སྤྱི་འཐུས་ལྷན་རྒྱས་ལ་རྔུལ་ནག་རྒྱག་གི་འདུག
ཤར་ཕྱོགས་ཁུག་རྟ། དེ་རིང་སང་ཉིན་གྱི་རྡ་ས་ནི་དངོས་གནས་རེ་འདུན་ཞིག་གི་སྟེང་དུ་བབས་འདུག་ལ། ༧གོང་ས་མཆོག་གི་གསུང་འཕྲིན་ཐད་ཀྱི་སེམས་འཚབ་དང་ཤེས་འདོད། རེ་བ་ཡོད་ཚད་མེ་ལྕེ་ལྷབ་ལྷབ་གཡོ་བ་དང་མཚུངས། སྤྱི་འཐུས་གྲོས་ཚོགས་ཀྱིས་ཉིན་གཉིས་པ་ཧྲིལ་པོར་གསུང་འཕྲིན་ཐད་ཐུགས་རྗེ་ཆེ་ཞུའི་བགྲོ་གླེང་གནང་བ་དང་། ཉིན་གསུམ་པའི་ཉིན་རྒྱབ་དང་དེ་རིང་ཉིན་བཞི་པར་བཞུགས་མོལ་ཚོགས་འདུ་སྐོང་རྒྱུ་ཡིན་པ་རེད། སྤྱི་འཐུས་རྣམ་པ་ཚོ་ཚོགས་རའི་ཕྱི་ནང་དང་། ལམ་བར་ཟ་ཁང་གང་དུའང་གནད་དོན་འདིའི་སྒང་དུ་ཕྱིན་ནས་ཀླད་པ་དཀྲུག་ཚད་ནི་ཟུར་ནས་སོ་ལྟ་བྱེད་མཁན་ཚོ་དངོས་གནས་དགའ་སྤྲོ་འཕེལ་བ་ཞིག་རེད།