གསར་འགྱུར་མཁོ་གཏོང་བ། བསྟན་འཛིན་རྣམ་མཛེས།
ཕྱི་ཚེས་༩ ཉིན་གྱི་དགོང་དྲོར་བོད་ཀྱི་རྒྱལ་ཡོངས་མང་གཙོ་ཚོགས་པས་གོ་སྒྲིག་འོག་ངྷ་རམ་སའི་ཉིན་མོའི་སློབ་གྲྭའི་ནང་”བོད་ཀྱི་སྲིད་སྐྱོང་བའི་ལོ་གཅིག་གི་ལས་དོན་གླེང་བ།” ཞེས་པའི་མི་མང་འདུ་འཛོམས་ཀྱི་བོད་སྐད་གླེང་སྟེགས་ཆེན་པོ་ཞིག་ཚོགས་ཏེ། མང་གཙོ་ཚོགས་པའི་དབུས་སྤྱི་ཁྱབ་དྲུང་ཆེ་སེར་སྨད་བློ་དགའ་ལགས་ཀྱིས་ཚོགས་འདུ་གཙོ་སྐྱོང་གནང་བ་དང་། ཚོགས་ཐོག་དེར་མང་གཙོ་ཚོགས་པའི་ཚོགས་གཙོ་ཟུར་པ་ཀརྨ་ཆོས་འཕེལ་ལགས་ཀྱིས་ “བོད་ཀྱི་སྲིད་སྐྱོང་བའི་ལོ་གཅིག་གི་འཛིན་སྐྱོང་དང་ཕྱི་འབྲེལ་སྐོར།” ཐོག་གཏམ་བཤད། མང་གཙོ་ཚོགས་པའི་ཚོགས་གཙོ་ཟུར་པ་འཆི་མེད་གཡུང་དྲུང་ལགས་ཀྱིས་”བོད་ཀྱི་སྲིད་སྐྱོང་བའི་ལོ་གཅིག་གི་ལས་དོན་ཐོག་མང་ཚོགས་ཀྱི་མཐོང་ཚུལ།” ཐོག་གཏམ་བཤད།
དེ་ལས་མང་བ་། “བོད་ཀྱི་སྲིད་སྐྱོང་བའི་ལོ་གཅིག་གི་ལས་དོན་གླེང་བ།” »
ཕྱི་ཟླ་༨པའི་ཚེས་༨ཉིན་གྱི་དགོང་དྲོ་ཆུ་ཚོད་༥ པའི་སྟེང་། སྤར་སིལ་བོད་ཀྱི་དོན་གཅོད་ཁང་གི་གོ་སྒྲིག་དང་། སྤེལ་རྗམ་བོད་རིགས་ཚོགས་པའི་གཙོ་འགན་ཁུར་བའི་འོག ས་གནས་གཞོན་ནུ་དང་། ས་གནས་ཆུ་སྒང་། སྤེལ་རྗམ་བོད་ཀྱི་ཆོས་རིག་འཛིན་སྐྱོང་ཁང་བཅས་མཉམ་རུབ་ཀྱིས་བཀའ་ཁྲི་བློ་བཟང་སེང་གེ་ཡིས་༸གོང་ས་མཆོག་གི་སྐུ་མདུན་ནས་ལས་ཁུར་དམ་འབུལ་ཞུས་ཏེ་ལོ་འཁོར་གཅིག་ཧྲིལ་བོ་འཁོར་བའི་ལོ་རྒྱུས་ཀྱི་དོན་སྙིང་ལྡན་པའི་ཉིན་མོ་སྲུང་བརྩི་དང་།