ཁ་བ་ནག་པོ།
བརྩེ་བའི་དྲ་གྲོགས་མ་ལགས། ཁྱོད་བདེ་མོ་ཡིན་ནམ། དེ་རིང་འདི་གར་ཉི་མ་ཤར་ཡོད་ན་ཡང་གནམ་གཤིས་ཧ་ཅང་གྲང་གི དེ་ཕྱོགས་སུ་ཡང་དེ་ལྟར་ཡིན་ན་གྱོན་ཆས་དྲོན་པོ་རེ་གྱོན་རྒྱུ་དེ་ངའི་རེ་བ་ཡིན། ད་ནངས་ཞོགས་པར་ཁྱོད་ཀྱིས་ང་ལ་བརྗོད་པའི་དྲ་གཏམ་དེ་དག་ངའི་སེམས་སུ་ཟུག་སོང་བས། ཡང་སྐྱར་ཁྱོད་ལ་ཡི་གེ་ཞིག་འབྲི་ན་འདོད་སོང་།
རེད། ཁྱོད་ཀྱིས་བཤད་པ་བཞིན་ངས་བརྩེ་དུང་ཞེས་པའི་ཐ་སྙད་དེའི་གོ་དོན་དེ་ད་དུང་གསལ་བོ་ཞིག་རྟོགས་མི་འདུག ཁྱོད་ཀྱིས་བརྩེ་དུང་ནི་ལག་པ་གཉིས་ཀྱིས་ཐལ་མོ་རྡེབ་པ་ལྟ་བུ་ཞིག་ཡིན་པས་དུང་ཞེན་ཙམ་ཞིག་གི་ལག་པ་ཡ་གཅིག་གིས་ཅི་ཡང་བྱེད་མི་ཐུབ་ཟེར་གི འདི་བདེན་རྒྱུ་རེད། ཁྱོད་ཀྱིས་མོ་ལོ་བཅུ་དྲུག་ནས་བཟུང་སྟེ་བརྩེ་དུང་གི་བྲོ་བ་མྱངས་ནས་ཡོང་བ་ཡིན་པས། བརྩེ་དུང་གི་ཕྱོགས་ནས་ཁྱོད་ཀྱིས་ངའི་དགེ་རྒན་ཉན་ནོ་ཁོ་ཐག་ཡིན། ངས་ད་བར་དུ་བརྩེ་དུང་གི་སྒྲུང་གཏམ་དང་གློག་བརྙན་ལ་བལྟས་པ་ཙམ་གྱིས་གདེང་ཚོད་ཡོད་པའི་སྒོ་ནས་བརྩེ་དུང་ངོ་མ་ཞིག་གི་མགོ་རྩོམ་རྒྱུའི་ཚད་ལ་ད་དུང་བསླེབས་མི་འདུག
སྙིང་གི་ཚི་ལུའི་ཚིལ་ལན།
གསལ་ལེ་རྒྱལ།
རྒས་གཉེར་གྱིས་བཀབ་པའི་ངོ་གདོང་དང་ས་རྡུལ་གྱིས་གཡོག་པའི་མེ་ལོང་གཉིས་ཁ་གཏད་དུ་ལང་ནས་ཕན་ཚུན་ལ་ཡུན་རིང་ཅེར་རྗེས། རང་ཉིད་ངོས་མ་ཟིན་པའི་བེམ་པོ་དེའི་ལྟེབས་ཁུག་ནས་འཕུར་བའི་སེམས་པ་ཞིག་ངའི་གྲིབ་གཟུགས་ལ་འཐུམས་སོང་ཟེར། གཟན་ཤུབ་གྱིས་བཏུམ་པའི་བེམ་པོ་ཞིག་དྲ་ལམ་གང་མང་ན་ངའི་ཕྱོགས་སུ་གཡུག་བཞིན་པ་མཐོང་ནའང་། ཐག་རིང་ནས་མཐོང་ཚེ་རྒྱུག་ཡོང་ལ་ཐག་ཉེ་ལ་སླེབས་ཚེ་བྲོས་འགྲོ་བ་དེ་ངས་བླ་རྒན་ཞིག་གི་རྩེད་མོར་རློམ་ཡོད། གང་ལྟར་ང་རང་ཨ་རིར་འབྱོར་བ་དེས་མི་ལ་ལའི་རྨི་ལམ་འཁྲིགས་ཡོད་པ་འདྲ་ལ་ཁ་ཤས་ཀྱི་འཆར་གཞིའང་འཐོར་ཡོད་པ་འདྲ་མོད། ཡིན་ནའང་ང་ལ་ཉེས་བ་ཅི་ཡང་མེད་དེ། ཁམས་འདྲི་ཞིག་བྱས་བ་རིགས་ཞེན་ཡིན་ལ་གུས་ཕྱག་ཅིག་ཕུལ་བ་དད་པ་ཡིན། ད་དུང་གསལ་བོར་བཤད་དགོས་བ་ཞིག་ལ་དད་པ་ནི་ངའི་ཉལ་སའི་ནང་གི་རྩེད་ཆོས་མིན།
སའི་གོ་ལ་འདི་འཇིག་ན་ཐང་ཀི
Apophis asteroid will probably almost certainly not smash into Earth, say scientists Apophis asteroid: Russian…
འཁོར་བའི་གྲོང་གི་རྨི་ལམ་ཐུན་གཅིག
ཀླུ་སྨྱོན།
སྔོ་བསང་ནམ་མཁའི་དཀྱིལ་འཁོར་ནས། །
སྤྲིན་དཀར་ལེབ་མོ་ཡུག་གཅིག་གིས། །
མེ་ཏོག་དཀར་པོའི་ཆར་བ་ཞིག །
ཆུ་ཚོད་ཉི་ཤུ་རྩ་བཞིར་བསྙིལ། །
སྙིང་ལ་གཟན་པའི་སྡུག་གུ་མ། །
དབྱངས་ཅན་ལྷ་མོ་གཅེར་བུ་རུ། །
པི་ཝང་མེད་ལ་སོར་གདུབ་མེད། །
བདག་གི་རུམ་ལ་འཛུལ་བྱུང་ངོ་། །
བདག་ནི་སྔགས་འཆང་དྲེད་པོ་སྟེ། །
ཉིན་མཚན་མེད་པར་ར་བཟི་ཞིང་། །
ལུས་ལ་ཆགས་པའི་མེ་འབར་བས། །
དེ་རིང་བསྐལ་པ་བཟང་བྱུང་ངོ་། །
ཉི་མ་སུམ་བརྒྱ་དྲུག་ཅུའི་རྗེས་སུ་ཡང་། །
རྨི་ལམ་འདི་ལས་སད་མི་འདོད། །
སྒྱུ་མའི་འཇིག་རྟེན་བློས་མི་ཐོངས། །
རྣམ་ཤེས་འཁྱམ་པོ་སྙིང་ཡང་རྗེ། །
པད་མ་ཚེ་བརྟན་གྱི་རྒྱ་སྐད་གློག་བརྙན། ༨༣ལོའི་རྐང་སྣམ་དུང་ཆེན་ཁ།
གཤམ་གྱི་དྲ་བྱང་འདི་བེད་སྤྱོད་བཏང་ན་གཟིགས་ཐུབ། http://reganglin.tibetcul.com/52761.html
ངས་ཁྱེད་ག་དུས་མཇལ་ཐུབ་བམ།
ཀླུ་སྨྱོན།
ཁ་པར་འདིའི་དྲིན་ལས་ངས་ཁྱེད་རང་རྙེད་བྱུང་།
ཁ་པར་འདི་བརྒྱུད་ནས་ངས་ཁྱེད་རང་མཇལ་བྱུང་།
ཁྱེད་རང་སྐད་གྲགས་ཆེ་བའི་ཨ་རིའི་རྒྱལ་སར་བཞུགས་ཡོད་ཅིང་།
ལས་ཁུངས་ཡག་པོ་ཞིག་ཏུ་ཕྱག་ལས་གནང་གིན་ཡོད་ལ།
གླ་ཕོགས་ཀྱང་ང་ལས་ལྡབས་འགས་མཐོན་པོ་ཞིག་ལེན་བཞིན་ཡོད་པ་བདེན་ཡང་།
ཁྱེད་ཀྱང་ང་དང་འདྲ་བར་སྐབས་རེར་སུན་སྣང་དང་ཁེར་རྐྱང་གི་སྡུག་བསྔལ་གྱིས་མནར་བཞིན་ཡོད།
ཁྱེད་ཀྱང་ང་དང་འདྲ་བར་མི་ཡུལ་གྱི་འཚོ་བའི་མནར་གཅོད་དང་ས་མཐའི་སྐྱོ་གདུང་གིས་གཙེ་བཞིན་ཡོད།
དེ་རིང་ཉི་མ་དྲོ་གི
ཀླུ་སྨྱོན།
ཧ་ཅང་གྲང་བའི་དགུན་ཟླ་རིང་མོ་ཞིག་བརྒྱུད་རྗེས།
དེ་རིང་གཞི་ནས་འདི་གར་ཉི་འོད་དྲོན་པོ་ཞིག་ཤར་བྱུང་།
ཉི་འོད་འདིས་ནམ་མཁའ་སྟོང་པ་འདིར་ཡང་ཚོས་གཞི་སྔོན་པོ་ཞིག་བྱུགས་ཤིང་།
ཉི་འོད་འདིས་ས་གཞི་ཆེན་པོ་འདིར་ཡང་བདེ་སྐྱིད་རྫོགས་མེད་ཅིག་སྦྱིན་སོང་།
མི་དང་གྲོག་མ་གཉིས་ལ་ཆེས་འདྲ་ས་ཞིག་ཡོད་པ་ནི།
ཉི་མ་དྲོ་དུས་སྡོད་ཚུགས་མེད་པར་ས་རྒྱུག་རྡོ་རྒྱུག་བྱེད་དགོས་པ་དེ་ཡིན་པས།
ཉི་འོད་འཇམ་པའི་དེ་རིང་ཡང་མི་དང་གྲོག་མ་ཚོ་མཉམ་དུ་སྒོར་བུད་བྱུང་།
དགེ་ཆོས་ཀྱི་ཨ་རག་དང་ཧེ་ཙིའི་ལྕགས་ལམ།
ཀླུ་སྨྱོན་ཧེ་རུ་ཀ
སྙན་ངག་པ་དག་ལ་ཐུན་མོང་གི་གཤིས་ཀ་ཞིག་ཡོད་པ་ནི་རང་གི་སྐྱོ་གདུང་དེར་མཚམས་ཚིགས་ཤིག་ཡོད་པར་འདོད་ཅིང་། ཆེས་མཐའ་མའི་གནས་ལུགས་ཀྱིས་སྐྱོ་གདུང་དེར་མཛེས་སྡུག་གི་ཚོན་མདངས་ཤིག་འབྱུག་པར་འདོད་པ་དེའོ།། བོད་ཀྱི་དགེ་ཆོས་དང་རྒྱ་ཡི་ཧེ་ཙི་གཉིས་ཀར་གོང་བརྗོད་ཀྱི་གཤིས་ཀ་དེ་ལྡན་ཞིང་། མི་འདྲ་ས་ཞིག་ནི་དགེ་ཆོས་ཀྱིས་རླབས་ཆེ་བའི་སེམས་བསྐྱེད་ཅིག་གིས་རང་གི་མི་རིགས་ཀྱི་ལས་དབང་བསྒྱུར་ཨེ་ཐུབ་བལྟས་པ་དང་།
ལྷ་མིའི་འབྲེལ་ཐག་ཆད་རྗེས།
གཞི་བདག་དགེ་བསྙེན་ཕྱིང་དཀར་བ་གནས་སའི་ངའི་ཕ་ཡུལ་གྱི་དགོན་པའི་རྒྱབ་རི།
ཀླུ་སྨྱོན།
ད་ལྟ་ང་རང་ཁ་ལིས་ཧྥོ་ནི་ཡ་ནས་སེ་ཨ་རོལ་དུ་འཕུར་བཞིན་པའི་གནམ་གྲུ་ཞིག་གི་ནང་དུ་ཡོད་ཅིང་།
གནམ་གྲུའི་སྒེའུ་ཁུང་ལས་གངས་རི་མཐོན་པོ་འགའ་མཐོང་བྱུང་ལ།
བར་ཐག་ཧ་ཅང་ཉེ་བའི་གངས་རི་གསུམ་གྱི་མིང་ལ་བུ་མོ་སྤུན་གསུམ་ཞེས་འབོད་སྲོལ་འདུག
རྒྱལ་ཁབ་འདིའི་གངས་རི་དེ་ཚོ་མཐོང་མ་ཐག
ངའི་སེམས་ནང་དུ་ཡང་རང་གི་ཕ་ཡུལ་གྱི་གངས་རི་དེ་ཚོ་དྲན་བྱུང་ལ།
ཕ་ཡུལ་གྱི་སྟོད་ཕྱོགས་སུ་ཡོད་པའི་སྒེས་ཀྱི་ལྷ་མོ་སྤུན་གསུམ་ཞེས་པའི་རི་བོ་དེ་གསུམ་ཡང་དྲན་བྱུང་།
བསྐལ་བ་ས་ལ་ཆགས་པ་ནས་བཟུང་སྟེ།
གངས་རི་དེ་ཚོ་ནི་ལྷའམ་གཞི་བདག་ཚོའི་གནས་མལ་ཡིན་ཞིང་།
རྨི་ལམ་འཁྲུགས་སོང་།
ཀླུ་སྨྱོན།
ཅི་ཡིན་འདི་ཡིན་མི་ཤེས་པར་རྨི་ལམ་འཁྲུགས་སོང་།
རྨི་ལམ་འཁྲུག་སྟངས་ཀྱང་མི་འདྲ་གི
ཕྱེ་མ་ལེབ་དང་གྲོག་མ།
ས་འབུ་ཐག་ནར་དང་སྦྲང་མ་སོགས་ཀྱིས་མཆེ་བ་གཙིགས་ཡོང་།
ཁོ་ཚོར་ངའི་ཟུངས་ཁྲག་དྲོན་མོ་དགོས་ཟེར།
ལྷ་འདྲེ་དང་འབྱུང་བོ་རོ་ལངས།
དྲི་ཟ་དང་གནོད་སྦྱིན་སོགས་ཀྱིས་ལག་གཡོབ་བྱས་སོང་།
ཁོ་ཚོར་ངའི་རྣམ་ཤེས་འཁྱམ་པོ་དེ་དགོས་ཟེར།
སེམས་པ་བརྐུས་རྗེས་བྲིས་པའི་སྙན་ངག
ཀླུ་སྨྱོན།
དྲ་ངོས་ནས་སེམས་གཏམ་བརྗོད་པ་དེས་ངའི་བླ་སྲོག་འཕྲོགས་སོང་བས།
ཡུན་རིང་ཞིག་ལ་ང་རང་གཤིན་པོ་ཞིག་གི་ཚུལ་དུ་གློག་ཀླད་ཀྱི་ཁ་གཏད་དུ་འགྱེལ་ནས་བསྡད་པ་ཡིན།
ཁྱེད་རང་རྡ་རམ་ས་ལ་རུ་ལང་ཚོ་དང་སྙན་ངག་གིས་སྐད་གྲགས་ཆེ་དུས་ཤིག་ལ།
ངས་རང་ལ་དབང་བའི་བརྩམས་ཆོས་དེབ་ཧྲུལ་འགའ་ཁྱེར་ནས་ནུབ་ཕྱོགས་སུ་སྤོས་ཤིང་།
དེ་དུས་ཁྱེད་ཀྱིས་ང་ལ་བཞག་པའི་བག་ཆགས་ནི་ཧ་ཅང་རབ་རིབ་ཅིག་ཡིན།
རྗེས་སུ་ཁྱེད་རང་ཡང་ནུབ་ཕྱོགས་སུ་བསྐྱོད་པའི་སྐོར་གྱི་གཏམ་ཡན་རེ་ཟུང་ཐོས་ན་ཡང་།
ང་རང་ས་འདིའི་ཡོད་ཚད་ལ་གསར་བ་གསར་རྐྱང་ཡིན་པ་ཙམ་ལས།
ངས་ང་དང་རྒྱང་ཐག་རིང་པའི་ཁྱེད་ལ་དོ་སྣང་ཅི་ཡང་བྱེད་མ་མྱོང་།
མུན་ཁྲོད་ཀྱི་མཆོད་མེ་བཞིན་འབར་བཞིན་པའི་དྲ་ངོས་ཤིག་ལས།
སྙན་ངག་འབྲི་དུས་ལག་པ་འདར་བའི་དགུན་གཞུང་།
ཀླུ་སྨྱོན།
སྒེའུ་ཁུང་གི་ཕྱི་རོལ་ནས་སློབ་གྲྭ་གྲོལ་བའི་འུར་ཟིང་གི་སྐད་ཅོར་ཐོས་ཡོང་།
ཉི་ཟེར་བན་བུན་ཞིག་ཀྱང་སྤྲིན་པ་འཁྱག་པོ་དག་གི་བར་གསེབ་ནས་ཐད་ཀར་འཕྲོས་ཡོང་།
གཟུགས་པོ་ལྡེམ་ལྡེམ་འཁྱུག་འཁྱུག་ཅན་གྱི་གསར་མོ་འགས་རྒྱ་ལམ་སྟེང་འཆམ་འཆམ་བྱེད་བཞིན་འདུག
ལམ་འགྲམ་གྱི་ལྗོན་པ་དག་གི་ཡལ་གའི་སྟེང་དུ་ལོ་མ་རྐང་གཅིག་ཀྱང་མཐོང་རྒྱུ་མི་འདུག
ཉལ་ཁང་གི་རྩིག་ཟུར་ལ་ཁ་གཏད་པའི་གློག་འོད་དེའི་ཀློང་དུ།
ངས་འཆར་ཅན་བཞིན་དམིགས་ཡུལ་དང་གྲ་སྒྲིག་ཅི་ཡང་མེད་པར་སྙན་ངག་ཅིག་འབྲི་རྩིས་བྱེད་དུས།
གློ་བུར་དུ་ཁ་བ་བབས་བྱུང་།
རང་ཉིད་དགེ་འདུན་ཆོས་འཕེལ་དང་བསྡུར་པ།
ཀླུ་སྨྱོན།
དགེ་འདུན་ཆོས་འཕེལ་གྱི་ཕ་རྒན་ནི་སྔགས་འཆང་ནུས་ལྡན་ཞིག་རེད།
ངའི་ཕ་རྒན་པད་མ་བཀའ་ཐང་ཁ་ཏོན་བྱེད་རྒྱུར་ཧ་ཅང་དགའ།
དགེ་འདུན་ཆོས་འཕེལ་གྱི་ཨ་མ་ལ་སྐབས་རེར་ལྷ་འདྲ་ཞིག་བབས་ནས་ཉིན་འགར་བརྒྱལ་ཏེ་སྡོད།
ངའི་མ་རྒན་གྱིས་མི་ཚེ་གང་བོར་སྒྲོལ་མ་དང་ལྟུང་བཤགས་འདོན་བཞིན་སཙྪ་དཔར།
དགེ་འདུན་ཆོས་འཕེལ་གྱིས་རང་གི་རྩ་བའི་བླ་མའི་མདུན་ནས་བསྡུས་གྲྭ་དང་སྙན་ངག་སྦྱངས།
ངས་རང་གི་རྩ་བའི་བླ་མའི་དྲུང་ནས་བསྡུས་གྲྭ་དང་སུམ་རྟགས་དང་་ཡིག་གཟུགས་སོགས་སྦྱངས།
དགེ་འདུན་ཆོས་འཕེལ་གྱིས་ཚད་མའི་འཛིན་གྲྭར་སྐད་གྲགས་བཞག
ངས་ཀྱང་རི་ཁྲོད་ཀྱི་དགོན་ཆུང་དེ་ནས་བསྡུས་གྲྭ་རྩོད་དུས་ཨང་རིམ་དང་པོའི་གྲས་སུ་བསླེབས།
ཚང་མ་གཉིད་ཁུག་འདུག
ཀླུ་སྨྱོན།
ད་སོ་མ་ང་ཕྱི་རོལ་གྱི་མུན་པའི་ཁྲོད་དུ་འཆམ་འཆམ་ཞིག་ལ་ཕྱིན་པ་ཡིན།
མུན་ནག་གི་ཁྲོད་དུ་གློག་འོད་གསལ་ལ་མི་གསལ་བ་ཞིག་འཕྲོས་འདུག
མཉམ་པར་ཞིག་བཞག་དུས།
ལམ་འགྲམ་གྱི་རླངས་འཁོར་ཆེ་ཆུང་ཚང་མ་གཉིད་ཁུག་འདུག
རླངས་འཁོར་དེ་ཚོའི་རྒྱབ་ཀྱི་ཁང་པ་ཚང་མ་ཡང་གཉིད་ཁུག་འདུག
ཁང་པའི་ནང་གི་མི་ཚང་མ་ཡང་གཉིད་ཁུག་འདུག
མི་དེ་དག་གི་རྣམ་ཤེས་མ་རབས་དེ་ཚོ་ཡང་གཉིད་ཁུག་འདུག
ཚོགས་ཆང་མ་བཞེས་གོང་གི་སྐད་ཆ།
ཀླུ་སྨྱོན།
མི་ཚེའི་ནང་བརྗེད་ཐབས་བྲལ་བའི་ཉིན་མོ་ཞིག་ནས་བཟུང་སྟེ།
གནའ་བོའི་སྙན་ངག་པ་སྐོར་ཞིག་གི་བྱེད་སྟངས་བཞིན།
ཟླ་འོད་དཀར་ཞིང་བསིལ་རླུང་ལྡང་པའི་མཚན་མོ་རེ་རེ་བཞིན།
སྒེའུ་ཁུང་འཁྲིས་ཀྱི་ལྗོན་ཤིང་དེའི་འོག་ཏུ་བསྡད་དེ།
རྒུན་ཆང་དམར་པོའི་བྲོ་བ་མྱོང་བཞིན།
རང་སེམས་སྐྱིད་པོ་དགུང་ལ་བཏེགས་ཏེ།
ཆགས་སྡང་འབར་བའི་སྙན་ངག་རེ་འབྲི་རྒྱུ་དེ་ནི་ངའི་གོམས་གཤིས་ཤིག་ཏུ་གྲུབ་ཡོད།
ཉིན་འདི་ཚོར་ལུས་ཕུང་དེ་འདྲའི་བདེ་རྒྱུ་ཞིག་མེད་ལ།
སེམས་པ་ཡང་དེ་ཙམ་སྐྱིད་རྒྱུ་མེད་ན་ཡང་།
ཁ་སང་ཕྱི་དྲོར།
བཀྲ་ཤིས་ལྷུན་པོ་ནས་བསྐྱུར་པའི་ཆོས་གོས་སེར་པོ།
ཀླུ་སྨྱོན།
ཞོགས་པ་དེར།
བྲེལ་འཚབ་དང་འཇིགས་སྐྲག་ཆེ་བའི་ཞོགས་པ་དེར།
མི་ཚེ་གང་བོར་བརྗེད་ཐབས་བྲལ་བའི་ཞོགས་པ་དེར།
རྩ་བས་བླ་མས་གནང་བའི་ཆོས་གོས་སེར་པོ་དེ།
བཀྲ་ཤིས་ལྷུན་པོའི་འདབས་ཀྱི་ཤིང་སྡོང་ཞིག་གི་ཡལ་གའི་སྟེང་དུ་འཕངས་པ་ཡིན།
ཕྱི་མིག་ཅིག་ལྟ་དུས།
ཆོས་གོས་སེར་པོ་དེ་བསིལ་རླུང་གི་ཁྲོད་དུ་ཧ་ཅང་ལྷིང་འཇགས་སུ་གནས་འདུག
ཆོས་གོས་སེར་པོ་དེ་དར་ལྕོག་སྣ་ཚོགས་ཀྱི་དཀྱིལ་དུ་ཕངས་སེམས་ཅི་ཡང་མེད་པར་གནས་འདུག
ཆོས་གོས་སེར་པོ་དེ་ཉི་འོད་སེར་པོ་ཞིག་གི་ཀློང་དུ་ཞེན་ཆགས་ཅི་ཡང་མེད་པར་སེར་ལམ་མེར་གནས་འདུག
དེ་ལས་མང་བ་། “བཀྲ་ཤིས་ལྷུན་པོ་ནས་བསྐྱུར་པའི་ཆོས་གོས་སེར་པོ།” »
དོར་མ་གྱོན་པའི་སྙན་ངག
ཀླུ་སྨྱོན།
མདང་དགོང་ཉལ་ཁར་བྲིས་པའི་སྙན་ངག་དེ།
སྙན་ངག་འབྲི་དུས་ཀྱི་དམིགས་རྣམ་ཞེས་པའི་སྙན་ངག་ཡིན་ལ་མིན་ལ་དེ།
དེ་གཉིས་ལ་མི་གཏོགས་པའི་གཞས་ཚིག་ཐུང་ཐུང་དེ།
སེམས་ནང་ལ་འཁོར་ནས་འདང་ཞིག་བརྒྱབ་དུས།
ལོ་ཟླ་འདི་དག་གི་རིང་ལ་བྲིས་པའི་སྙན་ངག་དེ་ཚོས།
མ་ཤེས་མ་ཚོར་བའི་ངང་དོར་མ་གྱོན་འདུག
དེ་ཡང་ཁ་དོག་མི་འདྲ་བའི་དོར་མ་གྱོན་འདུག
རིང་ཐུང་མི་འདྲ་བའི་དོར་མ་གྱོན་འདུག
གོང་ཚད་མི་འདྲ་བའི་དོར་མ་གྱོན་འདུག
གཙང་བཙོག་མི་འདྲ་བའི་དོར་མ་གྱོན་འདུག
ཉལ་ཁར་བྲིས་པའི་སྙན་ངག
ཀླུ་སྨྱོན།
ཉི་མ་ནུབ་ཟིན།
དགོང་ཟས་ཟོས་ཟིན།
གཅིན་པ་བཏང་ཟིན།
ཉལ་སའི་ནང་དུ་ཡང་འཛུལ་ཟིན།
ཉིན་གཅིག་གི་བྱ་བ་ཉག་ཉོག་ཡོད་ཚད་ཚར་སོང་བ་འདྲ།
ད་ནི་ཉིན་ཐོ་འདིའི་ཁ་བསུམ་པའི་དུས་ཚོད་རེད།
ད་ནི་མིག་གཉིས་བཙུམས་ནས་གཉིད་པའི་དུས་ཚོད་རེད།
ཡིན་ན་ཡང་ཉལ་སའི་ནང་ནས་ཁོག་སྟོད་དགྱེ་སྟེ་ཅིག་འབྲི་ན་འདོད་ཀི
ཚོར་སྣང་ཞིག་ལ་ཕྱི་རོལ་ཏུ་ཁ་བ་འབབ་བཞིན་འདུག་ཅིང་།
དེ་ཡང་གཏིང་མཐའ་བྲལ་བའི་ནམ་མཁའི་དབྱིངས་རུམ་ཞིག་ནས་འབབ་བཞིན་པའི་ཚོར་སྣང་ཞིག་འདུག
སྙན་ངག་འབྲི་དུས་ཀྱི་དམིགས་རྣམ་ཁྱད་པར་ཅན།
ཀླུ་སྨྱོན།
འཇིག་རྟེན་འདིར་སྐྱེས་དོན་སྙན་ངག་འབྲི་ཆེད་ཡིན་མིན་མི་ཤེས་ཀྱང་།
འཇིག་རྟེན་འདིར་སྐྱེས་པ་ནས་བཟུང་སྟེ་སྙན་ངག་རེ་འབྲི་གིན་བསྡད་པ་ཡིན།
ངའི་ནམ་རྒྱུན་གྱི་བྱེད་སྟངས་ཤིག་སྟེ།
སྙན་ངག་རེ་བྲིས་ཚར་རྗེས།
ལོབས་ཕྱོགས་ཀྱིས་མིག་གཉིས་བཙུམས་ཏེ་དབུགས་རིང་རེ་འཐེན་སྲོལ་ཡོད།
སྙན་ངག་འབྲི་བ་དང་འཁྲིག་པ་སྤྱོད་སྟངས་གཉིས་ལ་ཐུན་མོང་གི་འདྲ་ས་མང་པོ་ཞིག་ཡོད་པ་སྟེ།
གཉིས་ཀའི་ཆེད་དུ་ཁྲག་རྩའི་ནང་དུ་གྲོག་མ་འཛུལ་བ་ལྟ་བུའི་ཚོར་བ་དྲག་པོ་ཞིག་ཡོད་དགོས་ཤིང་།
གཉིས་ཀའི་ཆེད་དུ་ཆུ་ཕྲན་རྒྱ་མཚོའི་འབབ་པ་བཞིན་ཚོར་བ་དྲག་པོ་དེ་གཞི་གཅིག་ཏུ་བསྡུ་དགོས་ལ།
གཉིས་ཀའི་ཆེད་དུ་དབྱར་ཁའི་ཆར་ཆེན་འབབ་མཚམས་བཞག་པ་བཞིན་ཚོར་བ་དྲག་པོ་དེ་མཇུག་རྫོགས་དགོས།
ཡང་སྐྱར་དགེ་འདུན་ཆོས་འཕེལ་གླེང་བ།
རྡོ་སྦིས་བློ་བཟང་ཡོན་ཏན།
ཐོག་མར་གླེང་སློང་བ།
ཕྲན་གྱིས་དགེ་ཆོས་ཀྱི་སྐོར་ལས་འཕྲོས་བའི་ཟིན་ཐོ་དང། མཆན་སོགས་ཀྱི་ནང་དུ་ཡང་དང་ཡང་དུ་གླེང་ཡོད་པ་བཞིན། དགེ་ཆོས་ཟེར་བ་འདི་སྤྱིར་བཏང་གི་མཁས་བ་ཞིག་ལ། དེང་དུས་མི་རྣམས་ཀྱིས་སྒྲོ་འདོགས་ཆེན་པོ་བྱས་ཏེ། ལྟོ་སྐྱ་གོས་ཧྲལ་ཅན་གྱི་དགེ་ཆོས་རང་གི་རྣམ་ཐར་གཙང་མ་དེ་ཡང། རྙིང་མ་བར་རློམ་པ་དག་གིས་གྲུབ་ཆེན་ཞིག་གི་རྣམ་ཐར་ཅིག་དང། རྙིང་གཏོར་གསར་བརྗེ་བ་དག་གིས་རྙིང་བ་བཅོམ་པའི་ཆབ་སྲིད་ཀྱི་ཟློས་གར་ཅིག། ཆབ་སྲིད་པ་མགོ་གཉིས་བ་དག་གིས་བཀའ་ཤག་དང་སྲིད་ཁྲིམས་སོགས་ལ་དགག་བྱེད་ཀྱི་ལག་ཆ་ལྟ་བུ་བརྩིས་ཏེ། རྣམ་ཐར་ངོ་མ་དེ་ཡང། ལྷ་སྒྲུང་ལྟ་བུ་ཞིག་ཏུ་བསྒྱུར་ཏེ། ད་དུང་ཡང་ཅི་སྙམ་པར་ཡིན་མདོག་གིས་སྐད་ཆ་མང་པོ་བཤད་བཞིན་པ་མཐོང་ཆོས་དངོས་གྲུབ་ཏུ་ཡོད་པ་འདི་རེད།