ཚེ་རིང་།
ཚིགས་མལ་འདི་ནི
ངས་ཆེས་མཐའ་མཇུག་གི་འགྲུལ་བཞུད་བྱེད་ས་དེ་ཡིན
འདི་ལས་རྒོད་པོ་གྲངས་མེད་ཀྱིས
གཤོག་ཟུང་བར་སྣང་ལ་གཏད་མྱོང་ལ
འདི་ལས་ཚེ་སྲོག་དུ་མ་ཞིག་ཀྱང
དབྱངས་རྟ་ལ་ཐིམ་སོང
ཕྱིར་དྲན་རེ་བྱེད་དུས
ཚེ་རིང་།
ཚིགས་མལ་འདི་ནི
ངས་ཆེས་མཐའ་མཇུག་གི་འགྲུལ་བཞུད་བྱེད་ས་དེ་ཡིན
འདི་ལས་རྒོད་པོ་གྲངས་མེད་ཀྱིས
གཤོག་ཟུང་བར་སྣང་ལ་གཏད་མྱོང་ལ
འདི་ལས་ཚེ་སྲོག་དུ་མ་ཞིག་ཀྱང
དབྱངས་རྟ་ལ་ཐིམ་སོང
ཕྱིར་དྲན་རེ་བྱེད་དུས
སྐྱོ་བྲག་དགའ་དབང་།
ཕོ་བརྒྱའི་དྭངས་རྩེ། མོ་བརྒྱའི་སྙིང་བཅུད། བཙུན་པའི་ཡང་རབ། མཁས་པའི་དབང་པོ། བཟང་པོའི་མིག་དཔེ། སྒྲུབ་པའི་རྐང་ཚུགས་པ། རྟོགས་པའི་ན་འཕར་བ། བརྒྱུད་པའི་སྣེ་ཟིན་པ། ཆེན་པོའི་གོ་ས་ལ་ཞེ་ལོག་པ། གུ་ཡངས་སྟབས་བདེ་ལ་རྒྱུད་གོམས་པ། ཆུང་བྱིས་པའི་དུས་ནས་ཆེན་པོའི་གཤིས་སྤྱོད་རྫོགས་པ། ཆེ་ན་ཚོད་སྨིན་པར་གཞོན་པོའི་ཟོ་མདོག་དོད་པ། ལངས་ན་གནམ་འདེགས་ཀྱི་ཀ་བ་འདྲ་བའི་བོངས་ཚད། བསྡད་ན་ས་ཆེན་ཡོམ་ཡོམ་དུ་སྐྱོམ་པའི་ཆེ་བརྗིད། བལྟས་ན་ཕོ་ཉམས་དོད་པ་ལ་མིག་གི་བདུད་རྩི། ཉན་ན་སྐད་ངག་སྙན་པ་ལ་རྣ་བའི་བཅུད་ལེན།
དགའ་ཉག་འཁྱམ་པོ།
ཉིད་ཀྱིས་ཞེ་ས་དང་འབྲེལ་བའི་དོགས་སློང་ཟིན་ཐུང་ལ་”བྲག་གཡབ་ཚང་གི་རྩོམ་ཞིག་བཀླགས་པ་”ཞེས་པའི་ཁ་བྱང་སྟབས་བདེ་ཞིག་སྤྱད་དེ་བགྲོ་གླེང་རྣམ་པས་སྤེལ་འདུག་པར། ཐུགས་རྗེ་ཆེ་ཞུ་བ་དང་སྦྲགས། གུས་པས་ཀྱང་ཉིད་ཀྱི་དོགས་པ་དང་། དྲི་བའི་རིགས་ལ་ཁ་བརྡ་ཅུང་ཙམ་བྱའོ།
1) ཁྱེད་དང་ཁྱོད་གཉིས་ཞེ་ས་ཡིན་མིན་གྱི་ཚད་ཅིག་དེ་སྔོན་སུས་ཀྱང་མ་བཞག་ཅིང་། ནན་གྱིས་བཞག་ན་ཡང་ཤིན་ཏུ་དཀའ། མིང་མཛོད་དང་ཚིག་མཛོད་ག་གེ་མོ་ནང་གསལ་ཞིང་། མཁས་པ་དང་རྩོམ་པ་པོ་ཆེ་གེ་མོས་དེ་ལྟར་བཤད་འདུག་ཟེར་ན་ཡང་ཁྱབ་པ་མེད།
གངས་སེང་།
ཞང་ཞུང་སྐད་དུ་སངས་གྱིན་ཞེས་པའི་གོ་དོན་བཀྲོལ་བ་གཟུར་གནས་བློ་གསར་དགྱེས་པའི་གཏམ་ཐུང་།
དེང་སང་མཁས་བླུན་མང་པོ་ཞིག་ནས་ཞང་ཞུང་སྐད་ལ་སངས་རྒྱས་ཞེས་པའི་ཚིག་མེད་པ་དང་དེ་དུས་རབས་བརྒྱད་པར་གསར་བཟོ་བྱས་པར་བཤད་མཁན་འགའ་ཤས་སྣང་བས། དེ་ནི་བཤད་མཁན་རང་ཉིད་ལ་མཐོང་རྒྱ་དང་ཐོས་རྒྱ་ཆུང་བའི་དབང་གིས་མ་རྟོགས་པ་ཡིན་པ་ལས་བོན་པོའི་གཞུང་ལུགས་རྣམས་སུ་དེ་མེད་པ་མ་ཡིན་ཏེ། མ་རྒྱུད་སངས་རྒྱས་རྒྱུད་གསུམ་ལས་ཆེས་གསལ་བའོ། དེ་ཡང་གཞི་ཡེ་སངས་རྒྱས་པའི་རྒྱུད་ལས། ཞང་ཞུང་སྐད་དུ། ཨུ་ཡེ་ཐ་ཙན་མ་ཏྲ་ཤེ་རྐྱ་ཉི་རི་ཀུ་ཤུ་ཧ་སངས་གྱིན་ཏན་ཏྲ།
རྔ་བ་བརྒྱད་གསུམ་གཅིག་དྲུག
གངས་རིའི་ལྗོངས་ཀྱི་བློ་གསལ་གཞོན་ནུ་ཚོ།།
ཁ་བའི་ལྗོངས་ལ་དུངས་པ་སྐྱེས་ཡོད་ན།།
ཕ་སྐད་དྭངས་མ་ཁྱད་ནོར་མཆོག་ཡིན་པས།།
མ་སྐྱེས་བུ་རྒོད་ཡིན་ན་གཅེས་འཛིན་བྱོས།།
འགྱོད་པའི་སེམས་འདི་རང་གི་འཐུས་ཤོར་ཡིན།།
འགྱོད་མེད་སེམས་ཀྱིས་མེ་ཏོག་འདེབས་འདོད་ན།།
རེབ་ཐོག་མདའ།
ཨ་མ་ཞིག་གི་མིག་ཆུའི་བསྐྱལ་མ་ད་དུང་ཡ་ཆུང་ཟབ་སར་བརླན།།
ཕ་ཡུལ་བྲལ་བའི་ཉིན་ནུབ་དེ་ནས་བདག་མེད་རི་དྭགས་སྐྱེས་སུ་ལངས།།
དབུས་ཀྱི་ལྷ་སའི་ཇོ་བོའི་མདུན་ནས་ནུབ་ཀྱི་ཕྱོགས་ལ་སྨོན་ལམ་བཏབ།།
ལ་ལུང་བརྒལ་བའི་འགྲུལ་བཞུད་ཁུགས་ན་ཧི་མ་ལ་ཡི་སྣང་བརྙན་ཞིག །
གངས་རིར་བཞག་པའི་ཞབས་རྗེས་ཁྲོད་ན་གཏམ་རྒྱུད་སྟོང་གི་རྨ་ཁ་ཡོད།།
གོར་ཥའི་གྲུ་ཁའི་རི་འདབས་ཞིག་ནས་ཇ་ནག་རྩམ་སྐྱ་ཟས་སུ་བསྟེན།།
ཆབ་མདོ་ངག་ཕུན།
ཡོན་ཏན་མཆོག་མངའ་དགེ་བའི་བཤེས།།
གསུང་དབྱངས་ཕྲ་མོས་ཕྱི་ནང་འགུལ།།
སྔོན་མེད་ལེགས་བཤད་སྟོན་པ་པོ།།
སྐུ་ཕྲེང་བཅུ་བཞི་པ་ལ་གུས་ཕྱག་འཚལ།།
གསལ་བྱེད་སུམ་ཅུའི་འོད་རླབས་གངས་རི་རྩེ་ནས་ཤར།།
དབྱངས་ཡིག་བཞི་པོས་གངས་རི་ལྗོངས་ཀྱི་མུན་པ་སེལ།།
དེ་ལས་མང་བ་། “སྒོམ་ཆེན་བསྟན་འཛིན་སྐལ་ལྡན་དང་བྱ་སྤྲེལ་གྱི་ལས་དབང་།” »
སྐྱ་རེངས།
དངོས་གནས། ཁྱོད་ང་ལ་བརྩེ་བ་མེད་ན།
ངའི་སྔུན་ནས་མ་ངུ་རོགས་ཞུ།
ངས་བརྩེ་བ་མེད་པའི་མིག་ཆུ་ཞིག་མཐོང་མི་འདོད།
ང་ལ་སྡུག་བསྔལ་མ་བསྐྱེད་རོགས།
ཡ་ང་བའི་ང་རང་། བདེ་སྐྱིད་དང་འཛུམ་མདངས་ཁྲོད་ནས།
གནས་འདི་རུ་ཁ་བྲལ་དུ་འཇུག་རོགས།
དེང་འདི་ལས་སྐྱོ་བ་དང་སྡུག་བསྔལ་བ་ཞིག
དེ་སྔོན། ང་ཡི་མི་ཚེ་ནང་གཏན་ནས་བྱུང་མ་མྱོང་།
རྡོ་རྗེ་རིན་ཆེན།(སྐྱ་རེངས)
བདག་གིས་ཆོས་ལུགས་ལ་ཚན་རིག་གི་ངོས་ནས་རིན་ཐང་ཅི་ཞིག་བདོག་མིན་གཏན་ནས་མི་ཤེས་ལ། ཚན་རིག་གིས་ནམ་དུའང་ཆོས་ལུགས་ལ་དཔང་སྐྱེལ་བྱ་མི་སྲིད། ཆོས་ལུགས་ཀྱི་གྲུབ་དོན་ཞིག་ཚན་རིག་དང་མཐུན་ཙམ་གྱིས། ཆོས་ལུགས་ལ་ཚན་རིག་གི་རིན་ཐང་ཡོད་པ་ཞིག་ཏུ་འགྱུར་བར་གཞར་ནས་མི་འདོད་དོ།།
ཆོས་ལུགས་ནི་གཏན་ཚིགས་རིག་པ་དང་མཚན་ཉིད་རིག་པའི་ཁོངས་སུ་མི་གཏོགས་པས། གང་བཤད་པ་ཐམས་ཅད་བདེན་པ་ཡིན་པའི་ངེས་པ་མེད།
རྔ་བ་བརྒྱད་གསུམ་གཅིག་དྲུག
མི་འགྱང་བར་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཐེངས་དགུ་བ་དེ་ཕྱི་ལོ་ ༢༠༡༤ ཟླ་་ ༠༩ ཚེས ་༡༢ ནས་ཚེས་ ༢༤ བར་དུ་འཚོགས་རྒྱུ་ཡིན་པ་ཐུགས་གཏན་ཁེལ་ཡོད་སྟབས། གོ་སྐབས་འདི་དང་བསྟུན་ནས་ཆེས་བཀུར་འོས་པའི་བཀའ་སྤྱི་ལྷན་རྒྱས་ལ་གནས་ལུགས་འགའ་སྙན་འབུལ་ཞུ་རྒྱུ་ཡིན་པས། བཀུར་འོས་ལྷན་རྒྱས་རྣམ་པས་སྙན་ཞུ་འདི་ལ་དཔུང་རོགས་ཡོད་མེད་དང་སྐུ་རྒྱབ་བཙན་མིན་ལ་མི་ལྟ་པར་གནས་ལུགས་དང་རྒྱུ་མཚན་ལ་དོ་ཁུར་གནང་བའི་རེ་བ་དང་ཡིད་ཆེས་ཡོད།
རེབ་ཐོག་མདའ།
སྟོན་ལོར་སེར་ཐིགས་ལྷུང་བའི་སྔ་རོལ་ནས།།
གཙང་བོ་འཁྱག་གིས་བསྡམས་པའི་གཏམ་རྒྱུད་ཁྲོད།།
ངལ་དུབ་ལོ་ཟླ་དྲན་པའི་ངོགས་སུ་ལུས།།
རེ་སྒུག་མིག་ཟུང་རི་བོའི་མཐའ་ལ་བསྲིངས།།
ཚོར་བ་དམར་པོས་བྲིས་པའི་འཕྲིན་པ་འདི།།
མཐོ་སྒང་མེ་ཏོག་ཅིག་གི་བརྩེ་བ་ཡིན།།
འོས་སྦྱོར་བ། གཅན་རྣམ་ཐར།
བོད་ཀྱི་སྐད་ཡིག་ཐོག་ནས་སློབ་གསོ་མི་རིགས་ཅན་དུ་འགྱུར་རྒྱུར་མདུན་ལམ་ཆེན་པོ་ཡོད་པའི་སྐོར།
དུང་དཀར་བློ་བཟང་འཕྲིན་ལས།
ནང་དོན་གནད་བསྡུས། བོད་ཡིག་དང་བོད་སྐད་ཐོག་ནས་སློབ་གསོ་མི་རིགས་ཅན་དུ་བསྒྱུར་ཐུབ་པར་མ་ཟད། བོད་ཀྱི་ཡི་གེ་ལ་མི་རིགས་གཞན་གྱི་ཡི་གེ་དང་མི་འདྲ་བའི་ཁྱད་ཆོས་བདུན་ཡོད་པ་བརྗོད་ཡོད།
གནད་འགག་མིང་བརྡ། བོད་སྐད་ཡིག སློབ་གསོ། མི་རིགས་ཅན།
བོད་ཡིག་དང་བོད་སྐད་ཐོག་ནས་དེང་རབས་རིག་གནས་གསར་བའི་སློབ་གསོ་མི་རིགས་ཅན་དུ་བསྒྱུར་ཐུབ་པ་ཙམ་དུ་མ་ཟད། དེའི་མདུན་ལམ་ཡངས་ཤིང་རྒྱ་ཆེ་བ་ཡོད།
དེ་ལས་མང་བ་། “བོད་ཀྱི་སྐད་ཡིག་ཐོག་ནས་སློབ་གསོ་མི་རིགས་ཅན་དུ་འགྱུར་རྒྱུ།” »
སྐྱིད་བྱམས་བསྟན་འཛིན་དགའ་བ།
རྣམ་བཅུ་དབང་ལྡན་འདི་གཉིས་ལས་གང་ཞིག་ཁུངས་དང་ལྡན་ནམ། ལུགས་ཤིག་ཡོད་པས་ཆོག་ན་རང་ལུགས་བཞག་པའི་དགོས་པ་མེད་དེ་གཞན་ལུགས་དེ་ཡང་ལུགས་ཤིག་ལས་མ་འདས་པའི་ཕྱིར་རོ། །
དུས་རབས་བཅུ་གཅིག་པའི་འགོ་སྟོད་ནང་དུས་འཁོར་ཐོག་མར་བོད་ལ་བསྒྱུར་བ་ནས་བཟུང་སྟེ་དུས་ད་ལྟ་ལ་ཐུག་གི་བར་མི་ལོ་དགུ་བརྒྱ་ལྷག་ཙམ་གྱི་ལོ་རྒྱུས་ཀྱི་དོན་སྙིང་ལྡན་ཡོད་ཅིང་། དུས་ཡུན་དེ་དག་གི་རིང་དུས་འཁོར་གྱི་བསྟན་པ་འདི་བོད་ཡུལ་དུ་ས་དར་རྡོ་དར་དུ་ཁྱབ་སྤེལ་བྱུང་བ་དང་དུས་མཚུངས་སུ། དུས་ཀྱི་འཁོར་ལོའི་གཞི་ལམ་འབྲས་གསུམ་གྱི་གནད་ཡོངས་སུ་ཚང་བའི་རྣམ་བཅུ་དབང་ལྡན་གྱི་ཡི་གེ་འདི་ཡང་སྒོ་སྟེང་སོགས་སུ་འགེལ་འཇོག་གི་སྲོལ་འདི་དར་ཁྱབ་ཧ་ཅང་ཆེན་པོ་བྱུང་ཡོད།
དེ་ལས་མང་བ་། “རྣམ་བཅུ་དབང་ལྡན་འདི་གཉིས་ལས་གང་ཞིག་ཁུངས་དང་ལྡན་ནམ།” »
ཙ་རིའི་གནས་སྐོར་བྱེད་པ་མིང་གི་དོན།།ཚ་གྲང་དཀའ་ཐུབ་བྱེད་པ་ལྟོ་ཡི་དོན།།ཛ་ཡའི་གསུང་རབ་ཀློག་པ་ཡོན་གྱི་དོན།།ཝ་ལེར་བསམས་ན་ཐམས་ཅད་ནོར་གྱི་དོན།།
—དགེ་འདུན་ཆོས་འཕེལ།
དགེ་འདུན་དཀོན་མཆོག་བཙུན་གཟུགས་དམར་ལོག་རང་ཡིན་ན།།དཀོན་དང་མི་དཀོན་ཕྱི་ཚུལ་ནང་ཉམས་ལ་རྟོགས་ཤིག།མཆོག་གསུམ་ཁ་ལ་སྒྲོགས་པས་སྐྱབས་འོག་ཏུ་ཚུད་ན།།དགོན་སྡེའི་ནེ་ཙོ་དག་ཀྱང་འཕགས་ལམ་ལ་ཞུགས་སོ།།
—དོར་ཞི།
རྩོམ་པ་པོ། ཚེ་ལོ་ཐར། ༼བསྟན་འཇམ་གྱིས་འོས་སྦྱོར་བྱས།༽
གསུམ་པ།
མཁའ་དབྱིངས་སུ་སྐར་མའི་ཚོགས་ཀྱིས་ཁོ་གཉིས་ལ་ཅེར་ཏེ་ཅི་ཞིག་བཤད་པར་རེ་སྒུག་བྱེད་པ་དང་འདྲ་ཞིང་། སྐར་མ་སྨེ་བདུན་གྱིས་ཅི་ཞིག་མ་གོ་བ་བཞིན་མགོ་བོ་འཁྱོགས་ཏེ་བལྟས་འདུག
“རེད། རེད། གྲོགས་མཆོག་དམ་པ་ཡིན་ན། སྐྱིད་ཡོད་ན་མཉམ་རོལ་དང་སྡུག་ཡོད་ན་མཉམ་འཁུར་བྱ་དགོས། ངས་ཁྱོད་ལ་བཤད་ན། ཁྱོད་ཀྱིས་ང་ལ་སྡིགས་མི་ཆོག་་་་་་ ”
“ང་ཁྱོད་ལ་སུན་ནི་ཞིག་རེད། སྐྱེས་ཕོ་རབ་ཅིག་ཡིན་ན། རང་གི་སྲོག་ལ་བབས་ཀྱང་བཤད་ཕོད་དགོས། དོ་དགོང་ཁྱོད་བུད་མེད་ཅིག་དང་འདྲ་བ་ཅི་རེད། ”
དེ་ལས་མང་བ་། “རྔུལ་ཁྲག་གིས་བརླན་པའི་དབྱར་རྩྭ་དགུན་འབུ། གསུམ་པ།” »
ཀླུ་སྨྱོན།
སངས་རྒྱས་ཀྱི་བསྟན་པའི་མཇུ་བསྡུ་སའི་ལི་ཡུལ་དེ་དེང་སང་གི་ཤིན་ཅང་ཡིན་ནམ། ཡིན་ན་ཤིན་ཅང་ནས་སངས་རྒྱས་བསྟན་པའི་མཇུག་བསྡུས་ནས་ལོ་སྟོང་ལ་ཉེ་བ་ཕྱིན་འདུག་ག ཤིན་ཅང་ནས་སངས་རྒྱས་ཀྱི་བསྟན་པ་མཇུ་བསྡུ་སྟངས་དེ་ནི་བུ་སྟོན་ཆོས་འབྱུང་སོགས་སུ་གསུངས་པའི་ཉན་ཐོས་ཚོས་གཅིག་གིས་གཅིག་བསད་དེ་མཇུག་བསྡུས་པ་ཞིག་མ་ཡིན་པར། ཀླ་ཀློ་མུ་ཟི་ལིམ་གྱི་དམག་དཔུང་གིས་ང་ཚོའི་ཉན་ཐོས་ཚོ་གསོད་བཟུང་སྐྲོད་གསུམ་བྱས་ནས་མཇུག་བསྡུས་པ་ཞིག་ཡིན་པ་ལོ་རྒྱུས་ཡོངས་གྲགས་རེད།
དེ་ལས་མང་བ་། “ལི་ཡུལ་དང་ཞིན་ཅང་། ད་དུང་བསྟན་པའི་མཇུག་བསྡུ།” »
བསྟན་འཛིན་བྱམས་བརྩེ།
ངས་ལོ་མང་གི་སྔོན་དུ་འབྲུག་ཆོས་ལྡན་རྒྱལ་ཁབ་ཞེས་མི་ཚོས་འབོད་པ་གོ་མྱོང་ལ། འབྲུག་མི་སེར་སྐྱེ་མ་ཚོ་ཡང་གནས་མཆོག་རྡོར་གདན་དུ་མང་པོ་མཐོང་མྱོང་། མ་ཟད་བོད་འབྲུག་གཉིས་སྐད་ཡིག་གཅིག་གྱུར་གྱི་འོག་ནས། རིག་གཞུང་དང་། ཡུལ་གོམས་གཤིས་ལུགས་སོགས་མཐུན་པ་མང་བས། དེ་སྔོན་ང་རང་འབྲུག་དང་སེམས་ཐག་ཀྱང་ཧ་ཅང་ཉེ་བོ་ཡོད། ཕྱོགས་གཅིག་ནས་བཤད་ན། འབྲུག་ནི་བོད་པའི་ཁྱིམ་མཚེས་རྒྱལ་ཁབ་ཅིག་རེད་ལ། དེ་ལས་ཧམ་བཤད་ཅིག་བྱས་ན། འབྲུག་ནི་བོད་པའི་ཆ་ཤས་ཤིག་རེད།
དེའི་གལ་ཆེའི་བདེན་དཔང་ཞིག་ནི། སྔོན་ཆད་འབྲུག་པས་བོད་སྡེ་བ་གཞུང་ལ་བཅའ་ཁྲལ་འབུལ་དགོས་ཀྱི་ཡོད་པ་དང་།
སྐྱོ་བྲག་དགའ་དབང་།
བདག་གིས་སྤྱིར་མི་ཚེའི་གནས་བབས་ཀྱི་ཤེས་བྱ་གཙོར་འདོན་བྱས་པ་ཞིག་བྲིས་པར། ཨ་ནེ་ལགས། ཨ་ནེ་ལགས། ཞེས་པ་ལྔ་བཅུ་ཐམ་པ་ཡོད་པ་ལ་བརྟེན་ནས། ཨ་ནེ་ལྔ་བཅུ་པ། ཞེས་བཏགས་ཏེ་གཡུ་ཞུན་དྲ་བར་བཏང་བ། སྤྱི་ལོ་༢༠༡༠ ཟླ་༤ ཚེས་༡༡ ཉིན་བཀོད་འདུག་པར་ལབ་གླེང་ཅི་ཡང་མ་བྱུང་།
རྗེས་མ་སྐད་འཕྲིན་(WeChat) ཁྱབ་གདལ་དུ་ཕྱིན་པའི་བྱ་སླར་བརྟེན་ཏེ་འགའ་ཤས་ཤིག་གིས་ང་ནག་པོར་སྒྱུར་བའི་རེ་དམིགས་ཡིན་སྲིད་པ་ལྟ་བུས།
ཚེ་རིང་།
ཡལ་ག་མང་བའི་སྡོང་རྒན་དེ་ནི
ཆེས་སྤྱིར་བཏང་གི་ཤིང་སྡོང་ཞིག་ཡིན་ལ
སྟོན་མཇུག་རེ་རེ་སླེབས་དུས
རང་གི་ཤ་ལས་འཆད་པའི་བུ་ཕྲུག་ལྟ་བུའི
ལོ་མ་སེར་བོ་གྲངས་མེད་ཅིག
སྟོན་རླུང་གིས་འཁུར་འགྲོ
རླངས་ཚངས་བསོད་ནམས་རྡོ་རྗེ།
༼ད་ལོར་མཚོན་ན་དབྱར་རྩྭ་དགུན་འབུ་བརྐོ་རུ་སོང་ནས་སེན་མགོ་ཁྲག་དང་སེན་གཏིང་སྣག་བྱས་ཏེ་ཡོང་བ་དག་ལ་འོ་དོད་ཐེངས་ཤིག་དང་ལྷན་དུ་བསམ་གཞིགས་ཟབ་མོ་ཞིག་བྱེད་དགོས་པར་གྱུར་པའི་ལོ་ཞིག་ཡིན་ལ། ལྷག་པར་དུ་རེབ་གོང་ལ་མཚོན་ན་ཕུ་ནུ་ནང་འཁྲུག་གིས་མི་ཤི་རྟ་འགྱེལ་བྱུང་བའི་ལོ་ངན་ཞིག་ཀྱང་ཡིན་མོད། ལྟས་ངན་པ་ཞིག་ལ་ཁོ་ཚོས་ད་དུང་ཡང་ཕུགས་འཕེར་རང་བཞིན་གྱི་ལས་གནས་ཤིག་ལ་འཇུ་རྒྱུ་ལས་སང་ལོར་འདི་ལས་ལེགས་པའི་སྟོང་བསམ་ཞིག་བཅངས་བཞིན་ཡོད། འདི་ལྟར་ལོ་ངོ་རེ་རེ་བཞིན་བསྐྱལ་བའི་ཕ་རོལ་ནས་འུ་ཅག་གི་དཔལ་འབྱོར་གྱི་གནས་བབ་དང་རིག་གནས་ཀྱི་གནས་བབ་འདི་ཇི་འདྲ་ཞིག་ཏུ་འགྱུར་རྒྱུ་རེད་དམ།༽
དེ་ལས་མང་བ་། “ང་ཚོ་དབྱར་རྩྭ་དགུན་འབུའི་གཡོ་འོག་ཏུ་ཚུད་ཀྱིན་འདུག (བོད་འབྱོར།)” »