(ཁ་བར་སྤྲོ་བའི་ལྗོངས་རྒྱུ་པར་གླེང་བའི་སེམས་ཚོར།)
འགར་ཚེ་རྒྱལ།
ས་སྒང་མཐོ་ས་ན་ཁ་བས་གཡོགས་ནས་ཡོད་པའི་རི་གྲོང་མཚར་པོ་དེ་ངའི་ཕ་ཡུལ་རེད།
དུས་རྒྱུན་ནས་ཁ་བ་འབབ་ཀྱིན་ཡོད་ལ།
འབབ་ཀྱིན་པའི་ཁ་བའི་ཆེ་ཆུང་ན་བྱ་རྒོད་ཀྱི་གཤོག་པ་ལྟ་བུ་ཡོད།
ས་དོག་མོ་ཆགས་དུས་ནས་ཁ་བའི་གོས་དཀར་གྱོན་པར་དགའ་ལ།
རི་མཐོན་པོ་འབུར་དུས་ནས་ཁ་བའི་དབུ་ཐོད་མནབས་པར་སྤྲོ།
ཕ་ཡུལ་གྱི་མི་ཚོས་ཁ་བའི་མཐུག་ཚད་འཇལ་ཞོར་ཁ་བར་སེམས་ཤ་གླན་ཡོད།
ཁ་བ་དང་ཁོ་ཚོ་སྐྱེས་དུས་ནས་རི་ལུང་དེའི་ཁ་མཐུན་ཞེ་མཐུན་ཡིན།
ཕྱི་རོལ་གྱི་ཁ་བ་མེད་ས་འདིར་ཉིན་མཚན་མེད་པར་ཉི་མ་མེ་རུ་གྱུར་འདུག་པས།
སེམས་པ་འདི་ག་དུས་ཡིན་ན་ཙད་པས་སྐམས།
