རེ་མདོ་སེངྒེ་།
 
(འདི་ལོའི་ཟླ་བ་བརྒྱད་པའི་ཚེས་ཤར་ལ་བོད་ཀྱི་སྲིད་བྱུས་ཉམས་ཞིབ་ཁང་དང་ཏཱ་ལའི་བླ་མ་མཐོ་སློབ་གཉིས་མཉམ་འབྲེལ་གྱིས་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་བོད་ཀྱི་ན་གཞོན་ཉམས་ཞིབ་པའི་བགྲོ་གླེང་ཚོགས་འདུ་ཐེངས་ལྔ་པ་བསྐུང་ཚོགས་གནང། སྐབས་དེར་ཕྲན་ལ་མགྲོན་འབོད་བྱུང་བ་བཞིན་གཏམ་བཤད་དུ་ཕྱིན། དེར་ན་གཞོན་སློབ་གཉེར་པ་གང་འཚམས་འདུག་པས་དཔྱད་ཞིབ་ཡོང་བའི་དོན་དུ་གཤམ་གྱི་དོགས་པའི་གཞི་འདི་བསླངས་ཏེ་གཏམ་བཤད་མདོར་བསྡུས་ཤིག་བྱས་པ་འདིར་ཡང་དོགས་སློང་གི་ཚུལ་དུ་བཀོད་ཡོད།)

Read More “དབྱིན་ཇིའི་སྐད་ཡིག་དང་དེང་རབས་ཀྱི་སློབ་གསོའི་ནང་དོན་ཅན་གྱི་སློབ་གྲྭ་ཁག་བོད་དུ་རྒྱུན་གནས་མ་ཐུབ་པའི་རྒྱུ་རྐྱེན་འཚོལ་ཞིབ།” »

ཨ་འཇམ།

ནང་དོན་མདོར་བསྡུས། བོད་ཀྱི་གནའ་བོའི་བསྟན་བཅོས་སུ་གྱེར་ཞེས་པའི་ངོས་འཛིན་དང་བརྡ་སྤྲོད་ཀྱི་གཞུང་དུ་གདངས་ལ་སྔ་གང་ཞིག་བྱུང་བ། དེ་ལྟར་སྔར་གྱི་བསྟན་བཅོས་སུ་གྱེར་བའི་སྣང་ཚུལ་མང་དུ་བྱུང་བའི་དཔེར་མཚོན་བཅས་བཀོད་དེ། བོད་རང་གི་སྐད་གདངས་དང་མཐུན་པར་གྱེར་འདོན་གྱི་ལས་རིགས་ལ་གཞོལ་དགོས་ཚུལ་བསྟན་པའོ།།

གནད་ཚིག གྱེར། ཨ། གདངས། དབྱངས།

བོད་ཁམས་ཀྱི་ས་བབ་ཆགས་ཚུལ་ནི་ཡུལ་གྲུ་གཞན་དང་མི་འདྲ་བས། མིའི་འཚོ་གནས་ཀྱི་མཁའ་དབུགས་ཉེན་ཁའི་རང་བཞིན་དུ་བརྗོད་ནའང་།

Read More “བོད་ཀྱི་གནའ་བོའི་སྙན་ངག་གྱེར་འདོན་སྐོར་ཅུང་ཟད་གླེང་བ།” »

འབྲིང་བ་འཇིགས་མེད་ཀྱིས།

༄༅།། མཁས་དབང་མང་ལ་མཁས་པ་དཀོན་ཞེས་པའི་འགལ་འདུ་ཅན་གྱི་ཚིག་འདི་ནི་ད་ལྟའི་བཙན་བྱོལ་བོད་མིའི་སྤྱི་ཚོགས་ཁྲོད་ཤེས་ཡོན་དང་འབྲེལ་བའི་སྐོར་གླེང་སྐབས་རྗོད་བཞིན་པའི་ཚིག་ཅིག་ཡིན་ཞིང་། འདིས་ནི་སྤྱི་ཚོགས་འདིའི་ནང་ད་སྐབས་མཁས་དབང་ཞེས་འབོད་བཞིན་པ་མང་ནའང་ཞིབ་ཏུ་གཟིགས་ཚེ་མཁས་དབང་ཕར་ཞོག་མཁས་པའང་ཤིན་ཏུ་དཀོན་པའི་གནས་སྟངས་ཤིག་ཆགས་ཡོད་པ་དེ་གསལ་སྟོན་བྱེད་བཞིན་ཡོད། དུས་རབས་གསར་པའི་ནང་བོད་ཕྱི་ནང་གཉིས་ཀར་སྔ་མོའི་དུས་སྐབས་ལྟ་བུའི་མཁས་པ་ཚད་ལྡན་འབྱོན་ཐུབ་ཀྱི་མེད་ཚུལ་ཡོངས་གྲགས་སུ་གསུང་བཞིན་པ་ལྟར་དེའི་རྒྱུ་རྐྱེན་ཅི་ཡིན་སྐོར་བགྲོ་གླེང་བྱེད་རྒྱུ་གལ་ཆེ་ནའང་འདིར་དེའི་སྐོར་རེ་ཞིག་བཞག་ནས། བཙན་བྱོལ་ནང་གི་མཁས་དབང་མང་ལ་མཁས་པ་དཀོན་པའི་གནས་སྟངས་འདིའི་ངོ་ཐོག་གི་སྐྱོན་གནད་ཙམ་གླེང་བར་བྱ།

Read More “མཁས་དབང་མང་ལ་མཁས་པ་དཀོན།” »

སྐྱོ་བྲག་དགའ་དབང་།
 
བོད་ཀྱི་མཁས་པ་དག་གིས། དགེ་རྩ་བྱང་ཆུབ་ཆེན་པོར་བསྔོས་པའི་ཕན་ཡོན་དུ་དྲངས་པའི་ལུང་ནི།
ཇི་ལྟར་ཆུ་ཐིགས་རྒྱ་མཚོ་ཆེར་ལྷུང་བ། །
རྒྱ་མཚོ་མ་སྐམས་བར་དུ་དེ་མི་འཛད། །
དེ་བཞིན་བྱང་ཆུབ་རྒྱུར་བསྔོས་དགེ་བ་ཡང་། །
བྱང་ཆུབ་མ་ཐོབ་བར་དུ་དེ་མི་འཛད། །
ཅེས་པ་འདི་ཡིན་ནོ། །
ལུང་འདིའི་ཁུངས་གང་ཡིན་ཐད་ལ། རྗེ་ཙོང་ཁ་པས། མདོ་ལས། ཞེས་སྤྱི་ཙམ་དུ་བཤད་ཅིང་།

Read More “བསྔོ་བའི་ཕན་ཡོན་གྱི་ལུང་། ” »

ཙ་རྐང་དྲུག་གིས།
 

སྔོན་དུ་གླེང་བའི་གཏམ།

སྤྱིར་ཁ་ཤགས་སྒྱུ་རྩལ་གྱི་ལོ་རྒྱུས་འཕེལ་རིམ་ལ་ཞིབ་ཏུ་རྟོགས་དགོས་ཚེ། འཛམ་གླིང་ཤར་ནུབ་ཀུན་གྱི་ཁ་ཤགས་སྒྱུ་རྩལ་ལ་ཞིབ་འཇུག་རྣལ་མ་ཞིག་མ་བྱས་ན་རྟོགས་ཐབས་བྲལ་མོད། སྒྱུ་རྩལ་གྱི་སྙིང་བཅུད་བསྡུ་ལེན་བྱས་ཏེ་མི་རིགས་ཀྱི་རིག་གནས་ཡར་རྒྱས་སུ་གཏོང་དགོས་ཚེ། ང་ཚོས་ངེས་པར་སྒྱུ་རྩལ་གྱི་ཕྱོགས་ཡོངས་ནས་འཐུས་ཚང་དུ་གཏོང་དགོས་ཡོད། མ་གཞི་ནས་ང་ཚོར་སྒྱུ་རྩལ་གཞུང་ལུགས་ཀྱི་མ་རྩ་སྟོང་བས་སྒྱུ་རྩལ་གྱི་ཤེས་རྟོག་དང་སྒྱུ་རྩལ་གྱི་མཛེས་འཛིན་བལྟ་སྟངས། སྒྱུ་རྩལ་གྱི་བསམ་བློའི་གོ་རྟོགས། སྒྱུ་རྩལ་གྱི་ངོ་བོ། སྒྱུ་རྩལ་གྱི་ཁྱད་ཆོས། སྒྱུ་རྩལ་གྱི་ཉམས་སོགས་གོ་བདེ་བོ་ཞིག་གི་སྟེང་ནས་ར་འཕྲོད་རྒྱུ་ནི་ཅུང་ཙམ་དཀའ་མོ་ཞིག་ཏུ་སྣང་མོད།

Read More “བོད་ཀྱི་ཁ་ཤགས་སྒྱུ་རྩལ་གྱི་བྱུང་རིམ་ལ་རགས་ཙམ་དཔྱད་པ།” »

ཡོང་ཁུངས། བོད་མིའི་སྒྲིག་འཛུགས་དྲ་བ།
 
༄༅། །ཉེ་ཆར་རྒྱ་ནག་གཞུང་གིས་བོད་དང་ཡུ་གུར་ས་གནས་སུ་དམ་བསྒྲགས་ཧ་ཅང་བྱས་པ་དང་།  ཧོང་ཀོང་ནང་མི་མང་གིས་སྲིད་གཞུང་ལ་ངོ་རྒོལ་རྔམ་སྟོན་ཤུགས་ཆེ་བྱས་རྐྱེན་རྒྱལ་སྤྱིའི་སྤྱི་ཚོགས་ཀྱིས་སེམས་འཚབ་ཧ་ཅང་བྱེད་བཞིན་དུ་རྒྱ་ནག་གཞུང་གིས་དེར་སྣང་བ་ཙམ་ཡང་མ་བཏང་བར།  ཕྱི་ལོ་ ༢༠༡༩ ཟླ་ ༧ ནང་རྒྱ་གར་ནས་གསར་འགོད་པ་ཁག་གཅིག་ཆེད་མངགས་མགྲོན་འབོད་བྱས་འདུག  གསར་འགོད་པ་ཚོར་ཏཱ་ལའི་བླ་མའི་ཡང་སྲིད་ཀྱི་གནད་དོན་དང་།  ཨ་རུ་ནཱ་ཅལ་ས་ཁུལ་གྱི་བདག་དབང་གི་གནད་དོན་ཐད་རྒྱ་གར་གཞུང་གིས་ཐེ་བྱུས་བྱས་ཚེ་འགྲིག་ཐབས་རྩ་བ་ནས་མེད་པའི་སྡིགས་སྐུལ་བྱས་འདུག  ལྷག་པར་༸གོང་ས་ཏཱ་ལའི་བླ་མ་སྐུ་ཕྲེང་ ༡༤ སྐུའི་ཡང་སྲིད་ཀྱི་གནད་དོན་ཐག་གཅོད་བྱ་རྒྱུའི་ཐོབ་ཐང་དེ་རྒྱ་ནག་གཞུང་ཁོ་ནར་མ་གཏོགས་གཞན་སུ་གང་ལའང་མེད་ཚུལ་དང་།

Read More “ཆོས་མེད་སྨྲ་བ་རྒྱ་ནག་གུང་བྲན་ཏང་གིས་༸གོང་ས་ཏཱ་ལའི་བླ་མའི་ཡང་སྲིད་ཐག་གཅོད་བྱ་རྒྱུ་ཡིན་ཟེར་བ་ནི་བསམ་ཡུལ་ལས་འདས་པའི་ཧམ་བཤད་ཁོ་ན་ཡིན།” »

རྩོམ་པ་པོ། ཚངས་དབང་དགེ་འདུན་བསྟན་པ།

ཐོག་མའི་གླེང་གཞི།

བརྟག་ཐབས་ཀྱི་ལས་ལ་བསྙེག་པ་ནི་ཚན་རིག་གི་འཇུག་སྒོ་ལྟ་བུ་ཡིན་པས་སྔོན་བྱོན་མཁས་པ་ཚོས་ཀྱང་བརྟག་ཐབས་ཀྱི་ལས་རིགས་འདི་ལ་ཧ་ཅང་གིས་དོ་སྣང་དང་གདེང་འཇོག་མཐོན་པོ་བྱས་ཏེ་འདིའི་སྐོར་གྱི་གཞུང་ལུགས་འདྲ་མིན་མང་

Read More “གཟི་ལམ་རིག་གནས་ལས་གཟི་བརྟག་ཐབས་ཀྱི་སྐོར་བཤད་པ།” »

རྒྱལ་རོང་ཁྲོ་སྐྱབས་བསྐལ་བཟང་གཡུང་དྲུང་།

སྤྱིར་གནའ་མཁར་ནི་རྒྱལ་རོང་ཡུལ་མིའི་ལག་རྩལ་དང་རྣམ་དཔྱོད་ལས་ཐོན་པའི་ཐུན་མིན་གྱི་ཁྱད་ཆོས་སམ་སྒྱུ་རྩལ་རང་བཞིན་ཅན་གྱི་བོད་ཀྱི་གནའ་བོའི་ཤེས་རིག་དང་འབྲེལ་བའི་རིག་གཞུང་གི་གྲུབ་ཆ་ཞི་ཡིན་མོད། དེའི་ཕྱིར་ངས་འདིར་གནའ་མཁར་གྱི་སྐོར་ལ་རྣམ་གྲངས་སམ་སྡེ་ཚན་གསུམ་གྱི་སྒོ་ནས་མདོ་ཙམ་གླེང་བར་བྱའོ།།

༡༽མཁར་གྱི་བྱུང་རིམ།
༢༽མཁར་གྱི་ཟུར་

Read More “ཤར་རྒྱལ་མོ་ཚ་བ་རོང་གི་གནའ་མཁར་ལས་འཕྲོ་པའི་གཏམ།” »

སྟོབས་རྒྱལ་ཚེ་རིང་།

གཤམ་གྱི་རྩོམ་ཡིག་འདིའི་ནང་། བཀའ་བློན་གསར་འདེམས་ལ་འོས་ཤོག་གི་བརྒྱ་ཆ་ལོན་མེད་པར་ངོས་འཛིན་ཐག་གཅོད་དང་འབྲེལ་བའི་ཁྲིམས་ཞིབ་ཁང་གི་ལྟ་སྟངས་དང་། བརྒྱ་ཆ་ལོན་ཡོད་པར་ངོས་འཛིན་དང་འབྲེལ་བའི་སྤྱི་འཐུས་ཚོགས་གཙོའི་སྐད་ཆ་གཉིས་གཤིབ་བསྡུར་བྱས་ཡོད། རྫུན་རྐུབ་བརྟོལ་སྟངས། ཁྲིམས་ལོག་འགྲེལ་བྱེད་སྟངས། ཁྲིམས་འགལ་བྱེད་སྟངས། ད་ག་རེ་བྱེད་ཀྱི་རེད་བཅས་ཚན་པ་བཞིར་བསྡུས་ནས་ལྟ་བདེ་གོ་བ་ལེན་བདེར་བྱས་ཡོད།

རྫུན་རྐུབ་བརྟོལ་སྟངས།

ཆེས་མཐོའི་ཁྲིམས་ཞིབ་ཁང་གིས་བཀའ་བློན་འདེམས་ཐོན་རྩིས་མེད་

Read More “ཚོགས་གཙོས་རྫུན་བཤད། འགྲེལ་ལོག་བྱས། ཁྲིམས་འགལ་བྱས་ཡོད་ན། ད་ག་རེ་བྱེད་ཀྱི་རེད།” »

རྔ་བ་ཀུན་བཟང་།
 
{ ནང་དོན་གནད་བསྡུས } བོད་གངས་ཅན་ལྗོངས་སུ་དུས་རབས་བརྒྱད་པའི་སྐབས་སུ་ནས་ནང་བསྟན་ཆོས་ལུགས་དར་སྤེལ་བྱུང་བ་དང་ཆབས་ཅིག།། རིགས་གནས་ཆེ་ཆུང་བཅུ་ཙམ་རིམ་གྱི་གོང་འཕེལ་བྱུང་། དེ་ནས་བཟུང་རིག་གནས་དེ་དག་གི་ཐོག་ལ་ཆེད་ལས་མཁན་ཅན་བརྒྱ་ཕྲག་མང་པོ་གསོ་སྐྱོང་གནང་ཡོད། འོན་ཀྱང་། ཚན་རིག་ཤེས་ཡོན་གྱི་ཚུ་ཚད་དང་དེང་རབས་འཛམ་གླིང་འཕེལ་རྒྱལ་སོགས་ཀྱི་མྱུར་ཚད་ལ་དཔྱད་ནས་བསྡུར་ན་ཡང་ཧ་ཅང་རྗེས་ལུས་ཐེབས་པའི་གྲས་སུ་བསྡད་ཡོད་པ་དང་།

Read More “སྤྱི་ཚོགས་ཀྱི་དགོས་མཁོ་དང་འཚམས་པའི་སྐད་རིགས་འདྲ་མེད་ཐོག་ཚད་ལྡན་གྱི་ན་གཞོན་ལོ་ཙྭ་བ་སྐྱེད་སྲིད་བྱེད་ཐབས།” »

བསེ་ཀུན་དགའ་མཆོག་སྐྱབས་ཀྱིས་བརྩམས།
 
རྟག་བརྟན་ཐེར་ཟུག་མི་འགྱུར་དམ་པའི་བདག །
ཡེ་གྲུབ་ཤེས་རབ་ཡེ་ཤེས་མེ་འོད་གསལ། །
ཟུང་འཇུག་རྒྱལ་ཀུན་གཅིག་ཏུ་ཟླུམ་པའི་འཕྲུལ། །
བརྟན་པའི་འཁོར་ལོས་ཤེས་རབ་སྣང་བ་སྩོལ།།

མ་རིག་རྒུད་པའི་སྨག་ཆེན་མཐའ་རུ་སྤྱུགས། །
འོད་གསལ་སྣང་བའི་མཁྱེན་རབ་ཅི་ཡང་རྒྱས། །

Read More “སློབ་དཔོན་དབྱིག་གཉེན་གྱིས་ཡུམ་གསུམ་གནོད་འཇོམས་བརྩམས་མིན་ལ་དཔྱད་པ་ཚུལ་གཉིས་རབ་གསལ། 
” »

སྙན་བཟང་གཡུང་དྲུང་ཚེ་རིང་།
ཚལ་པ་ཀུན་དགའ་རྡོ་རྗེས་(1309-1365)བརྩམས་ཤིང་དུང་དཀར་བློ་བཟང་འཕྲིན་ལས་(1927-1997)མཆོག་གིས་མཆན་འགྲེལ་བཀོད་པའི«དེབ་ཐེར་དམར་པོ»རུ་དཔལ་ཆེན་རྒྭ་ལོའི་སྐོར་ལ‘‘དཔལ་ཆེན་རྒ་ལོ། (རྒ་ལོ་ཙཱ་བ་གཞོན་ནུ་དཔལ) གུང་ཐང་བླ་མ་ཞང་དང་དུས་མཉམ་པ་ཁོང་གི་རྣམ་ཐར་ལས་བཤད། འཁྲུངས་ཡུལ་ཁམས་ལྡན་མ་ནས་ཡིན ། ལོ་རྒྱས་རྒྱས་པ། ཇོ་ནང་པ་ཏཱ་ར་ནཱ་ཐས་མཛད་པའི«གཤིན་རྗེ་གཤེད་ཀྱི་ཆོས་འབྱུང»དང་། «ཆོས་འབྱུང་མཁས་པའི་དགའ་སྟོན»ལེ་ཚན(ཏ)པའི་གྲངས་ 12 བ 1—7 བར་གསལ།’’།[1]ཞེས་མཆན་བུ་ཞིག་བྲིས་འདུག «དུང་དཀར་ཚིག་མཛོད་ཆེན་མོ»རུའང་གོང་གི་དཔལ་ཆེན་རྒྭ་ལོའི་སྐོར་གྱི་མཆན་བུ་ཇི་བཞིན་བཤུས་པ་མཐོང་བས། «གཤིན་རྗེ་གཤེད་ཀྱི་ཆོས་འབྱུང»ཞེས་པ་ཞིག་མ་རྙེད་མོད། ཇོ་ནང་ཏཱ་ར་ནཱ་ཐའི་གསུང་འབུམ་ཁྲོད་དུ«རྒྱུད་རྒྱལ་གཤིན་རྗེ་གཤེད་ཀྱི་ཆོས་འབྱུང་རྒྱས་པ་ཡིད་ཆེས་ངོ་མཚར་བཞུགས»ཞེས་པ་ཞིག་བཞུགས་པ་བཀླགས་ནས་དཔལ་ཆེན་རྒྭ་ལོའི་སྐོར་བཙལ་སྐབས།

Read More “རྒྭ་ལོ་གཞོན་ནུ་དཔལ་དང་། ཁམས་པ་སྒ་ལོ། རོང་པ་རྒྭ་ལོ་གསུམ་ལས་འཕྲོས་པའི་ཟིན་བྲིས།” »

རོང་པོ་བློ་བཟང་བསྟན་འཛིན།
 
དུས་རབས་བཅུ་གསུམ་པའི་སྐབས་བོད་ལ་གནམ་གྱིས་ས་བཀབ་པ་ལྟ་བུའི་མཁས་པ་བརྒྱ་ཕྲག་མང་པོ་བྱུང་བའི་ཁྲོད་དུ། གཏམ་འདི་འདྲ་ཞིག་ཁྱབ་ཡོད་དེ།  “མ་རིག་ན་བུ་ལ་དྲིས།། མ་ཤེས་ན་རྗེ་ལ་དྲིས།། “ ཞེས་རྒྱལ་བའི་བཀའ་བསྟན་གྱི་གཞུང་ཆེན་པོ་དག་གི་དཀའ་གནད་ཐག་མ་ཆོད་པ་དག་རྗེ་རིན་པོ་ཆེ་ལ་འདྲི་དགོས་ཞེས་ཧ་ཅང་ཚད་མཐོའི་གདེང་འཇོག་བྱེད་ཡུལ་གནས་བརྟན་འདུལ་བ་འཛིན་པ་ཆེན་པོ་གང་དེས་ལེགས་བཤད་གསེར་གྱི་འཕྲེང་བ་ཞེས་བྱ་བའི་བསྟན་བཅོས་བརྩམས་གནང་མཛད་པ་ནི་ཉི་ཤར་སྤར་མོས་ཁེབས་པ་གཏན་མ་ཡིན་ཡང་།      

Read More “རྗེའི་ལེགས་བཤད་གསེར་ཕྲེང་དང་འབྲེལ་བའི་གཏམ་ཉུང་ངུ་།    ” »

ཀླུ་སྨྱོན་ཧེ་རུ་ཀ

གཉིས་པ།

ལོ་ཤས་སྔོན་ནས་དྲ་ལམ་རིག་གནས་ཀྱི་འཁོར་རྒྱུགས་ཇེ་མགྱོགས་སུ་ཕྱིན་པ་དང་བསྟུན་ཏེ་བོད་ཀྱི་རྩོམ་རིག་སྤྱི་དང་ཁྱད་པར་དུ་སྙན་ངག་རིག་པའི་ཕྱོགས་སུ་སྣང་མེད་དུ་གཏོང་མི་ཐུབ་པའི་དོན་དག་མང་པོ་ཞིག་བྱུང་དང་འབྱུང་བཞིན་འདུག གཅིག་ནི་གལ་སྲིད་བོད་ཀྱི་སྙན་ངག་པ་ཞིག་གིས་སྙན་ངག་ཅིག་བྲིས་ཏེ་དྲ་ལམ་དུ་བཞག་མ་ཐག་སྐད་ཅིག་དེ་ཉིད་ལ་སྙན་ངག་དེས་ཤར་ནུབ་འཛམ་གླིང་ལ་དཀྲིས་བརྒྱབ་ནས་འགྲོ་བཞག་པ་དེ་རེད།

Read More “ཁ་གྱའི་ཁྱུང་སྔོན་གྱི་རྔུལ་ཆུ་དང་ཚངས་སྲས་བུམ་པ་རྟགས་མའི་སྙན་ངག་འགྲན་བསྡུར་གླེང་བ།” »

རེ་མདོ་སེངྒེ་།
 
༄༅།།བི་ཀྲ་མ་ལ་ཤཱི་ལ་ཞེས་པ་ནི་བོད་སྐད་དུ་ཚུལ་ཁྲིམས་ཀྱི་དྲི་ངད་ལྡང་བ་ཞེས་པའི་དོན་ཡིན་པ་དབྱངས་ཅན་དགའ་བློས་གསུངས་ཤིང། མཁྱེན་བརྩེ་ལོ་ཙཱ་བས། བི་ཀྲ་མ་ཤཱི་ལ་ཞེས་པ་རྣམ་པར་གནོན་པའི་ངང་ཚུལ་དུ་བསྒྱུར་དགོས་པ་ཡང་ གསུངས། དགོན་གནས་འདི་ཐོག་མར་པཱ་ལའི་རྒྱལ་རྒྱུད་ཀྱི་ཆོས་རྒྱལ་ངྷརྨ་པཱ་ལའི་སྐུ་དུས་སུ་བཞེངས་པ་ཞིག་ཡིན་ལ། རྒྱལ་པོ་འདིས་རྒྱལ་སྲིད་ལོ་དྲུག་ཅུ་རྩ་བཞིར་བསྐྱངས་པའི་རིང་ཀཱ་མ་རཱུ་པ་དང། ཏི་རཱ་ཧུ་ཏི་དང། གཽ་ཌ་ལ་སོགས་པ་ཡང་དབང་དུ་བསྡུས་པས་མངའ་ཐང་ཤར་དུ་རྒྱ་མཚོ་ལ་ཐུག་པའི་བར་དང། ནུབ་ཏུ་ཌི་ལི་ཚུན་ཆད། བྱང་དུ་ཛཱ་ལན་ངྷ་ར་མན་ཆད། ལྷོ་འབིགས་བྱེད་ཀྱི་ཁོངས་ཚུན་ཆད་ལ་དབང་བསྒྱུར་བས་མངའ་ཐང་ཤིན་ཏུ་ཆེ་བའི་རྒྱལ་པོ་སྙན་གྲགས་ཅན་ཞིག་ཡིན། ཆོས་རྒྱལ་ངྷརྨ་པཱ་ལས་སློབ་དཔོན་སེངྒེ་བཟང་པོ་དང།

Read More “བི་ཀྲ་མ་ལ་ཤཱི་ལའི་གཙུག་ལག་ཁང།” »

རེ་མདོ་སེངྒེ་།
 
༄༅།། ཨོ་ཏནྟ་པུ་རི་ཞེས་པ་ནི་བོད་སྐད་དུ་འཕུར་བྱེད་ཀྱི་གྲོང་ཁྱེར་ཡིན་པ་དབྱངས་ཅན་དགའ་བློས་གསུངས་པས། དགོན་པ་དང་འདམས་འབྲེལ་དུ་ཡོད་པའི་གྲོང་ཁྱེར་དེ་ནི་འཕུར་བྱེད་ཀྱི་གྲོང་ཁྱེར་ཞེས་པ་ཡིན་ནམ་སྙམ་པ་ཞིག་རང་བཞིན་གྱིས་བྱུང། སྤྱིར་དགོན་གནས་འདི་ཕྱི་ལོ་དུས་རབས་བརྒྱད་པ་སྟེ་སློབ་དཔོན་སེང་བཟང་གི་སྦྱིན་བདག་ཆོས་རྒྱལ་ངྷརྨ་པ་ལའི་རྒྱལ་རབས་གཅིག་ཙམ་གྱི་སྔོན་དུ་བཞེངས་པར་གྲགས་པས།

Read More “ཨོ་ཏནྟ་པཱུ་རིའི་གཙུག་ལག་ཁང།” »

བསྟན་འཛིན།

དུས་རབས་འདིར། བོད་ལ་ཉེན་ཁ་ཆེ་ཤོས་དེ་བོད་སྐད་འཇིགས་ནས། རྒྱ་སྐད་དང་དབྱིན་སྐད་དེ་དག་བོད་པ་མང་ཆེ་བའི་བཀོལ་སྤྱོད་སྐད་ཡིག་ལ་འགྱུར་འགྲོ་བཞིན་ཡོད། དེ་ལྟར་ཕྱིའི་རྐྱེན་མང་པོ་ཞིག་གིས་སྐད་ཡིག་ཉམས་པའི་རྒྱུ་བྱེད་པ་བདེན་མོད།  འོན་ཀྱང་ནང་གི་རྐྱེན་དུ་མ་ཞིག་ལ་ང་ཚོས་ནམ་ཡང་གདོང་ལེན་བྱེད་ཐུབ་མེད།

Read More “བོད་ཀྱི་སྤྱི་སྐད་དང་ཡུལ་སྐད་ཤི་ན་མཉམ་ཤི། གསོན་ན་མཉམ་གསོན་ཐོག་དུར་ཁྲོད་ལ་འགྲོ་མཁན་རེད་འདུག” »

འབྲིང་བ་འཇིགས་མེད་ཀྱིས།
 
༄༅། །སྤྱིར་ཟློས་གར་གྱི་རིག་གནས་ནི། སྙན་ངག་མེ་ལོང་ལས། གང་ཡང་མཚམས་སྦྱོར་ཡན་ལག་དང་། །འཇུག་པའི་ཡན་ལག་མཚན་ཉིད་སོགས། །ལུང་གཞན་དག་ཏུ་བརྗོད་འདི་ཡང་། །རྒྱན་ཉིད་དུ་ནི་བདག་ཅག་འདོད། །ཅེས་གསུངས་པ་ལྟར་སྙན་ངག་གི་ཁོངས་སུའང་གཏོགས་མོད་ཀྱི། འོན་ཀྱང་ཟློས་གར་གྱི་རིགས་པའི་གཞུང་ལུགས་དང་། ཟློས་གར་གྱི་འཁྲབ་གཞུང་། དེ་ལྟ་བུའི་ཟློས་གར་གྱི་རིག་པ་ཇི་ལྟར་བྱུང་བའི་ལོ་རྒྱུས་བཅས་ཆ་ལག་ཡོངས་སུ་ཚང་བའི་རིག་གནས་རང་རྐང་བ་ཞིག་ཡིན་པས། རིག་གནས་ཆུང་བ་ལྔའི་ཡ་གྱལ་དུ་གྲགས་ཤིང་གྲུབ།

Read More “བོད་ཀྱི་ཟློས་གར་རིག་གནས་སྐོར་གྱི་སྤྱི་བཤད།” »

འབྲིང་བ་འཇིགས་མེད་ཀྱིས།
 
༄༅།། སྙན་ངག་མེ་ལོང་བོད་དུ་འགྱུར་བ་ནས་བཟུང་དེ་ཉིད་བོད་ཀྱི་སྙན་ངག་གི་སློབ་དེབ་གཙོ་བོར་གྱུར་ཅིང་། དེ་ལ་བོད་ཀྱི་མཁས་པ་དག་གིས་འགྲེལ་པ་དང་། བསྡུས་དོན། སྤྱི་དོན། ཟིན་བྲིས། སྡོམ་ཚིག དོགས་གཅོད། དཔེར་བརྗོད་སོགས་མཛད་པ་ཤིན་ཏུ་མང་། མཁས་པ་སོ་སོའི་རྣམ་དཔྱོད་ཀྱི་རྩལ་མི་འདྲ་བ་ལས་ཐོན་པའི་འགྲེལ་ཚུལ་མི་འདྲ་བའང་མང་། སྙན་ངག་མེ་ལོང་སློབ་ཁྲིད་བྱེད་མཁན་དང་ཡང་ན་སྙན་ངག་མེ་ལོང་ལ་སློབ་སྦྱོང་བྱེད་མཁན་དང་ཞིབ་འཇུག་བྱེད་མཁན་ཞིག་ཡིན་ཚེ། སྙན་ངག་མེ་ལོང་གི་རྩ་ཚིག་སོ་སོའི་ཐད་ཀྱི་མཁས་པའི་འགྲེལ་ཚུལ་མི་འདྲ་བ་རྣམས་ཁོང་དུ་ཆུད་པའི་ཐབས་ལ་འབད་དགོས་པ་ཤིན་ཏུ་གལ་ཆེ།

Read More “སྙན་ངག་གི་བཞེད་མཚམས་སྐོར་གྱི་སྤྱི་བཤད།” »