གནས་ཚུལ་ཕྱོགས་སྒྲིག་པ། ཚངས་དབྱངས་རྒྱ་མཚོ།
ཕྱི་ཟླ་ ༩ ཚེས་ ༢༨ ཉིན་བོད་མདོ་སྨད་རྔ་པ་རྫོང་སྒོ་མང་ཡུལ་ཚོ་ནས་རང་ལོ་ ༤༡ ཡིན་པའི་རྒྱལ་གཅེས་དཔའ་བོ་ཞི་ཆུང་ལགས་ཀྱིས། རང་ལུས་མེར་སྲེག་གིས་རྒྱ་གཞུང་གི་གདུགས་རྩུབ་ཆེ་བའི་སྲིད་བྱུས་ལ་ངོ་རྒོལ་བྱས་ཏེ་སྐུ་གྲོངས་ཡོད་པའི་ཛ་དྲག་གི་གནས་ཚུལ་ཐོན་འདུག
དེ་ཡང་གནས་ཚུལ་དངོས་སུ་མཐོང་མཁན་གྱི་མིས་བཤད་དོན་ལྟར་ན།
དེ་ལས་མང་བ་། “རྒྱལ་གཅེས་དཔའ་བོ་ཞི་ཆུང་ལགས་ཀྱི་གནས་ཚུལ་རྒྱས་པ།” »
རེབ་ཐོག་མདའ
བརྒྱ་ཚོགས་སྟོང་འདུས་རྡ་སའི་རི་ནས་ཐོག་མར་འཕྲད་པའི་ཉིན་མོ་ནས།།
སེམས་ཚོར་ཟབ་མོའི་ཁ་བརྡའི་ཀློང་ནས་འགྲུལ་བཞུད་བྱས་པའི་སྔ་གཞུག་དེ།།
བུ་ཆུང་ཞིག་གི་སྙིང་ལ་འཁྲུངས་པའི་གངས་རིའི་བུ་མོ་ཉམ་ཆུང་མ།།
ཉིན་མཚན་གཉི་ཀའི་ངོགས་ན་དྲན་པའི་ཨ་མདོ་བུ་ངའི་དྲན་ཤིང་ཡིན།།
བློ་བཟང་།
སྐྱ་རེངས་ཤར་མཐའ་དེ་གསལ་དུས།།
སེམས་པ་དགའ་སྤྲོ་ཡིས་ཁེངས་ཏེ།།
བརྩེ་ལྡན་འཛིན་གྲོཊ་ཚོའི་ལྷན་དུ།།
༧རྒྱལ་བའི་གསུང་ཆོས་ལ་ཕྱིན་ཡིན།།
གུ་དོག་རྡ་ས་ཡི་གཞུང་ལམ།།
ས་ཕྱོཊ་འདྲ་མིན་ནས་ཕེབས་པའི།།
<<འགྱུར་ལྡོག>>
ཆུང་།
རླུང་སྣེར་བཏགས་པའི་སེམས་པ
ཡང་ཡང་འགུལ ཡང་ཡང་འགུལ
སྟོན་དུས་ཁོ་ནར་སྨིན་པའི་སྟར་སིལ་བཞིན
ཙག་ལྡོམ་ནི་རང་བྱུང་གི་མཛེས་པ་ཞིག་རེད
རྨི་ལམ་གྱི་གཤོག་པ་ཞིག་ཀྱང་རེད
བསམ་གླིང་ཚེ་རིང་ལྷ་མོ།
མཛེས་སྡུག་ལྡན་པའི་སྨུག་སྤྲིན་གྱིས་ལྷུན་སྟུག་རི་བོའི་སྤོ་ལ་འཁྱུད་པའི་མཛེས་ཞལ། ཤང་ཤང་གི་སྒྲ་དབྱངས་བར་མེད་སྒྲོག་པའི་ཆུ་ཕྲན་གྱི་རོལ་མོ། སྣུམ་འོད་ལྡན་པའི་མེ་ཏོག་ཕྲ་ཚོམ་གྱིས་རྒྱན་པའི་ནེའུ་གསེང་། གཡུ་ཡི་རལ་པ་སིག་པ་ལྟ་བུའི་ལྗོན་པའི་ལང་ཚོ། རེད་ཨང་། མཛེས་སྡུག་ལྡན་པའི་དབྱར་གྱི་དཔལ་མོ་དག་ངའི་མིག་གི་མདུན་ནས་ཕར་ཕར་བཞུད་སོང་ལ་ནི། ངས་ཁོང་ཚོའི་ལེགས་སྐྱེས་ལ་ཡིད་ཚིམ་པའི་ལོངས་སྤྱོད་བྱས་ཡོད་ཀྱང་། སེམས་བསམ་པའི་ནང་གི་སྙན་དངགས་ཀྱི་སྐྱེལ་མ་ཞིག་ཀྱང་བྱས་མེད།
རི་ཤོར།
རྟ་རྒན་ཞོན་ནས་རི་མྱུལ་བྱས་ནི་ད།།
ཁྱི་རྒན་ཆ་བོས་ང་རང་ཤེས་སོང་ངེས།།
རྔ་མ་གཡུགས་སེ་གཡུགས་སེ་བསྡད་འཇོག་གི །
ལྕགས་རྡོ་མགོ་ལ་མ་བསྐོར་དགེ་བ་ཟིག །
གཡག་རྒན་ཞོན་ནས་ཕོ་མྱུལ་སོང་ནི་ད།།
རོགས་ལོ་ཆ་བོས་ཡིན་ནོ་ཤེས་སོང་ཟིག །
ཞེ་སྡང་རྡོ་རྗེ།
དམ་ཅན་རྒྱ་མཚོ་བོད་ལ་བྱོན།། རི་ཀློང་སྤང་གི་གདན་ལ་བཞུགས།།
གཙང་པོ་ཐམས་ཅད་ཞལ་དུ་བཞེས།། སྨན་སྣ་ཡོངས་ཀྱིས་ཁྱེད་ཅག་བསངས།།
གསང་སྔགས་བསྟན་བསྲུང་གཉན་པོ་སྟེ།། རྙིང་མའི་མ་ནིང་ནག་པོ་དང་།།
བཀའ་རྒྱུད་བེར་ནག་ས་སྐྱའི་གུར།། དགེ་ལུགས་ཕྱག་དྲུག་མཐུ་རྩལ་ཅན།།
དེ་ལས་མང་བ་། “དུས་རབས་ཉེར་གཅིག་གི་བོད་ཀྱི་ཆོས་སྐྱོང་རྒྱ་མཚོའི་དྲག་སྐུལ་དམོད་ནག་དུག་གི་ས་ཡོམ།” »
ཨ་དམར་པོ།
སང་ཉིན་དང་གནངས་ཉིན་གྱི་ལམ་ཀར་སྤང་བླང་གི་བྱ་ར་བྱེད་དགོས་པ་བདེན། ཁ་རྩང་དང་ཁ་ཉིན་གྱི་ཤུལ་ལམ་ལ་དཔྱོད་ཤེས་གྱིས་བླང་དོར་བྱེད་དགོས་པའང་ལོ་རྒྱུས་ཀྱི་ཕྱིར་རྟོགས་ཡིན། ང་ལ་ཞོགས་ཟས་ཟ་བའི་གོམས་སྲོལ་མེད། མཚན་མོ་མི་སེམས་བག་ལྷོད་ལྷོད་དང་། ཁོར་ཡུག་ཁུ་སིམ་སིམ་ཡིན་པས་དཔེ་ཆ་རེར་བལྟས་ན་ཡག་པོ་ལྟ་ཐུབ་ཀྱིན་ཡོད། གློག་བརྙན་དང་ཁ་བརྡ། དྲ་རྒྱར་གཡེང་བའང་ངའི་མི་ཚེ་ཆ་ཤས་ཤིག་ཅི་ལ་མིན། དེར་བརྟེན་ཅི་བཤད་འདི་བཤད་དང་། ཅི་ལས་འདི་ལས་མེད་པར་གློག་སྒྲོན་ལ་སྐྱོན་མ་ཤོར་ན་རྣམ་རྒྱུན་མཚན་མོའི་དུས་ཚོད་དང་པོ་བར་ལུས་འགྲོ།
གནས་ཚུལ་མཁོ་གཏོང་བ། རིག་རླབས་རྩོམ་སྒྲིག་ཚོགས་ཆུང་།
བོད་ཀྱི་གཙུག་ལག་རིག་པའི་ཟབ་སྦྱོང་འདི་ནི་ཝཱཎ་དབུས་བོད་ཀྱི་སློབ་གླིང་འདིའི་ཤེས་བྱ་རིག་པའི་གནས་ལ་དུང་བ་ཟབ་ཅིང་རང་མི་རིགས་ཀྱི་སྐད་དང་ཡི་གེ་ལ་ཤ་ཞེན་མཐུག་པའི་སློབ་གཉེར་བ་རྣམས་ཀྱི་བསམ་བློའི་ཆུ་ཚད་མཐོར་འདེགས་དང་། ལྷག་པར་དུ་། བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་དང་གོམས་གཤིས་སོགས་མི་ཉམས་རྒྱུན་འཛིན་དང་ཉམས་པ་སླར་གསོ་ཡོང་བའི་ཕུགས་རྒྱང་རིང་མོའི་མདུན་ལམ་ཞིག་ལ་ཁ་ཕྱོགས་ཏེ། ལྷག་བསམ་དང་གཞན་དོན་ཟབ་པའི་སློབ་གཉེར་བ་རྒན་པ་ཁ་ཤས་རྩ་འཛུགས་གནང་ཞིང་ད་ལྟའི་བར་དུ་ལོ་རེར་ཐེངས་རེ་ཚོགས་བཞིན་ཡོད།
དེ་ལས་མང་བ་། “བོད་ཀྱི་གཙུག་ལག་རིག་པའི་ཟབ་སྦྱོང་ཐེངས་བདུན་པ།” »
མཚམས་སྦྱོར་བ། བསྟན་འཛིན་ཤེས་རབ།
(ཡོང་ཁུངས། བོད་ནང་གི་སྐད་འཕྲིན་ཞིག་སྟེ་wechat༼བོད་ན་ཆུང་ཚོགས་པ༽ཞེས་པའི་གླེང་མོལ་ཚོགས་པ།)
བོད་ཕྱི་ནང་གི་མི་སྣ་རྩོད་ཉོག་ཅན་ཁག་ཅིག་གི་ལེགས་ཉེས་དང་ཕྱོགས་བསྡུས་ཆུ་ཚད།
འཇམ་དབྱངས་ནོར་བུ།
ལྟ་བ། ༼མི་རིགས་རང་ལུགས་པ༽
བོད་ཀྱི་རིག་གནས་ཆུ་ཚད།60 %
ཕྱིའི་རིག་གནས་ཆུ་ཚད།50%
རིགས་ཞེན། 100%
དེ་ལས་མང་བ་། “བོད་ཕྱི་ནང་གི་མི་སྣ་རྩོད་ཉོག་ཅན་ཁག་ཅིག་གི་ལེགས་ཉེས་དང་ཕྱོགས་བསྡུས་ཆུ་ཚད།” »
༄༅།།ཕྱི་ལོ་༢༠༡༣ ཟླ་༩ ཚེས་༢༨ ཉིན་གྱི་བོད་ནང་གི་ཕྱི་དྲོའི་ཆུ་ཚོད་༤ པ་ཡོལ་ཙམ་ལ་བོད་མདོ་སྨད་རྔ་པ་རང་སྐྱོང་ཁུལ་རྔ་པ་རྫོང་སྒོ་མང་ཡུལ་ཚོའི་སྒོ་མང་མཐའ་བའི་ཞི་ཆུང་། རང་ལོ་༤༡ ཡིན་པ་ཁོང་གིས་རྔ་པ་ནས་མགོ་ལོག་ཕྱོགས་སུ་འཐེན་ཡོད་པའི་གཞུང་ལམ་དང་ཐག་ཉེ་བའི་རང་ཁྱིམ་གྱི་སྒོ་འགྲམ་ནས་རང་ལུས་མེ་རུ་བསྒྲོན་ཏེ་རྒྱ་གཞུང་གིས་བོད་ཐོག་ལ་བཟུང་བའི་གཏིང་གནག་པའི་སྲིད་བྱུས་ལ་ངོ་རྒོལ་སྐད་འབོད་གནང་བཞིན་གཞུང་ལམ་ཕྱོགས་སུ་གོམ་པ་བཞི་བཅུ་ཙམ་རྒྱུགས་ཡོད་ཅིང་། མཐར་ས་གནས་དེ་གར་མེ་དཔུང་གི་ཁྲོད་ནས་སྐུ་སྲོག་ཤོར་ཡོད་འདུག་ལ།
དེ་ལས་མང་བ་། “ཨ་མདོ་རྔ་པ་ནས་རང་ལུས་མེར་སྲེག་སྐོར་གྱི་གནས་ཚུལ།” »
བསོད་ནམས་ནོར་བུ།
ལྗིད་ཏིག་གེའི་མགོ་བོ་སྔས་འབོལ་ལ་འགེལ་དུས
རྒྱབ་རི་ལྟ་བུའི་གྲིབ་གཟུགས་ཤིག་གིས་ནག་འཐོམ་མེར་གཉའ་ནས་མར་མནན
སྐབས་དེ་དག་ཏུ་ཅི་ཡང་དྲན་པ་མེད་པར གནམ་ས་གཉིས་ཁ་ཟུམ་པ་བཞིན
རྫི་མ་གཉིས་མར་པགས་ལ་དལ་གྱིས་འབྱར་རྗེས
ཤར་ནུབ་ཀྱི་གནམ་མཐའ་གཉིས་ཡུག་གཅིག་ཏུ་འདྲེས་ཤིང
ཁྲ་ཆིལ་ལེར་པད་མ་ཞིག་མངོན་ཆུང་གིས་འཛུམ་ཞིང་བཞད
ཆབ་ཚང་འཇམ་དཔལ། ༼སྔོན་མའི་འཕྲོས།༽
གཉིས། མི་འབོར་འཕེལ་རྒྱས་དང་ཐོན་ཁུངས་དོ་མཉམ་མིན་པ།
མི་གང་མང་ཞིག་གི་བསམ་བློར་མི་དང༌། སྲོག་ཆགས། སྐྱེ་དངོས་ཀྱི་རིགས་སྐྱེ་འཕེལ་གྱི་གཞི་རྟེན་རུང་བའི་སའི་གོ་ལའི་རྒྱ་ཁྱོན་དེ་མཐའ་དང་མུ་མེད་པ་ཞིག་ཏུ་བསམ་བཞིན་ཡོད་ཀྱང༌། དོན་དངོས་སའི་གོ་ལའི་རྒྱ་ཁྱོན་གྱི་བརྒྱ་ཆའི་ལྔ་བཅུ་ཙམ་འཇིགས་སུ་རུང་བའི་རྒྱ་མཚོ་དང༌། འཁྱགས་རོམ། རྒྱུགས་ཆུ། མཚོ་དང་མཚེའུ། བྱེ་ཐང་དང༌། བྱེ་སྒང༌། བྱེ་རི། བྱེ་ལུང༌། ཐང་རྒོད། ས་ཞིང༌། བྲག་རི་སོགས་ཀྱིས་ཡོངས་སུ་བཅད་སྟབས། མི་དང༌། སྐམ་གནས་སྲོག་ཆགས།
དེ་ལས་མང་བ་། “ཁོར་ཡུག་གཏོར་བཤིག་བཏང་བའི་ཚབས་ཆེའི་མཇུག་འབྲས་གླེང་བ།” »
འབོལ་རྩོམ་དང་བསྒྱུར་རྩོམ། ཐོལ་རྩོམ་སྐོར་གྱི་རྩོམ་བརྡ།
ང་ཚོས་མུ་མཐུད་དུ་སྤྱི་ཚོགས་ཀྱི་འཕེལ་ཁ་ཡངས་པོའི་ལམ་ཆེན་འདི་ནས། དུས་རབས་ཀྱི་ཀློག་པོ་དག་ལ་གཙང་སེལ་དང་བཤའ་བཅོས་ཀྱི་ལག་རྩལ་ཞིག་འདོན་སྤྲོད་དང་། བསམ་བློ་རྙིང་ཞེན་གྱི་བ་ཚྭ་དང་བསམ་བློ་གསར་བ་ཡི་བརྗེད་ཆུའི་ངོས་ནས་དུས་རབས་དང་འཚམ་པའི་སྨན་བཟང་བོ་ཞིག་བཟོ་སྐྲུན་བྱ་འདོད།
དེ་ལས་མང་བ་། “སྤྱི་ཚོགས་གླེང་བརྗོད་དེབ་༼སྨན༽་ཞེས་པའི་རྩོམ་བརྡ།” »
ཐེ་བོ་སངས་རྒྱས།
ཉིས་སྟོང་བདུན་ལོར་ས་སྟེང་ངོ་མཚར་ཅན་བདུན་བརྩི་སྟངས་གསར་བའི་ནང་ཚུད་ཅིང་འཛམ་གླིང་ན་སྐུ་འདྲའི་ཆེ་ཚད་རིམ་པ་ལྔ་བ་ཟིན་པའི་ཡེ་ཤུའི་སྐྱོབ་པ་པོའི་འདྲ་སྐུ་ Christ the Redeemer,ནི། ཕྱི་ལོ་1850 ནང་ལྷོ་ཨ་མེ་རི་ཁའི་བྷིར་རྫིལ་Brazil, རྒྱལ་ཁོངས་རིའོ་ཌེ་རྗན་ནེ་རོ་ Rio de Janeiro,ས་གནས་ཀྱི་ཡེ་ཤུའི་སྤྱི་འདོམས་ཆོས་དཔོན་ཕེ་ཌོར་མཱ་རི་ཡས་ Pedro Maria, ཁོར་ཁོ་ཝ་ཌོ་རི་བོའི་ Corcovado,རྩེ་རུ་ཡི་ཤུའི་ཆོས་ལུགས་ཀྱི་དྲན་རྟེན་སྐུ་འདྲ་ཆེན་མོ་ཞིག་བཞེངས་རྒྱུའི་བསམ་བློ་འཁོར་བས།
གནས་ཚུལ་མཁོ་གཏོང་བ། གངས་འདབས།
ལོ་འདིའི་ཟླ་དགུ་པའི་ཚེས་ཉི་ཤུ་སྟེ་རེས་གཟའ་པ་སངས་ཀྱི་དགོང་དྲོ་ལ་རྗར་མེ་ནི་བོད་ཀྱི་ཁང་པས༼རྒྱུས་མངའ་ཅན༽ཞེས་པའི་པར་རིས་འགྲེམས་སྟོན་ཞིག་གཉེར་སོང་། སྒྱུ་རྩལ་བ་འབུམ་རམས་པ་ཕུན་ཚོགས་རྡོ་རྗེས་ཁོང་གི་ཕ་ཡུལ་ལ་དྭགས་ཀྱི་ཡུལ་ལྗོངས་དང་། ཡུལ་མི་དང་འཚོ་བའི་ཁྱད་ཆོས་ཐུན་མིན་མཚོན་པའི་པར་རིས་སྤུས་ལེགས་ཁག་ཅིག་འགྲེམས་སྟོན་བྱས་སྐབས་སུ། སྒྱུ་རྩལ་བ་ཁོང་གིས་གསུངས་དོན།༼ངས་ང་རང་གི་ཕ་ཡུལ་སྐོར་པར་རིས་ཀྱི་ལམ་ནས་མི་རྣམས་ལ་སྤྱན་ཕུལ་ཞུས་ན་སྙམ་པའི་འདུན་པ་དེ་ཆུང་དུས་ནས་ཡོད་དེ།
དེ་ལས་མང་བ་། “རྗར་མེ་ནི་བོད་ཁང་ནང་།༼རྒྱུས་མངའ་ཅན་ཞེས་པའི་པར་རིས་ཀྱི་འགྲེམས་སྟོན།༽བྱས།” »
སྤོབས་པ་མཐའ་ཡས།
༢༠༡༣་སྤྱི་ཟླ་དགུ་པའི་ཚེས་བཅུའི་ཉིན་ཐའེ་ཝན་གྱི་རྒྱལ་ས་ཐའེ་པེ་རུ་བོད་བརྒྱུད་ནང་བསྟན་གྱི་དབུ་འཛིན་གྲགས་ཅན་ཨ་གྱ་རིན་པོ་ཆེས་རང་རྣམ་དབུ་འབྱེད་ཀྱི་ཉིན་མོ་ལ་ཁོང་བཙོན་དུ་བཞུགས་དུས་དང་སྐྱབས་བཅོལ་དུ་ཕེབས་ཚུལ་སོགས་ཀྱི་སྐོར་ལ་གསུངས་གླེང་མཛད། ཨ་གྱ་རིན་པོ་ཆེས་ད་དུང་རྒྱ་དམར་གཞུང་གིས་ནང་བསྟན་ཆོས་ལུགས་ཀྱི་སྲོལ་རྒྱུན་ལ་སྟངས་འཛིན་དང་རང་གི་སྲིད་ཇུས་ཁོ་ན་སྒྲུབ་པར་བེད་སྤྱོད་བཞིན་ཡོད་པའི་ཉེས་འཛུགས་ཀྱང་མཛད།
ཨ་གྱ་རིན་པོ་ཆེ་ནི་སོག་རིགས་ཡིན་ཞིང་༡༩༥༠ོར་འཁྲུངས། ཨ་གྱ་རིན་པོ་ཆེ་སྐུ་ཕྲེང་བདུན་པའི་ཡང་སྲིད་དུ་ངོས་འཛིན་མཛད།
དེ་ལས་མང་བ་། “ཨ་གྱ་རིན་པོ་ཆེས་རྒྱ་དམར་གྱི་སྲིད་ཇུས་ལ་དགག་པ་བརྒྱབས་པ།” »
འཇིགས་མེད་ནུབ་པ།
ངས་ཐོག་མར་ངོ་དེབ་བེད་སྤྱོད་གཏོང་འགོ་ཚུགས་དུས་ནི། ཕལ་ཆེར་ངོ་དེབ་འཛམ་གླིང་ལ་སླེབས་པའི་ལོ་ཕྱི་མ་དེ་རེད། སྐབས་དེར། ངའི་ངོ་དེབ་སྟེང་དུ་བོད་མི་ལས་ཕྱི་རྒྱལ་གྱི་མི་མང་། བོད་དང་རྒྱ་གར་སོགས་སུ་ཡོད་པའི་ངའི་གྲོགས་པོ་ཚོའི་ཁྲོད་དུ། ངོ་དེབ་ལབ་ན་ཤེས་མཁན་ཡང་ཉུང་། ཕལ་ཆེར་ཕྱི་ལོ་ཉིས་སྟོང་བརྒྱད་ཀྱི་ཡས་མས་ཤིག་ཡིན་དྲན། བོད་པའི་ཁྲོད་དུ་ངོ་དེབ་བེད་སྤྱོད་གཏོང་མཁན་མང་དུ་ཕྱིན་པ་མ་ཟད། ངོ་དེབ་བརྒྱུད་ནས་བོད་ཀྱི་གནས་ཚུལ་འཛམ་གླིང་ལ་སྒྲོག་མཁན་གྱི་གྲངས་འབོར་ཡང་ཇེ་མང་ལ་ཕྱིན།
དེ་ལས་མང་བ་། “པཎ་ཆེན་རིན་པོ་ཆེ་དང་ཞིས་ཅིན་ཕིན་གྱི་ཕ་མ། པར།” »
ཨ་དམར་པོ།
བྱ་སྐྱ་ཀ་མོ་ཤིང་སྡོང་ཡལ་ཀའི་གསེབ་གྱི་རང་གི་ཚང་མལ་ལ་དུང་བ་དང་བརྩེ་བས་ཁེངས་ཡོད། ཉིན་ལྟར་ཞོགས་པར་ཁ་ཟས་འཚོལ་བར་ཕྱི་རོལ་ལྗོངས་གང་སར་འཕུར་སྐྱོད་ཀྱིས་དུས་འདའ་བཞིན་ཡོད་ནའང་། དགོང་མོར་ངེས་པར་དུ་རང་གི་ཚང་མལ་དྲོད་ཁོལ་ཅན་དེར་ཕྱིར་ཡོང་ངེས། ཚང་མལ་དེ་ནི་སྐྱ་ཀ་མོར་མཚོན་ན་ནམ་ཡང་བསྐྱུར་མི་ཐུབ་པའི་ཁྱིམ་གཞིས་ཡིན། དུང་བ་ཟབ་ལ་བརྩེ་བ་མཐུག ཡིད་ཆེས་ཡོད་ལ་རེ་ལྟོས་ཆེ། དྲོད་ཁོལ་ལྡན་ལ་སྤྲོ་སྐྱིད་མངའ་བས་ཚང་མལ་དེ་ནི་མོར་བདག་པའི་ལྷའི་ཁང་བཟང་ལྟ་བུ་ཡིན་ལ། ཤིང་སྡོང་དེ་ནི་མོའི་ཚང་མལ་བཅའ་སའི་རྟེན་ཕུར་ལྟ་བུ་རེད།
དེ་ལས་མང་བ་། “རང་ཉིད་ཀྱི་དགོས་མཁོ་ལ་ཞེན་དྲགས་པའི་དབང་གིས།” »
