གཉན་གཡག་ཕྲུག

གངས་ལྗོངས་བོད་ཀྱི་རྒྱལ་ཁབ་དེ། དམར་པོ་རྒྱ་ཡིས་བཙན་འཕྲོག་བྱས།
བསམ་ཚུལ་འདྲ་མིན་སྣ་ཚོགས་ལས། རེ་རེ་བཞིན་དུ་འགོད་པར་བྱ།
ཁ་ཅིག་ཆོས་ཀྱིས་ཕུང་སོ་ཟེར། ཁ་ཅིག་ཤེས་ཡོན་མེད་པས་ཕུང་།
ཁ་ཅིག་ང་ཕོད་ཀྱིས་བཙོང་ཟེར། ཁ་ཅིག་སྐུ་དྲག་གིས་ཕུང་ཟེར།

དེ་ལས་མང་བ་། “བོད་གནས་གོ་ལོ་ཐོས་ལོ།” »

མིག་བརྒྱད་པ།

ཐ་སྙད་ཚད་གྲུབ་འདོད་མིན་དང་དབུ་མ་བ་ལ་ཁས་ལེན་ཡོད་མེད་ཀྱི་གཏམ་འདི་མཁས་དབང་དགེ་འདུན་ཆོས་འཕེལ་ཁོ་ནས་བཤད་པ་ཞིག་མིན་པར། བསྟན་པ་སྔ་དར་གྱི་དུས་སུ་ལོ་ཙཱ་བ་སྐ་ཅོག་ཞང་གསུམ་གྱིས་དབུ་མ་རྩ་ཤེས་སོགས་ཐོག་མར་བོད་སྐད་ཐོག་བསྒྱུར་པ་ནས་བཟུང་དབུ་མའི་གཞུང་ལ་འཆད་ཉན་གྱི་སྲོལ་ཚུགས་ཤིང་། བསྟན་པ་ཕྱི་དར་གྱི་དུས་སུ་ལོ་ཙཱ་བ་ཆེན་པོ་པ་ཚབ་ཉི་མ་གྲགས་པས་རྒྱ་གར་ཁ་ཆེའི་ཡུལ་དུ་ཕེབས་ནས་པཎ་ཊི་ཏ་ཛ་ཡ་ཨནྣཏ་གཙོ་བོར་གྱུར་པའི་པཎ་གྲུབ་མང་པོའི་ཞབས་ལ་གཏུགས་ཤིང་ལོ་ཉི་ཤུ་རྩ་གསུམ་རིང་སློབ་གཉེར་ལེགས་པར་མཛད་དེ་དཔལ་ལྡན་ཟླ་བ་གྲགས་པའི་དབུ་མ་འཇུག་པ་སོགས་བསྟན་བཅོས་མང་པོ་བོད་ཡིག་ཏུ་བསྒྱུར་ཅིང་། དབུ་མ་འཇུག་པའི་བཤད་པ་བམ་པོ་བཅུ་གཅིག་པ་སོགས་རྒྱ་ཆེར་མཛད་པ་ལ་བརྟེན་ནས་དབུ་མའི་འཆད་ཉན་གྱི་སྲོལ་ལེགས་པར་ཚུགས་ཏེ་སློབ་མ་བུ་ཆེན་བཞི་སོགས་མང་དུ་བྱོན།

དེ་ལས་མང་བ་། “ཀླུ་སྒྲུབ་དགོངས་རྒྱན་ལས་འཕྲོས་པའི་གླེང་མོལ།” »

མགཪ་འཇམ་དབྱངས།

༡ དྲྭ་འབུ་ཟེར་བ་ནི། གཞན་གྱི་ལྷང་འཇགས་ཀྱི་འཚོ་གནས་ལ་བཟོད་སྒོམ་མི་ཐུབ་པའི་དུག་སྦྲང་ཞིག གཞན་གྱི་ཁྲག་རྒྱུན་གྱི་ལོངས་སྤྱོད་ནི། ཁོའི་ཚེ་སྲོག་གསོ་བའི་སྟོབས་ཤུགས་སུ་བརྩིས་ཡོད།
༢ དྲྭ་འབུ་ཟེར་བ་ནི། གདོང་འབག་མཐུག་པོ་ཞིག་གི་ཕག་ན་སྦས་སྐུང་བྱས་ཡོད་པའི་སྙིང་ཆུང་སྡར་མ་ཞིག འདར་སིག་རྒྱག་བཞིན་པའི་ལག་པ་དང་སྐྲག་སྣང་གིས་དེད་པའི་ཕྱི་མིག་གཉོམ་པོའི་ཁྲོད། གཞན་མཚང་རེ་བྲིས་ཏེ་ཉི་མ་འཁྱོལ་ཐབས་བྱ་རྒྱུ་དེ་ཁོའི་ལས་བྱ་ཞིག་ཏུ་གྲུབ་ཡོད།

དེ་ལས་མང་བ་། “དྲྭ་འབུའི་ངོ་བོ་འཚོལ་བ” »

ཨ་དམར་པོ།

ཕྱི་མའི་ཐེམ་སྐས་ཀྱི་ཆེད་དུ། །
མི་ཆོས་སྙིང་བོ་ལ་འཁོན་པའི། །
དམར་སྨུག་གོས་ཆེན་གྱི་བདག་པོ། །
འཁོར་བའི་གཏིང་རིམ་ལ་མ་མཆོང་། །
སྲོལ་རྒྱུན་དབང་ཤེད་ཀྱིས་དེད་དེ། །
སྐྲ་ལོ་ཁེ་གྲི་ཡིས་གཏུབས་ནས། །
བླ་གོས་ཕྲག་པ་ལ་གཟེར་ཀྱང་། །
ནང་གི་དེ་ཉིད་དེ་འགྱུར་མེད། །

དེ་ལས་མང་བ་། “ཆོས་གོས་འོག་གི་ཁྱིམ་གཞིས།” »

སྐྱོ་བྲག་དགའ་དབང།

རྩོམ་ཞེས་ཡི་གེར་བཀོད་པ་ནི་ངག་ཚབ་ཡིན་ཕྱིར། རྩོམ་ཡིག་འབྲི་བ་ན་སྐད་ཆ་བཤད་པ་བཞིན་བསམ་མནོ་གཏོང་དགོས་པ་སྟེ། སྐད་ཆ་ཞིག་བཤད་པ་ན། དོན་ཅི་ཞིག །ཡུལ་གང་ལ། དགོས་པ་ཅིའི་ཕྱིར་བཤད་པར་གཞིག་པའི་ཚིག་སྦྱོར་བེད་སྤྱོད་བྱེད་ཀྱི་ཡོད། དེས་ན་དང་པོར་བཤད་བྱ་དོན་གྱི་མགོ་མཇུག་ཆ་ཚང་བར་བསམ་གཞིག་གིས་བཤད་བྱ་གང་ཡིན་ངོས་ཟིན་པར་བྱས་ཤིང་། བཤད་བྱ་དེ་ཕ་རོལ་པོ་ལ་དགའ་སྐྱོ་ཆགས་སྡང་སོགས་ཀྱི་དགོས་པ་ཅིའི་ཕྱིར་བཤད་ཀྱི་ཡོད་པ་གཞི་ལ་བཞག་སྟེ།

དེ་ལས་མང་བ་། “རྩོམ།” »

ཨ་རིག་འགྱུར་མེད།

བརྡ་འཕྲིན་དུས་རབས་འདིར་བརྡ་འཕྲིན་མ་ལག་ཅིག་འུ་ཅག་གི་གམ་དུ་ཡོང་རྒྱུ་ནི་ཅི་འདྲའི་མགྱོགས་ཤིང་མྱུར་བ་ཞིག་རེད་ཨང་། ཁྱེད་ཀྱིས་བརྡ་འཕྲིན་མ་ལག་ཅིག་རང་གི་གམ་དུ་ཇི་ལྟར་བསླེབས་པ་མི་ཚོར། གལ་སྲིད་ཚོར་བའི་དབང་དུ་བཏང་ན་སྐབས་དེ་དུས་བརྡ་འཕྲིན་མ་ལག་དེས་ཁྱེད་ཀྱི་ཉེ་འཁོར་ལ་དབང་སྒྱུར་དགའ་རབ་ཅིག་བྱས་ཚར་ཡོད།

དེ་ལས་མང་བ་། “WeChat ནང་གི་གླེང་མོལ་སྣ་ཚོགས། ད་དུང་བོད་ཡིག” »

མཁོ་འདོན་པཿ ཁྲི་གཡུང་དྲུང་།

བོན་གྱི་དཔེ་རྙིང་ལྟ་བའི་ཕྱོགས་སོ་ཞེས་པ་མཚམས་སྦྱོར་ཙམ་ཞུ་བའི་སྐོར།

བན་ཤུལ་དཔལ་མཁར་རྒྱལ།

དེ་ཡང་འཛམ་གླིང་ཤར་ནུབ་ཀྱི་“རིག་གནས་ཀྱི་ཁྲམ་པ”མང་པོའི་གཡོ་ཟོལ་དང་རྐུ་འཕྲོག་ལ་བརྟེན་ནས་བོད་ཀྱི་དཔེ་རྙིང་རྩ་ཆེན་པོ་མང་ཤོས་ཤིག་མེད་བརླག་ཏུ་འགྲོ་བའི་ཉེན་ཁ་ཧ་ཅང་ཚབས་ཆེ་བ་ཞིག་རེད། དཔེར་ན་རྒྱལ་རོང་ཁོག་ནས་ཕྱི་གླིང་བ་ཞིག་གིས་བོན་གྱི་དཔེ་རྙིང་ཤིག་ཀྲུང་སྒོར་ཁྲི་བརྒྱ་ལྷག་གིས་ཉོས་ནས་ཕྱིན་སོང་བའི་གནས་ཚུལ་ཡོད་པ་དང་འདིས་དཔལ་འབྱོར་ལ་བརྟེན་ནས་བོད་ཀྱི་གནའ་དཔེ་མེད་བརླག་ཏུ་འགྲོ་བའི་ངོ་བོ་མཚོན་ནུས་པ་དང་གཞན་རང་རེའི་ནང་ཁུལ་ནས་ཐོབ་ཐང་དང་གཡོ་འཕྲུལ་ལ་བརྟེན་ནས་སྦ་བཞེད་དང་བླ་བཞེད་སོགས་ལྷ་སའི་ནང་འཁོར་གྱི་དཔེ་རྙིང་རྩ་ཆེན་དག་

དེ་ལས་མང་བ་། “བོན་གྱི་དཔེ་རྙིང་ལྟ་བའི་ཕྱོགས་སོ་ཞེས་པ་མཚམས་སྦྱོར་ཙམ་ཞུ་བའི་སྐོར།” »

རྡོ་སྦིས་ཟླ་བ་ཚེ་རིང།

༼དཔེ་སྟོན་ན་ཆུང་ཚགས་པར་གྱི་རྩོམ་སྒྲིག་པའི་གཏམ་དུ་བཀོད་ཡོད།༽

ང་ཚོ་འདི་ལྟར་ལམ་ལ་ཆས་སོང། འཕྱ་དམོད་དང་མིག་ལོག་གི་རུལ་སུངས་འདི་ནས་ང་ཚོས་མེས་པོའི་ཚོའི་ཞབས་རྗེས་ལ་དཔྲལ་ཐོད་བཀོད་ནས་ཆས་སོང་། གཞན་སྐད་དང་གཞན་ཡིག་ལ་སྨྱོ་དྲགས་པའི་དྲན་འཁོར་འདི་ནས་ང་ཚོས་ཀ་ཁའི་མགོ་བོ་དགུང་ལ་བཏགས་ནས་ཆས་སོང། སེམས་བྱུང་དང་ཆ་ལུགས་ལ་ཡིད་རྟོན་དབེན་པའི་རི་གྲོང་འདི་ནས་ང་ཚོས་ཡ་རབས་སྤྱོད་བཟང་གི་ཞལ་ཆེམས་ལ་སེམས་པ་གླན་ནས་ཆས་སོང་མོད། ང་ཚོའི་ལམ་སྣེ་ན་ད་དུང་ཡང་སེམས་ནད་ཀྱིས་གོས་པའི་ཚེར་སྡོང་རྣོན་མངར་ཅན་དག་གིས་བསྐོར་ཡོད་ནའང། ང་ཚོས་ང་ཚོ་ལ་དབང་བའི་མགོ་བོ་འདིའི་འཁོར་རྒྱུག་གི་བར་གླགས་ནས་རང་ཉིད་ཀྱི་རྐང་མཐིལ་ཤུགས་ཀྱིས་འདེགས་ངེས།

དེ་ལས་མང་བ་། “ང་ཚོ་འདི་ལྟར་ལམ་ལ་ཆས་སོང།” »