྱོར་བྱེད་ཀྱི་འདུག གཤམ་གྱི་རྩོམ་དེ་འབའ་མཁྱེན་པས་བྲིས་འདུག ༄༅།།བརྗེད་མི་སྲིད་པའི་གངས་ཉི། ངོ་མི་ཤེས་པའི་གངས་ཉི།

༄༅།།བརྗེད་མི་སྲིད་པའི་གངས་ཉི། ངོ་མི་ཤེས་པའི་གངས་ཉི།

༈ དེང་སྐབས་ང་ཚོའི་དྲྭ་ངོས་ན་གླེང་ཕྱོགས་ཁྱད་པར་བ་ཞིག་ཡོད་པ་དེ་ནི་དྲྭ་རྩོམ་ རེ་ཀློག་ན་ཡང་ངོ་ཤེས་མིན་དང་གྲོགས་པོ་ཡིན་མིན་གྱི་དབང་གིས་དེའི་རྩོམ་ཡིག་ལ་ དེ་ལུགས་ཀྱིས་གདེང་འཇོག་བྱེད་ཀྱིན་མཆིས་པའི་༼མང་ཕྱོགས་ཀྱི་དབང་དུ་བྱས་ནས་ ལབ་པ།༽འགྲོ་ལུགས་འདིའི་དབང་དུ་བཏང་ན་ང་རང་གངས་ཉི་ཟེར་བ་དེར་གསལ་ཆ་ཅི་ཡང་ མེད་པར་མ་ཟད། ངོ་ཙམ་ཡང་མི་ཤེས་པས་གླེང་དོན་གཏན་ནས་མེད་པ་ལྟར་སྣང་ཡང༌། ནམ་རྒྱུན་ཁོའི་འགན་འཁྲིའི་འདུ་ཤེས་ཀྱིས་ཕྱུག་པའི་དྲྭ་རྩོམ་རེ་རེས་བདག་གི་ སེམས་སུ་བག་ཆགས་བསུབས་མེད་ཅིག་བཞག་པས་ངས་ཁོ་རང་བརྗེད་ག་ལ་སྲིད་ཅིང༌། བོད་མི་སྤུན་གྲོགས་གཞན་དག་ལའང་དེ་འདྲ་བའི་བག་ཆགས་བཞག་ཡོད་སྲིད་པས་དེ་ཚོས་ ཀྱང་བརྗེད་མི་སྲིད། ཡིན་ནའང༌། ཁོས་བཙོན་ར་ལས་མྱོང་གིན་པའི་དཀའ་སྡུག་དེ་སུས་ཀྱང་ཚོད་དཔག་བྱེད་དཀའ་བའི་གནས་ ཤིག་ཏུ་ལགས་ངེས་པས་ད་ལྟ་ངས་ཅི་ཞིག་གླེང་དགོས་པའང་ཡེ་ནས་ཤེས་ཀྱིན་མེད། གྲོགས་པོ་དག ཁྱོད་ཚོའི་དགོངས་འཆར་ལྟར་ན།

༈ དངོས་གནས་ལོ་འདི་དག་གི་རིང་ལ་བྱུང་བའི་སེམས་པ་འཐག་པའི་བརྒྱུད་རིམ་རེ་རེའམ། ཡང་ན་ད་དུང་དེས་ཀྱང་མི་ཚད་པའི་བགྲང་བྱ་གང་མང་གི་རིང་ནས་ང་ཚོ་གོད་ཆག་སྐྱུར་ པོའི་བཞུར་རྒྱུན་ལས་ཐར་དཀའ་སྟེ། ཤི་མདའ་ཁོག་ཏུ་བཅུག། རྨ་ཁ་ཚིལ་གྱིས་གསིར་ནས།། ཁ་བགད་རུང་ཁོག་ན་སྡུག་ཅིག། མིག་ཁྲ་རུང་མཐའ་རུ་ཆུ་ཞིག་འཁྱིལ་ནས་ཨུ་ཚུགས་ཀྱིས་བཟོད་བསྲན་ཅི་ལྟར་བསྒོམས་ ཀྱང༌། གློ་བུར་གློ་བུར་དུ་ལུག་ཁྱུར་སླེབས་པའི་སྤྱང་ཚོགས་ལྟར་ང་ཚོའི་ཤེས་ལྡན་པ་རེ་ རེའམ། དཔའ་བོ་དཔའ་མོ་ཚོ་གར་མེད་གང་མེད་ཀྱིས་བརླགས་འགྲོ་བར་བསམས་ན། འཆམ་མཐུན་ཞེས་པའི་ཐ་སྙད་སྐམ་པོ་དེའི་ཅི་ཕྱིར་ཡོད། Read the rest of this entry »

རྒྱ་དཔོན་འུ་ཐུག་པས་པྞ་ཆེན་རྫུན་མར་སྡིག་མོ་བྱེད།།

ཉི་མ་རྒྱལ་པོ་ཤར་པ། ཝ་ྞ་མཐོ་སློབ།
རྒྱ་གར་གྱི་ཉིན་རེའི་གསར་ཤོག་ཞིག་གྱི་ནང་དུ་རྒྱ་དཔོན་ལ་རྒྱབ་སྐྱོར་བྱོས། པྞ་ཆེན་བླ་མས་གསུངས། ཞེས་འགོ་བརྗོད་དུ་བཀོད་པའི་གནས་ཚུལ་སྤེལ་བའི་ནང་དོན་དུ་རྒྱ་གཞུང་གིས་ངོས་འཛིན་བྱས་པའི་པྞ་ཆེན་རིན་པོ་ཆེས་རྒྱ་གཞུང་གི་མགྲིན་ཚབ་བྱས་ནས་ཧི་མཱ་ལ་ཡའི་ས་ཁུལ་གྱི་མི་རིགས་ལ་དམར་ཤོག་གི་དཔོན་རིགས་ལ་རྒྱབ་སྐྱོར་བྱོས་ཞེས་གསུངས་འདུག་ཅེས། ས་གནས་གསར་དགོད་པས་བརྗོད་ཡོད།
རྒྱལ་རབས་ལོ་རྒྱས་ཀྱི་ཐོག་ནས་བལྟས་ན་ཧི་མཱ་ལ་ཡའི་མི་རིགས་ཀྱི་ཆོས་དང་རིག་གཞུང་ཡུལ་གོམས་ལུགས་སྲོལ་ཐམས་ཅད་བོད་མི་དང་གཅིག་མཚུངས་ཡིན་པས་ངེད་ཅག་ནི་བོད་མི་དང་ནམ་ཡང་ཁ་འབྲལ་ཐབས་མེད་ལ། རྒྱ་མི་དམངས་སྤྱི་མཐུན་རྒྱལ་ཁབ་ཀྱིས་བོད་ཀྱི་བསྟན་སྲིད་ལ་གནོད་ཚབས་ཤིན་ཏུ་ཆེན་པོ་བཏང་དང་གཏོང་བཞིན་པའི་གནས་རྟངས་དེར་གཞིགས་ན་ངེད་ཅག་ཧི་མཱ་མ་ལ་ཡའི་མི་རིགས་ལྟ་ཅི་སྨོས། འཛམ་གླིང་ནང་ཞི་བདེ་དང་བདེན་པར་གཙིགས་ཆེར་བྱེད་པའི་སྐྱེ་བོའམ་མི་རིགས་ཀུན་གྱིས་བཟོད་བསྲན་ག་ལ་བྱེད་ཐུབ། རྒྱ་དཔོན་ཚོས་དཀར་ནག་གོ་ལྡོག་པའི་ཆེད་དུ་པྞ་ཆེན་མ་ཡིན་པར་པྞ་ཆེན་རིན་པོ་ཆེའི་མཚན་བཏགས་ནས་བཙན་དབང་གིས་ངང་མི་མི་དམངས་ལ་སླུ་ཁྲིད་བྱེད་འཇུག་གི་ཡོད་པ་ནི་ཕྱི་གསལ་ནང་གསལ་དུ་གྱུར་ཡོད་པས། གོང་དུ་པྞ་ཆེན་རྫུན་མས་གསུངས་པ་དེའང་རྒྱ་དཔོན་གྱིས་ཁོང་ལ་སྡིག་དམོད་བྱས་ནས་དེ་ལྟར་གསུངས་བཅུག་པ་ཐག་གིས་ཆོད། འདི་ནི་རྒྱ་དཔོན་གྱི་རྫུན་གཏམ་ལ་ཡིད་ཆེས་བྱེད་མཁན་མེད་རྐྱེན་རྒྱ་དཔོན་ནམ་རྒྱ་གཞུང་ཐབས་ཟད་ཅིང་འུ་ཐུག་པའི་གནས་སྟངས་སུ་སླེབས་པའི་རྟགས་མཚན་ཉག་གཅིག་ལོས་ཀྱང་ཡིན་ཞེས་ཚིགས་གཅད་ཀྱི་ཕྲེང་མཛེས་ཤིག་བོད་མིའི་སྤྱན་ལམ་དུ་ཕུལ་འདོད་བྱུང་། Read the rest of this entry »

འོད་ཐིགས་ལ་དུངས་པའི་གཏམ།

བེ་རི་འཇིགས་མེད་དབང་རྒྱལ།
===========
ཕན་བདེའི་ཟླ་བ་གངས་རིའི་རྩེ་ནས་འཚར༎
དཀར་གསལ་འོད་སྣང་འཛམ་གླིང་ཁྱོན་ལ་བརྡལ༎
བྱམས་བརྩེའི་དཀྱིལ་འཁོར་ནམ་མཁའི་དབྱིངས་ནས་རྫོགས༎
མུན་སེལ་འོད་ཐིགས་ནམ་ཡང་སིལ་གྱུར་ཅིག།

སྟོང་གསལ་སེམས་ཉིད་རིག་པའི་ཁྱེའུ་ལ༎
ཀུན་རྟོག་མངར་སྐྱུར་ངེས་མེད་བྲོ་བའི་རོ༎
སྟེར་མཁས་སྒོ་ལྔའི་སྤྲེ་འུའི་འགྲོ་འདུག་གིས༎
ངེས་མེད་འགྱུར་འགྲོས་རྩེན་པ་སུ་ཡིས་འགོག།
Read the rest of this entry »

བལྟ་མི་བཟོད་པའི་གློག་བརྙན་ཞིག

གཤམ་གསལ་གྱི་གློག་བརྙན་འདི་ནི་ཧ་ཅང་བལྟར་མི་བཟོད་པའི་གློག་བརྙན་ཞིག་རེད་འདུག ཡིན་ན་ཡང་། དྲ་ཐོག་ལ་ཁྱབ་འདུག ཀླ་ཀློའི་སྤྱོད་པ་ཟེར་བ་དེ་འདི་འདྲ་ཞིག་ལ་གོ་དགོས་པ་ལས་གཞན་ཅི།

http://www.youtube.com/watch?v=PqjC9Wa3sxE

དཔལ་འབྱོར་ཉམས་རྒུད་སྐོར་གྱི་དྲི་བ་ཞིག

སྤོབས་པ་མཐའ་ཡས།
ཨ་མེ་རི་ཁ་ནས་མགོ་ཚུགས་པའི་དཔལ་འབྱོར་ཉམས་རྒུད་བྱུང་སྟངས་དེར་ངོ་སྤྲོད་ཁ་གསལ་རེ་བྱེད་ཐུབ་བམ། ལ་ལས་བཤད་ན་དེ་ནི་ཨ་མེ་རི་ཁའི་ཚོང་སྡེ་ཁག་ཁ་ཤས་ཤིག་གིས་བུན་གཏོང་བྱས་ཉེས་ལས་བྱུང་བ་རེད་ཟེར། དེ་ལྟར་ཡིན་ན་ཡང་སྙིང་དངུལ་དེ་སུའི་ལག་པར་ཡོད་པ་རེད། ལ་ལས་ཨ་མེ་རི་ཁས་དམག་འཁྲུགས་རྒྱག་ཡུན་རིང་དྲགས་པས་རེད་ཟེར། དེ་ལྟར་ཡིན་ན་ཨ་མེ་རི་ཁའི་གཞུང་ལ་དངུལ་མེད་པ་མ་གཏོགས་སྒེར་ཁག་དང་ཡུལ་ལུང་གཞན་ལ་ཤུགས་རྐྱེན་ག་འདྲ་བྱས་ནས་ཐེབས་པ་རེད། དཔེར་ན། འཛམ་གླིང་འདི་ཁང་པ་ཞིག་ཡིན་ཞིང་ཁང་པ་དེའི་ནང་དུ་མི་བཅུའི་རྒྱན་རྩེད་རྩེ་བཞིན་ཡོད་ན་མི་གཅིག་གིས་དངུལ་ཡོངས་རྫོགས་ཤོར་སོང་རུང་མི་གཞན་ཞིག་ལ་ཐོབ་པ་ལས་འོས་མེད་པ་བཞིན་ཨ་མེ་རི་ཁའི་ཚོགས་སྡེ་ཁ་ཤས་ལ་ཚོང་ཉེས་བྱུང་བས་འཛམ་གླིང་ཡོངས་ལ་རྡིབས་སྐྱོན་ག་འདྲ་བྱས་ནས་བྱུང་བ་རེད།
ལ་ལས་འཛམ་གླིང་འདི་གཅིག་ལ་གཅིག་བརྟེན་ཡིན་སྟབས་གཅིག་ལ་དངུལ་མེད་ན་ཐམས་ཅད་ལ་མེད་པ་ཆགས་པ་རེད་ཟེར། དེ་ལྟར་ན་སུ་གཅིག་ལ་ཡང་དངུལ་མེད་ན་དངུལ་དེ་གང་དུ་ཕྱིན་པ་རེད། ལ་ལས་དངུལ་རང་ཤོག་བུ་ཡིན་སྟབས་གང་དུ་ཡོད་མེད་ལ་ཁྱད་མེད་པར་གཙོ་བོ་རྒྱུ་དངོས་ཀྱི་མ་རྩ་དེ་སུའི་ལག་ལ་ཡོད་མེད་དེ་གཙོ་བོ་རེད་ཟེར། དེ་ལྟར་ན་འཛམ་གླིང་འདིར་རང་བྱུང་ཐོན་རྫས་དང་ཐོན་སྐྱེད་དངོས་རིགས་ལ་ཚབ་ཆེའི་ཉམས་རྒུད་གང་ཡང་མ་བྱུང་བར་སྔར་མུས་བཞིན་ཐོན་གྱིན་ཡོད་སྟབས་གློ་བུར་དུ་ཉམས་རྒུད་ག་འདྲ་བྱས་ནས་ཕྱིན་པ་རེད།

རྩོམ་མདོ་ཁམས་ཧོར་ཐང་ཆེན་མོ་རྩོམ་པ་པོ་ངོ་སྤྲོད་མདོར་བསྡུས།

བེ་རི་འཇིགས་མེད་དབང་རྒྱལ།

སེམས་མཐའ་མཁའ་ལ་ཟུག་པའི་ཚོར་སྙེགས་ཀློང༌།།
ས་མཐའ་རིག་པས་བསྐོར་བའི་བརྗེད་ཐོ་རིས།།
མུ་མཐའ་མེད་པའི་གནམ་སའི་བར་སྲུབས་ནས།།
ཟད་མཐའ་བྲལ་བའི་ལྟད་མོའི་སྣང་བརྙན་སྐྲུན།།

མདོ་ ཁམས་ཧོར་ཐང་ཆེན་མོའི་ཚེ་སྲོག རྩོམ་པ་པོ་བྲག་སྨོན་ཡ་མ་རཱ་ཛ། མཚན་དངོས་བྲག་འགོ་དགེ་བཤེས་ཡེ་ཤེས་འོད་ཟེར་ནི། བོད་ཕྱི་ནང་གི་མི་སྣ་མི་ཉུང་བ་ཞིག་གིས་ངོ་ཤེས་ངེས་ལ། གལ་ཏེ་ངོ་མི་ཤེས་པ་ཆ་བཞག་ནའང་མ་མཐའ་ཡང་མིང་འདི་གོ་མྱོང་སྲིད། ཁོང་ གིས་དེ་སྔོན་དེབ་གཉིས་བྲིས་ཟིན་པའི་སྒང་ལ། རང་ཉིད་ཀྱི་ལོ་རྒྱུས་ངོ་སྤྲོད་མདོ་བསྡུས་རེ་ཡོད་པ་དེ་གས་མ་འཐུས་པ་མེད་མོད། འོན་ཀྱང་དེབ་སྔ་མ་གཉིས་བཀླགས་མྱོང་མེད་མཁན་དང༌། གལ་ཏེ་ཀློག་མྱོང་ནའང་ངེས་ཤེས་གསལ་པོ་མེད་པ་ཚོའི་ཆེད་དུ། དེབ་འདིའི་མགོར་ཡང་རྩོམ་པ་པོའི་ངོ་སྤྲོད་རགས་བསྡུས་ཤིག་གླེང་འདོད་བྱུང༌། Read the rest of this entry »

བོད་ཁམས་ཉུལ་བ་ཞེས་པའི་དེབ།

དགེ་འདུན་རབ་གསལ།
ajam-bookབདུན་ཕྲག་གཉིས་ཙམ་གྱི་གོང་དུ་ཕྲན་ལ་ ཨ་འཇམ་དབྱངས་ཚུལ་ཁྲིམས་ཀྱིས་བརྩམས་པའི་”བོད་ཁམས་ཉུལ་བ་”ཞེས་པའི་དེབ་དེ་རག་བྱུང་། དེབ་ཀྱི་ཆེ་ཆུང་དང་མཐུག་ཚད། དེ་ནས་ཇུས་འགོད་བཅས་ཀྱིས་དེང་སང་གི་འགྲུལ་བསྐྱོད་པའི་ལག་དེབ་ཅིག་ཡིན་པའི་ཚོར་སྣང་སྟེར། ཁ་ཕྱེ་ནས་བམ་ཀློག་རེ་བྱེད་དུས་འདི་ན། དེང་སང་གི་འགྲུལ་བསྐྱོད་པའི་ལག་དེབ་༼guide book༽ཅིག་དང་མི་འདྲ་བ་འགའ་ཞིག་ཡོད་ལ། དཔེར་ན། ས་ཁྲ་དང་པར་རིས་མང་པོ་མེད་ཅིང་། ཚོང་ཟོག་དང་མགྲོན་ཁང་། ལྟ་སྐོར་ཡུལ་ཁམས་ཀྱི་ངོ་སྤྲོད་སོགས་མེད་པ་རེད། འདི་ཚོ་ཡོད་ན་ཨ་འཇམ་གྱི་དེབ་འདིའི་མཐུན་རྐྱེན་ནམ་བཟང་ཕྱོགས་ཀྱི་རྣམ་པ་ཞིག་ཡིན་མིན་གོར་མ་ཆག Read the rest of this entry »

ཕ་ཡུལ་ལ་བསྟོད་པ་སྐྱོ་བོ་ཞིག

ཁྱེད་ཀྱིས་འདི་གཅིག་གཟིགས་ནས་ང་ལ་བསམ་ཚུལ་ཞིག་གསུངས་དང་།

 

http://www.youtube.com/watch?v=CeJ3cQdD3ck&feature=related

བོད་ནས་yahoochat ནང་བཏང་བ།

སེམས་པ་སྐྱོ་བའི་གླུ་ཞིག།
ཕ་ཡུལ་ཕྱོགས་ནས་བླངས་ཡོད།
བོད་ཁམས་སྟོད་སྨད་ཀུན་ལ།
བཙོན་དང་དམག་མིས་འཁེངས་འདུག

གསོན་པོ་རང་དབང་བྲལ་བ།
གཤིན་པོ་མར་མེ་བྲལ་བ།
ཕ་མ་བུ་ཕྲུག་མེད་པ།
བུ་ཕྲུག་མགོ་འདོན་མེད་པ།
Read the rest of this entry »

ཨེ་མོ་རི་གཙུག་ལག་སློབ་གཉེར་ཁང་དུ་བོད་ཀྱི་བདུན་ཕྲག་སྲུང་བརྩི་གནང་རྒྱུ་རེད།

སངས་རྒྱས་བཀྲ་ཤིས་ཀྱིས།
————–
ཨ་རིའི་ཇོར་ཇི་ཡ་མངའ་སྡེའི་གྲོང་ཁྱེར་ཨེ་ཊི་ལན་ཌའི་ནང་ཡོད་པའི་ཨེ་མོ་རི་གཙུག་ལག་སློབ་གཉེར་ཁང་གིས་ཟླ་འདིའི་ཚེས་༢༣ ཉིན་ནས་བཟུང་བདུན་གཅིག་རིང་ལ་བོད་ཀྱི་བདུན་ཕྲག་སྲུང་བརྩི་བྱེད་རྒྱུ་ཡིན་པ་དང་། ལས་གཞིའི་དབུ་འབྱེད་ཀྱི་ཉིན་ལ་༧གོང་ས་སྐྱབས་མགོན་ཆེན་པོའི་སྐུ་ཚབ་བློ་བཟང་སྙན་གྲགས་ལགས་ཆེད་ཕེབས་ཀྱིས་བོད་ཀྱི་ད་ལྟའི་གནས་བབ་ངོ་སྤྲོད་དང་བསྒྲགས་ནས་གཏམ་བཤད་གནང་རྒྱུ་རེད།
བདུན་ཕྲག་གཅིག་རིང་གི་ལས་རིམ་ཁྲོད་དུ་བོད་དང་འབྲེལ་བའི་ལས་གཞི་སྣ་མང་ཞིག་སྤེལ་རྒྱུའི་ཁྲོད་དུ། ནོར་གླིང་ནས་ཕེབས་པའི་ལྷ་བྲིས་པ་གཉིས་ནས་བོད་ཀྱི་ལྷ་བྲིས་སྒྱུ་རྩལ་ངོ་སྤྲོད་དང་། དེ་བཞིན་བོད་ཕྱི་ནང་གཉིས་ནས་ཕེབས་པའི་ཚན་རིག་ཡིག་སྒྱུར་བ་མང་པོ་ཞིག་གིས་རྒྱལ་སྤྭིའི་བོད་ཀྱི་ཚན་རིག་ཡིག་སྒྱུར་བྱ་བའི་སྐོར་ལ་བགྲོ་གླེང་གནང་རྒྱུ་རེད།

བོད་ཀྱི་བདུན་ཕྲག་ནི་ཕྱི་ལོ་ ༡༩༩༨ལོར་ཨེ་མོ་རི་དང་བོད་ཀྱི་མཐུན་ཚོགས་དབུ་བརྙེས་པ་ནས་བཟུང་ལོ་རེར་ཐེངས་རེར་སྤེལ་བཞིན་པའི་ལས་གཞི་ཞིག་ཡིན་པ་དང་། ཨེ་མོ་རི་གཙུག་ལག་སློབ་གཉེར་ཁང་གི་སློབ་དཔོན་དགེ་བཤེས་བློ་བཟང་བསྟན་འཛིན་ལགས་ཀྱིས་ལས་གཞི་འདིའི་གཙོ་འཛིན་གནང་གི་ཡོད་པ་རེད། བོད་ཀྱི་བདུན་ཕྲག་གི་ཞིབ་ཕྲའི་གནས་ཚུལ་དང་ཉིན་རེའི་གསར་འགྱུར་ལ་གཟིགས་འདོད་ན། ཨེ་མོ་རི་དང་བོད་ཀྱི་མཐུན་ཚོགས་ཀྱི་བོད་ཡིག་དྲ་གནས་སུ་ཕེབས་རོགས།
http://kiind.com/tibetweek/index.html
འདི་ནི་ཕྱི་རྒྱལ་ནས་ཕྱི་རྒྱལ་གྱི་ཚོགས་པ་ཞིག་གིས་བསྐྲུན་པའི་ལོ་རྒྱུས་ཐོག་གི་བོད་ཡིག་དྲ་གནས་ཐོག་དང་པོ་ཡང་ཆགས་ཀྱིན་ཡོད།

བོད་འགྱུར་ཚན་རིག་གི་གཞུང་ལུགས་ཤིག་གླེང་བ།

ཀུན་གསལ་ནས
———–
ཚན་རིག་པ་ཁྲེ་ཁོ་ཕ་རིང་དང་ཁོང་གི་གཞུང་ལུགས།
ཚན་རིག་གསར་བརྗེ་མེས་པོ་རུ་འབོད་པའི་ནི་ཁོ་ལའ་སུ་ཁོ་ཕེར་ནིཀས་(Nicolas Copernicus,1473-1543)མཆོག་གིས་གནའ་བོའི་ཚན་རིག་པ་གྲགས་ཆེན་ཕ་ཁྲོ་ལེ་མེས(Ptolemy,90-168ad)་བརྩམས་པའི་བླ་ན་མེད་པའི་བསྟན་བཅོས་(འདིའི་བཤད་སྲོལ་དུས་རབས་བཅུ་གཅིག་པའི་ནང་བོད་ལ་འགྱུར་ཡོད)ཀྱིས་ ལོ་ངོ་༡༤༠༠རིང་ལ་འཛམ་གླིང་གི་མི་ཕལ་ཆེ་བ་ཡིད་ཆེས་བསྐྲུན་པའི་འཇིག་རྟེན་གྱི་ བཀོད་པའི་བཤད་སྲོལ་ལས་ལོགས་སུ་བཤད་སྲོལ་ཞིག་གསར་གཏོད་བྱས་ནས་ཚན་རིག་གི་གསར་ བརྗེ་དུས་རབས་མགོ་ཚུགས་མོད། ཡི་ཤུའི་གསུང་རབས་གསར་མའི་བཤད་སྲོལ་དང་མ་མཐུན་པས།ཡེ་ཤུ་བ་ཚོས་ཁོ་ཕར་ནིཀས་ ཡི་གསར་གཏོད་ཀྱི་བསྟན་བཅོས་༡༨༣༥ལོའི་བར་ཏུ་བཀག་སྡོམ་བྱས་ཡོད། ཚན་རིག་པ་ཁོང་འདས་ཟིན་ནའང་ཚན་རིག་གི་གསར་བརྗེ་བ་འདས་ཚར་མེད། ཁོ་ཕར་ནི་ཁོཀས་འདས་ པའི་ལོ་གསུམ་གྱི་རྗེས་སུ་སྒྲེན་རྨག(Denmark)ནང་ཚན་རིག་གི་སྐྱེས་ཆེན་དམ་པ་ཁྲེ་ཁོ་པ་རིང་(TychoBrahe)་༡༥༤༦་ ལོར་སྐུ་འཁྲུངས།ཁོས་ལོ་ན་ཆུང་དུས་ཁྲིམས་ལ་སློབ་སྤྱོང་བྱས་ནའང་།གནམ་རིག་པ་ ཞིག་གིས་༡༥༦༠ལོའི་ཟླ་༨་ཚེས་༢༡་ལ་གཟའ་འཛིན་བརྟག་པ་ལེགས་པར་ཤེས་ཡོད་པ་མཐོང་ ནས་ཁོ་དེ་ལ་ངོ་མཚར་སྐྱེས་པས་སྐར་རྩིས་སྤྱངས། ཁོང་གིས་སྔ་ཕྱི་བྱས་ནས་སྐར་དཔྱད་ཁང་ཁ་ཤས་བཙུགས་པ་དང་དེའི་ནང་གནམ་རིག་པ་ སློབ་མ་བརྒྱ་ལ་ཉེ་བ་ཡོད་པར་བཤད།རོ་མན་སྐྱབས་མགོན་མཆོག་གིས་རྒྱབ་སྐྱོར་ལས་ ཁྲེ་ཁོ་པ་རིང་གིས་ཚད་ཐུག་ལེན་པའི་མཁོ་ཆས་བསྒྲིགས་ནས་སྐར་དཔྱད་ཁང་བཙུགས་པ་ དེ་ནི། དེ་དུས་ཡུ་རོབ་ གླིང་གི་སྐར་དཔྱད་ཁང་ཆེ་ཤོས་དང་ངོ་མཚར་ལྡན་ཤོས་ཡིན་པར་མ་ཟད། པ་རིང་ཁོང་ནི་ཡུ་རོབ་ཀྱི་ཆེས་མཐའ་མའི་རིག་པ་ཁོ་ནས་གཟའ་སྐར་བརྟག་དཔྱད་མཁན་ ཡང་ཡིན།ཁོའི་རྗེས་སུ་རྒྱངས་ཤེལ་ལ་རྟེན་ནས་གཟའ་སྐར་བརྟག་དཔྱད་བྱེད་པའི་མགོ་ ཚུགས།ཁྲེ་ཁོ་པ་རིང་གི་ལུགས་ནི་ས་གོ་ལ་འཇིག་རྟེན་གྱི་དཀྱིལ་དུ་འདོད་པའི་ཕ་ ཁྲོ་ལེ་མེ་ལུགས་དང་འཇིག་རྟེན་འདིའི་གཟའ་སྐར་ཚང་མའི་ལྟེ་བ་ཉི་མ་ཡིན་པར་འདོད་ པའི་ནི་ཁོ་ལའ་སུ་ཁོ་ཕེར་ནིཀས་ཡི་ལུགས་གཉི ས་ཀྱི་དབུས་སུ་གནས་པའི་དབུ་མའི་ལུགས་ཤིག་རེད། དེ་ཡང་ཉི་མ་དང་ཟླ་བ་གཉིས་ས་གོ་ལ་དཀྱིལ་དུ་གནས་ནས་འཁོར་གྱིན་ཡོད་པ་དང་། མིག་དམར་སོགས་གཟའ་ལྔ་དང་སྐར་མ་རྣམས་ཉི་མ་དཀྱིལ་དུ་གནས་ནས་ འཁོར་གྱིན་ཡོད་པར་འདོད།
Read the rest of this entry »

གྲོས་ཚོགས་ཚོགས་དུས་བདུན་པའི་ཐོག་ྋགོང་ས་མཆོག་གི་གསུང་འཕྲིན།

ཟླ་འདིའི་ཚེས་༡༨ཉིན་སྐབས་བཅུ་བཞི་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་བདུན་པའི་ཐོག་ྋགོང་ས་མཆོག་གིས་བོད་མིའི་མང་གཙོའི་འཕེལ་རིམ་གོང་མཐོར་འགྲོ་ཐབས་དང་ཁྲིམས་བཟོའི་ལས་དོན་གནད་སྨིན་ཡོང་ཐབས་སུ་སྤྱི་འཐུས་ཚང་མས་མང་གཙོའི་ལྟ་གྲུབ་དང༌། ཁྲིམས་ཀྱི་དབང་བསྒྱུར་ལ་སྙིང་ནས་བརྩི་བཀུར་ཐོག གུ་ཡངས་དཀྱེལ་ཆེའི་བློ་གྲོས་ཀྱིས་རྟོན་བཞིའི་འཇུག་ལྡོག་མ་འཆོལ་བའི་སྒོ་ནས་སྤྱི་སྨན་འདུན་གྲོས་ལྷུག་པོར་གནང་དགོས་ཞེས་གསུང་འཕྲིན་གནང་ཡོད་པ་རེད།
གསུང་འཕྲིན་དེའི་ནང་འཁོད་དོན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བདུན་པའི་ཐོག་ངོ་འབྱོར་སྤྱི་འཐུས་རྣམས་དང༌། རེས་མོས་ཚོགས་གཙོ་གསར་པ་བཅས་ལ་འཚམས་འདྲི་དང་བཀྲ་ཤིས་བདེ་ལེགས་བརྗོད་རྒྱུ་ཡིན། དེང་སྐབས་བོད་ནང་གི་གནས་སྟངས་དང་ང་ཚོའི་ལངས་ཕྱོགས་བཅས་ཐེངས་མར་བརྗོད་ཟིན་ཁར། ཉེ་ཆར་གསུམ་དུས་ཀྱི་ཡོངས་ཁྱབ་གསུང་འཕྲིན་དུའང་ཞིབ་འཁོད་ཡོད་པ་ཀུན་གྱི་བློ་ངེས་ཡོད་ཤག་ལ་བསྐྱར་ཟློས་མ་དགོས།
ཉེ་བའི་བདུན་ཕྲག་ཁ་ཤས་ནང་ད་ལྟའི་བོད་ཀྱི་ཛ་དྲག་གི་གནས་བབ་དང༌། བོད་མིའི་ཞི་བའི་གྱེན་ལངས་དང་བོད་གཞུང་མང་བཙན་བྱོལ་དུ་འབྱོར་ནས་ལོ་ལྔ་བཅུ་འཁོར་བའི་དུས་ཚིགས་བཅས་དང་བསྟུན་ཡོ་རོབ་དང་ཨ་རིའི་གྲོས་ཚོགས་ཀྱིས་མཚོན་རྒྱལ་ཁབ་མང་པོའི་གྲོས་ཚོགས་ཁག་གི་ཐུགས་སྣང་ཆེན་པོས་དོན་སྙིང་ལྡན་པའི་གྲོས་ཆོད་བཞག་པ་དང༌། གདུང་སེམས་མཉམ་སྐྱེད་ཀྱི་རྣམ་པ་གསལ་སྟོན་བྱས་པ་དེ་དག་གཞིས་བྱེས་བོད་མི་ཡོངས་ཀྱི་སྙིང་སྟོབས་སྤེལ་བའི་ཆ་རྐྱེན་དང༌། བོད་ཀྱི་རྩ་དོན་ལ་ཕན་ངེས་བྱུང་ཡོད།
བོད་མི་མང་སྤྱི་འཐུས་ལྷན་ཚོགས་ནི་བཙན་བྱོལ་བོད་མིའི་མང་གཙོའི་སྒྲིག་འཛུགས་གལ་གནད་ཆེ་ཤོས་ཤིག་ཡིན་པས། དེའི་ངོས་ནང་ཀྱང་དྲང་བདེན་ལ་དགའ་བའི་རྒྱལ་ཁབ་རྣམས་ཀྱི་དབུས་དང་མངའ་སྡེའི་གྲོས་ཚོགས་ཁག་དང་འབྲེལ་ལམ་གང་ཐུབ་ཀྱིས་བོད་ཀྱི་འདས་པའི་བྱུང་རབས་དང༌། ད་ལྟའི་གནས་བབ། འབྱུང་འགྱུར་གྱི་མངོན་འདོད་བཅས་ཀྱི་སྐོར་གོ་རྟོགས་གོང་མཐོར་སྤེལ་སླད་དྲིལ་བསྒྲགས་དང༌། དོན་འབྲས་ཐོན་ངེས་ཀྱི་རྒྱབ་སྐྱོར་ཐོབ་ཐབས་ཀྱི་འབད་རྩོལ་ཤུགས་སྐྱེད་དང་འབྲེལ། སྒྲུབ་ཕྱོགས་ཀྱི་ལས་འགུལ་གང་ལ་ཇི་འོས་ཐོག་འབད་འབུངས་སྔར་ལྷག་བྱ་གལ་ཆེ། དེ་བཞིན་བོད་མིའི་མང་གཙོའི་འཕེལ་རིམ་གོང་མཐོར་འགྲོ་ཐབས་དང་ཁྲིམས་བཟོའི་ལས་དོན་གནད་སྨིན་ཡོང་ཐབས་སུ་སྤྱི་འཐུས་ཚང་མས་མང་གཙོའི་ལྟ་གྲུབ་དང༌། ཁྲིམས་ཀྱི་དབང་བསྒྱུར་ལ་སྙིང་ནས་བརྩི་བཀུར་ཐོག གུ་ཡངས་དཀྱེལ་ཆེའི་བློ་གྲོས་ཀྱིས་རྟོན་བཞིའི་འཇུག་ལྡོག་མ་འཆོལ་བའི་སྒོ་ནས་སྤྱི་སྨན་འདུན་གྲོས་ལྷུག་པོར་གནང་དགོས། སྐབས་བབ་གྲོས་ཚོགས་ཀྱི་ལས་དོན་ལམ་ལྷོང་དང༌། འགྲོ་ཀུན་བདེ་བའི་སྨོན་འདུན་བཅས། ཤཱཀྱའི་དགེ་སྦྱོང་ཆོས་སྨྲ་བ་ཏཱ་ལའི་བླ་མས་ཕྱི་ལོ་༢༠༠༩ ཟླ་༣ ཚེས་༡༧ ལ།
ཞེས་པའི་གསུང་འཕྲིན་འབྱོར། གསུང་འཕྲིན་དེ་ལ་གྲོས་ཚོགས་ནང་ྋགོང་ས་མཆོག་ལ་ཐུགས་རྗེ་ཆེ་ཞུའི་གྲོས་ཆོད་ཅིག་ཀྱང་བཞག་སོང༌།