རྒྱ་བལ་ཐེངས་གཅིག་བསྐོར་བའི་དྲན་ཐོ།
བེ་རི་འཇིགས་མེད།
ཀ་ན་ར་ནས་ངྷ་རམ་ས་ལ་རུ།།
ཁ་བ་རི་པའི་རྩོམ་རིག་ཚོགས་འདུ་སླད།།
ག་ལེར་སོང་བའི་མཐོང་སྣང་རྗེན་པའི་ཚུལ།།
ང་རང་དེ་རིང་དྲན་ཐོ་འབྲི་འདོད་བྱུང༌།།
རྒྱ་བལ་ཐེངས་གཅིག་བསྐོར་བའི་དྲན་ཐོ།
བེ་རི་འཇིགས་མེད།
ཀ་ན་ར་ནས་ངྷ་རམ་ས་ལ་རུ།།
ཁ་བ་རི་པའི་རྩོམ་རིག་ཚོགས་འདུ་སླད།།
ག་ལེར་སོང་བའི་མཐོང་སྣང་རྗེན་པའི་ཚུལ།།
ང་རང་དེ་རིང་དྲན་ཐོ་འབྲི་འདོད་བྱུང༌།།
ཀ་རྩོམ་ཞེན་ལོག་མ།
བེ་རི་འཇིགས་མེད།
ཀ་རེ་ཀོ་རེ་དུས་ཚོད་སྐྱེལ་མཁས་མ།།
ཁ་ནས་གང་བྱུང་མང་བྱུང་བཤད་མཁས་མ།།
ག་ས་ག་ལ་ཕུ་དཀྲུགས་འདབས་དཀྲུགས་མ།།
ང་ནི་ཁྱོད་ལ་ཞེན་པ་གཏིང་ནས་ལོག།།
མདང་གི་སྐྱོ་སྣང༌།
བེ་རི་འཇིགས་མེད།
ཉིན་བྱེད་འོད་སྣང་ནུབ་རིའི་རྩེ་ནས་བཞུད།།
ཟླ་གཞོན་ཞུན་མས་ནོར་འཛིན་ཁྱོན་ལ་བྱུག།
ཀུན་རྟོག་མཚོ་རླབས་འཕྱུར་བའི་འཇུག་ངོགས་ནས།།
གཏི་མུག་གཉིད་ཀྱི་རྨི་ལམ་གྲོང་དུ་གཤེགས།།
དྲན་པའི་བསིལ་ལྗོངས།
བེ་རི་འཇིགས་མེད།
དགུན་དུས་བསིལ་རེག་རླུང་གིས་བཏབ་པའི་ཆུ་འཛིན་དག་ནི་འདར་ཞིང་གཡོ།།
ཙམ་པ་ཀ་ཡི་མེ་ཏོག་ཇི་བཞིན་ཁ་བའི་འདབ་མ་ལྷུང་ལྷུང་འབབ།།
རྨ་ཆེན་སྒང་དྲུག་ཧི་མ་ལ་ཡ་ཏི་སེ་གངས་ཀྱི་རི་བོ་རྣམས།།
བ་སོའི་ཀ་བ་གྱེན་དུ་སློང་ལྟར་མཐོ་སྙེཊ་གནམ་མཐོངས་དབྱིངས་སུ་བཏེཊ།།
ང་རྒྱ་མཚོར་ལྟ་བར་དགའ།
རླུང་ཁྲོད་དུ་སྤོབས་ཤུགས་ཀྱིས་འགྱིང་བའི
མོའི་དངུལ་མདོག་གི་མཚོ་འགྲམ་དང་
གཡང་གཟར་གྱི་བྲག་རི་དཀར་པོ་དག
ང་རྒྱ་མཚོར་ལྟ་བར་དགའ།
མོའི་ཟླ་བའི་བྱ་ཚོགས
མོའི་ཆར་སྨུག་གི་རྟ་ཕོ་དག
མོའི་འཕུར་མཆོང་བྱེད་པའི་ཉ་རིགས།
ཀ དཀར་ནག་རྒྱ་ཡི་བར་གྱི་ལྡོམ་པོ་ཁྱོད།།
བསམ་པ་སྔོན་ཐོན་གླེང་བའི་ཕར་རོལ་ན།།
དངོས་པོ་ཡརཐོན་བཤད་པའི་ཚུར་རོལ་ན།།
སྟོང་གསུམ་སྟོང་བར་སྒོམ་ནས་བཞུགས་ཡོད་ཀ།
ཁ ཁ་ཤོམ་ཆེན་པོ་ཅན་ཁྱོད་ཁ་རོག་ལ་སྡོད་དང་།།
ཁ་ལས་དབང་ཐང་ཆུང་བའི་ཁ་གནོན་ཞིག་མ་བྱ།།
ཁ་ཕོར་ངན་ངོན་ཙམ་གྱི་ཁ་བསོད་ལས་མེད་ན།།
ཁ་མ་འདི་ནས་མི་འདུག་རང་འདུག་རང་རེད་ད།།
རིག་པའི་རལ་གྲིས་བྲིས། ————- ཁོ་ལག་ཡོངས་སུ་རྫོགས་པའི་ཆོས་རིག་གི་ཉིང་ཁུ།། བདུད་བརྩི་དུག་ཏུ་བལྟ་བའི་བསེ་རུ་ཡི་གྲངས་ཞིག།། རྒྱ་དམར་ཤན་གྱིས་འདོར་བའི་གཡོ་སྒྱུ་ཡི་གར་དེ་།། མཐོན་པོའི་རི་ལས་རྒྱལ་ཁམས་བལྟས་པ་བཞིན་མཐོང་སོང་།། ཆེན་པོའི་དཔུང་གིས་དྲག་པོའི་མཚོན་ཆ་ཡི་འཁོར་ལོ།། ཉེས་མེད་མི་ལ་མི་ལོ་མང་པོ་རུ་བསྐོར་ནས།། སྣག་རུས་གཅིག་པའི་རང་དབང་ལྡན་པ་ཡི་ཁྱིམ་ཚང་།། ཁག་བརྒྱད་བཏང་བའི་ཐབས་འཕྲུལ་ཡོད་ཚད་དེ་གཏོན་ཀྱང་།། ཕྱོགས་བརྒྱར་བབ་པའི་ཆུ་ཀླུང་ཀུན་འདུས་ཀྱི་སྣོད་ཆེན།། གང་སར་བཟོས་པའི་ཚོང་རྫས་ཡོངས་འདུས་ཀྱི་རྒྱལ་ས།། ཕྱོགས་བཅུར་འཐོར་བའི་བོད་རིགས་གཅིག་བསྡུས་ཀྱི་གཅེས་ནོར།། ནང་པའི་ལྟ་གྲུབ་རིག་གནས་འདི་ཉིད་དུ་ངེས་པས།། དམར་པོའི་སྲིད་ཀྱི་ལྟ་བའི་དགྲ་བོ་ཡི་དྭངས་མ།། རྒྱ་གཞུང་དགོས་དམིགས་འགྲུབ་པའི་འཕྲང་རྡོ་ནི་ཆེ་ཤོས།། བོད་ཀྱི་ཆོས་འདི་ཡིན་པར་རིང་པོ་ནས་ཤེས་ནས།། ཉེ་བའི་ཟོལ་གྱིས་ཆོས་བརྒྱུད་དབྱེན་སྦྱོར་འདིར་བལྟོས་དང་།། གལ་སྲིད་བོད་པ་ཡིན་པའི་ཤེས་ལྡན་ཞིག་ཡིན་ཞིང་།། རྐྱེན་ངན་འདི་ཡིས་དཀྲུགས་ནས་འཁྲུགས་པ་ཞིག་ཡིན་ན།། རང་བློ་ནང་དུ་ཁུག་ནས་གནོ་བསམ་ཞིག་ཐོན་དང་།། བཀུར་འདེབས་གཏམ་གྱིས་རང་རེར་ཕན་པ་ཞིག་འདུག་གམ།། གཟུར་བོའི་བློ་ཡིས་དྲངས་པོའི་གཏམ་ཆར་ཞིག་སྤེལ་ན།། པད་འབྱུང་མིག་འཕྲུལ་མཁན་དུ་སྨྲས་པ་དེས་རྐྱེན་བྱས།། དགེ་ལུགས་འདྲེ་ལུགས་ཡིན་པའི་བཙོག་གཏམ་གྱི་བཀང་ནས།། བདེན་ན་གཉིས་བདེན་འཁྲུལ་ན་མཉམ་འཁྲུལ་དུ་ཕྱིན་སོང་།། རྙིང་མིན་དགེ་མིན་ས་སྐྱའི་ཆོས་བརྒྱུད་དུ་སྐྱེས་ཤིང་།། བོད་དང་བོད་ཀྱི་ཆོས་རིག་སྙིང་དཀྱིལ་ནས་དམར་པའི།། རིག་པའི་རལ་གྲིས་ཐལ་མོ་སྙིང་ཁ་རུ་སྦྱར་ནས།། དད་པའི་ཡུལ་ལ་བཀུར་འདེབས་མཚམས་འཇོག་དེ་གནང་རོག།། རྣམ་དག་ལུང་དང་རིག་པས་འགྲན་འདོད་ཞིག་ཡོད་ན།། བཙོག་གཏམ་གྲོང་ཚིག་སྦྲུལ་གྱི་ཤུན་པ་བཞིན་དོར་ནས།། གནས་ལུགས་རྒྱུ་མཚན་ལྡན་པའི་སྙིང་པོ་ཞིག་ཁྱེར་དང་།། བདེན་པ་བསྒྲགས་ཤིང་ནོར་བ་འདོར་བ་ལ་མི་འཇིགས།།
གཡང་སྐྱབས་རྒྱལ།
———
“ང་ནི་བོད་ཡིན་”ཞེས་པའི་གླུ་ཞིག་འདུག
“བོད་ནི་ང་ཡིན་”ཞེས་པའི་གླུ་ཞིག་འདུག
ཆོལ་ཁ་གསུམ་གྱིས་རུས་པའི་ཚོད་དུ་བྱས།།
ས་དགེ་བཀའ་རྙིང་བོན་གྱིས་ཡན་ལག་གྲུབ།།
མི་རབས་གསར་རྙིང་ཁྲག་དང་ཤ་ཡི་དོད།།
མི་འཆི་ནད་ཀྱིས་ཐེབས་པའི་བོད་འདི་སྐྱོ།།
ཧ་ཧ།
བོད་འདིའི་མགོ་བོར་ཟུག་གཟེར་འཕར་ནས་འདུག
བོད་འདིའི་སྐེ་ལ་གཉན་ནད་བྱུང་ནས་འདུག
ལག་པ་གཡས་པས་ལག་པ་གཡོན་ལ་བསྣུན།།
ན་ཟུག་ལངས་པ་བཟོད་ཐབས་ག་ལ་ཡོད།
ཆུ་ཐིགས་སྔོན་མོ།
སྙན་ངག་སྤྲིན་གྱི་ཕོ་ཉ་བཀླགས་རྗེས་ཀྱི་འཆར་སྣང་དྲན་ཐོར་བཀོད་པ།
གནོད་སྦྱིན་བཀའ་ཡི་འཐོར་རླུང་དྲག་པོས་ ལང་ ཚོའི་ འདབ་ མ་ ལྷོ་ རུ་ དེད།།
འདོད་ ལྷའི་ ཉག་ ཕྲན་ ལུས་ ལ་ ཕོག་ པས་ ཟུག་ རྔུའི་ གདུང་ བ་ སྙིང་ ལ་ འཕོས།།
རཱ་ མའི་ རི་ བོར་ རྒྱུ་ བའི་ སྤྲིན་ ཕུང་ དགའ་ མའི་ ལང་ ཚོར་ རབ་ འཁྲུལ་ ནས།།
བསིལ་ འཇམ་ ཆབ་ ཀྱི་ ཟེགས་ མ་ རེ་ ཡང་ བདེ་ བ་ སྟེར་ བའི་ བྱེད་ པོར་ བསྟེན།།
ལྷོ་ རོང་ དབེན་ བའི་ རི་ སུལ་ བསྙེགས་ ནས་ དྲི་ བཞོན་ བུ་ མོ་ གྲོགས་ སུ་ བསྟེན།།
གྱེས་ བྲལ་ གདུང་ བའི་ སྨྲེ་ སྔགས་ ཕྲེང་ ཚོགས་ སྤྲིན་ ཕུང་ སྐྱོད་ པའི་ ཀླུང་ དུ་ གཏོར།།
མཁའ་ ཡི་ རྡུལ་ ཚོགས་ འབར་ བའི་ ལང་ ཚོ་ མཐོ་ རིས་ ཐེམ་ སྐས་ ལ་ འཛེགས་ ཀྱང་ །།
ཆུ་ ཁུར་ བུ་ མོ་ དུབ་ པའི་ ཉམས་ ཀྱིས་ ཟུར་ མིག་ གློག་ ཐག་ ས་ ལ་ ལྷུང་ །།
ཡུལ་གྱར་བ།
བསེ་རུས།
—–
ཆེས་ཐོག་མའི་སྐད་སྒྲ་དེ་ངུ་སྐད་རེད།
ཆེས་མཐའ་མའི་སྐད་སྒྲ་དེ་ཡང་ངུ་སྐད་རེད།
ཨོ། མི་འདི་དག་འཇིག་རྟེན་འདིར་ངུ་སྐད་དང་ལྷན་དུ་ཡོང༌།
འཇིག་རྟེན་འདི་ནས་ངུ་སྐད་དང་ལྷན་དུ་བྲལ།
ཀྱེ་མ་ཀྱེ་ཧུད།
མི་རིགས་འདི་ཡང་ད་གཟོད་ངུ་སྐད་དང་ལྷན་དུ།
བཟོད་དཀའ་བའི་སྐྱོ་གར་སྣ་ཚོགས་འཁྲབ་བཞིན།
རྩོམ་པ་པོ། བསེ་རུ་
———–
གངས་དཀར་མ་ཡུམ་མངལ་ལས་སྦྲུམ་པའི་ང༌།།ཤ་དང་རྩམ་པའི་རོ་བཅུད་མྱོང་མཁན་ང༌།།
མ་བསླབས་ཡིག་དྲུག་བཟློ་བའི་ནེ་ཙོ་ང༌།།དམ་ཆོས་སྙིང་པོའི་རང་ངོ་མ་འཕྲོད་ང༌།།
མི་རིགས་ལ་རྒྱའི་ཟུངས་ཁྲག་མི་རྒྱུ་ང༌།།མགོ་བདེ་དྲན་འཕྲུལ་ངན་ཁྲག་རྒྱུ་བའི་ང༌།།
མཐོན་པོའི་ཁྲི་ལ་འགྱིངས་པའི་རྗེ་བོ་ང༌།།ཉམ་ཆུང་འབངས་ལ་སྡང་བའི་གཤེད་མ་ང༌།།
གཞིས་བྱེས་བོད་མིའི་རྩ་དོན་སྒྲུབ་མི་ང༌།།ལྷག་བསམ་སྙིང་སྟོབས་གོ་ཆ་མི་བཙན་ང༌།།
ཁ་ནས་ས་དྲུག་བདེན་དོན་སྒྲོག་མཁས་ང༌།།ཁོག་ན་རང་དོན་ས་བཀྲ་འབྲི་མཁན་ང༌།།
རིན་ཆེན་ནས། ——— ཚེ་སྲོག་གི་གྱ་གྱུའི་གྱི་རྐང་ལམ་ཕྲ་མོ་འདི་ན་་་་་་་་་ ཆོས་དང་འཇིག་རྟེན་གྱི་རྣམ་བཞག་མང་པོའི་རྫུན་རྐུབ་མཐོང་བས་་་་་་་་་ བདེན་རྫུན་དང་ལེགས་ཉེས་སོགས་ཀྱི་བླང་དོར་ཞིག་རལ་དུ་སོང་བ་འདིས་་་་་་་ དེ་སྔ་གོ་མྱོང་པའི་འཁོར་འདས་དགེ་སྡིག་ལས་འབྲས་སོགས་ ཀྱི་རྣམ་གཞག་དེ་དག་ལས་འདས་བའི་ཁྲ་ཁྲ་སིང་སིང་གྱི་ཁམས་བཞི་པའི་མཇལ་ཁ་ད་གཟོད་ ཐོབ་་་་་་་་་་ ལུང་དང་རིག་པ་གཉིས་ལས་རིག་པ་གཙོ་ཤེས་བྱ་དང་ཉམས་མྱོང་ གཉིས་ལས་ཉམས་མྱོང་གཙོ་ལྟ་བ་དང་སྤྱོད་པ་གཉིས་ལས་ལྟ་བ་གཙོ་རང་དང་གཞན་གཉིས་ལས་ རང་གཙོ་བའི་ལྟ་ཚུལ་བཟང་ངན་གང་ཡིན་བརྗོད་དཀའ་བ་ཞིག་གི་བློ་བསྐྱེད་ རྙེད་་་་་་་་་་་་་་་་ འདི་ནས་རྒྱ་ཡོངས་སུ་ཡངས་པའི་འཇིག་རྟེན་ལ་ལྟད་མོ་ཞིག་ བལྟས་པས་བཟང་པོ་ཡིན་ན་བརྒྱ་ཆ་བརྒྱ་ཐམས་པ་བཟང་བ་དང་ངན་པ་ཡིན་ན་བརྒྱ་ཆ་བརྒྱ་ ཐམས་པ་ངན་དགོས་པ་གཞིར་བཅས་པའི་བག་ཆགས་ཀྱི་འཆིང་རྒྱ་ཞིག་་་་་་་་་་་་་་་་ རང་གི་རྨོངས་ཞེན་དང་རྗེས་ལུས་སོགས་ཀྱི་མུ་མཐའ་མེད་པའི་ དགེ་མཚན་དང་གྲངས་ལས་འདས་པའི་སྐྱོན་བཅས་སྔར་གྱི་གོ་ཡུལ་ལས་རིང་དུ་འདས་པ་མང་ པོ་གོ་བ་འདི་ལ་བསམ་ཚེ་་་་་་་་་་་་་ རྟོག་བཏགས་ཀྱི་འཇིག་རྟེན་རྒྱ་ཆེན་པོ་འདི་དང་བསྡུར་ན་ མཐོང་ཡུལ་གོ་ཡུལ་ཅན་གྱི་གཟུགས་ཅན་ལས་བྱས་པའི་འཇིག་རྟེན་འདི་ཇི་ཙམ་ཆེན་པོ་ མཐོང་རུང་དོན་ལ་ཅི་འདྲའི་རྒྱ་ཆུང་ཆུང་ཞིག་རེད་ ཨང་་་་་་་་་་་་་་་་་་་་་་་་་་་་་་་་
པཎ་ཆེན་ཆུང་སྲིད་རིན་པོ་ཆེ་ལ་ཕུལ་བ། བེ་རི་འཇིགས་མེད། ཁ་རྩངས། ཁྱོད་ཀྱིས་་་་་་་་་་་་་་་་༌། ལབ་རྩེ་དང་རྡེའུ་འབུམ་བརྩིགས་པའི་གངས་འདབས་ན། མཚལ་གྱིས་བྲིས་པའི་ཁྲི་ཕྲག་བདུན་གྱི་ཡིག་འབྲུ། ཁ་བ་དང་ལྷན་ཅིག་འབབ་སྟེ་འཇིག་རྟེན་འདིར་གྱེས་མཇལ་བྱས། དེ་རིང༌། ཁྱོད་ཀྱིས་་་་་་་་་་་་༌། འཁྱག་ཀློང་དང་ན་བུན་བསྟིབས་པའི་འཇིག་རྟེན་དེར། བརྩེ་མདངས་ཀྱི་གཤོག་ཟུང་བརྐྱངས་ནས་ལྡིང་སྐོར་བྱེད་དུས། གདོལ་བའི་རིགས་ཀྱི་རླུང་རྩིའི་དྲ་རྒྱ་རུ་་བཙུད། སང་ཉིན། ཁྱོད་ཀྱིས་་་་་་་་་་་་་་་་་༌། བཙན་དབང་གི་ལྕགས་སྒྲོག་ཟིལ་བུར་གཏོར་ཏེ། ཡིག་དྲུག་གི་དར་ཅོག་གསེང་ནས་མེས་པོའི་ཚེ་སྲོག་འཚོལ་དུས། གངས་དཀར་ལྷ་མོའི་རྣམ་ཤེས་ཀྱི་འཕར་རྩ་སླར་ཡང་ལྡིང༌། གངས་ལྷའི་རྣ་བར་ཉི་ཟླ་ཟུང་གིས་བརྒྱན། ༢༠༠༡ ། ༤ ཉིན་ཆུང་སྲིད་རིན་པོ་ཆེ་དགུང་ལོ་བཅུ་གཉིས་ལ་ཕེབས་པའི་དུས་དྲན་དུ་ཕུལ། ༼བཙན་འོག་གི་བྱིས་པའི་སྐྱོ་གར་༽ཐོག་བཀོད། ༢༠༠༥ལོར་༼ལྷོ་ཕྱོགས་ཕོ་ཉ་༽གསར་ཤོག་ཐོག་བསྐྱར་འགོད་བྱས་འདུག
ནུབ་ཕྱོགས་སུ་ཐེངས་གཅིག་བསྐྱོད་པའི་ཉིན་ཐོའི་ཟུར་ཆ་ཞིག
བེ་རི་འཇིགས་མེད།
ཤར་ཕྱོགས་མགོ་ནག་མི་ཡི་ཡུལ་ནས་མི་མངོན་གནམ་གྱི་དབྱིངས་བཏེགས་ཏེ། །
ནུབ་ཕྱོགས་མགོ་སེར་ཞིང་གི་ཡུལ་ལྗོངས་ཨ་མེ་རི་ཁའི་རྒྱལ་ཁབ་ན། །
ལོ་རྒྱུས་འཁྲིད་མཁན་སློབ་དཔོན་བསྐུལ་ཏེ་ཨིན་ཌི་ཨ་ནའི་མཐོ་སློབ་༡འགྲིམས། །
ངེས་མེད་མཐོང་སྣང་རླུང་འཚུབ་ཁྲོད་ནས་གཟའ་འཁོར་སྔ་མའི་ཉིན་ཐོ་ཀློག །
བེ་རི་འཇིགས་མེད།
ཐུགས་བསྐྱེད་སྐབས་གསུམ་འཇུག་ངོགས་ཡངས་པོར་རྨད་བྱུང་སྔོན་བསགས་ཚོགས་གཉིས་སྤྲིན་ཕུང་སྐུ་བཞིའི་ལྡིང་ཁང་ལེགས་གསུང་དབྱར་སྐྱེས་རྔ་དང་འགྲོགས་པ་ལས།།
སྣ་ཚོགས་སྤྲིན་གྱི་མེ་ཏོག་རབ་འཐོར་གདུལ་བྱའི་དབྱིག་འཛིན་ཕང་པ་བརླན་དང་ལྷན་ཅིག་རྨ་བྱ་དགའ་བའི་མཇུག་སྒྲོ་ཟླུམ་པོས་གར་རྩེན་པས།།
ས་གསུམ་ཤིས་པའི་ལང་ཚོ་འགུགས་པའི་རྨད་བྱུང་མཛད་པའི་ལྟད་མོ་དག་ནི་མིག་གི་མཁའ་ལ་རླུང་གི་རྒྱལ་མཚན་དབྱིངས་སུ་འཆར་བ་ཞིན།།
ཚངས་དབང་མེ་སྐྱེས་ཐ་གུའི་ལྟོ་ཅན་སོགས་ཀྱི་རློམ་པའི་ཁེངས་པ་ས་འོག་བཅིངས་མཛད་ཐུབ་པ་ཕྱོགས་ལས་རྣམ་པར་རྒྱལ་བའི་མགོན་དེས་སྐྱོངས།།
༼རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེའི་འཁྲུངས་སྐར་ལ་ཕུལ་བ།༽
བེ་རི་འཇིགས་མེད།
མཚན་དཔེའི་སྐུ་ཡི་མེ་ཏོག་ཚོམ་བུ་མདོ་ཁམས་ལྷ་ཐོག་སྒང་ནས་བཞད།།
སྐྱེས་སྦྱངས་མཁྱེན་རབ་སྦྲང་རྩིའི་ཕོན་པོ་དབུས་འགྱུར་འཕགས་པའི་ཞིང་དུ་སྨིན།།
ལེགས་གསུང་སྙན་པའི་དྲི་བསུང་མངར་མོ་ཕྱོགས་མེད་འཛམ་གླིང་ཁྱོན་ཀུན་བརྡལ།།
རྒྱལ་བའི་དབང་པོ་ཀརྨ་པ་ཞེས་གྲགས་པའི་མཚན་སྙན་དོན་དང་མཐུན།།
གཡུང་དྲུང་ཚེ་བརྟན།
ཀ་ངོ་ཡིག་ངོ་ཤེས་མཁན་ཚོ།།
ཁ་དེ་སུ་མཁས་འགྲན་ཞིང་གདའ།།
ག་ས་གང་གི་དྲ་ཐོག་ན།།
ང་དང་ང་འདྲ་ཚར་ལ་ཁད།།
ཅ་ཅོ་སྒྲོག་མཁན་མང་པོ་ཞིག།
ཆ་འཇོག་ཡོད་ས་རེ་གཉིས་ཤིག།
ཇ་ཁ་ཆང་ཁའི་གཏམ་གྱི་ཕྲེང༌།།
ཉ་ཉོག་གད་སྙིགས་ཉིན་རེར་འཕེལ།།
དེ་ལས་མང་བ་། “དུས་བབ་དྲ་ངོས་མྱུལ་བའི་ཚོར་སྣང་ཡི་གེར་བསྡེབས་པ།” »
གཅན་བཟོད་རྒྱམ།
——————–
དེ་རིང་གི་སྙན་ངག
————-དུས་གསུམ་བརྗོད་པའི་མགྱོགས་བྲིས།
ཞོགས་པ།
རྡོ་ལ་རི་མགོ་གངས་ཀྱིས་གཡོགས་ཤིང་ཤོད་ཀྱི་རི་འདབས་སྨུག་སྤྲིན་མཚོ་མོ་ལྷོད་ཀྱིས་འཁྱིལ།།
ཆར་གྱིས་བཀྲུས་པའི་རི་སྐད་དག་ན་ལྗོན་ཤིང་སྟུག་ཅིང་བར་བར་གྲོང་ཁྱིམ་མཛེས་ཤིང་སྡུག།
མིང་འདོགས་མི་ཤེས་བྱ་བྱེའུ་སྐད་སྙན་ལྷང་ལྷང་སྒྲོག་གིན་རྒྱ་བོད་སྲང་ནས་གར་འགྲོ་མགྱོགས།།
ངས་ཀྱང་རྩིས་འཁོར་རྒྱབ་ཏུ་འཁུར་ཏེ་བག་ལེབ་ཟ་བཞིན་གོམ་པའི་རྟ་ཁ་གངས་སྐྱིད་བསྐོར།།
ཀླུ་སྨྱོན། ལོ་ནའི་དབང་གིས། ཉི་མ་དྲོ་དུས་ང་རང་ཉི་མར་ལྡེ་བཞིན་ཡོད། ཨ་རིའི་བོད་པ་ཚོ་ཇི་འདྲའི་བྲེལ་བ་ཚ་ནའང་། ང་རང་ལྷོད་ལྷོད་ངང་ཉི་མར་ལྡེ་བཞིན་ཡོད། ཐག་ཉེ་རུ་བྱ་བྱེའུ་འགས་སྡོང་མགོ་རུ་ཅ་ཅོ་འབྱིན་པ་དང་། ཐག་རིང་ས་རུ་གནམ་གྲུ་ཆེན་པོ་ཞིག་ཞི་བདེའི་རྒྱ་མཚོའི་མཁའ་དབྱིངས་ནས་འདི་ཕྱོགས་སུ་འཕུར་ཡོང་ན་ཡང་། ང་རང་བྲེལ་བ་ཅི་ཡང་མེད་པར་ཉི་མར་ལྡེ་བཞིན་ཡོད། འདི་ནས་དཔག་ཚད་གཅིག་གི་ཕ་རོལ་ཏུ། མཚེའུ་ཞིག་ཡོད་ཅིང་། དེའི་མཐའ་སྐོར་ན་གཅེར་ཧྲེང་མང་པོ་ཞིག་བྲང་དང་རྐུབ་ཉི་མར་བསྟན་ནས་ཉི་མར་ལྡེ་བཞིན་ཡོད། ང་རང་སྐབས་རེར་དེ་ཚོའི་གསེབ་ཏུ་འཛུལ་ནས་ཉི་མར་ལྡེ་བར་དགའ་བར་ཧ་ཅང་དགའ། ཞི་མོ་ཚོའི་ནུ་མ་དང་ཞི་ལི་ཚོའི་དཔུང་ཤ་ཡིས་ཁོ་རང་ཚོར་སེམས་ཚོར་མི་འདྲ་བ་ཅི་ཙམ་ཞིག་སྤྲོད་ན་ཡང་། ང་རང་ནི་ཞི་གནས་གྲུབ་པའི་དྲང་སྲོང་ཞིག་དང་མཚུངས་པར། ལུས་སེམས་གཉིས་ཀ་ཉི་མར་ལྡེ་བ་ལས། ཁོ་ཚོར་ཇུས་གཏོགས་ཅི་ཡང་བྱེད་ཀྱིན་མེད། གང་ལྟར། ཉི་མ་དྲོ་དུས། ང་རང་བྲེལ་བ་ཅི་ཡང་མེད་པར་ཉི་མར་ལྡེ་བཞིན་ཡོད།
ཨོཾ་བདེ་ལེགས་སུ་གྱུར་ཅིག
༡༽ རྒྱལ་ཀུན་གསུང་གི་རྣམ་པར་སྤྲུལ་པ་འོད་མཐའ་ཡས་པའི་ཐུགས་ཀ་ནས། །
ཧྲཱི་ཡིག་དམར་པོ་དྭངས་མའི་མཚོ་ལ་འཕོས་པའི་མཚན་དཔེའི་ལང་ཚོ་ཅན། །
མཐུ་སྟོབས་ནུས་པས་འཇིགས་རྟེན་འདི་རུ་ཐུབ་པའི་བསྟན་པ་གསལ་བར་བྱས། །
ཁྱད་པར་གངས་ལྗོངས་འགྲོ་བའི་མགོན་གཅིག་མཚོ་སྐྱེས་རྡོ་རྗེས་རྟག་སྐྱོངས་ཤིག །
༢༽ དེ་རིང་ངས་ནི་ཕ་མེས་བཟང་པོའི་ཆོས་ལུགས་ཤིག་གི་འཕེལ་འགྲིབ་བསམ། །
དེ་རིང་འདི་ན་གངས་ཅན་བོད་པའི་མི་རིགས་ཤིག་གི་ལས་དབང་བསམ། །
དེ་རིང་འདི་ཕྱི་གཉིས་གར་ཕན་པའི་དམ་པའི་ལྷ་ཆོས་སྐྱོབ་ཐབས་བསམ། །
དེ་རིང་ཉེན་ཁ་ཤིན་ཏུ་ཆེ་བའི་བོད་ཀྱི་མི་རིགས་སྤེལ་ཐབས་བསམ། །
༣༽ དེ་ཕྱིར་སྔོན་བྱོན་དམ་པའི་གསུང་དང་འགལ་བ་མེད་པའི་ལམ་ལུགས་གཅིག །
གངས་ཅན་བོད་པའི་མི་རིགས་ཆེན་མོ་གྲངས་མེད་འཕེལ་བའི་ཐབས་ལམ་གཉིས། །
འཛམ་གླིང་ཤར་ནུབ་མི་ཡི་སེམས་ལ་ཤིན་ཏུ་འགྲིག་པའི་ཆོས་ལུགས་གསུམ། །
དུས་དང་མཐུན་པའི་ཆོས་ལུགས་འདི་ནི་གོས་དཀར་ལྕང་ལོ་ཅན་ལ་ཡོད། །
༤༽ སྟོན་པ་ཤཱཀྱའི་འཁོར་གྱི་ནང་ན་རབ་བྱུང་ལས་ཀྱང་ཁྱིམ་པ་མང་། །
སོ་སོར་ཐར་པའི་སྡོམ་པའི་རྟེན་ལ་གླིང་གསུམ་སྐྱེས་པ་བུད་མེད་དགོས། །
སྟོན་པའི་འཁོར་ན་ལྷ་དང་ལྷ་མིན་མི་མ་ཡིན་པ་ཤིན་ཏུ་མང་། །
སྤྱན་གཟིགས་ཕྱག་རྡོར་འཇམ་པའི་དབྱངས་སོགས་ལྕང་ལོ་རལ་བས་སྐུ་རྒྱབ་ཁེབ། །
༥༽ སྔོན་དུས་རྒྱ་གར་འཕགས་པའི་ཡུལ་ན་གྲུབ་ཆེན་བརྒྱད་ཅུ་ལ་སོགས་དང་། །
བོད་འདིར་རྙིང་མའི་རྗེང་འབངས་ཕལ་ཆེར་གཏེར་ཆེན་བརྒྱད་རྩའི་མང་ཆེ་བ། །
གཞང་ཡང་སོ་ཟུར་གནུགས་གསུམ་བརྒྱུད་འཛིན་སྔགས་རིག་འཛིན་པའི་གྲུབ་ཆེན་མང་། །
ད་ལྟའི་བར་དུ་སྲོལ་བཟང་འདི་ཉིད་ཕྱོགས་ཀྱི་ཐ་གྲུ་ཀུན་ཏུ་ཁྱབ། །
དེ་ལས་མང་བ་། “༄༅། །སྔགས་པ་གོས་དཀར་ལྕང་ལོ་ཅན་གྱི་སྡེ་ལ་བསྔགས་པའི་གཏམ་སྤྲིན་གྱི་རོལ་མོ།” »