བྱ་མདོ-སྐལ་རྒྱམ།
དཔེ་ཆ་ནི་མིའི་རིགས་ཀྱི་བསམ་བློའི་རྒྱགས་ཕྱེ་ངོ་མ་དེ་ཡིན་པར་བཤད་པ་ལྟར། མི་གཞིའི་ཀུན་སྤྱོད་ཀྱི་བསམ་བློ་ལེགས་བཅོས་དང་། མིའི་བསམ་བློ་གསར་བ་དང་ལྟ་ཚུལ་གསར་བ། རྩོད་སྒྲུབ་ཀྱི་རིགས་ལམ་གསར་བ་ལ་སོགས་པའི་ཤེས་རབ་གོང་འཕེལ་དུ་འགྲོ་བའི་ཆ་རྐྱེན་གཙོ་བོ་ནི་དཔེ་ཆ་ཀློག་པ་འདི་ཡིན་ལ། དེ་ཡང་རང་གིས་རིག་ཚན་ཅི་ཞིག་ལ་སྦྱོང་བའི་སྐབས་དེའི་སྐོར་གྱི་དཔེ་དེབ་ཅི་འདྲ་ཞིག་ཡོད་པ་དང་དེ་དག་ལས་གང་ཞིག་བཟང་བའི་སྐོར་གྱི་འདེམས་གསེས་མ་ནོར་བ་བྱེད་རྒྱུ་ནི་ངེས་པར་གལ་ཆེའོ།།
བྱ་མདོ་སྐལ་རྒྱམ།
རྗེ་བླ་མའི་གསུང་རྩོམ་ལེགས་བཤད་གསེར་ཕྲེང་དང་འབྲེལ་བའི་དོན་འགའ་གླེང་བ།
—-གྲོགས་པོ་ཞིག་དང་འཕྲོས་མོལ་བྱས་པའི་སྐད་ཆ་ཡི་གེར་བསྡེབས་པ།
གསེར་ཕྲེང་ནི་རྗེ་ཙོང་ཁ་བས་དགུང་ལོ་སོ་གཉིས་སྟེང་བརྩམས་པ་ཞིག་ཡིན་པས། ཁོང་གིས་བརྩམས་པའི་གཞུང་ཆེན་ཁག་གི་ནང་ནས་སྔ་གྲས་ཤིག་ཡིན། འདི་ལས་མངོན་རྟོགས་རྒྱན་གྱི་རྒྱ་འགྲེལ་ཉེར་གཅིག་གི་འདོད་པ་མི་འདྲ་བ་དང་། བོད་ཀྱི་མཁས་པས་བཤད་ཚུལ་མི་འདྲ་བ་རྣམས་སྐབས་སྐབས་སུ་བཀོད་ནས་འཐད་མི་འཐད་ཀྱིས་དགག་བཞག་རྒྱ་ཆེར་བྱས་ཡོད་པས། རྒྱ་བོད་ཀྱི་མཁས་པ་རྣམས་ཀྱི་བཞེད་པ་ཤེས་འདོད་ཀྱང་གཞུང་མང་བོ་ཀློག་མི་ཐུབ་མཁན་ཞིག་ཡིན་ནའང་ཧ་ལམ་འདི་ཁོ་ནས་མཐུས་པ་ལྟ་བུ་ཞིག་ཡིན།
དེ་ལས་མང་བ་། “ལེགས་བཤད་གསེར་ཕྲེང་དང་འབྲེལ་བའི་དོན་འགའ་གླེང་བ།” »
བློ་བཟང་བསྟན་པ།
བོད་ཡིག་ཏུ་དབྱིན་ཡིག་ཕབ་བསྒྱུར་རམ་ཡིག་བསྒྱུར་བྱེད་སྟངས་རོབ་ཙམ་གླེང་བ།
(Tibetanization of Roman Script)
བོད་ཡིག་མ་ཡིན་པའི་དབྱིན་ཡིག་དང་གཞན་ཡིག་རིགས་ཁག་གི་མིང་ཚིག་རྣམས་བོད་ཡིག་ཏུ་ཡིག་བསྒྱུར་རམ་ཕབ་བསྒྱུར་བྱེད་སྐབས། གསར་ཤོག་དང་དཔེ་དེབ་ཁག་མང་པོའི་ནང་འདྲ་མིན་དང་གང་བྱུང་དུ་ཡིག་བསྒྱུར་བྱས་དང་བྱེད་བཞིན་ཡོད་པ་ལྟར། འདིར་དབྱིན་ཡིག་གམ་རོམཱན་ཡིག་གཟུགས་(roman script) གཅིག་མཚུངས་ཀྱི་ཡིག་རིགས་ཁག་རྣམས་བོད་ཡིག་ཏུ་ཡིག་བསྒྱུར་བྱེད་སྐབས། དེ་སྔར་ལེགས་སྦྱར་གྱི་ཡི་གེ་དེ་ཉིད་བོད་ཡིག་ཏུ་ཡིག་བསྒྱུར་རམ་ཕབ་བསྒྱུར་དེ་ཡི་གེ་སྤྱིའི་དབྱངས་གསལ་གང་ཡོད་རྣམས་ཕབ་བསྒྱུར་བྱས་ཡོད་པ་དེ་ཉིད་ཀྱི་དཔེ་སྟོན་དང་མཚུངས།
གངས་སེང་།
འདིར་བཤད་པར་བྱ་བ་ནི་དཔྱིད་ཟླ་ར་བ་ཡིན་ལ་དེ་ཚུལ་ནི། ནམ་ཟླ་དུས་བཞི་སྟེ་དཔྱིད་དབྱར་སྟོན་དགུན་བཞི་ཡོད་པ་དང་། དེ་རེ་རེ་ལ་ཟླ་བ་གསུམ་རེ་ཡོད་ཅིང་སྡོམ་ན་ལོ་གཅིག་ནང་ཟླ་བཅུ་གཉིས་ཡོད། དེའི་དང་པོ་དཔྱིད་ཟླ་རབ་འབྲིང་ཐ་གསུམ་གྱི་དང་པོ་དེ་ལ་དཔྱིད་ཟླ་ར་བ་ཞེས་བརྗོད། དེ་ནི་ལོ་གསར་པའི་འགོ་དེ་ནས་བཟུང་དགོས་པས་ལོ་སར་ཡང་དེའི་ཚེས་གཅིག་ལ་གཏོང་བ་རྒྱུ་མཚན་དེ་ཡིན། དེ་ལ་ཟླ་འགོ་ཡང་ཟེར། དོན་གྱི་དབང་དུ་བྱས་ན་ཟླ་བ་དེ་ག་དུས་ཚེས་ན་དགུན་གྱི་གྲང་ངར་ཞི་མགོ་རྩོམ་དགོས་པ་ཡིན།
ཁྲི་རལ་པ་ཅན།
བཙན་བྱོལ་བོད་མིའི་སྤྱི་ཚོགས་ནང་མི་མང་ཆེ་ཤོས་དབུས་གཙང་དང་སྟོད། བར་ཁམས་ཀྱི་བོད་མི་སྔ་མོ་བོད་ས་མ་ཤོར་གོང་དགའ་ལྡན་ཕོ་བྲང་གི་ཁྱབ་ཁོངས་སུ་གཏོགས་པ་ཞེ་གཅིག་ནས་ཡིན་པས། ལོ་རྒྱུས་ཀྱི་དུས་སྐབས་རེ་ཟུང་ནང་རྒྱ་སོག་གི་དམག་འཁྱམས་རེ་གཉིས་རེས་བཙན་འཛུལ་གནས་སྐབས་པ་རེ་བྱས་མྱོང་ཙམ་ལས། ཕྱི་ལོ་༡༩༥༩ ལོར་རྒྱ་དམར་གྱིས་བོད་ས་ཡོངས་རྫོགས་མ་བཟུང་བར་བོད་མིའི་སྤྱི་ཚོགས་དང་ཆོས་རིག་གི་ཁོར་ཡུག་གཙང་མ་ཞིག་གི་ནང་གནས་ཡོད་ཅིང་། བཙན་བྱོལ་བོད་མི་མང་ཤོས་ཁོར་ཡུག་དེ་ནས་སྐྱབས་བཅོལ་དུ་སླེབས་པ་ཤ་སྟག་ཡིན་པས།
གངས་སེང་།
ཞང་ཞུང་སྐད་དུ་སངས་གྱིན་ཞེས་པའི་གོ་དོན་བཀྲོལ་བ་གཟུར་གནས་བློ་གསར་དགྱེས་པའི་གཏམ་ཐུང་།
དེང་སང་མཁས་བླུན་མང་པོ་ཞིག་ནས་ཞང་ཞུང་སྐད་ལ་སངས་རྒྱས་ཞེས་པའི་ཚིག་མེད་པ་དང་དེ་དུས་རབས་བརྒྱད་པར་གསར་བཟོ་བྱས་པར་བཤད་མཁན་འགའ་ཤས་སྣང་བས། དེ་ནི་བཤད་མཁན་རང་ཉིད་ལ་མཐོང་རྒྱ་དང་ཐོས་རྒྱ་ཆུང་བའི་དབང་གིས་མ་རྟོགས་པ་ཡིན་པ་ལས་བོན་པོའི་གཞུང་ལུགས་རྣམས་སུ་དེ་མེད་པ་མ་ཡིན་ཏེ། མ་རྒྱུད་སངས་རྒྱས་རྒྱུད་གསུམ་ལས་ཆེས་གསལ་བའོ། དེ་ཡང་གཞི་ཡེ་སངས་རྒྱས་པའི་རྒྱུད་ལས། ཞང་ཞུང་སྐད་དུ། ཨུ་ཡེ་ཐ་ཙན་མ་ཏྲ་ཤེ་རྐྱ་ཉི་རི་ཀུ་ཤུ་ཧ་སངས་གྱིན་ཏན་ཏྲ།
སྐྱིད་བྱམས་བསྟན་འཛིན་དགའ་བ།
རྣམ་བཅུ་དབང་ལྡན་འདི་གཉིས་ལས་གང་ཞིག་ཁུངས་དང་ལྡན་ནམ། ལུགས་ཤིག་ཡོད་པས་ཆོག་ན་རང་ལུགས་བཞག་པའི་དགོས་པ་མེད་དེ་གཞན་ལུགས་དེ་ཡང་ལུགས་ཤིག་ལས་མ་འདས་པའི་ཕྱིར་རོ། །
དུས་རབས་བཅུ་གཅིག་པའི་འགོ་སྟོད་ནང་དུས་འཁོར་ཐོག་མར་བོད་ལ་བསྒྱུར་བ་ནས་བཟུང་སྟེ་དུས་ད་ལྟ་ལ་ཐུག་གི་བར་མི་ལོ་དགུ་བརྒྱ་ལྷག་ཙམ་གྱི་ལོ་རྒྱུས་ཀྱི་དོན་སྙིང་ལྡན་ཡོད་ཅིང་། དུས་ཡུན་དེ་དག་གི་རིང་དུས་འཁོར་གྱི་བསྟན་པ་འདི་བོད་ཡུལ་དུ་ས་དར་རྡོ་དར་དུ་ཁྱབ་སྤེལ་བྱུང་བ་དང་དུས་མཚུངས་སུ། དུས་ཀྱི་འཁོར་ལོའི་གཞི་ལམ་འབྲས་གསུམ་གྱི་གནད་ཡོངས་སུ་ཚང་བའི་རྣམ་བཅུ་དབང་ལྡན་གྱི་ཡི་གེ་འདི་ཡང་སྒོ་སྟེང་སོགས་སུ་འགེལ་འཇོག་གི་སྲོལ་འདི་དར་ཁྱབ་ཧ་ཅང་ཆེན་པོ་བྱུང་ཡོད།
དེ་ལས་མང་བ་། “རྣམ་བཅུ་དབང་ལྡན་འདི་གཉིས་ལས་གང་ཞིག་ཁུངས་དང་ལྡན་ནམ།” »
ཤིས་ཚང་ལྗང་མྱུག
རང་རེའི་བོད་ལ་རང་ཉིད་མཚོན་པའི་བརྡ་ལ། བདག་དང་ང་། གུས་པ། ཕྲན་པ། ངེད། རང་ཉིད། ཁོ་བོ་བཅས་རྣམ་གྲངས་མང་ཙམ་ཡོད་པ་ལས་འདིར་སྐབས་དོན་གླེང་བྱར་གྱུར་པའི་ངོས་ཞེས་པའང་དེ་དག་དང་དོན་གཅིག་པར་འཇུག་པའི་བརྡ་ཞིག་ཡིན། དོན་གཅིག་པའི་རྣམ་གྲངས་ཙམ་དུ་ཟད་པའི་བརྡ་འདི་དག་དོན་རང་ཉིད་ལ་འཇུག་པར་ཁྱད་པར་མེད་ཀྱང་། སྐབས་སོ་སོ་སྤྱོད་ཡུལ་ལ་ཁྱད་པར་ཅུང་ཙམ་ཡོད་པར་འདོད་དེ། དཔེར་ན། གུས་པ་དང་ཕྲན་གཉིས་ནི་གཙོ་ཆེར་རང་ལས་ཡུལ་མཐོ་བར་ཅི་ཞིག་ཞུ་སྐབས་རང་ཉིད་དམན་སར་འཛིན་པའི་བརྡ་ཞིག་ཡིན་ལ། གཞན་དུ་ཁེངས་པ་སྐྱུང་བའི་བརྡར་བཞེད་པའང་ཡོད།
དྲི་མེད་ལྷག་བསམ།
༼༡༽ སྤྲུལ་སྐུའི་ལམ་ལུགས་ཀྱི་བྱུང་བ།
ནང་པའི་ཆོས་ལུགས་སྐྱེ་བ་སྔ་ཕྱི་ཁས་ལེན་མཁན་ཞིག་ཡིན་པས་སྐྱེ་སྲིད་ལ་དགག་པ་ཡོད་ཚེ་ནང་ཆོས་ཀྱི་ཀ་བ་ཆག་ནས་གདུང་མ་འཐོར་ཚར་བ་རེད། སྟོན་པ་ཞལ་བཞུགས་པའི་དུས་ནས་སྐྱེ་སྲིད་ངོས་འཛིན་མི་ཉུང་བ་བྱུང་ཡོད་ཀྱང་དེ་ལ་སྤྲུལ་བའི་སྐུའི་ཐ་སྙད་སྦྱར་ཡོད་པ་མ་མཐོང་། ཕྱིས་སུ་བོད་ཀྱི་བླ་ཆེན་ཁག་སངས་རྒྱས་བྱང་འཕགས་ཀྱི་སྤྲུལ་བར་ངོས་བཟུང་སྟེ་སྤྲུལ་སྐུ་ཞེས་པའི་མཚན་གསོལ་བ་ཡིན་ཀྱང་དོན་དུ་མིང་ཙམ་ལས་སྐྱེ་སྲིད་ངོས་འཛིན་དང་ཁྱད་པར་མེད་དོ།། སངས་རྒྱས་ཀྱི་གཞུང་དང་མཐུན་མིན་སྐྱེས་རབས་དཔག་བསམ་འཁྲི་ཤིང་། མདོ་སྡེ་ལས་བརྒྱ་པ། མཛང་བླུན་སོགས་ལ་གཟིགས་ཤིག །
དེ་ལས་མང་བ་། “སྤྲུལ་སྐུའི་ལམ་ལུགས་ལ་དཔྱད་པ་དམུས་ལོང་མིག་འབྱེད།” »
གངས་སེང་།
གཡུང་དྲུང་བོན་གྱི་ལུགས་ལ་བླ་མ་ཞེས་པ་དེ་གང་འདྲ་ཞིག་ཡིན། བླ་མའི་རིགས་ཇི་ཙམ་ཞིག་ཡོད་ཅེ་ན། སྤྱིར་བླ་མའི་མིང་ཙམ་ཡོད་མཁན་ནི་དེང་སང་གི་དུས་སུ་ཧ་ཅང་མང་ནའང་། མདོ་སྔགས་རྫོགས་གསུམ་གྱི་གཞུང་ལས་བཤད་པའི་བླ་མ་མཚན་ཉིད་དང་ལྡན་པ་ནི་ཤིན་ཏུ་དཀོན་པ་ཡིན། དེ་ཡང་བླ་མ་ནི། སངས་རྒྱས་ཀྱི་ཞལ་ཚབ། ཐར་པའི་དད་དཔོན། འདྲེན་པའི་གཙོ་བོ། སྡུག་ལྡན་གྱི་སྐྱབས་གནས། གནས་སྐབས་དང་མཐར་ཐུག་གི་བདེ་བ་དང་ལེགས་ཚོགས་ཐམས་ཅད་ཀྱི་འབྱུང་གནས་ཡིན་པས་དེ་ངོས་འཛིན་མ་ནོར་བ་བྱེད་དགོས། དེའི་སྒྲ་དོན་ནི། ལྟ་དགོངས་ཡང་དག་གི་དོན་རྟོགས་ཤིང་སྲིད་ཞི་གཉིས་ཀྱི་བླ་རུ་གྱུར་པས་ན་བླ་དང་། འགྲོ་དྲུག་སེམས་ཅན་ལ་མ་ལྟར་བྱམས་པས་ན་མ་ཞེས་བྱ།
དེ་ལས་མང་བ་། “མདོ་སྔགས་རྫོགས་གསུམ་གྱི་གཞུང་ལས་བཤད་པའི་བླ་མའི་མཚན་ཉིད།” »
འོས་སྦྱོར་བ། སྐྱོ་བྲག་དགའ་དབང་།
(རྩོམ་པ་པོ་མི་ཤེས་ནའང་། བཟང་ངན་གཤིབ་བསྡུར་དང་གནས་ཚུལ་ངོ་སྤྲོད་བྱས་པའི་ཡིག་ཆ་ཞིག་སྟེ། བོད་ཡུལ་གྱི་དྲ་ལམ་དག་ཏུ་ཁྱབ་ཀྱིན་གདའ།)
དེང་སང་བོད་རྣམས་ཀྱི་ཁ་བརྡ་རིང་མོའི་ཁྲོད་དུ་རྒྱ་བླ་རྒྱ་བླ་ཟེར་ནས་རྒྱུན་དུ་གླེང་བཞིན་ཡོད། རྒྱ་བླ་ཞེས་པའི་ཐ་སྙད་དེ་གསར་བ་ཞིག་ཡིན་མིན་བརྗོད་དཀའ་མོད། དོན་ལ་བོད་ཀྱི་མི་རྒྱ་ནག་གི་རྒྱལ་པོའི་དབུ་བླ་དང་རྒྱ་རིགས་ཀྱི་མིའི་བླ་མ་མཛད་མཁན་ལ་གོ། དེ་ལ་འཇམ་མགོན་ས་སྐྱ་པཎྜི་ཏ་དང་། འགྲོ་མགོན་ཆོས་རྒྱལ་འཕགས་པ་དང་། གཡུང་སྟོན་རྡོ་རྗེ་དཔལ་བཟང་དང་། བྱམས་ཆེན་ཤཱཀྱ་ཡེ་ཤེས་དང་། རྒྱལ་དབང་གོང་ས་ལྔ་བ་ཆེན་མོ་སོགས་རྒྱལ་དབང་སྐུ་ཕྲེང་རིམ་བྱོན་དང་།
སྒོམ་པ་ཚེ་རིང་། ༼ལྡོང་སྲས་ཀྱིས་འོས་སྦྱོར་ཞུས།༽
ཕྱོགས་ཞེན་རིས་གཅོད་ཀྱི་གཡོན་ཐལ་རབ་ཏུ་རྒོད་ཅིང་དུངས་ཞེན་ལད་ཞེན་གྱི་ཚིལ་དྲེགས་ཡོངས་སུ་འཐིབས་པ། ལྐོག་ཟ་ལྐོག་རྔམ་གྱི་ལྐོག་ལས་བྱང་དུ་ཆུད་ཅིང་རུལ་སུངས་གཡོ་སྒྱུ་ཡི་རྫུན་ལ་རིང་ནས་གོམས་པ། ནང་འཚོང་ལྐོག་ཞུ་ཡི་ནང་དམེར་ཀུན་ནས་བྱང་ཞིང་ཕྲག་དོག་མེ་ལྕེ་ཡི་དུག་ཆུ་ཤིན་ཏུ་ཚ་བ། རང་ས་བརྟན་སྲུང་གི་བློ་རིག་ཀུན་ནས་བྲལ་ཞིང་དངོས་ཡོད་གནད་དོན་གྱི་གནས་ལ་ཡོངས་སུ་རྨོངས་བ། སྤུན་ཟླ་ནང་དམེ་ཡི་ཁྲག་གིས་འཁོར་ལོ་བསྐོར་ཞིང་གཡོ་སྒྱུ་སྤྱོད་ངན་གྱི་ལས་ལ་རྣམ་པར་ལོབས་པ།
རྔ་བ་རྒྱལ་ཁམས་པ།
དེའང་ཇི་སྐད་དུ། ལྷ་མོ་དྲི་མ་མེད་པ་ལུང་བསྟན་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན། གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ།། ཞེས་བྱུང་།
དེ་ལས་མང་བ་། “ཕྱི་གླིང་བོད་བརྒྱུད་ནང་བསྟན་གྱི་ཆོས་ལུགས་མི་སྣ་དང་། དེ་དག་ལ་མིང་ཇི་ལྟར་གདག་འོས་སམ།” »
རིག་འཛིན་ལྷུན་གྲུབ།
དུས་རབས་བཅོ་བརྒྱད་དང་བཅུ་དགུའི་ནང་ཤར་གླིང་ཨེ་ཤི་ཡའི་ནང་། རུ་དབྱིན་རྒྱ་གསུམ་གྱི་དབར་དབང་ཆ་འཐབ་རྩོད་ཀྱི་’རྩེད་འགྲན་ཆེན་མོ་’ཞེས་པ་ཡུན་རིང་རྩེས་ཤིང། བོད་ནི་རྩེད་འགྲན་དེའི་རྩེད་ཐང་ལྟེ་བ་དེ་ཆགས་པ་རེད། རིམ་པས་དབྱིན་ཇིས་ཨེ་ཤི་ཡའི་ནང་དབང་བསྒྱུར་ལ་འགྱུར་བ་ཕྱིན་པ་དང། རྩེད་འགྲན་དེ་ཡང་རང་བཞིན་གྱིས་མེད་པ་ཆགས་མོད། འོན་ཀྱང་། རྩེད་ཐང་ལྟེ་བ་བོད་ཀྱི་གནས་བབ་ཅི་འདྲ་ཞིག་ཡིན་མིན་ནི། དབྱིན་ཇི་བ་ཅར་ལེསེ་བྷལ་གྱིས་བྲིས་པའི་དེབ་”འདས་དང་ད་ལྟ་བའི་བོད།”ཅེས་པའི་ནང་ཇི་ལྟར་བཀོད་བསྡོམས་བྱས་པ་དེ་བཞིན་ནུབ་ཕྱོགས་པ་ཚོས་དེང་སྐབས་ཀྱང་ཆ་འཇོག་བྱེད་བཞིན་ཡོད།
དེ་ལས་མང་བ་། “བོད་བཙོངས་ནས་ལོ་ངོ་དྲུག་ཅུ་འཁོར་བའི་དུས་དྲན།” »
གོང་དཀར་ངག་རྣམ།
སྤྱིར་ཐ་སྙད་ཚད་གྲུབ་ཀྱི་སྒྲ་བཤད་དམ་ངེས་ཚིག་གང་ཡིན་སྙམ་ན། ཐ་སྙད་པའི་ཚད་མས་གྲུབ་པའི་ཆོས་ཡོད་མེད་ཙམ་ལ་གོ་སྙམ། ཕྱོགས་སྔ་ཕྱི་གཉིས་ཀས་སངས་རྒྱས་ཀྱི་བཀའ་དྲི་མ་མེད་པ་དང་། ཀླུ་སྒྲུབ་ཡབ་སྲས་ཀྱི་གསུང་དཔང་པོར་བཞག་སྟེ་བརྒལ་ལན་ལ་འཇུག་པས་གནད་འདི་ནི་ལུང་རིགས་ཕྱོགས་རེ་བས་ཕུག་ཐུབ་པའི་དོན་ཆུང་གཏན་ནས་མིན་པ་དང་། ནང་པའི་ལྟ་གྲུབ་ཀྱི་རྣམ་གཞག་ནང་ཐ་སྙད་ཚད་གྲུབ་བཞེད་དང་མི་བཞེད་ཀྱི་སྐོར་སྣ་ཚོགས་འཁོད་པའི་གཞུང་ལུགས་མང་དག་ཡོང་དགོས་པའི་རྒྱུ་མཚན་ཡང་། ནང་པ་སངས་རྒྱས་གཞུང་ལུགས་རྒྱ་མཚོ་ལྟ་བུའི་ནང་བསྟན་པའི་གཞི་བདེན་པ་གཉིས་དང་།
ཨ་སྔགས་ཚེ་རིང་བཀྲ་ཤིས། (ཚུལ་བསྟན་གྱིས་མཚམས་སྦྱོར་ཞུས།)
གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་《མུ་ཁྲི་བཙན་པོ་》ཡི་ཀླད་ཀྱི་གཏམ།
སྐད་དང་ཡི་གེ་གཉིས་ལྡན་གྱི་མི་རིགས་རང་རྐྱ་འཕེར་བ་ཞིག་ལ་མཚོན་ན། དེ་ལ་ཁུངས་ཕུགས་ཀྱི་ལོ་རྒྱུས་ཡི་གེའི་ལམ་ནས་འཁོད་ཐུབ་ཡོད་མེད་གཉིས་སུ་འབྱེད་ཆོག ཡི་གེ་མ་བྱུང་བའི་སྔོན་གྱི་ལོ་རྒྱུས་བྱུང་རབས་དག་ནི་སྒྲུང་གི་ཚུལ་དུ་ཡབ་མྱེས་ནས་བུ་རབས་ཚ་རྒྱུད་ལ་སྙན་ནས་སྙན་དུ་བརྒྱུད། ཡི་གེ་བྱུང་ཕྱིན་མི་རིགས་གང་དེའི་ལོ་རྒྱུས་བྱུང་རབས་སོགས་དེབ་ཐེར་དུ་འཁོད་པ་ནི་འཛམ་གླིང་ན་ལོ་རྒྱུས་ཡུན་རིང་བའི་མི་རིགས་ཀུན་གྱི་སྤྱི་འགྲོས་ཡིན།
རྫ་ཚེ་རིང་བཀྲ་ཤིས།
བཅོམ་ལྡན་འདས་ཞི་ཁྲོ་རབ་འབྱམས་ཀྱི་ཚོགས་ལ་ཕྱག་འཚལ་ལོ།།
དེ་ཡང་། བར་དོ་ནི་ཐོག་མ་དང་ཐ་མ་ཡེ་མི་མངོན་པའི་སེམས་ཀྱི་གནས་སྐབས་ཞིག་ལ་བླ་ཐབས་སུ་བཏགས་པ་ཙམ་སྟེ། འདི་ནི་རྣམ་པར་ཤེས་པའི་མགྲོན་པོ་ལས་ཀྱི་མྱ་ངམ་གྱི་ཐང་ལ་འགྲུལ་བཞུད་བྱེད་པའི་ཚུགས་མལ་ཙམ་ཡིན་པར་སྣང་།
ཡང་བར་དོ་ཞེས་པ་ནི་བར་གྱི་དུམ་བུ་སྣ་ཚོགས་པའི་ཆ་ཤས་ཀྱི་ཆ་སྟེ། གཙུག་ལག་ཁང་དག་གི་སྒོ་ཁང་ལ་བྲིས་ཡོད་པའི་འཁོར་བའི་འཁོར་ལོའི་ཆ་ལྔ་བའི་ཆ་རེ་རེ་བ་དང་། རྟེན་འབྲེལ་བཅུ་གཉིས་ཀྱི་ཆ་ཤས་སིལ་བུ་བ་དེ་དག་དང་ཅུང་འདྲ་བ་ཡིན།
གསེར་ས་ལེ་སྦྲམ།
དེ་ཡང་དུས་རབས་བཅུ་བ་དང་བཅུ་གཅིག་པའི་ནང་བྱོན་པར་གྲགས་པའི་འཕགས་ཡུལ་གྱི་པཎྜི་ཏ་ཆེན་པོ་གྲུབ་ཆེན་ནཱ་རོ་བ་མཆོག་གི་བཞུགས་ཡུལ་གནས་མཆོག་ཕུལླ་ཧ་རི་ནི། ད་ལྟའི་ཆར་ཡུལ་ཕྱོགས་གང་དུ་ངེས་འཛིན་བྱེད་མིན་གྱི་ཐད་འདོད་ཚུལ་མི་མཐུན་པ་འགའ་ཤས་བྱུང་དང་འབྱུང་མུས་སུ་ཡོད་གཤིས། དེར་བརྟེན་ཁོ་བོས་ཀྱང་བསམ་ཚུལ་ཐུང་ཙམ་བགྲོའོ།།
༼ཕུལླ་ཧ་རི༽ནི་སྔོན་བྱོན་མཁས་པ་དུ་མས་དཔལ་ནཱ་ལེན་དྲའི་བྱང་ཕྱོགས་སུ་ཡོད་པར་གསུང་བ་འདི་ཁོ་བོས་གཙིགས་སུ་འཛིན་བཞིན་ཡོད།
རྔ་བ་རྒྱལ་ཁམས་པ།
སྟོང་ཁམས་ཆེན་མོ་ནུས་པའི་དབྱིངས།།
འཇིག་རྟེན་འཇིག་རྟེན་འདས་པའི་ཆོས།།
སྣ་ཚོགས་འབྱུང་བའི་ས་བོན་ཅན།།
སྣང་སྲིད་འཁོར་ལོའི་ལྟེ་བ་ཉིད།།
དབྱིངས་ལས་མ་གཡོས་ཡུལ་ཅན་གདངས།།
ཡུལ་ནས་མ་མཆེན་ནུས་པའི་རླབས།།
རྣམ་འགྱུར་ཞི་ཞིང་འཇགས་པ་ལས།།
ཆོས་ཉིད་ཅེས་བྱ་མ་མཐོང་ངོ་།།
རྔ་རྒོད།
སྤྱིར་ན་སྙན་ངག་མེ་ལོང་མ་རྩོམ་པ་བོ་༧ སློབ་དཔོན་ཆེན་པོ་༧ དནྜི་མཆོག་གི་ལོ་རྒྱུས་སྐོར་འདི་དག་ང་ཚོས་ངེས་པར་དུ་ཤེས་དགོས་པ་ཞིག་མིན་མོད། སྲོལ་རྒྱུན་སྙན་ངག་ལ་དུངས་ཤིང་། ལྷག་པར་ཁོང་གི་བརྩམས་ཆོས་«སྙན་ངག་མེ་ལོང་མ་»འདི་འཆད་འཁྲིད་བྱེད་མཁན་དང་དེ་ལ་སློབ་གཉེར་གནང་མཁན་ཚོའི་ངོས་ནས་བལྟས་ན། སྡེབ་སྦྱོར་སྙན་ངག་པ་ ༧དནྜི་མཆོག་གི་སྐོར་དེ་མཁྱེན་དགོས་པར་མ་ཟད་དེ་ལ་དགེ་མཚན་ཡང་ཆེན་པོ་ཡོད། འོན་ཀྱང་འཕགས་བོད་མཁས་པས་སློབ་དཔོན་དནྜིའི་སྐོར་ལ་བཞེད་ཚུལ་མི་མཐུན་པ་ཁག་མང་བོ་ཞིག་གསུངས་ཡོད།
དེ་ལས་མང་བ་། “སྙན་ངག་མེ་ལོང་མ་རྩོམ་པ་བོའི་མཚན་ངོ་མ་དེ་ཤེས་མཁན་མེད།” »