མདོ་སྨད་རེབ་གོང་ཐོ་རྒྱའི་བོད་རིགས་བུད་མེད་འདིས་ཕྱི་ཟླ་ ༣ ཚེས་ ༧ ཉིན་རྒྱ་ནག་པེ་ཅིན་དུ་མི་དམངས་འཐུས་ཆེན་འཚོགས་པའི་གོ་སྐབས་དང་སྟབས་བསྟུན་བུད་མེད་ཀྱི་མི་གཤིས་ལ་བརྩི་མཐོང་དང་བུད་མེད་ལ་ཆེ་མཐོང་། འགྲོ་བ་མིའི་ཐོབ་ཐང་དང་འདྲ་མཉམ་དགོས་པར་ངོ་རྒོལ་ཞུ་གཏུགས་བྱེད་པའི་རྣམ་པ།
ནམ་མཁའ་བྱིའུ་བདའ།
རིག་འབྱུང་དོན་གྲུབ་བཀྲ་ཤིས། ཨ་རི།
ནམ་མཁའ་བྱིའུ་བདའ་ནི་ངའི་གྲོགས་པོ་ཞིག་ཡིན། ཆུང་བྱིས་བའི་དུས་ཀྱི་གྲོགས་པོ་ཞིག་ཡིན། ང་ཆུང་ངུའི་སྐབས་སུ་། ཕ་ཡུལ་དུ་དབྱར་གནང་ལ་འགྲོ་ཐེངས་རེར།
ནམ་མཁའ་བྱིའུ་བདའ་དང་མཉམ་དུ་བྱིའུ་བདའ་རུ་ཐེངས་མང་འགྲོ་མྱོང་། ནམ་མཁའ་བྱིའུ་བདའ་དང་མ་ཐུག་པར་ལོ་ངོ་བཅུ་གྲངས་ཕྱིན་པའི་དེ་རིང་ཡང་། ངའི་སེམས་ན། ཆུང་ངུའི་དུས་ཀྱི་འཚོ་བ་དེ་ཚོ་ཁྲ་ལེམ་མེར་འདུག ནམ་མཁའ་བྱིའུ་བདའི་མིང་དངོས་ལ་ནམ་མཁའ་ཚེ་རིང་ཟེར། ནང་མི་དང་གྲོགས་པོ་ཚོས་ཁོང་གི་མིང་ལ་ནམ་མཁའ་ཞེས་འབོད། སྡེ་མི་རྣམས་ཀྱིས་ཁོང་གི་མིང་ལ་ནམ་མཁའ་བྱིའུ་བདའ་ཞེས་འབོད། རྒྱུ་མཚན། ཁོང་ཆུང་ངུའི་དུས་ནས་བྱིའུ་བདའ་བར་ཧ་ཅང་དགའ།
ཁྱི་སྨྱོ། ༼རྒྱུན་ཤེས།༽
སྨྱུག་རྒོད་གངས་བུ་དཔལ།
༡ ནད་དེའི་སྐོར།
འཛམ་གླིང་ནང་ལོ་རེར་མི་གྲངས་༥༠༠༠༠ལྷག་པ་ཁྱི་སྨྱོའི་ནད་ཀྱི་རྐྱེན་གྱིས་འཆི་ཡི་ཡོད་ལ།
དེའི་ནང་ནས་ཀྱང་ཨེ་ཤེ་ཡ་གླིང་ཆེན་དང་ཨཕ་རི་ཀའི་གླིང་ཆེན་ནང་བརྒྱ་ཆ་༩༥ནད་དེས་རྐྱེན་ལམ་དུ་གཏོང་གི་ཡོད།
དེ་ཡང་མང་ཆེ་བ་ཁྱིས་སོ་རྒྱབ་པ་དང་དེའི་ཁྲོད་ནས་བརྒྱ་ཆ་༣༠ནས་༦༠བར་བྱིས་པ་ལོ་༡༥མན་ཆད་ཡིན།
སྤྱི་ལོ་༢༠༠༣མགོ་སྟོད་དུ་ལྷོ་ཨཕ་རི་ཀའི་ནང་མི་མང་པོ་རང་འཁྱམས་ཀྱི་སེམས་ཅན་བདག་གཉེར་བྱེད་མཁན་མེད་པའི་སེམས་ཅན་སྤྱི་དང་དམིགས་བསལ་ཙི་ཙི་སྒམ་པོ་དང་ཁྱི་བརྒྱུད་ནས་ཁྱི་སྨྱོ་ཕོག་ནས་འདས་ཡོད་འདུག
གྱི་བཀླགས་བྱང་།
སྨུག་སྤྲིན་དེ་ང་ལ་འཐིམ་སྲིད་དམ།
རྩོམ་པ་པོ། གཉན་པོ།
ནམ་མཁའ་ཧ་ཅང་དྭངས་པའི་སྐབས་སུ་ཡང་།
གདུག་རྩུབ་ཀྱིས་འཐིབ་སྲིད་པའི་སྨུག་སྤྲིན་དེ།
བར་སྣང་གི་མི་ཚོགས་དེའི་སེམས་པའི་ཀླུང་རྟ་ཡིན་ན།
དངོས་ཡོད་ལས་བརྒལ་བའི་ངོ་གདོང་དེའི་ཆེད་དམ།
རླུང་གིས་ཁུར་བཞིན་པའི་དངུལ་སྤར་མོ་གང་གི་དོན་དུ།
གར་ཡོང་འདིར་ཡོང་བྲལ་བའི་སྨུག་སྤྲིན་དེ།
ང་ལ་འཐིམ་སྲིད་དམ།
ཉི་འོད་ལམ་ལམ་འཚེར་བའི་སྐབས་སུའང།
ཁ་བ་གྲང་ངར་གྱིས་དེད་འོང་བའི་སྨུག་སྤྲིན་དེ།
ཁྱེད་ཀྱི་བདེ་བ་འབོད་པའི་རྨི་ལམ་གྱི་གཡབ་མོ་ཡིན་ན།
ང་ཡི་སྔས་མགོར་བཞག་པའི་བཟི་སྨན་དམ་བུ་གང་བོ་འདི་ཡིས་སམ།
རླུང་བུ་རྒྱང་ནས་བསུ་བའི་གྲོང་ཚོ་འདིའི་ཁ་དབུགས་སྐྱ་བས།
སྨུག་སྤྲིན་དེ་ང་ལ་འཐིམ་དུ་འཇུག་སྲིད་དམ།
སྨུག་སྤྲིན་དེ་རྡ་སའི་སྤྱི་ཚོགས་ལ་ཐིམ་པར་སྨྲས་ཤིག།
(གཉན་པོའི་སེམས་ལྗོངས་ལས་བཤུས།)
<>གྱི་བཀླགས་བྱང་།
རས་པ།
ཁོ་བས་ཤེས་ཚོད་ལྟར་ན་གཉན་པོ་ལགས་ནི་རྩོམ་ཡིག་འབྲི་འདོད་ཀྱིས་ཧོབ་ཏེ་བྲིས་པ་དེའི་རིགས་སུ་མི་གཏོགས་ཤིང་། རྩོམ་ཡིག་འབྲི་བའི་སྔོན་འགྲོའི་རིམ་པ་རྒྱུད་པའི་གཞོན་སྐྱེས་རྩོམ་པ་པོ་ཞིག་ལགས།
<<སྨུག་སྤྲིན་དེ་ང་ལ་འཐིམ་སྲིད་དམ་>>གྱི་བཀླགས་བྱང་།
སྨུག་སྤྲིན་དེ་ང་ལ་འཐིམ་སྲིད་དམ།
རྩོམ་པ་པོ། གཉན་པོ།
ནམ་མཁའ་ཧ་ཅང་དྭངས་པའི་སྐབས་སུ་ཡང་།
གདུག་རྩུབ་ཀྱིས་འཐིབ་སྲིད་པའི་སྨུག་སྤྲིན་དེ།
བར་སྣང་གི་མི་ཚོགས་དེའི་སེམས་པའི་ཀླུང་རྟ་ཡིན་ན།
དངོས་ཡོད་ལས་བརྒལ་བའི་ངོ་གདོང་དེའི་ཆེད་དམ།
རླུང་གིས་ཁུར་བཞིན་པའི་དངུལ་སྤར་མོ་གང་གི་དོན་དུ།
གར་ཡོང་འདིར་ཡོང་བྲལ་བའི་སྨུག་སྤྲིན་དེ།
ང་ལ་འཐིམ་སྲིད་དམ།
ཉི་འོད་ལམ་ལམ་འཚེར་བའི་སྐབས་སུའང།
ཁ་བ་གྲང་ངར་གྱིས་དེད་འོང་བའི་སྨུག་སྤྲིན་དེ།
ཁྱེད་ཀྱི་བདེ་བ་འབོད་པའི་རྨི་ལམ་གྱི་གཡབ་མོ་ཡིན་ན།
ང་ཡི་སྔས་མགོར་བཞག་པའི་བཟི་སྨན་དམ་བུ་གང་བོ་འདི་ཡིས་སམ།
རླུང་བུ་རྒྱང་ནས་བསུ་བའི་གྲོང་ཚོ་འདིའི་ཁ་དབུགས་སྐྱ་བས།
སྨུག་སྤྲིན་དེ་ང་ལ་འཐིམ་དུ་འཇུག་སྲིད་དམ།
སྨུག་སྤྲིན་དེ་རྡ་སའི་སྤྱི་ཚོགས་ལ་ཐིམ་པར་སྨྲས་ཤིག།
(གཉན་པོའི་སེམས་ལྗོངས་ལས་བཤུས།)
<<སྨུག་སྤྲིན་དེ་ང་ལ་འཐིམ་སྲིད་དམ་>>གྱི་བཀླགས་བྱང་།
རས་པ།
ཁོ་བས་ཤེས་ཚོད་ལྟར་ན་གཉན་པོ་ལགས་ནི་རྩོམ་ཡིག་འབྲི་འདོད་ཀྱིས་ཧོབ་ཏེ་བྲིས་པ་དེའི་རིགས་སུ་མི་གཏོགས་ཤིང་། རྩོམ་ཡིག་འབྲི་བའི་སྔོན་འགྲོའི་རིམ་པ་རྒྱུད་པའི་གཞོན་སྐྱེས་རྩོམ་པ་པོ་ཞིག་ལགས།
བོད་རང་བཙན།-བདེན་དོན་ལ་དཔྱད་ཞིབ། (ཆ་གཉིས་པ།)
འཇམ་དབྱངས་ནོར་བུས་ཕྱོགས་སྒྲིག་བྱས། དགེ་འདུན་་གྱིས་བསྒྱུར།
༼རྩོམ་ཡིག་འདིར་འཁོད་པའི་པར་རིས་དང་དཔེ་དེབ། དེ་བཞིན་གནས་ཚུལ་དང་ཚིག་རིས་ཚུན་ལ་དཔྱད་ཞིབ་བྱེད་པའམ་ཐུགས་དྭོགས་མཆིས་ཚེ། www.jamyangnorbu.com བརྒྱུད་ནས་དབྱིན་ཡིག་གི་མ་ཕྱི་ལ་གཟིགས་རོགས། དགེ་འདུན་རབ་གསལ་གྱིས་བསྒྱུར།༽
ཆིངས་ཡིག
ཆིངས་ཡིག་ཆེས་གལ་འགངས་ཆེ་བའི་གྲས་ཀྱི་གཅིག་ནི་ སྔོན་མ་སྤྱི་ལོ་ ༨༢༡-༨༢༢ བར་དེར་བོད་ཀྱི་བཙན་པོ་དང་རྒྱ་ནག་གོང་མ་གཉིས་བར་བཞག་པ་དེ་རེད། ཡིག་འབྲུ་དེ་དག་བོད་ཡིག་དང་རྒྱ་ཡིག་གི་ནང་དུ་རྡོ་རིང་གསུམ་གྱི་སྟེང་བརྐོས་ཡོད་པ་ལྷ་སའི་ཇོ་ཁང་གི་ཐག་ཉེར་ཡོད་ཅིང་། དེར་ “བོད་ཆེན་པོ་” དང་ “རྒྱ་ཆེན་པོ་” གཉིས་ཕན་ཚུན་མཛའ་བཤེས་དང་འདྲ་མཉམ། གུས་ཞབས་བཅས་ཀྱི་ཐོག་ནས་ལས་ཀ་བྱེད་ཀྱི་ཡིན་ཞེས་འཁོད་འདུག
མཐའ་མཚམས་༼ད་ལྟའི་ཀན་སུའུ་དང་ཧྲན་ཞིས་ཀྱི་ས་མཚམས་དང་ཉེ་བ་ཞིག་༽སྐོར་གྱི་རྩོམ་ཡིག་གཞན་ཞིག་ཏུ། “དེའི་ཤར་ཕྱོགས་ཐམས་ཅད་ནི་རྒྱ་ཆེན་པོའི་ཡུལ། ནུབ་ཕྱོགས་ཐམས་ཅད་ནི་ཡང་དག་པར་བོད་ཆེན་པོའི་ཡུལ་”ཅེས་གསལ་པོར་འཁོད་འདུག
ཆིངས་ཡིག་རྡོ་རིང་འདི་ནི་མཚམས་རེར་པོ་ཏ་ལའི་མདུན་གྱི་ཞོལ་རྡོ་རིང་གྲགས་ཅན་དེ་ལ་འཁྲུལ་བ་ཡོད་ཅིང་། རྡོ་རིང་དེའི་སྟེང་དུ་ ཕྱི་ལོ་ ༧༦༣ ལོར་བོད་ཀྱིས་རྒྱ་ནག་གོང་མའི་རྒྱལ་ས་ཁྲང་ཨན་༼ Changan ༽བཟུང་བའི་བོད་ཀྱི་རྒྱལ་ཁ་ཆེན་པོ་གཞན་དེའི་ལོ་རྒྱུས་འཁོད་ཡོད་པ་རེད།
རང་བཙན་གྱི་རྒྱལ་ཁབ་ཅིག་ཡིན་པའི་ངོས་ནས། བོད་ཀྱིས་ཁྱིམ་མཚེས་རྒྱལ་ཁབ་དཔེར་ན། ༡༦༨༡ ལོར་བུ་ཤེར་དང་། ༡༦༨༣ དང་༡༨༤༢ ལོར་ལ་དྭགས། ༡༨༥༦ ལོར་བལ་ཡུལ་སོགས་དང་ལྷན་དུ་ཆིངས་ཡིག་བཀོད་ཡོད། བོད་ཀྱིས་དབྱིན་ཇིའི་གཞུང་དང་ལྷན་ ༡༩༡༤ ལོའི་སིམ་ལའི་ཆིངས་ཡིག་བར་དུ་གྲོས་མཐུན་དང་ཆིངས་ཡིག་མང་པོར་མིང་རྟགས་བཀོད་ཡོད་ཅིང་། སིམ་ལཱ་ཆིངས་ཡིག་ནང་རྒྱ་གར་གྱི་དབྱིན་གཞུང་དང་བོད་གཞུང་གིས་རང་གི་ཐུན་མོང་ས་མཚམས་ཐད་མོས་མཐུན་བྱས་ཡོད། དེང་སང་གི་རྒྱ་གར་གྱིས་ རང་གི་བྱང་ཕྱོགས་ཀྱི་ས་མཚམས་སུ་བཞེད་པའི་མཚམས་དེ་ཡང་། རྒྱ་ནག་གིས་མིན་པར་བོད་ཀྱིས་མིང་རྟགས་བཀོད་པའི་ཆིངས་ཡིག་འདི་ལ་གཞི་བྱས་ཡོད།
དེ་ལས་མང་བ་། “བོད་རང་བཙན།-བདེན་དོན་ལ་དཔྱད་ཞིབ། (ཆ་གཉིས་པ།)” »
བོད་རང་བཙན།-བདེན་དོན་ལ་དཔྱད་ཞིབ། ༼ཆ་དང་པོ།༽
འཇམ་དབྱངས་ནོར་བུས་ཕྱོགས་སྒྲིག་བྱས། དགེ་འདུན་གྱིས་བསྒྱུར།
༼རྩོམ་ཡིག་འདིར་འཁོད་པའི་པར་རིས་དང་དཔེ་དེབ། དེ་བཞིན་གནས་ཚུལ་དང་ཚིག་རིས་ཚུན་ལ་དཔྱད་ཞིབ་བྱེད་པའམ་ཐུགས་དྭོགས་མཆིས་ཚེ། www.jamyangnorbu.com བརྒྱུད་ནས་དབྱིན་ཡིག་གི་མ་ཕྱི་ལ་གཟིགས་རོགས། དགེ་འདུན་རབ་གསལ་གྱིས་བསྒྱུར།༽
ལས་འགན་སྒྲུབ་བཞིན་པའི་རྒྱལ་ཁབ།
༡༩༥༠ ལོར་རྒྱ་དམར་གྱིས་བཙན་འཛུལ་མ་བྱས་པའི་གོང་དུ། བོད་ནི་ཆ་ཚང་བའི་ཐོག་ནས་ལས་འགན་སྒྲུབ་བཞིན་པ་དང་རང་བཙན་གྱི་རྒྱལ་ཁབ་ཅིག་རེད། འདིས་རང་གི་ཁྱིམ་མཚེས་གང་ལའང་ཉེན་ཁ་མི་སྤྲོད་ཅིང་། ལོ་ནས་ལོ་བསྟུད་དེ་ཕྱིའི་རོགས་རམ་ལ་མ་བརྟེན་པར་རང་གི་མི་སེར་འཚོ་སྐྱོང་འཐུས་ཤོར་མེད་པར་བྱས་ཡོད། བོད་ཀྱིས་རྒྱལ་ཁབ་གཞན་དང་རྒྱལ་སྤྱིའི་སྒྲིག་འཛུགས་གང་ལ་ཡང་བུ་ལོན་ཆགས་པ་མེད། རྗེས་ལུས་དང་ཆོས་ལྡན་རྒྱལ་ཁབ། དེང་རབས་དམངས་གཙོ་བཅས་མིན་ན་ཡང་། བོད་ཀྱིས་རང་གི་མཐའ་མཚམས་ནང་ཁུལ་དུ་ཁྲིམས་ལུགས་སྟངས་འཛིན་བྱས་ཡོད་ཅིང་། རྒྱལ་ཁབ་གཞན་གྱི་ལྷན་དུ་བཞག་པའི་གྲོས་མཐུན་དང་ཆིངས་ཡིག་ཁག་གཟབ་ནན་གྱིས་ལག་བསྟར་བྱས་ཡོད། གཅན་གཟན་དང་ཁོར་ཡུག་གི་ཐད་ནས་ཡུལ་ཁྲིམས་བཟོས་པའི་རྒྱལ་ཁབ་ཐོག་མའི་གྲས་ཡིན་ལ། རྒྱུན་ལྡན་ལག་བསྟར་བྱས་པའི་“རི་ལུང་རྩ་ཚིག་”ཅེས་པ་དེ་ནི་ ༡༦༤༢ ལོའམ་ཡང་ན་དེའི་སྔོན་དུ་ཐོག་མར་བཏོན་ཡོད་པ་རེད།
༡༩༡༣ ལོར་ བོད་ཀྱིས་སྲོག་གཅོད་བྱེད་པ་གཏན་འགོག་བྱས་ཡོད་ལ། ༼ཕྱི་རྒྱལ་ཡུལ་སྐོར་བ་མང་པོས་བརྗོད་ཡོད་པ་ལྟར།༽ འཛམ་གླིང་ནང་དེ་ལྟར་བྱེད་པའི་རྒྱལ་ཁབ་སྔ་གྲས་ཤིག་ཡིན། བོད་ཀྱིས་གྲངས་ཉུང་མི་རིགས་༼ཁ་ཆེ་ལྟ་བུ་༽ལ་བཙན་དབང་བྱས་པའི་ལོ་རྒྱུས་མེད་ལ། རྒྱ་ནག་དང་དེ་བཞིན་གྱི་རྒྱལ་ཁབ་འགའ་ཡིས་དུས་ནས་དུས་སུ་བྱས་པ་ལྟ་བུའི་རང་གི་མི་འབོར་གྱི་སྡེ་ཚན་བྱེ་བྲག་པ་འགའ་སྡེབ་གསོད་བྱས་རིགས་ཀྱང་མེད། གནམ་བདེ་སྒོ་མོ་ཆེ་ཡིད་ལ་དྲན་པར་མཛོད། བོད་རང་གི་མཐའ་མཚམས་རྒྱ་གར་དང་བལ་ཡུལ། འབྲུག་བཅས་པ་མཐའ་གཅིག་ཏུ་སྲུང་སྐྱོབ་བྱས་པ་མེད་ནའང་ ཆབ་སྲིད་དང་དཔལ་འབྱོར་གྱི་སྐྱབས་བཅོལ་བ་ལྟ་བུའི་ངོས་ནས་ ཧ་ལམ་བོད་མི་ཞིག་བྲོས་བྱོལ་དུ་ཕྱིན་པ་ཡོད་མ་རེད། རྒྱ་ནག་གིས་བཙན་འཛུལ་མ་བྱས་གོང་དུ། ཡུ་རོབ་དང་ཨ་མི་རི་ཀར་གནས་སྤོར་བྱས་པའི་བོད་མི་གཅིག་ཀྱང་ཡོད་མ་རེད།
དེ་ལས་མང་བ་། “བོད་རང་བཙན།-བདེན་དོན་ལ་དཔྱད་ཞིབ། ༼ཆ་དང་པོ།༽” »
རེ་ཞིག་དྲ་བའི་རིག་གནས་ལ་ཕྱིར་བཀྱེད་བྱེད་དོན།
ཀླུ་སྨྱོན། དྲ་གྲོགས་རིག་འབྱུང་དོན་འགྲུབ་བཀྲ་ཤིས་ལགས་ཀྱི་དྲིས་ལན། དྲ་བའི་རིག་གནས་འདི་ནི་དེང་རབས་སྤྱི་ཚོགས་ཁྲོད་དུ་འབྲེལ་ལམ་གཞན་གྱིས་བསྒྲུན་དུ་མེད་པའི་འབྲེལ་འདྲིས་ཀྱི་ཁོར་ཡུག་ཅིག་རེད་ལ། དགེ་སྐྱོན་གཉིས་ལྡན་གྱི་སྤྱི་ཚོགས་གཞི་རྒྱ་ཆེན་པོ་ཅན་ཞིག་ཀྱང་རེད། སྤྱི་ཚོགས་འདིའི་ཁྲོད་དུ་འཚོ་གནས་བྱེད་དགོས་ཚེ་མི་གཞི་སྲ་བརྟན་དང་མི་གཤིས་འཇམ་པོ་ཞིག་མེད་ཚེ་ཉི་མ་གཅིག་འཆི་ལམ་མ་གཏོགས་བསྙེག་ས་གཞན་ཅི་ཡང་མེད་པའི་དུས་སྐབས་ཤིག་ཀྱང་འཆར་རྒྱུ་ཡོད་ཟེར་བ་བདེན་པར་སྣང་སྟེ། དྲ་རྒྱའི་རིག་གནས་ཀྱིས་སྨྱོ་ལམ་དང་འཆི་ལམ་དུ་དེད་དང་འདེད་བཞིན་པའི་མི་བུ་ལས་ངན་ག་ཚོད་ཅིག་ཡོད་པ་རེད། ད་དུང་དྲ་བའི་རིག་གནས་ཀྱིས་བཟའ་ཚང་ཁ་བྲལ་དང་བརྩེ་དུང་དམར་གསོད་བྱས་དང་བྱེད་བཞིན་པའི་མི་བུ་ཡང་ག་ཚོད་ཅིག་ཡོད་པ་རེད། དྲ་བའི་རིག་གནས་ལ་གཡོལ་ཐབས་བྱེད་པ་དང་རྒྱང་བཀྱེད་བྱས་དང་བྱེད་བཞིན་པའི་མི་སྤྱང་པོ་ཡང་ཅི་ཙམ་ཞིག་ཡོད་པ་རེད། སྤྱིར་ན་ང་ཚོའི་ཀླད་པའི་ནང་གི་རྩ་ཕྲན་གྱི་གློག་པར་ལ་ལྟ་ཐེངས་རེ་རེར་རང་སེམས་འདི་ནི་སྐྱེས་ཙམ་ཉིད་ནས་དྲ་བའི་བཙོན་ཁང་དུ་བཅུག་ཚར་འདུག་ཨང་སྙམ་པའི་བསམ་བློ་མི་སྐྱེ་རང་སྐྱེ་རེད། ཡིན་ན་ཡང་ཇི་སྲིད་སྲོག་གི་དབང་པོ་འདི་མ་འགག་དེ་སྲིད་དུ་ ང་ཚོའི་རྣམ་ཤེས་ལྡོམ་པོ་འདི་ཀླད་རྩའི་དྲ་བ་འདི་ དང་མཉམ་དུ་མི་གནས་ཀ་མེད་རེད་ལ། ཕྱི་རོལ་གྱི་དྲ་བའི་རིག་གནས་འདི་ནི་དེ་དང་མི་འདྲ་བར་ལོ་ཟླ་ཞག་གསུམ་ཇི་ཙམ་ཞིག་གི་དུས་སྐབས་སུ་རང་ཉིད་དང་ཁ་འབྲལ་བར་བྱེད་ཐུབ་མིན་དེ་མི་བུ་རང་གིས་གདམ་ཆོག་པ་ཞིག་རེད། དེའི་ཕྱིར། བདག་གིས་ཀྱང་གནས་སྐབས་ཤིག་ལ་རང་སེམས་ཀྱི་ངལ་གསོ་དང་རང་ཉིད་ཀྱི་དགོས་མཁོ་ཞིག་གི་ཆེད་དུ་དྲ་བའི་རིག་གནས་ཀྱི་ཀློང་ནས་འཁོར་མཚམས་བཞག་པ་ཡིན།…
དེ་ལས་མང་བ་། “རེ་ཞིག་དྲ་བའི་རིག་གནས་ལ་ཕྱིར་བཀྱེད་བྱེད་དོན།” »
སྐྱ་རེངས་ཤར་སྟངས་འདི་ལ་གཟིགས་ཤིག
བོད ལྷ་ཀླུ་གཉན་གསུམ།
རི་ལ་ཕྱོགས་པའི་ཉི་མ་མ་ནུབ་གོང་།།
སེམས་ལ་བྲིས་པའི་རི་མོ་མ་གསུབ་གོང་།།
སྤྲིན་ལ་སྐུར་བའི་མེ་ཏོག་མ་སྐམ་གོང་།།
ལྷོད་ཀྱིས་བསྡོད་པའི་གཤིས་དེ་དོར་ན་རེད།།
དུག་གི་ཁ་ཟས་ཟོས་དེ་མ་ཤི་གོང་།།
ཁྲག་གི་མཚོ་མོ་བཞུར་ནས་མ་ཚར་གོང་།།
ལུས་ཀྱི་སྐྱི་འབག་འཐེད་དེ་མ་རུལ་གོང་།།
གཉིད་ནས་བསྡོད་པའི་ཚུགས་ཀ་སྐྱུར་ན་རེད།།
སྦུར་པས་མགོར་བརྡུང་པ། དངོས་བྱུང་མཚར་གཏམ།
སྨྱུག་རྒོད་གངས་བུ་དཔལ། བོད་ཀྱི་ལུང་པ་ཞིག་ལ་མི་ཚང་ཆེན་པོ་ཞིག་ཡོད་པ་དེར་བུ་ཞིག་ཡོད། ཐེངས་ཤིག་ལུང་པ་དེ་གཞན་དང་དཁྲུག་པ་ཤོར་བས་མཚན་མོ་ཞིག་བུ་དེ་གྲོང་མི་མང་པོ་དང་ལྷན་དུ་མེ་མདའ་ཁུར་ནས་འཛིང་སར་སོང་བ་རེད། དཁྲུག་འཛིང་བྱེད་བཞིན་པའི་སྐབས་སྦུར་པ་((འབུ་སྒལ་པ་འཁྲེགས་པོ་ཞིག))ཞིག་འཕུར་ཡོང་ནས་བུ་དེའི་མགོ་བོར་ཤུགས་ཆེན་པོས་བརྡུང་པས། ཁོའི་བསམ་པར་དཱ་མེ་མདའ་ཕོག་སོང་དྲན་ནས་མགོ་བོ་རས་ཞིག་གིས་ཡག་པོ་བསྡམས་ནས་མི་ཚོར་མགོ་ལ་མེ་མདའ་ཕོག་སོང་ལབ་ནས་ལོག་ཡོང་བས་གྲོང་མི་ཚང་མ་ཧང་སངས་ནས་བལྟ་བར་སླེབས། མི་ཚང་མ་འཛོམས་སར་དེར་གཅིག་གིས་ཁོའི་མགོའི་རས་དེ་ག་ལེར་བཀྲོལ་བས་དེའི་ནང་སྦུར་པ་ཆེན་པོ་ཞིག་མ་གཏོགས་མགོ་བོར་རྨ་ཤུལ་གང་ཡང་མེད་པས་མི་ཚོ་གད་མོ་ཤོར་བ་དང༌། ཁོ་རང་ངོ་ཚ་པོ་བྱུང་བ་རེད།
ཆོས་བརྒྱུད་སྤྱི་འཐུས་མི་དགོས།
ཁྱོད་སུ་ཡིན།
ངས་འདི་ནས་ཆོས་བརྒྱུད་སྤྱི་འཐུས་ཀྱིས་དགོས་པ་མི་འདུག་ཅེས་དམིགས་སུ་བཀར་ཏེ་བཤད་རྒྱུ་ཡིན་ལ། འདི་ལྟར་བཤད་དོན་ནི་ད་ལྟའི་རང་རེའི་གནས་བབ་དང་སྤྱི་ཚོགས་ཀྱི་བདེ་འཇགས། མ་འོངས་པའི་བོད་ཀྱི་འདུན་ལམ་སོགས་ལ་གཞིགས་ནས་བཤད་པ་ཡིན།
སྤྱིར་འདས་ཟིན་པའི་དོན་དག་ཅིག་ཡང་དང་བསྐྱར་དུ་གླེང་ན་ཡག་པོ་མི་འདུག་མོད། སྐབས་ཐོག་འདིར་མི་གླེང་ཐབས་མེད་ཅིག་རེད་པས་ངས་ངེས་པར་དུ་གླེང་རྒྱུ་ཡིན།
ང་ཚོས་ཆོས་བརྒྱུད་སྤྱི་འཐུས་གླེང་ཡོང་ཚེ་ལོ་རྒྱུས་ཤིག་ཀྱང་དྲན་སོས་ཀྱི་མི་འདུག་གམ། ལོ་རྒྱུས་དེར་ད་དུང་ཡང་ཁྲག་དྲིས་ཁྱབ་འདུག་ཨང་། ཁྲག་དྲི་བྲོ་བའི་ལོ་རྒྱུས་དེ་ཀློག་ཚེ། ཡང་ཆོས་བརྒྱུད་ཀྱི་བར་ནས་བྱུང་བ་རེད་ལ། ཆབ་སྲིད་པ་ཚོས་ཆོས་ལུགས་དང་ཆོས་བརྒྱུད་བེད་སྤྱོད་བྱས་པ་ལས་བྱུང་བ་རེད། གནད་དོན་འདི་དག་ལ་གཞིགས་ཚེ། ང་ཚོས་ད་ལྟ་ཕྱིར་རྟོགས་བྱས་ན་ཡང་ད་དུང་ཕྱིས་མི་འདུག་སྙམ། སྤྱིར་ན་ནིང་གི་གྲོས་ཚོགས་ར་བའི་ནང་གི་སྤྱི་འཐུས་འགའི་བྱེད་སྟངས་དེས།
མི་མངོན་པའི་དབྱིངས་ན་ལྐོག་ཏུ་རྣག་འདུག་པའི་སྐྲང་སྦོས་དེ་ཕྱིར་མངོན་པ་རེད་པས། གཅིག་ནས་ཁ་གཏད་ཀྱི་མདུན་ཐད་ནས་ང་ཚོར་ངོ་ཚ་ཆེན་པོ་ཞིག་ཉོ་རུ་བཅུགས་པ་རེད་མོད།
༧ གོང་ས་མཆོག་འདི་ལོའི་ཕྱི་ཟླ་ ༥ ནང་ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར་དུ་ཆིབས་སྒྱུར་གནང་རྒྱུ་ཡིན་པ།
མལ་ཌི་སིན་གྲོང་ཁྱེར་དུ་ཡོད་པའི་ཝི་སི་ཀོན་སིན་སློབ་གྲྭ་ཆེན་མོའི་སེམས་ཁམས་བདེ་ཐང་ཞིབ་འཇུག་ཁང་ (Center for Investigating Healthy Minds) གིས་ཇི་ལྟར་གསོལ་བ་བཏབ་པ་བཞིན་ ༧ གོང་ས་མཆོག་འདི་ལོའི་ཕྱི་ཟླ་ ༥ ཚེས་ ༡༥ དང་ ༡༦ ཉིན་གཉིས་རིང་ཞིབ་འའཇུག་ཁང་འདིའི་སྒོ་འབྱེད་རྟེན་འབྲེལ་དང་མཛད་རིམ་གཞན་ཆེད་ཆིབས་སྒྱུར་གནང་རྒྱུ་རེད་འདུག ཞིབ་འཇུག་ཁང་འདི་ཉིད་ཀླད་པའི་དབང་རྩ་རིག་པ་མཁས་ཅན་ཌོག་ཊར་རི་ཆར་ཌི་ ཌེ་ཝེ་སོན་ (Dr. Richard Davidson) གྱིས་གསར་འཛུགས་བྱས་ཤིང་ཁོང་གིས་ སྒོམ་སྒྲུབ་ཉམས་ལེན་ལ་བརྟེན་ནས་མིའི་རྒྱུད་ལ་བྱམས་དང་སྙིང་རྗེ། བདེ་བ་ཇི་ལྟར་བསྐྲུན་པར་ཞིབ་འཇུག་གཙོ་བོ་བྱེད་ཀྱི་ཡོད་ལ། ཕྱི་ཟླ་ ༥ ཚེས་ ༡༦ ཉིན་རྒྱབ་ཆུ་ཚོད་ ༢།༡༥ ཐོག་མལ་ཌི་སིན་གྲོང་ཁྱེར་གྱི་ཨོ་ཝིར་ཆིར་ལྟེ་གནས་སུ་ ༧ གོང་ས་མཆོག་གཙོ་བྱས་ཌོག་ཊར་རི་ཆར་ཌི་ ཌེ་ཝེ་སོན་དང་ཌོག་ཊར་ཌན་ནེལ་ གྷོ་མན་གསུམ་གྱིས་ ༼སེམས་ཁམས་ བདེ་ཐང་སྐོར་ཞིབ་འཇུག༽ཞེས་པའི་བརྗོད་གཞི་ཐོག་མང་ཚོགས་མདུན་སར་བགྲོ་གླེང་གནང་རྒྱུ་དང་། ཝི་སི་ཀོན་སིན་མངའ་སྡེའི་བློན་ཆེན་ཇིམ་ ཌོ་ཡེལ་གྱིས་བགྲོ་གླེང་ཚོགས་འདུ་ འདིའི་དབུ་འབྱེད་གསུང་བཤད་གནང་རྒྱུ་ཡིན་པ་རེད། ད་ཐེངས་ཀྱི་བགྲོ་གླེང་ཚོགས་འདུ་འདིར་མང་ཚོགས་རྣམས་རིན་མེད་ཐོག་འཛུལ་ཞུགས་ཆོག་པ་དང་འདུག་སྟེགས་མངག་ཉར་ ཆེད་ཞིབ་འཇུག་ཁང་ལ་http://www.investigatinghealthyminds.org སྔ་ས་ནས་འབྲེལ་བ་བྱེད་དགོས་ཀྱི་ཡོད། ཉིན་འདིའི་དུས་དཀྱིལ་ཙམ་ལ་ ༧ གོང་ས་མཆོག་གིས་ས་གནས་བོད་མི་ཚོར་མཇལ་ཁ་དང་བཀའ་སློབ་གནང་རྒྱུ་གཏན་འཁེལ་བྱས་ཡོད་འདུག
སྙིང་གྲོགས་དྲན་པའི་གཞས་ཆུང་།
བུ་ཆུང་ལྡུམ་ར་བསོད་ནམས།
བཀྲ་ཤིས་པད་མའི་མེ་ཏོག། རླུང་གི་ལྷབ་ལྷུབ་གཡོ་དང་།།
བུ་ངས་གཡུ་སྦྲང་རྫུས་ནས།། པད་མའི་སྟེང་དུ་བབས་ཡོང་།།
ཁྱེད་ཀྱི་ཐུགས་ལ་སུ་ཡོད།། ང་ལ་ལན་གཅིག་གསུངས་དང་།།
དགའ་ན་མཉམ་དགའ་བྱེད་ཆོག། སྡུག་ན་མཉམ་སྡུག་བྱེད་ཆོག།།
ང་ནི་སྐྱབས་བཅོལ་བ་ཞིག་གོ
རས་པ།
བདག་གིས་མྱོས་གྲུ་ཆུང་ཆུང་ཞིག་གཏོང་བ་ཡིན་ནམ
བདག་གིས་གསེར་གྱི་ཁང་བཟང་ཞིག་སྐོར་བ་ཡིན་ནམ
ཡང་ན བདག་གིས་སྔོ་རྩྭ་ཁམ་གང་དང་འདྲ་བའི་ཚེ་སྲོག་འདི་འདོར་བ་ཡིན་ནམ
ཡང་ན སྨྲ་བ་བཅད་དེ་ཁུ་སིམ་པོར་བསྡད་པ་ཡིན་ནམ
འོན་ཀྱང ཁ་བ་ནི་སྐྱོ་བའི་མཚོན་དོན་ནས་རེ་སྒུག་གི་དོན་དུ་བཞེངས་པ་ག་རེ་རེད
ང་ནི་ཅི་ཡང་མ་ཡིན་ཏེ སྐྱབས་བཅོལ་བ་ཞིག་གོ
ཨ་རིའི་རྒྱལ་སར་བོད་དོན་ཞུ་གཏུགས་ཀྱི་ཉིན་མོའི་ལས་འགུལ།
སྙན་ཚོམས་ཁག་གཅིག
ཟླ་བ་གཞོན་ནུ།
༡
སེམས་འཕྲིན།
གསན་ཨེ་བྱུང༌།
སྙིང་ཉེ་ལགས།
ཕྱི་རོལ་ན་ཤུབ་བུར་ཟློ་བའི་ལྷགས་རླུང་ཆུང་ཆུང༌།
ངའི་ལྷད་མེད་ཀྱི་སེམས་ངལ་འཁུན་པའི་རྣམ་དག་གི་ཕོ་ཉ་ཡིན།
དགེ་འདུན་ཆོས་འཕེལ་གྱི་སྐོར་དྲན་ཚུལ་ཐོར་བུ།
ཀླུ་སྨྱོན་ཧེ་རུ་ཀ
དགེ་ཆོས་ལགས་དང་སྒྲ་གཅན་འཛིན་གཉིས་རྒྱ་གར་ནས་ཐོག་མར་བོད་དུ་ཕེབས་དུས་སུ་ཆབ་མདོའི་བར་དུ་སོང་སྟེ་དགེ་ཆོས་དེ་དུས་གཡུ་སྒྲོན་ལ་ཐུག་པའི་སྐོར་གཡུ་སྒྲོན་གྱི་བུ་མོས་༵༵ཀྲུང་གོའི་བོད་ལྗོངས་ྐྐདུས་དེབ་ལ་བརྗོད་ཡོད་བསམས།
༵༵འདོད་པའི་བསྟན་བཅོས་ྐྐཀྱི་མཇུག་བསྔོ་བའི་ལེའུ་ཚན་ནང་དུ།
གཡུ་སྒྲོན་གངྒྰ་ཨ་ས་ལི་ལ་སོགས། །
བདག་ལ་ལས་ཀྱིས་འབྲེལ་བའི་བུ་མོ་རྣམས། །
བདེ་ནས་བདེ་བའི་ལམ་དང་རྟེན་བརྒྱུད་དེ། །
བདེ་ཆེན་ཆོས་སྐུའི་ས་ལ་ཕྱིན་པར་ཤོག །
ཅེས་པའི་ནང་གི་གཡུ་སྒྲོན་དེ་ནི་དགེ་ཆོས་ལགས་ཀྱི་འདོད་པའི་བདེ་བ་དང་པོར་མྱོང་སའི་ཆབ་མདོའི་གཡུ་སྒྲོན་ཡིན་པ་ཡོངས་གྲགས་རེད། ལོ་ཤས་སྔོན་གྱི་ལ་རྩེའི་དགེ་ཆོས་རྗེས་དྲན་ཚོགས་འདུར་བཅར་མཁན་དགེ་ཆོས་ཀྱི་སྲས་མོ་དགའ་སྐྱིད་གཡང་འཛོམས་ལགས་ནི་གཡུ་སྒྲོན་འདིའི་བུ་མོ་རེད་བསམས། དེ་མིན་དགེ་ཆོས་ཀྱི་སྐུ་ཟླ་མཐའ་མ་གྲོངས་ཁར་ལྷན་དུ་ཡོད་པ་དེ་ལ་བུ་ཕྲུག་ཅང་ཡོད་པའི་སྐད་ཆ་ཅི་ཡང་མི་འདུག
ཨ་ལགས་འཇམ་དཔལ་གྱི་དྲིས་ལན་ལས། སྐྱེས་ཡུལ་ཆབ་མདོ་རེད། ་་་ ་་་ རྗེས་མ་དགོངས་པ་རྫོགས་པའི་སྐབས་ལ་ཡང་སྐྱེ་དམན་དེ་རང་ཡོད་བཞིན་པ་རེད། ཅེས་བྲིས་འདུག
བོད་ཀྱི་དམངས་གཙོ།
བུ་ཆུང་ལྡུམ་ར་བསོད་ནམས།
ང་ཅག་བོད་མིའི་དཀྱིལ་ལ།། དམངས་གཙོའི་གླེང་གཏམ་འབེལ་བ།།
འོན་ཀྱང་འུ་ཅག་རྣམས་པས།། དམངས་གཙོའི་འགོ་འཇུག་ཨེ་ཤེས།།
ཐོབ་ཐང་གཅིག་པུ་མ་ཡིན།། སྨྲ་བརྗོད་རང་དབང་དགོས་ཀྱི།།
དེ་དང་མཉམ་དུ་མཉམ་དུ།། ལས་འགན་མེད་པ་ཅི་སྲིད།།
སྟོད་རྒྱ་གར། སྨད་རྒྱ་ནག
“སྟོད་རྒྱ་གར། སྨད་རྒྱ་ནག་”ཅེས་པའི་ཚིག་འདི་ང་ཚོས་ཡང་ཡང་གོ་མྱོང་ཡོད། འདི་སྟོན་བཤད་ན་ཡོད་ལ། ལོ་རྒྱུས་ན་ཡང་ཡོད། ཚིག་འདི་དེ་རིང་དང་སང་ཉིན་གྱི་ཚིག་ཅིག་མ་རེད། འདི་ནི་སྔ་མོའི་ཚིག་ཅིག་རེད། དགོངས་པ་བཞེས། འདི་ནི་ ༡༩༢༠ ནང་ལ་བེད་སྤྱོད་བྱེད་བཞིན་པའི་ཚིག་ཅིག་རེད། སྡེ་དཔོན་དེས་པག་རྩགས་ཁ་གསར་ཞིག་གོན་འདུག འདི་ཁམས་ཀྱི་གྲོང་གསེབ་ཅིག་གི་སྡེ་དཔོན་རེད། ལག་ཏུ་ཁ་བཏགས་ཤིག་འཇུས་ནས་སྒོར་བཏོན། ཨ་མདོ་ནས་བླ་ཆེན་ཞིག་དབུས་ལ་ཕེབས་བཞིན་ཡོད་པ་དེར་བསུ་བ་བྱས། བླ་མ་ལ་མཇལ་དར་ཕུལ།…
མདུན་མཆོང་དང་སྒུལ་ཤུགས་ཁྲོད་ཀྱི་སྟོང་ཆ།
(དྲ་ཐོག་ནས་རིག་གནས་སྤེལ་སྟངས་ཀྱི་བསམ་བྱ་ཐོར་བུ།)
འགར་ཚེ་རྒྱལ་གྱིས།
ནམ་རྒྱུན་གྱི་གོམས་གཤིས་ལྟ་བུ་ཆགས་ཤིག་ཏེ་ཁོམ་པ་རེ་ཡོད་དུས་དྲ་ངོས་སུ་བོད་ཡིག་ཟིན་བྲིས་ཁག་ཏུ་ཉུལ་བལྟ་བྱེད་རྒྱུ་ནི་ཁོ་བོར་མཚོན་ན་ཉིན་རེའི་སྐབས་བབ་ལས་དོན་གྱི་ཞོར་ལས་ལྟ་བུར་གྱུར་ཡོད། ལོ་གསར་གྱི་ཉི་མ་འདི་ཚོར་ཡང་ཕ་ཡུལ་ནས་གྲོང་པ་ཁྱིམ་མཚེས་དང་ཕུ་ནུ་ཉེ་རིང་བཟང་ས་རྒྱན་ས་ཚོར་ལོ་གསར་ལག་སྐྱེས་རེ་ཁྱེར་ནས་ཕན་ཚུན་ལོ་གསར་རུ་ཉུལ་ལ་འགྲོ་སྲོལ་ཡོད་པ་དེ་བཞིན། ཁོ་བོས་ཡོད་ཚད་རེ་སྒུག་དང་སུན་སྣང་གིས་བསྐྱལ་དགོས་པའི་ས་མཐའ་འདི་ནས་ལོ་གསར་རུ་ཉུལ་གྱི་ཚབ་ཏུ་དྲ་གྲོགས་ཚོའི་ཟིན་བྲིས་རེ་རེ་བཞིན་ཞིབ་ཏུ་སྐོར་བལྟ་ཞིག་བྱས་པ་ཡིན།
