རིན་ཆེན་སྒྲོལ་མ།

ཡར་ཀླུང་ཡར་ཚེས་ཟླ་བ་ལས།།
བཞུར་བའི་གཡུ་མདོག་གངྒཱ་མས།།
བཀྲུས་པའི་ནགས་ཀྱི་སྤྲེའུ་འགའ།།
བདག་གི་གཉེན་གྱི་ཐོག་མར་སོང༌།།
ལྔ་ཟུང་ཆ་རྫོགས་རི་བོང་འཛིན་པ་གང༌།།
མཛའ་བོར་བཞེས་པ་ཁ་བའི་ལྷ་སྲས་དག།

དེ་ལས་མང་བ་། “ྋགོང་ས་མཆོག་དགུང་གྲངས་དོན་བདུན་ལ་ཕེབས་པར་རྟེན་འབྲེལ་གྱི་ཚུལ་དུ་ཕུལ་བ་བདེན་སྟོབས་ཉི་ཟླའི་གཟི་བྱིན་ཞེས་བྱ་བ།” »

སྐུ་ཚབ་རྣམ་གཉིས་དགོངས་ཞུའི་ཤུགས་རྐྱེན། (The Impact of the Resignations of Gyari and Gyaltsen)
བོད་ཀྱི་ཆབ་སྲིད་བསྐྱར་ཞིབ་ཀྱི་རྩོམ་སྒྲིག་ཚོགས་ཆུང་ནས།
ཁང་གསར་ཀརྨ་བསྟན་འཛིན་གྱིས་བསྒྱུར།
ཕྱི་ལོ་ ༢༠༡༢ ཟླ་བ་ ༦ ཚེས་ ༣ ཉིན་བཙན་བྱོལ་བོད་གཞུང་ནས་བཀའ་བློན་ཁྲི་པ་བློ་བཟང་སེང་གེ་མཆོག་གིས་རྒྱ་གཞུང་དཔོན་རིགས་ཀྱི་མཉམ་དུ་འབྲེལ་མོལ་གནང་མཁན་ྋགོང་ས་མཆོག་གི་དམིགས་བསལ་སྐུ་ཚབ་བཀའ་ཟུར་རྒྱ་རི་བློས་གྲོས་རྒྱལ་མཚན་མཆོག་དང༌། སྐུ་ཚབ་སྐལ་བཟང་རྒྱལ་མཚན་ལགས་རྣམ་གཉིས་ཀྱི་དགོངས་ཞུ་ངོས་བཞེས་གནང་བའི་གསལ་བསྒྲགས་སྤེལ་སོང།

དེ་ལས་མང་བ་། “སྐུ་ཚབ་རྣམ་གཉིས་དགོངས་ཞུའི་ཤུགས་རྐྱེན།” »

༼དཔེ་སྟོན་ན་ཆུང་ཚགས་པར། ངག་དབང་དབང་མོ། རང་ལོ ༡༢ འཛིན་གྲྭ ༨༽

ལྟོས་དང། དེ་རིང་གི་ནམ་ཟླ་ནི་ཇི་འདྲའི་མཛེས་པ་ལ་ཨང། ནམ་ཟླ་ནི་དྭངས་ཤིང་གསལ་ལ་ལྗོན་པའི་ནགས་ཚལ་ནས་བྱིའུ་ཆུང་འཇོལ་མོས་གསུངས་སྐད་སྙན་མོའི་གླུ་དབྱངས་ལེན་བཞིན་འདུག། དེ་འདྲའི་ཁོར་ཡུག་དེ་བུ་མོ་ངས་ཆུད་ཟོས་སུ་ག་ལ་གཏོང་ཕོད།དེ་བས་བུ་མོ་ངས་གོ་སྐབས་འདི་དམ་འཛིན་བྱེད་དེ་རང་ཉིད་ཆེ་དགའ་བའི་དེབ་དང་སྨྱུ་གུ་ཚུར་རང་ཉིད་ཀྱི་མདུན་དུ་བླངས་བས་ན་གློ་བུར་དུ་གནམ་སྔོན་ནས་ཐོས་མ་མྱོང་བའི་ཨ་མའི་དགོངས་པ་ཞེས་པའི་སྒྲ་ཞིག་གྲགས་བྱུང་བས། རང་དབང་མེད་པར་ངའི་སྨྱུག་རྩེ་ནས་སྙན་ངག་རིང་མོ་ཞིག་འདི་ལྟར་ཐོར་སོང།

དེ་ལས་མང་བ་། “ཨ་མའི་དགོངས་པ།” »

མིག་བརྒྱད་པ།

ཀྭ་ཡེ་ལེ་ལོ་ལང་ཤོར་མ་སོང་བར།།
ཁ་ཙམ་མིན་པའི་མི་རྟག་དྲན་སྐུལ་བྱ།།
ག་ནས་བསྡད་ཀྱང་འཆི་བདག་བདུད་པོ་ཡིས།།
ང་དང་གྲོགས་ཁྱོད་ཐར་བར་མི་གཏོང་ངོ་།།

དེ་ལས་མང་བ་། “མི་རྟག་དྲན་སྐུལ།” »

དོན་གྲུབ་རྡོ་རྗེ།
རྒད་པོ་ཞིག་ཡོད། རྒད་པོ་དེ་ནི་ལོ་ན་བརྒྱད་ཅུར་སོན། མགོ་ཡི་སྐྲ་རྣམས་རིམ་གྱིས་ཡལ་ཞིང་། སྐེ་རྒྱབ་དང་རྣ་རྩ་ན་སྤུ་དཀར་པོ་ཐ་ར་ཐོ་རེ་ཞིག་འདུག མིག་རིག་རིག་གྲུང་པོ་བྱེད་མོད་གདོང་ཡོངས་གཉེར་མས་ཁེངས། སོ་གཅིག་ཀྱང་མེད་སྟབས་ཁ་མུར་མུར་བྱེད། ཁོང་ལ་རྒྱུ་དཔལ་འབྱོར་དང་མཚན་སྙན་གྲགས་འབར་ནས་ཡོད། ལག་གཡོག་རྒྱུགས་མཁན་ཡང་གསུམ་བཞི་རེ་ཉིན་རྟག་པར་ཡོད། ཉིན་གཅིག་ཁོང་གི་རྒྱུ་རྫས་ལ་བདག་བྱེད་མཁན་གསར་པ་ཞིག་སླེབས། བདག་བྱེད་མཁན་གསར་པ་དེ་ནི་མི་རྣམ་དཔྱོད་ཅན་ཞིག་དང་ལང་ཚོ་དར་ལ་བབ་པ། ཐག་གཅོད་གང་བྱེད་རྣམས་གནད་ལ་འཁེལ་བ་བྱེད་ཐུབ་མཁན་ཞིག་རེད། འདི་ནི་གནའ་བོའི་སྐད་ལྟར་བྱས་ན་གཉེར་བ་ཞིག་རེད།

དེ་ལས་མང་བ་། “རྒད་པོ་དང་ཁྱི་རྒན།” »

ནམ་མཁའ།

ཕྱི་དྲོ་དུས་ཚོད་དྲུག་པ་ལ་ལས་ཀ་གྲོལ་རྗེས་འགྲོ་ཞོར་ཟས་རིགས་འགའ་ཉོ་འདོད་ཀྱིས་ཚོང་ཁང་དུ་ཕྱིན། ཚོང་ཁང་ནང་ནམ་རྒྱུན་ལྟར་ལས་ཀ་གྲོལ་བའི་དུས་ལ་མི་མང་པོ་འཚང་ཁ་ཤིག་ཤིག་གིས་སོ་སོ་ལ་གང་དགོས་བཙལ་གྱི་འདུག ཕྲན་གྱིས་ཀྱང་གང་ཞིག་དགོས་བ་དེ་བཙལ་ནས་འགྱིག་སླེ་ནང་བཞག་སྟེ་ཚོང་པའི་མདུན་གྱི་བང་རིམ་ལ་སྒུགས། ང་རང་བང་རིམ་སྒྲིགས་ས་དེར་ཕལ་ཆེར་མི་བཅོ་ལྔ་ལྷག་ངའི་མདུན་ལ་འདུག ཁོང་ཚོ་དུས་ཚོད་སྐར་མ་ག་ཚོད་སྒུགས་པ་མ་ཤེས་མོད།འོན་ཀྱང་ཁོང་ཚོས་སོ་སོའི་གཡས་གཡོན་གྱི་མི་ལ་སྐད་གདངས་དལ་བུས་ཚོང་པའི་མདུན་གྱི་མི་དེ་སྡིག་དམོད་བྱེད་བཞིན་པ་ལ་ལྟས་ན་ཅུང་ཟད་འགོར་ཡོད་པ་ཤེས་ཐུབ།

དེ་ལས་མང་བ་། “ནུབ་ཕྱོགས་འཚོ་བའི་ཟུར་ཞིག” »

མེས་དབོན་གཙུག་ལག་དཔེ་སྟོན་སློབ་གྲྭ ཕུར་བུ་སྒྲོལ་མ། རང་ལོ་ ༡༣ འཛིན་གྲྭ་ ༨

དེ་རིང་གི་ནམ་ཟླ་ནི་ཇི་འདྲའི་མཛེས་ཨང། མཛེས་པའི་ནམ་མཁའི་ངོས་སུ་རྟ་བདུན་དབང་པོ་དལ་གྱིས་ནགས་རིའི་གསེབ་ནས་ཤར་བ་དང་མཉམ་དུ། ལྷིང་འཇགས་ཀྱི་འཇིག་རྟེན་འདི་སེར་ལམ་མེར་གྱུར་ཅིང། མུ་མེད་ནམ་མཁའ་ཡི་སྟེང་དུ་སྤྲིན་དཀར་ཚོམ་བུ་འགའ་ཞིག་མཆིས་པ་ནི་མུ་ཏིག་གི་ཕྲ་རྒྱན་བཏབ་པ་དང་གཉིས་སུ་མ་མཆིས། ད་དུང་ཡངས་ཤིང་རྒྱ་ཆེ་བའི་རྩྭ་ཐང་དང། བརྗིད་ཆགས་ཡིད་དུ་འོང་བའི་ཇོ་མོ་གླང་མ། དུས་བཞིར་འགྱུར་བ་མེད་པའི་གངས་དཀར་ཏི་སེ་ཤག་ཤག་ཏུ་རྒྱུག་པའི་མཚོ་དང་མཚེའུ་ལ་སོགས་པ་དེ་དག་འགྲན་བྲལ་གངས་ཅན་ཁྱེད་ཀྱི་རྒྱན་དུ་གྱུར་ལ་དེ་བཞིན་བརྗིད་ཆགས་ཡིད་དུ་འོང་བའི་ཕོ་བྲང་པོ་ཏཱ་ལ་དང་བྱིན་རླབས་ཀྱི་བདུད་རྩིའི་འཇོ་བའི་ཇོ་ཤག་རྣམ་གཉིས།

དེ་ལས་མང་བ་། “གངས་ལྗོངས་ངའི་ཕ་ཡུལ།” »

གངས་ལྗོངས་ངའི་ཕ་ཡུལ།
མེས་དབོན་གཙུག་ལག་དཔེ་སྟོན་སློབ་གྲྭ ཕུར་བུ་སྒྲོལ་མ། རང་ལོ་ ༡༣ འཛིན་གྲྭ་ ༨

དེ་རིང་གི་ནམ་ཟླ་ནི་ཇི་འདྲའི་མཛེས་ཨང། མཛེས་པའི་ནམ་མཁའི་ངོས་སུ་རྟ་བདུན་དབང་པོ་དལ་གྱིས་ནགས་རིའི་གསེབ་ནས་ཤར་བ་དང་མཉམ་དུ། ལྷིང་འཇགས་ཀྱི་འཇིག་རྟེན་འདི་སེར་ལམ་མེར་གྱུར་ཅིང། མུ་མེད་ནམ་མཁའ་ཡི་སྟེང་དུ་སྤྲིན་དཀར་ཚོམ་བུ་འགའ་ཞིག་མཆིས་པ་ནི་མུ་ཏིག་གི་ཕྲ་རྒྱན་བཏབ་པ་དང་གཉིས་སུ་མ་མཆིས། ད་དུང་ཡངས་ཤིང་རྒྱ་ཆེ་བའི་རྩྭ་ཐང་དང། བརྗིད་ཆགས་ཡིད་དུ་འོང་བའི་ཇོ་མོ་གླང་མ། དུས་བཞིར་འགྱུར་བ་མེད་པའི་གངས་དཀར་ཏི་སེ་ཤག་ཤག་ཏུ་རྒྱུག་པའི་མཚོ་དང་མཚེའུ་ལ་སོགས་པ་དེ་དག་འགྲན་བྲལ་གངས་ཅན་ཁྱེད་ཀྱི་རྒྱན་དུ་གྱུར་ལ་དེ་བཞིན་བརྗིད་ཆགས་ཡིད་དུ་འོང་བའི་ཕོ་བྲང་པོ་ཏཱ་ལ་དང་བྱིན་རླབས་ཀྱི་བདུད་རྩིའི་འཇོ་བའི་ཇོ་ཤག་རྣམ་གཉིས། ཤེས་རིག་གི་རྒྱ་མཚོ་འཁྱིལ་བའི་སེ་འབྲས་དགའ་གསུམ་དང་བཀྲ་ཤིས་ལྷུན་པོ། ཡིད་དུ་འོང་བའི་རྡོ་རིང་ཁྱེད་ཅག་ཡོད་པས། ཁྱེད་ཀྱི་ཚ་རྒྱུད་ཚོས་མེས་པོ་རྣམས་ཀྱི་རླབས་ཆེན་མཛད་འཕྲིན་དང་ཤེས་རིག་གི་དགེ་མཚན་མངོན་པར་རྟོགས་ཤིང། ང་ཚོའི་མི་རིགས་ཧྲིལ་པོའི་གཟི་བརྗིད་དང་སྤོབས་པ་མཚོན་པར་བྱེད།

དེ་ལས་མང་བ་། “གངས་ལྗོངས་ངའི་ཕ་ཡུལ།” »

ཨ་ནུ་ཐང་བསོད་ནམས་ནས།

ཕྲན་གྱི་ལྟ་རྒྱ་དང་མཐོང་རྒྱ་ཆུང་བའི་རྐྱེན་གྱིས་མིན་ན་རྩམ་པ་ནི་བོད་པ་ཡོངས་ཀྱི་སྔ་ནས་ད་ལྟའི་བར་དུ་རང་ཉིད་ཁོ་ནིའི་ཡིན་པ་འདོད་ཀྱང་། དོན་དངོས་རྩམ་པ་བེད་སྤྱོད་བཏང་མཁན་ཡུལ་ལུང་གཞན་པ་འདུག ཡུལ་ལུང་གཞན་པ་ནི་བོད་དང་ཧ་ཅང་བར་ཐག་རིང་བའི་ཨ་ཧྥུའི་རི་ཁའི་ནུབ་བྱང་མཚམས་སུ་ཆགས་པའི་gran canariaརྒི་རན་ཁ་ན་རི་ཡ་ཞེས་རྒྱ་མཚོའི་ནང་གི་གླིང་ཕྲན་ཆུང་ཆུང་དེ་རེད། དུས་རབས་བཅོ་ལྔ་བའི་ནང་ཡོ་རབ་ཀྱིས་གནས་དེ་རྙེད་ཅིང་། རིམ་བཞིན་སི་ཕན་གྱིས་མི་སེར་སྤེལ་ཡུལ་དུ་ཆགས་ནས་ཡུལ་དེའི་གདོད་མིའི་མི་རིགས་རྣམས་རྩ་མེད་དུ་བཏང་།

དེ་ལས་མང་བ་། “རྩམ་པ་ནི་བོད་པ་ཁོ་ནའི་མ་རེད།།” »