བོད་ནང་གི་བོད་རིགས་ན་གཞོན་རྩོམ་པ་པོ་དང་ཤར་དུང་རི་དུས་དེབ་ཀྱི་རྩོམ་སྒྲིག་པ། ད་དུང་༼ཁྲག་ཡིག་༽དཔེ་དེབ་གྱི་རྩོམ་པ་པོ་བཀྲ་ཤིས་རབ་བརྟན་ནམ། སྨྱུག་མིང་ལ་ཐེའུ་རང་ཞེས་བ་ནུབ་བྱང་མི་རིགས་སློབ་ཆེན་གྱི་དབྱར་ཁའི་གུང་སེང་དང་བསྟུན་སྤྱི་ཟླ་བདུན་པའི་ཕྱི་ཚེས་ ༢༦ ཉིན་ཙམ་ནས་གར་སོང་ཆ་མེད་དུ་གྱུར་ཡོད་པ་དང་།
དེའི་ཐད་ད་ལྟའི་ཆར་བོད་ནང་དང་ལྷག་པར་དྲ་ལམ་འཕྲིན་ལམ་ན་དོ་སྣང་ཆེནཔོ་བྱེད་བཞིན་པའི་ཁྲོད་བཀྲ་ཤིས་རབ་བརྟན་གྱིས་་ཉེ་ལམ་སྔར་ལོའི་བོད་ནང་གི་དོན་རྐྱེན་སྐབས་ཀྱི་དངོས་ཡོད་གནས་ཚུལ་གྱིས་གཙོས་བོད་ནང་གི་བདེན་པའི་གནས་ཚུལ་འདྲ་མིན་ཚོར་ཤུགས་དྲག་པོས་བྲིས་བའི་༼ ཁྲག་ཡིག ༽ཅེས་པའི་རྩོམ་དེབ་ཐོག་མ་བཏོན་པ་དང་། ༼ཤར་དུང་རི་༽དང་༼ཁྲག་ཡིག་༽ལ་བོད་ནང་གི་བོད་མི་དང་ལྷག་པར་གཞོན་སྐྱེས་ཤེས་ཡོན་པ་ཚོའི་ཁྲོད་དོ་སྣང་དང་། དགའ་མོས་འདེང་འཇོག་ཆེན་པོ་བྱས་དང་བྱེད་བཞིན་པར་རྒྱ་ནག་གི་འབྲེལ་ཡོད་ཚན་པས་ཀྱང་དེ་མ་ཐག་དཔེ་དེབ་དེ་ལ་ཆབ་སྲིད་གནད་དོན་ཆེན་པོ་ཡོད་པའི་དོགས་གཞིའི་འོག ་ནུབ་བྱང་མི་རིགས་སློབ་གྲྭ་ཆེན་མོ་དང་ས་གནས་ཁག་ནས་ཁྲག་ཡིག་དཔེ་དེབ་དེ་ཕྱིར་བསྡུ་དང་བཀག་སྡོམ་བྱས་ཡོད་པ་མ་ཟད། འབྲེལ་ཡོད་ཚན་པས་རྩོམ་པ་པོར་གསང་སྟབས་ཀྱིས་འདྲི་བརྩད་ཡང་ཡང་བྱས་ཐོག། དུས་རྒྱུན་ཁོང་གི་འགྲོ་འདུག་སྤྱོད་གསུམ་ལའང་རྟོག་ཞིབ་ནན་མོ་བྱེད་བཞིན་པར་བརྟེན་ད་ཐེངས་རྒྱ་ནག་གི་འབྲེལ་ཡོད་ཚན་པས་གུང་སེང་དང་བསྟུན་ཆབ་སྲིད་ཀྱི་དོགས་གཞིའི་འོག་ལྐོག་ནས་གསང་སྟབས་གྱིས་གློ་བུར་འཛིན་བཟུང་བཙན་ཁྲིད་བྱས་བ་ཡིན་པའི་ངོས་འཛིན་བྱེད་བཞིན་པ་རེད།
ཁོ་ནི་ཟི་ཁྲོན་མཛོ་དགེ་ཐང་སྐོར་གྱི་མི་དང་ནུབ་བྱང་ཚང་གི་སློབ་ཆེན་པ་ཞིག་ཡིན་འདུག།
འདིར་༼ཁྲག་ཡིག་༽ངོ་སྤྲོད་ཙམ་བྱས་ན་་་་་
＜ཁྲག་ཡིག＞
ཚན་པ་དང་པོ། དམྱལ་ཁམས་ཀྱི་ཟིན་ཐོ།
དམྱལ་ཁམས་ཀྱི་ཆིག་ལབ། ．．．．．༡
དམྱལ་ཁམས་ཀྱི་བཙོན་མ།．．．．．．༤
དམྱལ་ཁམས་ཀྱི་གསར་འགྱུར།．．．་．..༧
དམྱལ་ཁམས་ཀྱི་ཡར་ལངས།．．．．….༡༠
དམྱལ་ཁམས་ཀྱི་ཚོགས་འདུ།．．．．．༡༤
ཚན་པ་གཉིས་པ། རྣམ་ཤེས་ཀྱི་དབྱངས།
གློ་བུར་དུ་ལྷ་ས་དྲན་པ།．．．．．༡༧
སྤྱི་ཟླ་བཅུ་གཅིག་པའི་སྙན་ངག་འདིའང．．．༡༩
གློ་བུར་བའི་སྙན་ངག་ཚན་པ་གསུམ།．．．．．．..．༢༣
ང་རང་རྨང་ནས་སྒུལ་བྱུང༌།．．．．….༢༦
རྣམ་ཤེས་ཀྱི་དབྱངས།．．．．．．．．．༢༩
མིག་ཆུའི་ཚབ་དུ་ཐོལ་བའི་སྙན་ངག．．．．．༣༡
རྣམ་ཤེས་ཁྲི་ཕྲག་གི་དོད་དུ།．．．．．．．．༣༥
ཚན་པ་གསུམ་པ། ང་ཡི་བོད།
ཀྭ་ཡེ་བོད། ང་ཡིས་ཁྱོད་ལ་འདྲི．．．．．．…༣༨
གཙོས་གྲོང་དུ་སླེབས་པའི་སེམས་ཚོར་ཞིག．．．．．༤༤
མདོ་དབུས་ལྕགས་ལམ།．．．．．．．．….༤༦
ང་ཡི་བོད།．．．．．．．．．．……༤༩
བཙན་པོའི་རལ་གྲི་ཐོགས་དང༌།．．．．．．．༥༢
འགྲུལ་བཞུད་ཐེངས་གཅིག་གི་སྐྱོ་ངལ།．．．…．༥༩
དམར་ནག་གི་ཟླ་གསུམ་པ།．．．．．．༦༣
ཚན་པ་བཞི་བ། སེམས་ཀྱི་དམར་མཆོད།
སེམས་པ་འཁྱག་པས་བསྡམས་པའི་དུས་ཚིགས་སུ．．．．༦༧
གློག་ཀླད་མདུན་དུ་སྲིད་གཞུང་ལ་ཕུལ་བའི་གཏམ་ལྐོག་གྱུར་མ．．．．．༧༠
གྲོགས་པོའི་སྐྱེ་སྐར་ལས་སྤུན་ཟླའི་འཆི་སྐར་དྲན་པ།．．．．༧༢
གྲོགས་ཁ་ཤས་ལ་ཕུལ་བ།．．．．．．．．．༧༦
གློག་ཀླད་དྲ་བར་སྡིགས་དམོད་གཏོང་བ།．．．．．．．༧༩
ཐེའུ་རང༌། ཁྱོད་ཀྱི་ལོ་གསར་གང་ན་ཡོད།．．．.．．༨༢
ཚན་པ་ལྔ་བ། བདེན་པའི་གཏུག་བཤེར། （འབོལ་རྩོམ）
ཁྲག་དྲི་བྲོ་བའི་དོན་རྐྱེན་དང་དེའི་ལྟག་རྒྱབ་ཀྱི་གསང་བ།．．．༨༥
འུ་ཚོས་ཀྱང་རང་ས་ནས་བསྒྲགས་གཏམ་སྤེལ་ཆོག．．．．༡༠༤
ཟིན་ཐོ་ཁར་སྒུམ་ཁེར་སྒུམ．．．．．．．．．༡༠༩
མྱ་ངན་དང་འགྱོད་གཤགས། ད་དུང་རྒོལ་གཏམ་ཁག་གཉིས།．．．．༡༢༣
སྙིང་རླུང་ལྡང་བའི་གསར་འགྱུར།．．．．．．．．．．༡༣༩
སེམས་ཀྱི་དམར་དམར་པོ་བཤད་ན།．．．．．…………．༡༤༥
མཆན་་་་་་་་་དེབ་ཆུང་འདི་ནི་ཁོ་བོ ་རང་གི་ན་ཚོད་དང་ཡོན་ཚད་ཀྱི་ངོས་ནས་བཤད་ན་འཕུད་པ་སྔ་དྲགས་པའི་ལས་ཀ་ཞིག་ཡིན་སྲིད་མོད། ནམ་རྒྱུན ་བླ་སྲོག་གི་ཕྱི་ནང་ཡོད་ཚད་ལ་ལྕག་ཚན་གྱིས་བྲབ་པའི་དམིགས་བསལ་བའི་ལོ་ཟླ་ཞིག་གི་ངོས་ནས་བཤད་ན་ཅིས་ ཀྱང་མི་བཤད་ཐུ་མེད་དུ་གྱུར་བའི་སྐད་ཆ་འབའ་ཞིག་ཏུ་ངེས་པས་ན་ཁོ་བོ་ནས་ཀྱང་སྨྲ་སྒོ་རང་ས་ནས་བསྡམས་ཏེ ་འདུག་པ་ལས་སྨྲ་བ་གྲོལ་ཏེ་སུ་ཞིག་བཅད་པ་ཡིན་ན་རིན་དོད་ཆེ་བར་འདོད་པའི་གདམ་ག་ཞིག་ལ་འཕྲེང་ཏེ་ད་ གཟོད་རང་གི་ན་ཚོད་ལས་ཀྱང་གཉོམ་ལག་མ་རྒྱས་པའི་དེབ་ཆུང་འདི་ཆེད་དུ་སྟོང་ལོ་བརྒྱད་དགུ་གཉིས་ཀྱི་སོ་མཚམས་སུ་ཁྲག་གི་ཐིགས་པ་བཞིན་གཏར་བ་ལགས་སོ། །
ཐེའུ་རང༌། སེམས་ཅན་སྡིག་རྩུབ་ཅན་ཁྱོད།
—-ཐེའུ་རང་བོར་བའི་གནས་ཚུལ་གོ་རྗེས།
མི་བུ་དག་གིས་འདི་འདྲ་ཞིག་གིས་གླེང་གིན
ཐེའུ་རང་གི་མིང་བྱང་དྲ་ངོས་སུ་དཀར་ཤོག་ཐོག་ནག་ཚ་བྱུག་པ་བཞིན་མཐོང་འོང
དོན་དུ་ཐེའུ་རང་གི་སྐེ་ལ་སུ་ཞིག་གིས་གྲི་བསྣུན་ནས་འཁྲིད་སོང
དོན་དུ་ཐེའུ་རང་གི་ལག་པར་སུ་ཞིག་གིས་ལྕགས་སྒྲོགས་སྣོན་སོང
ཨ་མའི་བུ་ཕྲུག་གི་མིང་ལ་ཐེའུ་རང་དུ་ཐོགས་པའི་སེམས་ཅན་ཞིག
གྲོག་སྡོད་ཀྱི་བྱེའུ་དང་འདྲ་བར་ཆར་རླུང་གི་འཇིག་པ་ལ་གཡོལ་དུ་སོང་ངམ
ས་འོག་གི་དགུན་ཉལ་སྲོག་ཆགས་བཞིན་རང་ཉིད་ཀྱི་ལོག་མལ་ལ་སྒོ་ལྕགས་བཏབ་པ་ཡིན
ཐེའུ་རང སེམས་ཅན་སྡིག་རྩུབ་ཅན་ཁྱོད
ཡང་སྙིང་གང་དུ་ཡོད་དམ
ཡང་སྙིང་ངའི་སྐད་བརྡའི་ཁྲོད་ཀྱི་འབོད་པ་དག་ལ་ཐོས་ཀིན་ཨེ་འདུག
ཐེའུ་རང ལྷ་ས་ནས་མིང་ལ་ཐེའུ་རང་ཟེར་བ་ཞིག་འཚོལ་ཕྱིར
སེམས་ཅན་སྡིག་རྩུབ་ཅན་ཁྱོད་ཀྱི་མིང་ནས་འབོད་མཁན་མང་པོ་ཡོད
མང་པོ་མང་པོ་ཡོད
རྒོད་རྒྱལ་གྱིས་བོད་དབུས་ནས་ ༢༠༠༩/༨/༢ཉིན།
བོད་དོན། ཕ་རིང་ནས་བཤད་ཡོང་བའི་བཤད་མ་ཚར་བའི་གཏམ་རྒྱུད་ ་་མི་རོ་རྩེ་སྒྲུང་་ ཡིན།
བོད་དོན། བུ་རིང་ནས་མགོ་བཙུགས་ཏེ་ཟིན་ཐོར་འགོད་མགོ་བརྩམས་པའི་ཚར་མི་སྲིད་པའི་གཏམ་རྒྱུད་ ་་མི་རོ་རྩེ་སྒྲུང་་ ཡིན།
བོད་དོན། རོ་དངོས་གྲུབ་ཅན་ཡིན།
བོད་དོན། བོད་དོན། བོད་དོན། བོད་དོན།
བོད་དོན། སྙན་ངག་པ་ཚོའི་སྙུག་རྩེ་ན་འོད་ལམ་ལམ་འཚེར་གྱིན་པའི་མུ་ཏིག་གི་རྡོག་པོ་ཡིན།
བོད་དོན། གླུ་བ་གླུ་མ་ཚོའི་ངག་སྒོ་ན་ལྷང་ལྷང་གྲག་བཞིན་པའི་སེམས་ཀྱི་རང་སྒྲ་ཡིན།
བོད་དོན། བོད་དོན། བོད་དོན། བོད་དོན།
བོད་དོན། ངས་བུ་ཆུང་ལ་བསླབས་པའི་སྐད་ཆ་དང་པོ་དེ་ཡིན།
བོད་དོན། ནམ་ཡང་གཞོམ་གཞིག་བྲལ་བའི་རྡོ་རྗེའི་བྲག་རི་ཡིན།
བོད་དོན། བོད་དོན། བོད་དོན། བོད་དོན།
བདེན་དོན་འཚོལ་བའི་མི་བུ་དག་གཅིག་རྗེས་གཉིས་མཐུད་དུ་བཙན་གྱིས་ཁྱེར།
རང་དོན་གྱི་ལམ་དུ་བཞུད་བཞིན་པའི་མི་ཚོ་ཁུ་སུམ་མེར།
ད་དུང་རྒྱུགས་ཁྱི་དེ་ཚོས སྒོར་དོན་དུ་སུ་ཞིག་དགྲ་ལག་ཏུ་སྤྲོད་པར་ལྐོག་འཇུས་བྱེད་བཞིན་འདུག
གངས་རིའི་མདངས་ཉམས། བོད་མའི་ཟུངས་ཟད།
ལ་ལ གངས་རི། སྦྲ་ནག མ་ཎི ཀ་ཁ མང་པོ་ཞིག་གི་ཆེད་དུ་ལྔ་ལམ་དུ་བཞུད་སོང་།
ལ་ལས སྒོར་མོ། གོ་གནས། མཚན་སྙན་གྱི་ཕྱིར་དུ་རང་མི་དགྲ་རུ་འཛིན།
ན་ནིང་གསུམ་གཅིག་བཞི་ཡི་ཁྲོད། ཏང་ལ་དད་པའི་བོད་མའི་གྲབ་འབྲས་བཟང་བོ་བླངས་བྱུང་ཟེར།
དེ་ཕྱིར སྟག་ལྤགས་གྱོན་པའི་ལས་མཁན་ཚོ ལོ་རེ་ལས་ལོ་རེ་ཇེ་མང་དུ་བཏང་།
ཐབས་འཇུས་འདི མཐུན་སྒྲིལ་གྱི་འགད་རྫས་དང་རིགས་མཐུན་བར་ལ་འཐབ་ར་ཞིག
ཕ་རོལ་བའི་རྙེད་པའི་ལམ་ཁ་གསར་པ་ཞིག
སྤུ་ནག་ཅན་དེ་ཚོ་མེད་པར་བཟོ ཁྱོད་མགོ་ནག་སྤུ་ནག་ལ་བརྟེན་དགོས་པ་དེ་བདེན་ན།
ངུར་སྨུག་ཅན་དེ་ཚོ་ཁ་མདོག་བསྒྱུར མཁར་རྫོང་དེ་འཇིག་རྗེས་འདུ་ཤེས་ཀྱི་ཆུ་མིག་སྐམ་སྲིད།
གླ་བ་ཚོ་ལ་བཟི་སྨན་ཞིག་རྒྱོབ ཤོག་སྒོར་དང་མིང་ཡོད་དོན་སྟོང་གོ་གནས་རེ་སྤྲོད་ལ་བསྟོད་གླུ་ལེན་དུ་ཆུག
མང་ཚོགས་ལ་རྣམ་གཡེང་གི་གར་སྟེགས་བསྐྲུན་དགོས འདི་ཕྱི་གླིང་བར་སྨྲ་སྒོ་ཆོད་པའི་ལག་ཆ་ཡིན་ཟེར།
༄༅། མི་འུ་ལྡོང་གི་ཁྲག་རུས་ལས་གྲུབ་རྩ་ཆེའི་རིན་ཆེན་ཕུང་པོ་འདི། །
ཇི་སྲིད་ཐལ་བའི་རྡུལ་དང་རླུང་གི་ཁམས་ལ་མ་འཐིམས་དེ་སྲིད་དུ། །
གྲངས་མེད་ཚེ་སྲོག་ཁ་བར་ཕུལ་བའི་སྔོན་གཤེགས་དཔའ་རྒོད་ངར་མ་ཚོས། །
ས་ཆེན་འདི་ཡི་རྒྱན་དུ་བསླངས་པའི་ལ་རྒྱའི་དར་ཆེན་ཅིས་མི་འཕྱར།།།།
གཞིས་ལུས་སྤུན་ཟླ་རྣམ་པས །།བཙན་རྒྱལ་རྒྱ་དམར་གཞུང་གི །སྒྱོགས་དང་མེ་མདའི་ཁ་ནས །།མེས་པོའི་ལོ་རྒྱུས་གླེང་གི ། ། ། གཞིས་ལུས་སྤུན་ཟླ་རྣམ་པས །།རང་ཡུལ་རང་བདག་རྩོད་ཅིང་ ། །རང་རིགས་སྲུང་སྐྱོབ་ཆེད་དུ ། །རང་སྲོག་འབེན་ལ་བཙུཊ་སོང་ ། ། ། ། བྱེས་འབྱོར་སྤུན་ཟླ་རྣམ་པ ། ། ཁྱོད་དང་ང་ཞེས་མ་རྩོད ། ། གཞིས་ལུས་སྤུན་ཟླས་གོ་ན ། །མེས་པོ་རྣམས་ཀྱང་ངོ་ཚ ། །
ཐེའུ་རང་གི་བརྩམས་དེབ་ཁྲག་ཡིག་ངས་ཀྱང་བཀླགས་པ་ཡིན། ཧ་ཅང་གི་གཞོན་སྐྱེས་ཤེས་ལྡན་ངོ་མའི་སྙན་ངག་པ་ཞིག་ཏུ་མཇལ། ཡིད་སེམས་གཏིང་ནས་གུས་བརྩི་ཆེན་པོ་ཡོད། རྒྱལ་ཁབ་དང་མི་རིགས་ཀྱི་དོན་དུ་བློས་བཏང་ལ་དེ་བས་ཀྱང་ཡིད་འཇོག་དང་གུས་བརྩི་་ཞུ། ཚེ་སྲོག་ལ་ཉེན་ཁ་མེད་ཁར་ཁྱེད་མགྱོགས་མྱུར་སླར་ཡང་བོད་ཀྱི་ལ་རྒྱར་ཕེབས་པའི་རེ་བ་ཡོད།
བརྩེ་བའི་བོད་རིགས་ཆོལ་གསུམ་རྣམ་པར་སྣིང་དབུས་འཚམས་འདྲི་དང་གུས་འདུད་ཞུ་བཞིན་ཡོད་ང་ཚོའི་བོད་ཆོས་ལྡན་རྒྱལ་ཁབ་འདི་ནི་དགྲ་བོ་གདུག་རྩུབ་ཅན་རྒྱ་དམར་གྱིས་དྲག་པོའི་སྟོབས་ཀྱིས་བཙན་འཕྲོག་བྱས་པའི་སྐྱོ་གར་ནི་རང་རེ་རྒན་གཞོན་བློ་ངེས་རེད་ལ་ང་རང་ནས་དེ་བས་ཀྱང་དྲན་གསོས་པོ་འདུག་དེར་རྟེན་ང་ཚོ་ཆོལ་གསུམ་མཐུན་སྒྲིལ་རྡོག་རྩ་གཅིག་ཏུ་བྱས་ནས་བརྩན་རྒོལ་བོད་སྐྱོབ་ཀྱི་ལས་འགུལ་འཆར་གཞི་དང་གོ་རིམ་ལྡན་ལ་སྒྲིག་འཛུགས་ཡོད་པ་དང་ང་ཚོའི་སྤྱི་ཚོགས་ནང་ལུག་ཁྱུའི་ཁྲོད་དུ་སྤྱང་ཀི་གཡོ་སྒྱུ་ཅན་ཡོད་སྟབས་དེ་དག་གི་གཡོ་འོག་ཏུ་མི་འགྲོ་བ་དང་སྤྱང་གྲུང་འཛོམས་པོ་གནང་རྒྱུར་ཡིན་གཅིག་མིན་གཅིག་ཚང་མས་ཐུགས་སྣང་ཆེ་ཙམ་ཡོད་པ་ཞུ་བརྩན་རྒོལ་བོད་སྐྱོབ་ཀྱི་དོན་ཆེན་འགྲུབ་སྐབས་ཐོག་མར་ང་ཚོའི་དགྲ་བོ་ངོ་མ་རྒྱུས་ལོང་བ་དང་གནས་ཚུལ་ཞིབ་ཕྲ་ཤེས་པ་བྱ་རྒྱུ་ཧ་ཅང་གལ་འགངས་ཆེན་པོ་རེད་དེ་མིན་བོད་པ་ནང་ཁུལ་མིག་ཆེན་པོ་བལྟས་ནས་འདི་མི་འགྲིག་ཕ་ཡི་མི་འགྲིག་པའི་གླེང་རེས་བྱས་ནས་དུས་ཚོད་ཆུད་ཟོས་སུ་མི་འགྲོ་མཁྱེན་ཞུ་༄གོང་ས་ཆེན་པོ་མཆོག་གིས་རིང་མིན་སྐུ་དབང་ཡོད་ཚད་མི་མང་གིས་གསར་བསྐོ་གནང་བའི་བཀའ་ཁྲི་དང་ཁྲིམས་ཞིབ་ཁང་སྤྱི་འཐུས་ཚོགས་གཙོ་བཅས་ལ་གནང་རྒྱུ་རེད་མི་མང་གིས་རྨང་གཙོའི་ཁེ་དབང་ལ་འབྲས་བུ་བཟང་པོ་འཐོབ་པ་ཤོག་།།
བླ་ན་མེད་པའི་གུས་བཏུད་ཡོད།་དཔའ་རྒོད་ལགས།
ཐེའུ་རང་གི་རྩམ་པའི་ཁྲག་ཡིག་ཞེས་པའི་དེབ་དེ་ངས་ཀྱང་བཀླགས་མྱོང་ལ་མ་ཚད་ཁོང་གིས་བྲིས་པའི་རྩོམ་དག་ཡོངས་རྫོགས་བོད་དོན་ཀྱི་ཆེད་དུ་མ་ཡིན་ནམ། ང་ནི་རྩོམ་པ་པོ་ཐེའུ་རང་ངམ་བཀྲ་ཤིས་རབ་བརྟན་ལགས་ནི་ངའི་ཁོག་པའི་སྙིང་ཡིན་ལ་ལྟ་བའི་མིག་ཀྱང་ཡིན་པ་ལྟ་ཅི། སྤྱིར་ན་ང་སྙན་ངག་ལ་དགའ་བའི་མི་བུ་ཞིག་ཡིན་ལ། སྙན་ངག་ནི་ངའི་མི་ཚེ་ལམ་བུ་ཡིན་ལ། སྙན་ངག་མེད་ན་ང་འཇིག་རྟེན་འདིར་མེད་པ་གཅིག་མཚུངས་ཡིན།