གློག་བརྙན་དང་མི་ཚེ།
ཀླུ་སྨྱོན། —- རི་གྲོང་སྨུག་པས་བཏུམས་དུས། དཔེ་ཆ་བ་ཚོ་ལྗོན་པའི་འོག་ཏུ་འདུས་བྱུང་། ལུག་ཁྱུ་ཡང་རླུང་དང་འདྲེས་ཤིང་། རྫི་གླུ་གང་སར་ཡན་པ་ནི་འཕྱོན་མའི་སྐྲ་འདབས་དང་ཡང་ཤིན་ཏུ་མཚུངས། ཁེར་རྐྱང་གི་རྨི་ལམ་གང་མང་ཞིག་རྨིས་རྗེས། ད་གཟོད་ངས་མི་ཚེ་ནི་མ་གཞི་ནས་སྤྲིན་པ་ལྡོམ་པོ་ཞིག་གི་གྲིབ་ནག་ལས་གཞན་ཅི་ཡང་མིན་པ་རྟོགས་བྱུང་། ཀྱེ། ས་གཞི་ཆེན་པོ། རི་རབ་དང་གཙང་པོ་ཅིའི་ཕྱིར་རྒས། ཅིའི་ཕྱིར་རྒས། ཀྱེ། ནམ་མཁའ་སྔོན་པོ། ཉི་མ་དང་སྐར་ཚོགས་ཅིའི་ཕྱིར་འཚེར། ཅིའི་ཕྱིར་འཚེར།