ཁ་བརྡ།

ཁ་བརྡ།

Archive for June, 2008


གོང་ས་མཆོག་གི་སྐུ་ཚབ་རྣམ་གཉིས་ཞི་མོལ་ཐེངས་བདུན་པ་གནང་ཆེད་པེ་ཅིན་དུ་ཕེབས་ཡོད།

གོང་ས་མཆོག་གི་སྐུ་ཚབ་རྣམ་གཉིས་ཞི་མོལ་ཐེངས་བདུན་པ་གནང་ཆེད་པེ་ཅིན་དུ་ཕེབས་ཡོད།

གོང་ས་སྐྱབས་མགོན་ཆེན་པོ་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་དང༌། སྐུ་ཚབ་སྐལ་བཟང་རྒྱལ་མཚན་རྣམ་གཉིས་དབུ་འཁྲིད་འབྲེལ། བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་དྭགས་པོ་བསོད་ནམས་ནོར་བུ་དང༌། བུ་ཆུང་ཚེ་རིང༌། བཀའ་དྲུང་ཡིག་ཚང་ཁོངས་བོད་རྒྱ་ཞི་མོལ་སྡེ་ཚན་གྱི་ལས་བྱེད་འཇིགས་མེད་པ་སངས་བཅས་བོད་རྒྱའི་བར་འབྲེལ་མོལ་བཀའ་བསྡུར་ཐེངས་བདུན་པ་གནང་ཆེད་ཟླ་ ༦ ཚེས་ ༢༩ ཉིན་རྒྱ་ནག་པེ་ཅིན་དུ་འབྱོར་ཡོད་པ་དང༌། ཟླ་ ༧ ཚེས་ ༡ དང་ ༢ ཉིན་གཉིས་རིང་འབྲེལ་མོལ་གནང་རྒྱུ་ཡིན་པ་རེད། Read the rest of this entry »

གསར་འགྱུར་ཅིག་ལས་ཐོབ་པའི་བློ་སྐྱེད།༼བོད་འབྱོར༽

བོང་སྟག་རུ་ལི།

ཉིན་འདི་ཚོར། གློ་བུར་དུ་བར་འཁྱག་ཅིག་འོངས་ནས་ཕྱི་རོལ་གྱི་ནམ་ཟླ་རྡུལ་གྱིས་ཁེངས་ཤིང༌། ནང་སེམས་ཀྱི་བསམ་བློ་སྡུག་གིས་ཁེངས་པར་བྱེད། སྐབས་དེར། ངས་གྲང་ཤུར་ཤུར་གྱི་ནམ་ཟླའི་འོག་ན་ཀྲུང་དབྱང་གི་བརྙན་འཕྲིན་སྐུད་ལམ་བཞི་སྟེང་གི་གསར་འགྱུར་སྣ་ཚོགས་ཤིག་ཉམས་སུ་མྱོང་བཞིན་པའི་སྒང་ཡིན། ཏན་ཏན། བར་གླགས་དེར་གསར་འགྱུར་ལས་ད་ལོའི་ལྷ་སའི་ཟིང་འཁྲུག་གི་ཟུར་ཁ་གཞན་ཞིག་མིག་མཐོང་ལག་ཟིན་གྱིས་བསྟན་བྱུང་ལ། དུས་ཚོད་སྐར་མ་ཉི་ཤུའི་ནང་ལ་བདག་གིས་དབུགས་ཀྱང་ལེན་དཀའ་བའི་ངང་ནས་གསར་འགྱུར་དེ་ཉམས་སུ་མྱངས་རྗེས། ངའི་ཡིད་སེམས་བློང་བློང་བོར་གྱུར་ཞིང་ཅི་ཡིན་འདི་ཡིན་མེད་པ་ཞིག་ཏུ་བཏང་སོང༌།
ཡིན་ན་ཡང༌། སྐབས་དེར། ངའི་གམ་ན་སོས་བདེ་བག་ཕེབས་ཀྱིས་སྡོད་པའི་དགའ་གྲོགས་ཡིན་པའི་བུ་མོ་དེས། ང་དང་མཉམ་དུ་གསར་འགྱུར་དེ་མགོ་ནས་མཇུག་བར་ཐེངས་ཤིག་བལྟས་རྗེས། དེ་ངོ་མ་ཡག་པོ་རེད། ཡང་བསྐྱར་ཕུད་ནི་ཨེ་རེད་ཟེར། སྐད་ཆ་དེ་གོ་རྗེས་ངའི་སེམས་ལ་སྔར་ལས་ལྷག་པའི་འཁྱག་འདར་ཞིག་བརྒྱབ་ལ་ངའི་ཁོར་ཡུག་ཐམས་ཅད་ནག་ཐིང་ཐིང་ཡིན་པའི་སྣང་བ་ཞིག་སྟེར།

པཎ་ཆེན་ཆུང་སྲིད་རིན་པོ་ཆེ་མཆོག་གི་སྐོར།


ལོ་ངོ་གསུམ་གྱི་གོང་དུ། དམིགས་བསལ་བཙལ་འཚོལ་ཚོགས་པ་ཞིག་རྒྱ་ནག་ཏུ་ཕྱིན་ནས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་བཙལ་འཚོལ་གྱི་ལས་ཀ་བྱས་ཡོད་པ་དང༌། ཉེ་བའི་ཆར། བཙལ་འཚོལ་ཚོགས་པ་དེ་རྡ་རམ་ས་ལར་འབྱོར་ཡོད་ཅིང༌། ཁོང་ཚོ་རྡ་རམ་ས་ལར་ཡོང་དོན་ནི། ཁོང་ཚོས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གང་ན་བཞུགས་པ་སོགས་ཀྱི་གནས་ཚུལ་གང་འཚམ་ཞིག་ཤེས་རྟོགས་བྱུང་ཡོད་པས་རེད། ཁོང་ཚོས་སྤེལ་བའི་སྙན་ཐོའི་ནང༌། ྋཔཎ་ཆེན་ཆུང་སྲིད་རིན་པོ་ཆེ་མཆོག་པེ་ཅིན་དང་རྒྱང་ཐག་སྤྱི་ལེ་བརྒྱ་དང་ཉི་ཤུའི་མཚམས་ཀྱི་ས་ཆ་ཁུག་ཀྱོག་ཅིག་ཏུ་ཁོང་གི་ཡབ་ཡུམ་དང་ལྷན་དུ་བཞུགས་ཤིང༌། སྐུ་གཟུགས་བདེ་ཐང་ཡིན་སྐོར་དང༌། ཁོང་བཞུགས་ཡུལ་གྱི་མཐའ་འཁོར་དུ་དྲག་ཆས་ཉེས་རྟོག་པས་སྲུང་ཡོད་པས། མི་སུ་གང་ཡང་བཞུགས་ཡུལ་རང་དུ་གཏོང་གྱིན་མི་འདུག་ཅེས་བཀོད་ཡོད་པ་རེད། Read the rest of this entry »

གོང་མ་མཆོད་ཡོན་གྱི་གྲིབ་མ་རིང་པོ།

སྤོབས་པ་མཐའ་ཡས།

ཉེ་ཆར་རྒྱ་ནག་གཞུང་གིས་བོད་ཀྱི་བླ་སྤྲུལ་ངོས་འཛིན་བྱེད་པར་གཞུང་གི་ཆོག་མཆན་དགོས་པའི་ཁྲིམས་སྲོལ་ཞིག་བཟོས་ཡོད་ཚུལ་ཐོས། སྤྱིར་རང་རེ་བོད་ཀྱི་ཡང་སྲིད་ངོས་འཛིན་ལམ་སྲོལ་དེ་ནང་པའི་ཆོས་ལུགས་དང་མཐུན་མིན་གང་ལྟར་ཡང་སྐྱེ་བ་སྔ་ཕྱིའི་གནད་དོན་ལ་ཐུག་པའི་ཆོས་ཕྱོགས་ཀྱི་བསམ་བློ་དང་འབྲེལ་བ་ཞིག་ཡིན་སྟབས་ཆོས་མེད་སྨྲ་བ་གུང་ཁྲན་དམར་པོའི་གཞུང་ཞིག་གི་ཆོག་མཆན་དགོས་པར་སྨྲ་བ་བོད་མིའི་བསམ་འདུན་ལ་རྡོག་རོལ་ཀྱི་བཙན་གཏམ་ཞིག་ཡིན་མོད། Read the rest of this entry »

བོད་དུ་དར་བའི་ཐོག་མ་དང་ཐ་མའི་ཆོས་རྒྱུད།

སྤོབས་པ་མཐའ་ཡས།

༡ གཞོམ་གཞིག་བྲལ་བའི་རྡོ་རྗེའི་ཕྲེང་བ།
བོད་དུ་དར་བའི་སངས་རྒྱས་པའི་ཆོས་རྒྱུད་ཀྱི་ཕྱི་མོའམ་སྔ་ཤོས་ལ་སྔ་འགྱུར་རྙིང་མ་པ་ཞེས་འབོད་ཅིང་དེ་ནི་སྤྱི་ལོ་དུས་རབས་བདུན་པ་ཙམ་ནས་བོད་དུ་ཐོག་མར་སྤེལ་མགོ་ཚུགས། རྙིང་མ་པའི་དགེ་འདུན་གྱི་སྡེ་ཐོག་མར་དར་སྐབས་ནས་ཐུན་མིན་ཁྱད་ཆོས་ཤིག་ཡོད་པ་ནི་རབ་བྱུང་ངུར་སྨྲིག་གི་སྡེ་དང་སྔགས་པ་གོས་དཀར་ཅན་གྱི་སྡེ་ཞེས་དགེ་འདུན་སྡེ་གཉིས་ཡོད་ཅིང༌། Read the rest of this entry »

ཨོ་ལེམ་པིག་གི་སྒྲོན་མེ་ཁན་པེ་རར་འབྱོར་བ།

སྤོབས་པ་མཐའ་ཡས།

ཉེ་ཆར་བོད་དུ་རྒྱ་ནག་གཞུང་ལ་ངོ་རྒོལ་གྱི་ལས་འགུལ་ལ་དྲག་གནོན་བྱས་འཕྲལ་ཕྱི་རྒྱལ་ཁག་ཏུ་ཡོད་པའི་བོད་མི་དང་བོད་དོན་རྒྱབ་སྐྱོར་བ་ཚོས་རྒྱ་ནག་གཞུང་གིས་བོད་མིའི་ངོ་རྒོལ་ལ་དྲག་གནོན་བྱས་པས་རིང་མིན་རྒྱ་ནག་ཏུ་ཚུགས་རྒྱུའི་ཨོ་ལེམ་པིག་གི་རྩེད་འགྲན་གྱི་དབུ་འབྱེད་སྒྲོན་མེ་གང་དུ་འབྱོར་བའི་ས་གནས་དག་ཏུ་ངོ་རྒོལ་གྱི་ལས་འགུལ་འཁྲུག་པོ་བྱུང་བར་བརྟེན། Read the rest of this entry »

ལྷ་སྲས་ཡེ་ཤུ།

སྤོབས་པ་མཐའ་ཡས།

ནང་སེམས་ཀྱི་བདེན་པ་ཞིག་གི་ཆེད་དུ་བསམ་བཞིན་ལུས་སྲོག་བློས་བཏང་བའི་ལྷ་སྲས་ ཡེ་ཤུ་མཆོག་ནི་དེང་དུས་ཀྱི་ཨི་ཟི་རལ་གྱི་ཡུལ་རྗེ་རུ་ས་ལམ་དུ་གྲགས་པར་ཡབ་ ཤིང་བཟོའི་རིགས་ཤིག་དང་ཡུམ་མ་རི་ཞེས་པའི་སྲས་སུ་འཁྲུངས། Read the rest of this entry »

དྲི་བ་གལ་ཆེན་ཞིག

༧རྒྱལ་བ་རིན་པོ་ཆེས། མ་འོངས་པར་ཏྰ་ལའི་བླ་མ་ཡི་ཤེས་བླ་ཆེན་པོབ་ལྟར་འོས་འདེམས་བྱེད་དགོས་མིན་སྐོར་བཀའ་སློཔ་ཐེངས་གཅིག་མིན་དུ་གནང་བ་དེ་གལ་ཆེན་ནང་གི་དོན་ཆེན་ཞིག་ཏུ་ཁོ་བོས་མཐོང་། ག་རེ་རེད་ཟེར་ན། དེ་ནི་ལོ་རྒྱུས་རང་བཞིན་གྱི་འགྱུར་བ་ཞིག་ཆགས་རྒྱུ་ཡིན་པ་རེད། བོད་མིའི་སྤྱི་ཚོགས་ནང་དེའི་སྐོར་བགྲོ་གླེང་བྱས་པ་དེ་འདྲ་ད་སྔ་མ་མཐོང་བས། ངས་དེ་རིང་འདིར་རྣམ་དཔྱོད་ཡངས་པའི་ཤེས་ལྡན་པ་ཁྱེད་རྣམས་ལ་འདིའི་སྐོར་དགེ་སྐྱོན་ཅི་ཡོད་ཀྱི་དྲི་བ་ཞུ་འདོད་བྱུང་བས་དགོངས་ཚུལ་ལྷུག་པར་གནང་བར་ཞུ་བ་དང་ཆབས་ཅིག་རང་ཉིད་ཀྱི་བསམ་ཚུལ་མདོར་བསྡུས་ཤིག་ཀྱང་ཞུ་བར་འདོད།
ད་མུས་བཞིན་ཡང་སྲིད་བཙལ་བ་ཡིན་ན། མི་མང་གི་སེམས་ནང་རྒྱལ་བ་རིན་པོ་ཆེ་སྤྱན་རས་གཟིགས་དངོས་ཡིན་པས་ཁོང་ཚོར་སྤྱན་རས་གཟིགས་དངོས་ཀྱི་བྱིན་རླབས་ཐད་ཀར་ཐོབ་ཀྱི་ཡོད་པ་རེད། གལ་སྲིད་རྗེས་མ་ཞིག་ལ་འོས་འདེམས་ཀྱི་ལམ་ནས་བསྒྲུགས་པ་ཡིན་ན། དེའི་སྐབས་རྒྱལ་བ་རིན་པོ་ཆེ་ལྷ་མ་ཡིན་པར་མིར་ཆགས་པ་རེད། དེའི་སྐབས་ཁོང་གི་ལྷ་ཡི་བྱིན་རླབས་དག་ཀྱང་ཉསས་རྒྱུ་ཡིན་པ་རེད། ཡིན་ན་ཡང་མི་ཡི་ནང་ནས་མི་རྩེ་ཕུད་ཅིག་ཡིན་པ་དེ་བཤད་ཅི་ལ་དགོས།
ངས་ནམ་རྒྱུན་ཕྱི་གླིང་པ་རྣམས་ལ་སྤོབས་པ་དང་བཅས་འདི་ལྟར་བརྗོད་ཀྱི་ཡོད། ཡི་ཤེས་བླ་ཆེན་པོབ་ག་ཚོད་མང་མོས་ཡིན་ན་ཡང་ཁོང་མི་ཡིན་པ་རེད། ཏྰ་ལའི་བླ་མ་ལྷ་རེད། ཁོང་གཉིས་ཀྱི་ཁྱད་པར་དེ་ཡང་ལྷ་དང་མིའི་ཁྱད་པར་རེད་ཟེརགགྱི་ཡོད།
མདོར་བསྡུས་ན། ཇི་སྲིད་མི་མང་གི་སེམས་ནང་རྒྱལ་བ་རིན་པོ་ཆེར་སྤྱན་རས་གཟིམས་ཀྱི་འདུཤེས་ཡོད་པ་དེ་སྲིད་དུ་་ཡང་སྲིད་འཚོལ་ཞིབ་བྱ་རྒྱུ་དེ་ལམ་ཁ་ཡག་ཤོས་མ་ཡིན་ནམ། རྗེས་མ་མི་མང་ཕལ་ཆེ་བར་རྒྱལ་བ་རིན་པོ་ཆེར་མི་ཡི་འདུ་ཤེས་ལས་མེད་པའི་སྐབས་དེར་ད་གཟོད་འོས་འདེམས་བྱས་ན་དུས་ལ་བབ།

མི་རིགས་དབྱེ་འབྱེད།


གོང་གི་པར་འདིའི་ཡོང་ཁུངས་བོད་ནང་གི་རྩོམ་པ་པོ་ག་གེ་མོ་ཞིག་གི་ཟིན་བྲིས་ཡིན། འདི་ནི་དེང་སྐབས་ལྷ་སའི་གྲོང་ཁྱེར་ནང་གི་མི་རིགས་དབྱེ་འབྱེད་བྱེད་ཀྱིན་པའི་དཔང་རྟགས་རི་འདྲ་བོ་ཞིག་ཡིན་ན། སྐུ་ཉིད་ལ་འདིའི་ཐད་བསམ་ཚུལ་ཅི་འདྲ་འདུག་གམ། ནང་དོན་ནི་བོད་པ་ལས་ཀ་བ་ཚོར་ཉིན་རེར་ལས་གླ་རྒྱ་སྒོར་ ༣༠ དང་རྒྱ་མི་ལས་ཀ་བ་ཚོར་ཉིན་རེར་ལས་གླ་རྒྱ་སྒོར་ ༥༠ རེ་ཡིན་ཞེས་བྲིས་འདུག

ཨོ་ལིམ་ཕི་ཁུ་ལས་འཕྲོས་བའི་ཁ་བརྡ།

ཚེ་རིང་དོན་གྲུབ

བོད
༢༠༠༤ ནང་རྒྱལ་སྤྱིའི་ཨོ་ལིམ་ཕི་ཁུ་རྩེད་འགྲན་དེ་རྒྱ་ནག་ཏུ་ཐོབ་ནས་བཟུང་། འཛམ་གླིང་གང་སར་གནས་སྡོད་བྱས་བའི་བཙན་བྱོལ་བོད་མི་དང་། ཚོགས་
པ་འདྲ་མིན། ཆེད་མཁས། སློབ་ཕྲུག་སོགས་ཀྱིས་ཨོ་ལིམ་ཕི་ཁུ་རྩེད་འགྲན་ལ་རྐྱེན་བྱས་བོད་ཀྱི་གནད་དོན་འཐབ་རྩོད་དེ་ངོ་བོ་མ་འདྲ་བ་དང་། ཐབས་ལམ་མ་འདྲ་བ། བྱེད་ལས་མ་འདྲ་བའི་སྒོ་ནས་འཛམ་གླིང་ལ་བོད་ཀྱི་གནད་དོན་གསལ་སྟོན་བྱེད་ཆེད་དུས་ཚོད་དམ་འཛིན་དང་འཆར་གཞི་མང་པོ་ཞིག་བཏང་ཡོད་པ་རེད་། Read the rest of this entry »

རྒྱལ་དབང་རིན་པོ་ཆེའི་མཚན་བསྟོད། གཞས་ཚིག

༄༄།། བྱམས་དང་སྙིང་རྗེའི་གཏེར་ཆེན།།  འཕགས་མཆོག་སྤྱན་རས་གཟིགས་དབང་།།  གསོན་པོ་མཇལ་རྒྱུ་ཅན་པོ།།  མྱི་ཡི་གསུང་སྐད་ཅན་པོ།།  ༧སྤྱི་ནོར་༧གོང་ས་སྐྱབས་མགོན།།  ༧རྒྱལ་དབང་བསྟན་འཛིན་རྒྱ་མཚོ།།

༧སྤྱི་ནོར།  ༧སྤྱི་ནོར།  འཛམ་གླིང་སྤྱི་ཡི་ནོར་བུ།།  གངས་ཅན་བོད་ཀྱི་ནོར་བུ། ། རྒྱལ་བ་ཡིད་བཞིན་ནོར་བུ།།

༧གོང་ས།  ༧གོང་ས།  ༧གོང་ས་ལྷ་མིའི་རྣམ་འདྲེན།། ཆོས་སྲིད་གཉིས་ཀྱི་དབུ་ཁྲིད།། རྒྱལ་བ་དོན་གྱི་བདག་པོ།།

༧སྐྱབས་མགོན།  ༧སྐྱབས་མགོན། འགྲོ་བ་ཡོངས་ཀྱི་སྐྱབས་མགོན།།  འདི་ཕྱི་གཉིས་ཀྱི་སྐྱབས་མགོན།། ཆོས་ལྡན་བོད་ཀྱི་སྐྱབས་མགོན།།

༧ཆེན་པོ། ཆེན་པོ།  འཛམ་གླིང་ཉི་མ་ཆེན་པོ།། ཞི་བདེའི་དེད་དཔོན་ཆེནཔོ།། འགྲོ་བའི་མགོན་སྐྱབས་ཆེན་པོ།། Read the rest of this entry »

དཔལ་འབར།

མུན་ནག་གི་ཁྲོད་དུ།

མེ་སྟག་ཕྲན་བུ་ཞིག་ལ་ཡང་ཆེས་བླ་ན་མེད་པའི་རིན་ཐང་ལྡན།

ཡིན་ན་ཡང་།

མེ་སྟག་དེ་ཅི་ཞིག་གིས་སྦར་བ་ཤེས་པའི་ཤེས་རབ་དེ་ལ་ཡང་ཆེས་བླ་ན་མེད་པའི་རིན་ཐང་ལྡན།

མེ་སྟག་ལ་ལ་སའི་གོ་ལ་འདིར་མེད་དུ་མི་རིང་བའི་སྔོ་ལྗང་གི་ཤིང་སྡོང་མེ་ལ་བསྲེགས་པ་ལས་བྱུང་བ་དང་།

ལ་ལ་ནི་མིའི་དཀའ་སྡུག་གི་རྔུལ་ཆུས་བསྐྲུན་པའི་ཞག་སྒྲོན་ལས་བྱུང་བ་རེད།

ལ་ལ་ནི་སེམས་ཅན་གྱི་གཅེས་པའི་ཚེ་སྲོག་བཅད་པའི་ལུས་ཀྱི་ཚིལ་བུ་ལས་བྱུང་བ་རེད།

དེའི་ཕྱིར།

མུན་པ་ཕྲན་བུ་སེལ་བའི་འོད་སྣང་ཙམ་གྱིས་སེམས་པ་ཡོངས་སུ་ཚིམས་ཏེ།

མེ་སྟག་དེ་ཚོའི་འབྱུང་ཁུངས་ལ་བརྟག་པའི་ཤེས་རབ་དེ་རྨོངས་པའི་མུན་ཁོང་དུ་མ་ལུས་པ་ཞིག་གནང་རོགས།

ཉེན་རྟོག་པས་ངའི་སྒོར་མོ་འཁྱེར་སོང་།

ངའི་ཕ་གཞིས་ལ་ཕེབས་རོགས།

འདིར་ངའི་ཕ་གཞིས་ཏེ་བླ་གཡག་ནག་པོའི་ཕ་ས་རུ་ཁྱེད་རྣམ་པར་དྲི་ཞིམ་འོ་ཇ་དང་སྦྲང་དཀར་རྩམ་པ་གྲ་སྒྲིག་བྱས་ཡོད།

http://tulkuyeshi.spaces.live.com/

དེ་རིང་གླེང་དགོས་པ།

དེ་རིང་གླེང་དགོས་པ་རྒྱལ་ཁབ་དང་མི་རིགས་ཀྱི་དོན་ཆེན་རེད་ལ།

དེ་རིང་གླེང་དགོས་པ་རིག་གཞུང་དང་ཁོར་ཡུག་གི་ཉམས་ཉེས་རེད།

དེ་རིང་གླེང་དགོས་པ་ཕ་མ་དང་མེས་པོའི་ཞལ་ཆེམས་རེད་ལ།

དེ་རིང་གླེང་དགོས་པ་བུ་རབས་དང་ཚ་རྒྱུད་ཀྱི་མདུན་ལམ་རེད།

བོད་ཀྱི་སྲོལ་རྒྱུན་གྱི་གླུ།

འུ་ཚང་གི་སེམས་ངལ།

བོང་སྟག་རི་ལུ།

ཨ་མས་འུ་ཚང་དབུལ་པོ་ཡིན་ཞེས་ཁ་ནས་སྡུག་སྨེ་ཡང་ཡང་འདོན།།
སྲིང་མོས་འུ་ཚང་དབུལ་པོ་ཡིན་ཞེས་སེར་ག་གས་པའི་མཛུབ་མོ་སྟོན།།
ཚ་མོས་འུ་ཚང་དབུལ་པོ་ཡིན་ཞེས་དབུལ་སྐྱོར་སློབ་མའི་གྲལ་ལ་འཚང༌།།
ང་ཡིས་འུ་ཚང་ཕྱུག་པོ་ཡིན་ཞེས་ཀ་མད་སུམ་ཅུའི་རྩོམ་ཞིག་བྲིས།། Read the rest of this entry »

གཡབ་ཁང་ནང་གི་གཏམ་རྒྱུད།

རྨེ་སྲིབ་ནོར་བུ།

ལོ་གསུམ་འཚོ་བ་དྷ་སའི་ཤིང་ལོའི་འོག།
གྲིབ་བསིལ་ལྷན་དུ་བདེ་བར་གནས་ན་ཡང༌།།
མིག་ཡངས་མ་ཡི་རེག་བྱ་འཇམ་པོའི་ཟས།།
ལོངས་སུ་མ་སྤྱད་སྐོམ་པས་གདུང་ཤུགས་ཀྱིས།།
ཨ་ཅག་བལ་བཟའི་ཁྱིམ་ལ་དེད་ཡོང་ཐལ།། Read the rest of this entry »

རྒྱའི་དབང་འཛིན་པ་ཚོས་ཤེས་རྟོགས་ཐུབ་དགོས།

འབྲོང་དར་རྒྱས།

འདི་ལོའི་གསུམ་པའི་ཚེས་བཅུ་ནས་བཟུང་གནམ་འོག་གི་བོད་པ་ཡོད་ཚད་ལག་གདང་གི་སེམས་ཤུགས་གཅིག་ཏུ་བསྒྲིལ་ནས་འཛམ་གླིང་མི་མང་ཚོར་བོད་པའི་གདོང་རིས་གསལ་བོར་བསྟན་ཡོད་ལ། ལྷག་དོན་རྒྱ་ནག་དབང་འཛིན་པ་ཚོར་རྒྱ་བོད་ཀྱི་གནད་དོན་སྐོར་ལ་ཅིས་ཀྱང་བསམ་བློ་གཏོང་དགོས་པའི་སློབ་གསོ་ཐེངས་ཤིག་སྤྲད་ཡོད། Read the rest of this entry »

ཤེས་རབ་སྒྲོལ་མའི་སྙན་རྩོམ་བཀླགས་རྗེས།

རྡ་སའི་ཐབས་མཁས་རྒྱ་མཚོས།

འདུ་འཛི་འཁོར་བའི་སྲོག་གི་རྩ་བ། །
སྙིང་སྡུག་སེམས་ཀྱི་ཤེས་རབ་སྒྲོལ་མ། །
ལྷག་བསམ་དག་པའི་རང་མདངས་མཚོན་ཕྱིར། །
མི་རིགས་གཙང་མའི་དོན་ཆེན་སྒྲུབས་ཤིག།